ئەنجومەنی باڵای خانمان و گەشەپێدان بە ھاوکاری حکومەتی ئیتاڵیا پڕۆژەی باشتر بوونی دەستپێڕاگەیشتن و سەلامەتی پاراستن و خۆشبەختی ژنان و کچانی ڕزگار بووی توندوتیژی سێکسی و جێندەری لە ھەرێمی کوردستان ڕاگەیاند.

پڕۆژەکە تایبەت دەبێت بە کردنەوەی خولی ھۆشیاری و ڕاھێنانی کارمەندان و لایە پەیوەندارەکان لە دام و دەزگاکانی حکومەتی ھەرێمی کوردستان.

حکومەتی ئیتاڵیاش بڕی یەک ملیۆن و ٧٠٠ ھەزار دۆلاری تەرخان کردووە بۆ پڕۆژەکە کە لە ڕێگەی دامەزراوەی ئیتاڵی بۆ ھەماھەنگی و گەشەپێدانی ئاژانسەکانی نەتەوە یەکگرتووەکان لە ماوەی ١٨ مانگ ئەنجام دەدرێت.

وەزارەتی تەندروستی حکومەتی ھەرێم نوسراوێک لەبارەی لە دروستکردنی کارتی ڤاکسینەوە ئاڕاستەی بەرێوەبەراتییە گشتییەکانی تەندروستی ھەولێر و سلێمانی و دھۆک و ھەڵەبجە و گەرمیان و راپەڕین و کۆیە دەکات.

لە نووسراوەکە وەزارەتی تەندروستیی حکومەتی ھەرێمی کوردستان بڕیاری ئەوەیداوە، ئەو ھاوڵاتییانەی تەنھا یەک ژەمی ڤاکسینیان وەرگرتووە لە ھەرێمی کوردستان و تۆماری کراون لە سیستمی کۆردڤاک دەتوانرێت کارتی ڤاکسینیان بۆ دروستبکرێت

لوقمان وەردی بە دەنگی ئەمریکای ڕاگەیاند، ٣٠ ساڵە بەپێی ئەم یاسایەی ئێستا ھەیە ھەڵبژاردن ئەنجام دەدرێت، بۆیە یاساکە بۆ ئاستی پێشکەوتنی ئێستای ھەرێمی کوردستان ناگونجێ و یەکێتی لەپێش ھەموو حیزبەکانی دیکەوە ھەمواری یاسای ھەڵبژاردنی پێشەکەش کردووە.

جێگری سەرۆکی فراکسیۆنی یەکێتی لە پەرلەمانی کوردستان دەڵێت بەپێی پەیڕەوی ناوخۆ پارتی ناتوانێت متمانە لە سەرۆکی پەرلەمان بسەنێتەوە، ھەروەھا دەشڵێت بەبێ ڕێککەوتنی لایەنەکان، سەرۆکی پەرلەمانی کوردستان بانگھێشتی کۆبوونەوە ناکرێت.

لوقمان وەردی وتیشی دەبێت " ھەرێمی کوردستان ھەمواری یاسا‌کە بکات لەسەر شێوازی فرەبازنە بە کورسی پێکھاتەکانیشەوە، تۆماری دەنگدەران پاک بکرێتەوە و لە بایۆمەتری دواھەڵبژاردنی ئەنجوومەنی نوێنەرانی عێراق، بەشێوازی بایۆمەتری تۆماربکرێت."

لە بەشێکی دیکەی قسەکانیدا، لوقمان وەردی ڕایگەیاند پرسی ھەڵبژاردن و ھەموارکردنەوەی یاساکەی پرسێکی نیشتیمانیە و یەکێتی نایەوێت خۆی بەسەر ھیچ لایەنێکی دیکەدا فەرز بکات و قبوڵیشی ناکات ھیچ ھێزێکی سیاسی ئیرادەی خۆی بسەپێنێت.

بە وتەی لوقمان وەردی " پرسی یاسای ھەڵبژاردن پرسێکی نیشتیمانییە و بەبێ سازانی ھێزەسیاسیەکان نە کۆمیسیۆن کارا دەکرێتەوە و نە ھەمواری یاسای ھەڵبژاردنیش بە تاک لایەنە دەڕوات."

