کوردستان
دەقی پەیامەکە :
خۆشەویستان کچان و ژنانی کوردستان، بەبۆنەی ٨ی مارس ڕۆژی جیھانیی ژنانەوە، پیرۆزبایتان لێدەکەم، پیرۆزبایی لە دایک و کچ و خوشکی شەھیدان و ژنان و ھاوسەران و کچانی پێشمەرگە و ھەموو ئەو ئافرەتانە دەکەم کە لەکایەکانی ژیاندا جێدەستیان دیارە و لەپێناو بەرەوپێشبردنی کۆمەڵی کوردەواریی خۆماندا لە بوارە جیاجیاکاندا کار و خەبات دەکەن.
وەک خۆیشتان دەزانن یەکێک لە سیما دیارەکانی پێشکەوتوویی ھەر کۆمەڵگەیەک، کارکردنی توێژی ژنانە، کە بە تەبیعەتی حاڵ دەبێتە مایەی ئابورییەکی سەربەخۆی ژنان، بەمەیش کۆمەڵگەیەکی دروست لە ھەموو ڕوویەکەوە بنیاتدەنرێت.
بەداخەوەم ئەو ھەموو ھەواڵی کوشتوبڕ و توندوتیژییە دەبیستم کە دەرھەقتان دەکرێت، بەڵام بزانن ئەوە بەشێکە لەو نەریتە تاریکەی کە دەبێت بە ھەوڵ و خەباتی ئێوە و پیاوانی مەرد و لایەنەکانی داکۆکیکار لە مافی یەکسانیی کۆمەڵایەتی، تێپەڕێنرێت.
ژنکوژ، نە مەردە و نە باوک و برای ئێوەیە، بەڵکو بوونەوەرێکە لەشێوەی مرۆڤدا و ھەستی دڕندەیی تێدا زاڵە، بۆئەوەی ئێوەیش نەبنە قوربانیی دەستی ئەو دڕندەیە، پێویستە پەروەردەیەکی کوردەوای و شارستانیانەی خۆتان و منداڵەکانتان بکەن و کۆمەڵگەیەک بھێننە پێشەوە کە بڕوای بە ئازادیی ڕاستەقینە ھەبێت نەک سەرکێشیی و پیرۆزیی شکاندن.
لەمڕۆژەدا پیرۆزبایی لەھەموو ژنانی کوردستان و جیھان دەکەم، ھیوادارم ئەم یادە ھەر بۆنەیەکی ئاسایی ئەمڕۆ نەبێت و سبەینێ لەبیرمان بچێتەوە، بەڵکو خاڵی وەرچەرخان بێت بۆ کۆمەڵگەیەکی بەختەوەری نێوان ھەردوو ڕەگەزەکە چونکە ھیچ کۆمەڵێک بێ ھەردووکیان نەبووە ونابێت.
ھاوکات ھەر لەکۆبوونەوەکەدا ڕێواز فائق وێڕای بەخێرھێنانی و پێرۆزبایی لێکردنی بەبۆنەی وەرگرتنی ئەرکە تازەکەیان وەک باڵیۆزی نوێی کەنەدا لە عێڕاق، ھیوای سەرکەوتنی بۆ خواستن لە بەجێگەیاندن و ڕاپەڕاندنی ئەرکەکانیاندا ، باسیان لە ئامادەکارییەکان بۆ ھەڵبژاردنی خولی داھاتووی پەرلەمان و ئاڵنگارییەکانی بەردەم پرۆسەکە و تێڕوانینی جیاوازی فراکسیۆنەکانی پەرلەمان بۆ پرۆسەکە کرد .
د. ڕێواز فائق، سەرۆکی پەرلەمانی کوردستان تیشکی خستە سەر چەند لایەنێکی کاری پەرلەمانی ئەم خولەی ئێستادا، ھەروەھا بایەخی دەرچوواندنی ئەو یاسایانەی کە لەم خولەی پەرلەماندا دەرچوون بۆ شاندی میوان خستە ڕوو .
