مەزڵوم کۆبانێ فەرماندەی گشتی ھێزەکانی سوریای دیموکرات "ھەسەدە" لە تویتەر رایگەیاند، لەو ھێرشەی تورکیا کە لە یەکێک لە ماڵەکانی کۆبانیدا و بارەگای رێکخراوێکی لاوانی کردە ئامانج، بەھۆیەوە پێنج کەس کوژران و چوار کەسی تریش بریندار بوون، ئەو ھێرشە بەردەوامی ھەڵسوکەوتی داگیرکارییە و سەلماندی مامەڵەی تورکیا لەگەڵ پرسی کورد لە سوریا چۆنە. 

وتیشی، بەردەوامی ھێرشەکان لێدانە لە ئاسایش و ئارامی باکور و خۆرھەڵاتی سوریا، داواش لە نەتەوە یەکگرتووەکان دەکات کار بۆ راگرتنی ھێرشەکانی تورکیا بکات چونکە ھاوڵاتیانی مەدەنی بە ئامانج گرتووە. 

شەوی ٢٥ی ئەم مانگە فڕۆکەیەکی بێ فڕۆکەوانی تورکیا بارەگای رێکخراوی لاوانی شۆڕشگێڕی لە شاری کۆبانێ بۆردومانکرد و بەھۆیەوە ٩ کەس بوونە قوربانی.
گەڕا.

ئاژانسی ھەواڵی مێھر، لەزاری فەرید سپەری سەرۆکی رێکخراوی جەھادی کشتوکاڵیی پارێزگای سنە بڵاویکردەوە، بە ھەوڵی رێکخراوەکە و بە پشتیوانی لایەنە پەیوەندیدارەکانی سنە، توانیویانە مۆڵەت بۆ ھەناردەکردنی مەڕوماڵاتی زیندوو بۆ ھەرێمی کوردستان وەربگرن.

ئاماژەی بەوەشکردووە، بەپێی مۆڵەتەکە و لە یەکەم جاردا، ھەزار و ١٥٠ سەر مەڕوماڵات بە ڕەچاوکردنی رێنماییە تەندروستییەکان لە چەند قۆناغێکدا ھەناردەی ھەرێم دەکرێن.

"جەبار یاوەر" ئەمینداری گشتی وەزارەتی پێشمەرگە بە کوردسات نیوزی راگەیاند، لە رۆژی یەکی کانوونی دووەمی ٢٠٢١ تا ٣١ی تشرینی دووەمی ٢٠٢١ واتە لەماوەی ١١ مانگی ئەمساڵدا، تیرۆرستانی داعش ٢٢٩ جار ھێرشیان کردەسەر پێشمەرگە و سوپای عێراق و ھاوڵاتیان لە کەرکوک و دیالە و خورماتوو و مەخمور و ناوچەکانی سنووری موسڵ.

راشیگەیاند، بەھۆی ئەو پەلامارانە ٣٥٦ کەس شەھیدبوون و ٤٨٠ی دیکەش برینداربوون و ٣٣ کەسیش ڕفێندراون. ئاماژەی بەوەشکرد، لە ئێستادا ھێزەکانی پێشمەرگە و سوپای عێراق ھەماھەنگی باش لەنێوانیاندا ھەیە و ماوەی چەند ھەفتەیەکە پەلامارەکانی داعشیان راگرتووە.

"سەركەوت كاڕەش" وتەبێژی بەرگری شارستانی هەولێر رایگەیاند، 12 رۆژە گەڕان بەدوای ئەو دوو كەسەی لە لافاوەكەی هەولێر بێسەروشوێن بوون بەردەوامە، لە بەنداوی "عەوێنە"ش دوای مەسحی تەواوی بەنداوەكە لەلایەن تیمەكانی ژێر ئاوەوە، نەتوانرا تەرمی ئەو دوو بێسەروشوێنە بدۆزرێنەوە.

باوكی ئەو منداڵە ١٠ مانگەش داوای كرد راگەیاندنەكان و سۆشیال میدیا پێش رووداوەكان نەكەون و پشت بە لایەنی رەسمی ببەستن.

یەکێتیی نیشتمانیی کوردستان پێشوازی لە بڕیاری دادگای باڵای فیدراڵی دەکات بۆ پەسەندکردنی ئەنجامی ھەڵبژاردن ، داواش لە ھێزە کوردستانییەکان دەکات بەیەک ھەلوێستی کوردستانییەوە کار بۆ بەدەستھێنانی مافە نەتەوەییەکان بکەن.

