کوردستان
پۆلیسی دارستانی گەرمیان رایگەیاندوە؛ توانیویانە چوار تۆمەتبار دەستگیر بکەن کە ئاسکێک و کەروێشکێکیان کوشتوە، دەستیشیان بەسەر ئۆتۆمبێلێک و ژمارەی چەک و تەقەمی تۆمەتبارەکاندا گرتووە.
ئەمڕۆ سێشەممە، پۆلیسی دارستانی گەرمیان راگەیەندراوێکی بڵاوکردوەتەوە و تێیدا هاتووە؛ لە رێگەی یاریدەدەرێتی ئاسایشی سەرقەڵا توانیویانە چوار تۆمەتبار دەستگیربکەن، کە هەستاون بە کوشتنی ئاسکێک و کەروێشکێک و ژمارەیەک چەک و تەقەمەنیشیان پێبوە.
وەک لە راگەیەندراوەکەدا هاتووە؛ پەڕاوی لێکۆڵینەوەیان بۆ تۆمەتباران کردوەتەوە و لە زیادکردنی ئاشکراشدا گۆشتی ئاسک و کەروێشکەکە دەفرۆشن و داهاتەکەی بۆ خەزێنەی حکومەتە دەگەڕێننەوە.
سەرپەرشتیاری کەرکوک-سەڵاحەدینی یەکێتیی نیشتمانیی کوردستان، لە پەیامێکدا سوپاسی خەڵکی کەرکوک دەکات و دەڵێت، ئەم جۆشوخرۆشی و دڵسۆزییەتان دەرخەری ئەو راستییەیە، کە کەرکوک و یەکێتی دووانەیەکی لێکدانەبڕاون.
ئاسۆ مامەند، سەرپەرشتیاری کەرکوک-سەڵاحەدینی یەکێتیی نیشتمانیی کوردستان لە پەیامێکدا کە ئاڕاستەی خەڵکی کەرکوکی کردووە دەڵێت، سوپاسی پەرۆشی و بەشداری و هاتنە مەیدانی ئەم خەباتە دیموکراسییەتان لێدەکەین کە ئەمڕۆ لە شارەکەی سەرۆک مام جەلال و بە ئامادەبوونی بافڵ جەلال تاڵەبانی بە شێوەیەکی زۆر بەرفراوان بەشداریتان لە کەرنەڤاڵی سەرخستنی لیستی ٢٢٢ـی یەکێتییدا کرد.
ئاماژەی بەوەشدا، "ئەم جۆشوخرۆشی و دڵسۆزییەتان دەرخەری ئەو راستییەیە، کە کەرکوک و یەکێتی دووانەیەکی لێکدانەبڕاون و بۆ هەمیشە پێکەوە دەبن، دڵنیام بە هەمان تین و رۆحییەتەوە ئەم جەماوەرە دڵسۆز و سەربەرزەی کەرکوک، لە رۆژی هەڵبژاردندا سندوقەکان سەوزپۆش دەکەن و دووبارە سەری کورد و یەکێتی و کەرکوک بەرزدەکەنەوە".
ئاسۆ مامەند راشیگەیاند، داوای لێبوردن لە شۆفێران دەکەین، چونکە لەکاتی بەڕێوەچوونی کەرنەڤاڵەکەی ئەمڕۆ لە کەرکوک بەهۆی ئامادەبوونی ژمارەیەکی زۆری هاووڵاتیان و جەماوەری یەکێتی، ئاستەنگیان بۆ دروستبوو.
لە کۆتایی پەیامەکەیدا، سوپاسی لیژنەی سەرپەرشتیار و تەواوی هێزە ئەمنییەکانی کرد، کە بە لێپرسراوێتییەوە ئەرکەکانی خۆیان لە کاتی بەڕێوەچوونی کەرنەڤاڵەکە راپەڕاند.
