کوردستان
لەو مەراسیمەدا کە سەرکردەی حزب و لایەنە کوردستانیەکان و نوێنەری پێکھاتەکانی کەرکوک ئامادەی بوون حزب و لایەنە کوردستانیەکان جەختیان کردەوە لە کەرکوک بۆنەکان بە ھاوبەشی دەکرێتەوە.
حزب و لایەنە کوردستانیەکان جەختیشیان کردەوە ھیچ ھێزێک لە عێراق ناتوانێت کۆسپ و لەمپەر لە بەردەم یادەکانی مانگی ئادار و نەورۆز لە کەرکوک دروست بکات و کوردستانییان ئەو یادانە بە شکۆداریەوە لە کەرکوک دەکەنەوە.
لە قەزای چەمچەماڵیش ھەڵمەتێکی نەمام چاندنیش ئەنجامدرا و فەرمانگەکان چەند خولەکێک بە بێ دەنگی لە بەردەم قایمقامیەتی چەمچەماڵ وەستان.
نەسروللە سورجی لێپرسراوی مەڵبەندی ٧ی نەینەوا ڕاگەیاند، یادکردنەوەی ڕۆژی کیمیایبارانکردنی ھەڵەبجە و بەرز ڕاگرتنی ئەرکی ھەموو تاکێکی کوردە.
وتیشی، دەبێت یادی کیمیایبارانکردنی ھەڵەبجە بەرز و پیرۆز ڕابگرین و یادەکە بە زیندوویی بھێڵینەوە و ستەملێکردنی میللەتەکەمان نیشان بدەین.
دوای نیوەڕۆی ئەمڕۆ کۆبوونەوەی ئەنجوومەنی پارێزگای ھەولێر و لیژنەکانی چاودێری بازاڕو چاودێری بازرگانی بەڕێوەچوون، دوای کۆبوونەوەکە ئومێد خۆشناو پارێزگاری ھەولێر لە کۆنگرەیەکی ڕۆژنامەوانیدا وتی، ئەمڕۆ یەکەمین کۆبوونەوەی کۆنترۆڵکردنی نرخ لە پارێزگای ھەولێر بەڕێوەچوو تا ڕێگری لە بەرزبوونەوەی نرخ بکرێت.
باسی لەوەکرد کە سێ ھۆکار ھەیە یەکیان لەسەر ئاستی جیھانی نرخەکان بەرزبوونەتەوە و ئەوانیش ڕێگە بە قۆرغکاری نادەن، بەڵام ئەو مەوادانەی لە وڵاتانی جیھانەوە دێن ئەوە لە دەست ئەواندا نییە، ھەروەھا ڕایگەیاند، ئێمە بەرەو نەورۆز دەچین کە ئەگەر بازاڕ کۆنترۆڵ نەکەین ئەوا نرخەکان بەرز دەبنەوە، ھەروەھا نزیک بووینەتەوە لە مانگی ڕەمەزان ئەوەش زۆرجار بووەتە ھۆی بەرزبوونەوەی نرخەکان بەلام ئەمساڵ ڕێ لە ھەموو ھۆکارێک دەگرین.
لە بارەی نرخی سوتەمەنیشەوە پارێزگاری ھەولێر وتی: وەک تاقیکردنەوە لە ٢٤/٣ تاوەکو ٢٤/٤ بۆ ماوەی یەک مانگدا ئەگەر ھەر بەنزینخانەیەک جەنجاڵی دروست بکات ئەوا دادەخرێت، ئینجا وەرگرتنی بەنزین بە شێوەی تاک و جوت دەبێت و ھەروەھا ڕۆژانە ٧ بەنزینخانە بۆ ئۆتۆمبێلی تایبەت و شەش بەنزینخانەش بۆ تاکسی و یەک بەنزینخانەش بۆ پاس و ھۆکارەکانی گواستنەوە دیاری دەکرێت.
ھەروەھا بۆ نانەواخانە و فڕنەکانی سەمونیش بڕیاری دراوە ھەشت سەمون و ھەشت نانی تاک و چوار نانی دەبڵ نرخیان ھەر وەک جاران بە یەک ھەزار دینار دەبێت و ٢٠٪ی نرخی کارەبا و ئاویش دادەبەزێنرێن.
