کوردستان
ئاماژەیان بەوەکردووە کاھوەکان شیاونەبوو بۆ خواردن و دەبوونە ھۆی زیانی تەندروستی بۆ ھاوڵاتیانی هەرێمی کوردستان.
کەلەماوەی تەمەنیاندا دڵسۆزانە ئەرکەکانیان راپەڕاندووە و لەخزمەتی ئاسایش و ئارامی ھەرێمی کوردستاندا کاریان کردووە، تۆفیق عەلی لێپرسراوی کۆمیتەی ٢٥ ی رێکخستنی ئاسایشی یەکێتی لە وتەیەکدا رایگەیاند دابەشکردنی خەڵاتی رێزلێنان بەسەر ئەفسەرانی خانەنشینی ئاسایشدا بۆ بەبیرھێنانەوەی ئەو خزمەتە زۆرەیە کەلەڕێگای دابینکردنی ئارامیدا پێشکەشیان کردووە، بەڵینیشی دووپاتکردەوە کەلەسەر ڕێگەی دروستی ئەوان بۆ دابینکردنی سەقامیگری ئاسایشی ھاوڵاتیان بەردەوام دەبن.
لەو کۆبونەوەیەدا کە جەزا سەید مەجید لێپرسراوی مەڵبەند ئامادەی بوو، شاناز ئیبراھیم ئەحمەد باسی لەدوایین پێشھاتەکان و بارودۆخی ئێستای ھەرێمی کوردستانی کرد و دواتریش لەبارەی ھەنگاو و ئامادەکارییەکان بۆ دیداری یەکێتی لە سلێمانی بەرچاو ڕوونی بە ھەڤاڵاندا و پێویستی گرتنەبەری بەرنامەیەکی تۆکمەی بۆ سەرخستنی دیداری یەکێتی دووپاتکردەوە و باسیلەوەشکرد کە دەبێت ھەمووان بەرۆحیەتێکی یەکێتیانەوە ھەنگاو بنێن و دەرفەتیش بۆ ھەمووان بڕەخسێت تاوەکو پێشنیاز و راسپاردەکانیان بخەنەڕوو.
ھەر لەکۆبوونەوەکەدا ئاماژە بەئامادەکارییەکان و لیژنەکانی تایبەت بە دیداری یەکێتی کرا و شێوازی گرتنەبەری بەرنامە و پلانی پێویست بۆ سازدانی دیدارەکە تاوتوێکرا، شاناز ئیبراھیم ئەحمەد راشیگەیاند دەبێ رەچاوی پسپۆڕیی و شارەزایی ئەو کادر و کەسانە بکرێت کەدەبنە ئەندامی لیژنەکان لەدیداری یەکێتی سلێمانی-چەمچەماڵ، بۆئەوەی بەرھەمی دیدارەکە پێکھێنانی نەخشەرێگایەکی تۆکمەبێت بۆ ئایندە و دیدی یەکێتی لەسەر کۆی پرسەکان لەم قۆناغەدا دیاری بکرێت.
کۆبوونەوەی کارگێڕی مەکتەبی سیاسی (ی.ن.ک) و سەرپەرشتیاری مەڵبەندی ١ی رێکخستنی سلێمانی، بەخستنەڕووی سەرنج و پرسیار و پێدانی روونکردنەوە و پێشنیازی پێویستی ئامادەبووان کۆتایی ھات.
"بەختیار محەمەد" لێپرسراوی بەشی راگەیاندن و پەیوەندییەکانی ھاتووچۆی سلێمانی بە کوردسات نیوزی راگەیاند، لە رۆژی پێنج شەممەوە دەست دەکرێت بە پێدانی تابلۆی نوێ بە سیستەم و دیزاینێکی نوێ بۆ ئەو ئۆتۆمبێلانەی کە تۆماری یەکەم جارە، لە دوای جەژنی ڕەمەزانیش ڕێنمایی زیاتر سەبارەت بە جۆرەکانی تر بڵاو دەکرێتەوە. رۆژی ٢٥ی ئادار لە ھەولێر دەستکرا بە پێدانی تابلۆی نوێی ئۆتۆمبێل و ئەمڕۆش لە دھۆک دەستیپێکرد.
