کوردستان
لە راگەیەنراوێکدا بەڕێوەبەری باکور و رۆژھەڵاتی سوریا، بە مەبەستی پاراستنی ھاوڵاتیانی حەسەکە و رێگرتن لە بڵاوبونەوەی شانە نوستووەکانی داعش قەدەغەی ھاتووچۆی بۆ ماوەی حەوت رۆژ لە شارەکە و دەوروبەری راگەیاند.
ھاوکات ئاماژەی بۆ ئەوەشکردوە، بڕیارەکە فەرمانگە خزمەتگوزارییەکانی وەک تەندروستی و شارەوانی و وێستگەکانی سوتەمەنی و نانەواخانەکان ناگرێتەوە.
بەپێی راگەیەنراوەکە بڕیارەکە لە رۆژی دوو شەممەوە سەعات ٦ی ئێوارە جێبەجێ دەکرێت تا ٣١ی کانوونی دووەمی ٢٠٢١ بەردەوام دەبێت و قەدەغەی ھاتووچۆش لە نێوان حەسەکە و شارەکانی تر جێبەجێدەکرێت.
بەھۆی ئەو شەپۆلی بەفربارینەی پێنج شەممەی ڕابردوو تەواوی ھەرێمی کوردستانی گرتەوە، ئێستا بەھۆی نزمبونەوەی پلەی گەرما بۆ ژێر سفر و دروستبوونی شەختە و بەستنی ڕێگەکان، ئاستەنگی ھاتووچۆ لە زۆربەی ڕێگە سەرەکییەکان و شەقام و کۆڵانەکانی ناوشارەکانیش دروستبووە.
بەڕێوەبەرایەتی گشتی کەشناسی و بومەلەرزەزانی ھەرێمی کوردستانیش ڕایگەیاند، ڕۆژی شەممە ئاسمان ساماڵ بۆ نیمچە ھەور دەبێت، نزمترین پلەی گەرمای پێشبییکراویش ٧ پلە ژێر سفر دەبێت.
بەڕێوەبەرایەتی ھاتوچۆی پارێزگاکانیش ھۆشداری دەدەن بە شۆفێران و ھاووڵاتیان کە سەردانی ناوچە شاخاوییەکان نەکەن بە مەبەستی گەشتیاری، چونکە بەھۆی دروستبوونی شەختەوە مەترسی لە دەستدانی کۆنتڕۆڵ ھەیە.
شەپۆلێکی سەرما ناوچەکانی ھەرێمی کوردستانی گرتووەتەوە، بەھۆی نزمبوونەوەی پلەی گەرما بۆ ژێر سفر، بەشێکی شەقام و کۆڵانەکانی شار و شارۆچکەکانی ھەرێم شەختە دروستبووە، ئەوەش ئاستەنگی ھاتووچۆی بۆ ھاووڵاتیان دروستکردووە.
بەڕێوەبەرایەتی گشتی نەخۆشخانەی ئاشتی لە قەزای سۆران، ڕایگەیاندووە لە ڕۆژانی پێنج شەممە و ھەینی ٤٥ کەس بەھۆی ھەڵخلیسکانەوە دەست یان قاچیان شکاوە.
ھەر بەھۆی ھەڵخلیسکانەوە لە سنووری قەزای ئاکرێش لە ماوەی دوو ڕۆژدا ١٤٣ ھاووڵاتی سەردانی نەخۆشخانەی فریاکەوتنی ئاکرێیان کردووە، لەوانەش ٣٢ کەسیان بەھۆی کەوتن لەسەر بەفر دەست یان قاچیان شکاوە.
وتیشی، وەک یەکەم سایتی کوردی پەیامنێریان ڕەوانەی ھەموو شارەکانی ناوەڕاست و خوارووی عێراق کرد، لە ئێستاشدا بە ٧ زمان ھەوڵەکان دەگوازرێتەوە.
