دەقی راگەیەندراوەکە:

دوای لادانی زمانی کوردی لە بەڕێوەبەرایەتی تەندروستی کەرکوک، ئێمە وەک دەستەی گشتی ناوچە کوردستانییەکانی دەرەوەی ئیدارەی ھەرێم دەستبەجێ تەواوی فڕاکسیۆنە کوردستانییەکانمان لە بەغدا لەگەڵ ھەموو ئەو لایەنانەی کە پەیوەندیان ھەیە بەم کارە نادەستوورییە ئاگادارکردەوە، خۆشبەختانە دوای ھەوڵ و کۆششی فڕاکسیۆنە کوردییەکان و بەدەنگەوەھاتنی حکومەتی نوێی عێراق، وەزارەتی تەندروستی بڕیاریدا زمانی کوردی بگەڕێنێتەوە سەر نووسراوە فەرمییەکان، وەک ئەوەی لە مادەی چواری دەستووردا ئاماژەی پێ کراوە.

وەک دەستەی گشتی ناوچە کوردستانییەکانی دەرەوەی ئیدارەی ھەرێم، پێمان وایە لە ھەر کات و شوێنێک دوور لە موزایەدە، گیانی بەرزی نیشتیمانی زاڵ بووبێت لەو شوێنەدا گەلەکەمان لە بەدیھاتنی ئاواتەکانی نزیک بۆتەوە، ئەم ھەوڵەش دەرئەنجامی خەباتی پێکەوەییمانە، بەھیواین بۆ داھاتووش بەری خەباتی ھاوبەشی کۆی فراکسیۆنەکانمان لە بەغداد دواخاڵەکانی کارنامەی بریار لێ دراوی بەڕێز سودانی بەدیبھێنێت.

لە لایەکی ترەوە ئەم ڕاستکردنەوەیە وەک دەستپێکێکی باش دەبینین بۆ چارەسەرکردنی گرفتەکانی تر و جێبەجێکردنی تەواوی کارنامەکەی سەرۆک وەزیران بەڕێز محمد شیاع سوودانی و بە پێویستیشی ئەزانین سوپاسی وەزارەتی تەندروستی عێراقیش بکەین کە دەستووریان کرد بە بنەما بۆ چارەسەرکردنی کێشەکان.

 

لە مانگی ٥ی ئەمساڵ کۆمپانیای گووگڵ بە فەرمی بڕیاریدا بە زیادکردنی ٢٤ زمانی دیکە بۆ بەشی وەرگێڕەکەی و یەکێک لەو زمانانە کوردی سۆرانی بوو، بەمەش ژمارەی ئەو زمانانەی کە وەرگێڕی گووگڵ پشتیوانییان دەکات دەبێتە ١٣٣ زمان.

وەرگێڕی گووگڵ، وەڕگێڕێکی خۆکردی بەخۆڕایی فرە زمانە و بەشێوەی ڕێنووس و گوفتار و وێنە لەگەڵ وەڕگێڕانی ڕاستەوخۆی ھەریەکە لە  پێگە ئەلیکترۆنییەکان و ڤیدیۆ ڕاستەوخۆکان.

مەسرور بارزانی سەرۆکی حکومەتی ھەرێمی کوردستان رایگەیاند، ھەموو جۆرێک لە کارکردن بە سیستمی غازە رادەگیرێت و نابێت بە ھیچ جۆرێک بەکاربھێندرێت، راشیگەیاند، پێویستە تەواوی لایەنەکان بەدواداچوون و لێکۆڵینەوەی ورد بکەن.

ئەو بڕیارەی حکومەتی ھەرێمی کوردستان لە کاتێکدایە، رۆژی پێنجشەممە سیستمی غازی ماڵێک لە گەڕەکی کازیووەی شاری سلێمانی تەقییەوە و بەھۆیەوە ١٥ کەس گیانیان لەدەستدا، ھەروەھا شەوی رابردووش تانکییەکی غاز لە شاری دھۆک تەقییەوە و تائێستا چوار کەس گیانیان لەدەستداوە.

