کوردستان
پاسپۆڕتی سلێمانی روونکردنەوەیەکی تایبەت بەو کوردانە بڵاوکردووەتەوە کە لە دەرەوەی عیراق دەژین و ئاماژەی بەوە کردووە، بۆ نوێکردنەوە و دەرکردنی پاسپۆڕت تەنها کار بە کارتی نیشتمانیی دەکرێت.
پاسپۆڕتی سلێمانی رایگەیاندووە، ئاگاداری سەرجەم ئەو کوردانە دەکەنەوە کە لە دەرەوەی عیراق نیشتەجێن، بۆ دەرکردن و نوێکردنەوەی پاسپۆرت بەهیچ جۆرێک کار بە وێنەی تۆماری ئەلیکترۆنی "صورة قید" ناکرێت، چونکە بە بڕیاری وەزارەتی ناوخۆی حکومەتی فیدڕاڵ کارکردن پێی راگیراوە.
ئاماژەی بەوەشکردووە، تەنها کار بە (کارتی نیشتمانی) دەکرێت.
دەشڵێت، پێویستە ئەو هاووڵاتیانە لەکاتی گەڕانەوەیان بۆ هەرێمی کوردستان مۆڵەتی ٣٠ رۆژ وەربگرن، لەبەرئەوەی تەواوبوونی کارتی نیشتمانی ماوەکەی (٢٠ بۆ ٣٠) رۆژی پێدەچێت .
قائیمقامیەتی سلێمانی ئاماری کاروچالاکیەکانی مانگی رابردووی بڵاوکردوەتەوە و تێیدا هاتووە، زیاتر لە حەوت هەزار سەردان بۆ دوكان و بازاڕ و شوێنه گشتییهكان ئهنجام دراوە، هەروەها له چێشتخانه و ریستۆرانت و شوێنه گهشتیارییهكان پسوڵهی سهرپێچی تۆمارنهكراوه.
قائیمقامیەتی سلێمانی لە راگەیەندراوێکدا ئاماری كاروچالاكی مانگی رابردو (ئاداری 2025)ـی لیژنه هاوبهشهكان بڵاوکردووتەوە و رایگەیاندوە، لهئهنجامی گهڕان و پشكنییه بهردهوامهكانیان، لیژنه هاوبهشهكانی قائیمقامیهتی سلێمانی حهوت ههزار و (253) سهردانیان بۆ شوێنه گشتی و بازرگانییهكانی سنوری شاری سلێمانی ئهنجامداوه، كه بهپێی ئاماری لیژنه هاوبهشهكان، بههۆی پایهندبونیان بهمهرجهكانی تهندروستی، لهئهو ماوهدا له چێشتخانه و ریستۆرانت و شوێنه گهشتیارییهكان پسوڵهی سهرپێچی تۆمارنهكراوه، بهڵام بههۆی جێبهجێنهكردنی رێنماییهكانی دیكهی كاركردن تهنها (429) پسوڵه تۆماركراوه.
لهئامارهكهدا ئهوهخراوهتهڕو، لهمانگی رابردودا 167 شوێن ئاگاداركراونهتهوه كه پابهندی مهرج و رێنماییهكانی كاركردن بن، بهپێچهوانهوه روبهڕوی رێكاری یاسایی دهكرێنهوه، ههروهها بههۆی چهند بارهكردنهوهی سهرپێچی و پابهندنهبون بهرێنماییهكانی كاركردن، مانگی رابردو لیژنهكان بهفهرمانی قائیمقامی سلێمانی 18 شوێنیان داخستوه و شهش شوێنیشیان روبهڕوی دادگا كردوهتهوه.
