کوردستان
جوتیار عادل وتەبێژی حکومەتی ھەرێم رایگەیاند، رۆژی ھەینی تەرمی ئەو ١٦ کۆچبەرەی رۆژی ٢٤ی مانگی رابردوو لە ئاوی نێوان فەرەنسا و بەریتانیا بەھۆی نوقمبوونی بەلەمەکەیانەوە خنکان لە ڕێگەی فڕۆکەخانەی نێودەوڵەتی ھەولێرەوە، دەگەڕێندرێنەوە ھەرێمی کوردستان.
وتیشی، گەڕاندنەوەی ئەو تەرمانە بەھۆی دواکەوتنی پرۆسەی ناسینەوە و پشتڕاستکردنەوەی پەنجەمۆرکانیان ماوەی مانگێک دوا کەوت.
رۆژی ٢٤ی مانگی رابردوو دەیان کۆچبەر لە کەناڵی ئینگلیز بەلەمەکەیان ژێر ئاو کەوت و بەھەوڵی نوسینگەی قوباد تاڵەبانی و دەزگای لوتکە سامپڵی کەسوکاری کۆچبەرەکان نێردرا بۆ پزیشکی دادی فەرەنساو توانرا تەرمی ١٦ کەسیان بناسرێتەوە کە خەڵکی باشوری کوردستانن.
"سامان لەتیف" لێپرسراوی راگەیاندن و پەیوەندییەکانی بەڕێوەبەرایەتی گشتی تەندروستی سلێمانی بڵاوی کردەوە، لە ماوەی کارکردنی تیمەکانی دروستکردنی کارتی ڤاکسین لە بەڕێوەبەرایەتی گشتی تەندروستی سلێمانی تەنھا لەناو سەنتەری سلێمانی تائیستا نزیکەی ٥٠٠٠ کارتی پلاستیکی ڤاکسین بۆ ھاوڵاتیان دروست کراوە.
ئاماژەی بۆ ئەوەش کرد، ئەو ھاوڵاتییەی دەیەوێت ببێت بە خاوەنی کارتی پلاستیکی ڤاکسین دەبێت ھەردوو ژەمی ڤاکسینی کۆرۆنای وەرگرتبێت و ناوی لە تۆماری سیستمی ئونلاین داغڵ کرابێت، ھەروەھا دەبێت سەردانی ئەو سەنتەرانە بکات کە پێشتر ڤاکسینی وەرگرتووە و داواکاری پێشکەش بکات .
دوابەدوای کۆبوونەوەکەش راگەیەنراوێک بڵاو کرایەوە و تیایدا ئاماژە کرا بەوەی لە کۆبوونەوەکەدا چەند تەوەرێکی گرنگی تایبەت بە دۆخی سیاسی عێراقی دوای ھەڵبژاردن و مافەکانی کورد و یەکخستنی ھەڵوێستی کوردستانی لە ھەموو دۆسیە گرنگە نەتەوەیی و نیشتیمانییەکان کرا.
لە راگەیەنراوەکەدا ھاتوە، ھەوڵدان بۆ گەڵاڵەکردنی کۆتایی کارنامەی ھاوبەشی کوردستانی لە سەر بنچینەی ھاوبەشیی راستەقینە و تەوافوق و ھاوسەنگی دەستووری وەک لە عێراقی نوێدا رێککەوتنی لەسەر کراوە تاووتوێ کرا. ھەردوولا کۆکبوون لەسەر پشتیوانی حکومەتی ھەرێمی کوردستان و چارەسەرکردنی کێشەکان لە رووی گوزەران و موچە و شایستە داراییەکانی ھەموو چین و توێژەکانی خەڵکی کوردستان بە خوێندکارانیشەوە.
"ئومێد خۆشناو" لە کۆنفرانسێکی رۆژنامەوانی قەبارەی زیانەکانی لافاوەکەی ھەولێر راگەیاند ، لافاو ١٥ شوێنی گرتەوە و تەرمی ١٠ کەس رادەستی خانەوادەکانیان کراونەتەوە و ٢ کەسیش بێسەروشوێنن، وتیشی ٤٠٢ خانوو و ٢ ھەزار و ٥٠٩ خێزان بە تەواوی کەلوپەلی ناو ماڵیان لەناوچووە و ٨٦٧ ئۆتۆمبێل و ١٥٣ شوێنی بازرگانی و شوێنە گشتییەکان و تۆڕی کارەبا زیانیان پێگەیشتووە، وتیشی زیانی دارایی لافاوەکە بە نزیکەی ٢١ ملیار دینار دەخەمڵێندرێت.
