لە ٢٢ ھەمین ساڵڕۆژی دواماڵئاوایی ئیبراھیم ئەحمەد، شاناز ئیبراھیم ئەحمەد وتارێکی پێشکەشکرد و رایگەیاند چاپکردنی بەرھەمە فیکری و نووسینەکانی مامۆستا تەواو بوون.

شاناز ئیبراھیم ئەحمەد وتیشی، مامۆستا ئیبراھیم ئەحمەد لە ساڵی ١٩٣٧ نووسینێکی لەسەر مافی کورد بڵاو کردەوە، بەڵام دوای زیاتر لە ٨٠ ساڵ لەو نووسینە لە بەغداد شەڕ لەسەر کاری لاوەکی دەکرێت.

شاناز ئیبراھیم ئەحمەد راشیگەیاند، ئێستاش ھەمان ھاواری بێدادی و بێمافی وەک رابردوو ھەیە، جاران نارەزایی بەرامبەر بە حوکمی مەرکەزی بوو بەڵام ئێستا لە ناوخۆدا ھەیە بەتایبەتی گەمارۆکانی سەر سلێمانی.

حەیف لە جێگەی ئەوەی بە سەرفرازی بڵێین کە کوردم و کوردستانیم بەرژەوەندی تەسک بە وانیتردا ھەڵیواسیون.

وتیشی، مامۆستا خەباتی بۆ ئازادی و خۆشبەختی خەڵک دەکرد، پاراستنی دەستکەوتنەکان لە ئەستۆی ھەمووماندایە.

خەڵاتی زیڕینی "بلە" کە نازناوی رۆشنبیر و سیاسەتمەداری کۆچکردوو ئیبراھیم ئەحمەدە، ساڵانە بە کەسایەتییە نمونەییەکانی بوارە جیاوازەکان دەبەخشرێت.

ڕێوڕەسمەکە لە ھۆڵی تەلاری ھونەر لە شاری سلێمانی بەڕێوەدەچێت و  ٢٢ ھەمین ساڵڕۆژی دواماڵئاوایی ئیبراھیم ئەحمەدە.

لە راگەیەندروێکی بەڕێوبەرایەتی گشتی دژەتیرۆر ھاتووە، ئۆپەراسیۆنێکیان لە دژی داعش دەستپێکردووە و "ئامانج لە ئەنجامدانی ئۆپراسیۆنەکە، بنبڕکردنی تیرۆرستانی داعشە لە سنورەکە و کۆتایھێنان بە جموجوڵەکانیانە."

دژە تیرۆر دەشڵێت لەماوەی ڕابردوودا چەکدارانی داعش بەشێوەی مەفرەزە بینراون و ھەوڵیانداوە کردەوەی تیرۆرستی ئەنجام بدەن.

راشیگەیاند "ئۆپراسیۆنەکان لە دوو میحوەرەوە دەستپێکردوە میحوەری یەکەم لە کفری ، سلێمان بەگ، خورماتوو و میحوەری دووەم ناوچەی داوێ و گوندەکانی بناری غەڕە دەگرێتەوە، ئەوەش بۆ بنبڕکردنی مۆڵگەکانی داعش لە سنورەکەدا."

خەڵاتی زێڕینی بلە پێشکەش کرا بە (بەدیعە دارتاش، سەڵاحەدین دەمیرتاش، د. سەعد بەشیر ئەسکەندەر، مۆزەخانەی ئەمنە سوورەکە، جەمیلە جەلیل، نەسرین محەممەد عەبدوڵا، شەھرامی نازری و سەڵاحی ئاشتی.)

 لە ڕاگەیاندراوێکدا سەڵاحەدین دەمیرتاش وتی بە رەحمەت و منتەوە یادی زۆر بەڕێز ئیبراھیم ئەحمەد دەکەمەوە و بە شایستە بینینم بۆ خەڵاتی مامۆستا ئیبراھیم شانازییەکی گەورەیە.

دەمیرتاش وتیشی سوپاسی خۆم پێشکەشی بە کارمەندانی دەزگای ئیبراھیم فاوندەیشن دەکەم و ئەم خەڵاتە بەرپرسیارێتی و ئەرکی منی بەرامبەر گەلەکەم زیاتر کرد و ھەوڵ دەدەم شایستەی ئەمە بم.

