رۆژهەڵاتی ناوەڕاست
بزوتنەوەی حەماس كوژرانی وتەبێژی بزوتنەوەكەی لە بۆردومانێكی ئیسرائیلدا بۆسەر كامپی جەبالیا راگەیاند.
میدیای رەسمی بزوتنەوەی حەماس لە راگەیەنراوێكدا بڵاویكردەوە، بەرەبەیانی ئەمڕۆ عبدوللەتیف قانوع وتەبێژی بزوتنەوەكە لە بۆردومانێكی سوپای ئیسرائیلدا بۆسەر كەمپی ئاوارەكان لە ناوچەی جەبالیا لە باكوری غەززە كوژراوە.
ئاماژەی بەوەشكرد، قانوع لە نێو خێمەكەی خۆی لە كامپی ئاوارەكان كراوەتە ئامانج، هەر لەو بۆردومانەدا شەش كەسی دیكەش كوژراون و چەندین كەس تریش برینداربوون.
ئەمە لەكاتێكدایە كە هەر لەم هەفتەدا دوو سەركردەی دیكەی باڵای حەماس لە دوو بۆردومانی جیاوازی ئیسرائیلدا لە غەززە كوژران.
هاوكات بزوتنەوەی حەماس رایگەیاندوە، لەدوای دەستپێكردنی هێرشی ئیسرائیل بۆسەر غەززە لە 2023 ەوە تا وەكوئێستا 11 ئەندامی مەكتەبی سیاسی لە كۆی 20 ئەندام كوژراون.
بە زۆرینەی دەنگ ئەنجومەنی گەورە شارەوانی ئیستانبوڵ، نوری ئاسڵان كاندیدی جەهەپە بە بریكاری سەرۆكی شارەوانییەكە هەڵبژێردرا.
ئاژانسی ئەنادۆڵ بڵاویكردەوە، لەدوای دورخستنەوەی ئەكرەم ئیمامئۆغڵو سەرۆكی گەورە شارەوانی ئیستانبوڵ، بەهۆی ئەو تۆمەتانەی ئاراستەی كران، ئەنجومەنی شارەوانی ئیستانبوڵ بە 177 دەنگ لە كۆی 302 دەنگ، نوری ئاسڵان كاندیدی پارتی گەلی كۆماری بە بریكاری سەرۆكی شارەوانی ئیستانبوڵ هەڵبژارد.
ئاماژەی بەوەشكردووە، نوری ئاسڵان بریكاری نوێی سەرۆكی شارەوانی ئیستانبوڵ، كاروبارەكانی ئەكرەم ئیمامئۆغڵو سەرۆكی گەورە شارەوانی ئیستانبوڵ رادەپەڕێنێت، تائەو كاتەی دۆسییەكەی یەكلایی دەبێتەوە.
ئەوەش لەكاتێكدایە، ماوەی چەند رۆژێكە خۆپیشاندانی فراوان لە چەند شارێكی توركیا دژی دەستگیركردنی ئەكرەم ئیمامئۆغڵو دەستیپێكردووە رەجەب تەیب ئەردۆغان سەرۆك كۆماری توركیاش رایگەیاند، هەڵسوكەوتەكانی بەرەی ئۆپزسیۆن و خۆپیشاندەران حكومەت هەراسان ناكات.
رێكخراوی هیومان ڕایتس وۆچ ڕه‌خنه‌ی توندی له ده‌ستووری نوێی سوریا گرت و ئاماژه‌ی به لاوازكردنی ده‌سه‌ڵاتی دادوه‌ری و یاسادانان كرد.
ئاده‌م كۆگڵ، جێگری به‌ڕێوه‌به‌ری رۆژهه‌ڵاتی ناوه‌ڕاست له‌م رێكخراوه‌دا رایگه‌یاند كه ده‌ستووری نوێ ده‌سه‌ڵاتی جێبه‌جێكردن زاڵ ده‌كات و ئازادییه بنه‌ڕه‌تییه‌كان سنووردار ده‌كات.
