کوردستان
ئەو ئەندامەی ئەنجومەنی نوێنەران لە فەیسبووک ڕایگەیاند، ئەمڕۆ ھێزە ئەمنییەکانی عێراق ئۆپراسیۆنی بەدواداچوونیان بۆ داواکراوانیان لە سنوری ٢٤ گوندی کوردنیشن لە سنوری خانەقین ئەنجامدا، بە بێ ئەوەی یەک داواکراو بە ماددەی تیرۆر یان ھەرمادەیەکی دیکە لەو ناوچانە ھەبن، لە کاتێکدا جێگەی داواکراوان و تیرۆریستانی داعش دیار و ڕوونە کە لە ڕۆژئاوای ناحیەی قەرەتەپە و گوڵاڵەن.
سۆزان مەنسور ڕاشیگەیاند، لەو ئۆپراسیۆنەدا دەستگیراوە بەسەر چەکی دانیشتوانی گوندە کوردنشینەکاندا لە کاتێکدا بە پێی یاسا ڕێگە دراوە بە گوندنشینان کە چەکیان بۆ پارێزگاریکردن لە خۆیان و ماڵاتیان ھەبێت.
جەختیشیکردەوە، دەبێت چەکەکان بدرێنەوە دەستی خاوەنەکانیان، چونکە ئەو داماڵینی چەکە لە گوندە کوردیەکاندا لە کاتێکدایە تیرۆریستانی داعش لە ناوچەکدا سەریان ھەڵداوەتەوە، بۆیە ئەوە بە پیلانێک دژی کورد تەماشا دەکرێت بۆ ئەوەی کوردانی ئەو ناوچانە بدرێن بە دەم ھێرش و پەلاماری تیرۆرستان و چەکداران.
سۆزان مەنسور ھۆشداری توندیدا و ڕایگەیاند، ئەگەر ھێرش بکرێتە سەر دانیشتوانی ئەو گوندانە و بە دەردی دانیشتوانی ٣٤ گوندە چۆڵکراوەکەی خانەقین ببرێن و ببنەوە قوربانی، ئەوا فەرماندەکانی ئەو ھێزانە لێیی بەرپرسیارن و لە دادگایی سەربازی سکاڵای یاساییان لەسەر تۆمار دەکات.
لە کۆبوونەوەکەدا دوای ئەوەی لە نزیکەوە گوێبیستی داوا و داخوازییەکانی ئامادەبووان بوو، بافڵ جەلال تاڵەبانی پشتگیری بۆ داواکارییەکانیان دووپاتکردەوە و لیژنەیەکی لە خودی نوێنەرانی بازاڕ و کاسبکاران پێکھێنا بە شێوەیەک کە پەیوەندی ڕاستەوخۆیان لەگەڵ نووسینگەی بافڵ جەلال تاڵەبانی ھەبێت بۆ چارەسەرکردنی کێشەکان و کۆتاییھێنان بە گرفتەکان.
لە درێژەی کۆبوونەوەکەدا بافڵ جەلال تاڵەبانی ئاماژەی بە دوایین پێشھاتە سیاسی و ئابوورییەکان کرد و وتی، ئەو دۆخە داراییەی بەسەر سلێمانیدا سەپێنراوە پرسێکی سیاسییە و لە بەرامبەر ھەوڵەکانی یەکێتی و ھێزولایەنە سیاسییەکانی تر بۆ ھەموارکردنەوەی یاسای ھەڵبژاردن، ڕێگریکردن لە بەھەدەردانی سامانی نەوت و ڕاستکردنەوەی ھەڵەکانی حوکمڕانی بەکاردەھێنرێت.
ھەر لە کۆبوونەوەکەدا بافڵ جەلال تاڵەبانی ڕایگەیاند، یەکێتی خۆی بە خاوەنی ئەم ئەزموونە دەزانێت. ھەڵەکان ڕاست دەکەینەوە و کۆتایی بە جیاکاری و پاوانخوازی دەھێنین. سەردەمی دروشم کۆتاییھاتووە و دەبێت حکومەت بە کردار خزمەتی خەڵک بکات. جیاکاری لە نێوان شارەکان قبوڵ ناکەین و ھەموو خەڵکی خۆشەویستی کوردستان مافی ئەوەیان ھەیە لە خێروبێری خاکەکەمان سوودمەند بن.
