کوردستان
دەقی پەیامەکە :
ئەمڕۆ ٢٢ ساڵ بەسەر کۆچی دوایی مامۆستای سیاسەت و کوردایەتی، رۆشنبیری و رۆژنامەگەری، مامۆستا ئیبراھیم ئەحمەد تێدەپەڕێت.
مامۆستا ئیبراھیم ئەحمەد یەکێک بوو لە سیمبولەکانی سیاسەت، رێبەری خەبات و تێکۆشان لە سەدەی رابردوودا و بەو بیرە نەتەوەییەوە کە ھەیبوو، ھەموو ژیانی بۆ خەبات دژی زوڵم و ستەم تەرخانکرد. ئەمەش نەک ھەر لە کاری سیاسیدا، بەڵکو لە بەرھەمە ئەدەبی و رۆژنامەوانییەکانیدا بە ئاشکرا دیارە.
یەکڕیزی و یەکدەنگی کورد بەرامبەر داگیرکەران و ھەبوونی گوتارێکی نەتەوەیی و نیشتمانیی لەنێوان ھێزە سیاسییەکاندا خەمی گەورەی مامۆستا ئیبراھیم ئەحمەد بوو. ھەمیشە بڕوای بەوە ھەبووە کە سەرکەوتنی کورد پەیوەستە بە یەکگرتوویی و یەکڕیزی ناوماڵی کوردەوە، بۆ ئەمەش ھەوڵی زۆری داوە و مێژوو شاھیدی دڵسۆزی و خەمخۆری بۆ مامۆستا ئیبراھیم دەدات بەرامبەر سەربەرزی و سەرفرازی خەڵکی کوردستان.
ئەوکاتەی مامۆستا ئیبراھیم ئەحمەد سکرتێری پارتی دیموکراتی کوردستان بوو، خەباتی سیاسی گۆڕانکاری و نوێگەری بەسەردا ھات و بناغەیەکی نوێی بۆ خەبات و کاری سیاسی دانا. ئەمەش کاریگەرییەکی بەرچاوی ھەبوو لە سیاسەتی پارتی دیموکراتی کوردستان و شێوازی کارکردنیدا. ئەوانەی رابردوو لەیاد ناکەن و مێژوو وەک خۆی دەگێڕنەوە، ئەم راستییە باش دەزانن.
ئێمە خەبات و تێکۆشانی مامۆستا ئیبراھیم ئەحمەد لەیاد ناکەین. بە سوودوەرگرتن لەو میراتە سیاسی و رۆشنبیرییەی مامۆستا بۆ ئێمەی جێھێشتووە درێژە بە خەبات دەدەین و بە ئومێدەوە بۆ داھاتوو دەڕوانین. ئەمەش ئەرک و بەرپرسارێتی ئێمەیە بەرامبەر نەتەوەکەمان و وەفاداریمان بۆ مامۆستا ئیبراھیم ئەحمەد.
"شێخ حسێن حەمە ساڵەح" نوێنەری دەزگای لوتکە لە یۆنان ڕایگەیاند، دوای تێپەڕبوونی زیاتر لە سێ مانگ بەسەر ڕووداوی ژێرئاوکەوتنی یەختێکی کۆچبەران لە نزیک لە دوورگەی سانتۆرینی یۆنان، سەرەتای ھەفتەی داھاتوو تەرمی پێنج کۆچبەری کورد دەھێنرێنەوە بۆ ھەرێم.
ڕاشیگەیاند، تەرمەکان قوربانی ڕووداوەکەی ٢١-١٢-٢٠٢١ن و بە چەند قۆناغێکی جیا جیا لەلایەن پۆلیسی کەناراوەکانی یۆنانەوە دۆزرانەوە.
نوێنەری دەزگای لوتکە ڕاشیگەیاند، تا ئێستا بەڵگەنامەی سەرجەم بێسەروشوێنبووانی ئەو ڕووداوە و سەرجەم ڕووداوەکانی ساڵانی ڕابردوو بە کراوەیی ماوەتەوە و دەزگای لوتکە بە مەبەستی ھاوکاری و کارئاسانی بۆ کەسوکاریان بەردەوامە لە بەدواداچوون.