به گوته‌ی كۆگڵ، پێویسته ده‌سه‌ڵاتدارانی سوریا پێداچوونه‌وه به ده‌ستوور بكه‌ن و ده‌سه‌ڵاتی دادوه‌ری و یاسادانان سه‌ربه‌خۆتر بكه‌ن.
هاوکات جه‌ختی كرده‌وه؛ كه قۆناغی راگوزه‌ری سوریا ده‌بێت ده‌روازه‌یه‌ك بێت بۆ سیسته‌مێكی دیموكراسی، نه‌ك چه‌سپاندنی سیسته‌مێكی ده‌سه‌ڵاتدار.
بنیامین ناتانیاهۆ، سەرۆک وەزیرانی ئیسرائیل، جارێکیتر هەڕەشەکانی دووپاتکردەوە، کە ئەگەر حەماس ئەو دەستگیرکراوانەی لەلای ماوەتەوە ئازاد نەکات، ئەوا ناوچەکانی کەرتی غەززە کۆنترۆڵ دەکەنەوە.
ئەمڕۆ چوارشەممە ناتانیاهۆ لە دانیشتنی دادگای کنێستدا وتی: "هەتا حەماس ئازادکردنی بارمتەکانمان زیاتر دوابخات هێرشەکانمان زیاتر و فراوانتر دەبن".
ئاماژەی بەوەشکرد، "ئەمە هەنگاوانە، کۆنتڕۆڵکردنی خاکەکەیان و ڕێوشوێنی دیکەش دەگرێتەخۆی".
وتیشی، "من ئەمە بە ئێوە دەڵێم، هەروەها بە حەماسیش. ئەمەش زۆر هەنگاو دەگرێتەخۆ، کە لێرەدا وردەکارییەکانی ناخەمەڕو".
لای خۆیەوە حەماس رۆژی چوارشەممە، هۆشداری دایە ئیسرائیل لەوەی ئەگەر دەستپێکردنەوەی هێرشەکانی بۆ سەر کەرتی غەززە بەردەوام بێت، بارمتەکانیان لەکەرتی غەززە "بە مردوویی لەناو تابووتدا" دەگەڕێنەوە.
ئاماژەی بەوەشکرد، "فەلەستین هەموو هەوڵێک دەدات بۆ ئەوەی زیندانیانی ئیسرائیل بە زیندووی بهێڵێتەوە، بەڵام بۆردومانی بێ جیاوازی هێزەکانیان ژیانیان دەخاتە مەترسییەوە"، هۆشداریشیدا کە "هەر جارێک داگیرکەران هەوڵی وەرگرتنەوەی دیلەکانی دەدات بە زۆر، ئەوان بە مردوویی لەناو تابوتەکاندا دەگەڕێنەوە".
ئیسرائیل لە 18ی ئاداردا هێرشەکانی بۆ سەر کەرتی غەززە دەستپێکردەوە، ئەوەش دوای نزیکەی دوو مانگ لە ئاگربەست، لەو ماوەیەدا 33 بارمتە لە بەرامبەر زیاتر لە هەزار و 800 زیندانی فەلەستینی لە زیندانەکانی ئیسرائیل ئازاد کران.
وەزارەتی تەندرووستی لە حکوومەتی بزووتنەوەی حەماس رایگەیاند، لە دوای دەستپێکردنەوەی هێرشەکانی ئیسرائیل بۆ سەر کەرتی غەززە، 830 فەلەستینی کوژراون، بەمەش ژمارەی کوژراوان لە سەرەتای شەڕەوە بۆ 50 هەزار و 183 کەس بەرزبووەتەوە.
دەسەڵاتدارانی توركیا لە ئەنكەرەوە پایتەخت و ئیزمیر تا سەرەتای مانگی داهاتوو هەموو جۆرە گردبونەوە و خۆپیشاندانێكیان قەدەغە كرد.
حكومەتی توركیا بڕیاریدا هەموو جۆرە گردبوونەوە و كۆبونەوە و خۆپیشاندانێك لە ئەنكەرە و ئیزمیر قەدەغە كرد.
