پەیامنێری کوردسات نیوز رایگەیاند، دوای ئەوەی کێشە لە نێوان ژن و مێردێکی بە رەگەز عەرەب دروستبووە و  ژنەکە چووتە ماڵی دراوسێیەکیان، مێردەکەی چووەتە سەر ئەو ماڵە  و بە فیشەک ژنەکەی و پیاو و کچ و کوڕێکی دراوسێکەیانیشی بریندار کردووە و بۆ شوێنێکی نادیار ھەڵات، بەپێی زانیارییەکان تا ئێستا دەستگیر نەکراوە.

شەوی رابردووش لەسەر کێشەی کۆمەڵایەتی، لە ناحیەی ڕزگاری سەر بە پارێزگای ھەولێر کەسێکی تەمەن ٢٠ ساڵ لەلایەن برا گەورەکەی کوژرا و تۆمەتبارەکە دەستگیر کرا. 

ھەپەگە ئاماژەی بۆ ئەوەشکردووە، لە ماوەی چەند رۆژێکدا تورکیا ٤٢ جار بە ھێلیکۆپتەر و فڕۆکە بۆردومانی ناوچەکانی ھەرێمی کودستانی کردووە.

وەزارەتی ناوخۆی تورکیاش رایگەیاند، بە تۆمەنی ئەندامێتی لە پەکەکە ٢٦ کەسیان لە شارەکانی  باکوری کوردستان دەستگیر کردووە.

بافڵ جەلال تاڵەبانی، سەرۆکی یەکێتیی نیشتمانیی کوردستان  سەردانی مەسرور بارزانی، سەرۆکی حکومەتی ھەرێمی کوردستان و  قوباد تاڵەبانی، جێگری سەرۆکی حکومەتی کرد و بە گەرمی پێشوازی لێکرا.لە کۆبوونەوەکەدا جەخت لە گرنگی پاڵپشتی و پشتگیریکردنی حکومەتی ھەرێمی کوردستان و کارنامە چاکسازییەکەی کرا بە ئاراستەی زیاتر خزمەتکردنی ھاووڵاتییان. 

ھاوکات چارەسەرکردنی ئەو کێشانەی پێویستییان بە چارەسەرە تاووتوێ کرا.لای خۆیەوە سەرۆک بافڵ جەلال تاڵەبانی جەختی لە پشتیوانیکردنی حکومەتی ھەرێمی کوردستان، سەرخستنی کارنامە چاکسازییەکەی و داکۆکیکردن لە ماف و دەستکەوتەکانی گەلی کوردستان کردەوە.

ھەر لە کۆبوونەوەکەدا سەرۆک بافڵ جەلال تاڵەبانی جەختی لە پشتیوانیکردنی حکومەتی هەرێمی کوردستان و سەرخستنی کارنامە چاکسازییەکەی و داکۆکیکردن لە ماف و دەستکەوتەکانی گەلی کوردستان کردەوە.

هاوکات راشیگەیاند: یەکێتی دژی ھەر ھەوڵێک دەوەستێتەوە کە رێگە بۆ شەڕ لە نێوان لایەنە کوردییەکان خۆش دەکات و جەختی کردەوە، لای ئێمە کوشتنی کورد بەدەستی کورد ھێڵی سوورە.

لە بەرامبەردا سەرۆکی حکومەت ئاماژەی بەوەدا حکومەتی ھەرێم، کارنامەیەکی چاکسازی ھاوبەشی ھەیە کە بۆ ھەموو لایەنە بەشدارەکانی حکومەتە و پێویستە وەک یەک تیم، بە ھاوکاری و پشتیوانیی ھەموو لایەنە کوردستانییەکان کار لەپێناو جێبەجێکردنی کارنامەکە و خزمەتکردنی ھاووڵاتییان لە سەرتاسەری ھەرێمی کوردستان بکەن.

