کوردستان
بافڵ جەلال تاڵەبانی دەڵێت: ئێمە خزمەتکاری خەلکی خۆمانین و بەشدار لە حکومەتێک ناکەین خزمەتی هەموو هەرێمی کوردستان نەکات.
بافڵ جەلال تاڵەبانی سەرۆکی یەکێتیی نیشتمانیی کوردستان لە کەرنەڤاڵی جەماوەری لیستی ٢٢٢ـی یەکێتی لە دەروازەی راپەڕین وتارێکی پێشکەشکرد و رایگەیاند، ئاگری دیكتاتۆر رووخاندن لە دەروازەی راپەڕین داگیرسێندرا و دەروازەی كوردایەتی دەڤەری راپەڕینە.
وتیشی، گوێ لە داواكاری خەڵكی كوردستان دەگرین و جێبەجێی دەكەین و نابینە بەشێك لە حكومەتێكی لاواز لە هەرێم، هەروەها نابینە بەشێك لە حكومەتێك قوتی خەڵك ببڕێت بۆ پێكهێنانی گروپی چەكدار.
بافڵ جەلال تاڵەبانی ئەوەشی خستەڕوو، سەرۆك مام جەلال ئاشتی لەنێوان كورد و تورك دروستكرد، دەشڵێت، خاكی كوردستان رادەست داگیركەر ناكەین.
راشیگەیاند، راپەڕینی تر دروستبكەن و بەدەنگ و هێزی ئێوەوە دەچینە بەغداد و شەڕی مافە دەستورییەكان دەكەین بە رێگەی دیپلۆماسی نەك بە دروشم، چونکە موچە و كێشە ستراتیژییەكان لە بەغداد چارەسەر دەكرێن نەك لە هەولێر.
سەرۆکی یەکێتی ئاشکرایکرد، لە بەغداد گوێ لە یەكێتی دەگیرێت، بۆیە بەغداد چۆڵناكەین و لەوێوە زۆرترین خزمەتی كوردستان دەكەین وهیچ كاتێك پشت لە خەڵك ناكەین
لەکۆتایی وتارەکەیدا سەرۆك بافڵ وتی، سندوقەكانی دەنگدان سەوز بكەن و هێزی زیاترمان پێببەخشن، هەروەها لیستی 222ی یەكێتی لیستی هەموو چین و توێژەكانی كوردستانە.
11یەمین فێستیڤاڵی هەنار و پایزی هەڵەبجە دەستیپێکرد و پارێزگاری شارەکەش دەڵێت: هەوڵ دەدەین فێستیڤاڵەکە بە نێودەوڵەتیی بکەین.
نوخشە ناسح پارێزگاری هەڵەبجە لە میانی دەستپێکی فێستیڤاڵی هەنار و پایزی هەڵەبجە رایگەیاند، ساڵانە چەندین بەرهەمی جۆراوجۆر بە هێز و توانای جوتیاران بەرهەمدەهێندرێت و لەو چوارچێوەیەشدا جوتیاران گرنگیان بە کێڵگە کشتوکاڵییەکان داوە و چەندین هەلی کاریان بۆ گەنجانی سنورەکە رەخساندووە.
وتیشی، ئەرکی حکومەتی هەرێمی کوردستان و لایەنە پەیوەندیدارەکانە هاوکاری بازاڕی ساغکردنەوەی بەرهەمەکانیان بۆ فەراهەم بکرێت و پلانی ئابوری گەشتیاریان بۆ رێکبخرێت و ئاسانکارییان بۆ بکرێت.
نوخشە ناسح ئاماژەی بەوەشکرد، لەمساڵدا فێستیڤاڵی هەنار و پایزی هەڵەبجە هەنگاوێکی گەورە بەرەوپێشەوە دەنێت، ئەویش بە ئامانجی بەنێودەوڵەتییکردنی فێستیڤاڵەکە و راکێشانی سەرنجی گەشتیاران و کڕیارانی دەرەوە بۆ فێستیڤاڵەکە.