قوباد تاڵەبانی جێگری سەرۆکی حکومەتی ھەرێمی کوردستان لە ھەولێر لەگەڵ وەفدێکی ئەنجومەنی بازرگانی ئەمریکا - کوردستان کۆبوەوە، تیایدا بەپێزانینەوە باسی لە ڕۆڵی کۆمپانیاکانی ئەمریکا کرد، کە بەشدارن لە پرۆسەی وەبەرھێنان و گەشەپێدانی ئابووری و ئاوەدانی لەرێگەی بەگەرخستنی سەرمایەکانیانەوە لە ھەرێمی کوردستان و کارکردنیان لە سێکتەرە جیاجیاکاندا بەتایبەت لەبواری کشتوکاڵ و نەوت و گاز و تەکنەلۆژیا، داواشی لێکردن کە بۆ داھاتوو کار و پرۆژەی وەبەرھێنانی زیاتر بکەن، و ئامادەیی حکومەتی ھەرێمی پیشاندا کارئاسانی پێویست.
لە بارەی کێشەی کۆمپانیا بیانییەکانەوە جێگری سەرۆکی ئەنجومەنی وەزیران، بەڵێنیدا بەدواداچوون بۆ کێشەکانیان بکات و وتی: ھەر رۆتینێک ھەبێت بەھەماھەنگی لایەنە پەیوەندیدارەکان چارەسەری دەکەن.
حزبە کوردستانییەکانی کەرکوک لە مەکتەبی سیاسی یەکێتی لەو شارە کۆبونەوە و لە کۆنفڕانسێکی رۆژنامەوانیدا "ڕەوەند مەلا مەحمود" لێپرسراوی مەڵبەندی دووی ڕێکخستنی کەرکوک رایگەیاند، گفتوگۆیان لەبارەی رەوشی ئەمنی و خزمەتگوزای و یادەکان لەو شارە کردووە و رێککەوتوون پێکەوە کار بۆ خزمەتی ھاووڵاتیان بکەن.
کۆنسێرتەکە لەژێر ناوی (بەھار، ژن، نەورۆز نەوای گەرووی شارەزوورە) بە ئامادەبوونی ژمارەیەکی زۆر لە ھاووڵاتیانی ناوچەکە بەڕێوەچوو، لە کۆنسێرتەکەدا چەند بەرھەمێکی گورانی و میوزیک پێشکەشکران.
سەروەر کەمال ھاواری بریکاری وەزارەتی بازرگانی و پیشەسازی بۆ کاروباری بازرگانی بە کوردسات نیوزی رایگەیاند، ھاتوچۆی بازرگانی بەردەوامی ھەیە لەنێوان ھەرێمی کوردستان و وڵاتان و بەپێی پێویست کاڵاو شمەک و خۆراک دێتە ھەرێمی کوردستان جگە لەوەش کۆگاکان خۆراکی پێویستیان تێدایە.
لەبارەی گرانبوونی نرخی ھەندێک خۆراک و پێداویستی وتی، "ئەو بەرزبوونەوەی ھەیە رەنگە ھاوڵاتی خۆی دروستی کردبێت ئەوەش مەترسی ئەوەیان ھەیە شەڕی ئۆکراین و روسیا درێژە بکێشێت و کێشەی کەمبوونەوەی ھەندێک خۆراک دروستبێت، بەڵام داوادەکەین ھاوڵاتیان بەپێی پێویستی خۆیان خۆراک و پێداویستییەکان بکڕن، تاوەکو کاریگەری لەسەر زیادبوونی نرخەکان نەبێت چونکە کۆگاکان بەشی پێویست خۆراک و شمەکی تێدایە".
شاناز ئیبراهیم ئەحمەد کارگێڕی مەکتەبی سیاسی و سەرپەرشتیاری مەڵبەندی یەکی رێکخستنی سلێمانی(ی.ن.ک) بۆ ساڵیادی راپەڕینی شاری سلێمانی پەیامێکی بڵاوکردەوە و رایگەیاند، سلێمانی ھەرگیز زوڵم و زۆر و خۆسەپاندنی قبوڵ نەبووە و نابێ، سلێمانی وەک چۆن پێشەنگی راپەڕین بوو، لەئێستا و ئایندەشدا شاری رۆشنبیران و ڕای ئازادە.