"ئومێد خۆشناو" داواشی لە حکومەتی عێراق کرد لە بودجەی فریاکەوتن پشتیوانی ھەرێم و ھەولێر بکەن چونکە زیانەکان زۆرن و وتیشی داوای ھاوکارییان لە کونسوڵخانە و نەتەوە یەکگرتووەکان کردووە، راشیگەیاند، بۆ رێزگرتن لە کەسوکاری قوربانیان و شەھیدان ھیچ بۆنەیەکی رەسمی بۆ سەری ساڵ ناکەن .
بەڕێوەبەرایەتی گشتی کەشناسی و بومەلەرزەزانی ھەرێم بڵاویکردەوە، رۆژی دووشەممە لە دوای نیوەڕۆ بارانبارین لە زۆربەی ناوچەکانی ھەرێم دەستپێدەکاتەوە و لە کاتەکانی شەودا بارانبارین زیاتر دەبێت و ھەندێجار لێزمە باران دەبێت.
ئاماژەی بۆ ئەوەشکرد، بەرەبەیانی رۆژی سێشەمە ئاستی بارانبارین زیاتر دەبێت و لەگەڵ ھاتنی کاریگەری ئەو شەپۆلە بارستە ھەوایەکی سارد روو لە ھەرێم دەکات و بەفریش دەبارێت، ھاوکات ئاستی بەفر بارین لە ناوچە شاخاوییەکانی سنووری پارێزگای ھەولێر بەراورد بە ناوچەکانی تر زیاتر دەبێت. راشیگەیاند، رۆژی چوارشەممەش بەفر و بارانبارین بەردەوام دەبێت و ھەندێ کات تەم دروست دەبێت و مەودای بینین کەم دەبێتەوە، بۆ رۆژی پێنجشەمە کاریگەری ئەو شەپۆلە کۆتای دێت. کەشناسی ھەرێم باس لەوەش دەکات رۆژی پێنج شەممە و ھەینی پلەکانی گەرما لە ناوچە شاخاوییەکان بۆ ژێر سفر نزم دەبێتەوە و لە سەنتەری پارێزگاکانیش لە سفر پلەی سیلیزی نزیک دەبێتەوە.
لە کۆبونەوەکەدا کە ئازاد بەرزنجی و ھیوا قادر بەنوێنەرایەتی دەزگاکە ئامادەیبوون، باسی ئەو کێشە و گرفتانەیان کرد کە ڕووبەرووی دەزگاکەیان بۆتەوە .
قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال ڕاگەیاند ، وەک سەرپەرشتیاری مەکتەبی سکرتارییەتی سەرۆک مام جەلال، خۆی بەخۆشحاڵ دەزانێ کە یەکەمیین کۆبونەوەی لەم ئەرکە نوێیەدا لەگەڵ ناوەند و دەزگایەکی ڕۆشنبیرییە کەھەمیشە بۆ مام جەلال مایەی بایەخ پێدان بووە.ھەروەھا ڕوونی کردەوە ، کە میراتی مام جەلال، تەنھا میراتی یەکێتیەکان نییە، بەڵکو میراتی ھەمووانە.
لەم ڕوانگەیەوە جەختی کردەوە ، لەسەر سیاسەتی درێژەدان بەڕێبازی مام جەلال، کەتەنھا بریتی نیە لە پشتیوانی ماددی و ھاوکاری چالاکیی و بەرھەمە رۆشنبیرییەکانی دەزگای سەردەم، بەڵکو پێش ئەوە پاراستنی سەربەخۆیی دەزگاکە و ڕێگەنەدان بۆ ئەوەی ئاڕاستەی رۆشنبیری ئەم دامەزراوەیە بەھەر پاساوێک بێت بشێوێنرێ. بەپێچەوانەوە تەئکیدی کردەوە کەچاوەڕوانی ئەوان لەدەزگای سەردەم تەنھا خزمەتکردنی زیاتری بواری رۆشنبیری و بزوتنەوەی نوسین و وەرگێڕانە.
