کوردستان
لە بەشێکی تری راگەیەنراوەکەدا ھاتووە، لیژنەکە لە بەدواداچوونەکانی بەردەوامە و دوای گەیشتن بە زانیاریی ورد لەسەر ئەو دەنگۆیانە، بە نووسراوێک لێژنەکە و لایەنەپەیوەندیدارەکان ئاگادار دەکەنەوە.
راشیگەیاندووە، بە بەراوورد بە مانگی رابردوو ١٦ حاڵەتی کوژران یاخود برینداربوون زیادیکردووە.
ھەر بەپێی ئامارەکە، لە پارێزگای سنە ٢٠ حاڵەت تۆمارکراوە کە سێ کوژراو و ١٧ برینداربووە، لە کرماشانیش برینداربوونی ١٧ کۆڵبەر تۆمارکراوە.
مقدم بەرزان عوسمان محەمەد وتەبێژی بەڕێوەبەرایەتی پولیسی پارێزگای ھەڵەبجە رایگەیاند، پاشنیوەڕۆی ئەمڕۆ تەرمی ھاوڵاتیەک بەناوی بەڕێز نیعمەت سدیق تەمەن ٢٥ ساڵ، دانیشتوی ناحیەی خورماڵ لە شاخی وشکەناو لەسنوری ناحیەی خورماڵ دۆزرایەوە، کە لە شاخەکەوە کەتووەتەخوارەوە.
وتیشی، تەرمەکەی لەلایەن تیمی بەڵگەو تاوان، بنکەی پولیسی خورماڵەوە ھەڵگیراوەتەوە ڕەوانەی پزیشکی دادی ھەڵەبجە کرا بۆ زانینی ھۆکاری گیان لەدەستدانەکەی و دوسیەی لێکۆڵینەوەی لەبنکەی پولیسی خورماڵ بۆ کراوەتەوە.
د.جوتیار عادل وتەبێژی حکومەتی ھەرێمی کوردستان حکومەتی ھەرێمی کوردستان رایگەیاند، حکومەت مانگانە پێویستی بە زیاتر لە ٩٠٠ ملیار دینار ھەیە بۆ تەرخانکردنی مووچەی مووچەخۆران و لە ماوەی شەش مانگی رابردوودا، حکومەتی ھەرێم بڕی پێنج تریلیۆن دیناری بۆ دابینکردنی مووچە تەرخان کردووە، لە بەرامبەردا حکومەتی فیدراڵی تەنیا بڕی ٤٠٠ ملیار دیناری ناردووە، لە کاتێکدا بەپێی رێکەوتنی نێوان ھەولێر و بەغداد پێویست بوو مانگانە ٢٠٠ ملیار دینار بنێرێت.
وتیشی، حکومەتی ھەرێمی کوردستان لە داھاتی نەوت پێشتر مانگانە ٣٥٠ ملیۆن دۆلاری بۆ دابینکردنی مووچە خەرج دەکرد، بەڵام بە ھۆی ئەو چاکسازییانەی کە لە کەرتی وزە بە گشتی کراوە، ئێستا مانگانە ٥٠٠ ملیۆن دۆلار دەگەڕێتەوە خەزێنەی حکومەت.
رایشیگەیاند، حکومەتی ھەرێمی کوردستان لە رێگەی وەزارەتی سامانە سروشتییەکانەوە زیاتر لە ١٣٦ ملیۆن لیتر گازوایلی بۆ وێستگەکانی کارەبا تەرخان کردووە کە بەھاکەی زیاترە لە ١١٦ ملیار دینار بووە.
وتەبێژی حکومەیتی ھەرێمی کوردستان ئاماژەی بەوەشکرد، کابینەی نۆیەمی حکومەتی ھەرێمی کوردستان لە بواری گرێبەستەکانی کۆکردنەوە و چارەسەری خاشاک، ژمارەی گرێبەستەکانی لە ٢٨ گرێبەست زیاد کردووە بۆ ٣٢ گرێبەست و خەرجی مانگانەی ئەو کۆمپانیایانەی کە گرێبەستیشیان لەگەڵ کراوە، لە ١١،٨ ملیار دینار کەم کراوەتەوە بۆ ٩،٦ ملیار دینار.
دەقی راگەیەندراوەکە...
