کوردستان
پشتیوان ئەحمەد سەرۆکی شارەوانی دوکان بە کوردسات نیوزی راگەیاند، بەھۆی ئەو شەپۆلە بەفربارینەی رووی لەناوچەکە کردووە، ئاستەنگی ھاتوچۆ لە رێگای دوکان-بنگرد لەسەر شاخی قەرەسەرد دروستبووە و رێگاکە بەتەواوەتی داخراوە.
ئاماژەی بەوەشکرد، بۆ ھاوکاریکردن و یارمەتیدانی ئەو کەسانەی بە رێگاکەکەدا تێدەپەڕن، تیمێکیان رەوانەی شوێنەکە کردووە.
داواشی لە ھاوڵاتیان کرد، لە کاتی زۆر پێویستدا نەبێت بە رێگاکەدا گوزەر نەکەن.
لە ئێستادا بەھۆی کاریگەری ئەو پاڵەپەستۆ نزمەی ڕویکردووەتە ھەرێمی کوردستان، شەپۆلێکی بەفربارین زۆربەی ناوچەکانی ھەرێمی کوردستانی گرتۆتەوە، لە زۆربەی شوێنەکان ئاستەنگی ھاتووچۆ بۆ ھاووڵاتیان و شۆفێران دروستبووە.
بەڕێوەبەرایەتی گشتی کەشناسی و بومەلەرزەزانی ھەرێمی کوردستانیش رایگەیاندوە، کاریگەرییەکانی ئەو شەپۆلە چڕتر دەبێتەوە و کەشوھەوا بەناجێگیری دەمێنێتەوە، پلەکانی گەرماش بۆ ژێر سفر دادەبەزێت.
بەڕێوەبەراتییەکانی ھاتووچۆش داوا لە ھاووڵاتیان دەکەن، بەھۆی دروستبوونی ئاستەنگی ھاتووچۆ سەردانی ناوچە شاخاوییەکان نەکەن.
سەرۆکایەتی زانکۆی ھەڵەبجە بە نووسراوێکی رەسمی لە پای بەدەنگەوە ھاتن و چارەسەرکردنی کێشەکانی زانکۆ و بەشەناوخۆییەکانی زانکۆی ھەڵەبجە سوپاس و پێزانین ئاڕاستەی بافڵ جەلال تاڵەبانی کرد.
بەھۆی ئەو شەپۆلی بەفربارین و سەرمایەی پێنجوێن و دەوروبەری گرتۆتەوە قائیمقامیەتی پێنجوێن بەڕاوێژ لەگەڵ بەڕێوەبەری پەروەردە بڕیاریدا کە ڕۆژی دووشەممە پشوی فەرمی بێت لەسەرجەم دامودەزگاو ناوەندەکانی سنوری قەزای پێنجوێن بەھەردو ناحیەی ناڵپارێز و گەرمک و سەرجەم گوندەکانیەوە، ئەوەش لەپێناو پاراستنی گیانی خوێندکاران و ھەروەھا ئاسایکردنەوەی سەرجەم ڕێگاکان کەبەھۆی بەفرەوە ئاستەنگیان بۆدروستبوە.
لەتیف حسێن بەرێوەبەری بەرێوەبەرێتی شارباژێڕ بە کوردسات نیوزی راگەیاند، لەپێناو پاراستنی سەلامەتی خوێندکاران و مامۆستایان و فەرمانبەراندا، بەھۆی ئەو شەپۆلی سەرماو بەفرەی سنووری پەروەردەکەیانی گرتوەتەوە، سبەینێ دوو شەممە١٧/١/٢٠٢٢، لە ھەموو خوێندنگە و باخچەکانی سنووری پەروەردەکەیان پشووی رەسمییە.
بەپێی راگەیەنراوێکی بەڕێوەبەرایەتی کەشناسی شاری قەرس لە باکوری کوردستان، نزمترین پلەی گەرما لەو ناوچەیە تۆمارکراوە کە گەیشتوەتە ٢٢ پلەی ژێر سفر، بەو ھۆیەشەوە شەختە و سەھۆڵبەندان دروستبووە.
بەڕێوەبەرایەتی کەشناسی ناوچەکەش رایگەیاندوە، توندەبا لە باکور و باکوری خۆرئاواوە بە ھێواشی ھەڵدەکات و ناو بە ناو بەھێز دەبێت، چاوەڕوان دەکرێت بەھێزی ئەو توندەبایە بگاتە ٤٠ بۆ ٧٠ کیلۆمەتر لە سەعاتێکدا، لە ھەندێک شوێنیش ببێتە گەردەلول.