ھەر بەپێی راگەیەندراوی وەزارەتەکە تا ئێستا ٥٦ گەریلای پەکەکە گیانیان لەدەستداوە. ناوەندی راگەیاندن و چاپەمەنی ھێزەکانی پاراستنی گەل- ھەپەگەش رایگەیاندووە، تەنھا رۆژی سێ شەممە ١٤ سەربای تورکیا کوژراون و فڕۆکەیەکی بێفڕۆکەوان و ھەلیکۆپتەرێکیشیان کردووەتە ئامانج.
لە کۆبوونەیەکدا کە شاڵاو کۆسرەت رەسول و شۆڕش ئیسماعیل، وەزیری پێشمەرگە و جەلال شێخ ناجی، لێپرسراوی ئاژانسی پاراستن و زانیاری—زانیاریی ھەرێمی کوردستان ئامادەیبوون، گفتوگۆکرا لەبارەی گەشەسەندن، پڕچەککردنی ھێزی پێشمەرگە و جموجووڵی پاشماوەکانی تیرۆریستانی داعش.
لەکۆبوونەوەکەدا بافڵ جەلال تاڵەبانی جەختی لە بەرەوپێشبردنی توانا مرۆیی و سەربازییەکان کردەوە و رایگەیاند، لە ھەوڵەکانمان بۆ بونیادنانی ھێزێکی تۆکمە و مۆدێرن بەردەوامین. مەشقی چڕ و راھێنانی بەردەوامی ھێزەکان و دابینکردنی پێداویستییەکان کۆڵەکەی گرنگی سوپایە و ئێمەش دەمانەوێت ھێزی پێشمەرگە بە باشترین شێوە ئامادە و پڕچەک بکەین.
لە درێژەی کۆبوونەوەکەدا بافڵ جەلال تاڵەبانی باسی لە گرنگی توانا ھەواڵگرییەکان کرد و وتی، دەبێت لەسەر بنەمای زانیاری ورد، ھاوکاری و ھەماھەنگی ھێزە ئەمنییەکان کردە سەربازییەکان ئەنجامبدرێت و پاراستنی ئارامی و سەقامگیری ھەرێمی کوردستانیش لەسەروو ھەموو بەرژەوەندییەکانەوە بێت.
ھەر لە کۆبوونەوەکەدا دوایین جموجووڵ و چالاکییەکانی داعش تاوتوێکران و بافڵ جەلال تاڵەبانی فەرماندە سەربازییەکانی راسپارد بە ھەمووشێوەیەک دژی ھەر جوڵە و پلانێک بوەستنەوە کە ئارامیی ھەرێمی کوردستان بخاتە مەترسییەوە. بۆ ئەمەش کاری ھاوبەش و ھەماھەنگی ھێزی پێشمەرگە و سوپای عێراقی بە گرنگ وەسفکرد.
بافڵ جەلال تاڵەبانی جەختیشی کردەوە ھێزی پێشمەرگە و ھەموو ھێزە ئەمنییەکانی کوردستان پارێزەری راستەقینەی سەر و ماڵی خەڵکن. بۆیە رێگە بەھیچ کەسێک نادەین ھێزی تایبەتی ھەبێت و بە ھەمووشێوەیەک دژی دەوەستینەوە.
ھەروەھا سەبارەت بە پێدانی ئەو جۆرە تابلۆیەی کە پێشتر ھاوڵاتیان دەیانتوانی وەری بگرن و سەفەری دەرەوەی وڵاتی پێوە بکەن ئاماژەی بەوەکرد لەئێستادا پێدانی ئەو تابلۆیانە راگیراو و لە کاتی تێپەڕبوونی ماوەی یاسای ئەو جۆرە تابلۆیەش بۆ ھەر رۆژێک ٥٠ ھەزار دینار سزای ئەو شۆفێرە دەدرێت کە ماـەڵەی وەرگرتنەوەی تابلۆی کۆنی پێشوتری نەکاتەوە .