د.جوتیار عادل، سەرۆکی فەرمانگەی میدیا و زانیاری و وتەبێژی حکومەتی ھەرێمی کوردستان گرنگترین کاروچالاکییەکانی شەش مانگی یەکەمی ساڵی ٢٠٢٢ی حکومەتی ھەرێمی کوردستانی خستەڕوو و ئاماژەش بەوە دەکات حکومەتی ھەرێم بەردەوام دەبێت لە پێشکەش کردنی پرۆژە خزمەتگوزارییەکان بە ھاووڵاتییانی ھەرێمی کوردستان و ئەمەش دەقی گوتەکەیەتی:
ھاووڵاتییانی خۆشەویست.
ھەولێر، ھەرێمی کوردستان، عێراق (GOV.KRD)- کابینەی نۆیەمی حکومەتی ھەرێمی کوردستان، لە شەش مانگی رابردوو، چەندین پرۆژەی گرنگی ئەنجام داوە، لێرەدا بە پێویستی دەزانین ئاماژە بە گرنگترینیان بکەین.
لە بواری مووچە، حکومەتی ھەرێمی کوردستان مانگانە پێویستی بە زیاتر لە ٩٠٠ ملیار دینار ھەیە بۆ تەرخانکردنی مووچەی مووچەخۆران.
لە ماوەی شەش مانگی رابردوودا، حکومەتی ھەرێم بڕی ٥ تریلیۆن دیناری بۆ دابینکردنی مووچە تەرخان کردووە، لە بەرامبەردا حکومەتی فیدراڵی تەنیا بڕی ٤٠٠ ملیار دیناری ناردووە، لە کاتێکدا بەپێی رێکەوتنی نێوان ھەولێر و بەغدا پێویست بوو مانگانە ٢٠٠ ملیار دینار بنێرێت.
حکومەتی ھەرێم لە داھاتی نەوتیش پێشتر مانگانە ٣٥٠ ملیۆن دۆلاری بۆ دابینکردنی مووچە خەرج دەکرد، بەڵام بە ھۆی ئەو چاکسازییانەی کە لە کەرتی وزە بە گشتی کراوە، ئێستا مانگانە ٥٠٠ ملیۆن دۆلار دەگەڕێتەوە خەزێنەی حکومەت.
وەزارەتی سامانە سروشتییەکان
لە چوارچێوەی وەزارەتی سامانە سروشتییەکان لە شەش مانگی یەکەمی ئەمساڵ، حکومەتی ھەرێمی کوردستان لە رێگەی وەزارەتی سامانە سروشتییەکانەوە زیاتر لە ١٣٦ ملیۆن لیتر گازوایلی بۆ وێستگەکانی کارەبا تەرخان کردووە کە بەھاکەی زیاترە لە ١١٦ ملیار دینار بووە.
خۆڵ و خاشاک
کابینەی نۆیەمی حکومەتی ھەرێمی کوردستان لە بواری گرێبەستەکانی کۆکردنەوە و چارەسەری خاشاک، ژمارەی گرێبەستەکانی لە ٢٨ گرێبەست زیاد کردووە بۆ ٣٢ گرێبەست و خەرجی مانگانەی ئەو کۆمپانیایانەی کە گرێبەستیشیان لەگەڵ کراوە، لە ١١،٨ ملیار دینار کەم کراوەتەوە بۆ ٩،٦ ملیار دینار.
لە ھەرێمی کوردستان، مانگانە ٢٠٠ ھەزار تۆن خۆڵ و خاشاک کۆ دەکرێتەوە و لە ٦ مانگی رابردوو ملیۆنێک و ٢٠٠ ھەزار تۆن کۆ کراوەتەوە و چارەسەر کراوە.
ئاوی خواردنەوە لە ساڵی ٢٠٢٢
لە ھەرێمی کوردستان ملیۆنێک و ١٩ ھەزار ھاوبەشی ئاو لە شارەکان ھەیە کە پێوەری ئاو بۆ ٧١٩ ھەزاریان بەستراوە.
