فەرمانگەی میدیا و زانیاری حکومەتی ھەرێمی کوردستان رایگەیاندووە، ئەمرۆ کۆبوونەوەی ئەنجومەنی وەزیران بەرێوەدەچێت و بە گوێرەی کارنامەی کۆبوونەوەکە تاوتوێی چەند پرسێک دەکرێت لەوانە خستنەڕووی پوختەی سەردانی وەفدی حکومەتی ھەرێمی کوردستان بە سەرۆکایەتی سەرۆکی ئەنجومەنی وەزیران بۆ بەریتانیا و کۆبـوونەوەی لەگەڵ بەرپرسـانی باڵای ئەو وڵاتە.

ئاماژەی بەوەشکردووە، تەوەرێکی تری کۆبوونەوەکە خستنەڕووی ڕەشنووسی پڕۆژە یاسایەک لە بارەی (دەستەی متمانەبەخشـی بە دامەزراوەکـان و پڕۆگرامەکـانی پەروەردە و خوێندنی باڵا لە ھەرێمی کوردستان-عێراق) گفتوگۆکردن لە بارەیەوە. 

بەشێکی تری کۆبوونەوەکە تایبەت دەبێت بە قسەکردن لە بارەی بارودۆخی کارەبا لە ھەرێمی کوردستان و پێشنیازەکانی وەزارەتی کارەبا بۆ باشترکردنی کارەبا بەتایبەتی لەگەڵ نزیکبوونەوە لە وەرزی ھاویندا.

کامەران عزەت نوێنەری ڤێتێرنەری لە لیژنە باڵای قائیمقامیەتی سلێمانی رایگەیاند: دوای بەدواداچونی ورد بە ھاوکاری ئاسایشی ئابووری توانرا لە ئوتێل بابوسیدا لەئەسحابەسپی دەستبگیرێت بەسەر بڕی ٢٥٠ کیلۆگرام ھەنگوینی ساختەدا کە شیلە و شانەی ھەنگوینیان تێکەڵ کردووەو بەھەنگوینی ئەسڵی بەھاوڵاتیانیان فرۆشتووە کەئەمەش فێڵی بازرگانیەو یاسا ڕێگەی پێنادات. 

رێکان جەمال سەرۆکی لیژنە ھاوبەشەکانی قائیمقامیەتی سلێمانی ئاماژەی بەوەکرد بەفەرمانی دادوەری یەکی لێکۆڵینەوە ئەو دوو ھاوڵاتیە و خاوەنی ئوتێلەکە روبەڕوی ڕێکاری یاسایی دەکرێنەوە و بەفەرمانی قائیمقامی سلێمانیش ئوتێلەکە دادەخرێت و سەرجەم ھەنگوینە ساختەکەش لەناو دەبرێت.

بەشی پیشبینییەکانی بەرێوەبەرایەتی گشتی کەشناسی بوومەلەرزەزانی ھەرێمی کوردستان بڵاویکردووەتەوە، لە پارێزگای ھەولێر ئەمڕۆ ئاسمان نیمچە ھەور دەبێت پاشان دەگۆرێت بۆ ھەوری تەواو لە کاتەکانی دوای نیوەرۆ باران بارین دەست پێدەکات لەناوچەی شاخاویەکان باران بارینی بەلێزمە و ھەورە تریشقە دەبێت وە لەناوچەکانی تر نمە باران و بارانی مام ناوەند دەبێت وە لەکاتەکاتی دەرنگانی شەو باران بارین نامینێت، سبەی ئاسمان لەنێوان نیمچە ھەورو ھەوری تەواو دەبێت لەگەل بارینی نمە باران لەکات و شوێنی جیاوازدا و لە کاتەکانی دوای نیوەرۆدا لە ناوچە شاخاویەکان بارانی بەلێزمە دەبارێت .

لە پارێزگای سلێمانی  ئەمڕۆ ئاسمان ھەوری تەواو دەبێت لەگەڵ بارینی نمە باران لە کات و شوێنی جیاوزدا وە لەکاتەکانی دوای نیوەرۆدا رێژەی بارانبارین زیاد دەگۆرێت بۆ بارینی بارانی بەلێزمە ھەورە تریشقەشی لەگەڵدایە بەتایبەت لەناوچە شاخاویەکاندا، سبەی پێنج شەممە ئاسمان نیمچە ھەور و ھەوری تەواو دەبێت لەگەڵ بارینی نمە باران لە کات و شوێنی جیاوزدا ھەندێک کات دەگۆرێت بۆ بارانی مام ناوەند و لێزمە باران بەتایبەت لەناوچە شاخاویەکاندا .

