کوردستان
دەقی پەیامەکە:
لەیادی سی و سێ ساڵەی دامەزراندنی یەکێتیی ژنانی کوردستاندا پیرۆزباییەکی گەرم لەسکرتێرو دەستەی دامەزرێنەرو سکرتاریەتی ئێستا و سەرجەم ژنانی تێکۆشەری ئەو رێکخراوە دەکەین.
رێکخراوەکەتان کە لەو رۆژگارە سەختەی خەباتدا لەپاش کارەساتی ئەنفال و لەشاری سەقز دامەزرا، ورەی بەخشی بەژنانی تێکۆشەری نێو ریزەکانی یەکێتی و ژنانی تری بیروڕا جیاوازی نزیک لەگۆڕەپانی سیاسی کوردایەتی بۆ خەبات لەپێناو بەدەستھێنانی مافەکانتان.
لەو رۆژەوە تاوەکو ئیمڕۆ چالاکیەکانتان، خەبات و تێکۆشانی بەردەوامتان لەبڵاوکردنەوەی ھۆشیاری لەنێو ریزەکانی ژنان و کچاندا بۆ چەسپاندنی یاساکانی پاراستن و پارێزگاری لەمافەکانتان کە یەکێتی و سەرۆک مام جەلال پشتیوانێکی بەردەوامتان بوون، نیشانەی کۆڵنەدانی ئێوەیە.
جارێکیتر وێڕای پیرۆزبایی گەرممان بۆ یادە پڕ شکۆکەتان . ھیوای سەرکەوتنی زیاترتان بۆ دەخوازین.
مەکتەبی سیاسی
یەکێتیی نیشتمانیی کوردستان
پەیامنێری کوردسات نیوز رایگەیاند، فڕۆکە جەنگییەکانی تورکیا ئۆتۆمبێلێکیان لە گەڕەکی (حەی نەسر) لە رۆژئاوای سەنتەری قەزای شنگال بۆردومان کردووە کە چوار سەرنشینی تێدابووە.
راشیگەیاند، سەرجەم سەرنشینەکانی ئۆتۆمبێلەکە گیانیان لەدەستداوە و لێکۆڵینەوەش لە رووداوەکە بەردەوامە، تا ئێستاش ناسنامەی قوربانییەکان ئاشکرا نەکراوە.
وەزارەتی خوێندنی باڵا لە راگەیەندراوێکدا دەڵێت، ژمارەیەک لە دەرچوانی پۆلی دوانزەی ئامادەی کە پێشتر لە ئەنجامەکانیان نوسرابو (وردبینی دەکرێت)، لەلایەن وەزارەتی خوێندنی باڵاو توێژینەوەی زانستی ناویان گەڕایەوەو لە ئێستادا دەتوانن شوێنی وەرگرتنیان لە زانکۆ و پەیمانگەکان بەپێی کۆنمرەکانیان وەربگرنەوە.
باسی لەوەش کردووە، د. خەتاب ئەحمەد مستەفا بەڕێوەبەری گشتی خوێندن و پلاندانان و بەدواداچون لە وەزارەتی خوێندنی باڵاو توێژینەوەی زانستی لە لێدوانێکدا ڕایگەیاند: ئەو دەرچوانەی پۆلی دوانزەی ئامادەیی کە پێشتر لە ئەنجامەکانیان نوسرابو وردبینی دەکرێت، لە ئێستادا بەپێی کۆنمرەکانیان ناویان لە زانکۆ و پەیمانگەکانی ھەرێمی کوردستان گەڕاوەتەوە و دەتوانن لە وێبسایتی regayzanko.com لە شوێنی وەرگرتنیان دڵنیا ببنەوە کە ژمارەیان نزیکەی (١٣٠٠) وەرگیراوە.
د. خەتاب ئەحمەد مستەفا رایگەیاند، داوا لەو دەرچوانە دەکەین لە ھەفتەی داھاتودا پەیوەندی بکەن بەو کۆلێژو بەشانەی کە ناویان لێی گەڕاوەتەوە، بۆ ئەوەی مامەڵەی خۆتۆمارکردن ئەنجام بدەن.