حکومەتی ھەرێم لە رێگەی وەزارەتی شارەوانی و گەشتوگوزارەوە، رۆژانە(٢،٦) ملیۆن مەتر سێجا ئاوی خواردنەوە بۆ ھاووڵاتیان دابین دەکات، بەمەش لە شەش مانگی یەکەمی ئەمساڵ، زیاتر لە ٤٧٠ ملیۆن مەتر سێجا ئاو بۆ ھاووڵاتییان دابین کراوە کە تێکڕای خەرجییەکەشی نزیکەی ٨ ملیار دینار بووە، لە کاتێکدا ئەو پارەیەی لە ھاووڵاتیان وەردەگیرێتەوە، کەمترە لە نیوەی خەرجی دابینکردنی ئاوەکە کە ئەمەش ئەرکی حکومەتە لە بەرامبەر ھاووڵاتیانی خۆشەویست.
وەزارەتی تەندروستی
لە سێکتەری تەندرووستیی کە یەکێکە لە سێکتەرە گرنگەکان، گرنگییەکی تایبەت بە بواری تەندروستیی گشتی و کەرتی تەندروستی دراوە، لەو چوارچێوەیەشدا مانگانە ٢٣ ملیار و ٤٥٠ ملیۆن دینار بۆ ئەو سێکتەرە خەرج کراوە.
لە بواری دەرمان و پێداویستی پزیشکی، بڕی ١٣ ملیار و ٧٥٠ ملیۆن دینار و لە بواری دابینکردنی خۆراکیش بۆ نەخۆشخانەکان مانگانە بڕی ٤ ملیار و ٨٩٢ ملیۆن دینار خەرج کراوە. بۆ دابینکردنی خەرجییەکانی بەکاربردن لە ناوەندە تەندروستییەکان، زیاتر لە ٤ ملیار دینار دابین کراوە.
وەبەرھێنان
حکومەتی ھەرێمی کوردستان بەردەوامە لە پێشکەش کردنی پرۆژەکان بۆ خزمەتکردنی ھاووڵاتییان و بەھێزکردنی ژێرخانی ئابووری و لە سێکتەری وەبەرھێنان کە سێکتەرێکی دیکەی حکومەتی ھەرێمە کە گرنگییەکی تایبەتی ھەیە و لە ٦ مانگی رابردوو، حکومەتی ھەرێمی کوردستان لە رێگەی دەستەی وەبەرھێنانەوە، ٤٤ پڕۆژەی لە سێکتەرە جیاوازەکان لەسەر ڕووبەری ٧٦٨ دۆنم ئەنجام داوە، کە سەرمایەکەیان ٦٤٨ ملیۆن و ٩٨٠ ھەزار دۆلار بووە.
سێکتەرەکانیش بە پێی ڕیزبەندی بەم شێوەیەن:
لە سێکتەری بازرگانی، ١٤ پڕۆژە بە سەرمایەی ١١٤ ملیۆن و ٣٧ ھەزار دۆلار ئەنجام دراوە.
لە سێکتەری پیشەسازی، ١٣ پڕۆژە بە سەرمایەی ١٣٦ ملیۆن و ٥٥٤ ھەزار دۆلار جێبەجێ کراوە.
لە سێکتەری پەروەردە و فێرکردن، ٦ پڕۆژە ئەنجام دراوە بە سەرمایەی ٢٦ ملیۆن و ٦٣٨ ھەزار دۆلار.
لە سێکتەری تەندروستی، ٣ پڕۆژە جێبەجێ کراوە بە سەرمایەی ١٦ ملیۆن و ٩٠٥ ھەزار دۆلار.
لە سێکتەری نیشتەجێبوون، ٣ پڕۆژە بە سەرمایەی ٣٣٨ ملیۆن و ٧٧ ھەزار دۆلار ئەنجام دراوە.
لە سێکتەری کشتوکاڵیش ٢ پڕۆژە جێبەجێ کراوە، بە سەرمایەی ٧ ملیۆن و ٧٠٠ ھەزار دۆلار.
لە سێکتەری گەشتیاری بە سەرمایەی ملیۆنێک و ٩٣٠ ھەزار دۆلار پڕۆژەیەک جێبەجێ کراوە.
لە سێکتەری بانکەکان پڕۆژەیەک بە سەرمایەی ٤ملیۆن و ١٠٠ ھەزار دۆلار ئەنجام دراوە.
لە سێکتەری وەرزشیش، پڕۆژەیەک بە سەرمایەی ٣ ملیۆن و ٢٩ ھەزار دۆلار ئەنجام دراوە.
