کوردستان
ھەرچەندە بڕیاربوو رۆژی سێشەممە، داواکاری گشتی ھەرێم بۆچوون لەبارەی چارەنوسی دەستگیرکراوە مانگرتوەکانی شیلادزێ بدات، بەڵام بۆ ئەمڕۆ دواخرا، چونکە راپۆرتی توێژەری کۆمەڵایەتی دەستگیرکراوەکان رەوانەی داواکاری گشتی نەکراوە و پەنجەمۆرەکانیشیان رەوانەی بەڕێوەبەرایەتیی بەڵگەی تاوان نەکراوە بۆ زانینی ئەوەی ئایا ئەو دەستگیرکراوانە لە شوێنی تر داواکراون یاخود نا.
بەشدار حەسەن سەرۆکی تیمی پارێزەرانی دەستگیرکراوانی بادینان، بە کوردسات نیوزی راگەیاند، کارەکانی ئەو دەستگیرکراوانە زۆر بە سستی بەڕێوەدەچن و ئەگەر بڕیارێکیان لەبارەوە نەدرێت، تەرمەکانیان لەزیندان دەردەھێندرێت، چونکە دەستگیرکراوەکان بەردەوامن لە مانگرتن و تەندروستییان خراپە.
بە بەشداری بافڵ جەلال تاڵەبانی سەرۆکی یەکێتیی نیشتمانی کوردستان و بە سەرۆکایەتیی نێچیرڤان بارزانی سەرۆکی ھەرێم و ئامادەبوونی جینین پلاسخارت نێردەی تایبەتی سکرتێری گشتیی نەتەوەیەکگرتووەکان لە عێراق، سەرکردە و کەسی یەکەمی لایەنە سیاسییەکانی ھەرێم لە کۆبوونەوەدان و گفتوگۆ لەبارەی دیاریکردنی رۆژی ھەڵبژاردنی پەرلەمان و لابردنی ئاستەنگەکان بەردەم ھەڵبژاردن تاوتوێدەکەن.
کۆبوونەوەکەی ئەمڕۆ لە کاتێکدایە، لە رۆژانی ٢٦ی ئایار و نۆی حوزەیرانی ئەمساڵ، لایەنە سیاسییەکانی ھەرێم لە سەرۆکایەتیی ھەرێم بۆ بڕیاردان لەسەر رۆژی ھەڵبژاردنی پەرلەمانی کوردستان کۆبوونەوە، بەڵام ھەردوو کۆبوونەوەکە بێئەنجام بوون.
د. کامەران یونس سەرۆکی زانکۆی سەلاحەدین لە کۆنفرانسێکی رۆژنامەوانیدا رایگەیاند، یەکپۆشی دەبێتە بڕیار و جێبەجێ دەکرێت و پێویستە ھەموو خوێندکارێک پێیوەی پابەند بێت.
بڕیاری یەکپۆشی لە زانکۆی سەڵاحەدین بە راپرسی بووە و پرسیارەکانی ڕاپرسیی کە ئاڕاستەی خوێندکاران کرابوو لە ماوەی یەک ھەفتە ئەنجامەکەی بەم شێوەیەی خوارەوە بوو.
ئەنجامی ڕاپرسی بۆ مەبەستی یەکپۆشی
ئەگەر پەکپۆشی ڕابگەیەندرێت پابەند دەبیت پێی
% ٧٠,٦ بەڵێ % ٢٩,٤ نەخێر
ئایا چ جۆرە ڕەنگێک پەسەند دەکەیت
%٧٤,٦ سپی و ڕەش
ئایا یەکپۆشی بارگرانی لەسەر خوێندکار و خانەوادەی خوێندکار کەمدەکاتەوە
% ٧٠,٩ بەڵی %٢٩,١ نەخێر
ئایا بەباشی دەزانی جیاوازی ھەبێت لە نێوان ڕەنگی جلوبەرگی کچ و کوڕ
% ٥٨,٣ نەخێر %٤١,٧ بەڵێ
ئایا پێتوایە یەکپۆشی کاریگەری دەبێت لەسەر بەرزکردنەوەی ئاستی زانستی خوێندکار
%٦٤,٦ بەڵی %٣٥,٤ نەخێر
ئایا ئەم شێوازە ڕاپرسیانە ڕاستەوخۆ بەھەندوەرگرتنی بیروڕای پێشنیاری مامۆستاو خوێندکاران سوودی ھەیە
%٧٩,٦ بەڵێ %٢٠,٤ نەخێر
ڕاگەیاندنی زانکۆی سەلاحەدین-ھەولێر
وەزارەتی بەرگریی تورکیا رایگەیاند، سەربازێکیان بە پلەی عەریف بەھۆی تەقینەوەی بۆمبی چێندراو لە ناوچەکانی ئۆپراسیۆنی چڕنووک-قووفڵ لە باکووری عێراق برینداربووە و دوای گواستنەوەی بۆ نەخۆشخانە لە ئەنقەرەی پایتەخت، بەھۆی سەختی برینەکەی گیانی لەدەستداوە، رۆژی سێشەممەش وەزارەتی بەرگریی تورکیا، کوژرانی سەربازێکی دیکەی بەھەمان ھۆکار راگەیاند.