ئەمڕۆ سێشەممە، لە میانی کەرنەڤاڵی گەورەی جەماوەریی یەکێتیی نیشتمانیی کوردستان لە کەرکوک، بافڵ جەلال تاڵەبانی، سەرۆکی یەکێتی، وتارێکی گرنگی پێشکەش کرد و تێیدا جەختی لەسەر جێبەجێکردنی ئەو بەڵێنانە کردەوە کە دوو ساڵ پێش ئێستا بە خەڵکی کەرکوکیان دابوو، راشگەیاند، "کەرکوک بە دیموکراسی و یەکڕیزی رزگارکرا."
سەرۆک بافڵ تاڵەبانی لە وتارەکەیدا ستایشی کارەکانی پارێزگاری ئێستای کەرکوکی کرد و وتی، "پارێزگاری ئێستای کەرکوک رۆحیەتی شارەکەی گۆڕی، بە یەک چاو سەیری هەمووان دەکات و خزمەت دەکات." ئاماژەی بەوەشکرد کە بەهۆی ئەو ئارامی و پێشکەوتنەوە، ئێستا کۆمپانیا و سیاسەتمەداری بیانی دێنە کەرکوک و هەموو دنیا دەیەوێت بازرگانی لە شارەکەدا بکات.
سەبارەت بە دۆخی جوتیارانیش وتی، "جوتیارەکانمان مافیان پارێزراوە."
سەرۆکی یەکێتی جارێکی دیکە کەرکوکی بە "چەپکە گوڵەکەی مام جەلال" ناوبرد و جەختی کردەوە، "وتمان کەرکوک دەکەینە نمونەی پێكەوەژیان، ئەمڕۆ هەموو پێکهاتەکان لە کەرکوک وەک یەک دەژین."
سەرۆک بافڵ تاڵەبانی پەیامێکی ئاڕاستەی خەڵکی کەرکوک کرد و وتی، "بۆ ئایندەی کەرکوک ئێمە هێزی تۆین لە بەغداد، ئێمە کەرکوک بەهێز دەکەین لە بەغداد." رونیشیکردەوە کە یەکێتی پارێزەری هەرێمی کوردستانە و لەگەڵ کەرکوکییەکان دەوەستێتەوە.
یەکێکی دیکە لە تەوەرە گرنگەکانی وتارەکەی سەرۆک بافڵ، پرسی خوێندنی کوردی بوو لە شارەکە. لەمبارەیەوە وتی، "خوێندکارەکانی کەرکوک دەبێت بە کوردی بخوێنن، چونکە کوردی زمانی رەسمییە لە عیراق." بەڵێنیشیدا، "هەوڵدەدەین سیستمێك دابنێین کە لە حکومەتی فیدراڵەوە موچەی مامۆستایانی شارەکە بێت."
لە کۆتایی وتارەکەیدا، سەرۆک بافڵ تاڵەبانی داوای لە جەماوەر کرد کە "سندوقەکانی دوزخورماتوو سەوز بکەن" و پشتیوانیی پارێزگاری کەرکوک بن. جەختیشی کردەوە کە "یەکێتی لە هەموو حزبێكی تر یەکڕیزتر و گەشبینترە و لە کەرکوکیش لە هەموو حزبەکانی تر بەهێزترە،" وتیشی، "بەرنامەی سەرۆك مام جەلال لە عیراق و کوردستان جێبەجێ دەکەین."
بڕیارە ئەمڕۆ سێشەممە، بە ئامادەبوونی بافڵ جەلال تاڵەبانی، سەرۆکی یەکێتیی نیشتمانیی کوردستان، کەرنەڤاڵی جەماوەریی لیستی ٢٢٢ی یەکێتی لە شاری کەرکوک بەڕێوەبچێت، کە تێیدا سەرۆکی یەکێتی وتارێکی گرنگ پێشکەش بە ئامادەبووان دەکات.
کەرنەڤاڵەکە کاتژمێر ٢:٠٠ی پاشنیوەڕۆ لە بارەگای مەکتەبی سیاسیی یەکێتیی نیشتمانیی کوردستان لە کەرکوک دەستپێدەکات و تێیدا جەماوەرێکی فراوانی یەکێتی و لایەنگرانی ئامادە دەبن.