بەڕێوەبەری گشتی خوێندن و پلاندانان و بەدواداچون وتیشی، لە ئایندەیەکی نزیکدا ناوی ئەو دەرچوانەش ڕادەگەیەنرێت کە لە ڕێگەی فۆڕمی ڕاستەوخۆ داواکارییان پێشکەش کردبو بۆ وەرگرتنیان لەو کۆلێژ و بەشانەی کورسی بەتاڵیان ماوەتەوە، زیاتر وتیشی: تایبەت بە دەرچوانی خوێندنگە کوردییەکانی ناوچە دابڕاوەکانی دەرەوەی ھەرێمی کوردستان بەھەمان شێوە ناویان لە زانکۆ و پەیمانگەکانی ھەرێمی کوردستان ھاوشێوەی خوێندکاران و قوتابیانی ھەرێمی کوردستان دەگەڕێتەوە.
گەڕان بە دوای ٦١ کۆچبەری بێسەروشوێنی ناو یەختە ژێرئاوکەوتووەکەی ئیجە بەردەوامە
رەنج پشدەری رۆژنامەنووس بە کوردسات نیوزی راگەیاند، ئەو یەختە ژێرئاوکەوتوووەی کۆچبەران بە ٧٠ سەرنشینەوە ماوەی دوو رۆژە بووە لە تورکیاوە بەڕێکەوتووە بەرەوە یۆنان، دواتر لە نزیگ دوورگەی کاریستۆس گیریانخواردووە و داوای بەھاناوەچوونیان کردووە، بەڵام لە ئەنجامدا یەختەکەیان وەرگەڕاوە.
وتیشی، زۆرینەی سەرنشینانی یەختەکە ژن و منداڵن و بەپێی زانیارییەکانیش ھەشت ھاووڵاتی خەڵکی ھەرێمی کوردستانی تێدایە.
رەنج پشدەری ئاماژەی بەوەشکرد، تائێستا تەنھا نۆ کۆچبەر لەلایەن ھێزی دەریاوانی تورکیاوە رزگارکراون و کۆچبەرەکانی تریش کە ژمارەیان ٦١ کۆچبەرە بێسەروشوێنن و گەڕان بەدوایاندا بەردەوامە.
ھاووڵاتییەکی تری کورد لە ژێر ئەشکەنجەی ھێزە ئەمنییەکان لە تاران گیانی لەدەستدا
رێکخراوی ھەنگاو بۆ مافەکانی مرۆڤ بڵاویکردەوە، ھاووڵاتییەکی تری کورد بەھۆی ئەشکەنجەوە لەلایەن ھێزەکانی سەر بە حکومەتی ئێران، لە تاران گیانی لەدەستداوە.
ھاوکات لیژنەی پاراستنی مافی رۆژنامەنووسان ناوی ٥٠ رۆژنامەنووسی بڵاوکردەوە، کە لە سەرەتای خۆپیشاندانەکانی ئێران دژی گیانلەدەستدانی ژینا ئەمینی دەستگیرکراون.
ئەو لیژنەیە راشیگەیاندووە، تەنھا ١٣ رۆژنامەنووس بە کەفالەت ئازادکراون و داواشیکرد بەخێرایی و بەبێ مەرج تەواوی رۆژنامەنووسان کە لە زیندانەکانی ئێراندا گیراون، ئازادبکرێن.
خۆپیشاندانەکان لە ئێران و رۆژھەڵاتی کوردستان لە دوو مانگ نزیک دەبنەوە، تا ئێستاش بەردەوامی ھەیە و چینی گەنجان بەتایبەت روبەڕووی سەرکوتکردنی دەسەڵاتداران دەبنەوە.
دەقی روونکردنەوەکە:
روونکردنەوەیەک لەمەکتەبی سیاسی یەکێتیی نیشتمانیی کوردستانەوە سەبارەت بە بوختاننامەکەی مەکتەبی سیاسی پارتی
مەکتەبی سیاسی پارتی دیموکراتی کوردستان لە رونکردنەوەیەکی چەواشەکارانەدا وەڵامی لێدوانە ڕاست و ڕەواکانی ھەڤاڵ شێخ جەعفەر شێخ مستەفا ئەندامی ئەنجوومەنی باڵای سیاسی و بەرژەوەندی یەکێتیی داوەتەوەو زۆر بە پەلەپروزێ کەوتۆتە شێواندنی زەقی راستییەکان و تێکەڵکردنی کاغەزەکان بە جۆرێ نەک ھەر ھاوڵاتیانی کوردستان، بەڵکو خودی پارتییەکانیش، بڕوای پێناکەن.