ڕێکخراوی ئاشتی و ئازادی لە عێراق و ھەرێمی کوردستان ئاماری پێشێلکارییەکانی ساڵی ڕابردووی خستەڕوو کە بەرامبەر بە ڕۆژنامەنووسان و دەزگاکانی ڕاگەیاندن کراون لە تەواوی عێراق و ھەرێمی کوردستان، بە جۆرێک لە ساڵی ڕابردوودا ٤١٢ پێشێلکاری بەرامبەر ڕۆژنامەنووسان کراوە کە زۆرترینیان لە پارێزگاکانی بەغداد و ھەولێر بووە.
زۆرترین پێشێلکاریش ڕێگریکردن بووە لە ڕۆژنامەنووسان کە ٢٠٦ حاڵەت بووە، ٤٦ ڕۆژنامەنووسیش ڕووبەڕووی پەلاماردان و سوکایەتی پێکردن و ھەڕەشە بوونەتەوە.
ئاماژەی بەوەشکرد، زۆرترین پێشێلکاری لەلایەن ھێزە ئەمنییەکانەوە کراوە کە بریتی بووە لە دەستبەسەرکردنی پەیامنێر و وێنەگر و ستافی میدیایی، لەگەڵ ڕێگریکردن لە ڕووماڵ و شکاندنی کەلوپەلی ڕۆژنامەنووسان.
"ھەڤاڵ ئەبوبەکر" پارێزگاری سلێمانی لە ڕاگەیەنراوێکدا ئاماژەی بۆ ئەوەکردووە، دەزگا حکومییەکان بۆ خزمەتکردنی ھاووڵاتییان، بەردەوام دەبن لە کاری ڕۆژانەیان، بەڵام لەبەر نزمبوونەوەی زۆری پلەکانی گەرماو دروستبوونی ئاستەنگی ھاتوچۆ لە ھەندێک ناوچە و گەڕەکەکان، دەوامی سبەینێ یەک شەممە ٢٣ی مانگ لە سنوری پارێزگای سلێمانی، لە سەعات ١٠ی بەیانی دەستپێدەکات بۆ سەعات ٢ی دوای نیوەڕۆ.
ئیدارەی ڕاپەڕینیش ڕایگەیاند، بەھۆی نزمبوونەوەی پلەکانی گەرما و بەستنی زۆرێک لە ڕێگەکانی ھاتووچۆ، ڕۆژی یەک شەممە دەوامی فەرمانگەکان لە سەعات ٩ و ٣٠ دەقەی بەیانی دەستپێدەکات.
"عەلی عەبدوڵا" وتەبێژی ھاتوچۆی ڕاپەڕین لە لێدوانێکدا بۆ کوردسات نیوز ڕایگەیاند، بە پێی پێشبینییەکانی کەشناسی پلانیان بۆ ڕێکخستنی ھاتووچۆی شەقامەکان داناوە، ڕێنماییشیان داوە بە شۆفێران کە بەھۆی نزمبوونەوەی پلەکانی گەرما سەردانی ناوچە شاخاوییەکان نەکەن. وتیشی، لە سنوری ڕاپەڕین لە ڕۆژانی بەفر و سەرما کەمترین ڕووداوی ھاتوچۆ ڕوویانداوە.
"زەردەشت ڕەفیق" لێپرسراوی ڕاگەیاندنی شارەوانی سلێمانی لە لێدوانێکدا بۆ کوردسات نیوز ڕایگەیاند، تیمەکانی شارەوانی سلێمانی بە ھاوکاری لیژنەکانی قایمقامیەت بەردەوامن لە پاککردنەوەی شەقامەکان، لە ئێستاشدا بەشێکی شەقامەکان کراونەتەوە و ھاتووچۆ ئاساییە، بەڵام پێویستە شۆفێران و ھاووڵاتیان لە دوای سەعات پێنجی ئێوارە ھاتووچۆ ڕابگرن، چونکە ئەو کاتە بەھۆی دابەزینی پلەکانی گەرما جارێکی تر ئاستەنگ دروست دەبێت.