ھەروەھا ڕاشيگەیاندن ، کە ئەو خۆشحاڵ دەبێ وەکو ئەندامێکی فەخری ئەنجومەنی بەڕێوەبردنی دەزگاکە بێت، لەپێناو زیاتر خزمەتکردنی بزاڤی کەلتوری لەسلێمانی و کوردستان.
لەکۆتایی کۆبونەوەکەشدا قوباد تاڵەبانی بەڵێنی ھاوکاری و پشتیوانی بەردەوامی مەکتەبی سکرتارییەتی سەرۆک مام جەلالی بۆ دوبارەکردنەوە و خۆشحاڵی خۆشی بەدیدارەکە دەربڕی.
بەرێوەبەرایەتی پۆلیسی پارێزگای سلێمانی لە راگەیەندراوێکدا ئاماژەی بەوەکردووە، پاش ئاگادار کردنەوەی ھێزەکانی پۆلیس لەڕووداوێکی تەقەکردن و برینداربونی سێ کەس لەیانەیەکی شەوانەدا، دەستبەجێ مەفرەزەکانی بنکەی پۆلیسی کوردسات گەیشتنە شوێنی ڕووداوەکە و دوای وەرگرتنی بڕیاری دادوەر، توانرا ھە رسێ تەقەکەرەکە دەستگیربکەن.
راشیگەیاندووە، لە ئێستادا ھەرسێ تۆمەتبار (چ، ج، م) و (ر، ج، م) و (ھ، ع، م) بەبڕیاری دادوەرو بەپێی ماددەکانی ٤٠٥ و ٣١ لە یاسای سزادانی عێراقی ڕاگیراون و لێکۆڵینەوەکان بەردەوامە.
ئاسایشی سلێمانی بە کوردسات نیوزی راگەیاند، نزیکەی سەعات ٦ی ئێوارەی ئەمڕۆ ھێزەکانی ئاسایش لەسەر فەرمانی دادوەر لەھەوڵدابوون بۆ دەستگیرکردنی تۆمەتبارێکی ماددەی ھۆشبەر.
وتیشی، سەرەتا تۆمەتبارەکە خۆی رادەست نەکردووە و روبەڕوی ھێزەکانی ئاسایش بووەتەوە، دواتر ھێزەکانی ئاسایش رەوشەکەیان کۆنترۆڵ کرد و تۆمەتبارەکەشیان دەستگیر کرد.
راشیگەیاند، ئێستا تۆمەتبارەکە لەسەر فەرمانی داوەر راگیراوە، لەکاتی روبەڕوبوونەوەکەشدا کارمەندێکی ئاسایش برینداربووە.
ئاشکراشیکرد، تۆمەتبارەکە لەسەر بازرگانیکردن بە ماددەی ھۆشبەر فەرمانی دەستگیرکردنی ھەبووە
لوقمان وەردی سەرۆکی لیژنەی شارەوانی لە پەرلەمانی کوردستان بە کوردسات نیوزی راگەیاند، سەردانی شوێنی دروستبوونی لافاوەکەیان کردوە، ھۆکاری لافاوەکە دەگەڕێتەوە بۆ چارەسەرنەکردنی کێشەی ئاوەڕۆ لە شاری ھەولێر و نەبوونی ئاوەڕۆی سندوقی.
وتیشی، بەھۆی دروستکردنی چەند پڕۆژەیەک رێڕەوی کەندە سروشتییەکان پڕکراونەتەوە، ئەوەش ھۆکاری دروستبوونی لافاوە، پڕکردنەوەی ئەو کەندانەش ھەڵەیەکی گەورەیە.
ئاماژەی بۆ ئەوەشکرد، کەندی سروشتی دارەتوو پڕکراوەتەوە و بینای لەسەر دروستکراوە، لە کاتێکدا پێویستبوو ئەو کەندە وەک خۆی بمێنێتەوە.
ئەوەش لە کاتێکدایە بەھۆی بارانبارین لە چەند رۆژی رابردوو لافاوێکی گەورە لە ھەولێر دروستبوو، بەو ھۆیەشەوە چەند کەسێک گیانیان لە داستدا و تائێستاش تەرمی دوو کەس نەدۆزراونەتەوە.
بەڕێوەبەرایەتی گشتی کەشناسی و بومەلەرزەزانی ھەرێمی کوردستان ڕایگەیاند، لە ئێستادا لە زۆربەی ناوچەکانی ھەرێمی کوردستان تەم درووست بووە، ئەوەش بووە بەھۆی کەمبوونی مەودای بینین بۆ خوار یەک کیلۆمەتر. ھاوکات پێشبینییش دەکات تاکو نیوەڕۆ کاریگەری تەم و کەمبوونەوەی مەودای بینین بەردەوام بێت.