بڕیارەكەی حكومەتی توركیا دوای لێدوانێكی رەجەب تەیب ئەردۆغان سەرۆكی وڵاتەكە دێت كە پارتەكەی ئیمام ئۆغڵۆی بە بزوتنەوەیەكی توندوتیژ ناوبرد.
هاوكات، حكومەتی ئەڵمانیاش رەخنەی توندی لە حكومەتی توركیا گرت لە بەرامبەر مامەڵەكردن لەگەڵ خۆپیشاندەران.
ئەوەش لەكاتێكدایە، تائێستا بەهۆی خۆپیشانەكانی ئیستەنبوڵەوە زیاتر لە هەزار و 100 كەس دەستگیركراون.
ئەمە لەكاتێكدایە لە رۆژی چوار شەممەی رابردووەوە شەپۆلێكی خۆپیشاندان و دەربڕینی ناڕەزایی توركیای گرتووەتەوە لە دژی دەستگیركردنی ئەكرەم ئیمام ئۆغڵۆ سەرۆكی شارەوانی ئیستەنبوڵ.
لەدوای هێرشێکی ئیسرائیل لە 19ـی ئاداری 2025 بۆسەر بارەگایەکی نەتەوە یەکگرتووەکان لە دێر ئەلبەلەح کە کارمەندێک تیایدا کوژراو شەش کارمەندی تریش تیایدا برینداربوو، نەتەوە یەکگرتووەکان بڕیاری دا ژمارەی کارمەندەکانی خۆی لە کەرتی غەززە بە ڕێژەی یەک لەسەر سێ کەم بکاتەوە.
ستیفان دوجاریک، گوتەبێژی نەتەوە یەکگرتووەکان، رایگەیاند کە لەم هەفتەیەدا 30 کارمەند کەم کراونەتەوە و رەنگە لە رۆژانی داهاتوودا کارمەندی زیاتر بکشێنرێنەوە. هاوکات، هیوای خواست هاووڵاتییانی غەززە بتوانن لە زووترین کاتدا بگەڕێنەوە بۆ کەرتەکە.
کۆمیتەی نێودەوڵەتیی خاچی سوور رایگەیاند کە بارەگاکەیان لە رەفەح خاپوور بووە. بەڵام ئیسرائیل رەتیدەکاتەوە و دەڵێت؛ هێرشەکە بۆ سەر بنکەیەکی حەماس بووە.
هێزەکانی سوریای دیموکرات (هەسەدە) رایانگەیاند، لە وەڵامی هێرشەکانی تورکیا و گروپە چەکدارەکانی بۆسەر بەنداوی تشرین، یەکینەکانی پاراستنی شەهید هارون دوو درۆنی هێرشکەریان خستە خوارەوە.
لە راگەیەندراوەکەدا هاتووە، "دوێنێ دوو شەممە تورکیا و هێزە چەکدارەکانیان هێرشیانکردە سەر بەنداوی تشرین و بە سەختی بۆردومانی بەنداوەکەیان کرد، لە ئەنجامدا هێزەکانمان تووانیان دوو فڕۆکەی بێفڕۆکەوانیان بخەنە خوارەوە و هێرشەکەیان پوچەڵبکەنەوە.
لە راگەیەندراوەکەی (هەسەدە)دا هاتووە، هێرشەکان تەنیا زیانی مادی هەبووە و هیچ زیانێکی گیانی نەبووە.
ئێران هەڵوێستی خۆی بۆ دانوستانی ناڕاستەوخۆ لەگەڵ ئەمریکا سەبارەت بە بەرنامەی ئەتۆمی راگەیاند و دەڵیت: بە مەرج گفتوگۆ دەکەین.
عەباس عێراقچی، وەزیری دەرەوەی ئێران رایگەیاند: رێگا بۆ دانوستانی ناڕاستەوخۆ کراوەیە و ئەگەری دانوستانی راستەوخۆ لەگەڵ واشنتۆن رەتکردەوە "تاوەکو هەڵوێستی ئەمریکا بەرانبەر بە ئێران نەگۆڕێت".
وەزیری دەرەوەی ئێران وتیشی: بۆ دانوستان تەنها یەک مەرجمان هەیە، ئەویش دیالۆگ وگفتوگۆکان لەژێر فشار و هەڕەشەدا نەبێت.
