خاوەن زەوییەكانی گوندی كۆری چوونە بەردەم قائیمقامییەتی قەزای ناوەندی هەولێر بەڵام پێیان راگەیەنراوە چارەسەری كێشەكە لای ئەوان نییە، خاوەن زەوییەكانیش ئێستا بەرەو بینای پارێزگاری هەولێر بەڕێكەوتوون.
 

لە ڕاگەیەندراوەکەدا ئاماژە بۆ ئەوە کراوە، ئەمڕۆ وەفدێکی ئەمنی، بە سەرۆکایەتی فەرماندەی فەرماندەیی ئۆپەراسیۆنە ھاوبەشەکانی عێراق، گەیشتنە مەخموور و لە کۆبوونەوەیەکدا لەگەڵ سەرۆکی ئەرکانی وەزارەتی پێشمەرگە و  فەرماندەی میحوەرەکانی ٥ و ٦ و ٧ و ٨ و ژمارەیەک ئەفسەری باڵای وەزارەت، تاوتوێی ھەماھەنگی ئەمنی لە نێوان ھێزەکانی پێشمەرگە و سوپای عێراقی کراوە لەو ناوچانەی جێگەی گرنگی ئەمنی ھاوبەشن، ھەروەھا گفتوگۆ کراوە لە بارەی ھەماھەنگی و ئۆپەراسیۆنی ھاوبەش لە نێوان پێشمەرگە و سوپای عێراقدا.

لە کۆبونەوەی ئەنجومەنی وەزیرانی ھەرێم لە ماوەی ساڵانی ٢٠١٩ و ٢٠٢٠ و ٢٠٢١ سەرۆکی حکومەتی ھەرێم رایگەیاند، پێش ھاتنی وەرزی زستان نەوتی سپی بەسەر ھاوڵاتیانی ھەرێمی کوردستان دابەش دەکرێت، بەڵام تا ئێستا لە کۆی ٢٦٠ ملیۆن لیتر نەوت بۆ ماڵان حکومەت تەنھا ٤٥ ملیۆن لیتر دابەشکراوە، بەو پێیەش تاکو ئێستا ٨٣٪ی ھاوڵاتیان نەوتیان وەرنەگرتووە و پرۆسەی دابەشکردنی نەوت بە سستی بەڕێوەدەچێت.

"موحسین تەھا" بەڕێوەبەری دابەشکردنی نەوت و کانزاکانی دھۆکیش بە کوردسات نیوزی راگەیاند، ھاوڵاتیانی پارێزگای دھۆک پێویستیان بە ٥٥ ملیۆن لیتر نەوتە، بەڵام تا ئێستا ١٥ ملیۆن دابەشکراوە. ساڵانە تا ئەم وادەیە حکومەتی عێراق دەستی بە ناردنی ١٠٠ ملیۆن لیتر نەوت دەکرد بەڵام بۆ ئەمساڵ ھیچ بەشە نەوتێکی نەناردووە و بەڕێوەبەری دابەشکردنی نەوت و کانزاکانی دھۆکیش دەڵێت ھۆکاری نەناردنەکەی نازانێت.

سەرچاوەیەکی تایبەت لە وەزارەتی دارایی و ئابووری ھەرێم بە کوردسات نیوزی ڕاگەیاند، ئەو ٢٠٠ ملیارەی مانگانە حکومەتی عێراق وەک پێشینە بۆ مووچەی فەرمانبەران و مامۆستایانی ھەرێمی دەنێرێت، ئەمڕۆ خرایە سەر ھەژماری بانکی ھەرێم و دابەشکردنی مووچە خێرا دەکرێت.

ماوەی ١٨ ڕۆژە دابەشکردنی مووچەی مانگی تشرینی دووەمی ٢٠٢١ دەستی پێکردووە و تا ئێستا ژمارەیەک وەزارەت و دەستە مووچەیان وەرنەگرتووە.