ئەو رۆژەی مام چیتر بەرگەی ماندوێتی و سەختیەکانی خەباتی سیاسی و کێشمەکێشەکانی نەگرت و لێدانی دڵە گەورەکەی ئەو پێشمەرگە و کوردپەروەر و شۆڕشگێڕٍ و رابەر و سیاسەتمەدارە ژیر و بلیمەتەی گەلەکەمان کەوتە دەست قەدەرەوە…!!
مامە گیان..
وا ئەمڕۆ کە رۆژی ئاڵای کوردستانە، ئەو ئاڵایەی کە تەمەنی خۆت لەپێناوی شەکانەوە و شکۆمەندیبونیدا بەخشی، ھاوکاتە لەگەڵ نۆ ساڵ بەسەر بیرەوەری نەخۆشکەوتنتدا و ئەتوانم بڵێم لەو رۆژەوە زەمانەتی بەرز راگرتنی شکۆی ئاڵای کوردستان نەماوە، گەلەکەشمان لەدوای تۆی خەمخۆر و پارێزەری مافەکانمان، وەک پووشێکی لێھاتووە بەدەم باوە ..!! ژیانێکی سەخت و رۆژگارێکی پڕ لە نەھامەتی و ئایندەیەکی نادیار باڵی ھەڵکێشاوە بەسەر ھەرێم و عیراقدا، مامە گیان لە ماوەی ئەو نۆ ساڵەدا نەک ھەر بەرەو پێش نەرۆیشتووین، بەڵکو پاشەکشێشمان کردووە و تەنانەت بەو ھەموو موزایەدە و دروشمە بریقەدار و تەپڵ لێدان و ھاتوھاوارەشەوە خزمەتگوزارییە سەرەتاییەکانیش دابین نەکراون..!! مامە، نەک ھەر کیژۆڵە شنگالییەکان کە لە بازاڕی رەقەدا فرۆشران ھێشتا کەنیزەکن، بەڵکو ھەر دوێنی تەرمی کیژۆڵەیەکمان لە خاکی پیرۆزی خۆماندا بەبێ ناونیشان ناشت ..!! مامە، لەسایەی سەری کۆمەڵێک بازرگان و بەرژەوەندیخوازەوە نە بستێک زەوی ماوە، نە گۆیژە، گۆیژەیە و نە کەسیش ئەتوانێت پۆزێک لە جادەی پۆزەکە لێبدات ..!! سەرچنار بۆتە مێژوو، عێنکاوە بۆتە سەرگزشت، قەڵادزە ساڵی جارێک یادی ئەکەینەوە، ئەنفال و ھەڵەبجە ھەر بوونەتە مەراسیمێکی یەک چرکە وەستان بۆ گیانی پاکیان، کۆیە ناوی نەماوە، گەرمیان مەگەر بە گۆرانی ناوی بێتە ناو ناوان ..!!.
مامە گیان، گوتیان ھەولێر دەکەنە دوبەی، بەس داخەکەم کردیانە دەریای ئیجە..!! وا ھەمووان سەرقاڵی دۆزینەوەی لاشەی (دانەر)ی تەمەن ١٠ مانگانن کە لافاوەکەی ھەولێری بە دوبەی کراومان لەگەڵ خۆی بردی، نازانم ئێستا لافاوەکە گەیاندویەتیە پەنا کام تاشەبەرد و لەکام دۆڵ و شیو و کەناری کام گوند و بناری کام کێو و چیا نیشتوتەوە ..؟.
مامە، وتمان سلێمانی ئەکەینە پایتەختی رۆشنبیری، لەسایەی سەری کوڕی مەسئول و ئەو ھەموو ھێز و میلیشیا رەنگاوڕەنگەوە کردوومانەتە تەکساس، وتمان کەرکوک ئەکەینە شاری پێکەوەژیان، کردومانەتە شاری رق و کێنە و سەد بەرەکی، وتمان سەری بادینان بەرز ئەکەینەوە، بەس ھەموو ئەو بادینانەی کە داوای مافی رەوای خۆیان و خەڵکیان کرد، بە شەش ساڵ و ١٠ ساڵ سزا دران و خرانە کونجی زیندانەوە. وتمان بەغدا ئەکەینەوە بە (باغی داد)، بەڵام بۆتە مەیدانی زۆرانبازی و فرکان فرکانی وڵاتانی بێگانە و کوتلە و حزب و لایەنە سیاسییەکان..!!.