دەقی پەیامەکە...
پەیامی شاناز ئیبراھیم ئەحمەد بۆ ساڵیادی راپەڕینی شاری سلێمانی
رۆژی ٧ی ئازار، ئەو رۆژەی چیتر رۆڵە نەبەردەکانی شاری ھەڵمەت و قوربانی بەرگەی زوڵم و سزادان و رەشبگیری رۆڵەکانیان نەگرت و زەبری گورچکبڕیان گەیاندە دەزگا داپڵۆسێنەرەکانی بەعس لە سەرا و حامیە و ئەمنەسوورەکە و کۆتاییان بەحوکمی سەرکوتکەرانەی ئەو رژێمە ھێنا کەدەستیان سوربوو بەخوێنی لاوەکانی سلێمانی.
تا ئەمڕۆش زەماوەندی ئەو سەرکەوتنە دەکەینەوە و ھەمووان ئازادانە ئەو سرودە دەڵێینەوە کەوێردی سەر زمانی جەماوەر بوو بەژن و پیاو و گەنج و پیرەوە، کاتێ بەیەک دەنگ رووبەڕووی ئەمنە چەپەڵەکان دەبونەوە و دەیانوتەوە: دەمی راپەڕینە دەمی راپەڕین.
خەبات و بەگژداچوونەوەی چەندین ساڵەی رۆڵە خوێنگەرمەکان، شۆڕشگێڕ و تێکۆشەران، ماڵباتی پێشمەرگە و رێکخستنە نھێنییەکان، جەماوەری سلێمانی ئازادی ھێنایەدی.
ئەو بڵێسەیەش کە لەرانیەی دەروازەی راپەڕینەوە ھەڵگیرسا تائێستاش نەکوژاوەتەوە، ئەمەش سەلمێنەری ئەوەیە کە سلێمانی ھەرگیز زوڵم و زۆر و خۆسەپاندنی قبوڵ نەبووە و نابێ، سلێمانی وەک چۆن پێشەنگی راپەڕین بوو، لەئێستا و ئایندەشدا شاری رۆشنبیران و ڕای ئازادە.
شاناز ئیبراھیم ئەحمەد
کارگێڕی مەکتەبی سیاسی و سەرپەرشتیاری مەڵبەندی ١ی رێکخستنی سلێمانی(ی.ن.ک)
قوباد تاڵەبانی جێگری سەرۆکی حکومەتی ھەرێمی کوردستان لە رێوڕەسمی کردنەوەی عەلوەی رۆژئاوای سلێمانی رایگەیاند، پڕۆژەی عەلوەی نوێی سلێمانی پڕۆژەیەکی ستراتیژییە و بۆ ھەمەجۆری ئابوری و ھەلی کار و ئاسایشی خۆراک گرنگە.
وتیشی، وەک لێپرسراوان دەبێت رەچاوی رەوشی خەڵک بکەین و کار دەکەین بۆ پشت بەستن بە کشتوکاڵ.
قوباد تاڵەبانی لەبارەی بریارەکەی دادگای فیدڕاڵی عێراق راشیگەیاند، بڕیارەکەی دادگای فیدراڵی نادادپەروەرانە بوو و دەبێت پرسی نەوت یەکلابکەینەوە و ئەو کێشەیە لە نێوان ھەرێم و عێراق نەمێنێت.
بێگەر تاڵەبانی وەزیری کشتوکاڵ و سەرچاوە ئاوییەکانی حکومەتی ھەرێمی کوردستان لە رێوڕەسمی کردنەوەی عەلوەی رۆژئاوای سلێمانی رایگەیاند، کردنەوەی عەلوەی رۆژئاوای سلێمانی ھەنگاوێکی ترە بۆ پەرەپێدانی سێکتەری کشتوکاڵ و دەبێتە سەنتەرێکی گەورەی بە بازاڕکردن و ئامانجی ئەم پڕۆژەکەش رەخساندنی ھەلی کارە.