لە رونکردنەوەکەدا گوایە باس لە پەراوێزخستنی حزبیی دەکەن، لە کاتێکدا یەکێتیی بەوە دەناسرێتەوە ھەمیشە سەرکردە و تێکۆشەر و خەباتگێرەکانی پێشڕەو و سەرمەشقن لە سەنگەری بەرگری لە کۆمەڵانی خەڵکی کوردستان و یەکێتیەکەیاندا.
رونکردنەوەکە تۆمەتی دواخستنی ھەڵبژاردن دەخاتە ئەستۆی یەکێتیی، خەڵکی کوردستان زۆر لەوە وشیارترن باوەڕ بە بوختانی وا بکەن. ڕاستێکەی ئەوەیە کە پارتی دەیویست بەو یاسا کۆنەی ھەڵبژاردن و تۆمارە پر خەوشەی دەنگدەران، بەبێ ھەموارکردنەوەیەکی گونجاو، بچینە ناو پرۆسەیەکی شێواوی ھەڵبژاردنەوە، کە تەنھا و تەنھا لەبەرژەوەندی پارتی و تەزویرە ئاشکرا و چەندبارە بووەکانیدایە.
ئاخر ھەڵبژاردن لە بنچینەدا بۆ گۆڕانکاری سیاسیی و دیموکراسی ڕاستەقینە دەکرێت. کە ئەو ئامانجانە بەدینەھێنێت، ئەوا وەک تەسدیقکرنی بەرنامە تەزویرەکەیانە کە ئێستا بۆتە فەرھەنگێک نەک لە دژی فرەحزبی کوردستان، بەڵکو لە دژی خودی کۆنگرەی پارتی و ئەندامەکانیشی تەشەنەی سەندووە.
بەشێکی بەلاغەکەی مەکتەبی سیاسی پارتی فرمێسکی تیمساحی بۆ ئایندەی ھەرێم ھەڵدەرێژێ و لە بیری دەباتەوە کە ئەوە پارتییە ھەمیشە ئامادە بووە و ئامادەیە ھەموو ھەرێم و ئەزموونەکەمان بکاتە قوربانی بەرژەوەندی تەسکی حزبی و ئیمارەتێکی بەر تەسک بۆ مانەوەیان تا شتێک نەمێنێ بە ناوی ھەرێم و حکومەت و ئیدارەی کوردستانییەوە، پیلان و کەینوبەینە ئیقلیمییەکانیان شاھیدی ئەوەن و لە ھەر تەنگژەیەکی سیاسیشدا ویستی ھەڕەشە ئامێزی ماڵجیایی ھەمیشە بەشێک بووە لە پەیامی ئاشکرا و نھێنییان.
ئەم ڕاستییە ئاشکرایانە بە دەلەسەی گوایە کێشە ناوخۆییەکانی یەکێتی داناپۆشرێت، چونکە ناوخۆی پارتی و گرژی نێوان باڵەکانی وا زەقەکە کە ئێستا بۆتە مەترسی سەرباری ئەو مەترسییانەی پارتی بۆ کوردستانی دروستکردووە.
رونکردنەوەی بوختانئامێزی مەکتەبی سیاسیی پارتی باس لە ترسی دۆرانی ھەڵبژاردن دەکات کە پارتی دەمێکە بەھای دیموکراسی لە ھەڵبژاردنەکان دۆراندووە و ئەوە تەنھا تەزویر و چاوسورکردنەوەیە ئەوانی لە گۆڕەپانی زۆرینەی ساختەی حوکمڕانیدا ھێشتۆتەوە.ھەروەھا ئەوە پارتییە دوو چەمکی (مونافەسە و دوژمنایەتی) تێکەڵ کردووە، چونکە ھەر حزب و لایەنێک نەچێتە ژێر رکێفی وەھمی حزبی قائیدەوە و مل بۆ خۆسەپاندنەکەیان نەدات بەدوژمنیان زانیووە و بە داتاشینی سینارێوی دەستکردی موخابەراتی و تەشھیری میدیایی تەخوینی دەکەن.
