کوردستان
دیداری یەکێتیی بانگەوازێکی ھەڤاڵانە و نیشتمانییانەیە بۆ تاووتوێکردنی واقعی ئێستای یەکێتی و ناسنامەکەی، بۆ نوێکردنەوەی وتاری سیاسی و کۆمەڵایەتی و گەشەپێدانییەتی، بۆ ئەوەی بە دیدگایەکی نوێوە ئامادەبێت ئەرکەکانی سەرشانی جێبەجێ بکات.
دیداری یەکێتی، دەیەوێت چەندین تەوەری جێی بایەخی ئێستا و ئایندەی حزب و پێداویستی و کێشە و پێشھاتەکانی کۆمەڵگە و ئەزموونی سیاسی گەلەکەمان تاوتوێ بکات، چونکە پێشھات و گۆڕانکارییەکانی کۆمەڵگە و سەردەم لە ئاستی کوردستان و دەرەوەشدا ئەم ھەوڵ و کۆششە تازەیە دەخوازێت، پێویستە لە ھەموو سێکتەرەکاندا، دیدی نوێ و دەسپێشخەری یەکێتییانە بھێنرێتە کایەوە.
زیاد جەبار سەرۆکی فراکسیۆنی یەکێتی لە پەرلەمانی کوردستان لە ئەکاونتی تایبەتی خۆی لە تۆڕی کۆمەڵایەتی بەڵگەیەکی سزادانی سلێمانی بڵاوکردووەتەوە و نوسیوێتی، "کاتێک دەڵێین سلێمانی سزادەدرێت ئەو بەڵگەی سزادانی سلێمانی، ٧٨ ملیار دینار لە داھاتی سلێمانی، کە دەبوو بە کاش بێتە بانکەکانی سلێمانی بۆ تەواوکاری مووچە، تەنھا ئەم چەکە لە بانکەکان دادەنرێت".
دەشڵێت، حکومەت بە داھاتی سلێمانی قەرزی کۆنی خۆی پێ پاکتاو دەکات و ئەوەش بەڵگە کە دەتانەوێت سلێمانی سزا بدەن.
بەرێوەبەرایەتی گشتی کەشناسی و بومەلەرزەزانی ھەرێمی کوردستان رایگەیاند، ئەمڕۆ لە پاریزگاکانی ھەرێمی کوردستان ئاسمان لە نێوان نیمچە ھەور و ھەوری تەواو دەبێت لەگەل بارینی نمە باران لە کات و ناوچەی جیادا.
راشیگەیاند، سبەی ھەینیش ئاسمان لە نێوان نیمچە ھەور و ھەوری تەواو دەبێت لەگەل بارینی نمە باران لە ھەندێک ناوچە لەکاتەکانی دوای نیوەرۆدا بە تایبەت لە ناوچە شاخاویەکان باران بارین زیاتر دەبێت .
ماڵپەڕی بەرێوەبەرایەتی ھاتوچۆی پارێزگای سلێمانی بڵاوکردووەتەوە، سەر لەبەیانی ئەمڕۆ یەکەم تابلۆی ئۆتۆمبێل بە دیزاین و سیستەمی نوێ لە بەڕێوەبەرایەتی ھاتووچۆی پارێزگای سلێمانی چاپکرا و بە کردەیی کرا بە ئۆتۆمبێلی تایبەت بۆ تۆماری یەکەم جار.
ئاماژەی بەوەشکردووە، لە ئەمڕۆ بە دواوە ئەم سیستەمە نوێیە پەیڕەو دەکرێت و لە دوای جەژنی ڕەمەزانی پیرۆز ڕێنمایی زیاتر دەردەکرێت بۆ پۆڵێن و جۆرەکانی تری سوارڕەوەکان.
ئاماژەی بەوەشکردووە، یەکەم تابلۆ بەم دیزاین و سیستەمە نوێیە درا بە ھاوڵاتییەکی دانیشتووی شاری کەرکوک.
شاناز ئیبراھیم ئەحمەد کارگێڕی مەکتەبی سیاسی و سەرپەرشتیاری مەڵبەندی یەکی رێکخستنی یەکێتیی نیشتمانیی کوردستان لە ئامادەکاری دیداری یەکێتی لە سلێمانی و چەمچەماڵ رایگەیاند، دیداری یەکێتی مۆدێلێکی ھاوچەرخی کاری حزبییە لە رێگەی گفتوگۆی ھەڤاڵانە رێگەچارە و شێوازی نوێی کاری رێکخستن و تێکۆشانی دامەزراوەیی گەڵاڵە دەکات و دەرئەنجامی ئەم گەڵاڵەیە دەبێتە رێنوێن و نەخشە رێگە بۆ سیاسەت و کۆششەکانمان.
