کوردستان
دوای ئەوەی شەوی رابردوو گرتە ڤیدیۆییەکی چەند گەنجێک لە شاری کەلار بڵاوبوویەوە کە هێرشدەکەنە سەر پاسێکی گەشتیاری، دەزگای ئاسایشی هەرێم راگەیەنراوێکی لەو بارەیەوە بڵاوکردەوە و تێیدا هاتووە، تۆمەتباران روبەرووی یاسا دەکرێنەوە.
:دەقی راگەیەنراوەکە
شەوی 8ـی 5ـی 2026 لەدوای کۆکردنەوەی زانیاری و بەدواداچوون توانرا لەکەمترین ماوەدا ئەو تۆمەتبارانەی کە بەماتۆرسکیل بوونە هۆی بێزارکردنی پاسێکی گەشتیاری لە شاری کەلار دەستگیربکرێن و رووبەڕووی یاسا بکرێنەوە بەپێ ماددەی(495) لە یاسای سزادانی عیراقی.
لەئێستادا تۆمەتباران راگیراون و لێکۆڵینەوە لەدۆسییەکانیان بەردەوامە.
فەرمانگەی میدیا و زانیاری بڵاویکردەوە، بڕیارە ئەمڕۆ شەممە 9ـی 5ـی 2026، مەسرور بارزانی بە سەردانێکی رەسمی بگاتە تورکیا و لەگەڵ هەر یەک لە سەرۆک کۆمار و وەزیری دەرەوەی ئەو وڵاتە کۆببێتەوە.
بەپێی راگەیەنراوەکەی فەرمانگەی میدیا و زانیاریی حکومەتی هەرێم، سەرۆکی حکومەت لەو سەردانەیدا، لە کۆشکی دۆڵمە باخچە لە شاری ئیستانبوڵ، لەگەڵ رەجەب تەیب ئەردۆغان سەرۆک کۆماری تورکیا و هاکان فیدان وەزیری دەرەوە و ژمارەیەکی دیکە لە لێپرسراوانی باڵای ئەو وڵاتە کۆدەبێتەوە.
لە راگەیەنراوەکەدا هاتووە، جیا لە گفتوگۆکردن لەبارەی پەرەپێدانی پەیوەندیی دوولایەنە، دوایین گۆڕانکاریی و پێشهاتەکانی بارودۆخی گشتی عیراق و ناوچەکە تاوتوێ دەکرێت.
سەرۆکی دەستەی گشتی ناوچە کوردستانییەکانی دەرەوەی ئیدارەی هەرێم رایدەگەیەنێت: هێزو لایەنە سیاسییەکانی کوردستان بەکاندیدکردنی (عەلی زەیدی )نەک نیگەرانیان نەبوون بە پێچەوانەوە نامەی پشتیوانی و پیرۆزباییان پێش پێکهاتەکانی تر پێگەیاند، پێویستە هەموو هێزە سیاسییەکانی کوردستان درک بەو راستییە بکەن ئەم کارنامەیە نەخشە رێگەی چوار ساڵی داهاتووە و وەرەقەی مامەڵەکردنی حکومەتی نوێیە لەگەڵ سەرکردایەتی کورد و حکومەتی هەرێمدا، راست وایە ئەم قۆناغە تێپەڕێنین و پرسی خاک و دەستکەوتەکانی گەلەکەمان یەکمان بخات.
فەهمی بورهان سەرۆکی دەستەی گشتی ناوچە کوردستانییەکانی دەرەوەی ئیدارەی هەرێم لەپەیامێکدا رایگەیاند:کارنامەی چوار ساڵی داهاتووی جەنابی سەرۆک وەزیران (عەلی زەیدی) کە لە چواردە بەش پێک هاتووە، هیچ روبەرێکی بۆ کێشە دەستورییەکانی خەڵکی کوردستان تێدا نیە، راستە ریزی کوردی یەک و یەکگرتوونییە، پێشمان وایە هەر ئەمە هۆکاری بنچینەیی بووە تا ماددەی 140ی دەستوور و ماف و داوا رەواکانمان نادیدەبکرێت.
