دەقی پەیامەکە : 
جەژنی قوربانتان پیرۆز، وھیوادارم خۆتان وکەسوکار ھەر لە جەژنان بن، شاد وئاسودە بن. بەداخەوە لە ڕۆژانی ڕابردوو ژمارەیەک ھاوڵاتی شەھیدبوون بەھۆی ڕوداوی دڵتەزێنەوە، داواکارین لەخوای مەزن کۆتایی بە ناخۆشییەکان بێت، وپێکەوە ھاوکار بین بۆ چارەسەری کێشەکان ودابینکردنی ئارامی خۆشگوزەرانی.

ئاماژەی بەوەشکرد ، لە پەروەردگاری مەزن داواکارین فەریزەی حەج و نزا و پاڕانەوەکانی حاجیانی ماڵی خوا قبووڵ بکات و ئارامی و سەقامگیریی یەکجارەکی باڵ بکێشێت بەسەر وڵاتەکەماندا و ئەم دۆخە قەیراناوی و ناخۆشەی بەسەر میللەتەکەماندا ھاتووە تێپەڕێت، ئاسوودەیی و خۆشگوزەرانی ڕوو لە کوردستانیانی ئازیز و خۆشەویست بکات.

دووبارە جەژن لە ھەموو لایەک پیرۆزبێت، ھەمیشە لە کامەرانیدابن، ڕۆژانی جەژن بە ئارامی و خۆشییەوە بگوزەرێنن.

 

دەقی پەیامەکە : 

ھاتنەوەی جەژنی قوربانی پیرۆز لە تەواوی موسڵمانانی جیھان بەگشتی و کوردستان بە تایبەتی پیرۆز دەکەم، جەژنە پیرۆزەی تایبەتی خۆم ئاراستەی کەسوکاری سەربەرزی شەھیدان و پێشمەرگە قارەمانەکان و تێکۆشەرە دێرینەکانی گەلەکەمان و کەمئەندامانی سەنگەرو زیندانیانی سیاسی دەکەم و ھیواخوازم ئەم جەژنە ببێتە مایەی خێرو خۆشی بۆ گەلەکەمان.
ھەمیشەو بە درێژایی مێژوو، جەژن و بۆنە ئاینییەکان دەرفەتێکی گرنگ بوونە بۆ لێبووردەیی و برەودان بەگیانی پێکەوەژیان و یەکتر قبوڵکردن، ئومێد دەکەم جەژنی قوربانی ئەمساڵ کە ھاوکاتە لەگەڵ دۆخێکی تایبەت لەناوچەکە، بیکەینە وێستگەیەکی چارەنووسساز بۆ یەکترقبوڵکردن و کارکردن لەپێناو ئامانجە رەواکانی گەلەکەمان.
دووبارە جەژنی قوربانی پیرۆز لە سەرجەم کوردستانیان پیرۆز دەکەم.

 
دەقی پەیامەکە :
بەبۆنەی جەژنی قوربانی پیرۆزەوە، گەرمترین پیرۆزبایی لە کۆمەڵانی خەڵکی کوردستان، کەس و کاری سەربەرزی شەھیدان و ئەنفالکراوان و کیمیاباران، کەمئەندامانی سەنگەر و پێشمەرگە و تێکۆشەرە دێرینەکان و زیندانیانی سیاسی و پێشمەرگە قارەمانەکان دەکەم. ھیوادارام ئەم بۆنەیە ببێتە مایەی خێر و خۆشی و ئارامی بۆ ھەموو لایەک.

ئومێدەوارم ئەم جەژنە بکەینە دەرفەتێک بۆ پێداچوونەوە بە سیاسەتمان و داڕشتنی ستراتیژێکی نوێی نیشتمانی لە نێوان ھێز و لایەنە سیاسییە کوردییەکان تاوەکو پێکەوە بەسەر کێشە و گرفتەکانمان زاڵ بین و پێکەوە بتوانین لە ڕێی حکومەتەوە کێشە بنچینەییەکانی وەک مووچە و بژێوی خەڵک و خزمەتگوزاری چارەسەر بکەین.

ئێمە لە یەکێتیی نیشتمانیی کوردستان بە سیاسەت و ستراتیژێکی نوێوە پەرۆشیی خۆمان بۆ یەکخستنی ھێز و تواناکان بۆ خزمەتکردنی ھەرێمەکەمان دەردەبڕین و باوەڕی تەواومان بە یەکڕیزی گەلەکەمان ھەیە لەپێناو ئایندەیەکی گەشتر و ئاوەدانی زیاتر.

دەمەوێت لەم دەرفەتەدا دووپاتی بکەمەوە کە یەکێتی نوێ بەرپرسیار دەبێت بەرامبەر سەرجەم چین و توێژەکانی کۆمەڵگە و خۆی بە خاوەنی ھەموو جیاوازییەکان دەزانێت. درێژە بە سیاسەتی حەکیمانەی سەرۆک مام جەلال دەدەین و بە گیانی لێبووردەییەوە خەبات دەکەین بۆ کوردستانێکی نوێ.

