کوردستان
ڕۆژی سێشەممە ٢٥ی کانوونی دووەمی ٢٠٢٢ وەزارەتی دارایی و ئابووری ھەرێم بە دابەشکردنی مووچەی وەزارەتی تەندروستی دەستیپێکرد ، هەروەها مووچەی مانگی یەکی ئەمساڵ و تا ئێستا مووچەی چەند وەزارەتێک دراوە، دوایین شوێنیش مووچەی ئەنجوومەنی ئاسایش بوو کە رۆژی پێنجشەممەی ھەفتەی داھاتوو دابەش کرا.
بافڵ جەلال تاڵەبانی لە بەغداد پێشوازیکرد لە عەممار حەکیم، سەرۆکی ڕەوتی حیکمە لە دیدارێکدا کە قوباد تاڵەبانی ئامادەبوو، گفتوگۆکرا لەبارەی دۆخی سیاسی و ئەمنی عێراق و ھەنگاوەکانی پێکھێنانی حکومەت و چۆنێتی چارەسەکردنی کێشە و گیروگرفتەکان.
لە کۆبوونەوەکەدا جەخت لە رەخساندنی زەمینەی لەبار و گونجاو بۆ زاڵبوون بەسەر ئاستەنگەکاندا و پەنابردن بۆ ھەنگاوە دەستوورییەکان کرایەوە بۆ دۆزینەوەی میکانیزمەکانی گەیشتن بە رێککەوتنی نیشتمانی لە چوارچێوەی بەرژەوەندی گەل و وڵات دوور لە فشاری حزبی و خۆسەپێنی.
لە کۆبوونەوەکەدا بافڵ جەلال تاڵەبانی روونیشیکردەوە کات ماوە لەبەردەم ھێزە رەسەنەکان تاوەکو پێکەوە بەرپرسیارانە بگەین بە رێککەوتن و بەرژەوەندی نیشتمانی زاڵبکەین بەسەر بەرژەوەندییە حزبییەکان، ئەمەش خواست و پێویستی ئەم قۆناغەیە کە لە خزمەت چاکەی گشتیدا دەبێت.
لە بەرامبەریشدا سەید عەممار حەکیم ئاماژەی بۆ ئەوە کرد عێراقی ئەمڕۆ پێویستی بە لێپرسراوی دڵسۆز و سەر ڕاست ھەیە کە نیشتمانی و ئازاد بێت بۆ وڵات و سەروەرییەکان بپارێزێت و کایەکانی دەوڵەتداری دوور لە فشاری سیاسی لە خزمەت ئامانجی گشتی بەڕێوەببات.
دەقی پەیامەکە :
بەڕێز: مامۆستا سڵاحەدین بەھادین- ئەمینداری گشتی یەکگرتووی ئیسلامی کوردستان
(٢٨)ەمین ساڵیادی دامەزراندنی یەکگرتووی ئیسلامی کوردستان لە خۆتان و تەواوی ئەندام و لایەنگرانی حزبەکەتان پیرۆز دەکەم و ھیوای بەردەوامی و سەرکەوتنتان بۆ دەخوازم.
یەکگرتووی ئیسلامی کوردستان وەک ھێزێکی سیاسی کاریگەر لەماوەی رابردوودا رۆڵی دیارو بەرچاوی ھەبووە لە کایەی سیاسی و ھاوکارێکی باشی ھێزو لایەنە سیاسییەکان بووە لەھەرێمی کوردستان، بۆ ئایندە ھیواخوازم بتوانین ھەموومان پێکەوە خەبات بکەین لەپێناو خزمەتکردنی گەلەکەمان و ھەوڵدان بۆ بەدەستھێنانی مافەکانمان.
کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان
لەو بارەیەوە بەرێوەبەری ناحیەی بازیان رایگەیاند، پرۆسەی دابەشکردنی نەوت، تەیناڵ و بەردەقارەمان و گۆپاڵە و ئەڵایی دەگرێتەوە، ئاماژەی بۆ ئەوەش کرد ھەر خێزانێک لە بەرامبەر وەرگرتنی یەک بەرمیل نەوت ٥٥ ھەزار دیناریان لێوەردەگیرێت.
ھەر لە کۆبونەوەکەدا بیروبۆچوون لەبارەی پێشھاتە سیاسی و ئابوورییەکان ئاڵوگۆڕکرا و جەخت لە پێویستی پەرەپێدانی پەیوەندییەکانی نێوان وڵاتی ئەڵمانیا و ھەرێمی کوردستان کرایەوە.