مەکتەبی سیاسی پارتی بە لوتبەرزییەوە دەڵێ: (ئێمە لەوە گەورەترین بچینە لای کەسی دیکە و گلەیی بکەین) ئەمەش ھەمان فەرھەنگی عینادی و حیساب نەکردنە کە راوێژ و بیروڕا گۆڕینەوەی نێوان ھێزەکانی کوردستانیشی پێ عەیبەیە، پێچەوانەی یەکێتی کە بۆ ھەر ھەنگاوێک بڕوای بە تەگبیر و راوێژ ھەبووەو خۆی بە دوور گرتووە لە تاکڕەوی و خۆسەپێنی. راوێژی یەکێتی لەگەڵ ھاوبەشەکانی ئەزموونی کوردستان بۆ سوڵح و شەفاعەت نەبووە لەگەڵ پارتیدا، بەڵکو بۆ خستنە رووی نیگەرانییەکانی ھەمووان بووە لە ئەدای خراپی حوکمڕانی و تاکڕەوی پارتی تا ھەموولایەک لە ھەر ھەڵوێستێکی یەکێتیی ئاگاداربن، ئەگەر کۆبوونەوە لەگەڵ لایەنەکان خراپە ئەی بۆچی دوای سەردانەکانی وەفدی یەکێتیی، تەنگەتاو بوون و گوایە (وەفدی حکومیان) پێکھێنا و لە دەرگای لایەنەکانیان دا؟.
بوختاننامەی مەکتەبی سیاسی پارتی باس لە کەیسی تیرۆرکردنی شەھید (ھاوکار جاف) دەکات، گوایە پێشوەختە ئاگاداری کردەوەکە بوون ئەی بۆچی ھەوڵتان نەدا رێی لێ بگرن و فرمێسک و خوێنێک بۆ گەلەکەمان بگێرنەوە؟ یان ئەوە دەسەلمێنن کە رەنگە ھەر خۆتان و کەسانی راکردوو لە یاسا کە داڵدەتان داون، بەرپرسن لەو رووداوە؟!، خۆ ئەگەر باسی تۆماری تیرۆر بکەین ئەوا پەرێزی مێژوویی پارتی قەت پاک نابێتەوە و تاوانەکان لە ژماردن نایەن، کە تازەترینییان شەھید کردنی کارمەندێکی ئاسایش بوو لە چەمچەماڵ و لێدان و دەستدرێژی بۆ سەر کەسانی تر لەسنووری دەسەڵاتی یەکێتیدا، ئەدی بۆچی ئەو دۆسێیانە دیزە بەدەرخۆنە کران و تاوانبارەکانتان لای خۆتان گلداوەتەوە و موعەزز موکەرەمن لە پایتەخت دەژین.
روونکردنەوەکەی مەکتەبی سیاسی پارتی، دەڵێت دوای داواکردنی چەند کەسێک لە لایەن دادگاوە گوایە ھێرشی یەکێتی بۆ سەر پارتی دەست پێکردووە لەکاتێکدا قەرار بوو لیژنەی ھاوبەشی لێکۆڵینەوە لە ھەر کەیسێکی گوماناوی بکەن نەک ھەر خۆیان ئیستفراد بە دادگا و لێکۆڵینەوە بکەن و سیناریۆ دا بتاشن و مۆری دادگای لێبدەن.
دوا قسەمان دەڵێین ، لە پێناو پەرژەوەندی گشتیدا، ئەوە یەکێتیی نیشتیمانیی کوردستان بووە کە ھەمیشە نەرمی نواندووەو لەزۆر مافی خۆمان خۆشبووین، بەڵام ناکرێ تا سەر بێدەنگ بین لە سیاسەتی جیاکاری و ئابڵوقەی دوژمنکارانە بەرامبەر خەڵکی ناوچەکانی ئەم دیو دێگەڵە (بگرە تەواوی دۆخی دژواری کوردستان) کە تا ئێستا سنورێکی دروستکراوی ھەڵبەستنی رق و کینەی ناختانە,
ھیوامان وایە سەرئەنجام تای دەمارگیری ، بوغزو کینە ، واھیمەی (حزبی قائید) و تەخوینی بیروڕای جیاواز بەرتان بدات و لە کۆنگرەی سبەینێتاندا سیاسەتێکی نوێی کوردانە و دەربەستی سیاسی بگرنە بەر و بڕیاری نیشتمانی ئەوتۆ بدەن کە زەرەری تا ئێستا زۆر و زەبەنەتان، لە نیوەی بگێرێتەوە.