لە کۆبوونەوەکەدا بە گرنگییەوە باس لە ھاندان و کارئاسانی بۆ کۆمپانیا و وەبەرھێنەرانی یۆنانی کرا کە بە ھاوکاری کۆمپانیا و وەبەرھێنەرانی کورد لە بوارەکانی گەشتوگوزار و کشتوکاڵ و پیشەسازی خۆراکدا وەبەرھێنان بکەن و لەو بارەیەوە قوباد تاڵەبانی ئامادەیی تەواوی حکومەتی ھەرێمی دەربڕی بۆ کارئاسانیکردن بۆ کۆمپانیا و وەبەرھێنەرانی یۆنانی.
لە تەوەرێکی تری کۆبوونەوەکەدا جەخت کرایەوە لەسەر دەستپێکردنی گەشتی ڕاستەوخۆی ئاسمانی لە نێوان کوردستان و یۆنان و وەزیری گەشەپێدان و وەبەرھێنانی یۆنان ڕایگەیاند ھەماھەنگی لەگەڵ وەزارەتی دەرەوە و کۆمپانیاکانی فڕۆکەوانی دەکەن بۆ پێدانی ڤیزە بە ھاوڵاتیانی کوردستان و دەستپێکردنی ھەرچی زووتری گەشتی ڕاستەوخۆ لە نێوان کوردستان و یۆناندا.
قوباد تاڵەبانی سوپاسی ھەڵوێست و تێگەیشتنی وەزیری گەشەپێدان و وەبەرھێنانی یۆنانی کرد بۆ کوردستان و باسی لەوەشکرد کە ڕاستە ئەوان نەوت و گازیان ھەیە، بەڵام پلانی حکومەتی ھەرێم بۆ لەمەودوا ئەوەیە زیاتر گرنگی بە گەشەپێدانی کەرتەکانی کشتوکاڵ و گەشتوگوزار و پیشەسازی بدات و بۆ ئەم مەبەستەش جگە لە کارئاسانی بۆ کۆمپانیا و وەبەرھێنەرە بیانییەکان لە پلانیاندایە سیستمی بانکی لە کوردستان ڕێکبخەنەوە.
فەرمانگەی میدیا و زانیاری حکومەتی ھەرێم لە ڕاگەیەندراوێکدا بڵاویکردەوە، تا ئێستا دوو ملیۆن و ٦٠٤ ھەزار و ٨٤١ کەس ڤاکسینی کۆرۆنایان وەرگرتووە، لەو ژمارەیە یەک ملیۆن و ٤٣٩ ھەزار و ٣٩٢ کەس ژەمی یەکەمیان وەرگرتووە و یەک ملیۆن و ١٤٠ ھەزار و ٤٤ کەسیش ژەمی دووەمیان وەرگرتووە، ھەروەھا تا ئێستا ٢٥ ھەزار و ٤٠٥ کەس ژەمی سێیەمی ڤاکسینەکانیان وەرگرتووە. بە پێی ئامارەکەی فەرمانگەی میدیا و زانیاری ، ٤٠٠ ھەزار کارتی ڤاکیسن دروستکراوە.
وەزارەتی کۆچ و کۆچبەرانی عێراق لە ڕاگەیەنراوێکدا ئاماژەی بۆ ئەوەکردووە، ئەو ١٤ خێزانە پێکھاتوون لە ٥٣ کەس و لە کەمپی ئاشتی ناحیەی عەربەت لە شاری سلێمانییەوە بۆ ناحیەی یەسریبی پارێزگای سەڵاحەدین گەڕێنراونەتەوە.
بە پێی ئاماری نەتەوە یەکگرتووەکان، لە نێوان ساڵانی ٢٠١٤ بۆ ٢٠١٧ زیاتر لە ٦ ملیۆن ھاووڵاتی عێراق بەھۆی شەڕی داعش لە ناوچەکانیان ئاوارەبوون و تا ئێستا نزیکەی ٢ ملیۆن کەسیان نەگەڕاونەتەوە بۆ سەر ماڵ و کەسابەتیان.
"نەوزاد شێخ کامیل" بەڕێوەبەری گشتی بازرگانی لە وەزارەتی بارزگانی و پیشەسازی ھەرێم ڕایگەیاند، چەکی پارەکە گەیشتووەتە ھەرێم و لە ڕۆژانی داھاتوودا دابەش دەکرێت.