لە تەوەرێکی دیکەدا، بە ئاماژە بە دەرئەنجامی ھەڵبژاردنەکانی پەرلەمانی عێراق کراو، باس لە گفتوگۆ و ھەنگاوەکانی نێوان لایەنە سیاسییەکان بۆ پرسی ھەڵبژاردنی سەرۆک کۆمار و پێکھێنانی حکومەتی عێراق کرا، لای خۆیەوە، خاتوو شاناز روئیای یەکێتی بۆ قۆناغی دوای ھەڵبژاردن لە عێراق خستەڕوو و دووپاتیکردەوە کە یەکێتی پێداگربوە بۆئەوەی کورد بەیەک تیم و یەکگرتوویی بچنە بەغداد تا پێکەوە گفتوگۆکان بۆ داکۆکی لە مافە دەستووریی و نەتەوەییەکانمان بکەین، پەیوەست بەوپرسەوە ھەردوولا ھاوڕابوون لەپێویستی پێکھێنانی حکومەتێکی کارا و خزمەتگوزار کە لە ئاست چاوەڕوانی و داخوازی ھەموو پێکھاتەکانی عێراقدا بێت.
لەبارەی ڕەوشی ناوخۆی ھەرێمی کوردستان و پەیوەندی لایەنە سیاسییەکان، شاناز ئیبراھیم ئەحمەد باسی لەوەکرد ، کە تەبایی ناو ماڵی کورد و پاراستنی یەکڕیزی لایەنە سیاسییەکان ئەرک و بەرپرسیارێتی سەرجەم لایەنەکانە و ھەڵوێستی یەکێتیی نیشتمانیی کوردستانی لەمڕوەوە روونکردەوە، ھاوکات رۆشنایی خستەسەر دۆخی ئێستای ھەرێم و باروگوزەرانی ھاوڵاتیان و رایگەیاند، ناکرێت ھێندەی تر قورسایی بخرێتەسەر ژیانی ھاوڵاتیان و کێشەی دیکەی جیاجیا دروست بکرێت، بەڵکو پێویستە میکانیزمی باشتر بۆ چارەسەری کێشەکانی ئێستا بگیرێتەبەر، بەتایبەت کە ھێشتا مەترسی تیرۆریستانی داعش لەسنورەکەدا ماوە و ھەڕەشەن بۆ ھەمووان.
سەرۆکایەتیی پەرلەمانی کوردستان بە نوسراوی رەسمی لایەنەکانی ئاگادارکردووەتەوە کە رۆژی ١٠ی ئەم مانگە دوایین وادەیە بۆ خستنەڕووی سەرنج و تێبینییەکان لەبارەی دروستکردنی کۆمسیۆنێکی نوێ و ھەموارکردنەوەی یاسای ھەڵبژاردن بۆ ئەوەی پەرلەمان ئەرکەکانی جێبەجێ بکات.
بۆ ئەنجامدانی ھەڵبژاردنی پەرلەمانی کوردستان لە وادەی خۆیدا کە ئەمساڵە، پێویستە کۆمیسیۆنی نوێ دروست بکرێت و یاسای ھەڵبژاردنیش ھەمواربکرێتەوە، چونکە لە رۆژی ٢٠ی کانوونی یەکەمی ٢٠١٩وە وادەی کۆمیسیۆن بەسەرچووە.
ئەمڕۆ یەکشەممە ٦ی ٢ی ٢٠٢٢، د. ڕێواز فائق، سەرۆکی پەرلەمانی کوردستان، پێشوازیی لە ئۆلیڤێی دێکۆتینی، کونسوڵی گشتیی فەرەنسا لە ھەرێمی کوردستان کرد.
لە دیدارێکی نێوانیاندا باسی دوایین پێشھاتە سیاسییەکانی عێراق و کوردستان و پێکھێنانی کابینەی نوێی حکوومەتی عێراق و ئاڵنگارییەکانی بەردەم پرۆسەکە کرا، ھاوکات باسی ھەڵبژاردنەکانی داھاتووی پەرلەمانی کوردستان و یاسای ھەڵبژاردن و کاراکردنەوەی کۆمسیۆنی باڵای ھەڵبژاردنەکان و ئاستەنگەکان و جیاوازیی دید و تێڕوانینی لایەنە سیاسییەکان لەسەر پرۆسەکە کرا.
سەرۆکی پەرلەمانی کوردستان، ڕایگەیاند: "ئەنجامدانی ھەڵبژاردن پڕۆسەیەکی تەواو دیموکراسییە، ھەر ھەنگاوێک بۆ کاراکردنەوەی کۆمسیۆن بنرێت، پێویستیی بە کۆدەنگیی حزب و لایەنە سیاسییەکانە، ھیواخوازین پرۆسەکە بەشێوەیەکی ڕێکوپێک بەڕێوە بچێت و ھیچ لایەنێک تێیدا ھەست بە پەراوێزخستن نەکات و ھەمووان بە گوێرەی سەنگ و قەبارەی جەماوەریی خۆیان گوێیان لێبگیرێت، دواجار ببێتە مایەی تووندوتۆڵی و یەکڕیزیی نێوان سەرجەم حزب و نەتەوە و ئاینە جیاوازەکان و گوزارشت لە ھەمووان بکات".