خەڵاتی زیڕینی بلە، کە نازناوی رۆشنبیر و سیاسەتمەداری کۆچکردوو ئیبراھیم ئەحمەدە، ساڵانە بە کەسایەتییە نمونەییەکانی بوارە جیاوازەکان دەبەخشرێت.

ڕێوڕەسمەکە لە ھۆڵی تەلاری ھونەر لە شاری سلێمانی بەڕێوەچوو و  ٢٢ ھەمین ساڵڕۆژی دواماڵئاوایی ئیبراھیم ئەحمەدە.

كورتەیەك لە ژیانی ئیبراهیم ئەحمەد 1914-2000: 

ئیبراهیم ئەحمەد فەتاحزادە مستەفا، بە چەند ناوێكی تریش (بلە - برایم ئەحمەد) ناسراوە. 6/3/1914 لە سلێمانی لەدایك بووە. باوكی دۆستێكی نزیكی شێخ مەحموود بووە. ڕەمزی مامی، ئەفسەری سوپای عوسمانی بووە و كاتی دامەزراندنی حكوومەتەكەی شێخ مەحموود، گەڕاوەتەوە بۆ سلێمانی و وەك ئەفسەرێكی ڕووناكبیر و بەئەزموون بەشداری ئەو خەباتەی كردووە.
 
ئیبراهیم، خراوەتە حوجرە و پاشان قوتابخانە ‌و تا پۆلی دووەمی ناوەندیی لە سلێمانی ‌و پۆلەكانی سێیەمی ناوەندی ‌و دوو پۆلی لقی ئەدەبیی ئامادەیی ‌و كۆلیجی حقووقی (1937) لە بەغدا تەواو كردووە، مامە ڕەمزیی زۆر كاری تێ‌ كردووە و لە خوێندنیشدا هاوكاری سەرەكیی بووە.

لە زانكۆی بەغدا (هەمزە عەبدوڵڵا)ی ناسیوە و ساڵی 1937 بە هاوكاریی ئەو، نامیلكەی (العرب والاكراد)یان بە عەرەبی بڵاو كردووەتەوە، بە شێوەیەك باسی مافی نەتەوەكانی عێراقی كردووە، شایەنی وەرگرتن و تێگەیشتن بێت، چەند بابەتێكیشی وروژاندووە، كە لە سەردەمەكەیدا سەركێشی بوون و باسی مافی چارەی خۆنووسینی كوردیشی تێدا كراوە، ئەمەش هەرایەكی زۆری ناوەتەوە و قەدەغە كراوە و هەردووكیان دراونەتە دادگا.

لەگەڵ چەند هاوڕێیەكیدا، سەرەتای ساڵانی سی، كۆمەڵی (لاوانی كورد)یان لە بەغدا پێك هێناوە و دوو گۆڤاری (یادگاری لاوان) ‌و (دیاریی لاوان)یان دەركردووە. تەمەنی هەژدە ساڵ بووە، كە لە ڕۆژنامەی (ژیان)دا كاری كردووە و هاوڕێی نزیكی فایەق بێكەس و گۆران بووە.

ساڵی 1939 بە پشتیوانیی كوردێكی فەیلی (محەممەد باشقە 1890-1980) مۆڵەتی گۆڤاری (گەلاوێژ)ی وەرگرتووە، سەرەتا زۆربەی كاروباری گۆڤارەكەی بە تەنها ڕاپەڕاندووە. 1942 ناچار كراوە وەك حاكم لە شاری هەولێر دابمەزرێ‌ و ئەوەندەی پێ‌ نەچووە گوازراوەتەوە بۆ هەڵەبجە، پەیوەندیی بەهێزی لەگەڵ ڕووناكبیرانی ئەو دوو شارەدا هەبووە. كاتێك میری تەنگی پێ‌ هەڵچنیوە، ناچار ئابی 1944 وازی لە حاكمی هێناوە و هاتووەتەوە بۆ سلێمانی و كاری پارێزەری كردووە. 