(وەسفیە بەنی وەیس) ناسراو بە (دایکی شەھیدان) لە ساڵی ١٩٥٣ لە خێزانێکی نیشتمانپەروەر لە گەڕەکی مەزرەعە لە قەزای خانەقین لەدایکبووە، ساڵی ١٩٧٥ پەیوەندی بە ڕیزەکانی کۆمەڵەی ڕەنجدەرانی کوردستانەوە کردووە و ھەمان ساڵ بەشی کوردی کۆلێژی ئادابی زانکۆی سلێمانی تەواوکردووە.
لە ماوەی ساڵانی ١٩٩٣ تا ٢٠٠٣ لێپرسراویەتی لقی کەرکوکی یەکێتی ژنانی کوردستانی گرتۆتە ئەستۆ و ماوەیەکیش کارگێڕی مەڵبەندی گەرمیان بووە.
ساڵی ٢٠١٠ لە سێیەمین کۆنگرەی یەکێتی نیشتمانی کوردستان لە سلێمانی بە ئەندامی سەرکردایەتی ھەڵبژێردراو ھەر ئەو ساڵە دوای پێکھێنانی مەکتەبی شەھیدان و لەسەر راسپاردەی (سەرۆک مام جەلال) کرایە یەکەم لێپرسراوی ئەو مەکتەبە.
شەوی ٢٥ی نیسانی ٢٠١٦ لە نزیک ناحیەی وارماوای سەر بە قەزای شارەزور بە رودوای ھاتوچۆ کۆچی دوایی کرد.
پەیامنێری کوردسات نیوز رایگەیاند، لە سەعات ٢ی بەرەبەیانی ئەمڕۆ تا دوای سەعات ٤ی بەیانی بە بەردەوامی شەڕ و پێکدادان لەنێوان سوپای تورکیا و پارتی کرێکارانی کوردستان "پەکەکە" روویداوە.
ئاماژەی بۆ ئەوەشکرد، سەرەتا سوپای تورکیا ناوچەکانی دەوروبەری قەزای ئامێدی بۆردومان کرد و بۆ ماوەیەکیش فڕۆکە جەنگییەکان و ھێلیکۆپتەری تورکیا بەسەر ئاسمانی قەزاکەدا سوڕانەوە و بە دۆشکە تەقەی ھەڕەمەکییان کرد، دواتر لە چیای کورەژار لە ناحیەی شیلادزێ و چیای لینک لە ناحیەی دێرەلوک شەڕ لەنێوان سوپای تورکیا و پەکەکە روویدا. لە ھەمان کاتدا سوپای تورکیا لە رێگەی ھێلیکۆپتەر بە دۆشکە تەقەی لە بناری زنجیرە چیاکانی مەتین کرد و دواتر گوندی نھێلی بۆردومان کرد.
لە میانی سەردانێکدا بۆ ئەوروپا، ئیلھام ئەحمەد، ئەندامی دەستەی جێبەجێکاری مەسەدە ڕایگەیاند تورکیا ھێرش دەکاتە سەر خەڵکی مەدەنی و لە ھەرێمەکانی پاراستنی میدیا و باشوور و شەنگال ھێرش ھەیە.
ئیلھام ئەحمەد ڕایگەیاند "دەوڵەتی تورکیا دژی ھەمو دەستکەوتەکانی کوردە، لەکوێ دەستکەوتی کورد ھەبێت، دەوڵەتی تورکیا ھەوڵ دەدات لەناویببات و بێئارامی بکات."
دەشڵێت "ئێمە ھێرشەکانی سەر رۆژئاڤا دەبینین، لە ھەرێمەکانی پاراستنی میدیا و باشور و شنگال ھێرش ھەیە، ئەم ھەفتەیە سێ شەڕڤانی ژنی شەھید کرد، ھێرش دەکاتە سەر خەڵکی مەدەن".
ئیلھام ئەحمەد ڕاشیگەیاند، تورکیا لە ھێرشەکانیدا گوێ بە پەیماننامە نێودەوڵەتییەکان نادات و داوای ھەڵوەستەی لە وڵاتانی گەرەنتۆ کرد لە بەرامبەر ھێرشەکانی تورکیا بێدەنگ نەمێننەوە.
