کوردستان
سەندیکای پزیشکانی کوردستان لە راگەیەندراوێکدا ئەنجامی بەدواداچونی لیژنەکانی لەبارەی لێدوانێکی ئەبوبەکر ھەڵەدنی بڵاوکردەوە و رایگەیاند گەر ناوبراو داوای لێبوردن نەکات دەیدەنە دادگا.
بەھۆی لێدوانێکی پەرلەمانتار ئەبوبەکر ھەڵەدنی کە پزیشکێکی تۆمەتبار کردبوو بە ئەنجامدانی دەستدرێژی سێکسی بۆ سەر نەخۆشێک، لیژنەیەکی لێکۆڵینەوەی پێکھێنرا، ئەمڕۆ لیژنەکە ئەنجامی بەدواداچوونەکانی ڕاگەیاند.
سەندیکای پزیشکانی کوردستان دەڵێت "ئەم لێدوانەی بەڕێز ھەڵەدنیش دەچێتە خانەی زیان گەیاندن بە کاری پزیشکیی و مەترسی بۆ سەر پزیشکان. بۆیە لێرەوە رایدەگەیەنین کە وەکو سەندیکا سورین لەسەر ئەوەی کە پێویستە ئەم بەڕێزە بە فەرمی داوای لێبوردن لە پزیشکان بکات بە پێچەوانەوە کەیسەکە دەبەینە دادگا و بە پێی یاسا مامەڵە لەگەڵە ئەم پێشێلکاری وتەشھیرە دەکەین".
دەشڵێت " پزیشکان توێژێکی زۆر گرنگی کۆمەڵگان و سامانێکی نەتەوەیین ، پێویستە بەڕێزیان و ھەمو لایەک خۆیان بە دوربگرن لە لێدوانی ناشرین و تەشھیر کردن بەم پیشەیە."
رونیشیکردوەتەوە،" ئەبوبەکر ھەڵەدنی سوربو لەسەر نەدرکاندنی ناو و ناونیشانی ئەو کەسەی کە تۆمەتی خراوەتە پاڵ ئەوەش لەبەر ئەوەی وەک بەڕێزیان دەڵێت لەبەر دۆخی کۆمەڵایەتی و مرۆڤایەتی، لە ھەمان کاتدا ئامادەیی خۆی نیشاندا کە داوای لێبوردن بکات لەھەر پزیشکێک کە پەنجەی تۆمەتی بۆ درێژ کرابێت لە ئەنجامی ئەم لێدوانەی."
ئۆفیسی سلێمانی کۆمیسیۆنی باڵای سەربەخۆی ھەڵبژاردنەکانی عێراق لەبارەی کات و شوێنی دابەشکردنی پاداشتی دارایی کارمەندانی رۆژی دەنگدان رایگەیاند، لە ئێستادا ئامادەکارییەکانی ئەو پرۆسەیە گەیشتوەتە دوا قۆناغ و ھەماھەنگی تەواو کراوە لەگەڵ بەڕێوەبەرایەتی گشتی بانکی ھەرێم و سەرجەم لقەکانی لە شوێنە جیاوازەکانی سنوری پارێزگای سلێمانی.
ئۆفیسی سلێمانی کۆمیسیۆن ئاماژەی بەوەشکردووە، لە ماوەیەکی نزیکدا ناو و ناونیشانی سەرجەم ئەو بانکانە بڵاودەکەنەوە کە بڕی پاداشتەکەی تێدا دابەش دەکرێت.
پێشتر کۆمیسیۆنی باڵای سەربەخۆی ھەڵبژاردنەکانی عێراق ڕایگەیاندبوو، بڕی ٢٥٠ ھەزار دینار دەدرێتە ئەو دەرچووانەی زانکۆ و پەیمانگەکان کە دانەمەزراون و دەبنە کارمەندی سەر سندووقەکانی دەنگدان.
ھەروەھا ئەگەر کارمەندی سەر سندوق فەرمانبەری حکومەت بێت بە ١٥٠ ھەزار دینار و نووسراوێکی سوپاسکردن لەلایەن ئەنجوومەنی وەزیرانەوە پاداشت دەکرێن.
کاسترۆ مەعروف، ئەندامی ئەنجومەنی پارێزگای سلێمانی لە پۆستێکدا لە لاپەڕەی تایبەتی خۆی لە فەیسبوک داوا لە ھاوڵاتییان دەکات ئەگەر زانیان ئەو برنجەی دابەشدەکرێت گرفتی ھەیە، وەرینەگرن.
دەشڵێت، " لەئەنجامی بەدواداچونم بۆبەشێک لەبریکارەکانی خۆراک بۆم دەرکەوت لەبەشێک لەفەردەکانی برنج کەڕو لێیداوە".