پێشکەشکردنی وتارەکەی سەرۆک بافڵ تاڵەبانی لە کەرکوک لە کاتێکدایە کە چاوەڕوان دەکرێت تێیدا تیشک بخرێتە سەر دوایین گۆڕانکارییە سیاسییەکان و هەڵوێستی یەکێتی لەسەر پرسە گرنگەکانی پەیوەست بە کەرکوک و ناوچەکە.
کەناڵی کوردسات نیوز، راستەوخۆ ڕووماڵی کەرنەڤاڵەکە و وتاری سەرۆک بافڵ تاڵەبانی دەکات و بینەران دەتوانن لە کاتی دیاریکراودا بینەری بن.
بەرەبەیانی ئەمڕۆ لە شاری سلێمانی و لە ئەنجامی وەرگەڕانی ئۆتۆمبێلێک، سێ گەنج گیانیان لەدەستدا و بەڕێوەبەری سەنتەری فریاکەوتنی خێراش دەڵێت، هۆکاری روداوەکە خێرایی زۆر بووە.
سامان نادر، بەڕێوەبەری سەنتەری فریاکەوتنی خێرای 122ی سلێمانی، لە لێدوانێکی تایبەتدا بۆ کوردسات نیوز، ڕاگەیاند؛ "کاتژمێر چواری بەرەبەیانی ئەمڕۆ سێشەممە، لە بازنەی مەلیک مەحمود و لە نزیک نەخۆشخانەی شار، ئۆتۆمبێلێک بەهۆی خێرایی زۆرەوە کۆنترۆڵی لەدەستداوە و وەرگەڕاوە."
سەبارەت بە زیانە گیانییەکان، سامان نادر وتی، "بەداخەوە لە ئەنجامی روداوەکەدا، هەر سێ سەرنشینی ئۆتۆمبێلەکە کە گەنج بوون، دەستبەجێ گیانیان لەدەستدا."
بەڕێوەبەری سەنتەری فریاکەوتنی 122 ئەوەشی خستەڕوو، "تاوەکو ئێستا ناسنامەی قوربانییەکان نەزانراوە و تەرمەکانیان بەمەبەستی لێکۆڵینەوەی زیاتر رەوانەی پەیمانگەی پزیشکی دادی سلێمانی کراوە."
ئەمڕۆ دووشەممە شارۆچکەی بەردەقارەمان لە سنوری پارێزگای سلێمانی کرا بە ناحیە.
نێچیرڤان بارزانی سەرۆکی هەرێمی کوردستان، فەرمانێکی هەرێمیی بۆ بەناحیەکردنی بەردەقارەمان ئیمزاکرد و لە ئەمڕۆوە دەچێتە بواری جێبەجێکردنەوە.
بە ناحیەکردنی بەردەقارەمان، وهڵامدهرهوهى باشترى داوا و چاوهڕوانييهكانى هاووڵاتيانى ناحيهكه و گوندهكانى ئهو سنوره دهبێت، ههروهها هاوكار و يارمهتيدهره بۆ بەرەوپێشبردنی خزمهتگوزارييه گشتييهكان و كاروبارى كارگێڕى لهو سنورە.
وەزیری نەوتی عیراق رایگەیاند، هەناردەی نەوتی هەرێمی كوردستان گەیشتوەتە 200 هەزار بەرمیل نەوت لە رۆژێكدا و دانوستان لەگەڵ رێكخراوی ئۆپیكیش دەكەن بۆ زیادكردنی پشكی بەرهەمهێنانی عیراق.
حەیان عەبدولغەنی وەزیری نەوتی عیراق بە ئاژانسی رۆیتەرزی راگەیاند، هەناردەكردنی نەوت بەردەوامە و هیچ كێشەیەكی بۆ دروست نەبووە و هەناردەكردنی نەوتی هەرێمی كوردستان لە ئێستادا گەیشتوەتە 195 هەزار و هەندێكجاریش دەگاتە 200 هەزار بەرمیل نەوت لە رۆژێكدا.