لە وتارەکەیدا ئیلھام ئەحمەد وتیشی، "حکومەتی تورکیا ھەمو دەرفەت و ناکۆکیەکان بەکاردەھێنێت و ھێرش دەکات، لەنێوان ئەمریکا و روسیا بۆشاییەک ھەیە و ھێرش دەکات، بە سودوەرگرتن لە شەڕی رۆژئاڤا ھێرش دەکات، ھیچ دەرفەتێک نادات، بە فەرمی ھەڵوێستی ئەو وڵاتانەی کە لە سوریان، دەوڵەتی تورکیا بەھێز دەکەن، دەوڵەتان بۆ بەرژەوەندی خۆیان پشتگیری یەکتری دەکەن و چاویان دادەخەن و ئێمەش ئەمە قبوڵ ناکەین".
ئەمڕۆ بازنەی خۆپیشاندانی کارمەندانی خۆبەخشی کەرتی تەندروستی لە سلێمانی فراوانترە و دەڵێن لە دامەزراندندا جیاکاری کراوە و لە بەشێک لە پارێزگاکانی دیکە دامەزراندن ھەیە بەڵام لە سلێمانی نییە.
لە یەکێک لەو دروشمانەی لەلایەن خۆپیشاندەران بەرزکراوەتەوە نوسراوە "دامەزراندنی کارمەندانی تەندروستی بە نھێنی و ژێر بەژێر بۆ ھەندێک لە شارەکانی کوردستان و بێ بەش کردنی سلێمانی و ھەڵەبجە وگەرمیان و ڕاپەڕین نیشانەی غەدر و جیاوازی و نادادپەروەرییە."
دەشڵێن ئەگەر دامەزراندن ھەبێت دەبێت بۆ ھەموو شارەکان بێت نەک تەنیا بۆ چەند زۆنێک.
لێپرسراوی بەشەکانی تەندروستی ھەڵەبجە لە کۆنفرانسێکی ڕۆژنامەوانیدا ڕایگەیاند "ساڵانێکی زۆرە کارمەندێکی زۆری پزیشکی خانەنشین دەکرێن و جێگەیان پڕ ناکرێتەوە... پێویستە فەرمانی دامەزراندن یان گرێبەست بۆ دەرچووانی بەشە پزیشکییەکان و خۆبەخشەکان بخرێتە بواری جێبەجێکردنەوە."
دوێنێش کارمەندانی تەندروستی خۆبەخش لە سلێمانی بایکۆتی داوامیان کرد و رایانگەیاند نارۆنەوە سەرکار تا ئەوکاتەی داواکارییەکانیان جێبەجێدەکرێت و دەشڵین لە ھەولێر و دھۆک بە نھێنی و بە ناوی جۆراوجۆرەوە دامەزراندن بەردەوامە و دەرچوانی دانەمەزراوی سنوری پارێزگای سلێمانیش پشگوێخراون.
نوێنەری کارمەندانی تەندروستی خۆبەخش لە سلێمانی لە کۆنفرانسێکی رۆژنامەوانیدا راگەیاند، ژمارەیان زیاتر لە ١٢ ھەزار دەرچووی دانەمەزراوە و چەندین ساڵە بە بیانوی جۆراوجۆر و بڕواپێنەکراو دامەزراندن راگیراوە، لە کاتێکدا دامەزراندن بە بەردەوامی بۆ وەزارەتەکانی تر ھەبووە و تەنانەت لە وەزارەتی تەندروستیشدا جیاوازی کراوە و داواکارن ئەو ستەمەی لە پارێزگای سلێمانی و پارێزگای ھەڵەبجە و ئیدارەی گەرمیان راپەڕین دەکرێت کۆتایی پێبھێنرێت و دەرگای دامەزراندنیان بۆ بکرێتەوە.