وتیشی، دیداری یەکێتی ھەوڵێکی گرنگە بۆ داڕشتنەوەی کۆی سیاسەت و دیدگا و بۆچوون و پرۆژەکانی یەکێتی و گونجاندنیان لەگەڵ واقعی سەردەم و بە گوێرەی پیداویستییەکانی خەڵکی کوردستان، ھەربۆیە جگە لە ھەڤاڵانی یەکێتی نوێنەری سەرجەم چین و توێژەکان لە دیدارەکەدا بەشدارن و زیاد لە پەنجەرە و رایەڵەیەک دروستکراوە لەگەڵیان بۆ ئەوەی دیدارەکە ئاوێتەیەک بێت لە دیدی حزبییانە و دیدی فەرھەنگی و کۆمەڵایەتی و دۆست و لایەنگرانی یەکێتی و ھەموو ئەوانەی تێڕوانیان بۆ داھاتوویەکی باشتر بە رێباز و روانینی یەکێتییەوە گرێدراو.
راشیگەیاند، یەکێتییەکی بەھێز زامنی سەرەکی دەبێت بۆ کۆمەڵانی خەڵکی کوردستان تا بتوانن لەسەر ویست و داخوازییەکانی خۆیان پێداگری بکەن و ئامانجی ھەموومانە یەکێتییەکەی مام بگەڕێتەوە سەر بنەما و رەھەندە نیشتمانییەکانی و کۆمەڵایەتییەکانی خۆی، چونکە ئەزموونی دەیەی رابردوو لە کوردستان دەریخستووە ئامانجی گەورە بە حزب و ھێزی گەورەی نیشتمانپەروەری وەکو یەکێتی جێبەجێدەکرێت.
تەئیکیدیکردەوە، نایانەوێت گفتوگۆ و پرۆژەکان و گەڵاڵەی کۆتایی ئەم دیدارە، تەنھا بۆ قسەکردن و پرۆژەی جوان بێت بۆ رازاندنەوەی سەر رەفە و مێزەکان، بەڵکو دەیانەوێت پرۆژەکانی ئەم دیدارە بکەنە بنەمایەکی گرنگ بۆ نوێکردنەوەی جەستەی یەکێتی و بوژاندنەوەی دامەزراوەکانی لە رووی فکری و سیاسییەوە و کۆبوونەوەکانی بکەنە گۆڕەپانی سەرەکی کادرە دڵسۆز و بەتواناکان بۆ پەروەردەکردنی کادرەکان و پەرەپیدانی توانا فکری و حزبییەکان و نوێکردنەوە و داھێنان.
شاناز ئیبراھیم ئەحمەد دەشڵێت، "دەڤەری سەوز و شاری شاران بەشێوازی جۆراوجۆر گەمارۆدراوە و گوشاری خراوەتەسەر و تاوەکو نەتوانێت رۆڵی پێشەنگی خۆی ببینێت، ئێمە دەبێت ئەم گەمارۆیە تێپەڕێنین نەک ھەر بە دروشم بەڵکو بە کردار و بونیادنان و دۆزینەوە چارەسەری داھێنەرانە، ئێمە دەتوانین بە پشتیوانی یەکێتی و کادران ئەم ئەرکە لەم دیدارەدا جێبەجێبکەین.
زیاد جەبار سەرۆکی فراکسیۆنی یەکێتی و سەرۆکی لیژنەی دارایی لە پەرلەمانی کوردستان بە کوردسات نیوزی ڕایگەیاند، لە ڕابردوو ٣٣ یاداشتی پەرلەمانتارانی فراکسیۆنە جیاوازەکان دراوەتە سەرۆکایەتی پەرلەمانی کوردستان و بە پێی مادەی ٦٦ داوای بانگھێشتکردنی وەزیرەکانیان کردووە بۆ وەڵامدانەوەی پرسیارەکانی پەرلەمانتاران و دواتریش لەلایەن سەرۆکایەتی پەرلەمانی کوردستان یاداشتەکان کراونەتە نوسراوی ڕەسمی و ڕەوانەی حکومەت کراون.