لە دیدارەکەدا گفتوگۆکرا لە بارەی پێشھات و گۆرانکارییە سیاسی و ئەمنییەکانی وڵات و جەختکرایەوە لە گرنگی ھاوکاری و ھەماھەنگی ئەمنی و سەربازی لە پێناو پڕکردنەوەی بۆشاییە ئەمنییەکان و ڕیشەکێشکردنی تیرۆر و پاراستنی ئاسایش و ئارامی ھاووڵاتییان، ھەروەھا دووپاتکرایەوە لە پێویستی دیالۆگ و گفتوگۆ و چارەسەرکردنی دۆسێ ھەڵپەسێردراوەکان بە ئاڕاستەی ھێنانە ئاراوەی داوا ڕەواکانی خەڵک.

لە لایەکی تریشەوە ھێزە ئەمنیەکانی پارێزگای نەینەوا ٦ تیرۆرستیان دەستگیرکردووە کە بە نیازبوون کردەوەی تیرۆرستی لە ناوچەکە ئەنجام بدەن.

دەقی پرسەنامەکە...

پرسەنامەی مەکتەبی سیاسی یەکێتیی نیشتمانیی کوردستان .  

بەڕێزان  کەسوکار و خانەوادەی دکتۆر ڕەفعەت ھیدایەت.  

‌بۆ کۆچی دوایی تێکۆشەر و پێشمەرگەی دێرین کە لەکۆتایی حەفتاکان و سەرەتای ھەشتاکان  لە ڕێکخستن و  پێشمەرگایەتیدا خەباتی کردوە و لە دوای ڕاپەڕینیش چەند ساڵێک وەک  بەڕێوەبەری  ڤێرتێرنەری لە کۆیە و پاشان لە  وەزارەتی  کشتوکاڵ بەو گیانەی ساڵانی  خەباتەوە  کار و  خزمەتی  پێشکەشکردوە.

بۆ ئەوڕۆڵەی دکتۆر ڕەفعەت، لە ناخی دڵمانەوە پرسەو ماتەمی  خۆمانتان پێ  ڕادەگەیەنین و لە خودای مەزن داواکارین ڕۆحی پاکی بە بەھەشتی بەرین  شاد بکات و ئێوەش دوا خەم و  ناخۆشیتان بێت. 

مەکتەبی سیاسی 
یەکێتیی نیشتمانیی کوردستان

محەمە حەسیب بەڕێوەبەری نەوت و کانزاکانی سلێمانی بە کوردسات نیوزی راگەیاند، ماوەی ھەفتەیەکە بەنزینی عێراقی رەوانەی سلێمانی نەکراوە، بەو ھۆیەشەوە ئەو بەنزینە لە بەنزینخانەکان دابەش نەکراوە.

وتیشی، ھەوڵەکانیان بۆ دابینکردنی بەنزینی عێراقی بەردەوامە کە نرخی یەک لیتر ٦٩٠ دینارە، بڕیاریشە کاروانێکی تری ئەو بەنزینە رەوانەی سلێمانی بکرێت کە ١٤ تانکەرە، ١٠ تانکەر بۆ سلێمانی و ٤ تانکەریش بۆ پارێزگای ھەڵەبجە.

لەبارەی گرانبونی نرخی غازی ماڵانیش وتی، لە سلێمانی بڕی غاز کەمبوەتەوە، بەڵام بە ھیچ شێوەیەک نرخەکەی لەسەر ھاوڵاتیان گران نەبووە.

ئاماژەیان بەوەشکردووە، ماتەمگێڕی و ھاوخەمی و بەشداریی دامەزراوە حکومی و حیزبییەکان و سەندیکا و ڕێکخراو و کۆمەڵە و کەسایەتی و چین و توێژەکانی کوردستان، باری خەم و ئازاری لەدەستدانی مامۆستای بۆ سووک کردین و لەم کۆستە گەورەیەدا سەبوری پێ بەخشین.