خڵوسی ئاکار وەزیری بەرگری تورکیا رایگەیاندووە، قۆناغی یەکەمی ئۆپراسیۆنەکە کۆتاییھات، بەڵام تا ئەو کاتەی ھەڕەشە لە سنورەکانی عێراقەوە ھەبێت، ئۆپراسیۆنەکە بەردەوام دەبێت، وتیشی، ھێزە چەکدارەکانی تورکیا گەیشتونەتە ئەو ناوچانەی پێویست بوو پێی بگەن و سەرکەوتوبون لە گەیشتن بە ئامانجەکان، مەولود چاوش ئۆغلۆ وەزیری دەرەوەی تورکیاش رایگەیاند، ئامانجی وڵاتەکەی گرەنتیکردنی ئاسایشی سنورەکانیەتی.
لە رۆژی ١٧ی ئەم مانگەوە تورکیا ئۆپراسیۆنی چرنوک قوفڵی لە ناوچە سنورییەکانی ھەرێمی کوردستان لە دژی پەکەکە دەستپێکردووە و ھێزی تایبەت و ھێزە ئاسمانییەکانی تورکیا بەشداری لە ئۆپراسیۆنەکەدا دەکەن.
کەشناسی پێشبینییەکانی کەش و ھەوای بۆ ئەمڕۆ و سبەی بڵاوکردەوە و دەڵێت لە پارێزگاکانی ھەولێر، سلێمانی، دھۆک، کەرکووک و ھەڵەبجە باران دەبارێت.
ڕاگەیەندراوی کەشناسی لەبارەی پێشبینییەکان بەپێی پارێزگاکان:
پارێزگای ھەولێر
ئەمڕۆ دووشەممە
کەش/ ئاسمان لەنێوان نیمچە ھەور و ھەوری تەواو دەبێت کە ھەندێکجار دەگۆڕێت بۆ گەواڵە ھەوری بروسکاوی لەگەڵ بارینی تاوە بارانی بەخوڕ کە ھەندێکجار تەرزەشی لەگەڵدا دەبێت لە ناوچە جیاجیاکانی پارێزگادا و بە رێژەی زیاتر لە ناوچە شاخاویەکانی باکووری رۆژھەڵاتدا، لە کاتەکانی ئێوارەدا سەنتەری شاری ھەولێر و دەوروبەریشی دەگرێتەوە.
خێرایی با/ لەنێوان ١٠ - ٢٠ کیلۆمەتر لە کاژێرێکدا دەبێت بە ئاراستەی باکووری خۆرئاوا.
مەودای بینین/ ٧ - ٩ کیلۆمەتر دەبێت لە کات و شوێنی داباریندا لەنێوان ٥ - ٧ کیلۆمەتر دەبێت.
نزمترین پلەی گەرمای تۆمارکراو/ ١٧ پلەی سیلیزی.
بەرزترین پلەی گەرمای پێشبینیکراو/ ٢٦ پلەی سیلیزی.
رۆژی سێشەممە ٢٦ی نیسان
کەش/ ئاسمان لەنێوان نیمچە ھەور و ھەوری تەواو دەبێت لەگەڵ دابارینی نمەبارانی پچڕپچڕ لە ناوچە جیاجیاکانی پارێزگاکە کە ھەندێکجار بۆ بروسکە و تاوەباران دەگۆڕێت، بەتایبەتی لە کاتەکانی دوای نیوەڕۆدا کە سەنتەر و دەوروبەری شاری ھەولێریش دەگرێتەوە.
خێرایی با/ لە نێوان (١٠-٢٠ ) کم لە کاژێرێکدا دەبێت بە ئاراستەی باشووری خۆرھەڵات.
مەودای بینین/ ٧ - ٩ کیلۆمەتر دەبێت لە کات و شوێنی داباریندا لەنێوان ٥ - ٧ کیلۆمەتر دەبێت.
نزمترین پلەی گەرمای پێشبینیکراو/ ١٥ پلەی سیلیزی.
بەرزترین پلەی گەرمای پێشبینیکراو/ ٢٤ پلەی سیلیزی.