پارێزگاری هەڵەبجە ئەوەشی خستەڕوو، هەنار و بەروبوومی فرێش و بەتامی هەڵەبجە سنوری کوردستان و عیراقی تێپەڕاندووە و گەیشتووەتە وڵاتانی دەرەوە، لەو سۆنگەیەوە دەیانەوێت بچنە ناو پڕۆژەی 'ئێس دی جی ئێس'ـی نەتەوەیەکگرتووەکان، کەئەوەش دەبێتە یەکەم فێستیڤاڵی سەوز لەسەر ئاستی کوردستان و عیراق.
راشیگەیاند، پێویستە حکومەتی هەرێم و عیراق هاوکاری جوتیاران ببن بۆ ئەوەی زیاتر پەرە کشتوكاڵ و بەرهەمەکانیان بدەن، هەروەها بتوانن زیاتر بەرەوپێش بچن.
ئەمڕۆ 11هەمین فێستیڤاڵی هەنار و پایزی هەڵەبجە دەستیپێکرد و بۆ ماوەی سێ رۆژ بەردەوام دەبێت، چاوەڕوانیش دەکرێت ژمارەیەکی زۆر لە گەشتیاران سەردانی فێستیڤاڵەکە بکەن.
بەپێی پێشبینییەکانی کەشناسی لە 48 سەعاتی داهاتوودا ئاسمان ساماڵ دەبێت و پلەکانی گەرما بە جێگیری دەمێننەوە.
بەڕێوەبەرایەتی گشتی کەشناسی هەرێم، پێشبینییەکانی بۆ ئەمڕۆ و سبەینێ بڵاوکردەوە و رایگەیاندووە، ئەمڕۆ ئاسمان ساماڵ دەبێت و پلەکانی گەرما بەگشتی نزیک دەبێتەوە لە تۆمارکراوەکانی دوێنێ.
ئاماژەی بەوەشکردووە، سبەینێ ئاسمان ساماڵ و پەڵە هەور دەبێت و پلەکانی گەرما بەگشتی نزیک دەبێتەوە بەراورد بە تۆمارکراوەکانی ئەمڕۆ وەک لە خوارەوە ئاماژەیان پێدراوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 31 پلەی سیلیزی
سلێمانی : 28 پلەی سیلیزی
دهۆک : 27 پلەی سیلیزی
زاخۆ : 28 پلەی سیلیزی
ئامێدی : 25 پلەی سیلیزی
ئاکرێ : 29 پلەی سیلیزی
کەرکوک : 34 پلەی سیلیزی
هەڵەبجە : 30 پلەی سیلیزی
سۆران : 27 پلەی سیلیزی
حاجی ئۆمەران : 19 پلەی سیلیزی
گەرمیان : 34 پلەی سیلیزی
ئەمڕۆ 11هەمین فێستیڤاڵی هەنار و پایزی هەڵەبجە بەڕێوەدەچێت و بۆ ماوەی سێ رۆژ بەردەوام دەبێت.
سەڵاح جەمیل پەیامنێری کوردسات نیوز رایگەیاند، چاوەڕوان دەکرێت گەشتیارێکی زۆر سەردانی فێستیڤاڵەکە بکەن و بەرهەمە ناوخۆییەکان و هەناری هەڵەبجە ئاشنا ببن.
وتیشی، چەندین بەرهەمی ناوخۆیی و جوتیاران ئامادەکراوە و لە ماوەی سێ رۆژی فێستیڤاڵەکەدا پێشکەشی گەشتیاران و هاووڵاتیان دەکرێت.
پەیامنێری کوردسات نیوز، ئاماژەی بەوەشکرد، جگە لە ساغکردنەوە و بەبازاڕکردنی بەرهەمەکان، ئەمساڵ جیاواز لە ساڵانی پێشوو چەندین چالاکی جۆراوجۆر و هونەری و فەرهەنگی بەڕێوەدەچێت.
