چەند رێكخراوێكی كۆمەڵی مەدەنی لە بینای ئەمنە سورەكە لە سلێمانی، بە ھاوكاری دەزگاكانی ڕاگەیاندن كەمپینێكیان بۆ قوربانیان و زیان لێكەوتوانی لافاوەكەی شاری هەولێر ڕاگەیاندوە و داوا لە هاوڵاتیان دەكەن بە بە دەنگ داواكاریەكەیانەوە بچن تا بە زووترین كات هاوكاری و پشتیوانییەكان بگەیەننە زیان لێكەوتوانی هەولێر.
هاوڵاتیان دەتوانن لە رێگەی ئەم ژمارە تەلەفۆنانەوە زانیاری وەربگرن و هاوكارییەكانیان بگەیەنن.
07736989537

07701574850
ئەو رێكخراوانەی كەمپەینەكەیان راگەیاندووە بریتین لە:

ڕێكخراوی گەشە پێدانی كۆمەڵایەتی و مەدەنیەت

ڕێخراوی گەشە بۆ تواناكاتی لاوان 

ڕێكخراوی لانەی مناڵانی كوردستان

ڕێكخراوی پەرەپێدای دیموكراسی و مەدەنیەت

ڕێكخراوی ڕێدۆز

ڕێكخراوی بێنازی شەهیدان

سەنتەری ھاوبەشیی لوڕ

یەکێتی زانایانی ئاینی ئیسلامی کوردستان، لە پەیامەکەیدا، ھاوخەمی خۆی ئاڕاستەی کەسوکاری بەرکەوتووانی لافاوەکە کرد و رایگەیاند، ئومێد دەکەین خوای گەورە پلەی شەھادەتیان پێ بدات و دڵنەوایی بە کەسوکاریان ببەخشێت، ئەوانەشی زیانی ماددیان بەرکەوتووە، خوای گەورە بەخێر بۆیان قەرەبوو بکاتەوە .

یەکێتی زانایانی ئاینی، داواشی لە لایەنە پەیوەندیدارەکان و خواپێداوان و خێرخوازان و رێکخراوە خێرخوازییەکان کرد، بەپێی توانا ھاوشانی حکومەت بە پیر لێقەوماوانەوە بچن و بە گیانی ھاوکاری و کۆمەکیکردن خەم و خەسارەتی زیانلێکەوتووان کەم بکەنەوە.

نوسینگەی پارێزگاری ھەولێر لە راگەیەندراوێکدا دەڵێت، دڵنیایی دەدەن بە ھاووڵاتییانی سنووری پارێزگای ھەولێر، ھەموو ھەوڵ و توانایەکیان خستووەتەگەڕ و لایەنە پەیوەندیدارەکان و ھێزەکانی (ئاسایش، پۆلیس، زێرەڤانی، ھاتوچۆ و بەرگری شارستانی و تەندروستی و شارەوانیەکان و ناوەندی قەیرانەکانی پارێزگا)، لە ئامادەباشی و کارکردن و بەدواداچوونی بەردەوامدان بۆ پێشھاتەکان و کاری پێویست بۆ زیانلێکەوتووان و دابینکردنی پێداویستییەکانیان.

دەشڵێت، ھەرکەس و لایەن و خێرخوازێک دەیەوێت دەستی یارمەتی بۆ قوربانیان و لێقەوماوان و زیانلێکەوتووان درێژ بکات، دەتوانێت لە رێگەی ژمارە حسابی"٥٠٨"بانکی منارە ھاوکاری و کۆمەک و یارمەتییەکان پێشکەش بکات.

پەیامنێری کوردسات نیوز ڕایگەیاند، لە ئۆپراسیۆن و کێوماڵەکانی پێشمەرگە و ئاسایشی گەرمیان لە ناوچەکانی قوڕیچایی و غەڕە و پەڵکانەی نێوان کفری و خورماتوو، گۆڕێکی بە کۆمەڵ دۆزرایەوە کە ڕووفاتی ١٣ پۆلیس و چەکداری حەشدی تێدابوو، ھاوکات حەشارگەیەکی تیرۆریستانی داعش دەستی بەسەردا گیرا.

لە سنوری چەند ناوچەیەکی "داوێ"ش چەند حەشارگەیەکی تیرۆریستانی داعش دەستی بەسەردا گیراوە و لەناوبراون، تەرمی کەسێکیش دۆزراوەتەوە کە جلی مەدەنی لەبەردابووە و پەیوەندی بە تیمی  تەندروستییەوە کراوە بۆ ھەڵگرتنەوەی تەرمەکە، ھەروەھا کێوماڵکردن بەردەوامە و تیمێکی ئەندازیاری پوچەڵکردنەوەی مین لە ناوچەکەن.

کارزان غەفووری وتەبێژی پۆلیسی ھەرێمی کوردستان لە کۆنفرانسێکی ڕۆژنامەوانیدا رایگەیاند، ژووری ئۆپەراسیۆنی  ھاوبەش بۆ دەستگیرکردنی تاوانباران پێکھاتووە لە بەڕێوەبەرایەتیەکانی پۆلیس و ئاسایش و ھێزەکانی پێشمەرگە و زێرەڤانی و پۆلیسی ئامادە و فریاکەوتن و ھەواڵگری گشتی .

وتیشی، ئەو تاوانبارانەی کە لە ناوەڕاست و خواروی عێڕاق و دەرەوەی کوردستانن ژوورەکە راسپێردراوە تاوەکو ناوی تاوانباران رادەستی ژووری ھەماھەنگی عێڕاق و کوردستان بکرێت، یان ئاراستەی پۆلیسی ئینتەرپوڵ بکرێت بۆ ئەوەی دەستگیربکرێن.

ئاسایشی سلێمانی لە ڕوونکردنەوەیەکدا دەڵێت، تۆمەتباری سەرەکی بە بەکارھێنانی چەک ھەڵساوە بە کوشتنی تاوانلێکراو و پاشان بە ئۆتۆمبیلەکەی تەرمەکەی گواستووەتەوە بۆ ئەو شوێنەی کە تەرمەکەی تێدا دۆزرایەوە، پاشان ھەوڵی خۆ حەشاردانی داوە ، بەڵام تیمەکانی  ئاسایشی سلێمانی دەستگیریانکردووە و دەستیشیانگرتووە بەسەر ئەو چەک و ئۆتۆمبێلەی کە لە تاوانەکەدا بەکارھێنراون.