(عەلائەدین سەجادی 1915-1984) هاوكاری سەرەكیی گۆڤارەكە بووە و تا 1949 بەردەوام بووە ‌و 118 ژمارەی بە 105 بەرگ لێ‌ بڵاو بووەتەوە. 1947 وەك سەركردەیەكی دیاری پارتی دەركەوتووە و لە 1949ـەوە، نزیكی دوو ساڵ زیندانی كراوە، بە بیانووی ئەوەی خاوەنی گۆڤارەكە (زیندانی)یە، ئیتر ڕاگیراوە.
لە 1944ـەوە لەگەڵ چەند تێكۆشەرێكی تردا كۆمەڵەی (ژ.ك)یان دامەزراندووە و ئەمیش وەك لێپرسراوی لقەكە هەڵبژێراوە. توانیویانە لە زۆربەی كوردستاندا، لقی بەهێز بۆ (ژ.ك) ‌و پاشان بۆ (حدك) دروست بكەن.

كاتێك بۆ یەكەمین كۆنگرەی پارتی بانگ كراوە، حەزی نەكردووە بچێتە ڕیزەكانی پارتی ‌و لقی (ژ.ك) هەڵبوەشێنێتەوە، كە (حیزبی دیموكراتی كوردستان) لەسەر بنەماكانی (ژ.ك) دامەزراوە، ئەوانیش لقەكەی خۆیان كردووەتە قوربانی ئەو پارتە سیاسییە و دواتر چوونەتەوە ڕیزی (پارتی دیموكراتی كورد- عێراق) و هەندێكیشیان چوونەتە ناو (حشع) و پاشان، كراوەتەوە بە لێپرسراوی لقی سلێمانیی پارتی. 

دوای ئازادبوونی و سەرەتای مارتی 1951، بەشداریی دووەم كۆنگرەی پارتی كردووە لە بەغدا، بۆچوونی زۆربەی ئەندامانی كۆنگرەی یەكخستووە، بە كۆی دەنگ وەك سكرتێری گشتیی پارتی هەڵبژێرراوە. بە پێشنیازی ئەویش، كۆنگرە ناوی پارتی گۆڕیوە ‌و بەرنامەی پێشووی بەلاوە ناوە و بڕیاری داوە پڕۆگرامێكی نوێ‌ و پێشكەوتووخوازی چەپتری هەبێت. لەم كاتەدا، بە خەرجی خۆی ڕۆنیۆیەك و تایپێكی بۆ پارتی كڕیوە. 

ئەو ڕێبازە نوێیەی پارتی، بووەتە هۆی نزیكبوونەوە لە (حیزبی دیموكراتی كوردستانی ئێران)، لە عێراقیشدا لەگەڵ (حزب وحدە الشیوعیین) و (حیزبی نیشتمانیی دیموكراتی) و (حیزبی شیوعیی عێراق)دا، پەیوەندیی هاوخەباتی بەستووە، بە تایبەت دوای ئەوەی (حشع) دان بە مافی چارەی خۆنووسینی گەلی كورددا ناوە، كە ئامانجێكی سەرەكیی ئەم بووە و پاشان لە پڕۆگرامی پارتیشدا جێی كردووەتەوە. 

نێوانی لەگەڵ قازی محەممەددا هەبووە و پێشەوا بە (بیلە- بیلبیلەی چاو) ناوی بردووە، ئەمیش بە (شینی پێشەوا) سۆزی بۆ لەسێدارەدانی دەربڕیوە. خەمخۆری كوردانی پارچەكانی تری كوردستان بووە، ئەو كاتەی سكرتێری گشتیی پارتی بووە، هەندێ‌ ئەندامی پارتی بۆ توركیا ناردووە، لە پێناوی خوێندن و دۆزینەوەی كەسانی كوردپەروەر و چەپڕەودا، لەو سەردەمەشدا پێشوازی لە د.قاسملو كردووە و هاوكاریی نێوانی پارتی ‌و (حدكا)ی خۆشتر كردووە. 