"د. رەعد رەفعە"مامۆستای زانکۆی سەڵاحەدین لە کۆنفرانسێکی رۆژنامەنوسیدا رایگەیاند، ھەموو مەرجەکانی مامۆستای زانکۆی تێدایە و لە بوارەکەی خۆیدا پڕۆفیسۆرە، بەڵام ھەڵگری بڕوانامەی ماستەریان لە شوێنەکەی داناوە، وتیشی، لە ساڵی ٢٠٢١ بە رەسمی سکاڵای تۆمارکردوە، دادگای کارگێڕی لە بەرژەوەندی ئەو، دۆسیەکەی یەکلاییکردووەتەوە، بەڵام دواتر ئەنجومەنی شورا بە زۆرینەی دەنگ ھەڵیوەشاندووەتەوە و کار بە بڕیارەکەی دادگای کارگێڕی نەکراوە.
 

موقەدەمی هاتووچۆ، شاپور تەیمور لێپرسراوی مەفرەزەكانی ناوشار لە لێدوانێكدا بۆ كوردسات نیوز رایگەیاند، لەسەر سكاڵای هاووڵاتیان، لیژنەی ئەمنی سلێمانی هەڵمەتی دەستبەسەرداگرتنی ماتۆڕسكیلی بێ‌ سەرەتا و بێ‌ مۆڵەتی دەستپێكردووە، وتیشی، هەڵەمەتەكە بەردەوام دەبێت تا ئەو كاتەی دیاردەكە بنبڕدەكرێت یاخود كەمدەكرێتەوە.

جەلال نوری سەرپەرشتیاری ئیدارەی گەرمیان لە کۆنفرانسێکی رۆژنامەوانیدا رایگەیاند، دوای کۆبوونەوەیان لەگەڵ یەکە ئیدارییەکان و وەرگرتنی داتای تەواوی باران بارین بۆ ئەمساڵ وشکەساڵی رادەگەیەنن، بەمەش لە زۆر رووەوە زیانی زۆر بەر گەرمیان دەکەوێت بەتایبەتی کشتوکاڵ و ژینگە.

وتیشی، ئەمە دووەم ساڵە گەرمیان دووچاری وشکەساڵی دەبێتەوە و بۆ ئەمساڵیش کاریگەرییەکان خراپتر دەبن بەراورد بە ساڵی رابردوو، بە پێی ئاماری بەرێوەبەرایەتی گشتی کشتوکاڵی گەرمیان زیاتر لە ١٣٥ ھەزار دۆنم زەوی کشتوکاڵی و بەروبوومی ماسی زیانیان پێدەگات و کاریگەری لەسەر چۆڵ بوونی گوندەکان دەبێت بەھۆی ئەوەی بیرەکانیان وشک دەبێت و مەترسی سەرھەڵدانی چەندین نەخۆشی دەکرێت.

سەرپەرشتیاری ئیدارەی گەرمیان راشیگەیاند، لە داھاتوویەکی نزیکدا لەگەڵ یەکە ئیدارییەکاندا راپۆرێک ئامادەکان و ئاڕاستەی حکومەتی دەکەن بۆ داواکردنی بودجەیەکی پێویست و بەپەلە بۆ بەھاناوەچوونی ھاوڵاتیانی شار و گوندەکانی سنوری گەرمیان و داوا لە رێکخراوە نێودەوڵەتییەکانیش دەکەن بەھانایانەوە بچن تا بتوانن رووبەڕووی وشکەساڵی ببنەوە.

غالب جبوری بەڕێوەبەری پۆلیسی کۆمەڵگا وردەکاری رایگەیاند ، کێشەی منداڵەکانیان چارەسەرکردوە دوای ئەوەی منداڵەکانیان ھەڵگرتووەتەوەو بۆ ناو خێزانی خۆیان گێراویانەتەوە.

غالب جبوری وتیشی، کاتێک مناڵەکانیان دۆزیوەتەوە لەرەوشێکی ناجێگیردابوون و پێداویستی فریاگوزارییان بۆ دابینکردون.