لە راگەیەندراوەکەی قائیمقامدا هاتووە، له مانگی رابردودا لیژنه هاوبهشهكانی قائیمقامیهتی سلێمانی له چهند كۆگایهكدا دهستیان بهسهر بڕی (111) تۆن و (59) كیلۆگرام خواردن و خوارنهوهی جۆراوجۆردا گرتوه كه خاوهنهكانیان بهنیازبون مانگی رهمهزانی پیرۆز بكهن به دهرفهت بۆ ساغكردنهوهی له بازاڕهكاندا، بهڵام لیژنهكان رێگریان لێكردون و دوای دهستبهرداگرتنیان لهلایهن لیژنهی تایبهتهوه له ناوچهی دهرهوهی نیشتهجێبون لهناویبردون.
ئاماری كاروچالاكی لیژنهكانی قائیمقامیهتی سلێمانی ئاماژهی بۆ ئهوهكردوه، بڕی ئهو غرامهی بههۆی سهرپێچیكردنهوه خاوهن شوێنهكانی پێ سزادراوه (60) ملیۆن و (300) ههزار دیناره و بهپێی رێنمایهكان دهخرێتهوه سهرداهاتی گشتی.
قائیمقامی سلێمانی داوادەکات، بۆ گەیاندنی سکاڵا و زانیاری بەقائیمقامیەت و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.
کەشناسیی هەرێم پێشبینییەکانی کەشوهەوای ئەمڕۆ و سبەینێی بڵاوکردەوە و هۆشداریی دەدات لە شەپۆلێکی نوێی تاوەباران و هەورەبروسکە و دەڵێت، ژمارەیەکی زۆر بروسکە چەند ناوچەیەکی هەرێم دەگرێتەوە.
کەشناسیی هەرێم رایگەیاندووە، ئەمڕۆ دووشەممە، ئاسمان لەنێوان ساماڵ و نیمچەهەور دەبێت و پلەکانی گەرما نزیک دەبنەوە لە تۆمارکراوەکانی دوێنێ، خێرایی باش مامناوەند دەبێت و هەندێکجار دەگاتە 20 کیلۆمەتر لە سەعاتێکدا.
ئاماژەی بەوەشکردووە، سبەینێ سێشەممە، ئاسمان بە گشتی لەنێوان هەوری تەواو بۆ نیمچەهەوردا دەبێت، لە کاتەکانی بەیانیدا تاوەباران و بروسکە ناوچەکانی بادینان و سنوری قەزای ئاکرێ تا ناوچە سنورییەکانی باکور دەگرێتەوە، کە پێشبینی ژمارەیەکی زۆری هەورەبروسکە دەکرێت، هەروەها لوتکەی شاخەکان و گردۆڵکەکان و دەشتاییەکان بەهۆی هەورەبروسکەوە مەترسیدار دەبن.
دەشڵێت، بۆ کاتەکانی ئێوارە رێژەیەکی کەمی بارانبارینی پچڕپچڕ هەندێک لە ناوچەکانی پارێزگای هەولێر و ئیدارەی سەربەخۆی سۆران و سلێمانی دەگرێتەوە.
بەپێی پێشبینییەکانی کەشناسی، سبەینێ پلەکانی گەرما بە گشتیی وەک ئەمڕۆ دەبن، بەڵام لە ناوچە ناسەقامگیرەکان نزم دەبنەوە، خێرایی باش هاوشێوەی ئەمڕۆ دەبێت.
بەرزترین پلەکانی گەرمای پێشبینیکراو بە پلەی سیلیزی:
هەولێر: 28 پلەی سیلیزی
سلێمانی: 24 پلەی سیلیزی
دهۆک: 25 پلەی سیلیزی
کەرکوک: 30 پلەی سیلیزی
زاخۆ: 25 پلەی سیلیزی
هەڵەبجە: 24 پلەی سیلیزی
سۆران: 18 پلەی سیلیزی
حاجی ئۆمەران: 13 پلەی سیلیزی
گەرمیان: 28 پلەی سیلیزی
شارەوانی سلێمانی رایگەیاند، دەست دەکەن بە پاککردنەوە و نۆژەنکردنەوەی بازاڕی دارەسوتاوەکە و ئاگاداری خاوەن دوکان و کاسبکاران و تیمە رۆژنامەوانییەکانیش دەکاتەوە، نەچنە بازاڕەکەوە.
