کوردستان
بەشی راگەیاندنی رەگەزنامەی سلێمانی بڵاویکردەوە، لەپێناو کەمکردنەوەی بارگرانی سەرشانی ھاووڵاتییان و خۆ بە دوورگرتن لە توشبوون بە ڤایرۆسی کۆرۆنا، بەڕێوەبەرایەتی گشتی رەگەزنامەی عێراق بڕیاریداوە ھاووڵاتیان مامەڵەکانیان سەبارەت بە"گواستنەوەی تۆمار و گۆڕینی ناو و نازناو "بەڕێگەی ئەلکترۆنی پێشکەش بکەن.
لە بەشێکی تری راگەیەنراوەکەدا ھاتووە، دوای رەزامەندی وەرگرتن لەلایەن بەڕێوەبەری گشتییەوە ناوەکان ھەفتانە دەردەچێت و بڵاودەکرێتەوە.
"د. شوان شاکر" یاریدەدەری نەخۆشخانەی خانەقین ڕایگەیاند، بە مەبەستی دابینکردنی ئۆکسجین بۆ نەخۆشخانەی خانەقین و نەخۆشخانەی ئەڵوەندی تایبەت بەکۆرۆنا، لە لایەن ڕێکخراوی "ئای ئۆ ئیم"ەوە کارگەیەکی بەرھەمھێنانی ئۆکسجین لە نەخۆشخانەی خانەقین دروستدەکرێت، کە ڕۆژانە لە توانایدایە بڕی "٤٠" بوتڵ ئۆکسجین بەرھەمبھێنێت.
بەڕێوبەرایەتی ئاسایشی پارێزگای سلێمانی، لە روونکردنەوەیەکدا دەڵێت، لە ئەنجامی کۆکردنەوەی زانیاری لەسەر گرووپێکی سەر بە داعش لە پارێزگای ھەڵەبجە و دوای دەستخستنی بەڵگەی تەواو لەسەریان، کە مەرامیان بووە لە سنووری پارێزگاکانی سلێمانی و ھەڵەبجە و ئیدارەی گەرمیان کردەوەی تیرۆریستی ئەنجام بدەن،ھێزەکانی ئۆپراسیۆنی ئاسایشی سلێمانی، بە ھاوکاری ھێزەکانی بەڕێوبەرایەتی ئاسایشی شارەزوور، لە چەند ئۆپراسیۆنێکی جیاجیادا، ژمارەیەک ئەندامی تاقم و گرووپی نەنستووی داعش لە شاری ھەڵەبجە و قەزای سەیدسادق و شارۆچکەکانی خورماڵ و سیروان و چەند گوندێکی شارەزوور دەستگیرکران و دەست بەسەر ژمارەیەک چەک و تەقەمەنیشدا گیرا، کە پیلانیان بووە لە کردەوە تیرۆریستییەکانیاندا بەکاریبھێنن.
داواشکرا مۆنۆمێنتی شایستە و مەزارگە بۆ گۆڕی بە کۆمەڵ و تاک بە تاکی قوربانیانی جینۆساید لە کوردستان دروست بکرێت.
ئۆپراسیۆنەکە لە قۆڵەکانی بەلەگە و غەڕە و پەلکانە و زینانە و قوڕیچایەوە دەستیپێکردووە و لیواکانی ٣ و ٥ و ٩ و ١٧ی پیادەی پێشمەرگە، لەگەڵ چەند یەکەیەکی ھێزەکانی ٧٠، بەشدارن لە ئۆپراسیۆنەکەدا و ھێزەکانی پێشمەرگە و دژەتیرۆر چوونە ناو گوندی پەلکانەی سالم، بەپێی راگەیاندراوی وەزارەتی پێشمەرگە، ئۆپراسیۆنە ھاوبەشەکەی پێشمەرگە و سوپای عێراق، لە چوارچێوەی رێککەوتنەکانی پێشوودایە و تاکو کێوماڵکردنی تەواوەتی ناوچەکە بەردەوام دەبێت.