راشیگەیاند، ئەم پێشهاتە دوای ئەوە دێت هێزو لایەنە سیاسییەکانی کوردستان بەکاندیدکردنی (عەلی زەیدی )نەک نیگەرانیان نەبوون بە پێچەوانەوە نامەی پشتیوانی و پیرۆزباییان پێش پێکهاتەکانی تر پێگەیاند، پێویستە هەموو هێزە سیاسییەکانی کوردستان درک بەو راستییە بکەن ئەم کارنامەیە نەخشە رێگەی چوار ساڵی داهاتووە و وەرەقەی مامەڵەکردنی حکومەتی نوێیە لەگەڵ سەرکردایەتی کورد و حکومەتی هەرێمدا، راست وایە ئەم قۆناغە تێپەڕێنین و پرسی خاک و دەستکەوتەکانی گەلەکەمان یەکمان بخات.
فەهمی بورهان ئاماژەی بەوەشکرد، ئەو مەسجەش بەهاوبەشی بە بەغداد بگەیەنین، سەرباری پشتیوانیمان بۆ سەرخستنی کابینەکەی (عەلی زەیدی )لە چوارچێوەی دەستوردا، لەگەڵیشیدا لە ئاست مافەڕەواکانی گەلەکەمان بەتایبەتی لە ناوچە کێشە لەسەرەکان، کەمتر لەوەی لە مادەی (140)ی فەرامۆشکراودا هاتووە رازی نابین، ئەرکی پەڕلەمانتارانیشمان لەو کاتەوە دەستپێدەکات کە ئەم کارنامەیە دێتە ناوپەڕلەمان و پێوستە لە چوارچێوەی دەستوری بڕیارلێدراودا پارێزگاری لە ماف و دەستکەوتەکانمان بکەن.
ماڵپەری شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی ئەم هەفتەیەی بڵاوکردەوە کە نزیکەی سێ ملیار دینارە.
ئەمڕۆ هەینی، ماڵپەری شەفافیەت بڵاویکردەوە، داهاتی یەک هەفتەی سلێمانی لە رۆژی(2ـی 5ـی 2026 بۆ 8ـی 5ـی 2026) داهاتی نانەوتی، لە سلێمانی و هەڵەبجە و هەردوو ئیدارەی راپەڕین و گەرمیان، دوو ملیار و 935 ملیۆن و 792 هەزار دینار بووە.
دەشڵێت؛ لەو داهاتە لە 93%ی بەشێوەی نەختینەیە و 6%ی داهاتەكە بەشێوەی چەكە.
هەر بەپێی داتاکانی شەفافیەت، داهاتی ئەم هەفتەیە بە بەراورد بە هەفتەی رابردوو نزیکەی نۆ ملیار دینار کەمی کردووە.
جێگەی ئاماژەیە، پڕۆژەی شەفافییەت لە داهات و خەرجی، لەسەر راسپاردەی قوباد تاڵەبانی جێگری سەرۆک وەزیرانی هەرێم دامەزرا، ئێستا رۆژانە لە رێگەی ئەو ماڵپەڕەوە دەتوانیت سەرجەم داهاتە نانەوتییەکانی هەردوو پارێزگای سلێمانی و هەڵەبجە و ئیدارە سەربەخۆکانی راپەڕین و گەرمیان بزانیت.
بەهۆی جێگیربوونی رەوشی کەشوهەوا، پێشبینی دەکرێت لە دوو رۆژی داهاتوودا پلەکانی گەرما زیاتر بەرز ببنەوە.
بەڕێوەبەرایەتی گشتی کەشناسی و بوومەلەرزەزانی هەرێم، پێشبینییەکانی بۆ ڕەوشی کەشوهەوای 48 سەعاتی داهاتوو بڵاوکردەوە و رایگەیاند، پلەکانی گەرما بەراورد بە رۆژانی رابردوو روو لە بەرزبوونەوە دەکەن.
کەشناسی هەرێم رایگەیاند، ئەمڕۆ ئاسمان بە گشتی ساماڵ دەبێت و هەندێک پەڵە هەوری جیاجیای تێدا دەردەکەوێت، خێرایی با لەسەرخۆ دەبێت و پلەکانی گەرماش کەمێک بەرزتر دەبن لە چاو تۆمارەکانی دوێنێ.
ئەوەشی خستەڕوو، سبەینێ ئاسمان بە ساماڵی دەمێنێتەوە و پلەکانی گەرما بەردەوام دەبن لە بەرزبوونەوە.