شارەوانی سلێمانی داوا لە کاسبکار و خاوەن دوکان و هاووڵاتیان و تیمە رۆژنامەوانییەکان دەکات، نەچنە بازاڕی دارەسوتاوەکەوە، بەمەبەستی ئەوەی شارەوانی بتوانێت کارەکانی ئەنجام بدات.
ئەوەشی خستووەتە روو، تیمێک کە پێکدێت لە هەردوو بەشی خزمەتگوزاری و ئامێرەکانی شارەوانی، هەڵدەستن بە پاککردنەوەی بازاڕەکە.
ئەمەش دوای ئەوەدێت، لەسەر ئەرکی سکرتاریەتی سەرۆک مام جەلال قەرەبووی زیانلێکەوتووانی بازاڕی دارەسوتاوەکەی سلێمانی دەکرێتەوە، نوێنەری قوباد تاڵەبانیش رایگەیاند، بەپێی راپۆرتەکان 116 دوکان و چوار شوێنی لەفەفرۆشتن و خواردنی خێرا سوتاون، لەماوەی کەمتر لە یەک هەفتەدا بەپێی راپۆرتی زیانەکانیان قەرەبوو دەکرێنەوە و پارەی قەرەبووەکەیان بە کاش پێ دەدرێت.
وتیشی، زیانەکان تاوەکو ئەم ساتە بە سەروو یەک ملیار دینار دەخەمڵێنرێت. بڕیاریشە شارەوانی سلێمانی تەواوی بازاڕەکە پاک بکاتەوە و دیزاینی نوێ بۆ بازاڕەکە دابنێت، هەروەها بەڕێوەبەرایەتی گشتیی کارەبای سلێمانی سیستمی نوێی کارەبا بە ئامێری نوێوە بۆ بازاڕەکە دادەنێت، کە رەچاوی سیستمی سەلامەتی و ئاگرکوژێنەوەشی تێدا دەکرێت.
بەیانی رۆژی شەممە 5ی نیسان، ئاگر لە بازاڕی دارەسوتاوەکەی سلێمانی کەوتەوە و بەهۆیەوە 120 دوکان و شوێنی کارکردن زیانیان پێگەیشتووە، کە بەشێکیان بە تەواوی سوتاون.
قوباد تاڵەبانی، جێگری سەرۆکوەزیران بە جیا لەگەڵ هەر یەکە لە رۆبین سۆگۆیان، باڵیۆزی ئەرمینیا لە عیراق و مەدان گۆپاڵ، کونسوڵی گشتیی هیندستان و ئەمیرە نەبیل، کونسوڵی بازرگانیی کۆماری عەرەبی میسر کۆبووەوە.
لەو کۆبوونەوانەدا کە ئەمڕۆ بەڕێوەچوون، جێگری سەرۆکوەزیران سوپاسی هاوکارییەکانی وڵاتانی هیندستان و میسر و ئەرمینیای کرد، بۆ سەرکەوتنی کۆڕبەندیی نێودەوڵەتیی داهێنان و کارسازی لە سلێمانی و رایگەیاند، کۆڕبەندیی کارسازی و داهێنان دەتوانێت دەرگایەکی دیکە بەڕووی پتەوکردنی پەیوەندییەکانی هەرێمی کوردستان لەگەڵ ئەو وڵاتانەدا بکاتەوە.
قوباد تاڵەبانی ئاماژەی بەوەشدا، بۆ ئەوەی ئامانجی کۆڕبەندیی داهێنان و کارسازی بەدیبهێنین پێویستە سود لە ئەزمونی هیندستان و میسر و ئەرمینیا و وڵاتانی دیکەش وەربگرین، بە تایبەتیش کوردستان لەڕووی پسپۆڕییەوە پێویستیی بە هاوکاری ئەو وڵاتانە هەیە.