ئاوات محەمەد قائیمقامی سلێمانی رایگەیاند، ساڵێکی زۆر قورس و گرنگ و پڕلە کێشەمان تێپەڕاند، ئێستە گەیشتوین بەقۆناغێکی باشتر و کارمان پاراستنی ئەو نەمامانە و گەشەکردنیانە، لەبابەتی دارمانڕشتن و ئاگربڕ و دابینکردنی ئاو بۆ پاراستنی نەمامەکانیش ھەموو کارێکی پێویست دەکەین.
نوێنەری کۆمپانیاکانیش ئاماژەیان بەوەکرد، کە بەشی ھەرەزۆری نەمامەکان گەشەیان کردووە و ئەو نەمامانەی کە وشکبوون، لە جێگەیان نەمامی تریان رواندووە، کاری داھاتوشیان رشتنی دەرمانی قڕکەری گژوگیا و دروستکردنی ئاگربڕە.
بەرێوبەری دارستان و پاوانی سلێمانیش رایگەیاند، کاری ئەو کۆمپانیانە بەتەواوی سەرکەوتوو بووەو ئەوەی لەسەر حکومەت بێت لەرووی دابینکردنی نەمامەوە ئەنجامی دەدات و لە ھەموو ئەو شوێنانەش کە پێویستە ئاگربڕ دروست دەکەن بۆئەوەی کەوتنەوەی ئاگر زیان بە نەمام و دارستانەکان نەگەیەنێت، بۆئەو مەبەستەش کۆبونەوەی لیژنەی فریاگوزاری ئەنجام دەدەن.
لە بارەی بەرزکردنەوەی نرخی خواردن و کاڵا لە بازاڕدا، نەبەز عەبدولحەمید قائیمقامی قەزای ناوەندی ھەولێر لە کۆنفرانسێکی ڕۆژنامەوانیدا ڕایگەیاند، ھیچ ماددەیەکی خۆراکی کەم نییە و لە کۆگاکان بڕی پێویست ھەیە، بڕیاریش دراوە لیژنەکانی چاودێری بازاڕ چالاکتر بکرێن، داواش لە ھاووڵاتیان دەکات ھەر مارکێت و کۆمپانیا و شوێنێک نرخی خۆراک و کاڵای زیاد کرد، پەیوەندییان پێوە بکەن بۆ ئەوەی سزای سەرپێچیکاران بدرێت و شوێنەکانیان دابخەن.
دەقی پەیامەکە...
ئەمڕۆ یادی راپەڕینی سلێمانی دەکەینەوە، یادی شارێک کە ھەمیشە سەرچاوەی وزە و ھێزی بەردەوامیمان بووە. ئەو شارەی مام بە (شارە حەیاتەکە) ناوی دەھێنا و ھەرواش دەمێنێتەوە.
سلێمانی ھەمیشە سەربڵند و شکۆمەند بووە، بێدەنگ نابێت و پاشکۆبوون رەتدەکاتەوە. لەبەرامبەر ھیچ ھێزێک خۆی نەوی ناکات و وەک چیاکانی خۆڕاگر و پتەو دەمێنێتەوە. بەردەوام لەنوێبوونەوەدایە و زیندووێتی خۆی ون ناکات. لە رۆژانی خەبات دژی زوڵم و ستەم، سلێمانی بوو رۆڵەکانی خۆی دەکردە قوربانیی ئازادی و سەرفرازی بۆ ھەموو کوردستان. لە خەباتی دیموکراسی و مەدەنیشدا ھەر خۆی سەرمەشق بووە و مێژوو شایەتی ئەم راستییانە دەدات.
دەزانین دروشمی زۆر بەرزکراونەتەوە و مژدەی گەورە بە سلێمانی دراوە، بەڵام بەمەبەست بووبێت یان نا فەرامۆشکراون. بۆیە لەم یادە پیرۆز و شکۆدارەدا بەڵێنتان پێدەدەم جارێکیتر رێگەنادەین سلێمانی ببێتە قوربانیی ململانێکان و غەدر لە سلێمانی و مێژووە پڕ لە سەروەرییەکەی بکرێت. داھاتووش روونی دەکاتەوە کوڕە دڵسۆزەکانی سلێمانی کێن و کێ شان دەخاتە ژێر باری بەرپرسیارێتییەکان.
