کوردستانراگەیاندنی ئیدارەی گەرمیان دەڵێت، دەزگا خزمەتگوزارییەکان و تەندروستی لە خزمەتی ھاوڵاتییانی سنوورەکەدا دەبن و راگەیاندنی پشوو ئەوان ناگرێتەوە.
دەشڵێت، "داوا لە ھاوڵاتیانی خۆشەویستی گەرمیان دەکەین تا کۆتاییھاتنی ئەم شەپۆلە خۆڵبارینە، لە پێناو پاراستنی تەندروستیان بۆکاری زۆر پێویست نەبێت لە ماڵەکانیان نەیەنە دەرەوە."
راشیگەیاند، "بەپێی پێشبینییەکانی کەشوھەوا ئەگەری چڕبوونەوەی زیاتری شەپۆلە کە ھەیە."
لە راگەیەندراوێکدا فڕۆکەخانەی نێودەوڵەتی سلێمانی دەڵێت، "لە ئێستادا گەشتەکانی فڕۆکەخانەی نێودەوڵەتی سلێمانی بۆ ماوەیەکی کاتی ڕادەگیرێت، وە لەکاتی ئاسایی بوونەوەی شەپۆلی خۆڵبارینەکە گەشتەکان ئاسایی دەبنەوە "
ھەر بەھۆی خۆڵبارین، فرۆکەخانەی نێودەوڵەتی ھەولێر دوای دوو سەعات لە ڕاگرتن، گەشتەکانی دەستپێکردەوە رایگەیاند بەھۆی خۆڵبارینی "چڕ" گەشتەکان وەستابوون و لە ئەگەری ھەبوونی ھەر گۆرانکاریەک ھاوڵاتیان ئاگادار دەکەنەوە.
شەپۆلێکی خۆڵبارین لە بەغداد و ناوچەکانی باشوری عێراقەوە دەستیپێکردووە و کاریگەرییەکانی لە بەشێک لە ناوچەکانی ھەرێمی کوردستان و بەتایبەت ھەولێر دەرکەوتووە.
سنور حامید جێگری سەرۆکی لقی ھەڵەبجەی سەندیکای کارمەندانی تەندروستیش بە کوردسات نیوزی راگەیاند، بەھۆی کەمی کارمەندەوە فشارێکی زۆریان لەسەرەو پێویستیان بە دامەزراندنی ٥٠٠ کارمەندی تەندروستی ھەیە.
ئازاد سابیر لێپرسراوی ژووری ئۆپراسیۆنەکان لە تەندروستی کەرکوک بە کوردسات نیوزی راگەیاند، تا سەعات ١٢ ی نیوەرۆی ئەمرۆ ، ١١٥ ھاووڵاتی سەردانی نەخۆشخانەکانیان کردووە.
بەپێی وتەی ئازاد سابیر، ١٤ منداڵ لەنێو ئەو کەسانەدا بوون کە سەردانی نەخۆشخانەکانیان کردووە و سەرجەم حاڵەتەکانیش بەھۆی خۆڵبارینەوە سەردانی نەخۆشخانەکانیان کردووە .
شەپۆلێکی خۆڵبارین لە بەغداد و ناوچەکانی باشوری عێراقەوە دەستیپێکردووە و کاریگەرییەکانی لە بەشێک لە ناوچەکانی ھەرێمی کوردستان و بەتایبەت ھەولێر دەرکەوتووە.
لە راگەیەندراوێکدا پۆلیسی دھۆک دەڵێت، لە سنووری قەزای بەردەڕەش ژنێکی تەمەن ٣٠ ساڵ لەلایەن ھاوسەرەکەیەوە کوژراوە.
بەپێی راگەیەندراوەکەی پۆلیسی دھۆک، رووداوەکە لە گوندی نەزراوە لە سنووری قەزای بەردەڕەش روویداوە و ژنەکە خاوەنی ٥ منداڵە و پۆلیس بەدوای بکوژەکەدا دەگەڕێت.
پۆلیسی دھۆک دەشڵێت، " تاوانبارەکە بەپێی بڕیاری دادوەر فەرمانی دەستگیرکردنی بۆ دەرچووە و دۆسیەی لێکۆڵینەوە بۆ رووداوەکە کراوەتەوە و ھەوڵدەدرێت بەزوترین کات دەستگیربکرێت."
د.ئومێد عەلی بەڕێوەبەری نەخۆشخانەی شار لە سلێمانی بە كوردسات نیوزی راگەیاند، لەگەڵ ئەوەی توانای پێویست بۆ چارەسەركردنی هاوڵاتیان گرەنتی كراوە، بەڵام دەبێت ئەو كەسانەی كێشەی تەندروستییان لەگەڵ خۆڵبارین هەیە، خۆیان بپارێزن و لە ماڵەكانیاندا بمێننەوە.