دەقی سوپاسنامەکە... 

سوپاسنامەیەک لە بنەماڵەی مامۆستا (زرار محەمەد مستەفا ڕواندزی)یەوە:

کوردستانییانی ئازیز، خەڵکی ھاوسۆزی دەڤەری سۆران و باڵەکایەتی، ڕواندزییانی ماتەمگێڕمان.

ڕۆژی (٩ی کانونی یەکەمی ٢٠٢١)، کەسایەتیی مەزن و ھەڵکەوتووی بنەماڵەکەمان، ڕابەری ھونەر (زرار محەمەد مستەفا ڕواندزی)، دوای تەمەنێک خزمەت و خەباتی (ھونەری و پەروەردەی و سیاسی و کۆمەڵایەتی)، ژیانئاوایی لە کوردستان و ئێمە کرد، بەم کۆچەی ھەموومانی خەمناک و پرسەدار کرد، ئەمەش ئەو ڕاستییەی سەلماندەوە، کە مامۆستا زرار لە ژیان و ئۆغریشیدا ھیی ھەر ھەموومان بووە. ماتەمگێڕی و ھاوخەمی و بەشداریی دامەزراوە حکومی و حیزبییەکان و سەندیکا و ڕێکخراو و کۆمەڵە و کەسایەتی و چین و توێژەکانی کوردستان، باری خەم و ئازاری لەدەستدانی مامۆستای بۆ سووک کردین و لەم کۆستە گەورەیەدا سەبوری پێ بەخشین.

بۆیە لێرەدا، سوپاس و پێزانینی خۆمان بە ھەموو ئەو بەڕێز و دۆستانەی مامۆستا و بنەماڵەکەمان ڕادەگەیێنین، کە چ بە پرسەکردن بێت، یان بە بروسکە و نامە و تەلەفۆنی سەرەخۆشی، یان لە ڕێی ماڵپەڕ و تۆڕە کۆمەڵایەتییەکانەوە بێت، ھاوخەمی و سەرەخۆشیی خۆیان پێ ڕاگەیاندین. 

سوپاس و پێزانینی بنەماڵەکەمان بۆ ھاوخەمی و پەیامی سەرەخۆشی:
بەڕێز (بەرھەم ساڵح)، سەرۆکی کۆماری عێراق.
بەڕێز (نێچیرڤان بارزانی)، سەرۆکی ھەرێمی کوردستان.
بەڕێز (قوباد تاڵەبانی)، جێگری سەرۆکی حکومەتی ھەرێمی کوردستان.
بەڕێز (بارەگای بارزانی).
بەڕێز (کۆسرەت ڕەسول عەلی)، سەرۆکی ئەنجومەنی باڵای سیاسی و بەرژەوەندییەکانی (ی.ن.ک).
بەڕێز (بافڵ تاڵەبانی)، ھاوسەرۆکی یەکێتیی نیشتمانیی کوردستان.
بەڕێزان لە مەکتەبی سیاسی و ئەنجوومەنی سەرکردایەتیی (پ.د.ک) و (ی.ن.ک).
بەڕێزان (بزوتنەوەی گۆڕان)، (حیزبی شیوعیی کوردستان)، (حیزبی سۆشیالیست دیموکراتی کوردستان) و (حیزبی زەحمەتکێشانی کوردستان).
بەڕێزان (پارێزگاری ھەولێر) و (ئەندامانی ئەنجومەنی پارێزگای ھەولێر).
بەڕێزان (سەرپەرشتیاری ئیدارەی سەربەخۆی سۆران) و (قائیمقامی قەزای ڕواندز).
بەڕێزان (سەرۆکایەتیی زانکۆی سۆران) و (پەیمانگاکانی سنوری ئیدارەی سۆران).
بەڕێزان (ئەندامانی پەرلەمانی کوردستان و عێراق).
بەڕێزان (دامودەزگا حکومی و ئەمنی و حیزبییەکانی ڕواندز و سۆران).
بەڕێزان (ڕێکخراو و سەندیکا و کۆمەڵەکان)، (ھونەرمەندان و مامۆستایان)، (کەسایەتییە کۆمەڵایەتییەکان)، (برا کریستیانەکانی دیانا و ھاودیان)، (دەزگاکانی ڕاگەیاندن) و (رەوەندەی کوردی- لە ھەندەران).