وەزارەتی پێشمەرگە رایدەگەیەنێت: رۆژی سێشەممە هاوکاری هاوپەیمانان بۆ مانگی سێ دابەش دەکرێت .
وەزارەتی پێشمەرگەی حکومەتی هەرێم بڵاویکردەوە، رۆژی سێشەممە 8ی نیسانی 2025 هاوکاریی دارایی هاوپەیمانان بۆ مانگی(سێ) بەسەر ئەفسەر و پێشمەرگەکانی سەر بە دیوانی وەزارەت و یەکەكانی پیادەی وەزارەتی پێشمەرگە دابەشدەکرێت.
ئاماژەی بەوەشکردوە، دوای ئەوەی هاوکاری هێزەکانی هاوپەیمانان بۆ هێزی پێشمەرگە خرایە سەر هەژماری وەزارەتی پێشمەرگە، ڕۆژی سێشەممە دەست بە دابەشکردنی دەکرێت.
لە قەڵادزێ تۆمەتبارێک دەستگیرکرا کە سەدان ژنی فریوداوە، پۆلیسی ئیدارەی راپەڕینیش دەڵێت؛ تۆمەتبارەکە داوای وێنە و زانیاری کەسی و پارەی لێکردوون.
بەڕیوەبەرایەتی پۆلیسی راپەڕین بڵاویکردەوە، هێزەکانمان لە نوسینگەی نەهێشتنی تاوانی پشدەر کەسێکیان دەستگیرکرد کە لە رێگەی پەیجەکانەوە رێکلامی بۆخۆی کردووە ، گوایه ژن دادەمەزرێنێت وەک سکرتێری پزیشک و یاریدەدەری دەرمانساز، بەبێ ئەوەی هیچ شارەزایەکی لە تەندروستیدا هەبێت.
ئاماژەی بەوەشکردووە، لە رێکلامەکاندا ژمارە مۆبایلی خۆی داناوەو دواتر لە رێگەی تۆڕە کۆمەڵایەتیەکان سەدان ئافرەتی فریوو داوە و داوای وێنە و زانیاری کەسی لێکردوون.
پۆلیسی راپەڕین راشیگەیاند، دوای دەستگیرکردنی دانی بە تاوانەکەیدا ناوە و بە وتەی خۆی لە ساڵی 2019 تا ئێستا خەریکی ئەو کارەیە، دوای دەستبەسەرداگرتنی مۆبایلەکەشی ئاشکرابوو سەدان وێنەی ئافرەتانی تێدایە و جگە لەوێنە و زانیاری کەسی داوای پارەشی لێکردوون.
ئەوەشی خستەڕوو، تۆمەتبارەکە دوای ئەوەی لەبەردەم پۆلیس و دادگا دانی بە تاوانەکەیدا ناوە، بە بڕیاری بەڕێز دادوەر بە ماددەی 456 لە یاسایی سزادانی عیراقی راگیرکراوە.
بەخاکسپاردنی (مردوو) لە گۆڕستانی نوێی شاری سلێمانی بێبەرانبەرە، سەرۆکایەتی شارەوانی سلێمانیش دەڵێت؛ گۆڕ هەڵدەکەنرێت بەبێ وەرگرتنی هیچ بڕە پارەیەک
سەرۆکایەتیی شارەوانیی سلێمانی بڵاویکردەوە، بەخاکسپاردنی (مردوو ) لە گۆڕستانی نوێی سلێمانی، کە دەکەوێتە رۆژهەڵاتی سلێمانییەوە لە نزیک پرۆژەی نیشتەجێیی (شاری مامۆستایان) بێبەرانبەرەو بە (شەوو ڕۆژ) کراوەیە.
ئاماژەی بەوەشکردووە، گۆڕ بەبێ وەرگرتنی هیچ بڕە پارەیەک هەڵدەکەنرێت
پەرلەمانتارێكی عیراق ئاشكرایكرد، ئەم هەفتەیە جارێكی تر وەزارەتەكانی نەوتی عیراق و سامانە سروشتییەكانی هەرێم و ئەپیكور لە بەغداد كۆدەبنەوە، بۆ گفتوگۆكردن لەسەر دەستپێكردنەوەی هەناردەی نەوتی هەرێم.