لە بەشێکی دیکەی قسەکانیدا پارێزگاری ھەولێر ڕوونی کردەوە کە بایی شەش مانگ تا ساڵێک خۆراک لە کۆگاکاندا بوونی ھەیە، ھەروەھا ڕێگەی ھاوردەکردنی کاڵای خۆراک و سومەتەمەنیش دراوە بە بازرگانان بەو پەڕی ئاسانکاری و ھەماھەنگی تاوەکو نەبێتە قۆرغکاری.
زانکۆی ھەڵەبجە بەئامانجی پاراستن و بە دیکۆمێنتکردنی جینوسایدی ھەڵەبجە، بەشێکی نوێی بە ناوی ئەرشیفی دیجیتاڵی جینوسایدی ھەڵەبجە کردەوە کە لەسەر ئەرکی قوباد تاڵەبانی، جێگری سەرۆکی حکومەت تەواوی پێداوستیەکانی بەشەکە دابینکراوە.
بە بۆنەی ٣٤ھەمین ساڵیادی کیمیابارانکردنی شارەکەش چەند چالاکیەکی ھونەری و پانێڵی زانستی لەلایەن زانکۆی ھەڵەبجەوە ئەنجامدران.
"ساکی" لە کۆنفرانسێکی ڕۆژنامەوانیدا ڕایگەیاند، ئامانج لەو ھێرشە مووشەکییەی کرایە سەر شاری ھەولێر ئەمریکا نەبووە.
وتیشی ھیچ دامەزراوەیەکی ئەمریکی و ھیچ کەسێک لە کارمەندانیان لەو ھێرشە زیانی بەر نەکەوتووە و سەلامەتن.
ژمارەی مامۆستایانی وانەبێژ لە بەڕێوەبەرایەتیی پەروەردەی ڕانیە، ژمارەیان نزیکەی ٨٥٠ مامۆستایە و وەک خۆیان باسی دەکەن، شایستە داراییەکانی مانگی یەک و دووی ئەمساڵیان وەرنەگرتووە.
لەو چوارچێوەیەدا عەباس ئەکرەم وتەبێژی وەزارەتی خوێندنی باڵا و توێژینەوەی زانستی لە لێدوانێکدا ڕایگەیاند: بە فەرمانی وەزاری ژمارە (٤٧٣٤) لە ڕۆژی دووشەممە ڕێکەوتی (٧/٣/٢٠٢٢) و بە ئیمزای د. ئارام محمد قادر وەزیری خوێندنی باڵا و توێژینەوەی زانستی دەرچووە تایبەتە بە خوازیارانی خوێندن لە دەرەوەی وڵات.
وەک لە نوسراوەکەدا ھاتووە: "بە مەبەستی ڕێکخستن و کۆکردنەوەی داتایەکی تێروتەسەل و تەواو بۆ ئەو کەسانەی لە دەرەوەی وڵات دەخوێنن، لەمەودا ھەر کەسێک فەرمانبەر بێت یاخود فەرمانبەر نەبێت، نیازی خوێندنی لە دەرەوەی وڵات ھەبێت بۆ تەواوکردنی خوێندنی بەکالۆریۆس، ماستەر یان دکتۆرا، پێویستە لە ڕێگەی ئەم بەستەرەوە (scholarship.digital.gov.krd) دۆسیەی کەسی بکاتەوە پێش دەستپێکردن بە خوێندنەکەی.
وەزارەت لە نوسراوەکەیدا جەختی لەسەر ئەوەش کردووەتەوە پڕکردنەوەی دۆسیەی کەسی "مەرجێکی بنەڕەتییە بۆ یەکسانکردنی بڕوانامە لە داھاتوودا".
شاناز ئیبراھیم ئەحمەد کارگێڕی مەکتەبی سیاسی و سەرپەرشتیاری مەڵبەندی ١ی ڕێکخستنی سلێمانی (ی.ن.ک)، ئەمڕۆ (١٥ی ئازاری ٢٠٢٢) لە بارەگای مەڵبەند، لەگەڵ لێپرسراوی سەرجەم کۆمیتەکانی سنوری مەڵبەند و نوێنەرانی یەکێتی لە سێکتەری پەروەردە لە حکومەت کۆبووەوە.