تورکیا لە ماوەی چوار رۆژدا کوژرانی سێ سەربازی لە ھەرێمی کوردستان راگەیاندووە، بەپێی راگەیاندراوی وەزارەتی بەرگریی ئەو وڵاتە، ئەو سێ سەربازە بەھۆی تەقینەوەی بۆمبی چێندراوە وە گیانیان لەدەستداوە.
پەیامنێری کوردسات نیوز رایگەیاند، رێگای گشتی کفری_خورماتوو بە بڕیارێکی سوپای عێراق ٤٠ رۆژبوو بەڕووی بازرگانیدا داخرابوو، ئەوەش نیگەرانی کاسبکارانی ئەو رێگەیەی لێکەوتەوە و ماوەی دوو رۆژ خۆپیشاندانی ناڕەزاییان ئەنجامدا.
وتیشی، ئەمڕۆ بەفشاری خۆپیشاندەران و ھەوڵی فەرماندەی میحوەری دووی پێشمەرگە رێگاکە بەشێوەیەکی ناڕەسمی کرایەوە.
بە بەشداری بافڵ جەلال تاڵەبانی سەرۆکی یەکێتیی نیشتمانی کوردستان و بە سەرۆکایەتیی نێچیرڤان بارزانی سەرۆکی ھەرێم و ئامادەبوونی جینین پلاسخارت نێردەی تایبەتی سکرتێری گشتیی نەتەوەیەکگرتووەکان لە عێراق، سەرکردەی لایەنە سیاسییەکان لە سەرۆکایەتیی ھەرێم کۆبوونەوە و گفتوگۆ لە بارەی دیاریکردنی ڕۆژی ھەڵبژاردنی پەرلەمان و لابردنی ئاستەنگەکانی بەردەم ھەڵبژاردن کرا.
سەرۆکایەتی ھەرێمی کوردستانیش لە راگەیەندراوێکدا بڵاویکردەوە، لە کۆبوونەوەکەدا نێچیرڤان بارزانی ھیوای خواستووە لایەنە سیاسییەکان بگەنە لێکگەیشتنێک بۆ دیاریکردنی کاتی ھەڵبژاردن و راشیگەیاندووە، دواکەوتنی ھەڵبژاردن زیان بە ناو و پێگەی ھەرێم دەگەیەنێت.
بەپێی راگەیەندراوەکە، جێنین پلاسخارت ھەموو پشتگیرییەکی نەتەوەیەکگرتووەکانی بۆ سەرخستنی پرۆسەکە دەربڕیوە و جەختی لەوەش کردووەتەوە، دەبێت بە زووترین کات لایەنەکان بگەن ئەنجامێک، چونکە زۆر کات لەبەردەستدا نییە.
ھەر لە کۆبوونەوەکەدا، بڕیاردرا سەرەتای ئەیلولی داھاتوو دوایین کۆبوونەوە بۆ یەکلاکردنەوەی تەواوی بابەتەکانی پەیوەست بە ھەڵبژاردن و چارەسەرکردنی کێشەکانی بەردەم پڕۆسەکە ئەنجام بدرێت.
بەپێی ھەواڵی"ماڵپەڕی ئێلدۆرادۆ وێزەر" لەگەڵ ئەو شەپۆلە گەرمایەی جیھانی گرتووەتەوە، پارێزگای بەسەر بە گەرمترین ناوچەی جیھان لەسەر زەوی تۆمار کراوە و لە فڕۆکەخانەی نێودەوڵەتی بەسرە پلەی گەرما ٥٠.٨ پلە بووە.
