"محەمەد حەسیب"بەرێوەبەری نەوت و کانزاکانی سلێمانی بە کوردسات نیوزی راگەیاند، بەمەبەستی دابینکردنی سوتەمەنی دوو بەنزینخانە بۆ شۆفێرانی پاس و تاکسی دابینکراوە، بەنرخی ٦٩٠ دینار بەنزین دەدەن بە شۆفێران.

وتیشی، ئەو بەنزینخانەیەی بۆ تاکسییەکان دابینکراوە، پەمپی دابەشکردنی زۆری تێدایە و بەسیتمی تاک و جووت دەبێت، ئەوەش تاڕادەیەک گرفتی شۆفێران چارەسەر دەکات.

ھاوکات"سیروان محەمەد"سەرۆکی ژووری بازرگانی سلێمانی بە کوردسات نیوزی راگەیاند، لەبەرئەوەی دەسەڵاتەکان بۆ پارێزگارەکان شۆڕکراونەتەوە بۆ چارەەسرکردنی کێشەکان، سبەینێ لە دیوانی پارێزگای سلێمانی کۆبونەوەیەکی تایبەت بە دابینکردنی ئارد بۆ نانەواخانەکان و کەمکردنەوەی نرخی پێداویستییەکان بەرێوەدەچێت.

وتیشی، بڕیارە بە ھاوکاری ژوری بازرگانی و بازرگانان، ھاوکاری چەند نانەواخانە و سەمونخانەیەک بکرێت بۆ دابەزینی نرخی نان، بۆ ئەوەی رێگری لە بەرزبونەوەی نرخەکان بکرێت.

رایانگەیاند ،سەرۆک مام جەلال وەک پارێزەرێک لە ھەموو ئەو بەرپرسیارێتیانەی کە ھەیبووە خزمەتێکی  زۆری بە سەروەری یاسا و پاراستنی دەستور کردووە، پاش تەواوکردنی کۆلێژی یاسا بەپێویستیان زانی وەک رێزێک بۆ ئەو خەباتە زۆرە و خزمەت و ھەوڵەکانی بۆ پاراستن و سەروەریی یاسا سەردانی مەزاری سەرۆک مام جەلال بکەین .

 

"بافڵ جەلال تاڵەبانی" رایگەیاند، جارێکی تر ئارامی و ئاسایشی ھەرێمی کوردستان کرایە ئامانج و شاری ھەولێر روبەڕووی ھێرشی تیرۆریستی بووەوە و ئیدانەی ئەو ھێرشانە دەکەن. 

وتیشی، ئەو ھێرشانە مایەی نیگەرانییە و ئاماژەیەکی روونە بۆ تێکدانی سەقامگیری ھەرێمی کوردستان، ئەرکی ھەمووانە پارێزگاری لە خاک و خەڵکی ھەرێم بکەن و روبەڕووی تەحەدییەکان بوەستن. 

"بافڵ جەلال تاڵەبانی" ئاماژەی بەوەشکرد، پاراستنی ئاسایشی ھەولێر و سەلامەتی گیانی خەڵکەکەی بە ئەرکی خۆیان دەزانن و یەکێتی نیشتمانی کوردستان ئامادەی ھەموو پشتیوانی و ھاوکارییەکە بۆ دۆزینەوەی تاوانباران و ئەنجامدەرانی ھێرشە تیرۆریستییەکە. 

ئاماژەی بەوەشکرد ، بەتوندی ئیدانەی ئەم ھێرشانە دەکەین و رایدەگەیەنین ئەم کارە لە شکۆی ھەولێر کەم ناکاتەوەو ئۆقرەیی و ناوبانگی ناشێوێنێت وەک پایتەختی گەشاوە و میواندۆستی ھەرێمی کوردستان.

 وتیشی ، ھەولێر و ھەموو ھەرێمی کوردستان وەک چاومان دەپارێزین.