کاسترۆ مەعروف ڕاشیگەیاند، " داواکارم لەتەواوی بریکارەکانی پارێزگای سلێمانی ئیدارەکانی گەرمیان و ڕاپەڕین ھەرفەردەیەک بەم شێوازەیان بینی دابەشی نەکەن بەسەرھاوڵاتیان لەڕێگای ئیدارەی ناوچەکەیان بیگەڕینەوە بۆبەڕێوەبەرایەتی خۆراکی سلێمانی تاوەکو بۆیان بگۆڕن".
باسیلەوەشکردوە، "لەپێشتریشدا حاڵەتی لەوجۆرە ھەبوە چارەسەرکراوە داواکارم لەھاوڵاتیانیش کەبەشە خۆراک وەر دەگرن زانیان گرفتی ھەیە وەری نەگرن بەھیچ شێوازێک ئیدارەی ناوچەکەیان یاخود لیژنەکەمان ئاگاداربکەنەوە بەمەبەستی چارەسەرکردن وگەڕاندنەوەی بۆ بەڕێوەبەرایەتی خۆراکی سلێمانی لەڕێگای سەرۆکایەتی ئەنجومەنەوە وەزارەتی بازرگانی لەوجۆرە حاڵەتانە ئاگاداردەکەینەوە بەمەبەستی چارەسەرکردن".
نەوزاد کامیل بەڕێوەبەری گشتی بازرگانی لە وەزارەتی بازرگانی ھەرێم بە کوردسات نیوزی راگەیاند، لە ماوەی ئەمساڵدا تەنیا یەک بەشە ئارد بە تەواوی بەسەر ھاووڵاتیاندا دابەشکراوە، وەزارەتی بازرگانی عێراقیش دەڵێت، ئارد نەماوە لە سایلۆکان و لەگەڵ دەستپێکردنی وەرزی دروێنە ئەو کێشەیە چارەسەر دەبێت.
راشیگەیاند، لەگەڵ وەزارەتی بازرگانی عێراق لە پەیوەندی بەردەوامدان بۆئەوەی گەنمی پێویست رەوانەی ھەرێم بکرێت و قەرەبوی ئەو بەشە ئاردانە بکرێتەوە کە دواکەوتووە.
وتیشی، وەزارەتی بازرگانی عێراق دەڵێت گەنمی ئوسترالی لە عێراق و ھەرێمی کوردستان ھەیە، بەڵام دەبێت ٢٠%ی ئەو گەنمە تێکەڵ بە بەرھەمی ناوخۆیی بکرێت.
نەوزاد کامیل ئاماژەی بۆ ئەوەشکرد، رۆژانە ١٤ بارھەڵگر گەنم بۆ ھەر شارێکی ھەرێم دێت بە مەبەستی قەرەبوکردنەوەی ئەو بەشە ئاردەی دواکەوتووە، بۆ ئەو مەبەستەش سایلۆکان و ئاشەکان ئامادەن بۆ وەرگرتنی گەنم.
بەپێی زانیارییەکان لە دەوروبەری سەعات ٦:٣٠ی ئێوارەی ئەمڕۆ فرۆکە جەنگییەکانی ھاوپەیمانان دەستیانکردووە بە بۆردوومانی پێگەکانی داعش و سێ چەکدایان لێ کوشتوون.
لە ئێستاشدا تەرمی چەکدارە کوژراوەکانی داعش رەوانەی نەخۆشخانەی پزیشکی دادوەریی کەرکوک کراون.
ئەوەش لەکاتێکدایە سەرەتای مانگی دووی ئەمساڵ، شانەی ڕاگەیاندن و ھۆشیاری پێشمەرگە کۆتاییھاتنی قۆناغی یەکەمی ئۆپەراسیۆنی ھاوبەشی ھێزەکانی پێشمەرگە و سوپای عێراقی لە سنوری میحوەرەکانی ٥ و ٦ بە سەرکەوتویی ڕاگەیاند و ئاماژەی بۆ ئەوە کرد ئامانج لە ئۆپەراسیۆنەکە، کێوماڵ کردنی ناوچەکانی بۆشایی ئەمنی بوو، کە دەکەونە سنوری ناحیەی سەرگەڕان و پەلکانە و باکور و خۆرھەڵاتی چیای قەرەچووغ.
بەڕێوەبەرایەتی گشتی کەشناسی و بومەلەرزەزانی ھەرێم رایگەیاند، پێشبینی دەکرێت ئەمڕۆ ئاسمانی ھەرێم نیمچە ھەور بێت و ھەندێک کات بگۆڕێت بۆ ھەوری تەواو لە گەڵ بارینی نمەبارانی بچڕ بچڕ و ھەندێک جار ھەورە بروسکەشی لەگەڵ دەبێت.