عەباس عێراقچی راشیگەیاند: وڵاتەکەی "هیچ دەرفەتێک لەدەست نادات بۆ گەیشتن بە بەرژەوەندییە نیشتمانییەکان".
ئەمەش لەکاتێکدایە دوێنێ نوێنەری سەرۆکی ئەمریکا بۆ رۆژهەڵاتی ناوڕاست رایگەیاند: پەیامی ئێمە بۆ ئێران ئەوەیە لە رێگەی دیالۆگ و دیپلۆماسییەوە بگەینە چارەسەری کێشەکان، ئەگەر نەمانتوانی رێگایەکی دیکە وەک سەربازی بژاردەیەکی باش نییە.
لەسەرەتای دەستپێكردنی خۆپیشاندانەكانەوە لە شارەكانی توركیا، زیاتر لە هەزار و 130 خۆپیشاندەر دەستگیركراون.
عەلی یرلیكایا وەزیری ناوخۆی توركیا لە تۆڕی كۆمەڵایەتی ئێكس رایگەیاند، لەسەرەتای دەستپێكردنی خۆپیشاندانەكان لە دژی دەستگیركردنی ئەكرەم ئیمامئۆغڵو سەرۆكی گەورە شارەوانی ئیستەنبوڵ، كە لە رۆژی چوارشەممەوە دەستیپێكردووە، هەزار و 133 خۆپیشاندەر دەستگیركراون، بەشێوەیەكی كاتیش تەواوی گردبوونەوە و كۆبوونەوەی جەماوەریی قەدەغەكراوە.
وەزیری ناوخۆی توركیا وتیشی، ئەو دەستگیركردنە لە چوارچێوەی ئەو چالاكییە نایاساییانەی خۆپیشاندەراندایە كە لە نێوان 19 بۆ 23ی ئەم مانگە ئەنجامدەدران، ئاژانسی فرانس پرێسیش رایگەیاند، 10 رۆژنامەنووس لەناو ماڵەكانیان دەستگیركراون.
پارتی گەلی کۆماری ئەکرەم ئیمامئۆغڵۆی وەک کاندیدی سەرۆک کۆمار بۆ هەڵبژاردنی 2028 دیاری کرد.
پارتی گەلی کۆماری ئەکرەم ئیمامئۆغڵۆی وەک کاندیدی سەرۆک کۆمار بۆ هەڵبژاردنی 2028 دیاری کرد.
پارتی گەلی کۆماری رایگەیاند، ئەکرەم ئیمامئۆغڵۆ سەرۆکی شارەوانی پێشوو کە لە ئێستادا لە زینداندایە، وەک کاندید بۆ هەڵبژاردنی سەرۆکایەتی کۆماری تورکیا دیاری کردووە، کە بڕیارە ساڵی 2028 بەڕێوەبچێت.
دوای ئەوەی دوێنێ دەنگدانێکی سەرەتایی بەڕێوەچوو و تیایدا 15 ملیۆن دەنگدەر بەشداریان کرد، ئەمڕۆ شارەوانی ئیستانبوڵ ئەنجامەکانی بڵاوکردەوە و بەپێی ئەنجامەکان، 13 ملیۆن و 211 هەزار کەس دەنگیان بە کاندیدکردنی ئەکرەم ئیمامئۆغڵۆ بۆ سەرۆک کۆمار دابوو.
بەپێی راگەیەنراوەکەی شارەوانی ئیستانبوڵ، ئەو کەسانەی دەنگیان بە ئەکرەم ئیمامئۆغڵۆ داوە، بەشێکی زۆریان ئەندامی حزب نین.
لە راگەیەنراوەکەی شارەوانی ئیستانبوڵدا ئەوەش هاتووە، "دەیان ملیۆن کەس لەم وڵاتەدا بەدەست ستەم و سەرکوتکارییەکانی حکومەتەوە دەناڵێنن".
