کوردستان
لە ڕاگەیەندراوەکەدا باس لەوەش کراوە، ھێزە ئەمنییەکان دەستیان بەسەر پارە ساختە کراوەکەدا گرتووە کە لە جۆرەکانی ( ٢٥٠٠٠ و ١٠٠٠٠) دیناری بووە و دەستگیرکراوەکەش لە ژێر لێکۆڵینەوەدایە.
ڕاگەیاندنی سەرۆکایەتیی شارەوانیی قەزای پێنجوێن، بڵاویکردەوە، بە ھاوکاری تیمەکانی ئاوەدانکردنەوە و پۆلیسی ھاتوچۆ و بەشی پۆلیسی پێنجوێن، توانیان ڕێگەی پێنجوێن-سلێمانی بکەنەوە و ئێستا ھاتوچۆ لە ڕێگەی ملەکەوە ئاسایی بووەتەوە، کە بەھۆی بەفربارینەوە ئاستەنگی ھاتوچۆ تێیدا دروستبوو و بۆ ماوەی چەند سەعاتێک بۆ ئۆتۆمبێلە بارھەڵگرەکان داخرا.
ئێوارەی ڕۆژی پێنج شەممە شەپۆلێکی بەفربارین بەشێک لە ناوچەکانی سنووری پارێزگای سلێمانی گرتەوە و لە ڕێگەی ملەکەوە لە نزیک قەزای پێنجوێن ژمارەیەک ئۆتۆمبێلی بارھەڵگر گیریانخوارد.
بە پێی پێشبینییەکانی بەڕێوەبەرایەتیی گشتیی کەشناسی و بومەلەرزەزانی ھەرێمی کوردستانیش، ئەمڕۆ لە ناوچە شاخاوییەکان ئەگەری بەفربارین ھەیە، بەڵام لە دوای نیوەڕۆوە شەپۆلی بەفر و باران کۆتایی دێت.
بابەک قارەمانی سەرۆکی ناوەندی کۆنتڕۆڵکردنی ڕێگەکانی سەر بە بەڕێوەبەرایەتی گواستنەوە و ڕێگەوبانی پارێزگای ورمێ ڕایگەیاند، لە شارەکانی ورمێ و شنۆ و پیرانشار و مھاباد و خۆی و سەڵماس بەفرێکی زۆر باریوە و ڕێگەی ٧٦ گوندی ئەو شارانە داخراوە.
ئاماژەی بەوەشکرد، لە ئێستادا کێشەی ھاتوچۆ لە جادەکانی نێوان میاندواو-بۆکان ، تیکاب-شاھیندێژ و سیلوانا-سەرو دروستبووە و ڕێگەی تەمەرچین-پیرانشاریش بە تەواوەتی داخراوە.
وتیشی تیمەکانیان سەرقاڵی پاککردنەوەی ڕێگەکانن و لە زووترین کاتدا ھاتوچۆ لەو ناوچانە ئاسایی دەبێتەوە.
پەیامنێری کوردستان نیوز رایگەیاند، تۆپخانەکانی تورکیا گروپە ھاوپەیمانەکانیان گوندی "رەبیعات"ی لە باکوری شارۆچکەی زرگانی سەر بە شاری حەسەکە بۆردومان کردووە.
بەپێی زانیارییەکانی کوردسات نیوز لە بۆردومانەکەی تورکیا سێ مەدەنی گیانیان لەدەستداوە، ژمارەیەکی تریش برینداربوون کە لەناویاندا ژمارەیەک منداڵ ھەیە.
ھەر بەپێی زانیارییەکان بەھۆی بۆردومانەکەی تورکیاوە دانیشتوانی گوندەکە ناوچەکەیان چۆڵکردووە و ئاوارەبوون.
لە بەشێکی تری کۆبونەوەکەدا راوێژکارانی باڵای سەربازی ھاوپەیمانان ئاماژەیان بۆ ئەوەکرد ، بۆ ساڵی داھاتوو، لەگەڵ وەزارەتی پێشمەرگە بەردەوام دەبن و ئاستی ھەماھەنگی و ھاوکارییەکانیان بۆ ھێزی پێشمەرگە پەرەپێدەدەن.
لە کۆبونەوەکەدا ( شۆرش ئیسماعیل) وەزیری پێشمەرگە رایگەیاند، پەیوەندییەکانیان لەگەڵ ھاوپەیمانان و سوپای عێراق ستراتیژییە و مەترسییەکانی ئێستای تیرۆر و تیرۆریستان لەناوچەکەدا، پێویستی بە ھاوکاری و ھەماھەنگی زیاتری نێوان ھێزی پێشمەرگە و سوپای عێراق ھەیە.
رۆژنامەنووسە کوردەکە باسی لەوەشکرد، لە میدیای یۆنان ھیچ ھەواڵێک لەبارەی دەستگیرکردن یان خنکانی کۆچبەرانەوە بڵاونەکراوەتەوە و ئەگەر ھەیە حکومەتی یۆنان کۆچبەرەکان دیپۆرتی تورکیا بکاتەوە.