تیایدا داوا لە حكومەتی هەرێمیش كرا هەلی دامەزراندن بۆ دەرچووانی بەشە پزیشكییەكان بڕەخسێنت.
لە راگەیەندراوێکی بەرێوەبەرایەتی ھاتوچۆی سلێمانیدا ھاتووە، بەھۆی بەردەوامی شەپۆلی خۆڵبارین لە شارەکانی ھەرێمی کوردستان و کەمبوونەوەی ڕادەی بینین، بە پێویستی دەزانین ھۆشداری بدەین بە شۆفێران کە بەشێوەیەکی تەواو بەرپرسیارانە شۆفێری بکەن.
ھاتوچۆی سلێمانی چەند رێنماییەکی بڵاوکردووەتەوە داوادەکات شۆفێرران پێوەی پابەندبن، لەوانە کەمکردنەوەی خێرایی و پاراستنی ماوەی سەلامەتی نێوان ئۆتۆمبێلەکان و داگیرساندنی گڵۆپی تەم و بەکارھێنانی ماسک.
لەبارەی ناوچە شاخاوییەکان و ڕێگەکانی دەرەوەی شار ئاماژەی بەوەکردووە، تا دەکرێت ئەو ڕێگەیانە بەکار نەھێنرێت و گەشتەکان دوا بخرێن تا ئەو کاتەی ئەم شەپۆلی خۆڵبارینە کۆتایی پێدێت.
ھێزێکی ھاوبەشی لیوای ١٦ و ٥٦ی حەشدی شەعبی و پۆلیسی فیدراڵی توانیان گەمارۆی گروپێک لە پاشماوەی تیرۆریستانی داعش بدەن کە ھێرشیان کربووە سەر گوندێک لە باشووری ڕۆژئاوای پارێزگای کەرکوک.
گروپە تیرۆریستیەکەی داعش ھێرشیان کردبووە سەر گوندی سامی ئەلعاسی سەر بە ناحیەی ئەلڕەشاد و بەھۆیەوە ھاوڵاتیانی مەدەنی گوندەکە بریندار بوون، پاشان ھێزێکی ھاوبەشی لیوای ١٦ و ٥٦ی حەشدی شەعبی و پۆلیسی فیدراڵی توانیان گەمارۆی گروپەکە بدەن.
وەزارەتی پەروەردەی حکومەتی ھەرێمی کوردستان خوێندکاران ئاگادار دەکاتەوە ئەمشەو ئەنجامی تاقیکردنەوەی نیشتمانی پۆلی نۆیەمی بنەڕەتی خوێندنی ئیسلامی خولی یەکەمی ٢٠٢١-٢٠٢٢ رادەگەیەندرێت.
ھەروەھا ئاگاداری خوێندکاران دەکاتەوە لەکاتی ھەبونی ناڕەزایی لە دەرەنجامی نمرەکانیان، دەتوانن لە سنوری پەروەردەی قەزاکان فۆرمی پەڵپ پڕبکەنەوە.
وەزارەتی پەروەردە ئاماژەی بەوەشکردووە، پەڵپ لە دوای ڕاگەیاندنی ئەنجامەکان دەست پێدەکات و کۆتا وادە ٢٩ی ٥ی ٢٠٢٢ دەبێت تا تەواوبوونی کاتی دەوامی رەسمی.
بۆ وەرگرتنەوەی ئەنجامەکان سەردانی ئەم لینکە بکەن
وەزارەتی تەندروستی ھەرێمی کوردستان لە راگەیەندراوێکدا ئاماژەی بەوەکردووە، چاودێری ڕەوشی کەشوھەوا دەکەن و ھەرکاتێک ئاستی خۆڵبارین لە ھەر شوێنێک بگاتە رادەی مەترسی بۆسەر تەندروستی مرۆڤ، بێ دوو دڵی پشووی رەسمی لە ھەردوو کەرتی گشتی و تایبەت لەپێناوی بەرژەوەندی و تەندروستی ھاوڵاتیان رادەگەیەندرێت.
لە بەرەبەیانی ئەمڕۆوە شەپۆلێکی خۆڵبارین ھەرێمی کوردستان و عێراقی گرتووەتەوە و بەھۆی چڕی خۆڵبارینیشەوە لە پارێزگاکانی حکومەتی عێراق و ئیدارەی گەرمیان کرا بە پشووی رەسمی.