وەزارەتی پێشمەرگە ڕاگەیەنراوێکی لە بارەی پەلامارەکانی داعش لە دیالە بڵاوکردەوە
لە بەشێکی تری ڕاگەیەنراوەکەدا ھاتووە، بەردەوامی ئەو کردەوانە، ئەرکیان لە پێکەوەیی و بەردەوامی ھەمەھانگی و ھاوکارییەکان لە ڕاوەدوونانی تیرۆریستان زیاتر دەکات، لەبەرئەوەی ڕەوشی ئێستای ناوچەکە و دەرکەوتنەوەی تیرۆریستان و زیندووبوونەوەی شانە نووستووەکان مەترسییەکی ھەستپێکراوە، ھەماھەنگی و ڕۆڵبینینی سوپای عێراق و ھێزەکانی پێشمەرگەش بە دیاریکراوی لەو ناوچانەی بۆشایی ئەمنیان ھەیە، پێویستییەکی ھەنووکەیە.
ئامانجی دامەزراندنی ئەو ئینستتیوتە ھاوبەشەش لە ھەولێر ئەنجامدانی کاری ھاوبەشی کلتوری و ئەدەبی و زمانەوانییە لە نیوان ئەڵمانیا و فەڕەنسا و ھەرێمی کوردستان.
"لیوا قارەمان کەمال" جێگری سەرۆکایەتی ئەرکان بۆ ئۆپراسیۆنەکان لە وەزارەتی پێشمەرگە بە کوردسات نیوزی ڕاگەیاند، پڕۆسەی یەکخستنی ھێزەکانی پێشمەرگە لە چوارچێوەی وەزارەتی پێشمەرگە بەردەوامە و ساڵی ڕابردوو ٤ لیوای ھێزەکانی ٧٠ و ٨٠ و دوو لیوای پشتیوانی یەکخراونەتەوە، بە درێژایی پڕۆسەکەش ١٨ لیوای ھێزی پێشمەرگە خراونەتە سەر وەزارەت و کراون بە لیوای ھاوبەش و چەک و پێداویستییە سەربازییەکانیشیان بۆ دابین کراوە.
ڕاشیگەیاند، لە سەرەتای ئەمساڵەوە کار دەکرێت بۆ یەکخستنی دوو لیوای تر و ئێستا ھێزەکانی ٨٠ ناوی لیوایەکی ئامادە کردووە و دراوە بە وەزارەتی پێشمەرگە بۆ ئەوەی لەگەڵ لیوایەکی ھێزەکانی ٧٠ یەکبخرێن.
لیوا قارەمان کەمال جەختیشیکردەوە، پڕۆسەی یەکخستنەوەی ھێزەکانی دەرەوەی وەزارەتی پێشمەرگە بەردەوام دەبێت تاوەکو سەرجەمیان لە چوارچێوەی وەزارەتی پێشمەرگە یەکدەخرێنەوە و دەبنە لیوای سەر بە وەزارەت.
وتیشی، دزەکردنی تیرۆریستان لە ڕۆژئاڤای کوردستانەوە بۆ ناو عێراق مەترسی بۆ سەر چەند ناوچەیەکی ھەرێمی کوردستانیش دروست دەکەن.
لیوا قارەمان ئاماژەی بەوەشدا، لە ناوخۆی عێراق شانە نووستووەکانی داعش بەدوای دەرفەتێکدا دەگەڕێن پەلاماری پێشمەرگە و سوپای عێراق بدەن، بۆ ھەردوو مەبەستەکە ھێزەکانی پێشمەرگە بە ھەماھەنگی لەگەڵ سوپای عێراق لە ئامادەباشیدان بۆ ھەر پەلامارێکی داعش کە لە ناوخۆ و دەرەوە بکرێتە سەر ناوچەکانی ھەرێمی کوردستان.
"ئالان حەمە سعید" وەزیری پەروەردەی ھەرێم ڕایگەیاند، بە مەبەستی پاراستنی سەلامەتی گیانی مامۆستایان و خوێندکاران بەھۆی دابەزینی پلەکانی گەرمی بڕیاریاندا لە سەرجەم ناوەندەکانی خوێندنی حکومی و ناحکومی تاکو ڕۆژی یەکشەممەی داھاتوو ٣٠ی کانوونی دووەمی ٢٠٢٢ پشوو دەبێت.