رۆژی 19ی ئەم مانگە، لەسەر سكاڵای داواكاری گشتی توركیا بە بیانوی گەندەڵی و هاوكاریی تیرۆر و چەند تۆمەتێكی دیكە ئەکرەم ئیمامئۆغڵۆ سەرۆكی شارەوانی ئیستەنبوڵ دەستگیر کرا و دوای دوو جار دادگاییکردن، دوێنێ یەکشەممە، بڕیاری زیندانیکردنی بۆ دەرچوو.
دەستگیرکردنی ئیمامئۆغڵو توڕەیی زۆری هاووڵاتیانی تورکیای لێکەوتووەتەوە و لە رۆژی 19ی مانگەوە خۆپیشاندان بەردەوامە، تاوەکو ئێستا سەتان کەس دەستگیر کراون، خۆپیشاندەران زۆربەیان پێیان وایە بابەتەکە سیاسییە و پەیوەندی بە هەوڵی درێژکردنەوەی وادەی سەرۆکایەتی ئەردۆغانەوە هەیە، بەهۆی ئەوەی لە ماوەی دوو خوولی سەرۆكایەتیدا، ئەكرەم ئیمامئۆغڵۆ وەك ركابەرێكی سەرسەختی سیاسی ئەردۆغان لە توركیا دەركەوتووە.
لە هەڵبژاردنێکی سەرەتاییدا کە دوێنێ لە تورکیا بەڕێوەچوو، لەکۆی 15 ملیۆن دەنگدەر، زیاتر لە 13 ملیۆنیان دەنگیان داوە بە هەڵبژاردنی ئەکرەم ئیمامئۆغڵۆ بۆ کاندیدبوون وەک سەرۆک کۆمار.
دوای ئەوەی دوێنێ دەنگدانێکی سەرەتایی بەڕێوەچوو و تیایدا 15 ملیۆن دەنگدەر بەشداریان کرد، ئەمڕۆ شارەوانی ئیستانبوڵ ئەنجامەکانی بڵاوکردەوە و بەپێی ئەنجامەکان، 13 ملیۆن و 211 هەزار کەس دەنگیان بە کاندیدکردنی ئەکرەم ئیمامئۆغڵۆ سەرۆکی پێشووی شارەوانی ئیستانبوڵ داوە بۆ هەڵبژاردنی سەرۆکایەتی کۆماری تورکیا لە 2028دا.
بەپێی راگەیەنراوەکە، ئەو کەسانەی دەنگیان بە ئەکرەم ئیمامئۆغڵۆ داوە، بەشێکی زۆریان ئەندامی حزب نین.
دواتریش ئەکرەم ئیمام ئۆغڵۆ کە لە ئێستادا لە زینداندا راگیراوە ئەوەی خستە روو، دڵخۆش بووە بەو ئەنجامانە.
لە راگەیەنراوەکەی شارەوانی ئیستانبوڵیشدا هاتووە، "دەیان ملیۆن کەس لەم وڵاتەدا بەدەست ستەم و سەرکوتکارییەکانی حکومەتەوە دەناڵێنن، کە ئەوەش لە ئەنجامی ئابوورییەکی وێران و هەرایەکی زۆرەوە دروست بووە".
داواش لە خەڵک دەکەن، "پەلە بکەن بۆ چوونە سەر سندوقەکانی دەنگدان و بە رەجەب تەیب ئەردۆغانی سەرۆک کۆماری ئێستای تورکیا بڵێن: بەسە".
رۆژی 19ی ئەم مانگە، لەسەر سكاڵای داواكاری گشتی توركیا بە بیانوی گەندەڵی و هاوكاریی تیرۆر و چەند تۆمەتێكی دیكە ئەکرەم ئیمامئۆغڵۆ سەرۆكی شارەوانی ئیستەنبوڵ دەستگیر کرا و دوای دوو جار دادگاییکردن، دوێنێ یەکشەممە، بڕیاری زیندانیکردنی بۆ دەرچوو.