راشیگەیاندوە، لەکاتەکانی دوای نیوەڕۆوە ئەگەری تاوەبارانی بەلێزمە ھەیە لە ناوچە شاخاوییەکانی دھۆک و ھەولێر و ڕاپەرین، خێرایی با چالاک دەبێت، شەپولێکی خۆڵبارینیش ناوەڕاستی عێراق دەگرێتەوە و ئەگەر ھەیە کاریگەری لە سەر باشوری ھەولێر و کەرکوک و ناوچەکانی گەرمیانیش ھەبێت، بەڵام لە دوای نیوەڕۆ وە کاریگەری تۆز و خۆڵەکە کەم دەبێتەوە.
بە پێی ھەواڵێکی میدیاکانی رۆژئاڤا، گروپە چەکدارەکانی نزیک لە تورکیا، گوندەکانی "سەمۆقا و تەل عونەب و زیوان"ی سەر بە کانتۆنی شەھبایان لە باکور و خۆرھەڵاتی سوریا تۆپباران کردوە، ئەو تۆپبارانەش ترس و دڵەڕاکێی لەلای دانیشتوانی گوندەکان دروستکردوە.
بەپێی زانیارییەکان تا ئێستا زیانەکانی ئەو تۆپبارانە ئاشکرا نەکراوە، بەڵام دانیشتوانی گوندەکان مەترسی ئەوەیان ھەیە ناوچەکەیان بەتەواوی بکرێتە ئامانج.
رێکخراوی دابین بۆ گەشەپێدانی دیموکراسی کۆنفرانسێکی بەناونیشانی "مافەکانی کرێکاران لە نێوان دەقی یاسا و جێبەجێکردن"دا رێکخست.
"ھەڵشۆ عەبدولفەتاح" رێکخەری کۆنفرانسەکە لە لێدوانێکدا بۆ کوردسات نیوز رایگەیاند، ئامانجی کۆنفرانسەکە گفتوگۆکردنە لەبارەی رەوشی کرێکاران لەلایەن دامەزراوە تایبەتەکان، لەگەڵ خستنەڕووی راپۆرتێک لەبارەی کرێکارانی دەستەبەرکرا و قوربانیان لە ماوەی شەش مانگی رابردوودا.
ڕژێمی بەعس لەو ڕۆژەدا بەتوندی ڕوبەڕوی خۆپیشاندەرانی كەركوك بۆوە، لە یادەوەری ئەو خۆپیشاندانەشدا كۆمەڵەی ڕێكخستنە دێرینەكان و كۆمەڵەی ڕوناكبیری كەركوك مەراسیمێكیان رێكخست.
ڕوانگەی سوری بۆ مافەکانی مرۆڤ رایگەیاند، بەھۆی بەردەوامی نائارامییەکان و شەڕی نێوان ھۆزەکان لە ناوچە جیاوازەکانی ڕۆژئاڤای کوردستان و باکوری سوریا، مانگی ڕابردوو ٥٨ کەس کوژراون کە ٢٦ کەسیان ھاووڵاتی مەدەنین.
ڕاشیگەیاندوە، لەو ژمارە کوژراوە ٢٥یان ئەندامی ھێزەکانی سوریای دیموکرات "ھەسەدە" بوون کە لە ڕوبەڕووبونەوە لەگەڵ تیرۆریستانی داعش و گروپەکانی ئۆپۆزسیۆن کوژراون.
سەرکەوت زەکی ئەندامی لیژنەی باڵای دیداری یەکێتی لە لێدوانێکدا بۆ رۆژنامەنوسان رایگەیاند، بەشداری پێکردنی بەشێکی زۆری ئەندامان و کادرانی یەکێتی ئەزمونێکی تازەیە لە بواری کاری حزبی و رێکخراوەیی، وتیشی، ئەو بەشداری پێکردنە دەبێت بە سەرەتایەک بۆ بەشداریکردن لە بڕیاری سیاسی داھاتووی یەکێتی .
راشیگەیاند، لە ٢٠ی ئایار تا ١ی حوزەیران دیداری گشتی یەکێتیی نیشتمانی كوردستان بەڕێوەدەچێت.
د. دلۆڤان محەمەد بەرێوەبەری گشتی تەندروستی ھەولێر لە کۆنفرانسێکی رۆژنامەوانیدا رایگەیاند، تائێستا ھیچ حاڵەتێکی تای خوێنبەربوون تۆمارنەکراوە، تەنھا حاڵەتێکی گومانلێکراو ھەیە، کە منداڵێکی تەمەن دوو ساڵ و نۆ مانگە، نمونەی خوێنی وەرگیراوە و نێردراوە بۆ تاقیگەی ناوەندی لە بەغداد بۆ پشتڕاستکردنەوەی حاڵەتەکە.