لەو دیدارەدا کە جەزا سەید مەجید لێپرسراوی مەڵبەند ئامادەی بوو، شاناز ئیبراھیم ئەحمەد تیشکی خستەسەر دوایین گۆرانکارییەکانی دۆخی سیاسی و ئابوری ھەرێمی کوردستان و عێراق بە گشتی و کەرتی پەروەردە و فێرکردن بە تایبەت. لەو بارەیەوە ئاماژەی بەوەکرد کە پێویستە بایەخی زیاتر بە کەرتی پەروەردە بدرێت، چونکە بنەمای سەرەکی بنیادنان و پێشکەوتنی کۆمەڵگەیە و ئەرکی ھەموو لایەکە ھەوڵی چارەسەرکردنی کێشەکانیان بدەین.
وتیشی، داواکاری مامۆستایان تەواو ڕەوایە و پشتیوانی داواکانیان دەکەن، دووپاتیشی دەکەنەوە کە نابێت بە ھیچ پاساوێک زیان بە خوێندکارانی سلێمانی و ئایندەیان بگات.
ھەر لەو بارەیەوە، شاناز ئیبراھیم ئەحمەد داوای کرد کە نوێنەرانی یەکێتی لە حکومەت و لەسەر ئاستی پارێزگا و ئیدارە خۆجێییەکان لە ئاست بەرپرسیاریەتیدا بن و خزمەتکردنی ھاوڵاتیان بکەنە پێشینەی کارەکانیان. وتیشی، بە پێچەوانەوە کەسانی کەمتەرخەم ڕووبەڕووی لێپرسینەوە دەکەنەوە، چونکە سلێمانی و خەڵکەکەی و یەکێتی لە ھەموو شتێک گرنگترە.
لە بەشێکی دیکەی قسەکانیدا، شاناز ئیبراھیم ئەحمەد لە بارەی ئەرک و بەرپرسیاریەتی کادر و ئەندامانی کۆمیتەکان لەم قۆناغەدا دوا و ڕایسپاردن کە یەکێتیانە ئەرکەکانیان ڕابپەڕێنن و لە کێشە و خەمی ھاوڵاتیانی سنوری کۆمیتەکان بکۆڵنەوە و بە دەمیانەوە بچن.
لای خۆیانەوە، نوێنەرانی یەکێتی لە سێکتەری پەروەردە لە حکومەت، پوختەیەکیان لە بارەی کێشەکانی ئێستای بەردەم بەڕێوەچوونی پڕۆسەی پەروەردە بۆ ئامادەبووان باسکرد، ھاوکات پەیام و دەستپێشخەری شاناز ئیبراھیم ئەحمەدیشیان بۆ چارەسەرکردنی کێشەکانی بوارەکە بە گرنگ و بەرپرسیارانە ناوبرد، لە پێناو بەرژەوەندی خوێندکاران بە گشتی و ھەردوو قۆناغی خوێندنی ٩ی بنەڕەتی و ١٢ی ئامادەیی بە تایبەت.
بەڕێوبەرایەتی نەوت و کانزاکانی سلێمانیش ڕایانگەیاندووە، لە وێستگەی کانی گۆران کە دەکەوێتە سەر ڕێگەی مێرگەپان شۆفێرانی تەکسی دەتوانن بە ھەمان سیستمی تاک و جووت بەنزین وەربگرن، ھەروەھا ژنانیش دەتوانن لەو بەنزینخانەیە بەنزین وەربگرن.
بە پێی لیستەکە ڕۆژی پێنج شەممە مووچەی فەرماندەیی زێرەڤانی و ھێزەکانی بەرگری و فریاکەوتن و پۆلیستی نەوت و گاز و وەزارەتی شەھیدان و ئەنفال کراوان و کەسوکاری شەھیدان و زیندانیانی سیاسیی دابەش دەکرێت.
ئەوەش لە کاتێکدایە وەزارەتی دارایی ڕایگەیاند لە ڕۆژانی نەورۆزیشدا مووچەی فەرمانبەران دابەش دەکەن.
ژمارەیەک پەرلەمانتار یاداشتێکیان پێشکەش بە سەرۆکایەتی پەرلەمان کردووە کە ئیمزای ٣٩ پەرلەمانتاری لەسەرە و داوایانکردووە ھەریەک لە وەزیری دارایی و گەشتوگوزار و شەھیدان و ئەنفالکراوان ئامادەی دانیشتنێکی تایبەتی پەرلەمان بن.