دەستگیرکردنی ئیمامئۆغڵو توڕەیی زۆری هاووڵاتیانی تورکیای لێکەوتووەتەوە و لە رۆژی 19ی مانگەوە خۆپیشاندان بەردەوامە، تاوەکو ئێستا سەتان کەس دەستگیر کراون، خۆپیشاندەران زۆربەیان پێیان وایە بابەتەکە سیاسییە و پەیوەندی بە هەوڵی درێژکردنەوەی وادەی سەرۆکایەتی ئەردۆغانەوە هەیە، بەهۆی ئەوەی لە ماوەی دوو خوولی سەرۆكایەتیدا، ئەكرەم ئیمامئۆغڵۆ وەك ركابەرێكی سەرسەختی سیاسی ئەردۆغان لە توركیا دەركەوتووە.
رێكخراوی نەتەوەیەكگرتووەكان رایدەگەیەنێت، لە سەرەتای ساڵی 2025ـەوە تائێستا یەك ملیۆن ئاوارە و كۆچبەر گەڕاونەتەوە سوریا.
ئادەم عەبدولموالی رێكخەری ئامارەكانی كۆمیسیۆنی باڵای پەنابەرانی نەتەوە یەكگرتووەكان رایگەیاند، لە سەرەتای ئەمساڵەوە تائێستا زیاتر لە یەك ملیۆن ئاوارە و پەنابەری سوری گەڕاونەتەوە بۆ وڵاتەكەیان، ئەوەش ژمارەیەكی پێوانەییە كە لە دوای سەرهەڵدانی شەڕی سوریا لە ساڵی 2011ـەوە بینرابێت.
وتیشی، 885 هەزار ئاوارەیان لە ناوخۆی سوریابوون و 302 هەزار پەنابەرشیان لە دەرەوەی سوریاوە گەڕاونەتەوە.
راشیگەیاند، پێشبینی دەكەن تا كۆتایی ساڵ زیاتر لە سێ ملیۆن و 500 هەزار پەنابەر و ئاوارە ناوخۆییەكان بگەڕێنەوە و وتیشی، ئەوەش جەخت دەكاتەوە لەسەر پێویستی وەبەرهێنانی بەپەلە بۆ پشتیوانیكردن لە بوژانەوە و یەكگرتنەوەی سوریا.
سەرۆكی جەهەپە دەڵێت، بەرەنگاری كودەتا دەبنەوە بۆ توركیایەكی دیموكراسی، ئەو گروپانەی ئیرادەی گەل دەقۆزنەوە، لە كورد و تورك و توركیا گەورەترنین.
ئۆزگور ئۆزێل سەرۆكی پارتی گەلی كۆماری "جەهەپە" لە پەیامێكدا بەبۆنەی نەورۆزە لە ئیستەنبوڵ رایگەیاند، لە ئێستادا داهاتووی توركیا و ئیرادەی گەل لە پێناو بەرژەوەندی كۆمەڵێك خەڵكدا گەمارۆ دراوە، كودەتاچیییەكانی 19ی ئادار بە نادادپەروەرییەكی گەورە هێرشكیان كردوەتە سەر دیموكراسی.
وتیشی، هێز ناتوانێت برایەتی نێوان كورد و تورك تێكبدات و رێگری لە هاودەنگییان بكات، ئیستەنبوڵ شاری كورد و تورك و عەلەوی و سوننە و لایەنگرانی جەهەپە و ئاكەپە و مەهەپە و دەم پارتییە، بەبێ گوێدانە لایەنی سیاسی، نەتەوە یان بیروباوەڕی ئایینی.
ئاماژەی بۆ ئەوەشكردوە، لەپێناو داهاتووی نەوەكانیان ئەو كودەتایە پووچەڵ دەكەنەوە، پێكەوە بەرەنگاری كودەتاكە دەبنەوە بۆ توركیایەكی دیموكراسی و ئازاد.
دەشڵێت، ئەو رۆژانەی ئاهەنگی ئازادی سازدەكەن نزیكە، پێكەوە لەگەڵ ئیمامئۆغڵو و سەلاحەدین دەمیرتاش و فیگەن یوكسەكداغ، بەشداری ئەو ئاهەنگە دەكەن.
لە رۆژانی پشووی نەورۆزدا لە شارەكانی ئێران و رۆژهەڵاتی كوردستان زیاتر لە 270 كەس بە روداوی هاتوچۆ گیانیان لەدەستداوە.