سەباح سوبحی ئەندامی لیژنەی نەوت و غاز لە ئەنجومەنی نوێنەرانی عیراق رایگەیاند، ئەم هەفتەیە جارێكی تر وەزارەتی نەوتی عێراق لەگەڵ وەزارەتی سامان سروشتییەكانی هەرێم و نوێنەری كۆمەڵەی پیشەسازیی نەوتی كوردستان ناسراو بە ئەپیكور، كۆدەبێتەوە بۆ گفتوگۆكردن لەسەر دەستپێكردنەوەی هەناردەی نەوتی هەرێمی كوردستان.
وتیشی، كۆبوونەوەكە بە سەرپەرشتی حەیان عەبدولغەنی وەزیری نەوت بەڕێوەدەچێت و تیایدا تیشك دەخرێتە سەر ناڕەزاییەكانی ئەپیكور، لەنێویاندا تێچوو و هەناردەكردنی نەوت.
ئەو پەرلەمانتارە دەشڵێت، حكومەتی عیراق جددی نییە، بۆ دەستپێكردنەوەی هەناردەی نەوتی هەرێمی كوردستان، چونكە ئەو وەفدانەی بۆ دانووستان دەیانێرێت، دەسەڵاتی بڕیاردانیان نییە.
ئەوەش لەكاتێكدایە، تائێستا چەند جارێك ئەو سێ لایەنە لەسەر پرسی دەستپێكردنەوەی هەناردەی نەوت كۆبوونەتەوە و نەگەیشتوونەتە رێككەوتن، رۆژی هەینی رابردووش، ئەپیكور لە راگەیەنراوێكدا ئاماژەی بەوەدا، بەپەلەن بۆ دەستپێكردنەوەی هەناردەی نەوتی هەرێم، دواتر وەزارەتی نەوتی عیراق ئەو راگەیەنراوەی ئەپیكوری رەتكردەوە و داوایكرد، بە زوترین كان گفتوگۆ و دانوستان بۆ گەیشتن بە رێككەوتن دەستپێبكات.
ئێوارەی ئەمڕۆ لە سنوری قەزای بەردەڕەش لەسەر کێشەیەکی کۆمەڵایەتی پیاوێک ژنەکەی خۆی کوشت.
مەنهەل موەفەق، بەرێوەبەری ناحیەی رۆڤیا بە کوردسات نیوزی راگەیاند؛ ئێوارەی ئەمرۆ لە سەنتەری ناحیەی رۆڤیا سەر بە قەزای بەردەڕەش، پیاوێک لەسەر کێشەیەکی کۆمەڵایەتی ژنەکەی خۆی کوشت. ئاماژەی بەوەشکرد، تۆمەتبارەکە لەلایەن هێزە ئەمنیەکانەوە دەستگیرکراوە.
بەرپرسی راگەیاندنی پۆلیسی ئاکرێش رایگەیاند : تەرمی ژنەکە بۆ پزیشکی دادی دهۆک گواستراوەتەوە و لێکوڵینەوە لە روداوەکە بەردەوامە.
پۆلیسی ئاکرێ دەشڵێت، ژنەکە تەمەنی 24 ساڵە و پیاوەکەش 27 ساڵە، خاوەنی چوار منداڵن
بەگوێرەی زانیارییەكانی كوردسات نیوز، تاوەكو ئێستا سیستمی پەیرۆڵ لەلایەن وەزارەتی دارایی و ئابوریی هەرێمەوە چالاك نەكراوە و بەوهۆیەشەوە كاركردن لە لیستی مانگی چواری موچەخۆران دەستیان پێنەكردووە.
بەپێی زانیارییەكان، تاوەكو ئەو سیستمە چالاك نەكرێت، ناتواندرێت بەهیچ جۆرێك كار بكرێـت بۆ ئامادەكردنی لیستی موچەی موچەخۆران.