لە كۆنگرەی سێیەمدا، كە بە ڕێبەری خۆی لە كەركووك (26-27ی كانوونی دووەمی 1953) بەستراوە، پێڕەو و پڕۆگرامی نوێی بۆ پارتی داڕشتووە و بەرەو خەباتی هەموو چین و توێژەكانی بردووە، هەروەها پێشنیازی دامەزراندنی (یەكێتی)ی قوتابیان ‌و لاوان ‌و ژنانی كوردستانی كردووە و بە ڕێنوێنیی ئەم هەرسێكیان دامەزراون. نووسینگەی داكۆكیكردنیان لە پێناوی خەباتی چیانیەتیدا كردووەتەوە، بە كردەوەش بەرگرییان لە جووتیاران كردووە، لەم خەباتەدا، م.برایم ساڵی 1954 كراوەتە ئامانجی ئاغایەك و بە خەستی بریندار كراوە.

ساڵی 1954 ڕۆڵی سەركەوتووی لە یەكخستنی (حشع)دا هەبووە، هەمان ساڵ و دوای هاتنە سەركاری نووری سەعید، ماوەیەك خۆی شاردووەتەوە و بە نهێنی خەباتی كردووە. ساڵی 1955 بە پێشنیازی ئەم و بۆ یەكەم جار، چەند خوێندكارێكی كورد (كە سەرۆكی وەفدەكە مام جەلال بووە)، نێردراونەتە فێستیڤاڵی لاوان ‌و خوێندكارانی جیهان لە وارشۆ، یەكێك لە ئەركەكانیان پەیوەندیكردن بووە بە (مەلا مستەفای بارزان) لە سۆڤێت و سەركەوتوو بوون.

ساڵی 1956، بە هەوڵی ئەم، باڵەكانی پارتی یەكخراونەتەوە و (پ.د.ی.ك) دروست بووە. ساڵی 1957 ویستوویەتی سەر لە جەمال عەبدولناسر بدات. 16ی تەمووزی 1958 كۆمیتەی ناوەندی (پ.د.ك) كۆبوونەتەوە و لەسەر پێشنیازی ئەم، بڵاوكراوەیەكیان دەركردووە و پشتگیرییان بۆ شۆڕشەكە نواندووە. 

لە پێناوی چەسپاندنی مافەكانی گەلی كورد لە دەستووری كاتیدا، 27ی تەمووز بە سەرۆكایەتیی م.برایم و نوێنەری شارەكانی كوردستان، سەریان لە بەغدا داوە. هەوڵی زۆریان داوە ئۆتۆنۆمی بخەنە دەستووری كاتییەوە، سەركەوتوو نەبوون و توانراوە بڕگەی (كورد و عەرەب هاوبەشن لە نیشتماندا...) بخرێتە دەستوورەكەوە. دیداری بارزانی لەگەڵ جەمال عەبدولناسردا ڕێك خستووە، كە سەرئێشەیەكی زۆری بۆ م.برایم دروست كردووە بە تایبەت لای عەبدولكەریم قاسم.

ڕەزامەندیی ڕۆژنامەی (خەبات) وەرگرتووە و یەكەم ژمارەی لە 4/4/1959 دەرچووە، كە بڵاوكراوەیەكی ڕۆژانەی پڕ تیراژی پێشكەوتووخواز بووە. زۆربەی سەروتارەكان خۆی نووسیونی و سەرپەرشتی هەموو بەشەكانی كردووە، پەیداكردنی چاپخانەكەش، هەر بە دەستپێشكەری و كۆششی ئەم بووە. دواتر ئیمتیازی (خەبات)ی داوە بە پارتی و مۆڵەتی ڕۆژنامەی (كوردستان)ی وەرگرتووە و (مام جەلال تاڵەبانی) كردووەتە سەرنووسەری، كە تەنها پێنج ژمارەی لێ‌ دەرچووە.

وەك سەركردەیەكی خەباتی شاخ بەشداری لە شۆڕشی ئەیلوولی 1961دا كردووە، تا 1964 كە بە ناوی (باڵی مەكتەبی سیاسی) لە پارتی جیابوونەتەوە، ناكۆكییەكە تا 1971 بەردەوام بووە و ئەوسا بوونەتەوە بە پشتگیری شۆڕش. 

پاش 1975 لە لەندەن نیشتەجێ‌ بووە. چالاكییەكانی دە ساڵی دوایی تەمەنی، لە پێناوی چالاكیی كوردستانی گەورەدا تەرخان كردووە و گۆڤاری (چریكەی كوردستان)یان دەركردووە. ئێوارەی 8/4/2000 لە لەندەن كۆچی دوایی كردووە و لە (گردی سەلیم بەگ) نێژراوە.