شەوی رابردوو تانکی غازی فڕنێک لە گەڕەکی گرێ باسێ شاری دھۆک تەقییەوە، ئەو باڵەخانەیەی تانکییە غازەکەی تێدا تەقیووەتەوە، قاتەکانی سەرەوەی بەشە ناوخۆیین و ئەو تانکییەشی تەقیووەتەوە لەسەر بانی بەشە ناوخۆییەکان بووە و چەند رۆژێک بووە خوێندکارانی بەشە ناوخۆییەکە ھەستیان بە بۆنی غاز کردووە.

پەیامنێری کوردسات نیوز رایگەیاند، بەھۆی تەقینەوەکەوە پێنج کەس گیانیان لەدەستداوە، کە یەکێک لەو کەسانەی گیانی لەدەستداوە رائید عەلی بەرواری جێگری بەڕێوەبەری پۆلیسی فریاکەوتنی دھۆکەوە و قوربانییەکانی تریش لە دوو پۆلیس و و خوێندکارێک و کرێکارێک پێکھاتوون، ھەروەھا ٣٢ کەسی تریش بریندار بوون، کە بەشێکیان باری تەندروستیان خراپە و لەژێر چاودێری چڕی پزیشکیدان.

تەقینەوەکە زیانی بە ژمارەیەک ئۆتۆمبێل و خانووی ھاووڵاتیان گەیاندووە، ھاوکات پارێزگاری دھۆکیش بەھۆی رووداوەکەوە دوو رۆژ ماتەمینی گشتیی راگەیاند.

رێکخراوی ھەنگاو بۆ مافەکانی مرۆڤ بڵاویکردەوە، بەیانی ئەمڕۆ ھەلیکۆپتەری سەربازی کۆماری ئیسلامی ئێران بەسەر شارەکانی رۆژھەڵاتی کوردستان سوڕاونەتەوە. 
لە شەقامی مەنگوڕ لە پیرانشار، بەردەوام دەنگی دەستڕێژی ھێزەکانی حکومەتی ئێران بەڕووی خەڵکدا بیستراوە. 

ھەروەھا چارەنووسی چەندین کەس لە شارەکانی رۆژھەڵات نادیارە، کە یەکێکیان منداڵێکی تەمەن ١٣ ساڵی خەڵکی جوانڕۆیە. 

لەلایەکی ترەوە، "مەسعود ستایشی" وتەبێژی دەسەڵاتی دادوەری ئێرانی رایگەیاند، لەسەرەتای خۆپیشاندانەکانی ئێرانەوە، ٤٠ ھاووڵاتی بیانی دەستگیرکراون.  ھەروەھا رۆژنامەی "جیھان سانات"ی ئابوری داخراوە، چونکە تۆمەتی ئاڕاستەی ھێزە ئەمنییەکان کردبوو. 

 

پەیامنێری کوردسات نیوز رایگەیاند، بۆردوومانەکە سەعات ٢:٣٣ خولەک بووە  لەڕێی سێ مووشەکەوە، کە لە سەردەشتەوە ئاڕاستە کرابوون و بەر شوێنی چۆڵ کەوتوون. 

پەیامنێری کوردسات نیوز وتیشی،  بۆردوومانەکە ھیچ زیانێکی گیانی نەبووە، بەڵام ئەو فەرمانگە و خوێندنگایانەی دەوامی ئێوارانیان ھەبووە لە پردێ، چۆڵ کراون و دەوامی ئێواران بە تەواوی لە ناوچەکە راگیراوە. 

د.لەتیف رەشید سەرۆک کۆماری عێراق و نێچیرڤان بارزانی سەرۆکی ھەرێمی کوردستان لە بەغداد کۆبونەوە، بە پێی راگەیەنراوێکی کۆبونەوەکەش پرسی ئاوارەکان و رەوشی ژیانیان لە نێو کەمپەکان گفتوگۆیان لەبارەوە کراوە، ھەردوولاش ڕێککەوتن لەسەر پێویستی کاری ھاوبەش بۆ باشترکردنی رەوشی ژیانیان بۆ گرەنتیکردنی گەڕانەوەی ئاوارەکان بۆ زێدی خۆیان.