سەرچاوەیەك لە وەزارەتی دارایی و ئابوریی هەرێمی كوردستان بە كوردسات نیوزی راگەیاند، پێشبینی دەكرێت لە دوو ڕۆژی داهاتوودا سیستمی پەیڕۆڵ چالاك بكرێت، ئەو كات ئامادەكردنی لیستی موچەی مانگی 4 ڕەنگە تەنها سێ رۆژی پێویست دەبێت چونكە گۆڕانكاریی گەورە ناكرێت.
بۆ ئەمساڵ، موچەی مانگەكانی یەك، دوو و سێ دابەشكراون، هەركات لیستی مانگی چواریش ئامادە بكرێت، دەنێردرێت بۆ وەزارەتی دارایی و ئابوریی هەرێم و بە یەك رۆژ یەكدەخرێت و بۆ بەغدادی دەنێرن.
سەرۆکی دەزگای گشتی کاروباری مین داوا لە هاووڵاتیان دەکات، ئاگاداری خۆیان بن بۆئەوەی نەبنە قوربانیی روداوی تەقینەوەی مین. دەشڵێت: ساڵانە زۆرینەی ئاماری تەقینەوەی مین بە هاووڵاتیاندا بەهۆی چوونە بۆ گژوگیای بەهارە.
جەبار مستەفا رەسوڵ سەرۆکی گشتی دەزگای کاروباری مین داوا لە هاووڵاتیان دەکەن، بۆ کۆکردنەوەی گژوگیای بەهارە روو لە ناوچە مەترسیدارەکان نەکەن و گیانی خۆیان نەخەنە مەترسییەوە.
ئاماژەی بەوەشکردووە، دەزگاکە رۆژانە لە رێگەی تیمەکانەوە بەو توانایەی هەیە بەردەوامە لە پاککردنەوەی ناوچە پیسبووەکان بە مین.
دەشڵێت، "بەهۆی زۆری رووبەری پیسبوو و تەقەمەنی نەتوانراوە سەرجەم کێڵگە مینەکان پاک بکرێنەوە، بۆیە داواتان لێدەکەم خۆتان مەکەنە قوربانیی گژوگیای بەهارە".
ئەوەشی خستووەتە روو، بەپێی ئاماری ساڵانەی دەزگاکە زۆرینەی قوربانیانی مین و تەقەمەنی، پەیڕەونەکردنی رێنماییەکانە لەلایەن هاوڵاتیانەوە، لەکاتی نزیکبوونەوەیان لە ناوچە مەترسیدارەکان بۆ کۆکردنەوەی گژوگیای بەهارە.
ئەوەش لەکاتێکدایە، ساڵانە لە وەرزی بەهاردا بەشێکی هاووڵاتیانی کوردستان بە مەبەستی کۆکردنەوەی گژوگیا بەهارەییەکان روو دەکەنە شاخە بەرزەکان. بەهۆی بوونی مین لەو ناوچانە و شارەزانەبوونی بەشێکی هاووڵاتییەکانیش لەبارەی ئەو ناوچانەوە، مینیان پێدا دەتەقێتەوە و بەهۆیەوە تاوەکو ئێستا چەندین روداوی گیانلەدەستدان و برینداربوون یان کەمئەندام بوون رویانداوە.
بەیانی ئەمڕۆش، بەهۆی تەقینەوەی مینەوە لە کوێستانەکانی برادۆست، گەنجێک بەناوی محەمەد هەینی تەمەن 28 ساڵ گیانی لەدەستدا و برایەکیشی بریندار بوو. کە لە سەرەتای ئەمساڵەوە ئەوە سێیەم روداوی تەقینەوەی مینە لەو سنوورەدا.