بەرزترین پلەکانی گەرمای پێشبینیکراوی ئەمڕۆ بە پلەی سیلیزی :
هەولێر: 25 پلەی سیلیزی
پیرمام: 22 پلەی سیلیزی
سۆران: 22 پلەی سیلیزی
حاجی ئۆمەران: 15 پلەی سیلیزی
سلێمانی: 25 پلەی سیلیزی
چەمچەماڵ: 25 پلەی سیلیزی
دهۆک: 24 پلەی سیلیزی
زاخۆ: 26 پلەی سیلیزی
هەڵەبجە: 26 پلەی سیلیزی
گەرمیان: 30 پلەی سیلیزی
قوباد تاڵەبانی، لێپرسراویی مەکتەبی سکرتارییەتی سەرۆک مام جەلال لە سەردانەکەیدا بۆ کەرکوک لەگەڵ ژمارەیەک لە هونەرمەندانی کەرکوک کۆبووەوە.
لە کۆبوونەوەکەدا کە ئەمڕۆ پێنج شەممە بەڕێوەچوو، قوباد تاڵەبانی ئاماژەی بە رۆڵی هونەر و هونەرمەندان کرد لە قووڵکردنەوەی گیانی تەبایی و برایەتیی لەنێوان پێکهاتەکانی کەرکوک و پشتگیریی تەواوی یەکێتیی نیشتمانیی کوردستانیشی دەربڕی بۆ باشترکردنی رەوشی ژیان و گوزەرانی هونەرمەندانی کەرکوک.
لێپرسراویی سکرتارییەتی سەرۆک مام جەلال باسی لە بەرنامەی یەکێتی کرد بۆ پاڵپشتیکردنی هونەرمەندان و رایگەیاند؛ کاردەکەن بۆ ئەوەی ژینگەیەکی گونجاو دابین بکەن بۆ پێشخستنی هونەر لە کەرکوک.
قوباد تاڵەبانی سەردانی کەرکوکی کرد و لەگەڵ پارێزگاری کەرکوک کۆبووەوە و جەختی لە خزمەتکردنی هەموو پێکهاتەکان بەبێ جیاوازی کردەوە.
قوباد تاڵەبانی رایگەیاند، دانانی یەکەمین پارێزگار لە پێکهاتەی تورکمان لە مێژووی سەد ساڵی رابردووی کەرکوکدا، روداوێکی گرنگی مێژووییە و هیوادارین ئەم روداوە گیانی پێکەوەژیان و برایەتی لەنێوان پێکهاتەکانی ئەم شارەدا قووڵتر بکاتەوە.
ئاماژەی بەوەشکرد، لە سەردانمدا بۆ کەرکوک لەگەڵ محەمەد سەمعان، پارێزگاری نوێ و رێبوار تەها، جێگری پارێزگار کۆبوومەوە، پیرۆزبایی دەستبەکاربوونم لێ کردن و پشتگیریکردنی یەکێتیی نیشتمانیی کوردستانیشم بۆ دووپات کردنەوە.
قوباد تاڵەبانی جەختیشی کردەوە، یەکێتی شانازی بەوەوە دەکات هەر لە سەرەتاوە ئاڵاهەڵگری پێکەوەژیان بووە لە کەرکوک و هەمیشە دژی پەراوێزخستنی هەر پێکهاتەیەک بووین و ئێستاش پێمانوایە پارێزگار یان هەر پۆستێکی تر لای هەر پێکهاتەیەک بێت، دەبێت بێ جیاوازی خزمەتی هەمووان بکات، چونکە هەر سیاسەتێک جگە لەمە شکست دەهێنێت و خزمەتی کەرکوک ناکات.
لە کەرکوک ژنێک بە تای خوێنبەربوون گیانی لەدەستدا، تەندروستی شارەکەش ئاشکرایکرد، ژنەکە تەمەنی 43 ساڵانە و پیشەی ئاژەڵداری بوو.
بەڕێوەبەرایەتی تەندروستی کەرکوک بڵاویکردەوە، ژنێک دوایی توشبوونی بە تای خوێنبەربوون گیانی لەدەستدا.
ئاسۆ ئەحمەد، پەیامنێری کوردسات نیوز رایگەیاند، ئهو ژنهی دوێنێ چوارشهممه له كهركوك بە گومانی تای خوێنبەربوون خرایه ژێر چاودێری پزیشكییەوە و پشكنینەكانی بۆ دڵنیابونەوە رەوانەی بەغداد كرا، دهركهوت توشی تای خوێنبهربون بووه.
وتیشی، ژنەکە تەمەن 43 ساڵانەو خەڵكی چیمەن-ـی كەركوكە، بەهۆی ناجێگیری تەندروستییەوە، کەمێک پێش ئێستا گیانی لەدەستدا.