باسی لەوەشکرد، لە کۆی ئەو نوسراوانەی کە ئاڕاستەی حکومەت کراون ھیچیان وەڵامنەدراونەتەوە و بەوەش حکومەتی ئامادە نەبووە کاری بە نوسراوەکانی پەرلەمان بکات.
"نەبەز ئیسماعیل" وتەبێژی وەزارەتی ئەوقاف لە ڕوونکردنەوەیەکی سەبارەت بە دیاریکردنی ڕۆژی جەژنی ڕەمەزان بڵاوکردەوە و ڕایگەیاند، بۆ دیاریکردنی ڕۆژی جەژنی ڕەمەزان پشت بە ھیچ وڵات و دەزگایەکی فەلەکی نابەستن، پەیوەندییان لەگەڵ دیوانی وەقفی سوننی عێراق ھەیە، ھەروەھا بڕیاری تایبەت بە خۆیان ھەیە و تەنیا پشت بە بەڵگە شەرعییەکانی خۆیان دەبەستن.
جەختی لەوەشکردووەتەوە، بۆ دیاریکردنی ڕۆژی جەژن لیژنەی باڵای بینینی مانگ بڕیار دەدات، بۆ ئەمساڵیش تا ئێستا دیارنییە، ئەم مانگە ٣٠ ڕۆژ دەبێت، یان ٢٩ ڕۆژ، ڕۆژی شەممە لیژنەی باڵای بینینی مانگ لە دیوانی وەزارەتی ئەوقاف بە ھەماھەنگی لەگەڵ لیژنە لاوەکییەکان لە پارێزگاکان بۆ دیاریکردنی ڕۆژی جەژن کۆ دەبێتەوە، ئەگەر مانگ بینرا، ڕۆژی یەکشەممە دەبێتە جەژن و ئەگەر نەشینرا مانگی ڕەمەزان ٣٠ ڕۆژ دەبێت و ڕۆژی دووشەممە دەبێتە جەژن.
"ڕیڤینگ ھروری" سەرۆکی لیژنەی پێشمەرگە لە پەرلەمانی کوردستان بە دەنگی ئەمریکای ڕاگەیاندووە، شەڕ لە ناوچەکانی نێروە و ڕێکانی ناحیەی دێرەلوک و شیلادزێ و کۆمەڵگای سیریێ ھەبووە، ھێزەکانی تورکیاش لەسەر گردی کۆڕەژارۆ لینکی داناوە، بۆ پاراستنی خۆیان ڕۆژانە بۆردوومانێکی زۆری ئەو دەڤەرانەی نزیک سەربازەکانیان دەکات، ئەوەش کاریگەریەکی زۆری لەسەر سایکۆلوژیەتی خەڵکی ئەو ناوچانە دروستکردووە ،چونکە ڕۆژانە خەڵکی خۆیان ئەو بوردوومان و دوکەڵانە دەبینن.
ڕاشیگەیاندووە، بەھۆی ئـەو شەڕ و ئاڵوزیانەی نێوان سوپای تورکیا و گەریلاکانی پەکەکە و بۆردوومانەکانی تورکیا لە سنوری پارێزگای دھۆک زیاتر لە ٣٦٠ گوند چوڵکراون، تەنیا لە دەڤەری ئامێدیش نزیکەی ١٩٧ گوند چوڵکراون.
لە ٢٨ی نیسانی ساڵی ٢٠١٤ لە کاتی بانگەشەی ھەڵبژاردنی ھاووڵاتیانی خانەقین بۆ سەرخستنی لیستی یەکێتی نیشتیمانی کوردستان تیرۆریستێکی خۆکوژ خۆی لەناو بانگەشەکاراندا تەقاندەوە و بەھۆیەوە ٣٨ ھاووڵاتی شەھیدبوون و ٨٥ی تریش برینداربوون.
"سەرکەوت زەکی" لێپرسراوی مەکتەبی ڕێکخستنی یەکێتی لە دەستپێکی دیدارەکەدا ڕایگەیاند، دیداری یەکێتی بۆ نوێبونەوە و چاکسازی و بۆ ڕێکخستنەوەی ئایدیا و ڕێکخستنەوەی بۆچوونەکانی یەکێتییە.
وتیشی، بە ئومێدێکی زۆرەوە چاوەڕوانیان لە دیداری یەکێتی ھەیە، چونکە ھەنگاوێکی گەورەیە بۆ پێشەوە.