ئاماژەی بەوەشکرد، ١٨ ملیار دیناری تر لە بەرامبەر ڕادەستکردنی گەنم ماوە بدرێت بە جوتیارانی ھەولێر و سلێمانی، لە ئێستادا چەکی پارەکە گەیشتووەتە ھەرێم و ھەفتەی داھاتوو دەست بە دابەشکردنی ئەو بڕەش دەکرێت.
"ڕەحمان خانی" بەڕێوەبەری گشتی بەنداوەکانی ھەرێم بە کوردسات نیوزی ڕایگەیاند، ئاستی ئاوی بەنداوی دەربەندیخان بەراورد بە ساڵی ڕابردوو یەک مەتر و ٣٠ سم زیادی کردووە، بەڵام ئاستی ئاوی بەنداوەکانی دھۆک ٧ مەتر و دوکان ٣ مەتر کەمیان کردووە، ھەروەھا ئاستی ئاوی بەنداوە بچوکەکان ھەندێکیان کەمیان کردووە و ھەندێکیشان وەک ساڵی ڕابردووە.
وتیشی، ئەمساڵ ڕێژەیەکی کەم باران باریوە و ئێرانیش چەند بەنداوێکی لەسەر زێی بچوک و ڕووباری سیروان دروستکردووە، ئەوانە دوو ھۆکاری سەرەکین بۆ کەمی ڕێژەی ئاو لە بەنداوەکان.
بەڕێوەبەری گشتی بەنداوەکان دڵنیایشیدا ھاوینی ئەمساڵ کێشەی دابینکردنی ئاوی خواردنەوە بۆ ھاووڵاتیان دروست نابێت بەڵام ناتوانرێت بە پێی پێویست ئاو بۆ کشتوکاڵ و پێویستییەکانی تر دابین بکرێت.
دەقی پەیامەکە ...
ئەمڕۆ بیست و دوو ساڵ بەسەر کۆچی دوایی مامۆستای سیاسەت، تێکۆشەری کوردایەتی و ڕووناکبیری گەلەکەمان و پارێزەری مافە نەتەوەییەکانمان مامۆستا ئیبراھیم ئەحمەد تێدەپەڕێت.
لە مێژووی بزووتنەوەی کوردایەتیدا مامۆستا ئیبراھیم چرا ڕۆشنکەرەوەی خەبات و تێکۆشان بوو، ھەر لە نوسینە ئەدەبیەکانی و ھۆنراوە و چیرۆکەکانیدا گیانی بەرگری و نیشتمانی و نەھێشتنی جیاوازی چینایەتی پەی پێکراوە کەئەو زاتە خاوەن بیرێکی مەزنە بۆ ڕێنوێنکردنی خەبات.
مامۆستا ئیبراھیم ئەحمەد لە سەردەمێکدا لە ئاست ئەوەی حزب و خەباتی سیاسی کوردایەتی لە بەرژەوەندی چەند کەسێکدا بچوکنەکرێتەوە لەگەڵ زۆرینەی ھاوڕێکانی لە مەکتەبی سیاسی ئەو کاتی پارتیی دیموکراتی کوردستاندا نەخێریان بەرزکردەوە و لەو ڕۆژ و سەردەمەوە خەباتی سیاسی کوردایەتی چووە قۆناغێکی ترەوە و جڵەوی تێکۆشان کەوتە دەستی ڕۆشنبیرانەوە.
مامۆستا ئیبراھیم ئەحمد تا ئەو ڕۆژەی بە یەکجاریی جێھێشتین و دوا ماڵئاوایی لێکردین ھەمیشە فێرگەیەک بوو بۆ تێکۆشان و گەنجینەیەک بوو لە ئەزموون، بۆیە ڕۆڵ و پێگەی لە کایەکانی سیاسی، ڕووناکبیریی، ئەدەبی، نەتەوەیی و نیشتمانیدا بۆھەمیشە لە یادماندا زیندوو دەمێنێت.
مەکتەبی سیاسی
یەکێتیی نیشتمانیی کوردستان
زیاد جەبار سەرۆکی لیژنەی کاروباری دارایی و ئابووری پەرلەمانی کوردستان بە دەنگی ئەمریکای راگەیاند، ئێستا ھەرێمی کوردستان لە دۆخێکی دارایی زۆرباشدایە، بەڵام بۆ ژیانی خەڵک نا بەڵکو بۆ باری دارایی حکومەت، کە ئێستا قەیرانی دارایی تێپەڕاندووە، بۆیە پێویستە لە لەکاتی خۆیدا مووچە بۆ مووچەخۆرانی ھەرێمی کوردستان دابین بکات ھیچ بیانویەک نییە بۆئەوەی مووچە دوابکەوێت و ئەو پرۆژانەشی کە لەڕابردوودا بەھۆی قەیرانی داراییەوە پەکیان کەوتووە و وەستاون ئێستا پێویستیان بەوە ھەیە بخرێنەوە گەڕ.