هەرێمی کوردستان چەندین ناوچەی مینڕێژکراوی لێیە، کە لە سەردەمی رژێمی پێشووی عیراقدا ئەو مینانە بە مەبەستی کۆنتڕۆڵکردنی ناوچە جیاوازەکانی کوردستان چێنراون، ئەگەرچی 34 ساڵ بەسەر روخانی رژێمی بەعسدا تێپەڕیوە و لەو ماوەیەشدا حکومەتی هەرێم بەردەوامبووە لە پاککردنەوەی ناوچەکان لە مین، بەڵام هێشتا بەشێکی خاکی کوردستان بە تەواوی لە مین پاکنەکراوەتەوە.
نوێنەری قوباد تاڵەبانی رایگەیاند، سکرتاریەتی سەرۆک مام جەلال قەرەبووی زیانلێکەوتووانی بازاڕی دارەسوتاوەکەی سلێمانی دەکاتەوە و شارەوانی و کارەبای سلێمانیش سەرپەرشتی نۆژەنکردنەوەی دوکانەکان دەکەن.
نوێنەری قوباد تاڵەبانی لە کۆنفرانسێکی رۆژنامەنووسیدا رایگەیاند، بەپێی دوایین راپۆرت 116 دوکان و چوار شوێنی لەفەفرۆشتن و خواردنی خێرا سوتاون، کە بۆ هەریەکێکیان راپۆرتی زیانەکان ئامادە کراوە.
ئاماژەی بەوەشکرد، هەر کاسبکارێک بەپێی راپۆرتی زیانەکەی لەسەر شوێنی کارەکەی ئامادەکراوە قەرەبوو دەکرێتەوە. وتیشی، لەماوەی کەمتر لە هەفتەیەکدا قەرەبووەکە بەشێوەی کاش دەدرێتە کاسبکارەکان.
ئەوەشی خستە روو، زیانەکان تاوەکو ئەم ساتە بە سەروو یەک ملیار دینار دەخەمڵێنرێت. بڕیاریشە شارەوانی سلێمانی تەواوی بازاڕەکە پاک بکاتەوە و دیزاینی نوێ بۆ بازاڕەکە دابنێت، هەروەها بەڕێوەبەرایەتی گشتیی کارەبای سلێمانیش سیستمی نوێی کارەبا بە ئامێری نوێوە بۆ بازاڕەکە دادەنێت و رەچاوی سیستمی سەلامەتی و ئاگرکوژێنەوەشی تێدا دەکرێت.
بەیانی رۆژی شەممە 5ی نیسان، ئاگر لە بازاڕی دارەسوتاوەکەی سلێمانی کەوتەوە و بەهۆیەوە 120 دوکان و شوێنی کارکردن زیانیان پێگەیشتووە، کە بەشێکیان بە تەواوی سوتاون.
ئەمڕۆش پۆلیسی سلێمانی رایگەیاند، کەسێکیان بە تۆمەتی سوتانی بازاڕی دارەسوتاوەکە دەستگیر کردووە، کە هێشتا روون نییە هۆکاری رووداوەکە بووبێت، بەڵام لێکۆڵینەوە دەکرێت.
نوێدەکرێتەوە...
قائیمقامی سلێمانی رایگەیاند، بۆ قەرەبووکردنەوەی کاسبکارانی بازاڕی دارەسوتاوەکە هەموو رێکارێکی ئیداریی دەگرنە بەر.
ئەمڕۆ نوێنەرانی زیانلێکەوتووانی کاسبکارانی دارەسوتاوەکە سەردانی قائیمقامییەتی سلێمانیان کرد و داواشیانكرد، ههرچی زووه كار بۆ خهمڵاندانی زیانهكانیان ئهنجام بدرێت و شوێنهكهیان له پاشماوهی ئاگرهكه بۆ پاك بكرێتهوه.
لەو بارەیەوە ئاوات محەمەد قائیمقامی سلێمانی رایگەیاند، سوتانی دوكانهكان بووهته هۆی ئهوهی بهشێكی زۆر له كاسبكارانی شاری سلێمانی زیانیان بهربكهوێت.