هاوکات نوخشە ناسح پارێزگاری هەڵەبجە لە تۆڕی کۆمەڵایەتی فەیسبوک چەند وێنەیەکی لە فێستیڤاڵەکە بڵاوکردوەتەوە و نوسیویەتی؛ چاوەڕوانی گەشتیاران و هاووڵاتیانین.
لە روداوێکی تەقەکردندا لە هەولێر کەسێک برینداربوو، تائێستاش لایەنە پەیوەندیدارەکان هیچیان لەسەر روداوەکە بڵاونەکردوەتەوە.
قارەمان جەوهەر پەیامنێری کوردسات نیوز رایگەیاند، کەمێک پێش ئێستا لە شەقامی 100 مەتری هەولێر، کەسێک بەسەر ماتۆڕسکیلەوە تەقەی لە هاووڵاتییەک کرد و برینداریکرد، لە ئێستاشدا هاووڵاتییەکە رەوانەی نەخۆشخانە کراوە.
جێگەی ئاماژەیە، تا ئێستا هێزە ئەمنییەکانی هەولێر و لایەنە پەیوەندیدارەکان هیچ رونکردنەوەیەکیان لەسەر روداوەکە بڵاونەکردوەتەوە.
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە ئیلبروس کوتراشیڤ، باڵیۆزی روسیا لە عیراق کرد.
لە دیدارێکدا رەوشی گشتیی هەرێمی کوردستان و عیراق تاوتوێکرا و جەخت لە بەردەوامی گفتوگۆی بونیادنەرانەی نێوان لایەنەکان کرایەوە بۆ رووبەڕووبوونەوەی ئاڵنگارییەکان و پاراستنی سەقامگیری لە ناوچەکەدا.
پەیوەست بە هەڵبژاردن دووپات لە ئەنجامدانی هەڵبژاردنێکی پاک و بێگەرد کرایەوە کە زامنی پاراستنی مافی هەمووان بکات و ببێتە مایەی بوژاندنەوەی زیاتری وڵات.
رەوشی سوریا و رۆژئاوای کوردستان بیروبۆچوونیان لەبارەوە ئاڵوگۆڕکرا و بافڵ جەلال تاڵەبانی جەختی لە پاراستنی مافی هەموو نەتەوە و پێکهاتەکان کردەوە بە تایبەتی کورد وەک نەتەوەیەکی سەرەکی و رایگەیاند، دەبێت رێز لە تایبەتمەندی رۆژئاوای کوردستان بگیرێت و لە چوارچێوەی دەستورێکی نوێدا مافی گەلەکەمان بپارێزرێت.
بەبڕیارێك باجی زیاتر دەخرێتەسەر ئەو شتومەكانەی لە هەرێمەوە هەناردەی شارەكانی ناوەڕواست و خوارووی عیراق دەكرێت.
بەپێی ئەو زانیارییانەی دەست پەیامنێری كوردسات نیوز لە بەغداد كەوتووە، ئەو وەفدەی هەرێمی كوردستان بۆ تاوتوێكردنی پرسی داهاتی ناوخۆ و باجە گومرگییەكان سەردانی بەغدادی كردبوو، لەبارەی رێكخستنەوە و بەستنەوەی خاڵە گومركییەكانی هەرێم بە عیراق، لەگەڵ حكومەتی عیراق نەگەیشتووەتە رێككەوتن و چاوەڕوانی پێكهێنانی ئەو لیژنەیە دەكات كە سێ مانگ بەرلەئێستا لەلایەن ئەنجومەنی وەزیران و وەزارەتی دارایی عیراقەوە بڕیاری پێكهێنانی درا بۆ یەكخستنەوەی پێناسەی گومرگیی هەرێم و عیراق، بەڵام تائێستا پێكنەهێنراوە.