سەبارەت بە پێکھێنانی کابینەی نوێی حکوومەتی عێڕاقیش گوتی: "ئەمەی کە ئێستا لە ئارادایە لە ئاڵۆزی و بە یەک نەگەیشتنی لایەنە سیاسییە جیاوازەکان، پێشبینیکراو بوو، پێشووتریش بەر لە ھەڵبژاردنەکان بۆچوونی خۆمان لەم بارەیەوە خستۆتە ڕوو، ئومێد دەکەین بە لێکتێگەیشتن و گفتوگۆی بنیادنەرانە ھەمووان بگەنە ڕێککەوتن و سازان".
لای خۆیانەوە ئۆلیڤێی دێکۆتینی، کونسوڵی گشتیی فەرەنسا لە ھەرێمی کوردستان، سوپاس و پێزانینی خۆی ئاڕاستەی د. ڕێواز فائق، سەرۆکی پەرلەمانی کوردستان کرد بۆ پێشوازی لێکردنیان و خستنەڕووی سەرنج و تێڕوانینە گرنگ و پڕ بایەخەکانیان.
پەیامنێری کورسات نیوز ڕاگەیاند، تەرمی ئەو دوو کوژراوەی لە شەقامی سەرەکی فڕۆکەخانەی کەرکوک باوک و کوڕن.
وتیشی، ھێزە ئەمنییەکان دەستیان بەلێکۆڵینەوە لە رووداوەکە کردووە.
پەیامنێری کوردسات نیوز رونیشیکردەوە، بەپێی زانیارییە سەرەتاییەکان رووداوەکە پەیوەندی بە کێشەی نێوان دوو بنەماڵەی عەرەبەوە ھەیە.
بەپێی نوسراوێکی بەڕێوبەرایەتی گشتی تەندروستی سلێمانی ئاراستەی سەرجەم نەخۆشخانە و سەنتەر و مەڵبەند و بنکە تەندروستییەکان و ھەردوو بەڕێوبەرایەتی تەندروستی چەمچەماڵ و دەربەندیخان کراوە، بەبێ وەرگرتنی ڤاکسین و کارتی ڤاکسین موچەی مانگی (٢) بەھیچ فەرمانبەر و کارمەندێک نەدرێت تا ژەمی ڤاکسین و کارتی ڤاکسینی دژە کۆرۆنا وەردەگرێت.
ئەم ھەنگاوەش لەپێناو پابەندبوونی ھەمووان بە بە کارھێنانی ڤاکسین و سەلامەتی و تەندروستی..
#ڕاگەیاندن و پەیوەندییەکانی ب.گ.تەندروستی سلێمانی
دەقی پیرۆزباییەکە...
بەناوی یەزدانی مەزنەوە
بەڕێز مامۆستا عیرفان عەبدولعەزیز، رابەری بزوتنەوەی ئیسلامی، بەڕێزانمان لە سەرکردایەتی و ئەندام و لایەنگرانی بزوتنەوەی ئیسلامی.
بەبۆنەی بەستنی دوانزەھەمین کۆنگرەی بزوتنەوەی ئیسلامی و دانانەوەی بەڕێزتان بە رابەری بزوتنەوەی ئیسلامی، گەرمترین پیرۆزباییتان ئاڕاستە دەکەین.
ھیوادارم سەرکەوتنی کۆنگرەکەتان ھاندەربێت بۆ پتەوکردنی پەیوەندی سیاسی نێوانمان و کاری پێکەوەیی لەپێناو سەقامگیری زیاتر و یەکخستنی ھەوڵەکان بۆ یەکڕیزی نێو ماڵی کورد و چارەسەرکردنی کێشە و ناکۆکییەکان. کە لەم ھەلومەرجەدا لە ھەموو کات زیاتر پێویستمان بە گیانی لێبووردەیی، برایەتی و یەکتر قبوڵکردن ھەیە.
کە دڵنیام ئەم نییەتەش بە ھەوڵ و ھیمەتی ھەموو دڵسۆزان بەدیدێنین.
خوای گەورە مۆفەقتان بکات
ھەر شاد و سەربەرز و سەرکەوتووبن.
دڵسۆزتان
بافڵ جەلال تاڵەبانی
٦ی ٢ی ٢٠٢٢ – بەغدا
بە پێی زانیارییەکان بڕیارە "عیرفان عەبدولعەزیز" ڕابەری ئێستای بزووتنەوەکە خۆی کاندید نەکاتەوە، لە جێگەی کامیل حاجی عەلی کاندیدی بەھێزە بۆ وەرگرتنی پۆستی ڕابەری بزوتنەوەی ئیسلامی، بۆ ئەو مەبەستەش پێویستی بە دەنگی ٥٠ + ١ ھەیە بۆ ئەوەی ببێت بە ڕابەر.