ئاماژەی بۆ ئەوەشکرد، ئەو ھەڵسەنگاندن و تاقیکردنەوانەی وەرزی یەکەم کە ئەنجام نەدراون لە ڕۆژی دووشەممە ٣١ی کانوونی دووەمی ٢٠٢٢ دەستپێدەکرێتەوە، بە مەرجێک بەیانیان لە سەعات ٩ و ٣٠ خولەکی بەیانی دەستپێبکات.
ئاماژەی بۆ ئەوەشکردووە، خوێندنگەکانی سابیس و نێودەوڵەتی و بیانی کە پڕۆگرامی تایبەت بە خۆیان ھەیە دەتوانن تا وادەی ئاماژە پێکراو بە شێوازی خوێندنی ئۆنلاین بەردەوام بن.
ڕوونیشیکردووەتەوە، دوای ئەنجامدانی ئەو تاقیکردنەوانەی کە ماون خوێندنی وەرزی دووەم دەستپێدەکات و ئەنجومەنی وەزارەتی پەروەردەش بۆ قەرەبووکردنەوەی ماوەی لەدەستچوو، ساڵنامەی خوێندن ھەموار دەکاتەوە.
ھێزەکانی سوریای دیموکرات لە راگەیەندراوێکدا بڵاویکردەوە، لە کاتێکدا شانە نووستووەکانی داعش لە نزیک گروتوخانەی گوێران لە حەسەکە ئۆتۆمبێلێکیان تەقاندووەتەوە، دەستگیرکراوەکانی داعش لە گرتوخانەکەدا یاخیبوون و ھەوڵی ھەڵھاتنیان داوە، بەڵام ھێزەکانیان توانیان کۆنترۆڵی رەوشەکە بکەن و ھەوڵی ھەڵھاتنەکە ھەڵبوەشێننەوە.
لە راگەیەندراوەکەدا باس لەوەش کراوە، لە گەڕەکەکانی نزیک گرتوخانەکە پێکدادان لەنێوان شانە نوستووەکانی داعش و ھێزەکانی ئاسایشدا روویداوە و لە ئۆپراسیۆنێکی ھاوبەشی نێوان ھەسەدە و ئاسایش و ھێزەکانی ھاوپەیمانی نێودەوڵەتی لە گەڕەکی زوھور، دوو لە چەکدارەکان کوژراون. بەپێی دواین زانیاریش حەوت کەس بریندارن کە سیانیان لە ئەندامانی ئاسایشی رۆژئاڤان.
گرتوخانەی گوێران پێنج ھەزار دەستگیرکراوی داعشی لێیە و لەژێر چاودێری توندی ھێزەکانی ئاسایشی رۆژئاڤادایە.
حەمید حوسێن تەھا ناسراو بە حەمید ڕەشاش لە ساڵی ١٩٣١ لە دایکبووە و لە سەرەتای لاویدا لەگەڵ ھەڵگیرسانی شۆڕش دەبێت بە پێشمەرگە و یەکەم ڕەشاش بەدەستی ناو شۆڕش دەبێت، لە چالاکییەکی پێشمەرگەشدا پێنج پێشمەرگە ناویان حەمید بووە بۆ ئەوەی لەیەک جیابکرێنەوە سەرۆک مام جەلال نازناوی حەمید ڕەشاش بە "حەمید حوسێن تەھا" دەبەخشێت.
حەمید ڕەشاش ھەر ئەو کاتە تێدەگات شۆڕش پێویستی بە خەباتی سیاسیش ھەیە، سەرەڕای ئەوەی نەخوێندەوار بووە، بەڵام کۆڵی نەدا و دەستی بە خوێندەواری و زانست و نوسین کردووە و لە پاڵ پێشمەرگایەتیدا درێژەی بە ئەو بوارانەشدا و خاوەنی چەند کتێبێکە.
حەمید ڕەشاش دوای چەندین ساڵ لە خەبات و تێکۆشان ئەمڕۆ لە تەمەنی ٩١ ساڵیدا کۆچی دوایی کرد.