ئاشکراشیکرد، منداڵەکە لە بەغدادەوە سەردانی ھەولێری کردووە بۆ وەرگرتنی چارەسەر، کە ھەوکردنی جگەری ھەیە نیشانەکانی زیاتر لە نیشانەی ھەوکردنی جگەر دەچێت، بەڵام لە شوێنێکەوە ھاتووە نەخۆشی تای خوێنبەربوونی تێدا بڵاوبووەتەوە و پزیشکی چارسەرکاریش گومان دەکات بەشێک لە نیشانەکانی ھەڵگری پەتاکە بێت.
وتیشی، گومانلێکراوەکە لە نەخۆشەکانی تر جیاکراوەتەوە و بەپێی وتەی پزیشکەکان و پسپۆڕانی پەتاکە کەمتر گومان دەکرێت ئەو ئەو حاڵەتەی ھەیە تای خوێنبەربوون بێت.
"بڕیار رەشید" ئەندامی فراکسیۆنی یەکێتی لە ئەنجومەنی نوێنەرانی عێراق بە کوردسات نیوزی راگەیاند، بەردەوامن لە ھەوڵەکانیان بۆ دابینکردنی دەرمان و پێداویستی پزیشکی بۆ نەخۆشخانەکانی سلێمانی، لەو چوارچێوەیەشدا حکومەتی عێراق بڕیاریداوە لە چەند رۆژی داھاتوودا بڕێکی زۆری دەرمان رەوانەی سلێمانی بکات.
ئاماژەی بۆ ئەوەشکرد، دەرمانەکان لە پێش جەژنی رەمەزانەوە ئامادەکراوە، بەھۆی پشوەکانی جەژن دواکەوتووە و لە چەند رۆژی داھاتوودا ئەو بڕە دەرمانە دەگاتە سلێمانی.
بەپێی زانیارییەکانی کوردسات نیوز، وەزارەتی دارایی ھەرێم بڕیاریداوە، لەم ھەفتەیەدا دەرماڵەی خوێندکارانی زانکۆ و پەیمانگاکان بۆ مانگی ٣ دابەش بکات، بۆ ئەو مەبەستەش خەزێنەکان ئاگادار کراونەتەوە بۆ گرتنەبەری رێوشوێنی پێویست.
ئەوەش لە کاتێکدایە بەپێی بڕیارەکانی حکومەت، بڕیارە خوێندکارانی دەرەوەی شار بڕی ٦٠ ھەزار دینار و خوێندکارانی ناوشار بڕی ٤٠ ھەزار دینار وەربگرن.
بەمەبەستی دۆزینەوەی هەلی كار بۆ خوێندكارانی دەرچووی بەشی بایۆلۆجی و كیمیا و بەشەكانی دیكە و بەرزكردنەوەی ئاستی توانای زانستییان، بەڕێوبەرایەتی گشتی تەندروستی سلێمانی بەهاوكاری مەكتەبی رێكخراوەی دیموكراتییەكانی یەكێتی تاقیكردنەوەی بۆ ئەو كارمەند و پزیشكانە ئەنجامدا كە لە ئیستادا لەنێو ناوەندە تەندروستییەكان خۆبەخشانە خزمەت دەكەن.
مازن فریاد پسپۆڕی مایكرۆبایۆلۆجی رایگەیاند، بەهاوكاری وەزارەتی تەندروستی و بەڕێوەبەرایەتی تەندروستی سلێمانی و مەكتەبی رێكخراوە دیمكوراتییەكانی یەكێتی، تاقیكردنەوەی 157 خوێندكاری دەرچووی بەشی بایۆلۆجی و كیمیا و بەشەكانی دیكە ئەنجامدراوە كە 80 كەسیان هەڵدەبژێردرێن بۆ ئەوەی لەداهاتوودا بتوانن لەناوەندە تەندروستییەكان خزمەت بكەن.
دەقی پرسەنامەکە...
بەداخەوە ھەواڵی کۆچی دوایی کاک (بەکر سەعید) ھاوسەری خاتوو کوێستان محەمەد، وەزیری کار و کاروباری کۆمەڵایەتیی حکومەتی ھەرێم و برای بەڕێز نیاز سەعید، ئەندامی مەکتەبی گەشەپێدانی بیروھۆشیاریمان پێگەیشت.
بۆ ئەم خەمە گەورەیە پرسە و ھاوخەمی خۆم ئاڕاستەی ئێوە و بنەماڵەکەتان دەکەم. لەخوای گەورە داواکارم رۆحی کۆچکردوو بە بەھەشتی بەرین شادبکات و سەبووری و ئارامی بە ئێوەش ببەخشێت.
دڵسۆزتان
بافڵ جەلال تاڵەبانی