کوردستان
ئاشكراشیدەكات، پەلامارەكانی داعش بەشێكن لە سیاسەتی بەردەوامی گۆڕینی ناوچە دابڕێنراوەكان و ناچاركردنی دانیشتوانەكانی بۆ ئەوەی شوێنەكانیان چۆڵ بكەن.
لە كۆبوونەوەی ئەنجومەنی وەزیرانی هەرێم جەخت كرایەوە لە بەردەوامی پەیوەندییەكان لەگەڵ حكومەتی فیدڕاڵی بۆ فراوانكردنی هەماهەنگیی بۆ پڕكردنەوەی بۆشایی ئەمنی لە ناوچە دابڕاوەكان و دابینكردنی پێداویستییەكانی پێشمەرگە، هاوكات ئەنجومەنی وەزیرانی بە كۆی دەنگ، هەر دوو پڕۆژە یاسای (پەروەردە و فێركاری لە هەرێمی كوردستان)، كە ئامانج لێی رێكخستنی هەموو بوارە پەروەردەیی و فێركارییەكانە لەسەر بنەمای سەردەمیانە، لەگەڵ پڕۆژە یاسای (هەمواری یەكەمی یاسای وەزارەتی كارەبا)، كە ئامانج لێی باشتر رێكخستنەوەی هەیكەلیەتی وەزارەتەیە، پەسەند كرد .
بڕیارە سبەینێ ڕووفاتی ٤١ ئێزدی لە بەغدادەوە بە فڕۆکە بھێنرێنەوە بۆ موسڵ و دواتریش دەبرێنەوە بۆ شەنگال و لە ڕێوڕەسمێکی شایستەدا لەسەر شێوازی ئایینی ئێزدییەکان لە گوندی کۆچۆ بە خاک دەسپێردرێن و بۆ ماوەی سێ ڕۆژیش پرسەیان بۆ دادەنرێت.
مانگی شوباتی ئەمساڵ ئەمساڵ ڕووفاتی ١٠٤ ئێزدی کە لە گۆڕە بە کۆمەڵەکانی شەنگال دەرھێندران و دوای پشکنین ھێنرانەوە بۆ شەنگال و بە خاک سپێردران.
بەڕێوەبەری چاودێری بازرگانی سلێمانیش ڕایدەگەیەنێت، ھەر خاوەن گەراجێکی ئوتومبێل پابەندی مەرج و ڕێنماییەکانی قائیمقامیەتی سلێمانی نەبێت لێپرسینەوەی لەگەڵ دەکرێت و سزا دەدرێت.
لە ڕاگەیەندراوەکەدا ئاماژە بەوەش کراوە، ھێزەکانیان دەستی بەسەر ئەو کەرەستە و ئامێرانەیدا گرتووە کە دەستگیرکراوەکان لە ئەنجامدانی تاوانەکانیاندا بەکاریان ھێناوە و لە کاتی لێکۆڵینەوەکردنیشدا تۆمەتبارەکان دانیان بەوەدا ناوە کە تاوانی تریشیان ئەنجامداوە وەک دزیکردن و بڕینی دوکان و ماڵی ھاوڵاتیان.
سەرۆک مام جەلال لە کتێبەکەیدا کورتەیەکی دەربارەی گەلی کورد و بزاڤی ڕزگاریخوازی نەتەوەیی کورد و شۆڕشی نیشتیمانی ڕزگاریخوازی کورد و چەندین تەوەری دیکەی گرنگی باس کردووە.
گروپی ڕاوێژ لە فێرخوازانی ناڕازی زانکۆ و پەیمانگاکانی سنورەکانی سلێمانی، ھەڵەبجە، ھەولێر، دھۆک لە ڕاگەیەنراوێکدا ئاماژەیان کردووە بەوەی ماوەی زیاتر لە ھەفتەیەکە وەک خوێندکارانی زانکۆکانی سلێمانی، ڕاپەڕین، ھەڵەبجە و ھەولێر.