ئیبراهیم ئەحمەد بە دیارترین كەسایەتیی سیاسیی قۆناغی دوای شێخ مەحموودی حەفید دادەنرێت، بە تایبەت لە نیوەی یەكەمی سەدەی بیستدا. لە بواری نووسیندا، سەرەتا وەك ڕۆمانتیكێكی شۆڕشگێر دەركەوتووە، دواتر چووەتە سەر ڕێبازی ڕیالیزم، ئەوسا وەك پەخشاننووسێكی كارامە دەركەوتووە. شاعیر و كوردیزانێكی باش بووە و چەندین داهێنانی لە وشەسازیی كوردیدا كردووە. 

لە ڕۆمان و چیرۆكنووسیندا پێشەنگی سەردەمەكەی بووە، كوێرەوەری و ژانی گەل و دوا تیری كەوان، بە شاكاری ئەو قۆناغە داەنرێن. تا ساڵی 2010 نزیك بە 26 كتێب و سیپارەی چاپكراوی هەیە (ڕۆمان، كورتە چیرۆك، وەرگێڕان، شیعر و پەخشان، مێژوو، زمانەوانی و ڕۆژنامەگەری... هەندێكیان چەند جارێك چاپ كراونەتەوە)، 17 كتێب لەبارەی ژیان و بەرهەمەكانی و لە 26 كتێبیشدا، بابەتی لەبارەوە نووسراوە. 

ساڵی 2001 ڕێكخراوی (ئیبراهیم ئەحمەد) دامەزراوە، كە ساڵانە (خەڵاتی بلە) پێشكەش بە كەسایەتییە دیار و سەركەوتووەكان دەكات. ساڵی 2007 (جەمیل ڕۆستەمی) كاری دەرهێنانی بۆ ڕۆمانی (ژانی گەل) كردووە و لە لایەن (كۆمپانیای سولی فیلم)ـەوە بەرهەم هێنراوە.

ئیبراھیم ئەحمەد لەتەمەنی 86 ساڵیدا لە کاتژمێر 5ی ئێوارەی ڕۆژی 8ی نیسانی 2000 لە لەندەن کۆچی دواییکرد و تەرمەکەی گوێزرایەوە بۆ‌ سلێمانی و ھەر لەو شارەش به‌خاك سپێردرا.

لە ڕاگەیەندراوی کۆبوونەوەی نێوان بافڵ جەلال تاڵەبانی و باڵیۆزی ڕووسیادا ھاتووە " بافڵ جەلال تاڵەبانی ھەڵوێستی خۆی سەبارەت بەو دۆخە سیاسییە چەقبەستووەی لە عێراق دروستبووە راگەیاند و وتی، لەسەرەتاوە یەکێتی لەگەڵ لێکتێگەیشتن و تەوافوقی سیاسیی بووە."

‏‎بافڵ جەلال تاڵەبانی وتیشی دۆخی ئەمڕۆی عێراق بەجۆرێکە کە نابێت ھیچ ھێز و لایەنێک پەراوێز بخرێن.

ڕاشیگەیاند، ناکرێت بەناوی زۆرینەوە وڵات بەرەو ئاقارێکی خراپ ببرێت و ھەموو ھەوڵێکیش لە دەرەوەی ئەم ئیرادە نیشتمانییە بێئەنجام دەبێت.

‏‎بافڵ جەلال تاڵەبانی ئاماژەی بەوەشکرد تاوەکو ئێستاش کات ماوە بۆ گفتوگۆ، دەبێت لەسەر بنەمای دەستوور و ھاوبەشیی راستەقینە کێشەکان چارەسەر بکەین و حکومەتێکی خزمەتگوزار پێکبھێنین کە وڵات بەرەو سەقامگیری سیاسی، ئابووری و کۆمەڵایەتی ببات.
‏‎ھەر لە دیدارەکەدا جەخت لە پەرەپێدانی پەیوەندییە سیاسی و ئابوورییەکان کرایەوە بەجۆرێک کە خزمەت بە بەرژەوەندییە باڵاکانی ھەردوولا بکات.