"ئەمەل جەلال" سەرۆکی دەستەی گەشتوگوزاری ھەرێم بە کوردسات نیوزی ڕاگەیاند، لە ڕێگەی بەڕێوەبەرایەتییە گشتییەکانەوە ئامادەکاری بۆ ھاتنی گەشتیاران لە ڕۆژانی جەژندا کراوە و لە ھەر سێ ڕۆژەکەدا تیمەکانی بەڕێوەبەرایەتییەکانی گەشتوگوزار بە ھەماھەنگی لەگەڵ ھێزەکانی ئاسایش و پۆلیس لە سەرجەم بازگەکانی ھەرێم پێشوازی لە گەشتیاران دەکەن.
وتیشی، لە سەیرانگەنیش ڕێبەری گەشتیاری دادەنرێت بۆ ئەوەی ڕێنوێنی گەشتیاران بکەن و دڵنیایی سەلامەتی و ڕێنمایی و زانیارییان پێبدەن.
لە سەرەتای کۆبوونەوەکەدا نوێنەرانی کارمەندە خۆبەخشەکان داواکارییەکانیان خستەڕوو و ڕایانگەیاند، حکومەت کارمەندانی خۆبەخشی ناوەندەکانی تەندروستی لە سلێمانی پشتگوێخستووە و جیاکاری دەکات لە نێوان شارەکاندا.
لە بەرامبەردا بافڵ جەلال تاڵەبانی نیگەرانی خۆی لە شێوازی کارکردنی حکومەت دەربڕی و ڕایگەیاند، جێگەی سەرسوڕمانە حکومەت بەمشێوەیە مامەڵە لەگەڵ خەڵکی سلێمانی دەکات. تەنیا بە سزادانی موچەخۆرانەوە ناوەستێت و دەست بۆ کەرتی تەندروستی دەبات کە پەیوەندی ڕاستەوخۆی بە ژیانی خەڵکەوە ھەیە. خەرجنەکردنی شایستەداراییەکانی کۆمپانیاکان و دابیننەکردنی پێداویستییە پزیشکییەکانیش بۆ سلێمانی، ھەڵەبجە، گەرمیان و ڕاپەڕین ھەر لە چوارچێوەی ئەو دۆخە سەپێنراوەدایە کە بەسەر ئەم ناوچەیەدا ھێنراوە. بەڵام دڵنیاتان دەکەم ئەم دۆخە ھەروا تێپەڕنابێت و مایەی قبوڵ نییە.
وتیشی، بە ھەمووشێوەیەک لەگەڵتانم و پشتگیریتان دەکەم. پزیشک و کارمەندانی تەندروستی شایستەی ڕێز و خزمەتکردنن نەوەک سزادان. بەڵێنتان پێدەدەم کۆتایی بەم دۆخە نەخوازراوە دەھێنین و سازش لەسەر ژیان و گوزەرانی خەڵک ناکەین.
بافڵ جەلال تاڵەبانی ئاماژەی بە دۆخی خوێندنی باڵا، چارەسەرکردنی کێشەکان و پێشنیارەکان بۆ پێشخستنی ڕەوتی خوێندن کرد و وتی، لای یەکێتی پڕۆسەی خوێندن گرنگی خۆی ھەیە و پشتیوانی ھەموو پڕۆژەیەک دەکەین کە خزمەت بە زانکۆکان و ڕەوتی خوێندن بکات.
لە درێژەی کۆبوونەوەکەدا بافڵ جەلال تاڵەبانی پشتگیری خۆی بۆ وانەبێژان دووپاتکردەوە و ڕایگەیاند، ئەرکی ئێمەیە بەدەم داواکارییە ڕەواکانتانەوە بێین و لە پێناو دابینکردنی ژیانێکی ئارام بۆ خەڵکەکەمان ھەوڵ بدەین. دڵنیاتان دەکەمەوە ئەم دۆخە تێدەپەڕێت و کۆتایی بە تاکڕەویی ئیداری دەھێنین، خزمەتکردن جێگەی دروشم بگرێتەوە و جیاکاری لە نێوان شارەکاندا نەمێنێت.
لە ڕاگەیەندراوێکدا بەڕێوەبەرایەتییەکە بڵاویکردەوە، بەھۆی کەمی باران و بەفر بارینەوە، بۆ دوو ساڵە لەسەر یەک، دەریاچەی حەمرین ڕووبەڕووی کەمبوونەوەی ئاو بووەتەوە.