ھەروەھا ئەوپەڕی سوپاس و پێزانینمان بۆ خەڵکی خۆشەویست و تازیەباری ڕواندز، بەشداریتان لە تەدارەکی بەڕێکردن و بەخاکسپاردنی تەرمی مامۆستا، نیشانەی وەفاداریتانە بۆ خەباتی پڕسەروەری مامۆستا زرار. سوپاس بۆ یەک بە یەکی پۆستە پرسەگێڕەکانی دۆست و خۆشەویستانی مامۆستا، لە تۆڕە کۆمەڵایەتییەکان.

سوپاس و ڕێزی زۆرمان بۆ بەڕێزان (قائیمقامیەتی قەزای ڕواندز) و (ڕێکخراوی ھاوڕێیانی کتێب) و (پەیمانگای ھونەرە جوانەکانی ڕواندز) و (کۆمەڵەی ھونەر و وێژەی کوردی-لقی ڕواندز) و (بەشی ڕۆشنبیری و ھونەریی ڕواندز)، کە سەرپەرشتی ڕێوڕەسمی بەخاکسپاردنەکەیان کرد.

مامۆستا ھەمیشە خۆی بە خزمەتکاری نیشتمانەکەی زانیوە، لە بەرامبەر ئەمەشدا چاوی لە ھیچ شتێک نەبووە، لەم ڕوانگەیەوە ئێمەش خۆمان بە منەتباری ئەو ھاوخەمی و ڕێزەتان دەزانین، کە لە پرسە و ڕێوڕەسمی بەخاکسپاردنەکەیدا نواندتان.

مامۆستا وەک سیمبوڵێکی مەزنی نیشتمانپەروەری و مرۆڤپەروەری و دڵسۆزی و خزمەت و داھێنان و باوەڕبەخۆبوون، دەچێتە لاپەڕەکانی مێژووەوە؛ تەمەنای ئێمە ئەوەیە ڕێ و ڕێبازەکەی پڕ ڕێبوار بێت و بەمە گیانی شاد بکەین.

دروود بۆ ئەوانەی لەپێناو گەل و نیشتماندا ژیان...

بنەماڵەی (زرار محەمەد مستەفا ڕواندزی)
١٢ی کانونی یەکەمی ٢٠٢١- ڕواندز
                      

رێکخراوی مافی مرۆڤی عەفرین بڵاویکردووەتەوە، لە ساڵی ٢٠١٨ەوە سوپای تورکیا شاری عەفرینی لە رۆژئاڤای کوردستان داگیرکردوە، لە ماوەی چوار ساڵیشدا لەلایەن گروپە چەکدارەکانی نزیک لە تورکیاوە  ٦٨٦ ھاوڵاتی کوژراون، ھەشت ھەزار و ٤٥٥ کەسیش رفێندراون و نیوەی زیاتری ئەو کەسانەی رفێندراون چارەنوسیان نادیارە، ٨٨ کەسیش لە ژێر ئەشکەنجەدا گیانیان لەدەستداوە، ٩٦ ژنیش لەلایەن گروپە چەکدارەکانەوە کوژراون.

لە راگەیەنراوەکەدا جەختکراوەتەوە، تەنھا لە ساڵی ٢٠٢١یشدا ٤٩ ھاووڵاتی رفێنراون، شەش لەو کەسانەش لەژێر ئەشکەنجەدا گیانیان لەدەستداوە، کە دوانیان ژن بوون.