ھەر سەربەرز بێت شاری قەڵا و منارە

جوتیار عادل، وتەبێژی حکومەتی ھەرێمی کوردستان لە ڕاگەیەندراوێکدا ڕایگەیاند  ، ئێمە سەرەڕای ئیدانەکردنی ئەم ھێرشە تیرۆریستییە، ھاووڵاتییانمان دڵنیا دەکەینەوە کە ھیچ ھەوڵێکی تیرۆریستی ناتوانێت زەفەر بە ھەرێمەکەمان بەرێت و ئاسایش و ئارامی نیشتمانەکەمان تێک بدات."

ئاماژەی بەوەشکرد ، بە مووشەکی دوورمەودای بالیستی ھێرش کراوەتە سەر ھەولێر و ناوچە سڤیل نشینەکان بەر ھێرشەکە کەوتوون، بەڵام خۆشبەختانە ھیچ زیانێکی گیانی نەبووە و تەنیا ھاوڵاتییەک بەسوکی بریندار بووە.

وتیشی ، مووشەکەکان لە رۆژھەڵاتەوە ئاڕاستەکراون و ھێرشکاران ویستویانە کونسوڵخانەی ئەمریکا لە ھەولێر بکەنە ئامانج.

 باسی لەوەشکرد ، لە کاتێکدا ئەم ھێڕشە ترسنۆکانەیە شەرمەزار دەکەین، ھاووڵاتییانی خۆشەویستی پایتەخت و خەڵکی کوردستان دڵنیا دەکەینەوە کە ھەولێر ئارامە وھەر بە ئارامی دەمێنێتەوە.

دەرباز کۆسرەت رەسول ئاماژەی بەوەشکرد، دەبێت مەسئولانە مامەڵە لەگەڵ رووداو و پێشھاتەکان بکەین و بەرژەوەندی گەلەکەمان پێش بەرژەوەندییە حزبییەکان بخەین.

وتیشی ، بەداخەوە جارێکی تر ھێرشی موشەکی کرایە سەر شاری ھەولێر ،رووبەڕووی ھێرشی تیرۆریستی بووەوە، ئیدانەی ئەم ھێرشانە دەکەین و ھیوای سەلامەتی بۆ خەڵکی ھەولێری خۆشەویست دەخوازین.

باسی لەوەشکرد ، ھێرشە دووبارەکان بۆ سەر ھەولێری پایتەخت و تێکدانی ئەمن و ئاسایشی شارەکە مایەی نیگەرانی ھەموومانەو پاراستنی ئەمنیەتی خەڵکی شاری ھەولێر بە ئەرکی سەرشانی خۆمان دەزانین.

ئاماژەی بەوەشکرد ، بەنیگەرانیەکی قووڵەوە لەم پێشھاتانە دەروانین و پاراستنی ئارامی ھەرێمی کوردستان و خەڵک و خاکەکەی بەئەرکێکی لەپشینەی ھەموولایەک دەزانین. 

وتیشی ، ئەم پەلامارانە تەنھا نائارامی دەخوڵقێنێ و خزمەتی بەرژەوەندی ھیچ لایەک ناکات ، پێویستە لێکۆلینەوەی ورد بکرێ بۆ دۆزینەوەی ئەنجامدەرانی. 

جەختی لەوەشکردەوە ، ئەم پەلامارانە کە مەترسین بۆ سەر ھەرێمی کوردستان، پێویستە ھانمان بدات بەگفتوگۆی بەرپرسیارانەی نیشتمانی کێشەکان چارەسەر بکەین و ریزەکانمان یەکبخەینەوە.

ئاماژەی بەوەشکرد ، زۆر بە توندی ئەو ھێرشە مووشەکییە سەرکۆنە دەکەین کە درەنگانی شەوی ڕابردوو بە شێوەیەکی ترسنۆکانەی دڕندە، بە بێ ھیچ پاساوێک خەڵک و ئارامی و سەقامگیریی ھەولێری پایتەختی ھەرێمی کوردستانی بە ئامانج گرت.

وتیشی ، داوا لە حکوومەتی فیدرالیی عێراق و کۆمەڵگەی نێودەوڵەتی دەکەین بە جددی لەسەر ئەم دەستدرێژیانە بوەستن و ھەموو ھەوڵێک بدەن تا چیتر ڕێگە نەدرێت بێڕێزی بە سەروەری و سەقامگیریی وڵات و ئاسایش و ئارامیی ھاووڵاتییانی بکرێت.