وەزارەتی بازرگانی و پیشەسازی
لە ٦ مانگی رابردوو، چالاکی بازرگانی لە ھەرێمەکەمان بەشێوەیەکی بەرچاو بەرز بووەتەوە. ھەر لەم ماوەیەدا ٤٩٤ ھێما و مۆڵەتی بازرگانی دراوەتە کۆمپانیاکان کە داھاتەکەی ٦٠١ ملیۆن و ٨٨٤ ھەزار دینار بووە .
لەم شەش مانگەی رابردوو، ھەزار و ٦٧٥ مۆڵەتی ھاوردە و ٧٩ مۆڵەتی ھەناردەش دراوەتە کۆمپانیاکان.
پرۆسەی وەرگرتنی گەنمی جوتیاران، تەواو بووە و نزیکەی ٢٦٠ ھەزار تۆن گەنم وەرگیراوە کە شایستە داراییەکەی زیاتر بووە لە ٢٢٠ ملیار دینار و تا ئێستانزیکەی ٩٥ ملیار دینار بۆ جوتیاران خەرج کراوە.
ھاووڵاتییانی خۆشەویست، ئەوی خستمەڕوو چالاکییەکان و پرۆژەکانی حکومەت بوو لە ماوەی ٦ مانگی ساڵی ٢٠٢٢، ئێمە لەسەر بەڵێنەکانی خۆمانین تاوەکو خزمەتی زیاتر بە ئێوەی بەڕێز بگەیێنین و دڵنیاتان دەکەینەوە کە درێغی ناکەین لە پێشکەش کردنی خزمەتی زیاتر.
دەقی پەیامەکەی سەرۆکی ھەرێمی کوردستان:
بە نیگەرانییەکی قووڵەوە لە دۆخی سیاسیی عێراق و پێشھاتەکانی دەڕوانین، داوا لە لایەنە سیاسییە ناکۆکەکان دەکەین ئەوپەڕی دان بە خۆیاندا بگرن و بۆ چارسەرکردنی کێشەکان گفتوگۆی ڕاستەوخۆ دەستپێ بکەن. لەم دۆخە ھەستیارەدا ئاڵۆزبوونی زیاتری دۆخەکە، ئاشتیی کۆمەڵایەتی و ئاسایش و سەقامگیریی وڵات دەخاتە مەترسییەوە.
لە کاتێکدا ڕێز لە خواستی خۆپیشاندانی ئاشتیانەی جەماوەر دەگرین، جەخت لە پاراستنی دامەزراوەکانی دەوڵەت و ئاسایش و سەر و ماڵی ھاووڵاتییان و کارمەندانی دەوڵەت دەکەینەوە. گەلی عێراق شایانی ژیان و ئێستا و داھاتوویەکی باشترە و ئەرک و بەرپرسیاریەتیی ھاوبەشی ھەموو ھێز و لایەنەکانە پێکەوە عێراق لەم دۆخە ھەستیار و مەترسیدارە دەرباز بکەن.
ھەرێمی کوردستان وەک ھەمیشە بەشێک دەبێت لە چارەسەر، بۆیە لایەنە سیاسییە پەیوەندارەکانی عێراق بانگھێشت دەکەین بێن لە ھەولێری پایتەختی دووەمیان دەست بە گفتوگۆیەکی کراوەی کۆکەرەوە بکەن و لە سەر بنەمای بەرژەوەندییە باڵاکانی وڵات بگەنە لێکگەیشتن و ڕێککەوتن. ھیچ کێشەیەک نییە بە گفتوگۆ چارەسەر نەکرێت.
نێچیرڤان بارزانی
سەرۆکی ھەرێمی کوردستان
سەرچاوەیەک کە ژمارەیەکی زۆر لە مەڕوماڵاتی خۆی داوە بەو کەسە، بە کوردسات نیوزی راگەیاند، ئەو کەسە مەڕوماڵات و پارە و چەندین کەرەستەی تری لە ھاوڵاتیان وەرگرتووە و ماوەیەکە دیار نەماوە.
لەوبارەیەشەوە، شۆڕش ئیسماعیل وتەبێژی پۆلیسی راپەڕین بە کوردسات نیوزی راگەیاند، لەسەر ئەو بابەتە تا ئێستا ھیچ سکاڵایەک تۆمار نەکراوە .