وتیشی، لە ناوەندەکانی شاری ھەولێر، شێرپەنجەی مەمک بە پلەی یەکەم و پێست بە پلەی دووەم و شێرپەنجەی سییەکان بە پلەی سێیەم دێت.
تەندروستی کەرکوک بڵاویکردەوە، حاڵەتەکانی تووشبوون و مردن بە کۆرۆنا لە کەرکوک زیادیانکردووە و بەھۆی کەمی کەرەستەشەوە ژمارەی پشکینەکانی کۆرۆنا لە نەخۆشخانەکانی کەرکوک کەمکراونەتەوە و ئەوەش وا دەکات ئاماری تووشبوون بە کۆرۆنا لە کەرکوک کەم بکات، بەڵام لە بنەڕەتدا حاڵەتەکانی کۆرۆنا کەمی نەکردووە، بەڵکو پشکنینی کۆرۆنا کەمکراوەتەوە.
دوای راگەیاندنی کۆنترۆڵکردنی گرتووخانەی سناعەی لە گەڕەکی غوێرانی حەسەکە لە ٢٦ی مانگی رابردوو ، ھێزەکانی ئاسایشی ناوخۆی باکوور و خۆرھەڵاتی سوریا و ھەسەدە ئۆپراسیۆنێکیان لە پارێزگای حەسەکە و گوند و ناوچەکانی تری دەوروبەری پارێزگاکە دەستپێکردووە و بە وردی بە دوای شانە نوستووەکانی داعش و چەک و ئامێرەکانیان دەگەڕێن.
بڕیارە ئۆپراسیۆنەکە تا بەشی خۆرئاوای شاری حەسەکە بەردەوام ەبێت و دواتر ئەنجامی ئۆپراسیۆنەکە رادەگەیەنن.
ئەمڕۆ بە ئامادەبوونی ٦٣٠ نوێنەر، کۆنگرەی دوانزەیەمی بزووتنەوەی ئیسلامی کوردستان بە ئامانجی ھەڵبژاردنی ڕابەر و ھەموارکردنی پەیڕەوی حزبەکە لە ھەولێر دەستیپێکرد.
لە پڕۆسەی دەنگدان بە ڕابەری نوێ، کامیل حاجی عەلی تاکە کاندید بۆ ئەو پۆستە دەنگی پێویستی بەدەستنەھێنا و لە کۆی ٥٤٠ دەنگ ٢٧٦یان سپی بوون.
بەپێی پەیڕەوی بزوتنەوەکەش ئەگەر کاندید دەنگی پێویستی بەدەستنەھێنا ئەوا راستەوخۆ ڕابەری پێشوو لە پۆستەکەی دەمێنێتەوە، ھەر بۆیە بە بڕیاری ئەنجومەنی شورا بۆ جاری سێیەم عیرفان عەلی عەبدولعەزیز لە پۆستی ڕابەری بزووتنەوەی ئیسلامی کوردستان مایەوە و " کامیل حاجی عەلی"یش پۆستی سەرۆکی ئەنجومەنی شورای بزووتنەوەکەی پێدرا.
بزووتنەوەی ئیسلامیی کوردستان ساڵی ١٩٨٧ لەلایەن کۆمەڵێک پیاوی ئایینی و بە سەرکردایەتیی مەلا عوسمان عەبدولعەزیز لە شاری سنەی خۆرھەڵاتی کوردستان دامەزرا.
میدیاکانی تورکیا بڵاویانکردەوە، ١٢ی ئەم مانگە سەرۆکی شەش پارتی ئۆپۆزسیۆن لەسەر داوای کەمال کڵچدار ئۆغڵو کۆدەبنەوە.
پارتەکانیش بریتین لە جەھەپە، ئیی پارتی، سەعادە، پارتی دیموکرات، پارتی ئایندە و دەڤا.
بەپێی زانیارییەکانیش چاوەڕوان دەکرێت لە کۆبوونەوەکەدا باس لە پێکھێنانی ھاوپەیمانییەتییەکی نوێ بکرێت دژی ھاوپەیمانی جومھوری ئاکپارتی و مەھەپە.
لە ئێستادا ھاوپەیمانی گەل کە لە جەھەپە، ئیی پارتی، سەعادە، پارتی دیموکرات پێکدێت گەورەترین رکابەری ئەردۆغانن و ئامانجیان ئەوەیە لە ھەڵبژاردنی داھاتوودا ھەڵبژاردن ببەنەوە و بگەنە دەسەڵات.