مەکتەبی سیاسی یەکێتیی نیشتیمانیی کوردستان
٢-١١-٢٠٢٢
رەنج پشدەری رۆژنامەنووس بڵاویکردەوە، ئەمڕۆ بە دوو کاتی جیا، دوو کۆچبەر بە مەلە خۆیان گەیاندووەتە کەناراوەکانی یۆنان و بە زیندوویی رزگارکراون. دواتریش دوو کۆچبەری کوردی رۆژھەڵاتی کوردستان نامەیەکی دەنگییان ناردووە و دەڵێن سەلامەتن. تائێستاش ١٣ کۆچبەر رزگارکراون کە خەڵکی ئەفغانستان و میسر و ئێرانن و رۆژھەڵاتی کوردستانن.
ئەو یەختەی کۆچبەران کە بە ٧٠ سەرنشینەوە لە دەریای ئیجە ژێرئاوکەوت، ماوەی دوو رۆژ بوو لە تورکیاوە بەڕێکەوتبوو بەرەوە یۆنان، دواتر لە نزیگ دوورگەی کاریستۆس گیریخواردووە و کۆچبەرەکانیش داوای بەھاناوەچوونیان کردووە، بەڵام یەختەکەیان وەرگەڕاوە، زۆرینەی سەرنشینانی یەختەکە ژن و منداڵن و بەپێی زانیارییەکانیش لە کۆی ھەشت ھاووڵاتی کورد شەشیان بێسەروشوێنن.
باوکی یەکێک لە کۆچبەرە کوردەکانیش بە کوردسات نیوزی وت، نازانن کوڕەکەیان لە ژیاندا ماوە یاخود گیراوە، وتیشی قاچاغچی پێی وتبوون یەختەکە ٢٠ مەترە، بەڵام ١٠ مەتر بووە و ٧٠ سەرنشینی تێدا بووە.
ئەمڕۆ چوارشەممە ٢٠٢٢/١١/٢، د. ڕێواز فائق، سەرۆکی پەرلەمانی کوردستان، پێشوازیی لە گریگۆری گالیگان، باڵیۆزی کەنەدا لە عێراق کرد.
لە دیدارێکی نێوانیاندا باسی چەند پرسێکی سیاسی ھەنووکەیی و ڕەوشی مافەکانی مرۆڤ و ئازادییە گشتییەکان گفتوگۆیان لەبارەوە کرا، سەرۆکی پەرلەمانی کوردستان، شیکردنەوەیەکی وردی لەبارەی دۆخی ھەرێمی کوردستان لە ڕووی سیاسی و پەیوەندیی نێوان دامەزراوە دەستوورییەکان بۆ شاندی میوان خستەڕوو، ھاوکات گرنگی و بایەخی ئەو یاسایانەی کە لە پەرلەمانی کوردستاندا دەرچوون بۆ پارێزگاریکردن لە ئازادیی ڕۆژنامەگەری، مافەکانی مرۆڤ، ئازادییە گشتییەکان و ڕووبەڕووبوونەوەی تووندوتیژی دژی خێزان و منداڵ ڕوونکردەوە.
پاشان گریگۆری گالیگان، باڵیۆزی کەنەدا لە عێراق، سوپاس و پێزانینی خۆی ئاراستەی سەرۆکی پەرلەمانی کوردستان کرد بۆ پێشوازیلێکردنیان، ھاوکات ئاڵوگۆڕیی بیروڕای خۆی بۆ ئەو پرسانەی کە باسکران لەگەڵ سەرۆکی پەرلەمانی کوردستان تاووتوێ کرد.
ھەر لە دیدارەکەدا، ھەردوولا جەختیان لەسەر گەشەپێدانی زیاتری پەیوەندییەکانی نێوانیان کردەوە.