لەبارەی بلۆککردنی ٦٩٤ ملیۆن دۆلاری پارەی فرۆشتنی نەوتی ھەرێمی کوردستان لە بانکێکی لوبنان سەرۆکی لیژنەی کاروباری دارایی و ئابووری لە پەرلەمانی کوردستان ئاماژەی بەوەکرد، ئەوانیش بیستویانە کە ئەو بڕە پارەیە لە بانکێکی لوبنان بلۆککراوە و لە داھاتوودا لە کۆبوونەوەکانی خۆیاندا قسەی لەسەر دەکەن و پرسیاریش ئاراستەی حکومەتی ھەرێم دەکەن و داوای روونکردنەوە دەکەن.
سەبارەت بە دەوام نەکردنی وەزیری دارایی زیاد جەبار دەڵێت، "بەپێی زانیاری خۆم وەزیری دارایی جارێکی تر ناچێتەوە ئەو وەزارەتە و بە رەسمی دەستلەکارکێشانەوەی پێشکەشکردووە و ماوەیەکی دوورودرێژە لەماڵەوە کارەکانی جێبەجێ دەکات بۆئەوەی ئیشوکارەکان نەوەستێت، بەڵام ھەتا ئێستا وەڵامی دەستلەکارکێشانەوەکەی نەدراوەتەوە خۆی بڕیاری خۆیداوە کە ناچێتەوە وەزارەت".
کۆمیتەی داکۆکی لە ماف و ئازادییەکان"CDFR" ، نامەی زیندانییەکی بە ناوی"شیروان سەعید سیاری" کە دانیشتوی پیرمامە بڵاوکردووەتەوە، بە پێی نامەکە دوور لە ھەموو بنەما یاسایی و دیموکراسیەکان لەسەر گۆڕینی لایەنی سیاسی، چەندین ساڵە سزا دەدرێت.
کۆمیتەی داکۆکی لە ماف و ئازادییەکان داوادەکات، دەستبەجێ پڕۆسەی دادگاییکردنی ئەو زیندانییە و گشت دەستگیرکراوەکان دەستپێبکرێت و دۆسیەکانیان یەکلایی بکرێتەوە، ئەو ماوەیەی بێ دادگاش بەندکراون قەرەبوو بکرێنەوە.
ھاوکات "شێروان سەعید" لە نامەکەیدا ئاماژەی بۆ ئەوەکردووە، لە پیرمام نیشتەجێبووە و لە ساڵی ٢٠٠٧ تا ٢٠١٣ بە بێ دادگایکردن زیندانیکراوە، دواتر لە ١٥-١١-٢٠١٧ بە دەستی مەفرەزەیەکی پاراستن و ئاسایشی پیرمام دەستگیرکراوە و تا ئێستا لە ئاسایشی گشتی بەندکراوە لە ھەولێر، بە بێ ئەوەی ھیچ دادگا و دادوەرێک بینیبیەتی.
جەختی لەوەشکردووەتەوە، لە ئاسایشی ڕانیەی سەر بە یەکێتیی نیشتمانیی کوردستان دامەزراوە و ئەرکی ئاسایی خۆیی ئەنجامداوە، داوا لە سەرۆکایەتییەکانی ھەرێم و ڕێکخراوە نێودەوڵەتییەکان و دەستەی سەربەخۆی مافی مرۆڤ دەکات ھاوکاری بکەن بۆ ئەوەی ڕزگار بکرێت، چونکە ژیانی لە مەترسیدایە.