وەزارەتی تەندروستیی ئێران بڵاوی كردەوە لە حەوت رۆژی پشوەكانی تایبەت بە جەژنی نەورۆز، لانیكەم 22 هەزار روداوی هاتوچۆ تۆمار كراوە كە بووەتە هۆی گیانلەدەستدانی 277 كەس.
بە پێی ئامارەكەی تەندروستی ئێران لە حەوت رۆژدا شەش هەزار و 800 كەسیش لە روداوەكانی هاتوچۆدا برینداربوون و زۆربەشیان ناچاربوون لە نەخۆشخانەكان بمێننەوە بە مەبەستی چارەسەركردنیان.
لە لایەكی ترەوە پۆلیسی هاتوچۆی ئێران ئاشكرایكردوە، تەنها لە دووەم رۆژی نەورۆزدا 12 هەزار سەرپێچی هاتوچۆ لە سەرتاسەری ئێران تۆماركراوە كە بەشێك لەو سەرپێچییانە روداوی هاتوچۆیان لێكەوتووەتەوە.
وەزارەتی ناوخۆی توركیا سەرۆكی گەورە شارەوانی ئیستەنبوڵی لە پۆستەكەی دوورخستەوە.
وەزارەتی ناوخۆی توركیا لە راگەیەنراوێکدا بڵاویکردەوە: سەرۆكی شارەوانی ئیستەنبوڵ و بەیلیكدوز و شیشیلی لە پۆستەكانیان دورخستەوە.
ئاماژەی بەوەشکردووە، لەدوای دادگایکردنی ئەکرەم ئیمامئۆغڵو سەرۆکی گەورە شارەوانی ئیستەنبوڵ بە تۆمەتی گەندەڵی و تیرۆر و بڕیاری سزادانی بە زیندانیکردن، لەلایەن وەزارەتی ناوخۆوە وەک رێکارێکی کاتی لە پۆستەکەی راگیراوە.
پارتی گەلی كۆماری (جەهەپە)ش بۆ هەڵبژاردنی سەرەتایی بە مەبەستی دیاریكردنی كاندیدی پارتەكەی بۆ پۆستی سەرۆكایەتی كۆمار، لە ناوەندە حزبییەكان و هەندێك كۆمەڵە و هۆڵی وەرزشی و 39 قەزا بنكەی دەنگدانی كردەوە و زۆریان دەنگیان بە ئەكرەم ئیمامئۆغڵودا بۆ كاندیدی سەرۆك كۆماری توركیا، كە بڕیارە لە ساڵی 2028 بەڕێوەبچێت.
راوێژكاری ئاسایشی نەتەوەیی ئەمریكا رایگەیاند، بیرۆكەی راگواستنی دانیشتوانی غەززە كردارییە و گرنگە كاری لەسەر بكرێت.
مایك واڵتز راوێژكاری ئاسایشی نەتەوەیی ئەمریكا رایگەیاند، بیرۆكەی گواستنەوەی دانیشتوانی غەززە بۆ دەرەوەی فەلەستین لەلایەن دۆناڵد ترەمپ سەرۆكی ئەمریكاوە زۆر گونجاو و كردارییە.
وتیشی، ناكرێت ئەمریكا و هاوپەیمانەكانی ملیاران دۆلار لەسەر ئاوەدانكردنەوەی غەززە خەرج بكەن و دواتریش گروپە چەكدارەكان هێرش بكەنە سەر ئیسرائیل.
هاوكات، سام رۆز لێپرسراو لە ئاژانسی ئۆروا رایگەیاند، لە سەرەتای مانگی ئادارەوە هیچ هاوكارییەكی مرۆیی نەچووەتە ناو كەرتی غەززە، بەهۆی بۆردومانەكانی دوای ئاگربەستیشەوە سەدان كەس كوژراون و بریندار بوون، خزمەتگوزارییەكان پەكیان كەوتووە و گەیشتن بە ناوەندەكانی دابەشكردنی هاوكاری و نەخۆشخانەكان بۆ خەڵك قورس بووە.