قوباد تاڵەبانی لە ڕێوڕەسمەکەدا ھیچ وتارێکی پێشکەش نەکرد، بەڵام لەدوای بەخشینی خەڵاتەکان، لە پەڕەی فەرمی خۆی لە ئینستاگرام شعرێکی مامۆستا ئیبراھیم ئەحمەدی بڵاوکردەوە و دەڵێت " ئەزانم چەن دوژمنی زۆردارو، خوێنە خۆر رێم لێ ئەگرن."

دەقی شیعرەکەی مامۆستا ئیبراھیم ئەحمەد کە لەلایەن قوباد تاڵەبانی بڵاوکراوەتەوە:

ماندوم و رێگاکەم دورە

برسیم و دوژمنەکانم تێرن

روتم وئەوان پۆشتەن

بێھێزم ئەوان بەدەسەڵاتن

من دەست وپێ بەستراوم و ئەوان بەڕەڵان

لەگەڵ ئەمەشا بەویستێکی نەگۆرو

گیانێکی نەبەزو زاتێکی مەردانەوە

ئەرۆم بەرەو روناکی

ئەزانم زۆر چاک ئەزانم

چ رێیەکی سەختم لەبەرە

ئەزانم زۆۆر چاک ئەزانم

چ دەردو ئازارو ئەرکێکم لەسەرە

ئەزانم چەن دوژمنی زۆردارو

خوێنە خۆر رێم لێ ئەگرن

بەڵام نەسەختی رێگە

نە سامی تاریکی بێ پایانی

دەورو پشتم نەزۆریو

زۆرداری دوژمن

ئەوەندەی تۆزێک کار ناکەنە

دڵـم سەرێکەو ھێناومەو

نایگێرمەوە ئەرۆم بەبێ ترس

بەرەو روناکی...

ئیبراھیم ئەحمەد

سامان نادر، بەرپرسی بەشی فریاکەوتنی خێرای سلێمانی بە کوردسات نیوزی ڕاگەیاند بریندارەکان گواستراونەتەوە بۆ نەخۆشخانەی شار، بەڵام یەکێک لە قوربانییەکان بەر لەوەی بگات بە نەخۆشخانە گیانی لەدەستداوە.

عەمید ئاسۆ، بەڕێوەبەری پۆلیسی سلێمانی بە کوردسات نیوزی ڕاگەیاند، ٤ تۆمەتبار لەسەر رووداوی تەقەکردنەکە دەستگیرکراون و شەڕەکە لەنێوان دوو بنەماڵە لەسەر کێشەی زەوی و زار ڕوویداوە.

سەرچاوە ئەمنییەکان وتیشیان شەڕەکە لەنێوان زیاتر لە چوار کەس ڕوویداوە و لە ھەردوو بەری شەقامی مەلیک مەحمود تەقە کراوە.

ئاشتی عەبدوڵا بەرپرسی بەشی جێندەر لەنووسینگەی جێگری سەرۆک وەزیران رایگەیاند، ھێزە ئەمنییەکانی ھەرێمی کوردستان شەوی رابردوو ئەو تۆمەتبارەیان دەستگیرکرد کە ١٢ چەقۆی لەھاوسەرەکەی دا و ھەڵھاتبوو.

ئەوەش لەکاتێکدایە لە چەند ڕۆژی رابردوودا قوباد تاڵەبانی لەپەیامێکیدا، وتی،" دەمەوێت قسەیەک لەدڵەوە بەژنکوژەکان بڵێم، بەڵێن بێت تا ئەو کاتەی لەم پۆستەمدا بم و لەھەر شوێنێک قسەم بڕوات، ناھێڵم لەدەستی یاسا دەرباز ببن و دەبێت سزای خۆتان وەرگرن، دەشڵێت، لەھەر کوێیەک بن دەستگیرتان دەکەین.

ئەم قسەیە لە من وەربگرن: بەڵێن بێت ناھێڵم ئارام بخەون. وەک داعشێک مامەڵەتان لەگەڵ دەکەین.