وتەبێژی یەکێتیی نیشتیمانیی کوردستان، لە راگەیەنراوێکدا پێشوازی لە بڕیاری دادگای فیدڕاڵیی کرد بۆ پەسەندکردنی دەرەنجامی کۆتایی ھەڵبژاردنی پێشوەخت و رایگەیاند وێڕای ھەرتێبینییەک لەسەر پرۆسەکە، پیرۆزبایی سەرکەوتنی ھەڵبژاردن و دەرەنجامی بەدەستھاتووی ھێزە براوەکان دەکەن.

قوربانییەکان خەڵکی ئیدارەکانی راپەڕین و سۆران و زاخۆ و قەزای دەربەندیخان و شاری ھەولێرن.

لەسەر ئەرکی شاناز ئیبراھیم ئەحمەد کارگێڕی مەکتەبی سیاسی و سەرپەرشتیاری مەڵبەندی ١ی رێکخستنی سلێمانی یەکێتیی نیشتمانیی کوردستان، تەرمی (سێبور سلێمان مەنگوڕی)لە بەریتانیاوە گەیشتەوە فرۆکەخانەی نێودەوڵەتی سلێمانی
سێبور سلێمان مەنگوڕی، تەمەن ٢٥ ساڵ، خەڵکی ناحیەی ژاراوەی قەزای پشدەرە و ماوەی چەند ساڵێکە لە شاری نۆتینگھام لە بەریتانیا دەژیا و چەند ھەفتەیەک لەمەوبەر لەروداوێکی دڵتەزێندا گیانی لەدەستدا.

"بەكر عەلی" سەرۆكی كۆمەڵەی پەنابەرە گەڕاوەكانی ئەوروپا رایگەیاند، نابێت حكومەتی هەرێم لە ئاست قوربانیانی كۆچ بێدەنگ بێت و دەبێت رێگری لە كۆچكردن بكات، یاخود دیاردەكە كەم بكاتەوە، ئەوەش لە ڕێی رەخساندنی هەلی كار و بەشداریپێكردنی گەنجان لە كایەی سیاسی و حكومڕانیدا. وتیشی لە كۆی ١١ تەرم لە دەڤەری راپەڕین" حەوت"یان دۆزراوەتەوە.

"سلێمان سەعید" قائیمقامی قەزای دەربەندیخان رایگەیاند، تیمی حكومەت لەگەڵ تیمێكی خۆبەخش ئامادەكارییان كردووە بۆ گەڕانەوە و بەخاكسپاردنی پوربانیانی رێگەی كۆچی ناسایی و وتیشی بەهۆی ئەو كارەساتەوە بڕیاردراوە هیچ بۆنەیەكی سەری ساڵ لە قەزاكە نەكرێت. 
 

بەرەبەیانی ئەمرۆ لە گوندی دەرەدۆینی قەزای دەربەندیخان ، تەرمی كرێكارێك گەیەندرایە پزیشكی دادوەری و كرێكارێكیش بە برینداری گەیەندرایە نەخۆشخانەی فریاكەوتنی سلێمانی.  
"د. رزگار مەجید" لە پزیشكی دادوەری دەربەندیخان بە كوردسات نیوزی راگەیاند ، روداوەكە بەهۆی دروستبونی غازی یەكەم ئۆكسیدی كاربۆنەوە رویداوە و ئەو دوو كرێكارە كە لە كارگەی بەردی دەرەدۆینی كاریان كردوە ، ئاگری خەڵوزیان بردۆتە ژوەرەكەیانەوە و بەو هۆیەوە گازی یەكەم ئۆكسیدی كاربۆن لە ژورەكەدا دروستبوە و یەكێك لە كرێكارەكان گیانی لەدەستداوە و یەكێكی تریشیان گەیەندراوەتە نەخۆشخانەی فریاكەوتنی سلێمانی .

دەقی پرسەنامەکە...
بەڕێزان خانەوادە و کەسوکاری تێکۆشەر و پێشمەرگەی دێرین کاک فاتیحی حەمەڕەش، لەناخی دڵمانەوە پرسە و ماتەمی خۆمانتان پێڕادەگەیەنین بۆ کۆچی دوایی ھەڤاڵ و فەرماندەی تێکۆشەر کاک فاتیح کە تاکو دوا ساتی تەمەنی لەپێناوی کوردایەتیدا خەباتی  کرد. 