پەیامنێری كوردسات نیوز لە بەغداد راشیگەیاند، بڕیاردراوە باجی زیاتر بخرێتەسەر ئەو شتومەكانەی لە هەرێمی كوردستانەوە هەناردەی شارەكانی ناوەڕاست و خوارووی عیراق دەكرێن و پێویستە سەرجەم كۆمپانیا و كارگەكانی هەرێمی كوردستانیش داخڵی سیستمی ئیسكۆدا بكرێن و كۆدیان هەبێت، وتیشی، ئەو بڕیارانە لە یەكی 12ی ئەمساڵەوە جێبەجێ دەكرێن و ئەنجومەنی وەزیرانی عیراقیش رەشنووسەكەی پەسەندكردووە كە تایبەتە بە زیادكردنی داهاتەكانی باج و گومرگ و دەروازە سنورییەكان.
سیستمی ئیسكۆدا ( ASYCUDA System ) کورتکراوەی سیستەمی ئۆتۆماتیکی بۆ داتای گومرگیە، سیستمێکە کە بەکاردێت بۆ رێکخستنی کارەکانی گومرگی لە رێگەی ئۆتۆماتیکیکردنی پرۆسەکانی وەک کۆکردنەوەی زانیاری و شیکاری لە خاڵە گومرگییەکان، ئەم جۆرە سیستمە لە زۆرێک لە وڵاتان بەشێوەی هاوشێوە بەکاردەهێنن بۆ بەرزکردنەوەی کارایی و ئاسایشی گومرگی،هەروەها سیستمی ئەسیکودا دەتوانێت یارمەتیدەر بێت لە بەدواداچوون و شیکردنەوەی سەرچاوەکانی داهاتی حکومەت، بە تایبەت ئەگەر زیادبوون هەبێت، ئاسانکاریش دەکات لە ئۆتۆماتیکیکردنی کۆکردنەوە و شیکردنەوەی زانیاری لە خاڵە گومرگییەکان.
ئەمڕۆ 29-10-2025 دادوەر برایم ئیسماعیل حەمەد خۆشناو سەرۆکی پێشوی دادگای تێهەڵچوونەوی هەولێر، بەهۆی نەخۆشیی کۆچی دوایی کرد.
دادوەر برایم ئیسماعیل حەمەد خۆشناو لەساڵی 2002 وەک دادوەر دەستی بەکار کردووەو لە ساڵانی نێوان 2018 بۆ 2022 سەرۆکی دادگای تێهەڵچوونەوەی ناوچەی هەولێر بووە.
ئەنجومەنی دادوەریی هەرێمی کوردستان و گشت دادوەر و فەرمانبەرانی خانەوادەی دادوەریی، بە بۆنەی کۆچی دوایی دادوەر برایم ئیسماعیل حەمەد، پرسەو سەرەخۆشی ئاراستەی بنەماڵەو خزم و کەسوکارو دۆستانی خوالێخۆشبوو دەکات.
لە هەرێمی كوردستان نزیكەی 700 هەزار كەس بەشە خۆراكیان بڕدراوە، بەرێوەبەری گشتی بازرگانیش دەڵێت، لە داهاتوویەكی نزیكدا پڕكردنەوەی فۆرمی ئەلیكترۆنیی خۆراك دەستپێدەكاتەوە.
نەوزاد كامیل، بەڕێوەبەری گشتیی بازرگانی لە وەزارەتی بازرگانی هەرێم بە كوردسات نیوزی راگەیاند، ئەو هاووڵاتییانەی فۆرمی ئەلیكترۆنی خۆراكیان پڕنەكردوەتەوە، بەشە خۆراكیان پێنادرێت، كە ژمارەیان نزیكەی 700 هەزار كەسە.
وتیشی، لە ئێستادا پڕكردنەوەی فۆرمەكە راگیراوە، چاوەڕوان دەكرێت لە داهاتوویەكی نزیكدا دەست بە قۆناغی دووەم دەكرێت و ئەو هاووڵاتیانە دەتوانن فۆرمەكە پڕ بكەنەوە و بەشە خۆراكیان پێدەدرێت، بەڵام خۆراكە فەوتاوەكانیان قەرەبوو ناكرێتەوە.