لە پارێزگای دھۆکیش ئەمڕۆ ئاسمان نیمچە ھەور دەبێت پاشان دەگۆرێت بۆ ھەوری تەواو لەگەڵ بارینی نمە باران لە کات و شوێنی جیاواز و لە کاتەکانی دوای نیوەرۆدا بارانی مام ناوەند و لێزمە باران دەبارێت بەشوێیەکی پچر پچر بەتایبەت لەناوچە شاخاویەکاندا، سبەی پێنج شەممە ئاسمان نیمچە ھەور وھەوری تەواو دەبێت، لەگەل بارینی نمە باران لەکەتاکەنی دوای نیوەرۆدا وبارینی لێزمە باران لەناوچە شاخاویەکاندا بەشوێوەیەکی پچر پچر .

لە پارێزگای ھەڵەبجە ئەمڕۆ ئاسمان ھەوری تەواو دەبێت لەگەڵ بارینی نمە باران لە ناوچە جیا جیاکاندا وە لەکاتەکانی دوای نیوەرۆدا بارانی بەلێزمە دەبارێت و ھەورە تریشقەشی لەگەڵدایە، سبەی  پێنج شەممە ئاسمان نیمچە ھەورو ھەوری تەواو دەبێت لەگەڵ بارینی نمە باران وە لەکاتەکانی دوای نیوەرۆ ھەندێک کات دەگۆرێت بۆ لێزمە باران بەشوێیەکی پچر پچر .

فەرمانبەران و مامۆستایانی زانکۆی راپەڕین تائێستا مووچەی مانگی رابردوویان وەرنەگرتووە، بەو ھۆیەشەوە گردبوونەوەیەکی ناڕەزاییان ئەنجامدا و بایکۆتی دەوامیانکرد.

یەکێک لەو فەرمانبەرانەی بایکۆتی دەوامی کردوە لە لێدوانێکدا بۆ کوردسات نیوز رایگەیاند، چەند مانگێکە

مووچەکانیان لە وادەی دیاریکراوی خۆیدا وەرناگرن، لە ئێستاشدا کە چەند رۆژێکی کەمی ماوە بۆ جەژن،

پەیامنێری کوردستان نیوز رایگەیاند، پێشنیوەڕۆی ئەمڕۆ ٢٧ی نیسانی ٢٠٢٢ گەنجێکی تەمەن ٢٠ ساڵ بەناوی خالید ئەسکەندەر دانیشتووی  قەزای سۆران لە کاتی کۆکردنەوەی گیا بەھارییەکان لە کوێستانی گەڵاڵەی سنووری قەزای چۆمان مینی پێداتەقییەوە.

وتیشی، بەوھۆیەوە گەنجەکە بە سەختی بریندار بووەو دۆخی تەندروستیشی ناجێگر، بۆ چارەسەرکردن رەوانەی نەخۆشخانەی ئاشتی کراوە لە سۆران.

ساڵانە رووداوی مین و تەقەمەنی لە سنوری ئیدارەی سۆران لە ناوچەکانی باڵەکایەتی و برادۆست و مێرگەسور بە تایبەتی لە وەرزی بەھار زۆر تۆمار دەکرێت زۆربەی رووداوەکانیش کەسانی دانیشتووی دەرەوەی ئەو ناوچانەن بە مەبەستی کۆکردنەوەی گیا بەھاریەکان و بەخێوکردنی مەر و مالات و مێشە ھەنگ سەردانی ناوچە سنورییە کوێستانیەکان دەکەن ئەو ناوچانەش زۆرترین کێڵگەی بە مین چێندراوی تێدایە.

سیروان محەمەد سەرۆکی ژووری بازرگانی سلێمانی لە لێدوانێکدا رایگەیاند، بەھاوکاری چەند کۆمپانیایەک توانیویانە ٣ ھەزار و ٦٠٠ سەبەتەی خۆراک ئامادە بکەن بۆ خێزانە کەمدەرامەتەکان.

وتیشی، رێکخراوی گەشەپێدانی مەدەنیەت "سی دی ئۆ" دابەشکردنی سەبەتەی خۆراکەکانی بەسەر خێزانە کەدەرامەتەکاندا گرتووەتە ئەستۆ.