بایکۆتی ھۆڵەکانی خوێندنیان کردووە بە مەبەستی داواکردنی مافە ڕەواکانیان بە شێوەیەکی ئاشتیانە وە ڕایدەگەیەنین ھەرکارێکی ناشارستانی کرابێت گوزارشت لە خوێندکاران ناکات دوورن لێی، ئەوەشیان خستوەتەڕوو، خۆپیشاندانەکانیان ئەنجامی ھەبووە و لەبەر ڕۆشنایی ڕاوێژ بە شارەزایان بڕیاریانداوە تا سەری ساڵی نوێ و چاوەڕوانی ئەو بەڵێنانە بن کە پێیان دراوە.
بڕیارە وەفدی وەزارەتی پێشمەرگە دوو کۆبوونەوەی جیا لەگەڵ ھەواڵگری سەربازی وەزارەتی پێشمەرگە و ھەواڵگری بەرگری عێراق لە فەرماندەیی ئۆپەراسیۆنە ھاوبەشەکان ئەنجام بدات.
لە کۆبوونەوەیەکی تریشدا، ئەمینداری گشتی وەزارەتی پێشمەرگە و ئەمینداری گشتی وەزارەتی بەرگری وەزارەتی گفتوگۆ دەکەن لە بارەی ڕەوشی ئێستای ناوچەکە و مەترسیەکانی تیرۆریستان، ھەنگاوەکان لە بارەی چارەکردنی کێشەکانی نێوان سوپای عێراق و ھێزی پێشمەرگە، بۆ بەیەکەوە ڕۆڵ بینین لە ڕاوەدوونان و تێکشکاندنی تیرۆریستانی داعش.
کۆبوونەوەکانی نێوان پێشمەرگە و بەرگری بەردەوامی ھەیە و ھەردوولا بە ئامانجی بنبڕکردنی تیرۆریستان و پڕکردنەوەی ئەو ناوچانەی بۆشایی ئەمنی ھەیە، لە گفتوگۆدان، ھاوکات تاوتوێکردن و بە کردەیی کردنی ئەنجامدانی ئۆپەڕاسیۆنی ھاوبەشی نێوان پێشمەرگە سوپا لە ئەولەویەتی گفتوگۆکاندایە.
قوباد تاڵەبانی ڕایگەیاندووە، زۆر بەداخەوە، ھەواڵی کۆچی دوایی ھونەرمەند زرار محەممەد مستەفا، دامەزرێنەری تیپی مۆسیقای پاشای گەورە-یان بیست.
مامۆستا زرار کەسایەتی و ھونەرمەندێکی خۆشەویست بوو کە لە بوارەکەی خۆیدا خزمەتێکی زۆر باشی کردووە، لەدەستدانی جێگەی ئەسەفی ھەمووانە.
لەم بۆنە خەمناکەدا پرسە و سەرەخۆشی لە کەسوکار وھونەرمەندان بە گشتی دەکەم و ھاوبەشی خەمیانن.
لە خوای گەورە داواکارم سەبوریی و دڵنەوایی بەھەموو لایەک ببەخشێت، جێگای کۆچکردووش بەھەشتی بەرین بێت.
سەرەڕای دەستپێکردنی ھەوڵەکان بۆ دابینکردنی پێداویستییەکان و چارەسەرکردنی کەموکوڕی بەش و کۆلێژ و بەشە ناوخۆییەکان، بەڵام خوێندکارانی زانکۆ و پەیمانگاکان بەردەوامن لە خۆپیشاندان و ئەمڕۆش خوێندکارانی زانکۆکانی سلێمانی و ھەڵەبجە و گەرمیان جارێکی تر خۆپیشاندانیان کرد و ڕێگەی ھاتووچۆی ھاوڵاتیانیان داخست ئەوەش نیگەرانی ھاوڵاتیان و شۆفێرانی لێکەوتووەتەوە.
ڕاگەیاندنی پەرلەمانی کوردستان بڵاویکردەوە، بە سەرپەرشتیی ڕێواز فایق سەرۆکی پەرلەمان و ئامادەبوونی ڤاڵا فەرید وەزیری ھەرێم بۆ کاروباری پەرلەمان، لە ھۆڵی پڕۆتوکۆڵ لە تەلاری پەرلەمان کۆبوونەوەیەکی فراوان لە نێوان لیژنەی ناوخۆ و ئاسایش و ئەنجوومەنە خۆجێیەکان لەگەڵ ڕێبەر ئەحمەد وەزیری ناوخۆی ھەرێم بەڕێوەچوو.