وەزارەتی دارایی ھەرێمی کوردستان لەبارەی چۆنێتی درێژکردنەوەی مۆڵەتی بێ مووچەیی فەرمانبەرانی دەرەوەی وڵات راگەیەندراوێکی بڵاوکردەوە و ئاماژەی بۆ ئەوەکردووە، بۆ درێژکردنەوەی مۆڵەتەکەیان پێویستە داواکاری ئاڕاستەی نوێنەرایەتییەکانی حکومەتی ھەرێم لە دەرەوەی وڵات بکەن، دواتر لەلایەن فەرمانگەی پەیوەندییەکانی دەرەوە داواکاریەکە ئاڕاستەی وەزارەت و لایەنە پەیوەندیدارەکانی نەبەستراو بە وەزارەت بکرێت تا لەلایەن وەزیری دارایی و فەرمانگەی پەیوەندییەکانی دەرەوە یەکلایی بکرێتەوە و بڕیاری لەسەر بدرێت.

وەزارەتی دارایی روونیشیکردەوە، ئەو بڕیارە لە ٣١ی کانوونی دووەمی ئەمساڵەوە چووەتەبواری جێبەجێکردنەوە.

وەزارەتی ناوخۆی ھەرێمی کوردستان، لە راگەیاندراوێکدا ئاماژەی بەوەکرد، دوای سەعات یەکی بەرەبەیان، ١٢ مووشەکی دوورمەودای بالیستی لە سنوورەکانی دەرەوەی عێراق و لە خۆرھەڵاتەوە ئاڕاستەی باڵەخانەی نوێی کونسوڵخانەی ئەمریکا لە ھەولێر کران و ناوچە مەدەنینشینەکان بەر ھێرشەکە کەوتن، وەزارەتی ناوخۆ دەشڵێت، ھێرشەکە ھیچ زیانێکی گیانی نەبووە، تەنھا ھاووڵاتییەک بە سووکی بریندار بووە و دەزگاکانی پۆلیس و ئاسایش دەستیان بە لێکۆڵینەوەکان کردووە.

چەند بەرپرسێکی ئەمریکی بە رۆژنامەی وۆڵ ستریت جۆرناڵی ئەمریکییان راگەیاند، ئێران سەرچاوەی ھێرشە مووشەکییەکانی سەر ھەولێرە و ھیچ ھاووڵاتییەکی ئەمریکییش بەھۆی ھێرشەکەوە زیانی بەرنەکەوتووە.

"ئاژانسی ھەواڵیی تەسنیم"ی ئێران، لەبارەی ھێرشەکەوە رایگەیاند، ھێرشەکان ناوەندی مەشق و راھێنانی دەزگای ھەواڵگیریی ئیسرائیل "مۆساد" و دەوروبەری کونسوڵخانەی ئەمریکایان لە ھەولێر کردووەتە ئامانج، ھاوکات "ئاژانسی ھەواڵیی میھر"ی ئێران رایگەیاند، ھێرشەکان بارەگا ھەواڵگری و ئەمنییەکانی ئیسرائیلیان کردووەئامانج.

لە ماوەی دوو رۆژی رابردوودا بەھۆی چالاکبوونی خێرایی با لە ناوچەکانی خۆرئاوای عێراق، شەپۆلێکی خۆڵبارین چەند ناوچەیەکی گرتەوە و" سامان شێخ لەتیف" لێپرسراوی راگەیاندن و پەیوەندییەکانی بەڕێوەبەرایەتی گشتی تەندروستی سلێمانی بە کوردسات نیوزی راگەیاند، بەھۆی خۆڵبارین و تەنگەنەفەسی رۆژی شەممە ١٢ منداڵ گەیەنرانە بەشی فریاکەوتنی نەخۆشخانەی دکتۆر جەمال ئەحمەد رەشیدی تایبەت بە منداڵان و چارەسەری پێویستیان بۆ کراوە.