عەلی جەمال قەدووری وتەبێژەی پۆلیسی گەرمیان رایگەیاند، دوای وەرگرتنی زانیار و بەدواداچونی ورد و وەرگرتنی فەرمانی دادوەر بەشی پۆلیسی کەلار لە سنوری گەرمیان گروپێکی حەوت کەسی لە بازرگان و بەکارھێنەری مادەی ھۆشبەر دەستگیرکران کەشەش تۆمەتباریان دانیشتووی قەزای کەلارن و یەکێکیان دانیشتووی شاری ھەولێرە.

وتیشی، لەگەڵ تۆمەتباراندا دەستگیراوە بەسەر کریستاڵ و تلیاک لەگەڵ ئامێرەکانی بەکارھێنانی مادەھۆشبەرەکان.

وتەبێژی پۆلیسی گەرمیان راشیگەیاند، لەئێستادا بەبڕیاری دادوەر و بەپێی مادەی ٣٠ لە یاسای ھۆشبەر بەندکراون و لێکۆڵینەوە لەگەڵیان بەردەوامە.

سەرچنار ئەحمەد ئەندامی پەرلەمانی کوردستان لەکۆنفرانسێکی رۆژنامەوانیدا تایبەت بە شێوازی نوێی چاپکردنی تابلۆی ئۆتۆمبێل رایگەیاند، ئەو کارە پێچەوانەی ماددەی چواری دەستوری ھەمیشەیی و زمانە رەسمییەکانە لە عێراق و ھەرێمی کوردستانیش، چونکە زمانی رەسمی لە عێراق کوردی و عەرەبییە، بەڵام تابلۆی نوێی ئۆتۆمبیل بە زمانی ئینگلیزی دەنوسرێت.

ئەو پەرلەمانتارە دەشڵێت، ئەم بابەتە بەرز دەکەنەوە بۆ سەرۆکایەتی پەرلەمان و ڕێکار یاسایی دەگرنەبەر.
 

پەروین بوڵدان ھاوسەرۆکی پارتی دیموکراتی گەلان "ھەدەپە" رایگەیاند، تورکیا بۆ چارەسەرکردنی کێشەکانی پەنا بۆ شەڕ دەبات، ئەوەش ناسەقامگیری زیاتر بۆ وڵات و بۆ خۆرھەڵاتی ناوەڕاست دروستکردووە.

راشیگەیاندوە، زیاتر لە ٢٠ ئەندامی ھەدەپە بەبێ بەڵگە لەلایەن پۆلیس و ھێزە ئەمنییەکانی تورکیاوە دەستگیرکراون، ئەرۆدغانیش ھەمیشە خواستی شەڕی ھەیە، بۆیە ھەدەپە و خەڵکیش لە شەڕە بەردەوامەکانی ئەردۆغان بێزارن.

نادر رۆستی وتەبێژی دەستەی گەشتوگوزاری ھەرێم بە کوردسات نیوزی راگەیاند، ھەموو کاتێک لەگەڵ نزیکبونەوەی جەژن و بۆنەکان، بەڕێوەبەرایەتییەکانی گەشتوگوزار لە پارێزگاکان پلانی گەشتیاری دادەنێن و لە بازگەکان و دەروازە سنورییەکان و ھۆتێل و چێشتخانەکان و میوانخانەکان ئامادەکاری دەکەن بۆ پێشوازی گەشتیاران لە جەژنی رەمەزاندا.

وتیشی، تائێستا ھیچ داتا و زانیارییەک لەبەر دەست نییە لەبارەی ھاتنی گەشتیاران بۆ ناوچە گەشتیارییەکانی ھەرێم.

جوتیار عادل، وتەبێژی حکومەتی هەرێمی کوردستان لە ڕاگەیەندراوێکدا بڵاویکردەوە "بەبۆنەی ھاتنی جەژنی رەمەزانی پیرۆز، رۆژی یەکشەممە رێکەوتی ١ی ئایاری ٢٠٢٢ تاوەکو ٥ی ئایاری ٢٠٢٢، لەسەرجەم دامودەزگاکانی حکومی ھەرێمی کوردستان پشوی فەرمی دەبێت."

وتەبێژی حکومەت دەشڵێت ڕۆژی ٨ی ئایاری ٢٠٢٢، دەوامی فەرمی دەست پێ دەکاتەوە.

فەرمانگەی میدیا و زانیاری حکومەتی ھەرێمی کوردستان بڵاوکردووەتەوە، بە گوژمەی ملیارێک دینار لە سنووری سەرۆکایەتیی شارەوانیی سلێمانی، ژمارەیەک پرۆژەی خزمەتگوزاری جێبەجێدەکرێن.