لەو بارەیەوە سەرچاوەیەکی نزیک لەنوسینگەکە بەکوردسات نیوزی ڕاگەیاند ئامادەکاریەکان کراون بۆ دەستپێکردنەوەی کاری نوسینگەی پێدانی ڤیزەی تورکیا لەشاری کەرکوک.
ڕونیشی کردەوە نوسینگەکە لەئایندەیەکی نزیکدا دەستبەکار دەبێتەوە.
دوابەدوای ئەو پەلامارەی تورکیا بۆ سەر ناوچەیەکی ھەرێمی کوردستان کە لە زاخۆ ئەنجامیداو وقوربانی و برینداری لەریزی گەشتیاران لێکەوتەوەو خۆیپشاندان و ناڕەزایەتی بەدواداھات و لەکەرکوکیش ڕۆژی ٢١ی حوزەیران خۆپیشاندان ئەنجامدرا و کاری پێدانی ڤیزەی ئەو وڵاتە لە کەرکوک ڕاگیرابوو.
وەزارەتی پەروەردە لەبارەی گزیکردن لە تاقیکردنەوەکانی پۆلی ١٢ روونکردنەوە دەدات
لیژنەی باڵای ئەزمونەکان لە وەزارەتی پەروەردەی حکومەتی ھەرێمی کوردستان لە روونکردنەوەیەکدا ئاماژەی بەوەکردووە، ھاوڵاتییەک دوێنێ شەو ھەندێک قسەی کردوە لەسەر بابەتی گزیکردن و ئێمە وەک لیژنەی باڵا لە کۆنگرەی رۆژنامەوانیشدا ئاماژەمان پێدا کە لە تۆرە کۆمەڵایەتییەکان بابەتی فرۆشتنی بلوتوپ ھەیە و خوێندکاری پێ فریو دەدرێت، بەڵام ١١١ حاڵەتی ھەوڵی گزیکردن لەکاتی تاقیکردنەوەکان تۆمارکراوە و رێکاری پێویستیان بەرامبەر گیراوەتە بەر.
دەشڵێت، ئەوەی ناوبراو ئاماژەی پێدەدات لەلایەن وەزارەت بەھەماھەنگی ھێزەکانی ئاسایش کۆنترۆڵکراوە و بەکارھێنەرانیشی کە ژمارەیان زۆر کەم بووە و لەناو تاقیکردنەوە ئەو کارەیان کردوە، ئەنجامەکەیان بە گزیی بۆ ھەژمارکراوە.
راشیگەیاند، وەزارەت ھەماھەنگی ھەبووە لەگەڵ لایەنە پەیوەندیدارەکان و بەسەرکەوتوویی توانیویەتی کۆنترۆڵی ئەو بابەتە بکات، لەسەر بەکارھێنانی نامەی مۆبایل بۆ گزیکردن کە لەسەرەتادا بەھۆی کەمتەرخەمی لە پشکنین لە چەند ھۆڵێکی دیاریکراوی تاقیکردنەوە مۆبایل براوەتە ژوورەوە.
رونیشکردەوە، لایەنە ئەمنییەکان ژمارەی ئەو سیمکارتانەمان داونەتێ وردەکاریی و تەنانەت فۆرمی ژمارەکەشیان بۆ ناردوینەتەوە و ئاسایش کاری پێویستی لەسەر کردوە و دۆسیەکەیان ڕەوانەی پۆلیس و پاشان دادگاش کردووە.
وەزارەتی پەروەردە ئاماژەی بەوەشکردووە، ھەوڵی گزیکردن لەناو یان لە کاتی تاقیکردنەوە ھەیە، بەڵام گرنگ کۆنترۆڵکردنی ھەوڵی گزییەکەیە، ئەمەش بەڵگەکانە بەوەی کە ئەو کەسەش ئاماژەی پێداوە کە خۆشی دەڵێت ئەوەی من باسی دەکەم لە چوارچێوەی ئەو حاڵەتەیە کە وەزارەت کۆنترۆڵی کردوە، بەڵام ئێمە ئەم رێکارە وردانەی کە کردومانە بەئەرکمان زانیوە و منەتمان لەسەر کەس نەکردوە تا باسی ھەموو ھەوڵەکان و وردەکارییەکان بکەین .