پارێزگای سلێمانی
ئەمڕۆ دووشەممە
کەش/ ئاسمان لەنێوان نیمچە ھەور و ھەوری تەواو دەبێت کە ھەندێکجار بۆ گەواڵە ھەوری بروسکاوی دەگۆڕیت لەگەڵ بارینی تاوە بارانی بەخوڕ کە ھەندێکجار تەرزەشی لەگەڵدا دەبێت لە ناوچە جیاجیاکانی پارێزگادا کاریگەریی ناسەقامگیری ئاسمان بەردەوامی دەبێت بەشێوەی دابارینی پچڕپچڕ.
خێرایی با/ لەنێوان ١٠ - ٢٠ کیلۆمەتر لە کاژێرێکدا دەبێت بە ئاراستەی باشووری خۆرھەڵات.
مەودای بینین/ ٨ - ١٠ کیلۆمەتر.
نزمترین پلەی گەرمای تۆمارکراو/ ١٥ پلەی سیلیزی.
بەرزترین پلەی گەرمای پێشبینیکراو/ ٢٢ پلەی سیلیزی.
رۆژی سێشەممە ٢٦ی نیسان
کەش/ ئاسمان لەنێوان نیمچە ھەور و ھەوری تەواو دەبێت لەگەڵ دابارینی نمە بارانی پچڕپچڕ لە ناوچە جیاجیاکانی پارێزگادا، لە کاتەکانی دوای نیوەڕۆ کاریگەریی زیاد دەبێت بۆ بروسکە و تاوە باران لە زۆربەی ناوچەکاندا، ناوچەکانی باشووری پارێزگاکەش کەمێک رێژەکەی زیاتر دەبێت.
خێرایی با/ لەنێوان ١٠ - ٢٠ کیلۆمەتر لە کاژێرێکدا دەبێت بە ئاراستەی باشووری خۆرھەڵات.
مەودای بینین/ ٧ - ٩ کیلۆمەتر لە کات و شوێنی داباریندا لەنێوان ٥ - ٧ کیلۆمەتر دەبێت.
نزمترین پلەی گەرمای پێشبینیکراو/ ١٣ پلەی سیلیزی.
بەرزترین پلەی گەرمای پێشبینیکراو/ ١٩ پلەی سیلیزی.
پارێزگای دھۆک
دووشەممە
کەش/ ئاسمان لەنێوان نیمچە ھەور و ھەوری تەواو دەبێت، لە کاتەکانی دوای نیوەڕۆ کەشی تاوە باران و بروسکە لە زۆربەی ناوچە جیاجیاکانی پارێزگاکە دروستدەبێت کە ھەندێکجار تەرزەشی لەگەڵدا دەبێت.
خێرایی با/ لەنێوان ١٠ - ٢٠ کیلۆمەتر لە کاژێرێکدا دەبێت بە ئاراستەی باکووری خۆرئاوا.
مەودای بینین/ ٨ - ١٠ کیلۆمەتر لە کات و شوێنی داباریندا لەنێوان ٥ - ٧ کیلۆمەتر دەبێت.
نزمترین پلەی گەرمای تۆمارکراو/ ١٦ پلەی سیلیزی.
بەرزترین پلەی گەرمای پێشبینیکراو/ ٢٥ پلەی سیلیزی.
رۆژی سێشەممە ٢٦ی نیسان
کەش/ ئاسمان لەنێوان نیمچە ھەور و ھەوری تەواو دەبێت لەگەڵ دابارینی نمە بارانی پچڕپچڕ لە ناوچە جیاجیاکانی پارێزگاکە لە کاتەکانی دوای نیوەڕۆ کاریگەریی زیاد دەبێت بۆ ھەوری بروسکە و تاوە باران و بۆ ماوەی دوو تاوەکو سێ کاژێر کە زۆربەی ناوچەکانی پارێزگاکە دەگرێتەوە.
خێرایی با/ لەنێوان ١٠ - ٢٠ کیلۆمەتر لە کاژێرێکدا دەبێت، لە کاتەکانی ئێوارە کەمێک چالاک دەبێت بۆ سەرووی ٣٠ کیلۆمەتر لە کاژێرێکدا بە ئاراستەی باشووری خۆرھەڵات.