بەڕێوەبەری ھاتووچۆی دەربەندیخان بە کوردسات نیوزی راگەیاند: بەھۆی گڕگرتنی تانکەرێکەوە لە تونێلی دەربەندیخان ڕێگەی گەرمیان - سلێمانی داخرا و چەندین ئوتومبێل لە ناوەوە و دەرەوەی تونێلەکە ئاگریان گرتووە و ئاستەنگی ھاتووچۆ دروست بووە.
وتیشی، لە ئیستاشدا، شۆفێرانیش دەتوانن تونێلی خوار بەنداو یاخود ڕێگەی شاخی بەرانان بەکاربێنن.
سلێمان سەعید قایمقامی دەربەندیخان بە کوردسات نیوزی راگەیاند، دووبارە ئاگر لەتونێلەکە کەوتەوە و ئاگرەکە لە کۆنتڕۆڵ دەرچووە و چوار تانکەری ھەڵگری سوتەمەنی ئاگریان گرتووە و بەپێی زانیارییەک تائێستا ٤ کەس بریندار بوون.
بە فەرمانی لیوا چەتۆ ساڵح بریکاری وەزارەتی ناوخۆش سەرجەم تیمەکانی بەرگری شارستانی سلێمانی و تیمی فڕۆکەوانی نێردراون بۆ دەربەندیخان بۆ کۆنترۆڵکردنی ئاگرەکە.
رێژەن بورھان بەرێوبەری ھاتوچۆی دەربەندیخان بە کوردسات نیوزی راگەیاند، سەعات ١٢:٣٠ ئەمڕۆ لە نزیک دەروازەی تونێلی دەربەندیخان بارھەڵگرێکی سوتەمەنی وەرگەڕا سوتەمەنییەکەی رژاوە و دواتر چووەتە ناو تۆنێلەکەوە گڕیگرتووە و بەھۆیەوە ئەو ئۆتۆمبێلانەی چواردەوری ئاگریان گرتووە و تەنھا توانراوە شۆفێر و سەرنشینەکانی رزگار بکرێن.
وتیشی، ئەو تۆتۆمبێلانەی گڕیان گرتووە شەش ئۆتۆمبێلن، چواریان بارھەڵگرن، بەھۆی بوونی دوکەڵێکی زۆر تیمەکانمان ناتوانن بچنە ناو تۆنێلەکەوە، بەڵام ئاگرەکە کۆنترۆڵکراوە.
ئاماژەی بەوەشکرد، ھاوڵاتیان و شۆفێران بۆ ھاتوچۆکردن بۆ سلێمانی و دەربەندیدخان و گەرمیان دەتوانن رێگەی شاخی بەرانان بەکاربھێنن.
سلێمان سەعید قائیمقامی دەربەندیخانیش بۆ کوردسات نیوز وتی، سەرجم تیمەکانی بەرگری شارستانی سلێمانی لە زوترین کاتدا گەیشتنە شوێنی رووداوەکە و توانرا کۆنتڕۆڵی رەوشەکە بکرێت.
وتیشی، زۆری ئەو رووداوانە دەگەڕێتەوە بۆ خراپی رێگەوبانەکان و پابەندنەبوونی شۆفێرانە بە یاسا و رێنماییەکانی ھاتوچۆوە.
سازان ئیبراھیم بەرێوەبەری تەندروستی دەربەندیخان بە کوردسات نیوزی راگەیاند، ھیچ زیانێکی گیانی بەھۆی رووداوەکەوە نەبووە و تەنھا یەک بریندار، کە ئەویش شۆفێری ئەو بارھەڵگرەیە گڕیگرت گەیەندراوەتە نەخۆشخانە و چارەسەری پێویستی بۆ کراوە.
تەندروستی سلێمانیش بە کوردسات نیوزی راگەیاند، بەھۆی رووداوەی ئاگرکەوتنەوەکەی تونێلی دەربەندیخان چوار کەس بریندار بوون و رەوشی تەندروستی بریندارەکان جێگیرە و چارسەری پیویستیان بۆ کراوە.
لە پێناو رێگریکردن لە بلاوبونەوەی نەخۆشی تای خوێن بەربوون لە ھەرێمی کوردستان ، کە ئێستا لە ھەندێ لە پارێزگاکانی عێراقی فیدراڵ بلاوبوەتەوە ،بریارماندا بە وەرگرتنی ئەم رێکارانەی خوارەوە :
یەکەم/ پێویستە سەربڕین لە سەربڕخانە رەسمییەکان بێت و بەپشکنین و مۆری رەسمی ڤێتێرنەری بچێتە بازاڕ و سەربڕین لە سەر رێگاکان و لاکۆڵانەکان قەدەغە بکرێت .