دەشڵێت، ئەو ئاگرەی رۆژی یەكشەممە لە كێڵگەی زوبێر لە بەسرە كەوتەوە كاریگەری لەسەر هەناردەكردنی نەوت دروستنەكردووە.
وتیشی، عیراق بە نیازە لەگەڵ رێكخراوی ئۆپێك گفتوگۆ بكات بۆ بەرزكردنەوەی ئاستی بەرهەمهێنان، چونكە پلانی زیادكردنی توانای بەرهەمهێنانی هەیە بۆ زیاتر لە شەش ملیۆن بەرمیل نەوتی رۆژانە تا ساڵی 2029.
سبەینێ لە کەلار پڕۆسەی دابەشکردنی نەوتی سپی دەستپێدەکات و هەر خێزانێکیش بڕی 200 لیتر نەوتی پێدەدرێت بەنرخی 104 هەزار دینار.
قائیمقامییەتی قەزای کەلار بڵاویکردەوە، سبەینێ پرۆسەی دابەشکردنی نەوتی سپی ماڵان دەست پێدەکات، هەروەها هەموو ئەو هاووڵاتیانەی فۆڕمی خۆراکیان لەسەر کەلارە نەوت وەردەگرن.
ئەوەشی خستەڕوو، بڕی نەوتی دابەشکراو بۆ هەر خێزانێک (200) لیترە بە نرخی (104) هەزار دینارە.
قائیمقامییەتی کەلار راشیگەیاندووە، پێویستە هاووڵاتیان ئەم بەڵگەنامانەیان پێبێت: (کۆپی رەنگاوڕەنگی کارتی نیشتمانی و فۆرمی خۆراک کە هەردووکیان لەسەر یەک لاپەڕە بن).
ئاماژەی بەوەشکردووە، هاووڵاتیان دەتوانن سەردانی ئەم بەنزینخانانە بکەن بۆ وەرگرتنی بەشە نەوتی خۆیان:
بەنزینخانەی کەیوان
بەنزینخانەی شیروانە
بەنزینخانەی بریان
بەنزینخانەی دریم
بەنزینخانەی ڕاما
بەنزینخانەی ئاسۆ (لە قەزای ڕزگاری)
بەڕێوەبەرایەتی نەوت وکانزاکانی هەڵەبجە بڵاویکردوەتەوە، سبەینێ لەسەنتەری پارێزگاکە دەست بەدابەشکرد نەوتی سپی دەکەن بەسەر هاووڵاتییاندا و ئەوەشیان خستوەتە روو دابەشکردنەکە کۆڵان بەکۆڵان دەبێت و بۆ وەرگرتنیشی کارتی نەوتی پێویستە.
ئەمڕۆ دووشەممە، بەڕێوەبەرایەتی نەوت وکانزاکانی هەڵەبجە راگەیەندراوێکی بڵاوکردوەتەوە وتێێدا هاتووە؛سبەینێ دابەشکردنی نەوت لە سەنتەری پارێزگای هەڵەبجە دەست پێ دەکات، وەدابەشکردن بەردەوام دەبێت تا تەواوی هاووڵاتیان بە شە نەوتی خۆیان وەردەگرن .
ئاماژەیان بەوەشکردوە؛ دابەشکردنەکە گەرەک بە گەڕەک دەبێت و هاوڵاتییان لە گەريکەکانی خۆیان نەوت وەردەگرن و سەرەتاش لە گەڕەکی شارەوانییەوە دەستپێدەکەن.
بۆ وەرگرتنینەوتەکەش پێوستە هەر خێزانێک کارتی زیرەکی نەوتی پێبێت و لە بەرامبەر 200 لیتر نەوتی سپی 104 هەزار دیناریان لێوەردەگیرێت.
قوباد تاڵەبانی لە میانی سەردان و کۆبونەوەکانی لە قەزای رواندز رایگەیاند، هەموان دەزانن لەو شوێنانەی یەکێتی باڵادەست بووە، رێگەی نەداوە جیاوازی لە نێوان هاووڵاتییاندا بکرێت لەسەر هەڵوێستی سیاسی و ئاماژەی بەوەشکردوە؛ ئەم یەکێتییە ئێستا غەدر قبوڵ ناکات.