وتیشی: ههموو رێكارێكی ئیداری دهگرینهبهر بۆئهوهی بهتهواوی قهرهبوو بكرێنهوه، بۆ ئهو مهبهستهش لهگهڵ چهند لایهنێك گفتوگۆمان كردووه و رێكارە ئیداریییهكانمان گرتووهته بهر، هەروەها لەلایەن تیمەکانی بەرگری شارستانییەوە بازارەکە پاک دەکرێتەوە.
بەیانی دوێنێ ئاگر لە بازاڕی دارەسوتاوەکەی سلێمانی کەوتەوە و بەپێی ئامارە سەرەتاییەکان، زیان بە 150 دوکان کەوتووە و بەشێکیان بە تەواوی سوتاون.
ئەمڕۆش پۆلیسی سلێمانی رایگەیاند، کەسێکیان بە تۆمەتی سوتانی بازاڕی دارەسوتاوەکە دەستگیر کردووە، کە هێشتا روون نییە هۆکاری رووداوەکە بووبێت، بەڵام لێکۆڵینەوە دەکرێت.
پۆلیسی سلێمانی کەسێکی بە تۆمەتی سوتاندنی بازاڕی دارەسوتاوەکەی سلێمانی دەستگیرکرد کە دوکانی ئاسنگەری لە بازاڕەکەدا هەیە.
سەرکەوت ئەحمەد ووتەبێژی پۆلیسی پارێزگای سلێمان بە کوردسات نیوزی راگەیاند: کەسێکمان بە تۆمەتی سوتاندنی بازاڕی دارەسوتاوەکەی سلێمانی دەستگیر کردووە کە دوکانی ئاسنگەری لە بازاڕەکەدا هەیە.
ئاماژەی بەوەشدا، شەوی روداوەکە ئەو کەسە سەرقاڵی کاری لەحیمکردن بووە، بەڵام لێکۆڵینەوەکان لەگەڵیدا بەردەوامەو هێشتا رون نیە کە هۆکاری ئاگرکەوتنەوەکە ئەو بووە یان نا.
دوای ئەوەی دوێنێ کۆمپانیای گەنەڵ ئینێرجی تورکی رایگەیاند، دادگای نێوبژیوانی لەندەن ئاگاداری كردونەتەوە، دەبێت قەرەبووی دواكەوتنی كارەكانیان لە كێڵگەكانی نەوت بدەنەوە بە هەرێم؛ حکومەتی هەرێم رایگەیاند: دەبێت کۆمپانیاکە نزیکەی 27 ملیۆن دۆلارمان وەک قەرەبوو بداتەوە.
حکومەتی هەرێمی کوردستان رایگەیاند، حکومەتی هەرێم لە دۆسیەی نێوبژیوانی دژی کۆمپانیای گەنێل ئینێرجی میران بینا باوی لیمیتەد (GEMBBL) قەرەبووی بەرچاوی تێچووی یاسایی دەکرێتەوە.
دەشڵێت، لە 4ی نیسانی 2025، دادگای نێوبژیوانی لەندەن بڕیاری کۆتایی خۆی سەبارەت بە تێچوونەکان دەرکرد و بەپێی بڕیارەکە، دەبێت کۆمپانیاکە بڕی 26 ملیۆن و 868 هەزار و 905 دۆلار و 29 سەنت وەک قەرەبوو بدات بە هەرێم، لەگەڵ سوودی دوای بڕیارەکە.
ئەوەش لەکاتێکدایە، دوێنێ كۆمپانیای گەنەل ئینێرجی توركی رایگەیاند، دادگای نێوبژیوانی لەندەن بە بڕیارێك ئاگاداری كردوونەتەوە، بەرانبەر دواكەوتنی كارەكانیان لە دوو كێڵگەی نەوت و پابەندنەبوونیان بە گرێبەست، دەبێت زیاتر لە 26 ملیۆن دۆلار وەک قەرەبوو بدەن بە حكومەتی هەرێم.