ھەردوولا پشتیوانی ھەنگاوەکانی حکومەتی عێراقیان کرد لە جێبەجێکردنی بەرنامەکەی، کە ئامانج لێی دابینکردنی خزمەتگوزاریی و پێداویستی زیاتری ھاووڵاتیانە، پرسی پەیوەندییەکانی نێوان عێراق و وڵاتانی دراوسێش تاوتوێکرا و جەخت لەسەر ھەوڵە ھاوبەشەکان بۆ پاراستنی سەقامگیری و سەروەری عێراق و بەرەنگاربوونەوەی تیرۆر کرایەوە.

لەبارەی پرسە ھەڵپەسێردراوەکانی نێوان ھەردوو حکومەتی عێراق و ھەرێمیش، جەختکرایەوە لەسەر پێویستی پەسەندکردنی دیالۆگی بنیاتنەر و پەلەکردن لە چارەسەرکردنی پرسە ھەڵپەسێردراوەکان بەپێی دەستوور.

بەپێی راگەیەنراوێکی ڕێکخراوی مافی مرۆڤی ئێران، ژمارەی کوژراوانی ناڕەزاییەکانی شارەکانی ئێران گەیشتوەتە ٤١٦ کەس، لەو ژمارەیەش ٥١ منداڵ و ٢٧ ژن لە نێو کوژراوەکاندان.

راشیگەیاندوە، تەنیا لە ھەفتەی رابردوودا ٧٢ کەس بە تەقەی ھێزە ئەمنیەکان کوژراون کە زیاتر لە ٥٦ کەسیان لە رۆژھەڵاتی کوردستان بوون، زۆرترین ژمارەی کوژراوەکانیش لە پارێزگاکانی سیستان و بەلوچستان و سنە و ئازەربایجانی ڕۆژئاوا و تاران و مازەندەران و گیلان بووە.

رێکخراوی ھەنگاو بۆ مافەکانی مرۆڤیش بڵاویکردەوە، ھەلیکۆپتەری سەربازیی ئێران بەسەر شارەکانی رۆژھەڵاتی کوردستان سوڕاوەتەوە، لە شەقامی مەنگوڕ لە پیرانشار، بەردەوام دەنگی دەستڕێژی ھێزەکانی حکومەتی ئێران بەڕووی خەڵکدا بیستراوە و چارەنووسی چەندین کەسیش لە شارەکانی رۆژھەڵات نادیارە.

مەسعود ستایشی وتەبێژی دەسەڵاتی دادوەری ئێرانیش رایگەیاندوە، لەسەرەتای خۆپیشاندانەکانی ئێرانەوە، ٤٠ ھاووڵاتی بیانی دەستگیرکراون، رۆژنامەی "جیھان سانات"ی ئابورییش داخراوە، چونکە تۆمەتی ئاڕاستەی ھێزە ئەمنییەکان کردوە.

بەپێی زانیارییەکانی کوردسات نیوز، ئەو پێشمەرگەی گیانی لەدەستداوە ناوی (بەھزاد ئیسکات)ە و خەڵکی پاوەی رۆژھەڵاتی کوردستان بوو، تەمەنی ٢٢ ساڵان بووە و ئەمشەو لەکاتی پاسەوانی بارەگای حزبی دیموکرات لە کۆیە، بەھۆی بۆردومانی ئێرانەوە گیانی لەدەستدا.

حزبی دیموکراتی کوردستانی ئێران راگەیەندراوێکی بڵاوکردەوە و تیایدا ئاماژەی بۆ ئەوەکردووە، ھێرشی مووشەکی نوێی ئێران بۆ سەر بنکە و بارەگاکانی حزبی دیموکرات لە کاتێکدایە کە پێشتر لە رۆژی ١٤ی ئەم مانگە و ٢٨ی ئەیلولی ٢٠٢٢، ئێران بە بەزاندنەوەی ھەموو پڕەنسیپە نێودەوڵەتییەکان بنکە و بارەگاکانی حزبی دیموکراتی بە مووشەک بەئامانج گرت و لە ھێرشەکاندا ١١ پێشمەرگەی دیموکرات گیانیان لەدەستدا. حزبی دیموکرات داواش لە وڵاتان دەکات بەربەستێک بۆ سنوربەزاندنی ئێران دابنێن.