قوباد تاڵەبانی جێگری سەرۆکی حکومەتی ھەرێمی کوردستان لەگەڵ ئەمەل جەلال سەرۆکی دەستەی گشتی گەشتوگوزاری ھەرێم کۆبۆوە و لە نزیکەوە تاوتوێی  بونیادنانی چەند پڕۆژەیەکی نوێی گەشتوگوزاریان کرد و ئەنجامی ھەنگاوە نوێیەکانی پڕۆژەی گەشتیاری چەند ناوچەیەکی سنوری پارێزگای سلێمانی خرایەڕوو.

جێگری سەرۆکی حکومەتی ھەرێم و سەرۆکی دەستەی گشتی گەشتوگوزار  لە نزیکەوە باسیان لە ھەنگاوەکانی نەخشەی ناوچەیی (سایتپلان)ی ناوچە گەشتیارییەکانی چەق چەق و قلیاسان و سەرچنار و دوکان کرا.

"دەمیرتاش" لە زیندانەوە وتارێکی نوسیوە و دەڵێت، ئامادەبن بۆ گۆڕانکاری گەورە، کار بکەن بۆ ئەوەی ھەمووان دەست لەناو دەست لە پشت یەکتر بوەستن، تورکیا دەوڵەتێکی ھاوبەشە و پێویستە سەبارەت بە بنەما دیموکراسییەکان کۆک بن و واز لە گفتوگۆکان سەبارەت بە کاندیدەکان بھێنن، ئەوەی کە وڵات بەرز دەکاتەوە بۆ ئاستی پێویست تاکە کەسێک نییە بەڵکو بە ملیۆنان کەس دەکرێت. 

لە کۆتایی وتارەکەشیدا، "دەمیرتاش" گرنگی بەشداری کردنی ھاووڵاتیانی لە ھەڵبژاردن دووپات کردەوە و وتی دەبێت بە پەرۆش و ئازاییەوە ئامادەکاری بکەن تا حکومەت بگۆڕێت. 

بۆ ھەڵبژاردنی سەرۆکایەتی تورکیا، ٦ پارتی ئۆپۆزسیۆن بەبێ پارتی دیموکراتی گەلان "ھەدەپە" ھاوپەیمانییەکیان پێکھێناوە، بەڵام ھەدەپە دەڵێت بەبێ ھاوپەیمانی بەشداری ھەڵبژاردن دەکەن. 

 پزیشكانی پسپۆڕیش دەڵێن، سەرئێشە و تا و هەوكردن و هەستكردن بە ماندوێتی و شین بوونەوەی پێست و خوێنبەربوونی لوت و چەند ئەندامێكی جەستە نیشانەكانی نەخۆشییەكەن، لێپرساراوی نوسینگەی ڕێكخراوی تەندروستی جیهانی لە سلێمانی بە كوردسات نیوزی راگەیاند، 40٪ ئەو كەسانەی تووشی تای خوێنبەربوون دەبن گیانلەدەست دەدەن.

 

لە میانی پێشوازیکردنی لە دەیڤد ھەنت کونسوڵی گشتی بەریتانیا لە ھەولێر ڕێواز فائق سەرۆکی پەرلەمانی کوردستان ڕایگەیاند، ئەزموونەکانی ڕابردوو سەلماندویانە کە کارکردن بە پرەنسیپی سازان لێکەوتەی ئەرێنی لەسەر کۆی پرۆسەی سیاسی دەبێت و مافی سەرجەم پێکھاتەکانی کوردستانیشە کە لەبەر ڕۆشنایی یاسا بەرکارەکان و لە چوارچێوەی لێکتێگەیشتنی نیشتمانی نوێنەرایەتیان لە پەرلەمانی کوردستان مسۆگەر بێت، بۆیە ئەرکی پەرلەمانی کوردستانە کە چەتری کۆکەرەوەی سەرجەم نەتەوە و پێکھاتەکان بێت،

لایخۆیەوە کونسوڵی گشتی بەریتانیا لە ھەولێر جەختی کە یەکگرتوویی ناوماڵی کورد بۆ ئەوان گرنگە و ڕەنگدانەوەی لەسەر کۆی پرۆسەی سیاسی دەبێت لە عێراق، دواجاریش دەبێتە مایەی ئارامی و سەقامگیری بۆ ھەموو عێراقییەکان.