ھاوکات بەڕێوەبەری گشتی تەندوستی بەغداد رایگەیاند، زیاتر لە ٥٦٥ کەس بەھۆی کاریگەری خۆڵبارین گەیەنرانە نەخۆشخانەکان. 

ناوەندی پەیوەندییەکانی سوپای پاسدارانی ئێران لە راگەیەندراوێکدا کە ئاژانسی تەسنیمی ئێران بڵاویکردووەتەوە، ئاماژەی بەوەکرد، ھەر تاوان و شەڕفرۆشییەکی ئیسرائیل بەبێ وەڵام تێناپەڕێت، و باسی لەوەکردووە، ناوەندێکی ستراتیژیی پلانگێڕی و شەڕفرۆشی ئیسرائیلیان، بە مووشەک کردووەتە ئامانج .

راشیگەیاندووە، جارێکی تر ھۆشداریی بە ئیسرائیل دەدەن، کە دووبارەکردنەوەی ھەر شەڕفرۆشیەک، وەڵامی توند و وێرانکەری دەبێت و ئاسایشی ئێران ھێڵی سوورە و رێگە بە کەس نادەن، ھەڕەشەی لێبکات یان ھێرشی بکاتەسەر.

بەرەبەیانی رۆژی یەکشەممە بە ١٢ مووشەکی دوورمەودای بالیستی، باڵەخانەی نوێی کونسوڵخانەی ئەمریکا لە شاری ھەولێر کرایە ئامانج، بەڵام مووشەکەکان لە نزیک کوسنوڵخانەکە کەوتنە خوارەوە و بەھۆیەوە دوو ھاووڵاتی بریندار بوون.

 پەرلەمانی کوردستان دووپاتی کردوەتەوە، ھەولێری پایتەخت بە بێ ھیچ پاساوێک کراوەتە ئامانج و داوا لە حکوومەتی عێراق و کۆمەڵی نێودەوڵەتی دەکات کاری جدی لەسەر ئەو دەستدرێژی و ھێرشانە بکەن و ھەوڵەکانی خۆیان چڕ بکەنەوە بۆ ئەوەی چیتر ڕێگە نەدرێت دەستدرێژی بکرێتە سەر سەرەوەریی وڵات و ئاسایش و ئارامیی .

لە پەیامەکەی پەرلەمانی کوردستاندا ھاتوە، ئیرادەی گەلی کوردستان بۆ پێشکەوتن و پێکەوەژیان و سەقامگیریی ھەرێمی کوردستان زۆر لەوە بەھێزترە بەو پەلامارە تیرۆریستییە ترسنۆکانەیە لەق ببێت.
 

بەڕێوەبەرایەتی گشتی بانکی ناوەندی ھەرێم/ سلێمانی  لە ڕوونکردنەوەکەدا ڕایانگەیاند : رەتیدەکەینەوە ھیچ بڕە پارەیەک دیار نەمابێت لە سلێمانی

دەقی ڕوونکردنەوەکە : 

روونکردنەوەیەک لە بەڕێوەبەرایەتی گشتی بانکی ناوەندی ھەرێم/ سلێمانی

بەپێویستمان زانی بۆ ھەموولایەکی روونبکەینەوە کە؛ ماوەیەکە ھەڵمەتێکی چەواشەکارانە ھەیە لەدژی سلێمانی و بەتایبەت پرسی داھاتی ناوخۆی سلێمانی کەروونە ئەو ھەڵمەتە لەدەرھاویشتەی سیاسییەوە سەرچاوەی گرتووە و زانیاری نادروست بڵاودەکەنەوە بە مەبەستی چەواشەکردنی خەڵک. بۆ رەتکردنەوەی ئەو قسەو قسەلۆکانە، ئێمە بڕیارماندا بە بەڵگە و ژمارە وەڵام بدەینەوە بۆ سەلماندی راستی قسەکانی ئێمەو درۆی ئەوان:

یەکەم: ھەموو مانگێک لەداھاتی ناوخۆی سلێمانی، ئەو بڕە پارەیە دابین کراوە کە وەزارەتی دارایی و ئابوری دیاری کردووە بۆ تەواو کردنی بودجەی مووچە. لەو خشەیەی کە بڵاو کراوەتەوە بەژمارە روونتر کراوەتەوە.‌

دووەم: تەنھا بۆ ١١ مانگی ساڵی ٢٠٢١ لەداھاتی ناوخۆی سلێمانی بڕی؛ یەک تڕلیۆن و ١٠٧ ملیار دینار دابین کراوە بۆ پێدانی مووچە.