وەزارەتی تەندروستی حکومەتی ھەرێمی کوردستان رایگەیاند،پاش بڵاوبوونەوەی دەنگۆی پیسبوونی ھەندێک لە بەرھەمەکانی نەستەلەی کیندەر لە جۆری Kinder  Surprise MAX  بە باج نەمبەری L٠٠٤L٠٣ وە L٠٠٥L٠٣-AD کە لەوڵاتی بەلجیکا بەرھەم ھێنرابوو بە بەکتریای سالمۆنێلا کە ڕێکەوتی بەسەرچوونیان ١/١٠/٢٠٢٢، بریاریاندا لێکۆڵینەوبکەن لە سەرچاوەی ئەو بەرھەمە لە ھەرێمی کوردستان و دەستنیشانکردنی کۆمپانیای ھاوردەکار و دابەشکەر وە دیاریکردنی خالە سنووری یان فرۆکەخانەکان کە لێوەی ھاوردە دەکرێت.

ئاماژەی بەشکردووە، بڕیاری کێشانەوەی ھەموو بەرھەمەکانی کیندەر و قەدەغەکردنی ھاوردەکردنی ئەو بەرھەمانە بە باج نەمبەری ئاماژەپێکراو بۆ ناو ھەرێمی کوردستان لە خاڵە سنوریەکان و فرۆکەخانەکان تا یەکلایکردنی ئەو بابەتە لەوڵاتە پەیوەندیدارەکان.

وەزارەتی تەندروستی بریاری وەرگرتنی نموونەی پشکنین لەو بابەتانە بەشێوەی ھەڕەمەکی وە پشکنینکردنیان بۆ دڵنیابوون لە شیاوبوون و سەلامەتی داوە و داواش دەکات کاردانەوەی بەپەلە ئەنجام بدرێت لە ڕێگەی تیمەکانی تەندروستی بەڕێوەبەرایەتی خۆپارێزی و پاراستنی تەندروستی بۆ جێبەجیکردنی ئەو بڕیارانە.

لەبارەی ئەو یاسایانەی پەیوەندییان بە ھەڵبژاردنەکانی پەرلەمانی کوردستانەوە ھەیە د. ڕێواز فایەق سەرۆکی پەرلەمانی کوردستان رایگەیاند، ئەوان سوورن لەسەر ئەوەی دەبێت ڕێککەوتن و سازان لە نێوان لایەنە سیاسییەکان بکرێت، ھەڵبژاردن بابەتێکی گرنگ و ھەستیارە، پەیوەندی بە نەخشەی سیاسی ئایندەی ھەرێمی کوردستانەوە ھەیە، پرۆسەکە پێویستی بە دروستبوونی متمانەیە لە نێوان لایەنە سیاسییەکان.

دەشڵێت،"لەم ڕووەوە ئەرکی ئێمەیە کە ھۆکاری لێکنزیکبوونەوەی لایەنەکان و پارێزگاری ئەم سەقامگیرییە بین کە لە کوردستاندا ھەیە".

 ‏کاروان فەیسەڵ بەرێوەبەری بنکەی تەندروستی سیدەکان بە کوردسات نیوزی راگەیاند، سەر لەبەیانی ئەمڕۆ ئاگادار کراینەوە لە بوونی تەقینەوەی مینێک بە ھاوڵاتییەکدا. 

وتیشی، ئەم ھاوڵاتییە بە مەبەستی کۆکردنەوەی گژوگیا بەھارییەکان سەردانی  دەڤەری برادۆستی کردووە و مینێکی پیادا تەقیوەتەوە قاچێکی لەدەستداوە . 

‏ئەو ھاوڵاتیە ناو سامی جەوەر  حمدامین دانیشتوویی گوندی دێلزیان سەر بە ناحیەی دیانا، ئەمە لەکاتێکدایە لەمانگی رابردوو ھاولاتییەکی تر بەھۆی مینەوە لە برادۆست قاچێکی لەدەستدا .

لە سنووری برادۆست  لەنێوان شەری ئێران عێراق چەندین کێڵگەی مین ڕێژ کراوە وتائێستاش  ٦٥ کێڵگەی من ڕێژکراو لەوسنوورە ماوە.