 

"د. ئاسۆ حەوێزی" وتەبێژی وەزارەتی تەندروستی ھەرێمی کوردستان بە کوردسات نیوزی راگەیاند، دوای مانگێک و ١٣ رۆژ تووشبوویەکی نوێی کۆرۆنا گیانی لەدەستدا کە خەڵکی ھەولێرە. وتیشی، دوایین کەس کە لە ھەرێمی کوردستان بە کۆرۆنا گیانی لەدەستدابێت، رۆژی ٢٩ی نیسانی ٢٠٢٢ بوو، واتە ٤٣ رۆژ پێش ئێستا.

بە پێی ئاماری وەزارەتی تەندروستی ھەرێم، تا ئێستا ٧٤٥١ کەس لە ھەرێمی کوردستان بە کۆرۆنا گیانیان لەدەستداوە.

سامان شێخ لەتیف، لێپرسراوی راگەیاندن و پەیوەندییەکانی بەڕێوەبەرایەتیی گشتیی تەندروستیی سلێمانی، رایگەیاند، لەگەڵ ھاتنی شەپۆلە گەرما و گۆڕانکارییەکانی کەشوھەوا، لە ماوەی ١٢ سەعاتدا، لە بەشی فریاکەوتنی خێرای نەخۆشخانەی د.جەمال ئەحمەد رەشیدی منداڵان، لە کۆی ٧٠ منداڵی نەخۆش، ٥٠ منداڵیان بەھۆی سکچوون و رشانەوەوە داخڵی نەخۆشخانە کراون.

راگەیاندنی پەرلەمانی کوردستان بڵاویکردەوە، کۆبونەوەکە سەعات ١٠ی بەیانی دەستپێدەکات و بە ئامادەبوونی وەزیری بازرگانی و پیشەسازی ھەرێم، لێژنەی وزە و سامانەسرووشتییەکان و پیشەسازی و بازرگانی سەبارەت بە (گرانی بازاڕ و بەرزبوونەوەی نرخی پێداویستیی ڕۆژانەی ھاووڵاتییان) ڕاپۆرتێک دەخاتەڕوو و گفتوگۆی لەبارەوە دەکەن.

لە تەوەرێکی دیکەی کۆبونەوەکەدا خوێندنەوەی دووەم بۆ پێشنیازەیاسای (بەرکارکردن و ھەموارکردنی یاسای فیدڕاڵی و واژۆی ئەلیکتڕۆنی و مامەڵە ئەلیکتڕۆنییەکان) دەکات.

بەڕێوەبەرایەتی ئاسایشی پارێزگای سلێمانی ڕایگەیاند، دوای نیوەڕۆی ئەمڕۆ ھێزەکانی ئاسایشی سلێمانی لەسەر فەرمانی دادوەر لە گوندی وێڵەیەر نزیک لە شاری سلێمانی ھەستان بە جێبەجێکردنی فەرمانی دەستگیرکردنی تۆمەتبارێکی ھەڵھاتوو کە داواکراو بوو لە یاسای سزادان و پێشتر چەندین جار لە ھەوڵی دەستگیرکردنیدا تەقەی لە ھێزەئەمنییەکان کردووە و ھەڵھاتووە، ئەم جارەش لە ھەوڵی دەستگیرکردنیدا بە چەک ڕووبەڕووی ھێزەکانی ئاسایش بوویەوە و لە ئەنجامی بەرپەرچدانەوەیدا تۆمەتبارەکە کوژرا.

عەبدولستار مەجید سەرۆکی فراکسیۆنی کۆمەڵی دادگەری لە ھەژماری تایبەتی خۆی لەتۆڕی کۆمەڵایەتی فەیسبوک نوسیویەتی، ئەو ھێزە لەلایەن ھەولێر و بەغداوە دەستی دەستیان پێدەکرێت، بەغدا بە لیواکەی ھەرێمی کوردستانیان گوتوە کە ئێمە ناتوانین مووچەی ئێوە بدەین  چونکە حکومەتی نوێ ی عێراق دروست نەبوە.