عومەر فەقێ راھێنەری بواری گەشەپێدان لە بەرنامەی دوێنێ شەوی پانۆرامای کوردسات نیوزدا باسی لە چەند حاڵەتێکی گزیکردن لە تاقیکردنەوەکانی پۆلی ١٢ی ئامادەیی و فرۆشتنی پرسیارەکان کرد پێش تاقیکردنەوەکان.
بەڕێوەبەرایەتی گشتی چاودێری و گەشەپێدانی کۆمەڵایەتی ھەولێر بڵاویکردووەتەوە، دوای ئەوەی لە تۆڕە کۆمەڵایەتییەکان و چەند میدیایەک بڵاو بوویەوە ژنێک لە گەڕەکی تەیراوە لە ھەولێر لەسەر شەقامەکان دەمێنێتەوە، کە براکانی فڕێیان داوە و لیژنەیەکیان ڕاسپارد بەدواداچوون بۆ بابەتە بکات.
راشیگەیاند، دوای بەدواداچوون دەرکەوت ئەو کەسە ژن نییە و پیاوە خۆی کردووە بە ژن، فێڵی لە میدیاکاران و ھاوڵاتییان کردووە، ویستوویەتی لەڕێی ڕاکێشانی ھەست و سۆزی ھاوڵاتییان پارە کۆ بکاتەوە.
بەڕێوەبەرایەتی گشتی چاودێری و گەشەپێدانی کۆمەڵایەتی ھەولێر داوا لە میدیاکاران دەکات نەکەونە ژێر کاریگەری ئەو جۆرە کەسانە و ھەرکاتێک حاڵەتێکی لەو شێوەیە ھەبوو ئاگاداریان بکەنەوە تا بەدواداچوون بکەین.
راگەیاندنی پارێزگای ھەولێر لە راگەیەندراوێکدا ئاماژەی بەوەکردووە، حکومەتی ھەرێمی کوردستان، ڕەزامەندی دەربڕی بە تەرخانکردن و خەرجکردنی گوژمەی (٣٥,٧٢٨,٤٦٤,١٥٠) سی و پێنج ملیار و حەوت سەد و بیست و ھەشت ملیۆن و چوارسەد و شست و چوار ھەزار و سەد و پەنجا دینار، بۆ جێبەجێکردنی پڕۆژەکانی چارەسەری کێشەی لافاو لەدەوروبەری شەقامی ١٥٠م خێرای شاری ھەولێر بەم شێوەی لای خوارەوە.
یەکەم/ دروستکردنی ئاوەڕۆی سندوقی (٢*١.٥)م لەڕێگای پیرمام نزیک کونسڵخانەی ئەمریکی، بە گوژمەی (٨٩٦,٩٤٨,٠٠٠) ھەشت سەد و نۆھەت و شەش ملیۆن و نۆسەد و چل و ھەشت ھەزار دینار.
دووەم/ دروستکردنی ئاوەڕۆی کونجی کونکرێتی دووچاوەی (٢*٢.٥)م لەژێرشەقامی سەرەکی پیرمام نزیک ئەکواتارین و کونجی کونکرێتی (٢*٢)م لەژێر شەقامی پیرمام کونسڵخانەی ئەمریکی و کونجی کونکرێتی دووچاوەی (٢*٢)م لەژێر شەقامی مەلا ئۆمەر بەگوژمەی (٣١١,٧٤٥,٠٠٠) سێ سەد و یازدە ملیۆن و حەفت سەد و چل و پێنج ھەزار دینار.
سێیەم/ دروستکردنی ئاوەڕۆی سندوقی بۆ بەستنەوەی دوو ئاوبەری سندوقی لەژێر شەقامی ١٥٠م کە بەناو گوندی کەلکن دادەڕوات تادەگاتە شەقامی پیرمام، بە گوژمەی (٥,٤٢٠,١٧٦,٠٠٠) پێنج ملیار و چوارسەد و بیست ملیۆن و سەد و حەفتا و شەش ھەزار دینار.