قوباد تاڵەبانی بڵاویکردوەتەوە؛ هەمووان باش دەزانن لە شوێنانەی یەکێتی باڵادەستە، قەت رێگەی نەداوە و رێگەش نادات لە هیچ فەرمانگە و دامەزراوەیەک جیاوازی لەنێوان هاووڵاتییاندا بکرێت لەسەر ئینتیمای حیزبی و هەڵوێستی سیاسی.
ئاماژەی بەوەشکردوە؛ لە بەرانبەردا هەمووان دەزانن کە لە شوێنەکانی دیکە چۆن غەدر لە یەکێتییەکان و لایەنەکانی دیکەش دەکرێت.
قوباد تاڵەبانی دەشڵێت؛ لەگەڵ هەڤاڵانی بازنەی شارە جوانەکەی رواندز رایگەیاند؛ ئەم یەکێتییەی ئێستا غەدر قبوڵ ناکات و لەسەر هەر غەدر و ناحەقییەک بەرانبەر بە هەڤاڵەکانی بکرێت دێنە وەڵام و کاردانەوەیان دەبێت.
جەختیشیکردوەتەوە، ئەوان وەک یەکێتی پێیان وایە، ئەگەر نەتوانن هەڤاڵ و ئەندامەکانی خۆیان بپارێزن، ناشتوانن نوێنەرێکی شایستەی خەڵکی کوردستان بن و داکۆکی لە مافە رەواکانی خەڵکی کوردستان بکەن.
بافڵ جەلال تاڵەبانی، سەرۆکی یەکێتیی نیشتمانیی کوردستان لە سلێمانی لەگەڵ رەفعەت عەبدوڵا، جێگری سەرۆکی یەکێتی کۆبووەوە.
لە کۆبوونەوەکەدا هەنگاوەکانی بانگەشەی هەڵبژاردنی یەکێتی و سەرخستنی لیستی 222 تاوتوێکرا و سوپاس و پێزانینی بێپایان ئاڕاستەی کۆمەڵانی خەڵک و چین و توێژەکان کرا لە بەرامبەر بەشداریی کارایان لە کەرنەڤاڵەکاندا.
هەر لە کۆبوونەوەکەدا دەستخۆشی و پێزانین ئاڕاستەی سەرجەم هەڤاڵانی یەکێتی لە بازنە و ئۆرگانەکان کرا کە خەمخۆرانە و وەفادارانە بۆ رێبازی سەرۆک مام جەلال و خزمەتکردنی زیاتری خەڵک لە ئەرکدان، هەروەها تەواوی هەڤاڵانیش راسپێردران بەرنامە و کارەکانیان زیاتر بخەنە خزمەتی گشتی.
بافڵ جەلال تاڵەبانی رایگەیاند، هەر بەڵێنێکمان بەخەڵکە خۆشەویستەکەی خۆمان دابێت جێبەجێی دەکەین، چونکە یەکێتی هێزی جێبەجێکردنی بەڵێنەکان و بەدیهێنانی خواستی هاونیشتمانییانە.
قوباد تاڵەبانی رایگەیاند، یەکێتیی نیشتمانیی کوردستان لەژێر سەرۆکایەتیی بافڵ تاڵەبانیدا پێداچوونەوەیەکی گەورەی بەخۆیدا کردووەتەوە و ئێستا سەرکردایەتییەکەی "زیاتر لەهەر کاتێکی تر یەکدەنگ و یەکهەڵوێستە" و سیاسەتەکانی رەنگدانەوەی ویستی جەماوەرەکەیەتی.
لە کۆبوونەوەی لەگەڵ بازنەکانی هەریر و خەلیفان، قوباد تاڵەبانی دانی بەوەدا نا کە تا چەند ساڵێک لەمەوبەر، جەماوەر و کادرانی یەکێتی "بە حەق گلەیی و رەخنەیان لە حیزبەکەیان هەبوو."