جێگەی ئاماژەیە، ئەمە یەکەم حاڵەتی تای خوێنبەربوونە لەمساڵدا لە کەرکوک تۆماربکرێت.
دوای ساڵانێکی زۆر لە چاوەڕوانی، رێکارە یاساییەکان دژی یەکێک لە گەورە تۆمەتبارانی کەیسی ئەنفال بە ناوی عەجاج دەستیپێکرد و پیرۆزبایی لە کەسوکاری قوربانییان دەکرێت.
قائیمقامیەتی قەزای چەمچەماڵ رایگەیاند، گەورە تۆمەتباری کەیسی ئەنفال بە ناوی عەجاج رووبەڕووی دادگا کراوەتەوە و پیرۆزبایی لە کەسوکاری سەربەرزی ئەنفالکراوان دەکەن کە توانراوە ئەم هەنگاوە گرنگە بنرێت.
ئاماژەی بەوەشکرد، سوپاس و پێزانینی تایبەتی ئاڕاستەی شاناز ئیبراهیم ئەحمەد دەکەن، کە لە ماوەی رابردوودا رۆڵی گرنگ و کاریگەری هەبووە لە هاوکاریکردن و پشتیوانیکردنی ئەم کەیسە، تا گەیاندنی تۆمەتبارەکە بە بەردەم دادگا و جێبەجێکردنی رێکارە یاساییەکان.
هەروەها سوپاسی هەموو ئەو کەس و لایەنانە کراوە کە ماندوونەناسانە هاوکاربوون لە دۆزینەوە و دەستگیرکردنی ئەو تۆمەتبارەدا.
قائیمقامیەتی چەمچەماڵ، جەخت لە مافە رەواکانی کەسوکاری قوربانییان کراوەتەوە و داواکراوە کە جگە لە سزادانی تاوانباران، کاربکرێت بۆ قەرەبووکردنەوەی مادی و مەعنەوی کەسوکاری سەربەرزی ئەنفالکراوان، وەک کەمترین وەفاداری بۆ ئازارەکانیان.
ئەمڕۆ یەكەم دانیشتنی دادگاییكردنی عەجاج دەستپێدەكات و كەسوكار و شایەتحاڵانی ئەنفالیش چاوەڕوانن سزایەكی توندی بەسەردا بسەپێنرێت.
دوای كۆكردنەوەی سەدان بەڵگە و وەرگرتنی سكاڵا لە شایەتحاڵانی ئەنفال، ئەمڕۆ یەكەم دانیشتنی دادگاییكردنی عەجاج ئەحمەد حەردان تكریتی ناسراو بە جەلادەكەی نوگرەسەلمان لە دادگای باڵای تاوانەكان لە بەغداد دەستیپێکرد.
پەیامنێری كوردستان نیوز رایگەیاند، زیاتر لە 250 سكاڵا لەلایەن كەسوكاری ئەنفالەوە لەسەر عەجاج تۆماركراوە و 17 شایەتحاڵ و ژمارەیەك لە كەسوكاری ئەنفال لە دانیشتنەكەدا ئامادە دەبن و وتەیان لێ وەردەگیرێت.
وتیشی، چاوەڕوان دەكرێت هەر ئەمڕۆ دادگاییكردنەكە كۆتایی پێ بهێنرێت و دادگا بڕیاری سزادانی عەجاج دەربكات.
دیلمان لەتیف پارێزەری سكاڵاكارانی دۆسیەی عەجاج بە كوردسات نیوزی راگەیاند، شاناز ئیبراهیم ئەحمەد رۆڵێكی گرنگ و بەرچاوی بینیوە لە ئامادەكردنی دۆسییەكان و چاوەڕێش دەكەن دادگا بڕیاری لە سێدارەدان بۆ عەجاج دەربكات.
ئەمڕۆ یەكەم كاروانی حاجیانی هەرێمی كوردستان بەرەو سعودیە بەرێككەوتن، پرۆسەكەش تا 17ی مانگ بەردەوام دەبێت.
ئەمڕۆ یەكەم كاروانی حاجیان لە فڕۆكەخانەی نێودەوڵەتیی هەولێرەوە بەرێككەوتن، رۆژی شەممەی داهاتووش حاجیانی دهۆك و دووشەممەی داهاتووش حاجیانی سلێمانی بەرەو سعودیە بەڕێدەكرێن بۆ بەجێهێنانی فەریزەی حەج.