"سەعدی ئەحمەد پیرە" ئەندامی مەکتەبی سیاسی یەکێتی بە کوردسات نیوزی راگەیاند، یەکێتی و پارتی وەرەقەیەکی ھاوبەش کە ھەڵوێستی ھەردوولا بۆ پێکھێنانی حکومەتی نوێی عێراق لەخۆدەگرێت ئامادە دەکەن و لە داھاتوویەکی نزیکدا بە لیژنەیەکی ھاوبەش سەردانی بەغداد دەکەن.
سەعدی پیرە ئاماژەی بۆ ئەوەشکرد، سەردانی باڵیۆزی ئێران و تورکیا و وڵاتانی نێودەوڵەتی بۆ ھەرێمی کوردستان لە چوارچێوەی پێکھێنانی حکومەتی نوێی عێراقە و لەم ماوەیەدا سەردانی وڵاتان و کۆبونەوەی لایەنەکان زیاتر دەبن. لای خۆشیەوە"عیماد ئەحمەد" ئەندامی مەکتەبی سیاسی یەکێتی بە کوردسات نیوزی راگەیاند، یەکێتی ئەندامانی بۆ لیژنە ھاوبەشەکە دیاریکردووە و چاوەڕێی پارتین.
"د.سامان بەرزنجی" لە لێدوانێكدا بە كوردسات نیوزی رایگەیاند، دەبێت پشكنینی تاقیگەیی بكرێت و حاڵەتە گومانلێكراوەكان پشت راست بكرێتەوە، هەر حاڵەتێكی "ئۆمیكرۆن"یش هەبێت رایدەگەیەنن و توانای دەستنیشان كردنی ئەو جۆرە نوێیەی كۆرۆنایان هەیە. "د.سامان بەرزنجی" وتیشی لەگەڵ وەزارەتی تەندروستی عێراق و رێكخراوی تەندروستی جیهانی لە پەیوەندیدان و هەمان رێكاری خۆپارێزیش بۆ "ئۆمیكرۆن" دەگیرێتە بەر.
"عەقیدی ھاتووچۆ بەختیار محمد" وتەبێژی ھاتووچۆی پارێزگای سلێمانی ڕاگەیاند، لە رۆژی ٣ی کانوونی دووەمی ٢٠٢٢وە مۆڵەتی شۆفێری نێودەوڵەتی لە بەڕێوەبەرایەتییەکانی ھاتووچۆی پارێزگاکان دەدرێت بە ھاوڵاتیان.
روونیکردەوە، پێشتر تەنھا لە دەسەڵاتی بەڕێوەبەرایەتی گشتی ھاتووچۆی ھەرێمدا بووە، بەڵام ھەر ھاوڵاتییەک کە خوازیاری بەدەست ھێنانی مۆڵەتی شۆفێری نێودەوڵەتییە دەتوانێت لەو وادەیەوە سەردانی بەڕێوەبەرایەتی ھاتووچۆی سلێمانی بکات.
"عەباس ئیسماعیل" سەرپەرشتیاری کۆمەڵگای دەروازەی نێودەوڵەتی پەروێزخان بەوەکالەت رایگەیاند، کار بۆ ئەوە دەکەن کە ڕاییکردنی مامەڵە و بەڕێکردنی باری شۆفێران و بازرگانان لە ڕێگەی دەروازەی نێودەوڵەتی پەروێزخانەوە ببێت بە ٢٤ سەعاتی.
روونیشیکردەوە، بە ھاوکاری وەزارەتی دارایی و ئابووری ھەرێم داواکاری و پێداویستییەکانی بنکەکانی ناو دەروازەکە جێبەجێ دەکەن، پێداویستییەکانیش پێکدێن لە دابینکردنی ڕووناکی لە شەواندا بۆ پشکنینی بارەکان و دابینکردنی شوێنی مانەوە بۆ فەرمانبەران و کارمەندانی بنکەکان و دابینکردنی ئۆتۆمبێل بۆ ھاتووچۆکردنی فەرمانبەران.
"بێستون ژاژڵەیی" سەرپەرشتیاری یەکێک لە کەمپەینەکان بە کوردسات نیوزی راگەیاند، ئامانج لە کەمپەینەکە کۆکردنەوەی پێداویستی ناوماڵ و جلوبەرگ و خۆراک و ھاوکاری ماددیە بۆ زیانلێکەوتووان.
راگەیاندنی دەستەی وەبەرھێنان ھۆشدارییەکی بڵاوکردۆتەوە و تێیدا ئاگاداری کۆمپانیاکانی کەرتی نیشتەجێبوون و کۆمپانیاکانی خانووبەرە دەکاتەوە کە بەھیچ شێوەیەک نابێت گرێبەستی کڕین و فرۆشتن و تەنانەت رێکلامیش بۆ بەبازاڕکردنی ئەو پرۆژانە بکەن کە مۆڵەتی وەبەرھێنانیان وەرنەگرتوە، لە بەرامبەر ئەنجامدانی ئەو کارە نایاساییەشدا، لایەنی پەیوەندیدار دووچاری رێکاری یاسایی دەبێتەوە، لەھەمانکاتدا دەستەی وەبەرھێنان ھۆشداریی داوەتە کڕیاران و ھاووڵاتیان لە ئەنجامدانی مامەڵەی کڕین و فرۆشتن بەو یەکانەی کە پڕۆژەکە مۆڵەتی وەبەرھێنانی وەرنەگرتووە، بە پێچەوانەوە دەستەی وەبەرھێنان لێی بەرپرسیار نابێت .