ئاماژەی بۆ ئەوەشکرد، مەبەست لە کۆبوونەوەکە ھەڵسەنگاندن و تاووتوێکردنی چەند سەرنج و تێبینییەکی یاسایی بوو لەسەر پڕۆژەکە و ئامادەکردنی ڕاپۆرت بوو لەبارەیەوە، بۆ ئەوەی ئاڕاستەی لیژنەی کاروباری یاسایی بکرێت بە مەبەستی ئاڕاستەکردنی بۆ سەرۆکایەتی پەرلەمان بۆ ئەوەی بخرێتە بەرنامەی کاری دانیشتنی پەرلەمان تا خوێندنەوەی دووەمی بۆ بکرێت.
بەڕێوەبەرایەتی گشتی چاودێریی و گەشەپێدانی کۆمەڵایەتی لە پارێزگای سلێمانی ڕوونکردنەوەیەکی بڵاوکردەوە و ئاشکرایکرد، لە چەند ڕۆژی ڕابردوودا چەند ھاوڵاتیەک ئەو زانیارییەیان پێداوین کە کەسێک یان زیاتر لە شاری سلێمانی، بە ناوی مامەڵە و تەرخانکردنی مووچە و ھاوکاری بۆ کەمئەندامان و چاودێریی خێزان، سودی لە ڕەوشی خراپی دارایی خەڵک و سادەیی ھەندێک لە ھاوڵاتیان وەگرتووە و بە بەڵێنی درۆ و چەواشە، پارە لە خەڵک دەکشێننەوە.
ئاگاداری ھاوڵاتیانیش دەکاتەوە بۆ دەستکەوتنی زانیاری یان ڕاییکردنی ھەر مامەڵەیەک بە ھیچ جۆرێک فریوی کەس نەخۆن و ڕاستەوخۆ پەیوەندی بە فەرمانگەکانیانەوە بکەن ھەروەھا ڕاشیدەگەیەنێت ماوەی ٨ ساڵە مووچە و ھاوکاریی کۆمەڵایەتی بە ناوی چاودێریی خێزان یان کەمئەندامانەوە بۆ ھیچ کەس نەکراوە و بەھۆی قەیرانی داراییەوە ھەموو جۆرە تەرخانکردنێک لەلایەن وەزارەتی داراییەوە ڕاگیراوە.
ئاماژەی بۆ ئەوەشکرد، ئەگەر کەسێک لەسەر ئەم بابەتە فێڵی لێکراوە و کەوتووەتە ھەڵەوە ئەوە دەتوانێت بە تۆمارکردنی سکاڵا مافی خۆی وەرگرێتەوە و زانیاریی لە بارەی ئەو کەسەوە بداتە بەڕێوەبەرایەتییەکەیان و دەزگا پەیوەندیدارەکان.
بەڕێزانمان لە خانەوادە و بنەماڵەی مامۆستا زرار محەمەد مستەفا ڕواندزی.
بە داخ و پەژارەوە ھەواڵی کۆچی دوایی مامۆستا و ھونەرمەندی دیاری گەلەکەمان، مامۆستا (زرار محەمەد مستەفا) ڕواندزیمان پێگەیشت.
مامۆستا زرار جگە لەوەی لە بواری ھونەردا خزمەتێکی بەرچاوی پێشکەش بە گەلەکەی کرد، لە کۆڕی خەبات و تێکۆشانیشدا ڕۆڵی دیار و بەرچاو بوو.
ژیانئاوایی ئەم کەڵە ھونەرمەند و تێکۆشەرەی ڕێگای ڕزگاری، جێی نیگەرانیمانە و بۆ ئەم خەمە پرسە و ھاوخەمی و سەرەخۆشی خۆمان ئاڕاستەی بنەماڵە تێکۆشەرەکەتان و ھونەرمەندان و ھونەردۆستان دەکەین و ڕۆحی مامۆستای پایەداریش بۆ ھەمیشە شادبێت.
دڵسۆزتان
بافڵ جەلال تاڵەبانی