رونیکردەوە: "ئەیانوت بۆچی سەرکردایەتییەکەی یەکدەنگ و یەکهەڵوێست نییە، ئەیانوت بۆچی ئەو سەرکردایەتییە لە جەماوەرەکەی دوورکەوتووەتەوە."
تاڵەبانی جەختی کردەوە کە لەم چەند ساڵەی دواییدا، لەژێر رۆشنایی رەخنەی جەماوەردا، یەکێتی پێداچوونەوەیەکی گەورەی بەخۆیدا کردووەتەوە و وتی: "قەت سەرکردایەتیی یەکێتی وەک ئێستا یەکدەنگ و یەكهەڵوێست نەبووە. ئێستا سیاسەت و بڕیاری یەکێتی رێک بڕیار و هەڵوێستی کادران و جەماوەرەکەیەتی."
ناوبراو دووپاتیکردەوە کە ئەمە کۆتایی پرۆسەکە نییە و وتی: "هەر بەمەش ناوەستین، بڕیاری کاک بافڵ و سەرکردایەتییە کە پێداچوونەوەی زیاتر بە رێکخستنەکاندا دەکرێت بۆ ئەوەی دەرفەتی هیچ بۆشاییەک نەمێنێت و هەمووان هەست بە کاریگەریی خۆیان بکەن."
لە کۆتاییدا، قوباد تاڵەبانی وتی: "یەکێتی بڕیاری داوە حیزبی خەڵک بێت و خەڵک لە کوێ بێت، یەکێتی لەوێ دەبێت."
بڕیارە سبەی سێشەممە، بافڵ جەلال تاڵەبانی، سەرۆکی یەکێتیی نیشتمانیی کوردستان، لە کەرنەڤاڵێکی جەماوەریی فراواندا لە شاری کەرکوک وتارێکی گرنگ پێشکەش بکات.
کاروان گەزنەیی، وتەبێژی یەکێتیی نیشتمانیی کوردستان، لە راگەیەندراوێکدا بڵاویکردەوە، کەرنەڤاڵەکە بۆ پشتیوانیکردن لە لیستی ژمارە (٢٢٢)ی یەکێتی بۆ هەڵبژاردنەکان لەژێر دروشمی "هێزی تۆین لە بەغداد" بەڕێوەدەچێت.
بەپێی راگەیەندراوەکە، چالاکییەکە کاتژمێر ٢ی پاشنیوەڕۆی رۆژی سێشەممە، رێکەوتی 28ی تشرینی یەکەمی 2025، لە بارەگای مەکتەبی سیاسیی یەکێتی لە شاری کەرکوک بەڕێوەدەچێت و تێیدا سەرۆکی یەکێتی وتارەکەی پێشکەش دەکات.
قوباد تاڵەبانی، لە پەیامێکدا رایگەیاند کە دابەشبوونی دەنگی ناڕازیی هاووڵاتیان تەنها لە بەرژەوەندیی پارتی دیموکراتی کوردستاندا بووە، و داوای لێکردن لەبری پەرتەوازەبوون، دەنگ بدەن بە یەکێتی بۆ ئەوەی هێزێکی گەورە دروست ببێت کە کۆتایی بە پەراوێزخستن و نادادپەروەری بهێنێت.
قوباد تاڵەبانی لە پەیامەکەیدا کە لە پەیجی تایبەتیی خۆی لە فەیسبووک بڵاویکردووەتەوە، دانی بەوەدا ناوە کە "رێژەیەکی گەورەی خەڵک ناڕازین لە شێوازی ئیدارەدان و حکومڕانی، ناڕازین لەبەر پەراوێزخران و نادادپەروەری."
ئاماژەی بەوەشکردووە کە زۆرینەی ئەم خەڵکە لە رابردوودا بنکەی جەماوەریی یەکێتی بوون، بەڵام بەشێکیان بەهۆی "خەمساردی و بێ بەرنامەیی و ناکۆکی ناوخۆیی" یەکێتییەوە هیوابڕاو بوون.