راشیگەیاند، هەر كەسێك كارتی نیشتمانی هەبێت و دانیشتووی هەرێمی كوردستان بێت دەتوانێت لە قۆناغی دووەمدا فۆرمەكە پڕ بكاتەوە.
بەڕێوەبەری گشتیی بازرگانی ئاماژەی بۆ ئەوەشكرد، لە مانگی ئایاری رابردوو، تا 3ی 8ی 2025، بۆ پڕكردنەوەی فۆرمەكە دەستنیشانكرابوو، چەند جارێكیش درێژكرایەوە لە پێناو ئەوەی هەموو هاووڵاتییان بتوانن فۆرمەكە پڕبكەنەوە.
قوباد تاڵەبانی رایدەگەیەنێت، ئەوەی وەک بەڵێن دەیدەین تەنها دروشم نین بۆ بانگەشەی هەڵبژاردن، بەڵکو ستراتیژی یەکێتین.
قوباد تاڵەبانی لە کۆبوونەوەی لەگەڵ بازنەکانی ورتێ و قەسرێ رایگەیاند، کاتێک دەڵێین کێشەی بودجە و موچە بە شێوەیەکی بنەڕەتی چارەسەر دەکەین، کاتێک دەڵێین نابێ جیاوازی بکرێت لەنێوان جوتیارانی هەرێم و ناوچەکانی دیکە، کاتێک دەڵێین دەبێت موچەی چین و توێژە جیاوازەکان هاوتای ناوچەکانی دیکەی عیراق بکرێن، کاتێک دەڵێین دەبێت سوتەمەنی و بەنزین بە هەمان نرخی ناوچەکانی دیکە لە هەرێم دابەش بکرێت.
ئاماژەی بەوەشکرد، ئەمانە تەنها بەڵێن و دروشمی کاتی بانگەشە نییە، بەڵکو ستراتیژی یەکێتییە و لەم سێ ساڵەدا کاری بۆ کردووە و لەمەودواش کاریان بۆ دەکەین. ئەمانە مافی دەستوری خەڵکی کوردستانن، بۆیە داوای جێبەجێکردنی مادە بە مادەی دەستوری دەکەین.
راشیگەیاند، لەکۆبوونەوەم لەگەڵ هەڤاڵانمان لە بازنەکانی وەرتێ و قەسرێ، مەڵبەندی هەمیشە سەوز جەختم کردەوە هیچ بەڵێنێکی یەکێتی بێ بنەما و لەخۆڕایی نییە، بەڵکو هەموو بەڵێنەکان روونن و لە چوارچێوەی ستراتیژی یەکێتیدایە کە جێبەجێکردنی دەستورە وەک خۆی. بۆیە پێویستە خەڵکی کوردستان بۆ دابینکردن و گەرەنتیکردنی مافە دەستورییەکانیان لەم هەڵبژاردنەدا پێگەی یەکێتی لە بەغداد بەهێزتر بکەن.
سبەینێ بەئامادەبوونی بافڵ جەلال تاڵەبانی، سەرۆکی یەکێتی کەرنەڤاڵی جەماوەری لیستی ٢٢٢ یەکێتیی نیشتمانیی کوردستان لە ئیدارەی راپەڕین بەڕێوەدەچێت.
کاروان گەزنەیی وتەبێژی یەکێتیی نیشتمانیی کوردستان رایگەیاند، بەئامادەبوونی بافڵ جەلال تاڵەبانی، سەرۆکی یەکێتیی نیشتمانیی کوردستان، کەرنەڤاڵی جەماوەری لیستی ٢٢٢ یەکێتیی نیشتمانیی کوردستان لە شاری رانیە بەڕێوەدەچێت، کە تیایدا بافڵ جەلال تاڵەبانی وتارێک پێشکەش دەکات.