چوارەم/ ئامادەکردنی ئامێر و کەرەستەی پێویست بۆ چاککردنەوە و ڕیکخستنەوەی تەنیشتە شانەکانی ڕێگای سەرەکی مەلائۆمەر - خانزاد - پیرمام و دروستکردنی دیواری پاڵپشت بەبەستەی ئاسنین و ئاوبەری سندوقی کۆنکرێتی و بۆڕی کۆنکرێتی لوولەیی و دووبارە دروستکردنەوەی تەنیشتە جۆگەکان و جۆگەکانی ناوەڕاستی ڕێگاکان، بە گوژمەی (١,٦٢٨,٠٧٠,١٥٠) ملیارێک و شەش سەد و بیست و ھەشت ملیۆن و حەفتا ھەزار و سەد و پەنجا دینار.
پێنجەم/ دروستکردنی ئاوەڕۆی سندوقی قەبارە (٣*٢)م لەپشت کوردستان ستی تاکو نەخۆشخانەی ئیماراتی لە بەحرکە و ئاوەڕۆی سنودقی قەبارە (٣*٣)م لەبەحرکە نزیک نەخۆشخانەی ئیماراتی و دروستکردنی جۆگەی کراوە لەپشت کەمپی ئاوارەکانی بەحرکە بە گوژمەی (١٠,٥١٨.٠٠٠,٠٠٠) دە ملیار و پێنج سەد و ھەژدە ملیۆن دینار.
شەشەم/ دروستکردنی کونجی سندوقی (٣) چاوەی (٣*١.٥)م لەبەردەم مزگەوتی دکتۆر نەریمان، بەگوژمەی (٦٠,٣٥,٠٠٠) شەست ملیۆن و سی و پێنج ھەزار دینار.
حەوتەم/ دروستکردنی کونجی سندوقی (٢) چاوەی (٣*١.٥)م لەنزیک خەزانی ئاوی ھەولێری نوێ، بەگوژمەی (٣٥,٣٠٠,٠٠٠) سی و پێنج ملیۆن و سێ سەد ھەزار دینار.
ھەشتەم/ ڕێکخستنەوەی کەندەکانی سنووری ھەولێری نوێ، بەگوژمەی (٦١٢,٥٠٠,٠٠٠) شەش سەد و دوازدە ملیۆن و پێنج سەد ھەزار دینار.
نۆیەم/ دروستکردنی جووت ئاوەڕۆژی سندوقی (٢.٥*٢.٥)م لەسەرەتای کوردستان ستی تاکو گوندی شێخەشەل، بەگوژمەی (١٣,٧٢٩,٧٥٠,٠٠٠) سێزدە ملیار و حەفت سەد و بیست و نۆ ملیۆن و حەفت سەد و پەنجا ھەزار دینار.
دەیەم/ دروستکردنی ئاوەڕۆی سندوقی و لوولەی لەشارۆچکەی بەحرکە / گوندی شێخەشەل / قۆناغی یەکەم، بەگوژمەی (٢,٥١٥,٦٢٥,٠٠٠) دوو ملیار و پێنج سەد و پازدە ملیۆن و شەش سەد و بیست و پێنج ھەزار دینار.
لە کۆبوونەوەکە گفتوگۆکرا لەبارەی ھەماھەنگی و کاری ھاوبەش لەنێوان دەزگا ئەمنی و ھەواڵگرییەکان لەپێناو سەقامگیری زیاتری ئاسایش و رووبەڕووبوونەوەی لەیاسا دەرچوان.
قوباد تاڵەبانی جێگری سەرۆک وەزیرانی ھەرێمی کوردستان وێڕای سوپاس و پێزانینی بۆ ئاژانسی پاراستن و زانیاری/زانیاری ھەرێمی کوردستان، کە دڵسۆزانە و لێبڕاوانە کاردەکەن و رایگەیاند، جێگای پێزانین و دەست خۆشییە کە دەزگایەکی وەھا نیشتمانی بەردەوام لەکاردان بۆ پاراستنی ئاسایشی ھەرێمی کوردستان و پشتیوانی و ھەموو پشگیرییەکی بۆدووپاتکردنەوە بۆ سەرخستنی کارەکانیان.
راشیگەیاند، لەبەرامبەر ئارامی و ژیانی خەڵک و جێبەجێکردنی بڕیارەکانی دادگا سڵ لەکەس نەکرێتەوە و رێگاش نادرێت ھیچ کەسێک لەسەرو یاساوە بێت .