دووەم/ پشکنینی ئاژەڵەکان پێش سەربڕین و دوای سەربڕین بەمەبەستی دڵینابوون لە تەندروستی ئاژەڵەکە ئەنجام بدرێت .
سێیەم/پێویستە رێککارە تەندروستیەکان بۆ پۆشینی جلوبەرگی تایبەتمەند و کەلوپەلی سەربڕین لەسەربڕخانەکاندا رەچاوبکرێت .
چوارەم/کەرەنتیەنەکانی ئاژەڵی لە مەرز و فرۆکەخانەکاندا پێویستە پشکنینی وورد بۆ ئەو ئاژەڵانە بکەن کە دێنە ناو ھەرێمی کوردستان بۆ مەبەستی دڵنیابوون لە تەندروستی ئاژەڵەکان .
پێنجەم/ وەزارەتمان رێککاری پێویست دەگرێتە بەر بۆ مەبەستی دابینکردنی دەرمانی شووشتنی ئاژەڵ بۆ لەناوبردنی مشەخۆری دەرەکی (قڕنە) کە ھۆکاری سەرەکی گواستنەوەی ڤایرۆسی نەخۆشی تای خوێن بەربوونە، لە نێوان ئاژەڵەکان و ئەم ھەلمەتە لەسەر ئاستی ھەرێمی کوردستان ئەنجام دەدرێت .
شەشەم/ کۆنتڕۆڵکردنی دیاردەی ھێنانی ئاژەڵ بەشێوەی نافەرمی لە سنورەکانی دەرەوە و نێوان ھەرێم و عێراقی فیدراڵ، ھەروەھا رێگەگرتن لە ھێنانی ئاژەڵ لەو پارێزگایانەی کە نەخۆشی تای خوێن بەربوونی تێدا بلاوبوەتەوە.
راگەیاندنی وەزارەتی
کشتوکاڵ و سەرچاوەکانی ئاو
پۆلیسی ھەولێر دەستگیرکردنی ٦ کەسی بە تۆمەتی دیزیکردن، فێڵکردن و بەکارھێنانی ماددەی ھۆشبەر ڕاگەیاند و دەڵێت یەکێک لەو کەسانە خۆی کردووە بە پارێزەر و فێڵی لە خەڵک کردووە.
بە وتەی ھۆگر عەزیز، وتەبێژی پۆلیسی ھەولێر ئەو کەسەی خۆی کردووە بە پارێزەر خەڵکی ھەولێرە و لە یەکێک لە ھۆتێلەکان ژیاوە و فێڵی لە چەند ھاوڵاتییەک کردووە.
وتەبێژی پۆلیسی ھەولێر دەشڵێت " ئەو کەسە بە خەڵکی وتوە بە بڕێک پارە منداڵەکانتان لە دامودەزگاکان بۆ دادەمەزرێنم، پاش ئەوەی ئەو کەسانە ھاتنە لامان و سکاڵایان تۆمار کرد لێکۆڵینەوەمان دەستپێکرد، لە بۆسەیەکدا ئەو کەسەمان دەستگیرکرد".
دەستگیرکراوەکان پێکھاتوون لە دوو باند، باندێکیان تۆمەتبارن بە دزینی ٢٥ ماتۆرسکیل، و بەکارھێنانی ماددەی ھۆشبەر.
"د. وەلی مەحمود"سەرۆکی زانکۆی کۆیە لە لێدوانێکدا رایگەیاند، ئەو تیمەی ئیدارەی گشتی یەکێتی لەماوەی رابردوودا لە نۆژەنکردنەوەی بەشەناوخۆییەکان و دابینکردنی پێداویستییەکانی زانکۆی کۆیە بەشێوەیەکی زۆر باش کارەکانیان راپەڕاندووە ، لەبەر ئەوە رێوڕەسمێکی رێزلێنان لە لیژنەکانی ئیدارەی گشتی یەکێتی رێکخرا.
ھاوکات"نزار مستەفا" لێپرسراوی بەشی نۆژەنکردنەوەی ئیدارەی گشتی یەکێتی رایگەیاند، ئەوەی لەتوانای ئیدارەی گشتیدا بوو لەسەر فەرمانی بافڵ جەلال تاڵەبانی بۆ زانکۆکان جێبەجێ کراوە.