تاڵەبانی رونیکردووەتەوە کە "ئەم دابەشبوونەی خەڵکی ناڕازی تەنها لە بەرژەوەندیی پارتیدا بووە، چونکە پارتی نایەوێت هێزێکی گەورە لە بەرامبەر خۆیدا ببینێت و ستۆپی پێ بکات و پێی بڵێت رێگە نادەم خەڵک لەبەر هەڵوێستیان پەراوێز بخرێن."
قوباد تاڵەبانی لە کۆبوونەوەکەیدا لەگەڵ هەڤاڵانی بازنەکانی هیران و باسرمە جەختی کردەوە کە ئەگەر پێشتر لە یەکێتی ناڕازی بوون، "ئێستا یەکێتی هێزێکی تۆکمە و خاوەن بەرنامەیە" و سازش لەسەر داواکارییەکانی خەڵک ناکات.
لە کۆتاییدا، قوباد تاڵەبانی پرسیارێکی ئاراستەی خەڵکی ناڕازی کردووە: "ئایا باشتر نییە لە جیاتی دابەشبوون یان بەشدارینەکردن لە هەڵبژاردن، بە دەنگی خۆیان ئەو حیزبە بەهێزتر بکەن کە هێزی پێویستی هەیە لە کوردستان کۆتایی بە پەراوێزخستن بهێنێت و لە بەغداش کێشەکان چارەسەر بکات؟"
دادگای تاوانەکانی سلێمانی، ئەمڕۆ دووشەممە، سزای لەسێدارەدانی بۆ دوو تۆمەتبار دەرکرد کە لە ساڵی 2024دا لە کاتی ئەرکدا کارمەندێکی پۆلیسیان بە ناوی رزگار ئەحمەد حەسەن شەهید کردبوو.
بەپێی راگەیەندراوێکی بەڕێوەبەرایەتیی پۆلیسی پارێزگای سلێمانی، شەوی 21ی کانوونی دووەمی 2024، مەفرەزەیەکی بەشی پۆلیسی نەهێشتنی تاوان بەمەبەستی دەستگیرکردنی تاوانبارێک بە ناوی (ر،ح، ق) کە فەرمانی دەستگیرکردنی هەبوو، دەرچوون.
پۆلیس رایگەیاندووە، "دوای روبەروبوونەوەیەکی قورس، تاوانباری ناوبراو دەستگیرکرا، بەڵام لەلایەن تاوانبارێکی ترەوە بە ناوی (ژ، س، ح) تەقە لە مەفرەزەکەی پۆلیس کرا."
لە ئەنجامی تەقەکردنەکەدا، کارمەندی پۆلیس (رزگار ئەحمەد حەسەن) شەهید بوو و ئەفسەرێکی دیکەی هەمان بەش بریندار بوو. دواتر تاوانباری دووەم (ژ، س، ح) کە هەڵاتبوو، دوای ماوەیەکی کەم دەستگیرکرا.
وردەکاریی بڕیارەکەی دادگا
ئەمڕۆ دووشەممە، دادگای تاوانەکانی 3ی سلێمانی، دوای تەواوبوونی رێکارە یاساییەکان، سزای لەسێدارەدانی بۆ هەردوو تاوانبار (ژ، س، ح) و (ر،ح، ق) دەرکرد.
ژیاننامەی شەهید رزگار:
شەهید رزگار ئەحمەد حەسەن لە ساڵی 1980 لە ناوچەی گەرمیان لە خێزانێکی نیشتمانپەروەر لەدایکبووە و یازدەیەمین شەهیدی خانەوادەکەیەتی. لە ساڵی 1996ـەوە پەیوەندیی بە هێزی پێشمەرگەی کوردستانەوە کردووە و دواتر گواستراوەتەوە بۆ هێزەکانی پۆلیس. بۆ ماوەی 11 ساڵ تا کاتی شەهیدبوونی، لە بەشی پۆلیسی نەهێشتنی تاوانی سلێمانی لە ئەرکدا بووە و بە پۆلیسێکی دڵسۆز و چالاک ناسرابوو.