ھەر بەپێی راگەیەنراوەکە لە ئاگری ١٩ پلە و لە ئەرزرۆم ١٧ پلە و لە دێرسم ١٠ پلەی ژێر سفری سەدی تۆمارکراون، ئاستی بەفربارینیش لە ھەندێک شوێن گەیشتۆتە ١٢٦ سانتیمەتر.
میدیای ئێران بڵاویکردەوە، لە ئەمڕۆوە بارینی بەفرێکی زۆر و کڕێوە لە پارێزگاکانی کرماشان و سنە و ورمێ دەستیپێکردووە و بەھۆیەوە ئاستەنگی ھاتووچۆ لە رێگەی نێوان گوند و شارەکان دروستبووە.
ئاماژە بەوەشکراوە، لە رێگەی نێوان مھاباد و بۆکان زیاتر لە ٤٠ سانتیمەتر بەفر باریوە و لە زۆربەی شارەکانی سنە و ورمێش دەوامی خوێندنگاکان بۆ سبەینێ راگیراوە.
عەباس جەعفەری بەڕێوەبەری گشتی کۆنتڕۆڵکردنی قەیران لە پارێزگای ورمێ رایگەیاند، سەرجەم تیمەکانیان خراونەتە حاڵەتی ئامادەباشییەوە و چەند کەسێکیشیان رزگارکردووە کە لە رێگەکاندا ماونەتەوە.
بەپێی پێشبینییەکانی کەشناسی ئێران، ئەو شەپۆلی بەفربارینە تا ئێوارەی رۆژی دوو شەممە بەردەوام دەبێت.
جەمیل ڕەوانگەرد برای جەلیل رەوانگەرد بە کوردسات نیوزی راگەیاند، تا ئێستا نەیانتوانیوە تەرمی براکەی و براژنەکەی لە یۆنانەوە بگەڕێننەوە بۆ خۆرھەڵاتی کوردستان، وتیشی، بۆ ئەو مەبەستە سەردانی نوێنەرایەتی وەزارەتی دەرەوەی ئێرانیان لە سنە کردووە و پێیانڕاگەیەندراوە بۆ گەڕانەوەی تەرمەکانیان لانیکەم ٦٠ ھەزار دۆلاریان پێویستە.
ئاماژەی بەوەشکرد، بەھۆی ھەژاری و کەمدەرامەتییەوە توانای دابینکردنی ئەو بڕە پارەیەیان نییە، بۆیە داوا لە حکومەتی ئێران و ھەر لایەنێک دەکەن کە دەتوانێت یارمەتیان بدات، ھاوکاریان بن لە گەڕاندنەوەی تەرمەکان.
شەوی چوارشەممە لەسەر پێنجشەممەی رابردوو، ژن و مێردێکی خەڵکی مەریوان بە ناوەکانی جەلیل ڕەوانگەرد و سومەیە جامخانە لەکاتی ڕۆشتن بۆ ئەوروپا، لە روبارێکی نزیک دورگەی سیریسی یۆنان خنکان.
بەھۆی دروستبوونی لافاو و بەرزبونەوەی ئاستی ئاوی زێی بچوکیش لە بناری چیای ئاسۆس پردێک ئاوبردویەتی کە ڕێگەی نێوان ٩ گوندی بناری ئاسۆس و قەزای پشدەری بەیەکەوە دەبەستەوە.
ھەر بەھۆی بەفربارینی شەوی رابردوو ھاتووچۆ لە نێوان رێگەی وەرتێ - سەرکەپکان - چۆمان - حاجی ئۆمەران ئەستەم بووە.
ئاسۆ کەمال بەڕێوەبەری کەشناسی و بومەلەرزەزانی سلێمانیش بە کوردسات نیوزی رایگەیاند، بەھۆی کاریگەری ھاتنی بارستەھەوایەکی ساردی جەمسەری پیشبینی دەکرێت، پلەکانی گەرما بەشێوەیەکی بەرچاو روو لە دابەزین بکات، کاریگەرییەکانیشی لە ناوەڕاستی ھەفتە دەردەکەوێت، ئەگەری بەفربارنیش لە ناوچە شاخاوییەکان و بەشێک لە سەنتەری شارەکانیش ھەیە.