 کۆچی  دوایی ئەم ھەڤاڵەمان کە لە شۆڕشی ئەیلولەوە تا دوا ساتی تەمەنی بە پێشمەرگایەتی  شاخ و ئەفسەریی لەنێو سوپای  یەکگرتوو و فەرماندەیی دوکان و دواتر ھێزەکانی ئاسایش و لێپرسراوی ناوەندی کەرکوکی مەکتەبی کۆمەڵایەتی بەردەوام بوو لە خزمەتکردن ئەم کۆچەی خەسارەتێک بو لە ھەموان و ڕۆحی کاک فاتیحی حەمەڕەش چوە لای شەھیدان   عەریف مەجید و نازمی حەمەی سڵێمان و لیوا شێرکۆ و کاک فاتیح شوانی و شەھید لەتیفی برایی و شەھید ئاسۆی کوڕی و گشت شەھیدەکانی تری گوندی بنەی ڕەمزی گیانفیدای  شوان.

جارێکی تر وێڕای  سەبوری بەخشین بۆ ئێوەی بەڕێز، لە یەزدانی مەزن داواکارین  ڕۆحی  پاکی کاک فاتیح بە بەھەشتی بەرین شاد بکات. 
 
انا للە  وانا  الیە  راجعون                      
مەکتەبی سیاسی             
یەکێتیی نیشتمانیی کوردستان

بە بۆنەی یادی لەدایکبوونی حەزرەتی مەسیح (سڵاوی خوای لێ بێت) و ساڵی نوێی زاینییەوە، گەرمترین پیرۆزبایی لە خوشک ‌و برا مەسیحییەکانی سلێمانی ‌و ھەرێمی کوردستان ‌و عیراق و جیھان دەکەم، ھیوادارم ٢٠٢٢ ساڵی ئاشتی و خۆشی و کۆتاییھاتنی کێشە و نەھامەتییەکان بێت بۆ گەلەکەمان.

مەسیحییەکان لە کوردستان پێکھاتەیەکی گرنگن ‌و بەشداری سەرەکین لە بزووتنەوەی سیاسی ‌و کۆمەڵایەتی ‌و ئایینیی کۆمەڵگەی کوردیدا، بەشێکن لە ڕابردوو و ئێستا و ئایندەمان، ھەمیشە شانازیی پێوە دەکەین.

پرەنسیپەکانی لێبوردەیی ‌و خۆشەویستی و برایەتی، پەیام و مژدەی ئایینە ئاسمانییەکانە و ئومێدەوارین ئەم یادە ببێتە چەسپاندنی زیاتری برایەتی ‌و پێکەوەژیان لە نێوان پەیڕەوانی سەرجەم ئایین ‌و ئاینزاکان لە کوردستاندا.

ھەر لە خۆشیی و بەختەوەریی و ئاشتیدا بن.

شاناز ئیبراھیم ئەحمەد
کارگێڕی مەکتەبی سیاسی و سەرپەرشتیاری مەڵبەندی ١ی ڕێکخستنی سلێمانی (ی.ن.ک)

ڕزگار عەلی کارگێڕی مەکتەبی سیاسی یەکێتیی نیشتمانیی کوردستان ڕایگەیاند، ئەرکی مەکتەبی ناوەندی دەرەوە سەرپەرشتیکردنی کاری ڕێکخراوە دیموکراتییەکان و مەڵبەند و ھەموو ئەو کارانەیە کە پەیوەندییان بە یەکێتی و ڕەوەندی دەرەوە ھەبێت.

سەعدی ئەحمەد پیرە لێپرسراوی پێشووی مەکتەبی ناوەندی دەرەوەش وتی، گرنگە خوێنی تازە بێتە پێشەوە بۆ وەرگرتنی لێپرسراویەتی لە ناو یەکێتی.

پۆڵا سیروان تاڵەبانی لێپرسراوی نوێی مەکتەبی ناوەندی دەرەوەی یەکێتیش ڕایگەیاند، ھیوادارە لە ئاست ئەو بەرپرسیاریەتییەدا بێت کە یەکێتی پێی دەسپێرێت.

ڕاشیگەیاندووە، ئەو بڕە پەتاتەیە لە دەرەوەی شاری سلێمانیەوە ھاوردەکراوە، بەھۆی خراپ عەمبارکردن و نەشیاوی شوێنەکەیەوە کەڕویکردووە و بۆ خواردن ناشێت.

لە ئێستاشدا بە فەرمانی قائیمقامی سلێمانی، لەلایەن لیژنەی لەناوبردنی قائیمقامیەتی سلێمانیەوە تەواوی پەتاتە خراپبووەکە لەناو دەبرێت و خاوەنەکەشی ڕووبەڕووی ڕێکاری یاسایی دەکرێتەوە.