سێیەم: بۆ مووچەی مانگی ١٢ی ٢٠٢١ کە لەمانگی ١ی ٢٠٢٢ دابەش کراوە، لەداھاتی ناوخۆی سلێمانی بڕی ٧٥ ملیار ٦٨١ ملیۆن دینار دابین کراوە.

چوارەم؛ جگە لەو پارانەی کە ئاماژەی پێدراوە، و ئەو بڕە پارەیەش کە لە داھاتی سلێمانییەوە دەچێتەوە ‌بۆ ھەولێر، بەشەکەی تری داھاتی کۆکراوەی ناوخۆی سلێمانی، بۆ خەرجییەکانی دامودەزگا حکومییەکان تەرخاندەکرێتەوە وخەرج دەکرێتەوە.

پێنجەم: ھەموو ئەو پارانەی کەدێنە بانکەکانی سلێمانی، بەڕێکاری یاسایی و ئیداری خۆیان جوڵەیان پێدەکرێت، لەدەرەوەی یاسا ھیچ شتێک نەکراوە و ناکرێت.

شەشەم: ئەو بەڕێزانەی کە قسەی ناڕاست دەکەن لەسەر بانکەکانی سلێمانی، با بفەرموون یەک بەڵگە بخەنەروو، ئێمە دڵنییاین کە ھیچیان پێ نییە و ناتوانن قسەکانیان بسەلمێنن.

حەوتەم: رەتی دەکەینەوە کەھیچ بڕە پارەیەک دیار نەمابێت یاخود پارەی مووچە درابێت بە شتی تر.

 

وەزارەتی دارایی و ئابووری رایگەیاند، سبەینێ مووچەی یەکەکانی ٧٠ و ٨٠ی پێشمەرگە دابەش دەکرێت و رۆژی سێشەممە ١٥ی ئاداری ٢٠٢٢ فەرمانبەرانی وەزارەتی دارایی و ئابووری مووچە وەردەگرن و رۆژی چوارشەممەش ١٦ی ئادار مووچەی وەزارەتی ناوخۆ و بەڕێوەبەرایەتی گشتیی رەگەزنامە دابەش دەکرێت .

ھەروەھا رۆژی پێنجشەممە ١٧ی ئادار مووچەی وەزارەتی کاروباری شەھیدان و ئەنفالکراوان و کەس و کاری شەھیدان و زیندانە سیاسییەکان دابەش دەکرێت و رۆژی شەممەش ١٩ی ئادار مووچەی وەزارەتی پەروەردە دابەشدەکرێت.

وەزارەتی پێشمەرگە رایگەیاند، پەلامار و ھێرشی لەو شێوەیە ئیرادەی گەلی کوردستان لاواز ناکات و بە ئیرادەی پۆڵاینی پێشمەرگانە روبەڕووی مەترسییەکان دەبنەوە،داواشی لە کۆمەڵی نێودەوڵەتی و حکومەتی عێراق کرد، کاری جدی بکەن لەسەر ئەو پەلامارانە، چونکە ھەر ھێرشێک بکرێتە سەر ھاوپەیمانان و دۆستان، بە ھێرش و پەلاماری بۆ سەر پێشمەرگە و خەڵکی کوردستانی دەزانن. 

وەزارەتی پێشمەرگە راشیگەیاند، ھێزی پێشمەرگە لە ھەرێم ھاوشان لەگەڵ ھێزە ھاوپەیمانەکان و سوپای عێراق ئەرکی ئەولەویاتی ئێستایان روبەڕوبوونەوەی داعش و تێکشکاندنیانە، سەلامەتی و پاراستنی ئاسایشی ھەرێمیش بە ئەرکی راستەقینە دەزانن و درێخی ناکەن.