بە وتەی عەبدولستار مەجید، حکومەتی ھەرێمیش بە ھێزەکەی وتووە، "مافتان لەلای ئێمە نییە، بەڵکو لەلای حکومەتی عێراقە."

سەرۆکی فراکسیۆنی کۆمەڵی دادگەری دەڵێت، "لیوای ۲٠ ی سەر بە وە زارەتی پیشمە رگە لە مانگی ١١سالی ٢٠٢١ مەشقیان پێکراوە و بڕیار بوو لە گەڵ لیوای ٦٦ ی سەر بە زارە تی بە رگری عیراق تیکەڵ بکرێن و ببینە ھێزێکی ھاوبەش و مەشقیان تە واو کردوە."

راشیگەیاند، " داوا لە وەزارەتی پێشمەرگە دەکەم ئەم کێشەیە چارەسەر بکا و چیتر لە شایستەی دارای یاساییان بێبەش نەکا."

بە پێی کارنامەی کۆوبونەوەکەش، تەوەری یەکەم تایبەتە بە خستنەڕوو و گفتوگۆکردنی ڕاپۆرتی لێژنەی"وزە و سامانەسرووشتییەکان و پیشەسازی و بازرگانی" سەبارەت بە گرانی بازاڕ و بەرزبوونەوەی نرخی پێداویستیی رۆژانەی ھاووڵاتییان.

هەر بەپێی کارنامەی کۆبوونەوەکە، دانیشتنەکەی پەرلەمانی کوردستان بە ئامادەبوونی وەزیری بازرگانی و پیشەسازی ھەرێمی کوردستان بەڕیوەدەچێت.

لە تەوەرێکی تری کۆبونەوەکەشدا خوێندنەوەی دووەم دەکرێت بۆ پێشنیازە یاسای "بەرکارکردن و ھەموارکردنی یاسای فیدڕالی و ئیمزای ئەلیکترۆنی و مامەڵە ئەلیکترۆنییەکان.

ئەوەش لەکاتێکدایە زۆرترین کارەبا لە وێستگەکانی سلێمانی بەرھەم دەھێنرێت، بەڵام کەمترین کارەبای پێدەدرێت.

پێشتر ئومێد ئەحمەد وتەبێژی وەزارەتی کارەبای ھەرێم ڕایگەیاند، لە ساڵی ٢٠١٥ەوە نایەکسانی لەدابەشکردنی وزەی کارەبا ھەیە لەنێوان پارێزگاکانی ھەرێم و لەو کاتەوە بەبەردەوام وەزارەتی کارەبا دەیەوێت بگاتە خاڵی یەکسان بۆ دابەشکردنی کارەبا.

بەنمونە، لەمانگی ئازاری ئەمساڵدا ژمارەی ھاوبەشانی کارەبا لەھەولێر نزیکەی ٦٣٩ ھەزارو، لەدھۆکیش ٣٩٠ ھەزار ھاوبەش بووە، بە ھەردوو پارێزگاکەش ٥٨% ی ھاوبەشیان ھەبووە، بەڵام ٦٦% وزەی کارەبای ھەرێمیان بۆ تەرخانکراوە.

ھاوکات ھاوبەشانی کارەبا لەسلێمانی ٦٩٨ ھەزار و لەھەڵەبجەش ٣٧ ھەزار بووە، بە ھەردوو پارێزگاکەشەوە ٤٢% ھاوبەشی کارەبایان ھەبووە، کەچی تەنھا ٣٤% وزەی کارەبایان بۆ تەرخانکراوە، واتە سەدا ١٦ کەمتریان بۆ دابینکراوە.

لە پرسی داھاتیشدا جیاوازییەکی گەورە بەدی دەکرێت، لەوەشیاندا نادادپەروەری بەرانبەر سلێمانی بەدیدەکرێت، چونکە ھەر لە مانگی ئازاردا داھاتی کارەبا لەھەولێر نزیکەی ٤ ملیار و نیو بووە، لەدھۆکیش تەنھا ٣ ملیارو ٧٠٠ ملیۆن دینار بووە.
 