ئاماژەی بەوەشکرد، کەرنەڤاڵەکە سەعات ٢ـی پاشنیوەڕۆ لە هۆڵی وەرزشی رانیە بەرێوەدەچێت.
قوباد تاڵەبانی دەڵێت: یەکێتی و سەرۆکەکەی بەوە دەناسرێنەوە کە خاوەنی بەڵێنی خۆیانن و هەر بەڵێنێک بدەن جێبەجێی دەکەن.
قوباد تاڵەبانی ئەم وێنانەی لە تۆڕی کۆمەڵایەتی فەسبوک بڵاوکردەوەتەوە و نوسیویەتی: یەکێتی و سەرۆکەکەی بەوە دەناسرێنەوە کە خاوەنی بەڵێنی خۆیانن و هەر بەڵێنێک بدەن جێبەجێی دەکەن، بەڵێنماندا کار دەکەین بەغداد دان بە پارێزگای هەڵەبجەدا بنێت و کردمان، بەڵێنماندا رێگەنادەین بە یاسا کۆنەکە هەڵبژاردنی پەرلەمانی کوردستان بەڕێوەبچێت و کردمان، بەڵێنماندا پارێزگارێکی کوردی خزمەتگوزار بۆ کەرکوک دادەنێین و کردمان، بەڵێنماندا هاوسەنگیی هێز دەگەڕێنینەوە و کردمان، بەڵێنماندا حکومەتی هەرێم پێكنایەت بەبێ هاوبەشیی راستەقینە و بەبێ ئەوەی دڵنیابین کە حکومەتێکی دادپەروەر و خزمەتگوزار دەبێت، تا ئێستا لەسەر ئەو بەڵێنە ماوین.
لە کۆبوونەوەم لەگەڵ هەڤاڵانی بازنەکانی چۆمان و حاجی ئۆمەران جەختم کردەوە کە هەرچی دەنگی ناڕازییە لە راستیدا دەنگی رەسەنی یەکێتییە. داوام لە هەڤاڵان کرد لەم ماوەیەدا پەیوەندیی بە یەک بە یەکی خەڵکی ناڕازییەوە بکەن و قەناعەتییان پێ بهێنن کە یەکێتی خاوەنی بەڵێنی خۆیەتی و دڵنیایان بکەنەوە کە یەکێتی لە بەغداد بەڵێنەکانی جێبەجێ دەکات. دڵنیایان بکەنەوە کە رۆژێک لە رۆژان پەشیمان نابنەوە لە دەنگدان بەم یەکێتییەی ئێستا.
قوباد تاڵەبانی لە پەیامێکدا رایگەیاندووە، "زۆر بە داخەوەم کە دەڵێم کێشەی مووچە چارەسەر نەکراوە و ئەوەی هەیە تەنها پینەکراوە و لە کۆتایی ئەمساڵیش جارێکی دیکە کێشەکە سەرهەڵدەداتەوە. لە ئێستاوە خەڵکانێک داوا لە کاک بافڵ دەکەن بچێتە بەغداد و چارەسەرێکی بۆ بدۆزێتەوە".
پەیامەکەی قوباد تاڵەبانی لە هەژماری تایبەتی خۆی لە فەیسبوک بڵاوکراوەتەوە و تێیداهاتووە، "لە کۆبوونەوەم لەگەڵ هاڤاڵانی بازنەی ١٦ی حەسارۆست لە دۆڵی رۆست باسم لەوەکرد هەر ئەوەی کە هەموو جارێک کاک بافڵ و یەکێتی بە ١٨ کورسییەوە دەتوانن بە شێوەیەکی کورتخایەنیش بێت کێشەکە چارەسەر بکەن، ئاماژەیەکی روونە بۆ ئەوەی ئەگەر بێتو یەکێتی بە کورسی و قورساییەکی زیاترەوە لە بەغدا ئامادەبێت، دەتوانێت کاری گەورە بکات".