لە دیدارێکی نێوانیاندا کە سوبھاش کین، کونسوڵی گشتیی وڵاتی ھیند لە ھەرێمی کوردستان ئامادەیبوو، باسی پەیوەندییەکانی نێوان ھەردوولا و ھاوبەشیی کلتووری و پێکەوەژیانی نێوان ئاین و نەتەوە جیاوازەکان و ڕەنگاڵەیی و فرەیی و یەکترقبووڵکردنی نێوان سەرجەم پێکھاتەکانی کۆمەڵگەی ھیندی و ئەو لێکچوونانە کرا کە خاڵی ھاوبەشی نێوان ھەردوو گەلن.
دواتر باسی گەشەپێدانی پەیوەندییە ئابووری و بازرگانییەکان و لێکنزیکبوونەوەی زیاتری نێوان ھەرێمی کوردستان و وڵاتی ھیندستان کرا، بەمەبەستی ئاڵوگۆڕیی ئەزموون و شارەزایی لەو بوار و سێکتەرانەی کە سوودیان ھەیە بۆ بەرزکردنەوەی ئاستی زانستی و تەکنەلۆژی، پەرەپێدان و بەھێزکردنی تواناکان لەم ڕوانگانەوە.
"عەبد عەلی حسێن تەعمە" بەڕێوەبەری گشتیی پەروەردەی کەرکوک لە نوسراوێکدا کە ئاڕاستەی ھەموو خوێندنگە و ھۆبەکانی سەر بە بەڕێوەبەرایەتی پارێزگای کەرکوکی کردووە، رایگەیاندوە، بە پستبەستن بە یاسای ئاڵای عێراق ژمارە ٣٣ بۆ ساڵی ١٩٨٦ و ھەموارکردنەوەی بۆ یاسای ژمارە ٦ لە ساڵی ١٩٩١ و دووبارە ھەموارکردنەوەی بۆ یاسای ژمارە ٩ لە ساڵی ٢٠٠٨، ھەڵکردنی ھەر ئاڵایەک، بێجگە لە ئاڵای عێراق لە دامودەزگاکانی سەر بە بەڕێوبەرایەتی پەروەردە بە ھەموو شێوەیەک قەدەغەیە.
ئاماژەی بەوەشکردووە، ھەر کەس سەرپێچی ئەو بڕیارە بکات رێکاری یاسایی لە دژی دەگیرێتەبەر.
نوێنەری دەزگای لوتکە ڕایگەیاند کە سەرچاوەیەکی تایبەت پێی ڕاگەیاندوە لە ئەنجامی بەدواداچوون و گەڕانە بەردەوامەکان بۆ ڕووداوی نقومبوونی یەختەکەی دوێنێ لە نوێترین زانیاریەکاندا دەرکەوتوە کە ١٩ تەرمی دیکە لە کەناری کاریستۆس دۆزراونەتەوە.
وتیشی، ئێستا پۆلیسی کەناراوەکانی یۆنان سەرقاڵی گواستنەوەی تەرمەکانن بۆ نەخۆشخانەی کاریستۆس.
لە ھەمان کاتدا پیاوێک بە زیندوویی لە دەریادا دەدۆزرێتەوە و گەیەندراوەتە نەخۆشخانە لەگەڵ ئەم پیاوە تا ئێستا ١٢ کەس ڕزگارکراون و ژمارەی مردووان بەرزبووەتەوە بۆ ١٩ کەس.
پێشتریش چوار کۆچبەری دیکەی ناو یەختە ژێرئاوکەوتووەکەی دەریای ئیجە رزگارکران کە دووانیان خەڵکی رۆژھەڵاتی کوردستانن.
وەفدەکە جەختیانکردەوە لە بەھێزکردنی یەکڕیزی نیشتمانی و پاراستنی سەقامگیری ھەرێم و پاراستنی مافی تەواوی پێکھاتەکان بۆ پیادەکردنی ڕۆڵی کاریگەریان و دەستەبەرکردنی مافەکانیان.
راشیانگەیاند یەکێتی یەکێتی نیشتیمانی کوردستان شانازی بەو رێبازە پێرۆزەی مام جەلالەوە دەکات کە خۆی بە پارێزەری راستەقینەی مافی سەرجەم پێکھاتەکان لە ھەرێم و عێراق دەزانێت.