لە دیدارەکەدا گفتوگۆکرا لەبارەی دۆخی کوردستان و عێراق و ھەنگاوەکانی پێکھێنانی حکومەتی نوێی عێراق و رۆڵی لایەنەکان تێیدا، دەرباز کۆسرەت رەسول دیدو تێڕوانین و سیاسەتی یەکێتیی لەبەرامبەر پرسەکان خستەڕوو.

رێکخراوی پەیامنێران بۆ ماف و گەشەپێدان لە ڕاگەیەندراوێکدا دەڵێت "مەسرور بارزانی، سەرۆکی حکومەتی ھەرێمی کوردستان، لە کۆنگرە رۆژنامەوانیەکەی رۆژی چوارشەممە ٢٠٢٢/٥/١١ جگە لە دەزگا راگەیاندنەکانی نزیک لەخۆیان  و ھەندێ کەناڵی عەرەبی ، ھیچ دەزگایەکی تری بانگ نەکردبوو."

رێکخراوەکە دەشڵێت نیگەرانین لەو جۆرە پێشێلکارییانەو بە دەرچوون لە یاسا بەرکارەکانی کاری رۆژنامەوانی لە ھەرێمی کوردستانی دەزانین.

رێکخراوی پەیامنێران بۆ ماف و گەشەپێدان ڕاشیگەیاند، "وەک رێکخراوی پەیامنێران  بۆ ماف و گەشەپێدان ئەم کارەی سەرۆکی حکومەت بە پێشێلکاری بەرامبەر بە ڕۆژنامەنووسان  دەزانین و پێشمان وایە نەدەبوو ئەم پێشێلکارییە بەسەر سەرۆک وەزیرانی ھەرێمی کوردستان تێپەرێت."

رێکخراوەکە داواشدەکات سەرۆکی حکومەتی ھەرێم بەداوادچوونی جدی بکا لەسەر ئەو جیا کارییە بەرامبەر بە دەزگای راگەیاندن و رۆژنامەنووسان کراوە.

دەقی ڕاگەیەندراوەکەی رێکخراوی پەیامنێران بۆ ماف و گەشەپێدان:

مەسرور بارزانی، سەرۆکی حکومەتی ھەرێمی کوردستان، لە کۆنگرە رۆژنامەوانیەکەی رۆژی چوارشەممە ٢٠٢٢/٥/١١ جگە لە دەزگا راگەیاندنەکانی نزیک لەخۆیان  و ھەندێ کەناڵی عەرەبی ، ھیچ دەزگایەکی تری بانگ نەکردبوو.

   وەک رێکخراوی پەیامنێران  بۆ ماف و گەشەپێدان ئەم کارەی سەرۆکی حکومەت بە پێشێلکاری بەرامبەر بە ڕۆژنامەنووسان  دەزانین و پێشمان وایە نەدەبوو ئەم پێشێلکارییە بەسەر سەرۆک وەزیرانی ھەرێمی کوردستان تێپەرێت.

داواکارین لەسەرۆکی حکومەتی ھەرێم بەداوادچوونی جدی بکا لەسەر ئەو جیا کارییە بەرامبەر بە دەزگای راگەیاندن  و رۆژنامەنووسان کراوە.

 ئێمە لە رێکخراوی پەیامنێران بۆ ماف و گەشە پێدان نیگەرانین لەو جۆرە پێشێلکارییانەو بە دەرچوون لە یاسا بەرکارەکانی کاری رۆژنامەوانی لە ھەرێمی کوردستانی دەزانین. 

رێکخراوی پەیامنێران بۆ ماف و گەشەپێدان
٢٠٢٢/٥/١١

مازن محەمەد سەعید،  قائیمقامی ئاکرێ لە لێدوانێکدا بۆ کوردسات نیوز ڕایگەیاند، لەگەڵ شارەوانی و سەرجەم لایەنە پەیوەندیدارەکانی ئاکرێ کوبوونەتەوەو و چەند بڕیارێکیان داوە.

و بە پێی بڕیارەکان لەمەودوا لە ڕێی موختاری گەڕەکەکان ئاگاداری خاوەن ئاژەڵ و مەروماڵاتەکان دەکرێت  تا لە ماوەیەکی دیاریکراودا شوێنی بەخێوکردنی ئاژەڵەکان لاببرێت و ھەر کەسێک پابەند نەبێت ڕووبەڕووی دادگا دەکرێتەوە.