ئاماژەی بەوەشکردووە، ٨٠%ی داھاتی ئاوی دەریاچەی حەمرین لە دەرەوەی عێراقەوە سەرچاوە دەگرێت، ٢٠%ی کە دەمێنێتەوە سەرچاوەکەی لەو کانی و کارێزانەوە کە لە سەروی دەریاچەکەوە ھەن.
ڕوونیشکراوەتەوە، بڕی یەدەگی ئاو لە دەریاچەکە لە ١٠% کەمترە لە ئاستی ئاسایی خۆی، لە کاتێکدا ماوەی سێ ساڵە بارانی پێویست نەباریوە بۆ پڕکردنەوەی کەموکورتییەکانی یەدەگی ئاو لە دەریاچەکەدا.
بەپێی زانیارییەکانی کوردسات نیوز، ئێوارەی دوێنێ لەکاتی بەربانگ چەند کەسێک بەچەک و دەموچاوی ھەڵپێچیراو چوونەتە سەر بانکێک و بڕی سەد ملیۆن دینارییان بردووە.
پەیامنێری کوردسات نیوز لە ھەولێر ڕایگەیاند ئەو ھاوڵاتییەی لە بانکەکە دزی لێکراوە بە ڕەگەز عەرەبە و مووچەی فەرمانبەرانی عێراقی پێبووە.
بەپێی زانیارییەکان بەشێک لە ھاوڵاتییانی عەرەب مووچەکانیان کە لەلایەن حکومەتی عێراقەوە دابین دەکرێت، لە بانکە وەردەگرن کە دزییەکەی لێکراوە.
ئەوانەی کە مووچەکانیان لەو بانکە وەردەگرن نیشتەجێی ھەولێرن و زۆربەیان کارمەندی ھێزە ئەمنییەکانی سەر بە حکومەتی عێراقن.
وتیشی، بەزووترین کات بڕیار دەدەن لەسەر نۆژەنکردنەوەی رێگەی ( بەردەکەڕ- ناوتاقان- چەمەرگە) بۆ ئەوەی فشاری سەر تونێلەکە کەمببێتەوە.
وەزیری ئاوەدانکردنەوە روونیشیکردەوە، رەزامەندی ئەنجومەنی وەزیران وەرگراوەو بۆ دروستکردنی دوو تیوبی تر بۆ تونێلی دەربەندیخان و لەمساڵدا دەست بە جێبەجێکردنیان دەکرێت.
نیشانەکانی بریتین لە تا، ئازاری ماسولکە، سەر ئێشە، ڕشانەوە، سکچون و خوێناوی بوونی پێست. نیشانەکان لە ماوەی دوو ھەفتەدا دەردەکەون و ئەوانەی کە ڕزگاریان دەبێت دوو ھەفتە پاش توش بوون چاک دەبنەوە.
ناوچەی بڵاوبوونەوەی ئەم نەخۆشیە رۆژھەڵاتی ناوەڕاست، ئەفریقا، ڕوسیا، ناوچە بالکان، و ئاسیایە.
ڕێژەی مردن لەم نەخۆشیەدا لە نێوان لە سەدا ٤٠ بۆ ٨٠، ئەمە لە کاتێکدا رێژەی مردن بە کۆرۆنا لە لەسەدا یەک کەمترە.
ڕێخراوی تەندروستی جیھانی ھەمیشە چاودێری ئەم نەخۆشیە دەکات و وەک مەترسیەکی گەورەی دەبینێت بۆ ئاسایشی نیشتیمانی و تەندروستی گشتی.
لە ساڵانی حەفتاکانی سەدەی پێشوەوە چەند ڤاکسینێک پەرەیان پێدراوە بەڵام بەھۆی ژەھراویبوون و ناگاونجاوییەوە ڤاکسینەکان ڕەتکراونەتەوە و تا ئێستا ھیچ ڤاکسینێک بۆ ئەم نەخۆشییە بوونی نیە.
ھێشتا ئەم نەخۆشیە لە کوردستان بڵاو نەبۆتەوە، بەڵام ڕێکاری پێویست گیراوەتەبەر بۆ ڕێگریکردن لە بڵاو بونەوەی.
هێشتا ئەم نەخۆشیە لە کوردستان بڵاو نەبوەتەوە، بەڵام ڕێکاری پێویست گیراوەتەبەر، پاش ئەوەی لە پارێزگای بابل چەند حاڵەتێک تۆمار کران.