بەپێی راگەیەنراوێکی گەورە شارەوانی وانیش، تیمە پەیوەندیدارەکان لەو پارێزگایانە ھەوڵەکانیان چڕکردووەتەوە بۆ راماڵینی بەفری کەڵەکەبووی سەر شەقامەکان و کردنەوەی رێگەکان بە رووی ھاتووچۆدا.
ئەوەش دوای ئەوە دێت ھەفتەی رابردوو خڵوسی ئاکار وەزیری بەرگری تورکیا وەک کاردانەوەیەک بۆ کوژرانی ژمارەیەک سەربازی وڵاتەکەی لە ناوچەی گرێ سپی رایگەیاند، ئەو جۆرە کردەوانە بێ وەڵام نامێننەوە و ھێرشەکانیان لە باکوری سوریا زیاد دەکەن.
لە بەشێکی تری راگەیەنراوەکەدا ھاتووە، ھێزەکانی پۆلیس لە شوێنی ڕووداوەکە دەستیان بە لێکۆڵینەوە کردوە، بۆئەوەی ڕێکاری یاسایی بەرامبەر ئەو کەسە بگیرێتەبەر کە تاوانەکەی ئەنجام داوە.
وتیشی، پێشبینی دەکرێت لەماوەی چەند رۆژی داھاتوودا ئەگەر بارانبارین بەو شێوەیەی چەند رۆژی رابردوو بەردەوام بێت، ئاستی ئاوی دوکان زیاتر بەرز دەبێتەوە.
ڕەحمان خانی بەڕێوەبەری بەنداوی دەربەندیخانیش رایگەیاند، بەراورد بە ساڵی ڕابردوو لە ئێستادا نزیکەی مەترێک ئاستی ئاوی دەربەندیخان بەرزبووەتەوە.
رێکخراوی ھەنگاو بۆ مافی مرۆڤ بڵاویکردەوە، لە سنورەکانی گوندی کێلێ سەر بە بانە، ھێزە ئەمنییەکان تەقەیان لە کاروانێکی کۆڵبەران کردووە و لە ئاکامدا کۆڵبەرێک بەناوی مێھران رەحمانی تەمەن ٢٤ ساڵ کوژراوە و دوو کۆڵبەری تریش بەناوەکانی ئیبراھیم رەحمانی و ھاوڕێ ئەحمەدی برینداربوون.
ئاماژە بەوەشکراوە، ئەو کۆڵبەرانە لەکاتی گەڕانەوەیان لەسەر سنور تەقەیان لێکراوە و ھیچ کەلوپەلێکیان پێنەبووە.
لە ساڵی رابردوودا ٥٤ کۆڵبەر لە سنورەکانی نێوان باشور و خۆرھەڵاتی کوردستان کوژراون و نزیکەی ١٧٠ی تریش برینداربوون.
دەقی پرسەنامەکە :
بەڕێزان خێزان و خانەوادەی کۆچکردوو دکتۆر مارف عومەر گوڵ
بەبیستنی ھەواڵی کۆچی دوایی پڕۆفیسۆر د. مارف عومەر گوڵ، پێشمەرگەی دێرین و شاعیر و نوسەر و ئەکادیمیستی دیاری کورد دڵگران و نیگەران بوم.
بەم بۆنە غەمناکەوە پرسەو سەرەخۆشی لەئێوە و ھاوڕێ و ئازیزانی و ھەموو شاعیر و نوسەرانی کوردستان دەکەم.
بەکۆچکردنی دکتۆر مارف عومەر گوڵ، گەلی کوردستان پرۆفیسۆر و ئەکادیمیستێکی شارەزاو مامۆستای زانکۆ و نوسەر و شاعیرێکی دیار و قەڵەمێکی دەوڵەمەندی لەدەستدا کەتەمەنی خۆی تەرخان کردبو بۆ خزمەتی دۆزی رەوای گەلەکەی و توێژینەوەی زۆر گرنگیشی لەسەر پرسی جینۆسایدی کورد ھەبوو کە لەناوەندەکاندا کەڵکی زۆری لێوەردەگیرا بۆ ئەو پرسە.
خوای گەورە لەکۆچکردوو خۆش بێ و جێگای بەھەشتی بەرین بێت و سەبوری و دڵنەوایی بەھەمولایەک ببەخشێت.
انا لله و انا اليه راجعون