بەرێوەبەرایەتی گشتی کەشناسی و بومەلەرزەزانی ھەرێمی کوردستان لە راگەیەندراوێدا بڵاویکردووەتەوە، ئەو شەپۆلە خۆڵبارینەی رووی لە ناوچەکەمان کردووە سبەی سێ شەممە ٢٤-٥-٢٠٢٢ بەردەوامی دەبێت سەرەتا لەکاتەکانی بەرەبەیانی زوودا کاریگەریکەی زۆر دەبێت تا سەعات١٠ پێش نیوەرۆ و مەودای بینین سێ بۆ پێنج کیلۆمەتر دەبێت پاشان کاریگەریەکەی لاواز دەبێت بەجۆرێک مەودای بینین دەبێتە پێنج بۆ حەوت کیلۆمەتر و لە کاتەکانی ئێوارەدا کاریگەریەکەی لاوازتر دەبێت.
ئاماژەی بەوەکردووە، خێرایی با کەمێک چالاک دەبێت و لەناوچەکانی کەرکوک و گەرمیان کاریگەریەکە زیاتر دەبێت وە مەودای بینین کەمتر دەبێت لە کیلۆمەتر و پێشبینی تۆزوخۆڵ تا سبەی سێشەممە بەردەوامی دەبێت و لە کاتەکانی ئێوارەدا بەرەو لاوازی دەچێت، بۆ رۆژی چوارشەممە ٢٥-٥-٢٠٢٢ کاریگەری خۆڵ بارین بە تەواوی کۆتایی دێت.
راشیگەیاندووە، لە حالەتی گۆرینی لە ناکاوی خێرایی با ئەو پێشبینیانە گۆڕانکاری رێژەییان بە سەردێت.
پارێزگای ھەڵەبجە لە راگەیەندراوێکدا ئاماژەی بەوەکردووە، "بەھۆی ئەو شەپۆلە خۆڵبارینەی ھەرێمی کوردستانی بەگشتی و پارێزگایی ھەڵەبجەی گرتووەتەوە، لەبەر ڕەوشی بریندارانی چەکی کیمیاوی و بۆ پاراستنی گیانی فەرمانبەران، لەژێر ڕۆشنایی ڕێنماییە تەندرووستیەکانی وەزارەتی تەندرووستی ھەرێم و ناوەند و زانیاریە کەشناسیەکان کە سبەینێش خۆڵبارین بەردەوامە، بە بڕیاری پارێزگاری ھەڵەبجە سبەینێ لە دامەزراوەکانی حکومەتی ھەرێم لە سنوری پارێزگای ھەڵەبجە پشووی رەسمییە".
پیشتر وەزارەتی تەندروستی حکومەتی ھەرێمی کوردستان رایگەیاندبوو، چاودێری کەشوھەوا دەکەن و لە ھەرشوێنێک ئاستی خۆڵبارین بگاتە رادەی مەترسی پشووی رەسمی رادەگەیەندرێت.
عەقید شەماڵ عەبدولرەحمان بەڕێوەبەری ئاسایشی کوڵەجۆ بە کوردسات نیوزی راگەیاند، پێنج چەکداری تیرۆریستانی داعش پەلاماری ماڵی ھاوڵاتییەکی گوندی ئیسلاحیان لە سنوری ناحیەی جەلەولا داوە و بەھۆیەوە ژنێک کوژراوە و سێ پیاو بریندار بوون.
کوردسات نیوز زانیویەتی، نێچیرڤان بارزانی سەرۆکی ھەرێمی کوردستان لە سەردانەکەی بۆ سلێمانی بەشداری لە ڕێوڕەسمی دەرچووانی خولی١٦ی کۆلێژی سەربازیی قەڵاچوالان دەکات و لەگەڵ بافڵ جەلال تاڵەبانی لە دەباشان کۆدەبێتەوە.
بڕیاریشە دواتر نێچیرڤان بارزانی بە جیا لەگەڵ ھەریەک لە سەڵاحەدین بەھادین ئەمینداری گشتی یەکگرتووی ئیسلامی و عەلی باپیر سەرۆکی کۆمەڵی دادگەری کۆبێتەوە.
بەرێوەبەرایەتی گشتی کەشناسی و بومەلەرزەزانی ھەرێمی کوردستان رایگەیاند، ئەمڕۆ یەک شەممە لە پارێزگاکانی ھەرێمی کوردستان ئاسمان نیمچە ھەور دەبێت لەگەڵ بوونی تۆزێکی سووک.
کەشناسی ھەرێمی کوردستان ئاماژەی بەوەشکردووە، سبەی دوو شەممەش ئاسمان پەلە ھەور دەبێت لەگەڵ بەرزبوونەوەی تۆزوخۆڵ لە ھەندێ ناوچە ئاستی خۆڵ بارین زیاتر دەبێت لەگەڵ زیادبوونی خێرای با و نزم بوونەوەی پلەکانی گەرما بە نزیکەی دوو بۆ چوار پلەی سیلیزی .