سڵاو لە رۆحی پاکی شەھیدان
سەربەرزی و سەرفرازی بۆ خەڵکی شارە حەیاتەکە و سەرجەم خەڵکی خۆشەویستی کوردستان.
بافڵ جەلال تاڵەبانی
٧ی ئاداری ٢٠٢٢
کەمال محەمەد وەزیری کارەبای حکومەتی ھەرێمی کوردستان رایگەیاند، زستانی ئەمساڵ بەھۆی دابینکردنی گازی کیرۆسین کێشەی کارەبا نەبووە و رۆژانە ١٢ سەعات و ٢٠ خولەک کارەبا دابەشکراوە، لەئێستاشدا رۆژانە نزیکەی ١٣ بۆ ١٦ سەعات کارەبا بە ھاووڵاتیان دەدرێت.
وتیشی، ئەو سوتەمەنییەی وەزارەت پشتی پێدەبەستێت زیاتر غازە کە نزیکەی ٤٥٠ پێ سێ جایە و بەشی پێویست ناکات، چونکە لە ئێستادا ١٤ بۆ ١٥ یەکە لە کار وەستاون و بەھۆی نەبوونی سوتەمەنی کارناکەن.
وەزیری کارەبای ھەرێم راشیگەیاند، ھیچ کێشەی ژێرخانی کارەبا نییە، کێشەکە تەنھا دابین نەکردنی سوتەمەنییە، ئەگەر ئەنجومەنی وەزیران سوتەمەنی بۆ وەزارەت دابین بکات، دەتوانرێت بڕی تەواوی کارەبا بەرھەم بھێنرێت و ٢٤ سەعات کارەبا دابەش بکرێت.
ئاشکراشیکرد، وەزارەتی سامانە سروشتییەکان پلانی ھەیە لە مانگی چواری ساڵی داھاتوو غاز زیاد بکات، ئەو کاتە دەتوانن یەکەکان ئیش پێبکەن و رەوشی کارەبا بەرەو باشتر بچێت.
بە مەبەستی جێگیربوون و دابەزینی نرخی بەنزین، "ئازاد محەمەد ئەمین" سەرۆکی ئەنجومەنی پارێزگای سلێمانی رایگەیاند، کۆمپانیاییەک ئامادەیی نیشانداوە بەنزین بە نرخی کەمتر لەوەی ئێستا ھاوردە بکات، وتیشی، بە نوسراوی سەرۆکایەتیی ئەنجومەنی پارێزگا پێشنیازەکە بۆ بەڕێوەبەرایەتی بەرھەمەنەوتییەکان بەرزدەکەنەوە بۆئەوەی وەزارەتی سامانە سروشتییەکان لەو پێشنیازە ئاگادار بکەنەوە.
سەرۆکی ئەنجومەنی پارێزگای سلێمانی دڵنیاییشیدا بەو مەرجە رێگە بە کۆمپانیاکە دەدەن کە کوالێتی ئەو سووتەمەنییەی ھاوردەی دەکات باشبێت و بەگوێرەی ڕێنماییەکانی بەڕێوەبەرایەتی بەرھەمە نەوتییەکان ھاوردەی بکات.
لەرووداوێکی تریشدا تەرمی گەنجێک لەشەقامی ١٥٠ مەتری دۆزرایەوەو تا ئێستا ھۆکاری کوشتنەکەی نەزانراوە. بنەماڵەی ئەو گەنجە کوژراوە رایانگەیاند، پێویستە دامەزراوە ئەمنییەکان بکوژانی کورەکەیان دەستگیربکەن و سزا بدرێن.
ئاماژەیان بەوەشدا، ھیچ کێشەیەکی کۆمەڵایەتی و ھیچ پەیوەندییەکیش لەگەڵ کوشتنی ئەو کچە نەبووە کە لە شەقامی سەد مەتری کوژرا.