ھاوکات، محەمەد پاکپور، فەرماندەی ھێزی زەمینی ئێران لە تویتێکدا رایگەیاند، یان بنکە و بارەگاکانتان چۆڵ بکەن یان ھێرشەکانی ئێران بەردەوام دەبن.

 

"دەمیرتاش" لە چەند تویتێکدا سەبارەت بە ئۆپراسیۆنە نوێیەکەی تورکیا بۆ سەر خاکی رۆژئاوای کوردستان نوسیویەتی، سەرباری ئەو ھەموو زوڵم و ستەمە لەگەڵ جەنگدا نین. 
دەشڵێت، ملکەچی سیاسەتی قێزەونی جەنگ نابن و ھەوڵی تەواودەدەن تا دەبنە خاوەن کۆمەڵگەیەکی پڕ ئاشتی و برایەتی و گەشەسەندوو.

"دەمیرتاش" ئاماژەی بەوەشکردووە، ئەوانەی پشتیوانی جەنگ ناکەن بە ناپاک ناو دەبرێن، بەڵام دەبێت ئەو ھاوکێشەیە چارەسەربکرێت و ھێندە قورس نییە. 

ھەروەھا "دەمیرتاش" راشیگەیاندووە، حکومەتی تورکیا ئۆپراسیۆنەکانی بە بەرگریکردن لە وڵات ناودەبات و دەیەوێت لەو ڕێیەوە ھەستی خەڵک بۆ خۆی رابکێشێت، بەو شێوەیەش ھەموو ئەو دەنگانە بێدەنگ دەکەن و ئەوەی گومانی ھەبێت بە پاڵپشتی تیرۆی دەزانن. 

 

رێکخراوی ھەنگاو بڵاویکردەوە، لە خۆپیشاندانەکانی شاری جوانڕۆ کە گرژی لێکەوتووەتەوە بەھادین وەیسی، خوێندکار و عیرفان کاکایی مامۆستا لە ئیدارەی پەروەردە و بارھێنان، بە تەقەی ڕاستەوخۆی ھێزە ئەمنییەکانی ئێران کوژران.

ھاوکات لە خۆپیشاندانەکانی شاری دێوڵان و پیرانشار و سنە، چوار خۆپیشاندەری تر بە تەقەی ھێزە ئەمنییەکانی ئێران کوژران. 

ھەر شەوی رابردوو بۆ دەربڕینی ناڕەزایی بەرامبەر حکومەتی ئێران و پشتیوانی لە خۆپیشاندانی خەڵکی مەھاباد خوێندکارانی زانکۆی کوردستان لە شاری سنە خۆپیشاندانیان کرد و پێکەوە سروودی (ئەی ڕەقیب)یان دەخوێندەوە.

 

حکومەتی ھەرێمی کوردستان لەبارەی بۆردوومانەکەی ئەمشەوی ئێرانەوە راگەیەندراوێکی بڵاوکردەوە و بە توندترین شێوە ئیدانەی کرد.

راشیگەیاند، پێشێلکاری بەردەوامی سەروەری عێراق و ھەرێمی کوردستان لەلایەن ئێرانەوە ھیچ پاساوێک ھەڵناگرێت و پێشێلکردنی ئاشکرا و زەقی یاسا و رێسا نێودەوڵەتییەکان و پەیوەندی دراوسێیانەیە. 
داواشی لە کۆماری ئیسلامی ئێران کرد، ئەم شاڵاوە دژی ھەرێمی کوردستان رابگیرێت، چونکە سەقامگیری ھەرگیز لەڕێی توندوتیژییەوە دەستەبەرنابێت. 

حکومەتی ھەرێمی کوردستان داوا لە دۆست و ھاوبەشانی لە حکومەتی فیدراڵی و نەتەوە یەکگرتووەکان و کۆمەڵگەی نێودەوڵەتی بەگشتی دەکات، کە ھەڵوێستی روون و ئاشکرایان بەرامبەر ئەو ھێرشە بەردەوامانە ھەبێت.