ھەر بەپێی ھەواڵی ئەو ماڵپەڕٍە کە تایبەتە بە کەشوھەوا، پارێزگای ئەھواز لە باشوری ئێران، دووەم گەرمترین ناوچەی جیھان بووە و پلەی گەرما تیایدا ٥٠.٦ پلە بووە.
ئەوەش یەکەم جار نییە بەسرە ببێتە گەرمترین ناوچەی جیھان، لە ماوەی ڕابردووشدا چەند جارێک بەرزترین پلەکانی گەرما لەسەر ئاستی جیھان لەو پارێزگایە تۆمارکراوە و چەندجارێکیش دووەم گەرمترین ناوچەی جیھان بووە.
دەقی بەیاننامەکە:
بەرێزان : خانەوادە و کەسوکاری کۆچکردو
بەرێزان : ھەڤاڵانی دەزگای میدیایی کوردسات
بەداخ و پەژارەیەکی زۆرەوە ھەواڵی کۆچی دوایی کارمەندی چالاک و دڵسۆزی دەزگای میدیایی کوردسات کاکە (بەختیار ئەحمەد مەعروف)مان بیست، بەم بۆنە خەمناکەوە پرسە و سەرەخۆشیتان ئاڕاستە دەکەم و لەناخەوە خۆم بەھاوبەشی خەمتانم دەزانم.
خوای گەورە سەبوریی و دڵنەوایی بەھەموو لایەک ببەخشێت، جێگای کاکە بەختیار بەھەشتی بەرین بێت.
انا للە وانا الیە راجعون
شاناز ئیبراھیم ئەحمەد
وەزارەتی بەرگری تورکیا لە راگەیەندراوێکدا بڵاویکردەوە، دوای ئەوەی لە ٣ ی ئەم مانگەدا سەربازێک لە تەقینەوەی بۆمبێکدا لە ناوچەی ئۆپراسیۆنی "چرنوک قوفڵ" لە باکوری عێراق برینداربووە، بەھۆی سەختی برینەکەیەوە لە نەخۆشخانەیەکی ئەنقەرە گیانی لەدەستداوە.
لە رۆژی ١٨ی نیسانەوە تورکیا ئۆپراسیۆنی "چرنوک قوفڵ"ی لەچەند ناوچەیەکی سنوری ھەرێمی کوردستان بەبیانووی بوونی گەریلاکانی پارتی کرێکارانی کوردستان پەکەکە دەستپێکردووە و تائێستاش بەردەوامە.
سوپای پاسدارانی ئێران تەقەیان لە کۆڵبەران کرد ٥ کۆڵبەر برینداربوون و کۆڵبەرێکیش گیانی لەدەستداوە و ٣ کۆڵبەریش بە برینداری کەوتوونەتە دەستی سوپای پاسدارانی ئێران .
ھەروەھا ٥ کۆڵبەریش چارەنووسیان نادیارە ونبوون تا ئێستا نەدۆزراونەتەوە .
.jpg&w=2048&q=75)
بەپێی ئامارێکی بەڕێوبەرایەتی گشتی تەندروستی سلێمانی لەو ژمارە تەرمەی کە براونەتە پەیمانگای پزیشکی دادیی سلێمانی ٥٨ یان لەڕەگەزی نێربوون و ١٨ یان مێ بوون.
ئەو حاڵەتانەی مانگی ڕابردوو لەپەیمانگای پزیشکی دادیی سلێمانی تۆمارکراوە ٢٧ حاڵەتی گیان لەدەستدان بەھۆی ڕووداوی ھاتوچۆ و ١٠ گیان لەدەستدان بەھۆی سووتاوی و ٥ حاڵەتی گیان لەدەستدان بەھۆی کارەبا و ١ حاڵەتی گیان لەدەستدان بەھۆی کەوتنەخوارەوە و ٦ حاڵەتی خنکان لەئاودا و ١٦ حاڵەتی گیان لەدەستدان بەھۆکاری جیاجیا بووە.
پەیامنێری کوردسات نیوز رایگەیاند، بەرەیانی ئەمڕۆ فڕۆکەی بێفڕۆکەوانی تورکیا خانوویەکیان لە گوندی "خەرزە" لە ریفی خۆرئاوای ناحیەی عامودا لە ریفی حەسەکە کردۆتە ئامانج، بەڵام ھیچ زانیارییەک سەبارەت بە زیانەکانی بڵاونەکراوەتەوە.