مامە گیان، سەردەم گۆڕاوە، نە مەبدء بوونی ماوە و نە کەس بەکەسە و نە ھەرێم ھەرێمە و نە عیراق، عیراق .. گەورەم لەگەڵ ھەر ھەموو ئەوانەشدا پێویستە راستیەکیت پێ بڵێم کە ھێشتا تروسکاییەک ھەر ماوە....
یادو یادەوەریت بەخێر رابەرم
بەڵێن بێت لە رێبازی پیرۆزت لانەدەم
شاناز ئیبراھیم ئەحمەد
١٧-١٢-٢٠٢١
بەڕێوەبەرایەتی پۆلیسی پارێزگای سلێمانی لە ڕاگەیەنراوێکدا ئاماژەی بۆ ئەوەکردووە، ڕۆژی ١٧-١٢-٢٠٢١، لە گوندی کێلەسپی لە سنوری پارێزگای سلێمانی، بەھۆی ڕووداوێکەوە ٢ ھاووڵاتی برینداربوون و ھاووڵاتیەکیش گیانی لە دەستدا.
لە ڕاگەیەنراوەکەدا ھاتووە، پۆلیسی سلێمانی لێکۆڵینەوەکانی دەستپێکرد، سەرەنجام توانرا لە ماوەیەکی کەمدا لەلایەن بنکەی پۆلیسی تاسڵوجە و بە ھاوکاری مەفرەزەکانی ھێزی تایبەتی بارەگای بەڕێوەبەرایەتی پۆلیسی پارێزگای سلێمانی چوار تۆمەتبار دەستگیر بکرێن.
لە ئێستاشدا بە بڕیاری دادوەر و بە پێی ماددەی ٤٠٦ لە یاسای سزادانی عێراقی ڕاگیراون و لێکۆڵینەوە لەگەڵیان بەردەوامە.
ڕاشیگەیاندووە، ڕووداوەکە ھیچ زیانی گیانی نەبووە و تەنھا زیانی ماددی لێکەوتووەتەوە، ئەنجومەنی دادوەریش لێژنەیەک بۆ لێکۆڵینەوە و بەدواداچوون بۆ ئەو ڕووداوە پێکدەھێنێت و دواتر ئەنجامەکان ڕادەگەیەنرێت.
تا ئێستا تەرمی کەسێکی شوانکارە بە ناوی ئومێد لە لافاوەکەی ھەولێر نەدۆزراوەتەوە
باوکی "ئومێد" لە لێدوانێکدا بۆ کوردسات نیوز ڕایگەیاند، تا ئێستا بەردەوام بە دوای تەرمی کوڕەکەیدا دەگەڕێن، بەڵام نەیانتوانیوە بیدۆزنەوە.
وتیشی، تەنھا کەسوکارەکەی بەدوایدا دەگەڕێن و تیمەکانی حکومەت بە ھانایانەوە نەچوون، داواشی لە حکومەت کرد لە گەڕان بە دوای تەرمەکەدا ھاوکارییان بکات.
نەقیب برزۆ عەبدولواحید ئەفسەری ئێشکگری بەرگری شارستانی ھەولێر بە کوردسات نیوزی ڕاگەیاند، ئاگرەکە لە ئۆفیسی یەکێک لە دادوەرەکان کەوتووەتەوە و لە ئێستادا دەستیان بە لێکۆڵینەوە کردووە بۆ زانینی ھۆکاری کەوتنەوەی ئاگرەکە.
ئەنجومەنی دادوەری ھەرێمی کوردستانیش ڕوونکردنەوەیەکی لە بارەی ئاگرەکە بڵاوکردەوە و ئاماژەی بۆ ئەوەکردووە، ڕووداوەکە ھیچ زیانی گیانی نەبووە و تەنھا زیانی ماددی لێکەوتووەتەوە، لیژنەیەکیش بۆ لێکۆڵینەوە و بەدواداچوون بۆ ئەو ڕووداوە پێکدەھێنرێت و دواتر ئەنجامەکان ڕادەگەیەنرێت.