ئاماژەی بەوەشکردووە، پرۆژەکان بریتین لە دابینکردنی قیری شل و گەیاندنی خزمەتگوزاری بۆ شەقام و کۆڵانەکان و راکێشانی بۆڕی ئاو و بەھێزکردنی تۆڕی ئاو بۆ چەند شوێنێک و ئامادەکردنی ڕێبەری گەشتیاری.

د. عیزەت سابر مامۆستای زانکۆ و پسپۆڕی بواری ئابووری دەڵێت، ھۆکاری کەمی داھاتی باج لە سلێمانی بۆ ئەوە دەگەڕێتەوە کۆمپانیا گەورەکانی سلێمانی باجەکانیان بۆ ھەولێر دەگەڕێننەوە، نەک لە ناوخۆی پارێزگاکە بیدەن و بچێتە سەر داھاتی ناوخۆ.

بۆ نموونە ھەردوو کۆمپانیای چیمەنتۆی ماس و کارگەی شیشی ماس لە ناوچەی بازیان لە پارێزگای سلێمانی کاردەکەن، بەڵام لە ھەولێر باج دەدەن.

بەشی ڕاگەیاندن و پەیوەندییەکانی دەروازەی پەروێزخان ڕایگەیاند لەگەڵ بەرپرسانی باڵای ئێران کۆبوونەوە و ناڕەزایەتی خۆیان گەیاندووەتە تاران سەبارەت بە ڕووداوی ھێرشکردنە سەر شۆفێرێکی کورد.

بەپێی ڕاگەیەندراوەکە بەرپرسانی ئەمنی ئێران لێکۆڵینەوەیان کردووە لەگەڵ ئەو کەسانەی کێشە بۆ شۆفێرانی کورد دروست دەکەن و ١٠ کەسیان دەستگیرکردووە و لە دادگای قەسری شیرین ڕاگیراون.

سەرۆکی دادگای قەسری شیرین و بەرپرسانی تری کۆماری ئیسلامی ئێران جەختیان لەوە کردوەتەوە ڕێگە بە دووبارە بوونەوەی ئەو ڕووداوانە نادەن، ئەمنییەتی دەروازەکە دەپارێزن.

شاندی کۆمەڵگای دەروازەی نێودەوڵەتی پەروێزخان بە بەرپرسانی کۆماری ئیسلامی ئێرانی وتوە " شۆفێرانی کورد ناڕازین لە مامەڵەی کرێکارانی نێو دەروازەکە لە دیوی ئێران و بەردەوام ناڕەزایەتی ئەوە دەردەبڕن، کە ڕووبەڕووی ھەڕەشە و لێدان و بێ ڕێزی دەبنەوە."

داواش لە لایەنی ئێران کراوە "لە ڕێگەی ھێزە ئەمنییەکان و یاساوە کۆنترۆڵی دەروازەکە بکەن و ئیجرائات لەگەڵ ئەو کەسانەدا بکەن، کە دەبنە ھۆی تێکدانی ئارامی و ئاسایشی نێو دەروازەکەو دروستکردنی کێشە بۆ شۆفێرانی کورد."

وتیشی، پێشبینی دەکەن ئەمساڵ زیاتر لە ٢ ھەزار سەربڕینی سەرئاژەڵ لە کوشتارگەکان تۆمار بکرێت، ئاماژەی بەوەشکرد، جگە لە کردنەوەی کوشتارگەکان، لیژنەی تەندروستیشیان دروستکردووە بۆ چاودێریکردنی کوالیەتی ئەو گۆشتەی لە جۆری ئاژەڵ و پەلەوەر کە دەخرێنە بازاڕەوە.

وەفدێکی فراکسیۆنی یەکێتی لە ئەنجومەنی نوێنەرانی عێراق سەردانی پارێزگای سەڵاحەدینی کرد بە مەبەستی چارەسەرکردنی کێشەکانی قەزای خورماتوو و ناحیەکانی دەوروبەری بۆ جێبەجێکردنی پڕۆژەی خزمەتگوزاری لە بوارەکانی ئەمنی و تەندروستی و پەروەرەدە.

بڕیاریشدرا بۆ چارەسەرکردنی کێشەکان دوای پشووەکانی جەژن پارێزگاری سەڵاحەدین سەردانی خورماتوو بکات.