وەزارەتی پێشمەرگە لە راگەیەنراوێکدا ئاماژەی بەوەکردووە، بە رای گشتی و پێشمەرگە قارەمانەکان و میدیاکاران رادەگەیەنین، وەزارەتی پێشمەرگە ھیچ لیستێکی جیاکاری شەھیدان و لایەنی سیاسیانی بڵاو نەکردۆتەوە. بەھیچ جۆرێک پۆلبەندی و ریزبەندی شەھیدانی سەربەرزی دژ بە داعش بەرەسمی نەکراوە.
نە لەرابردوو و نە لەئێستا و داھاتوودا نەبووە و نابێت، ھەر لیست و جیاکارییەک لەوبارەیەوە بەناوی ئەمینداری گشتیی و وەزارەتی پێشمەرگە بڵاوکراوەتەوە ساختەیە و ناحەقیشە بەرامبەر بەخوێنی شەھیدانیان. لەوبارەیەشەوە، چەواشەکاران و ساختەکاران دەدەن بە یاسا و روبەڕووی دادگایان دەکەنەوە.
دووپاتیشیکردۆتەوە، شەھیدانیان بە یەکەوە لە سەنگەری بەرگری خاکی کوردستان و کەرامەتی تاک بەتاکی گەلەکەیان و پاراستنی ئەزموونی ھەرێم و ئاشتی بۆ جیھان گیانیان بەخشیوە، بۆیە لە لای ئەوان شەھیدان شەھیدی ئاڵا و خاکی پیرۆزی کوردستانن.
نەبەز ئیسماعیل وتەبێژی وەزارەتی ئەوقاف و کاروباری ئایینی ھەرێم بە کوردسات نیوزی ڕایگەیاند، ئێوارەی رۆژی شەممە سەعات ٦:٣٠ خولەک لیژنە سەرەکی و لاوەکییەکانی بینینی مانگ لە شار و شارۆچکەکان کۆدەبنەوە و ئەگەر تا ١٥ خولەک دوای بانگی مەغریب مانگ بینرا ئەوا رۆژی یەکشەممە یەکەم رۆژی جەژنی رەمەزان دەبێت، ئەگەر لەو ماوەیەدا مانگ نەبینرا ئەوا دووشەممە یەکەم ڕۆژی جەژنە.
ئاماژەی بەوەشکرد، پشت بە وڵاتی تر نابەستن بۆ دیاریکردنی یەکەم رۆژی جەژن، چونکە لیژنەی بینینی مانگی لە ھەرێم ھەیە و ئەوان بڕیار دەدەن کە چی رۆژێک دەبێتە جەژن.
لە سۆشیال میدیا وا بڵاوکراوەتەوە گوایە "سلێمان ھەڵشۆیی" خۆی کوشتووە، بۆ ئەو مەبەستە لەلایەن بەڕێوەبەری بەشی پۆلیسی گرتن و گواستنەوەی ڕاپەڕینی سەربە بەڕێوەبەرایەتیمان دڵنیایی تەواو کرایەوە لە سەلامەتی تۆمەتبار سلێمان ھەڵشۆیی وە ھیچ ھەوڵێکی نەداوە بۆ خۆ کوشتن و زیان گەیاندن بەخۆی. بۆیە بۆ ئەم مەبەستە بەڕێوەبەرایەتی پۆلیسی ڕاپەڕین ڕای گشتی لەوە دڵنیا دەکاتەوە کە (سلێمان ھەڵشۆیی) سەلامەتە و ھیچ ھەوڵێکیشی بۆ خۆکوشتن نەداوە. ئەو دەنگۆیانە مەرامێکی لە پشتە بۆ بەلاڕێدا بردنی ڕێڕەوی لێکۆڵینەوە. بۆیە بەڕێوەبەرایەتیمان ڕێکاری یاسایی لەدژی ئەو پەیج و ئەکاونتانە دەگرێتەبەر کە ھەواڵی نادروست لەم شێوەیە بڵاودەکەنەوە.
سلێمان ھەڵشۆیی لەسەرەتایی دەستگیرکردنەیەوە بە بڕیاری بەڕێز دادوەر و بە ماددەی ٤٥٦ لە یاسایی سزادانی عێراقی ڕاگیراوە و تا ئێستاش لێکۆڵینەوە لە دۆسیەکەیدا دەکرێ و بەردەوامە.