بەشی پێشبینییەکان لە بەرێوەبەرایەتی گشتی کەشناسی و بوومەلەرزەزانی ھەرێمی کوردستان رایگەیاند، ئەمڕۆ لە پارێزگای ھەولێر ئاسمان لەنێوان ھەور و نیمچە ھەور دەبێت لەگەل تاوەباران و بروسکە لەناوچە جیاجیا کانی پارێزگا وە زیاتر لەناوچە شاخاوویەکان دەبێ, وەھەروەھا بەردەوامی بەرزبوونەوەی تۆزو خۆل وچالاکی خێرایی با تاکوو کاتەکانی ئێوارە، سبەی ھەینی ئاسمان لەنێوان ھەورو نیمچە ھەور دەبێ لەگەل چالاک بوونی ھەوری بروسکە و تاوەباران لەناوچە جیاجیاکانی پارێزگا کاریگەری زیاتر دەبێ لەناوچە شاخاوویەکان. وە ھەروەھا لەکاتەکانی دوایی نیوەڕۆ تۆزو خۆڵ و چالاک بوونی خێرایی با باشوورو سەنتەری شار دەگرێتەوە کە تاکو نیوە شەو کاریگەری بەردەوامی دەبێت .
پارێزگای سلێمانی ئەمڕۆ ئاسمان لەنێوان ھەور و نیمچە ھەور دەبێت لەگەل بەرز بوونەوەی تۆز وخۆڵێکی سووک وەھەروەھا ئەگەری تاوە باران و بروسکە لەناوچە جیاجیاکانی پارێزگادا ھەیە کە لەناوچە شاخاوویەکان کاریگەری زیاتر دەبێت، سبەی ھەینی ئاسمان لەنیوان ھەور و نیمچە ھەور دەبێ لەکاتەکانی ئێوارە ئەگەری نمە باران ھەیە لەناوچە شاخاوویەکانی باکووری پارێزگا. لەکاتەکانی ئێوارە تۆزۆ خۆڵ و چالاک بوونی خێرایی با سەنتەری شار و دەوروبەری دەگرێتەوە کە تاکو نیوە شەو کاریگەری بەردەوامی دەبێت.
پارێزگای دھۆک ئەمڕۆ پێنج شەممە ئاسمان نیمچە ھەوردەبێ لەگەل تاوە باران بروسکە لەناوچە شاخاوویەکانی باکووری پارێزگا وە ھەروەھا چالاک بوونی خێرایی با و بەرز بوونەوەی تۆزو خۆڵ کە تا کاتەکانی ئێوارە بەردەوامی دەبت، سبەی ھەینی ئاسمان لەنیوان ھەور نیمچە ھەور دەبێ لەگەل چالاک بوونی ھەوری بروسکە و تاوە باران لەناوچە جیاجیاکانی پارێزگا لەکاتەکانی ئێوارە کاریگەر زیاتر دەبێت بۆ زۆربەی ناوچەکان.
لە پارێزگای کرکووک ئەمڕۆ ئاسمان نیمچە ھەوردەبێت لەگەل بەرز بوونەوەی تۆزو خۆڵێکی سووک وە چالاک بوونی خێرایی با، سبەی ھەینی ئاسمان لەنیوان ھەور و نیمچە ھەور دەبێ لەگەل بەرزبوونەوەی تۆزو خۆڵ لەکاتەکانی دوایی نیوەڕۆ کاریگەری تۆزوخۆل و خێرایی با زیاد دەبی تاکو نیوەشەو بەردەوامی دەبێ
پارێزگای ھەڵەبجە ئەمڕۆ پێنج شەممە ئاسمان لەنێوان ھەور و نیمچە ھەور دەبێت لەگەل بەرز بوونەوەی تۆز وخۆڵێکی سووک وەھەروەھا ئەگەری تاوە باران و بروسکە لەناوچە جیاجیاکانی پارێزگادا کە لەناوچە شاخاوویەکان کاریگەری زیاتر دەبێت، سبەی ھەینی ئاسمان لەنیوان ھەور و نیمچە ھەور دەبێ لەکاتەکانی ئێوارە ئەگەری نمە باران ھەیە لەناوچە شاخاوویەکانی پارێزگا. لەکاتەکانی ئێوارە تۆزۆ خۆڵ و چالاک بوونی خێرایی با سەنتەری شار و دەوروبەری دەگرێتەوە کە تاکو نیوە شەو کاریگەری بەردەوامی دەبێت
ڕێژەی ھەژاری لە ھەرێمی کوردستان نزیکەی لە ٧٪ و ڕێژەی بێکاریش ١١٪یە، بەرزترین ڕێژەی ھەژاریش لەسەر ئاستی پارێزگاکانی ھەرێم لە پارێزگای دھۆکە.