جەعفەر ئیمینکی ئەندامی مەکتەبی سیاسی پارتی دیموکراتی کوردستان لە چاوپێکەوتنێکدا لەگەڵ میدیای حزبکەی رایگەیاند، مەسعود بارزانی سەرۆکی پارتی خۆی وتویەتی بۆ کۆنگرەی ١٤ لیستی دەبێت و ئەگەر لیستی داخراویش بێت، مەسعود بارزانی بە کۆنگرە دەڵێت، ئەو لیستەی ھەیە و داواش دەکات دەنگی پێبدەن.
وتیشی، لەبارەی لیستی کاندیدانی کۆنگرە ھەندێک بێسەروبەرەیی ھەبوو و ناوی زۆر بڵاوکرانەوە لە ٣٠٠ و ٤٠٠ کەس و دوایی ھاتە سەر ١٠٠ کاندید.
دەقی راگەیەندراوەکە:
کێ دزە و کێش بازاڕەکەی شێواندوە؟!!
ھەر کات یەکێتی دەیەوێ، ئەو بارە لارەی حوکمڕانی ھەرێمی کوردستان ڕێک بکاتەوە.. ھەرکاتێک دەمانەوێ کۆسپێک بخەینە بەردەم ماشێنی گەورەکراوی تاکڕەوی لە کوردستان، لێرە و لەوێ دەنگی ناجۆر و ناساز دەیانەوێ ئاسۆی بینین لێڵ بکەن و بە مەبەستیش ئاوەکە لێڵ دەکەن تا بەو جۆرە ماسی مەرامەکانی خۆیانی تیا ڕاوبکەن!!
بەڵێ کوردستان پێویستی بە حوکمڕانیەکی تەندروستە، حوکمڕانی تەندروستیش پێویستە رێگری لە مافیا بکات، کە داھاتی ئەم میللەتە دەدزێت.
گەورەترین داھاتی ھەرێمی کوردستان ، داھاتی نەوتە، کە ئێستا رۆژانە (٦٠٠.٠٠٠) شەش سەد ھەزار بەرمیل نەوت ھەناردە دەکات، بێ ئەوەی حکومەت و پەرلەمان و خەڵکیش لە چەند و چۆن و چی، بپرسن!!!
ئەگەر حکومەتی تەندروست ھەیە، رۆژانە لە کێڵگەی ھاڤانا لەژێر دەستی کۆمپانیای کار، ١٧٥٠٠٠ بەرمیل نەوت بەرھەم دێت، کێ ئاگاداری ئەو داھاتەیە؟
بۆ گیرفانی کێ دەچێت؟؟
ئەوەی پێی وایە ئەم حکومەتە تەندروست و رەشیدە، با بفەرموێ تەنیا پرسیار بکات، ئەو کات دەبینێ چۆن ووشەی حکومەت و نەوتیش لە فەرھەنگ و یادەوەریدا بۆ دەسڕەنەوە!!
حکومەتی دروست و رەشید، ئەو حکومەتەیە کە کارنامەی خۆی جێبەجێ دەکات، ئەو بەڵێنە بەجێدەھێنێ کە بە خەڵکی داوە، کامە بەڵێنی حکومەت و کامە بەرنامەی بەجێھێنراوە؟؟!
ئەم کابینەیەی حکومەت لە ساڵی ٢٠١٩دا بە رێکەوتنی پارتی و یەکێتی و گۆڕان دروست بوە، یەکێک لە خاڵە ھەرە گرنگ و گەوھەریەکانی کە پێویست بوو ئەم حکومەتە جێبەجێی بکات، ھەموار کردنەوەی یاسای ھەڵبژاردن بوو بە سازانی نێوان ھێزە سیاسیەکان.!!
کێ ئەو سازانەی رەت کردەوە، ھۆکارەکەشی چی یە؟
تۆ بڵێی حزبێک لەناوخۆی خۆیدا ناڵەی ساختەکاری لە ئەندامەکانی ھەستێت، بتوانێ مل بە سازان بدات لەسەر یاسای ھەڵبژاردن ئەگەر ڕێگری بکات لە تەزویر و یاری کردن بەدەنگ و باڵادەستی نیازی ساختەکاری و دەنگ دزین؟
حکومەتی ھەرێم، ھەرێمی کوردستان، تاپۆی ھیچ حزب و ھیچ سیاسیەک نیە تا بڕیاری لەسەر بدات کێ جێی دەبێتەوە تیایدا و کێ جێی نابێتەوە.. ئەگەریش خاوەنداریەکەشی یەکلا بکرێتەوە، بە مێژوو دیارە کێ خاوەنی قوربانی و خەباتە بۆ بەدیھێنانی ئەم حکومەت و دەسەڵات و ئەم ئێستایەی کە دز خەریکی نەک شێواندنی بازاڕە، بەڵکو بازاڕی ھەر نەھێشتوە و مەکۆکەی خۆی وەک بازاڕ پیشانی خەڵک دەدات.