ئەو پەرلەمنتارانە داوایانکردووە وەزیرەکان لە دانیشتنەکەدا ڕوونکردنەوە بدەن سەبارە بە پێشکەشکردنی خومەتگوزاری گشتی و گرفتەکانی کەسوکاری شەھیدان و بەرکەوتووانی چەکی کیمیایی و منداڵە وونبووەکان و کەسوکاری ئەنفالکراون لە پارێزگای ھەڵەبجە و ئیدارەی گەرمیان و شارۆچکەی چەمچەماڵ.
ئەوەش لەکاتێکدایە حکومەتی عێراق بۆ ئەمساڵ ٢٠٠ ملیار دینارەکەی بۆ ھەرێم نەناردووە و حکومەتی ھەرێمی کوردستانیش بۆ دابەشکردنی مووچە گرفتی بۆ دروستبووە و نەناردنی ٢٠٠ ملیار دینارەکە کاریگەریی لەسەر داھات دروستکردووە.
دەقی پەیامەکە :
بەخەم و پەژارەیەکی زۆرەوە دوا ماڵئاوایی ڕابەری بزووتنەوەی پادشایی دەستووری، شەریف عەلی کوڕی حسێن-مان پێگەیشت کە دوێنی دووشەممە کۆچی دوایی کرد.
لەکاتێکدا دڵتەنگیی قووڵی خۆمان بۆ ئەم کۆستە دەردەبڕین، بەشانازییەوە یادی کاروانی رەسەنی ژیانی تایبەتی و سیاسی کوچکردوو دەکەینەوە کە کەسایەتییەکی نیشتمانپەروەر و میانڕەو بو
لە گۆڕەپانی سیاسی عیراقدا و لە تێکۆشانی نیشتمانپەروەرانەی ولە نێو ئۆپۆزسیۆنی عیراقیدا
لەپاش روخانی رژێمی لەناوچو، بەشدارییەکی کارای ھەبوو لە داڕشتنەوەی بونیادنانی دیموکراسی دەوڵەتی نوێی عیراقی، لەکاتی نووسینەوەی دەستووری ھەمیشەیی عیراقیشدا ڕۆڵێکی وەھای بینی کە خزمەت بە واقیع و ئایندەی عیراق و عیراقییەکان بکات و مافە دەستوورییەکانی گەلی کوردستان مسۆگەر بکات.
داواکارین لە خودای گەورە کۆچکردوو شەریف عەلی کوڕی حسێن بخاتە بەر میھرەبانی فراوانی خۆیی و بەبەھەشتی بەرینی شاد بکات و ئارامی و خۆڕاگری ببەخشێت بە بنەماڵە بەڕێزەکەیان.
إنا للە وإنا إلیە راجعون
دەزگای ئاسایشی ھەرێمی کوردستان ، بەڕێوەبەرایەتی گشتی ئاسایشی سلێمانی بڵاویکردەوە، لە چالاکییەکی ھاوبەشی ھێزەکانیان لەگەڵ ھێزەکانی دەزگای دژەتیرۆری عێراقی دوای کۆکردنەوەی زانیاری ورد سەبارەت بە گروپێکی تیرۆرستی سەر بە ڕێکخراوی داعش کە پێکھاتبوون لە دوو کەسی خۆکوژی بیانی و یەک کەسی گەیەنەر کە ھاوڵاتی عێراقییە ، لە بۆسەیەکی ھێزە ھاوبەشەکەدا تونرا دەستگیربکرێن و سەرجەم پلانە تیرۆرستیەکانیان ھەڵبوەشێنرێتەوە ، پڕۆسەکەش لە سنوری پارێزگای کەرکوک ئەنجام درا .
بە وتەی لیوا یەحیا ڕەسوڵ، ئۆپەراسیۆنەکە بە پێی ڕاسپاردەی مستەفا کازمی فەرماندی گشتی ھێزە چەکدارەکانی عێراق ئەنجام دراوە و دەزگای دژەتیرۆر و بەڕێوەبەرایەتی گشتی ئاسایشی پارێزگای سلێمانی بەشدار بوو ، وە توانرا لە مۆڵگەکانی تایبەت بە خۆیان پێش گەیشتنیان بە شوێنی ئامانجەکە دەستگیر بکرێن.