راگەیاندی سەرۆکی حکومەتی ھەرێم بڵاویکردەوە،مستەفا کازمی سەرۆک وەزیرانی عێراق و وەزیری بەرگری و وەفدێکی سەربازی لە رێگەی فڕۆکەخانەی ھەولێرەوە گەیشتە ھەرێم و لەگەڵ سەرۆکی حکومەتی ھەرێم کۆبونەوە. لە کۆبوونەوەکەدا، دوا پێشھات و گۆڕانکارییەکانی عێراق دوای سەرکەوتنی ھەڵبژاردنی ئەنجومەنی نوێنەران تاووتوێ کرا و جەخت لە گرنگی سەقامگیربوونی رەوشی عێراق و گەشەپێدانی بارودۆخی ئابووری و چارەسەرکردنی بنەڕەتی کێشە ھەڵپەسێردراوەکانی نێوان ھەرێم و حکومەتی فیدراڵ کرا. لە تەوەرێکی تری کۆبوونەوەکەدا، گفتوگۆ دەربارەی ھێرش و پەلامارەکانی ئەم دواییەی تیرۆریستانی داعش و گرنگی چڕکردنەوەی ھەوڵ و تواناکان و بەھێزکردنی ھەماھەنگی نێوان پێشمەرگە و سوپای عێراق کرا لە پێناو کۆتاییھێنان بە ھەڕەشە و مەترسییەکانی داعش.
فەرمانگەی میدیا و زانیاریی حکومەتی ھەرێم رایگەیاند، لە کۆبوونەوەی ئەمڕۆی ئەنجومەنی وەزیران ڕاپۆرتی ھەفتانەی وەزارەتی پێشمەرگە سەبارەت بە ھێرشەکانی ڕێکخراوی تیرۆریستیی داعش بۆ سەر ھێزەکانی پێشمەرگە لە ناوچە جێناکۆکەکان دەخرێتەڕوو.
ھەروەھا بابەتی ڕێکخستنی مامەڵەی میدیا و سۆشیاڵ میدیا لەگەڵ رەوشی ئێستای بەرەکانی جەنگ دژ بە ڕێکخراوی داعش و ڕووبەڕووبوونەوەی تیرۆریستان تاوتوێ دەکرێت. لە تەوەرێکە تری کۆبونەوەکەدا ڕەشنووسی پڕۆژە یاسای پەروەردە و فێرکاری لە ھەرێم پرۆسەی دەنگدانی بۆ دەکرێت. دواتر پڕۆژە یاسای ھەمواری یەکەمی یاسای وەزارەتی کارەبا و ڕاپۆرتێکی وەزارەتی کشتوکاڵ و سەرچاوەکانی ئاو سەبارەت بە بابەتی وشکەساڵی دەخرێنەڕوو.
لە كاتی ئۆپراسیۆنی هێزەكانی پێشمەرگە و سوپای عێراق بۆ بنبڕكردنی تیرۆرستانی داعش لە سنووری خانەقین وكفری و خورماتوو، جەعفەر شێخ مستەفا لە لێدوانێكدا بۆ كوردسات نیوزی راگەیاند، ئەو ناوچانەی ئۆپراسیۆنەكەیان تێدا كردووە لە داعش پاككردوەتەوە و هێزەكانی پێشمەرگە و سوپای عێراق تیایدا جێگیر دەبن. وتیشی، هەماهەنگی تەواویان لەگەڵ سوپای عێراق هەیە و ئەم ئۆپراسیۆنەش دەستپێكی هەماهەنگییەكانە.
لە رێورەسمەكەدا حەمەی حەمە سەعید وەزیری رۆشنبیری و لاوانی هەرێم رۆڵی شانۆكارانی كوردی لە قۆناغە جیاجیاكانی گەلی كورد بەرزنرخاند، هاوكات سەرۆكی سەندیكای هونەرمەندانی كوردستان چەند تێبینی و رەخنەیەكی لەبارەی گرنگیی نەدان بە هونەر و شانۆ و شانۆكاران لە هەرێم ئاڕاستەی سەرۆكی حكومەت و لێپرسراوان كرد و چەند پێشنیارێكی بۆ باشتركردنی هونەر و كاری هونەرمەندان خستەڕوو.