ئێمە بەردەوامین لەسەر ھەوڵەکانمان بۆ بەدیھێنانی شەفافیەت لە داھاتی نەوت و گشت داھاتەکانی دیکە.
بەردەوام دەبین لەسەر روبەروبونەوەی قۆرخکاری و ستەم کردن لە ناوچەکانی کوردستان و پیادە کردنی سیاسەتی ھەڵاوێرد کردن و دروست کردنی ناکۆکی و کینە لەنێوان شارەکاندا، لەرێگەی خزمەت کردن بە شارێک و فەرامۆش کردنی ئەوی دیکە، چونکە پێمان وایە لە خانەقین تا زاخۆ، ھەمووی وەک یەک مافی لەلای حکومەتە و حکومەت ئەرکێتی خزمەتیان بکات.
بەردەوام و سور دەبین لەسەر ھەڵوێستی نەگۆڕمان بۆ ھھەموار کردنەوەی یاسای ھەڵبژاردنەی بەو جۆرەی کە لەگەڵ بنەما دیموکراسیەکان و پێوەرەکانی بەدیھێنانی ھەڵبژاردنێکی دیموکراتیانە و بێگەرد دەگونجێت، نەک یاساکە کە لەگەڵ ویست و ئارەزوی دزینی دەنگ و شێوێنەرەکانی ئەزمونی حوکمڕانی، بگونجێت.
ئەوەی کە دزە ئەوەیە کە گەورەترین داھاتی ئەم میللەتە کە داھاتی نەوتە،لەژێر پەردە دەشارێتەوە و لەژێر لێویشەوە ئاشکرا ناکات.
ئەوەی بازاڕی شێواویشی دەوێت، ئەوانەن کە دەیانەوێ بۆ برەودان بە دزینی بازاڕ، ئیرادە و دەنگی خەڵکیش لە ھەڵبژاردندا بدزن تا ئەو بازاڕەی ئێستایان ھەر بەردەوام بێت!!
زیاد جەبار
سەرۆکی فراکسیۆنی یەکێتی لەپەرلەمانی کوردستان
رێکخراوی ھەنگاو بۆ مافەکانی مرۆڤ بڵاویکردەوە، ئەو ١٦ کەسە لە ماوەی چوار رۆژدا کوژراون و شەشیان لە مھاباد و پێنج لە سنە و سێ کەس لە بانە و لە ھەریەکە لە شارەکانی قەسری شیرین و پیرانشاریش خۆپیشاندەرێک کوژراون.
لە نێو کوژراوەکاندا، سیانیان ژنن و سیانیان لە خوار تەمەنی ١٨ ساڵەوەن، ھەروەھا ھاووڵاتییەکی خەڵکی ھەرێمی کوردستانیش کە بۆ بەشداری لە رێوڕەسمی بە خاکسپاردنی یەکێک لە کوژراوانی بانە چووبووە ئەو شارە، بەتەقەی راستەوخۆی ھێزەکانی سوپای پاسداران کوژرا.
بە پێی راپۆرتەکەی ھەنگاو، ٨٨%ی ئەو کوژراوانە بە تەقەی راستەوخۆی ھێزە ئەمنییەکانی ئێران کوژراون.
نزیکەی ٥٠ رۆژە خۆپیشاندان دژی گیانلەدەستدانی ژینا ئەمینی لە شارەکانی رۆژھەڵات و ئێران بەردەوامە و بە پێی ئاماری رێکخراوەکانی مافی مرۆڤیش، لە خۆپیشاندانەکاندا تائێستا لانیکەم ٢٨٣ کەس گیانیانلەدەستداوە کە ٤٤یان مێردمنداڵن و زیاتر لە ١٤ ھەزار کەسیش دەستگیرکراون و ژمارەیەکی زۆریش بێسەروشوێنن.