ھاوکات لە ریفی ناحیەی تەلتەمریش لە باکوری خۆرئاوای حەسەکە، فڕۆکەکانی تورکیا گوندی "سەلماسە"یان بۆردومان کردووە و بەھۆیەوە کەسێک کوژراوە، بۆردوومانەکانیش لەچەند گوندێکی سەر بە ریفی تەلتەمر بەردەوامی ھەیە.
ئەوەش لەکاتێکدایە رۆژی یەکشەممە سوپای تورکیا ھەردوو گوندی "عەون دادات" و "محەسەنلی" و چەند گوندێکی تری لە باکوری شاری مەنبج، بە ھاوەن و مووشەک بۆردوومان کرد و ٥٥ ھاوەنی ئاڕاستە کردن.
.jpg&w=2048&q=75)
لە دیدارێکدا تیشک خرایە سەر دواین گۆڕانگاریە سیاسیەکانی عێراق و ھەرێمی کوردستان و باس لەو ئاڵنگاریانە کرا کە ئێستا رووبەرووی ناوچەکە بۆتەوە.
ھەردوولا ھاوڕابوون لەسەر کۆدەنگی و لێکنزیکبوونەوەی زیاتری لایەنە کوردیەکان و یەکھەڵوێستی لە ئاست چارەسەرکردنی کێشەکانی بەغدادو ھەرێمی کوردستان.
دواتریش گفتوگۆ لەبارەی بەھێزکردنی پەیوەندیەکانی نێوان ھەردوولا کراو لای خۆیەوە سکرتێری حزبی رزگاریی کوردستان ئاماژەی بە رۆڵی گەورەی سەرۆک مام جەلال کرد لە دروستکردن و بەھێزکردنی ئەم پەیوەندیانە.
سکرتێری حزبی رزگاریی کوردستان وتیشی پەیوەندی بەھێز لەگەڵ یەکێتیی نیشتمانیی کوردستان بۆ ئێمە مایەی خۆشحاڵیەو بەردەوامی پێدەدەین.
عەقید نزار سلێمان بەڕێوەبەری پۆلیسی زاخۆ رایگەیاند، فاروق میرزای تەمەن ٤٢ ساڵ و کچە تەمەن ٦ ساڵەکەی ئاخین فاروق، دانیشتووی کەمپی ( چەمشکو)ی زاخۆ، دوای پێنج رۆژ لە دیارنەمانیان، شەوی رابردوو تەرمی فاروق میزرا لەناو کێلگەیەک دۆزراوەتەوە، بەڵام تائێستا تەرمی کچەکەی نادیارە.
وتیشی، لەسەر رووداوەکە فەرمانی دەستگیرکردن بۆ خاوەنی ئەو کێلگەیە دەرچووە کە باوک و کچەکە بە میوانی سەردانیان کردووە و تائێستا دەستیگرنەکراوە، بەڵام کچ و ژنی بکوژەکە دەستبەسەرکراون.
فاروق میزرا خەڵکی قەزای شەنگالە و لە کەمپی ( چەمشکۆ) نیشتەجێیە.
بەشدار حەسەن سەرۆکی تیمی پارێزەرانی دەستگیرکراوانی بادینان بە کوردسات نیوزی ڕاگەیاند، داواکاری گشتی ھەرێم دەربڕینی بۆچوونی خۆی لەبارەی چارەنووسی دەستگیرکراوە مانگرتووەکانی شیلادزێ بۆ رۆژی چوارشەممە دواخستووە، وتیشی، ھۆکاری دواخستنەکە بۆ ئەوە دەگەڕێتەوە، کە راپۆرتی توێژەری کۆمەڵایەتی دەستگیرکراوەکان رەوانەی داواکاری گشتی نەکراوە و پەنجەمۆرەکانیشیان رەوانەی بەڕێوەبەرایەتیی بەڵگەی تاوان نەکراوە بۆ زانینی ئەوەی ئایا ئەو دەستگیرکراوانە لە شوێنی تر داواکراون یاخود نا.
بەشدار حەسەن ئاماژەی بەوەشکرد، کارەکانی ئەو دەستگیرکراوانە زۆر بە سستی بەڕێوەدەچن.
ئەوەش لە کاتێکدایە کە بڕیاربوو ئەمڕۆ داواکاری گشتی بۆچوونی خۆی لەبارەی ئازادکردن یان ھێشتنەوەی دەستگیرکراوە مانگرتووەکانی شیلادزێ بدات، کە ماوەی دوو ھەفتەیە مانگرتنیان لە خواردن راگەیاندووە و رەوشی تەندروستیی زۆربەیان خراپە.