شانەی ڕاگەیاندنی ئەمنی عێراق بڵاویکردەوە، سەرلە بەیانی ئەمڕۆ بەھۆی تەقینەوەی بۆمبێکی چێنراو لەسەر رێگەی گوندی (ئوم حونتە) لە باکوری ناحیەی گوڵاڵە لە باکوری خۆرھەڵاتی دیالە، گەنجێکی تەمەن ٢٥ ساڵ کوژرا و ٤ کەسی تریش برینداربون کە ھەمویان ئەندامانی یەک خێزانن.

بەپێی راگەیەنراوەکە، ھێزێکی ئەمنی گەیشتونەتە شوێنی روداوەکە و لێکۆڵینەوەیان دەستپێکردووە.

بەپێی ئامارەکانی بەڕێوەبەرایەتی ھاتووچۆی گشتی عێراق، ژمارەی قوربانیانی ڕووداوەکانی ھاتووچۆ لە قوربانیانی دەستی تیرۆر زیاترە.

لەبارەی زیادبوونی ڕووداوەکانیش، شارەزایانی بواری ھاتووچۆ دەڵێن، لە ھەرێمی کوردستان بەکارھێنانی مۆبایل لە کاتی لێخوڕین و تیژڕەویی و خراپی رێساکان و پابەند نەبوونی شۆفێران بە رێنماییەکان، سەرەکیترین ھۆکارن بۆ ڕووداوی ھاتووچۆ.

بەڕێوەبەرایەتی بەرگری شارستانی ڕاپەڕین بڵاویکردەوە، گەنجێکی تەمەن ١٣ ساڵ لەکاتی مەلەکردن لە ئاوی دەربەندی رانیە خنکا و تەرمەکەی لەلایەن تیمی ژێر ئاوویەوە دەرھێنراوەتەوە. منداڵەکە لە دایکبووی ساڵی ٢٠٠٩ یە و دانیشتووی شاری ڕانیەیە.

لەئێستادا نرخی یەک لیتر بەنزینی نۆرماڵ لە ھەر چوار پارێزگاکەی ھەرێم بە ١١٥٠ دینار بۆ ١١٧٥ دینارە و نرخی موحەسەن ١٢٧٥ دینار و سوپەریش ١٣٥٠ دینارە. بەڵام لە پارێزگاکانی عێراق و کەرکوک نرخی یەک لیتر بەنزینی نۆرماڵ بە ٤٥٠ دینارە.

ئەوەش لەکاتێکدایە کە نرخی یەک بەرمیل نەوتی خاوی برێنت لە بۆرسەی جیھانیی بە ١٢١ دۆلارە و یەکێک لە ھۆکارەکانی گرانی نرخی بەنزین بۆ بەرزبوونەوەی نرخی نەوتی خاو دەگەڕێتەوە.

"نازم عەبدوڵا" سەرۆکی کۆمەڵەی کێڵگە پەلەوەرییەکانی سلێمانی بە کوردسات نیوزی راگەیاند، ناڕازیین لەو بریارەی ئیدارەی گەرمیان چونکە پێداویستییەکانی بەخێوکردنی مریشک گرانە و بە دابەزاندنی نرخی مریشک خاوەنی کێڵگە پەلەوەرییەکان زیانی زۆر دەکەن.

وتیشی، بۆ دەربڕینی ناڕەزایی سبەینێ خاوەنی کێڵگە پەلەوەرییەکان لەبەردەم پارێزگاری سلێمانی گرددەبنەوە.

سەرۆکی کۆمەڵەی کێڵگە پەلەوەرییەکان ئاماژەی بۆ ئەوەشکرد، نرخی مریشک لە کێڵگەکان لە نێوان ٣٥٠٠ بۆ ٣٨٠٠ دینارە، بە پێی زانیاریەکانی کوردسات نیوز ئەمڕۆ  لە بازاڕەکاندا یەک کیلۆ مریشک لە سەروو ٥٠٠٠ دینارەوە بە ھاووڵاتیان فرۆشراوە.