یەکێتییەکان، دۆستان و لایەنگران دڵنیابن ئێستا یەکێتییەکی نوێ ھەیە، ھەموومان خاوەنی یەکێتین و پێکەوە چەپکە گوڵەکە گەشاوەتر دەکەین.

درێژە بە خەباتی مەدەنی و دیموکراسی و ئازادی دەدەین و ھەنگاوەکانمان دەخەینە خزمەتی گشتی، کە ئەمەش ڕێگا دروستەکەیە و لەمەودوا لە ھەموو کایەکانی ژیانی ڕێکخراوەیی پەیڕەوی دەکەین.
دووبارە جەژنتان پیرۆز و ھەر شاد و سەرفراز بن.

وەزارەتی تەندروستی ھەرێم لە ڕاگەیەنراوێکدا ئاشکرای کردووە، حکومەتی ھەرێمی کوردستان ٤٨٠ ملیۆن دیناری بۆ نەخۆشخانەکە تەرخان کردووە، تا لە ڕێگەیەوە دەرمان و پێداویستی پزیشکی بۆ بەرکەوتووانی چەکی کیمیایی لە سنووری پارێزگاکە دابین بکرێت.

بە پێی ڕاگەیەندراوێکی وەزارەتی تەندروستی، لە ماوەی ٢٤ سەعاتی ڕابردوو لە ھەرێمی کوردستان ھەزار و ٤٥٦ کەسی تر تووشی ڤایرۆسی کۆرۆنا بوون و شەش تووشبووی تری کۆرۆنا گیانیان لە دەستدا و ٦٥١ تووشبووی تری ڤایرۆسەکەش چاکبوونەتەوە.

ڕاگەیاندراوی ( ٢٤ ) کاتژمێری تایبەت بە نەخۆشی ڤایرۆسی کۆڕۆنای نوێ   COVID١٩               ژمارە ( ٥٠٨ )  
١. پشکنین: ( ١٠٠٢٩ پشکنینی نوێ)
• ( ٤٠٠٩) ھەولێر
• ( ٢١٨٢) سلێمانی
• ( ٢٨٩٣) دھۆک
• ( ٤١) ھەڵەبجە
• ( ٧٥٤) گەرمیان
• ( ١٥٠) ڕاپەڕین

٢. تووشبوو: ( ١٤٥٦ تووشبووی نوێ)
• ( ٥٦٦) ھەولێر
• ( ٥٤١) سلێمانی
• ( ٢٨٤) دھۆک
• ( ١٠) ھەڵەبجە
• ( ٤١) گەرمیان
• ( ١٤) ڕاپەڕین
٣. چاکبوون: ( ٦٥١ چاکبوون)
• ( ٩٧) ھەولێر
• ( ٢٠٨) سلێمانی
• ( ٣١١) دھۆک
• ( ١) ھەڵەبجە
• ( ٣٢) گەرمیان
• ( ٢) ڕاپەڕین

٤. مردن: ( ٦ مردن)
• ( ١) ھەولێر
• ( ٣) سلێمانی
• ( ٢) دھۆک
• ( ٠) ھەڵەبجە
• ( ٠) گەرمیان
• ( ٠) ڕاپەڕین 
 
ئاماری گشتی:
کەرەنتین ھاوڵاتی ٢١٨٧١ (٢١٨٧١ دەرچوو)
پشکنین ٢٢٨٦٢١٠ (٧٨٥٨٠٩ ھەولێر، ٥٧٠٤٥٦ سلێمانی، ٩١٣٥٦٢ دھۆک، ١٦٣٨٣ ھەڵەبجە)
تووشبوون ٢٠٣٥٩٠ (٦٠٧٢٧ ھەولێر، ٦٦٦٩٤ سلێمانی، ٧٢٣٢٢ دھۆک، ٣٨٤٧ ھەڵەبجە)
چاکبوون ١٨٦٢٣٨ ( ٥٥١٤٥ ھەولێر، ٥٩٤٦٠ سلێمانی، ٦٧٩٨٧ دھۆک، ٣٦٤٦ ھەڵەبجە)
لەژێر چارەسەر  ١٢٧٧٢ (٤٣٤٩ ھەولێر، ٥١٢٨ سلێمانی، ٣٢٤٥ دھۆک، ٥٠ ھەڵەبجە)
مردن ٤٥٨٠ (١٢٣٣ ھەولێر، ٢١٠٦ سلێمانی، ١٠٩٠ دھۆک، ١٥١ ھەڵەبجە)
بۆ زانیاری زیاتر سەردانی داشبۆردی حکومەتی ھەرێمی کوردستان بکەن لەم لینکە (https://gov.krd/coronavirus/dashboard/).

وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، جەخت دەکەینەوە ھاووڵاتیان پابەندبن بە ڕێنماییەکانی تەندروستی و دورکەوتنەوە لە شوێنی قەڵەبالغ و دانانی ماسک و وەرگرتنی ڤاکسین، وە لەکاتی پێویستدا پەیوەندی بکەن بە ھێڵی گەرمی ژمارە ( ١٢٢ ). 

 وەزارەتی تەندروستی       
حکومەتی ھەرێمی کوردستان    
١٨ی تەمووز ٢٠٢١