مەودای بینین/ ٧ - ٩ کیلۆمەتر، لە کات و شوێنی داباریندا لەنێوان ٥ - ٧ کیلۆمەتر دەبێت.
نزمترین پلەی گەرمای پێشبینیکراو/ ١٣ پلەی سیلیزی.
بەرزترین پلەی گەرمای پێشبینیکراو/ ٢٣ پلەی سیلیزی.
وەزارەتی کشتوکاڵ وسەرچاوەکانی ئاوی ھەرێمی کوردستان، لەسەر بوجەی تایبەت بڕی شەش ھەزار لیتر قڕکەری جۆری (ئی سی فیوشن)دابەشدەکات بەسەر جوتیارانی سنوری پارێزگای سلێمانی.
لە ڕاپۆرتێکدا، ڕێکخراوی مافی مرۆڤی ھەنگاو بڵاویکردەوە لە ماوەی ١٢ ڕۆژی ڕابردو لانیکەم ٣٤ کۆڵبەر لە سنوری نەوسود بونەتە قوربانی و یەکێکیان مردوە، ھەروەھا ٦ کۆڵبەر بە ھۆی ڕوداوی سروشتی و ٢٨ کۆڵبەریش بە تەقەی ڕاستەوخۆی ھێزە چەکدارەکان برینداربون.
بەپێی ڕاپۆرتەکە شەممەی ڕابردوو لە ئاکامی تەقەی ڕاستەوخۆی ھێزە چەکدارەکان لە سنوری نەوسود سەر بە پارێزگای کرماشان دوو کۆڵبەر بە ناوەکانی ئیسماعیل سەبوک ڕو خەڵکی ڕوانسەر و ئیحسان کەرەمی خەڵکی سەلاسی باوەجانی بریندار بون.
ئاماژەی بەوەشکردوە، ھەمان ڕۆژ، کۆڵبەرێکی خەڵکی جوانڕۆ بە ناوی محەمەد مورادی لە کاتێکدا ھێزە ئەمنییەکان بە شوێنییەوە بون، ویستویەتی کە خۆی دەرباز بکات بەربوەتەوە و بە سەختی بریندار بوە.
ئەو نۆ ئەندامەی ئەنجومەنی پارێزگای سلێمانی واژۆیان لەسەر نوسراوێک کردووە و دەڵێن، تاوەکو ئێستا ھۆکاری سەردانەکەی پارێزگاری سلێمانی نازانن.
لە بەشێکی نوسراوەکەدا ھاتووە، "بەپێی ئەو پۆستانەبێت کە لە سۆشیاڵ میدیا بڵاوکری کردووەتەوە بەشێکی زۆری تەنھا وێنەگرتن بووە لەگەڵ گرنگیدان بە بڵاوکردنەوە و گواستنەوەی کلتور و کەلەپوری ئەو وڵاتە و لەکاتی گەڕانەوەشی تائێستا ھۆکاری سەردانەکەی بەناڕونی ھێشتووەتەوە."
دەشڵێن سەردانەکەی ھەڤاڵ ئەبوبەکر لەکاتێکدایە "ھاوڵاتیان بەدەست نەبوونی چەندین خزمەتگوزاری دەناڵێنن و بەھۆی خراپی لە سیستەمی دابەشکردنی موچە خانەنشینان توشی چەندین ناڕەحەتی و تەنانەت ڕوبەڕوی مەرگ دەبنەوە."
ھەڤاڵ ئەبوبەکر پارێزگاری سلێمانی لە دوای نزیکەی ١٣ ڕۆژ لە گەشتەکەی بۆ ھیندستان ڕۆژی ٢٣ی ئەم مانگە گەڕایەوە ھەرێمی کوردستان.
لەکاتی گەشتەکەیدا بۆ ھیندستان لە پۆستێکدا لە پەڕەی فەرمی خۆی لە فەیسبووک، ھەڤاڵ ئەبوبەکر ڕایگەیاند لەلایەن ھیندستان نازناوی "باڵیۆزی موحیبەت"ی پێدراوە.