"زاگرۆس فەتاح" بریکاری وەزارەتی پلاندانانی ھەرێم ڕایگەیاندووە، کەمکردنەوەی ڕێژەی ھەژاری یەکێکە لە ھەوڵە سەرەکییەکانی وەزارەتی پلاندانان، بەڵام لە ئێستادا ڕێژەی ھەژاری لە ھەرێمی کوردستان نزیکەی ٧٪ و ڕێژەی بێکارییش بە پێی ئەو داتایانەی لەبەردەستدایە لە ١٠٪ بۆ ١١٪یە. ئاماژەی بۆ ئەوەشکردووە، ئەو ڕێژەیەی لە ھەرێم ھەیە بەراورد بە عێراق ڕێژەیەکی زۆر کەمترە.
لە ئێستاشدا بە پێی زانیارییەکان، پارێزگای دھۆک لە ڕێژەی ھەژاریدا پێشەنگی پارێزگانی ھەرێمە، کە ژمارەی دانیشتوانی ملیۆنێک و ٣٩٧ ھەزار و ٥١٥ کەسە، ڕێژەی ھەژاری لەو پارێزگایە ٨.٦٪ە، و ١٢٠ ھەزار کەسیش لە ژێر ھێڵی ھەژاریدایە. لە ساڵی ٢٠١٢ تا ٢٠٢٠ پارێزگای دھۆک لە ڕێژەی بێکاریدا لەسەر ئاستی ھەرێم ڕیزبەندی یەکەم بووە.
سەبارەت بە ڕێژەی زەکاتیش لیژنەی فەتوای ھەرێم بڕیاریداوە ئەو بڕە پارەیەی زەکاتی لێدەدرێت ٧ ملیۆن و ٨٠٠ ھەزار دینارە ئەگەر ساڵی بەسەردا سوڕابێتەوە بۆ ھەر ملیۆنێک ٢٥ ھەزار دیناری عێراقی زەکات بدات.
وتیشی، ئەمساڵ بۆ ھەر تۆنێک گەنم بڕی ٧٥٠ ھەزار دینار تەرخانکراوە و ئەگەر نرخی گەنم لە جیھان زیاتر بەرزببێتەوە نرخی وەرگرتنی گەنم لە ناوخۆ بە ڕێژەی ٢٠٪ زیاد دەکرێت.
وەزارەتی شارەوانی و گەشتوگوزاری حکومەتی ھەرێمی کوردستان رایگەیاندووە، لە ڕێگەی ٨١ پرۆژەی ستراتیژی و پێنج ھەزار و ٧٨٧ بیر، دوو ملیار و ٦٨٤ ملیۆن و ٦٠٥ مەتر سێجا ئاوی خواردنەوە لە ڕێگەی ١٤ بەڕێوەبەرایەتی و ١١٨ فەرمانگە بۆ تێکڕای ھاوبەشانی ئاو لە ھەرێمی کوردستان دابین دەکرێت.
ئاشکراشیکردووە، ھاوبەشانی ئاو لە ھەرێمی کوردستان ملیۆنێک و ١٤ ھەزار و ٧٠٦ ھاوبەشن، ٧٠٤ ھەزار و ٢٥٩ ھاوبەش پێوەری ئاویان ھەیە و ٣١٠ ھەزار و ٤٤٧ ھاوبەشیش پێوەری ئاویان نییە.
ئاماژەی بەوەشکرووە، بە گوێرەی ئاماری بەڕێوەبەرایەتیی گشتیی ئاو و ئاوەرۆ لە وەزارەتی شارەوانی و گەشتوگوزار، لە ماوەی تەنھا مانگەکانی کانوونی دووەم و شوباتی ئەمساڵ ٢٠٢٢، داھاتی ئاو لە ھەرێمی کوردستان نۆ ملیار و ٧٧٠ ملیۆن و ٥٩١ ھەزار دینار بووە، ساڵی ٢٠٢١یش ٤٢ ملیار و ١٠٢ ملیۆن و ٣٢٧ ھەزار دینار داھات بووە، بەڵام ١٢٨ ملیار و ٦٩٩ ملیۆن و ٤١٩ ھەزار دینار خەرجی دەستەبەرکردنی ئاوی خواردنەوە بووە بۆ ھاوڵاتییانی ھەرێمی کوردستان لە تەواوی شار و شارۆچکە و گوند و ناوچەکان.