قوباد تاڵەبانی ئاماژەی بەوەشداوە: بەندە پێش دوو ساڵ وتم کێشەکانی هەرێم و بەغدا بە پینەوپەڕۆ چارەسەر ناکرێن، ئێستاش یەکێتی پێیوایە لە جیاتی پینەوپەڕۆ پێویستە کۆی پەیوەندییەکانی هەرێم و بەغدا لە چوارچێوەی نەشتەرگەرییەکی گەورەدا چارەسەر بکرێن. هەربۆیە دەڵێین یەکێتی کار دەکات تا کێشەی مووچە و بودجە و هەموو کێشەکانی دیکە لە چوارچێوەی رێککەوتنێکی گشتگیری درێژخایەن چارەسەر بکات و داوای جێبەجێکردنی مادە بە مادەی دەستور لەلایەن هەردوو حکومەتی فیدراڵ و هەرێمەوە دەکات.
وەزارەتی خوێندنی باڵای هەرێم، بڵاویکردوەتەوە، لە سەعات 12ـی نوەرۆی ئەمرۆوە زانکۆلاین بۆ دەرچوانی ناوچە کوردستانییەکانى دەرەوەى هەرێم (کەرکوک، خانەقین، شەنگال) کارا دەکرێت و دەتوانن خۆیان تۆمار بکەن.
ئەمڕۆ چوارشەممە، وەزارەتی خوێندنی باڵاو توێژینەوەی زانستی رایگەیاند؛ دەرچوانی دوانزەی ئامادەیی لە ناوچە کوردستانییەکانی دەرەوەی ئیدارەی هەرێمی کوردستان (کەرکوک - شەنگال - خانەقین) لە سەعات 12ی نیوەڕۆوە، دەتوانن لە هەمان سایتی زانکۆلاین (regayzanko.com) داواکارییەکانیان بۆ وەرگرتن لە زانکۆ حکومییەکانی هەرێمی کوردستان پێشکەش بکەن.
عەباس ئەکرەم وتەبێژی وەزارەتی خوێندنی باڵاو توێژینەوەی زانستی ئاماژەی بەوەکردوە؛ سەرجەم دەرچوانی خوێندنگە کوردییەکانی ناوچە کوردستانییەکانی دەرەوەی هەرێمی کوردستان ئەوانەی ناویان لە نوسینگەی کەرکوکی وەزارەتەکەیان تۆمارکردوە، لە سەعات 12ی ئەمرۆوە هاوشێوەی دەرچوانی هەرێمی کوردستان دەتوانن داواکاری لەڕێگەی زانکۆلاین بۆ وەرگرتنیان لە زانکۆ حکومییەکانی هەرێمی کوردستان پێشکەش بکەن.
بۆ هەر کێشەو گرفتێک سەبارەت بە پرۆسەکە دەرچوان دەتوانن سەردانی نوسینگەی کەرکوکی وەزارەتەکەیان بکەن و ئاسانکاری و رێنوێنیان پێشکەش دەکرێ، ئەمە قسەی وتەبێژەکەی وەزارەتی خوێندنی باڵای هەرێمە.
ناوبراو ئەوەشی خستوەتەڕوو؛ ساڵانە لەگەڵ دەرچوانی دوانزەی ئامادەیی هەرێمی کوردستان، دەرچوانی خوێندنگە کوردییەکانی ناوچە کوردستانییەکان دەرەوەی ئیدارەی هەرێمیش بەهەمان مەرج و پێوەرەکانی وەرگرتنی خوێندکارانی کوردستان لە زانکۆ و پەیمانگە حکومییەکانی هەرێمی کوردستان وەردەگیرێن.
بەهۆی بەڕێوەچونی فێستیڤاڵی هەنار و پایزی هەڵەبجەوە، بە بڕیاری نوخشە ناصح، پارێزگاری هەڵەبجە لە سەرجەم فەرمانگە و دامودەزگا حکومییەکانی سنوری پارێزگاکە کرایە پشووی رەسمی.