لەبەرامبەردا جەلال شێخ ناجی، روونیکردەوە ھەموو ھەوڵ و کۆششێکیان بۆ پاراستنی ئاسایشی ھەرێم و رووبەڕووبوونەوەی ھەر پیلان و مەرامێکە کە ژیان لە خەڵک تێکبدات و رایگەیاند ئاژانسی پاراستن و زانیاری/ زانیاری ھەرێم وەک دەزگایەکی پابەند بە بنەما و یاسا بەرکارەکانی ھەرێمی کوردستان، نیشتمانییانە ئەرکەکانی سەرشانی رادەپەڕێنێت و بەبێ جیاوازی لەخزمەتی گشتی و ئارامیدا لەئەرکدان و ھەر ھەنگاوێکیش بنرێت لەپێناو خزمەتی گشتی و پاراستنی قەوارەی ھەرێم دا دەبێت.
چوارچێوەی ھەماھەنگی شیعەکان لە راگەیاندراوێکدا ئاماژەی بەوە کردوە، وەفدێکیان پێکھێناوە بەسەرۆکایەتی ھادی عامری سەرۆکی ھاوپەیمانی فەتح کە بەشێکە لە چوارچێوەی ھەماھەنگی بۆ گفتوگۆ لەگەڵ لایەنەکان بە مەبەستی دەربازبوون لەو رەوشەی ئێستا عێراق تێیکەوتووە.
ھاوپەیمانی نەسر بەسەرۆکایەتی حەیدەر عەبادی و ئیئتیلافی دەوڵەتی یاساش بە سەرۆکایەتی نوری مالیکی رایانگەیاندووە، داوا لە ھەموو لایەنەکان دەکەن بگەڕێنەوە بۆ سەر مێزی گفتوگۆ بۆئەوەی کێشە و ئاڵۆزییەکان بە ئاشتی و ئارامی و گفتوگۆ چارەسەر بکرێن، چونکە توندوتیژی لە بەرژەوەندی ھیچ لایەنێکدا نییە.
لە بەرامبەریشدا بەڕێوەبەری نوسینگەی موقتەدا سەدر رێبەری رەوتی سەدر رایگەیاند، ئامادەی ھیچ جۆرە گفتوگۆ و دانوستانێک نابن و بەردەوامیش دەبن لە خۆپیشاندان تا ئەو کاتەی گەندەڵکاران لە دەسەڵاتدا بن.
بە پێی ئامارێکی وەزارەتی ناوخۆی ھەرێمی کوردستان، لەماوەی ھەفتەیەکدا دوو ھەزار و ٦٤٢ ئۆتۆمبێلی نوێ کە تازە ھاتوونەتە ھەرێم تۆمارکراون، کە ھەزار و ٨٤٠ ئۆتۆمبێل لە پارێزگای ھەولێر و ٥٦٥ ئۆتۆمبێل لە سلێمانی و ٢٣٧ ئۆتۆمبێل لە دھۆک بوون.
ھەر لە ماوەی ئەو ھەفتەیەدا، ٥٢ رووداوی ھاتووچۆ لە شارەکانی ھەرێم روویانداوە، ھەروەھا ٤٠ ھەزار و ١٨٢ سەرپێچی ھاتووچۆیی تۆمارکراو.
ھەر بە پێی ئامارەکەی وەزارەتی ناوخۆ، لە ماوەی ئەو ھەفتەیەدا ھەزار و ٢٩٩ ئۆتۆمبێل تابلۆکەیان گۆڕیوە بۆ تابلۆی نوێ، ھەزار و ٧٩٣ مۆڵەتیش بۆ یەکەمجار دراوە بە ھاوڵاتییان.
پەیامنێری کوردسات نیوز رایگەیاند، ھێزەکانی سوپای تورکیا و گروپە چەکدارەکانی، گوندەکانی دەوروبەری تەلتەمر و زرکانیان بە چڕی تۆپباران کردووە کە لە ژێر کۆنترۆلی ھێزەکانی سوریای دیموکراتدان، وتیشی، تا ئێستا بەھۆی ئەو ھێرشانەوە هەشت مەدەنی برینداربوون و لە ناویشاندا ژن و منداڵی تێدایە.
سوپای تورکیا و گروپە چەکدارەکانی نزیک لەو وڵاتە لە سوریا چەند گوندێکیشیان لە ناوچەی شەھبا تۆپباران کرد کە زۆربەی خەڵکی ئەو ناوچەیە، ئاوارەکانی عەفرینن.