ئەمڕۆ چوارشەممە، لە راگەیەندراوێکدا کە پارێزگاری هەڵەبجە بڵاویکردوەتەوە و تێیدا هاتووە؛ بەبۆنەی بەڕێوەچوونی "فێستیڤاڵی هەنار و پایزی هەڵەبجە" و بەمەبەستی كارئاسانی بۆ بەشداریکردنی بەرفراوانی فەرمانبەران و هاووڵاتیان لەو بۆنە گرنگەدا، لە سەرجەم فەرمانگە و دامودەزگا حکومییەکانی سنوری پارێزگاکە کرایە پشوو.
ئاماژەیان بەوەشکردوە؛ ئەم پشووە ناوەندەکانی خوێندنیش دەگرێتەوە، بەمەبەستی رەخساندنی دەرفەت بۆ خوێندكاران و مامۆستایان تا بەشداری لەم چالاکییە کولتووری و ئابوورییە گرنگەی شارەکەیاندا بکەن.
بڕیارە سبینێ 11هەمین فێستیڤاڵی هەنار و پایزی هەڵەبجە لە پارێزگاکە بەڕێوە بچێت و بڕیار وایە سێ رۆژ بەردەوام بێت
قوباد تاڵەبانی لە میانی سەردانەکانی بۆ قەزای سۆران و ناوچەی باڵەکایەتی رایگەیاند باسکردنی کێشەکان ئاسانە، بەڵام هەموکەس ناتوانێت چارەسەریان بکات، ئەوە تەنها یەکێتییە هەم دەتوانێت و هەم دەیەوێت کێشەکان لە بەغدا چارەسەر بکات.
ئەمڕۆ سێشەممە، قوباد تاڵەبانی سەردانی قەزای سۆران و باڵەکایەتی کرد و لەگەڵ لایەنگران و هەڤاڵانی یەکێتیدا کۆبووەو رایگەیاند؛ رەنگە زۆر کەس و لایەن بتوانێت بە ئاسانی باس لە کێشە و گرفتەکانی خەڵک بکات، چونکە روونە کێشە و داواکاریی خەڵک چییە، بەڵام هەموو کەس و لایەنێک توانا و هێزی پێویستی نییە چارەسەریان بکات. یەکێتی ئەو هێزەیە کە هەم دەتوانێت و هەم دەیەوێت کێشەکان لە بەغدا چارەسەر بکات.
ئەوەشیخستوەتەڕوو؛ لە کۆبوونەوەکانی لەگەڵ هەڤاڵانی بازنەکانی سۆران و دیانا و باڵەکیان جەختی کردەوە کە دابەشبوونی دەنگی خەڵکی ناڕازی و بەشدارینەکردن لە هەڵبژاردن لە بەرژەوەندی ئەو لایەنەیە کە هۆکار و سەرچاوەی کێشەکانە.
ئاماژەی بەوەشکردوە؛ پێویستە هەڤاڵانیان لەم ماوەیەدا هەموو هێزی خۆیان بخەنەگەڕ تا زۆرترین خەڵکی ناڕازی هان بدەن تا دەنگ بدەن بە یەکێتی، چونکە بەڵێن و بڕیاری یەکێتییە کە دەبێتە هێزی خەڵکی ناڕازی کوردستان لە بەغداد و لە کوردستان.
لە کۆتایشدا نوسیویەتی؛ قەزای سۆران بۆ یەکێتی مەڵبەندێکی زۆر گرنگە، چونکە شوێنی بەیەکگەیشتن و تێکەڵاوبوونی چەندین زاراوە و کلتوری جوانی کوردستانە و دەڤەری باڵەکایەتیش روونە کە بۆ یەکێتی ئەو دەڤەرە هەمیشە سەوزەیە، کە خەڵکەکەی لە هەنگوینەکەی شیرینترن و یەکێتی و باڵەکیان رەگیان لەناو یەکتردا داکوتیوە و لە یەک دەچن و هیچ کامیان هەرگیز دەستەمۆ ناکرێن.