بەڕێوەبەرایەتی گشتی حەج و عومرەی كوردستان رایگەیاندووە، سەرجەم گەشتەكان لەلایەن وەزارەتی ئەوقاف و كاروباری ئایینی هەرێمەوە چاودێری دەكرێن و هەموو ئامادەكارییەكان تەواوكراون بۆ ئەنجامدانی گەشتەكان بەبێ كێشە و لەكاتی دیاریكراودا.
لای خۆیەوە كاروان ستونی وتەبێژی بەڕێوەبەرایەتی گشتی حەج و عومرەی هەرێم رایگەیاند، بۆ ئەمساڵ پێنج هەزار و 120 حاجی هەرێم گەشتی سعودیە دەكەن بۆ بەجێهێنانی فەریزەی حەج.
ئەمڕۆ لە بەغداد یەكەم دانیشتنی دادگاییكردنی عەجاج بەڕێوەدەچێت و كەسوكار و شایەتحاڵانی ئەنفالیش چاوەڕوانن سزایەكی توند بەسەر عەجاجدا بسەپێنرێت.
دوای كۆكردنەوەی سەدان بەڵگە و وەرگرتنی سكاڵا لە شایەتحاڵانی ئەنفال، ئەمڕۆ یەكەم دانیشتنی دادگاییكردنی عەجاج ئەحمەد حەردان تكریتی ناسراو بە جەلادەكەی نوگرەسەلمان لە دادگای باڵای تاوانەكان لە بەغداد بەڕێوەدەچێت، دیلمان لەتیف پارێزەری سكاڵاكارانی دۆسێی عەجاج بە كوردسات نیوزی راگەیاند، نزیكەی 200 دۆسێ ئامادەكراوە و لە یەكەم دانیشتنی دادگاییكردنیشدا ژمارەیەك لە سكاڵاكارانی كەسوكاری ئەنفالكراوان ئامادە دەبن و وتەیان لێوەردەگیرێت.
وتیشی، شاناز ئیبراهیم ئەحمەد رۆڵێكی گرنگ و بەرچاوی بینیووە لە ئامادەكردنی دۆسیەكان و چاوەڕێش دەكەن دادگا بڕیاری لە سێدارەدان بۆ عەجاج دەربكات.
كەسوكاری ئەنفالكراوانیش دوای تۆماركردنی سكاڵاكان چاوەڕوانن سزایەكی توند بەسەر عەجاجدا بسەپێنرێت و تۆڵەی كەسوكاری سەرجەم ئەنفالكراوانی لێبكرێتەوە.
گەشتەكانی هەردوو فڕۆكەخانەكەی هەرێم ئاسایی بووەتەوە، وەزیری گواستنەوەش دەڵێت، لە داهاتوویەكی نزیكدا ژمارەی كۆمپانیاكان و گەشتە ئاسمانییەكان زیاتر دەبن.
ئانۆ جەوهەر وەزیری گواستنەوە و گەیاندنی هەرێم لە لێدوانێكدا بۆ كوردسات نیوز رایگەیاند: سەرباری ئاساییبوونەوەی گەشتە ئاسمانییەكان، تائێستا ژمارەیەك لە كۆمپانیاكانی فڕۆكەوانی دەستیان بە گەشتەكانیان نەكردووەتەوە، بەڵام بەهۆی گرتنەبەری رێكاری ئەمنی، چاوەڕوان دەكرێت لە داهاتوویەكی نزیكدا ژمارەی كۆمپانیاكان و گەشتە ئاسمانییەكان زیاتر بن بە بەراورد بە ئێستا.
وتیشی: لە ئێستادا رۆژانە بەپێی خشتەی كۆمپانیاكان گەشتی ئاسمانی بۆ وڵاتانی ئەوروپا و ئاسیا و وڵاتانی عەرەبی و ئەمریكا ئەنجام دەدرێت.
قوباد تاڵەبانی، جێگری سەرۆک وەزیران لەگەڵ عەبدولڕەحمان عەلی، بەڕێوەبەری گشتیی بەڕێوەبەرایەتیی بەنداو و کۆگاکانی ئاو و بەڕێوەبەرانی بەنداوەکان و ستافی بەڕێوەبەرایەتییەکە کۆبووەوە و داوایکرد پلانێکی زانستی ئامادە بکەن بۆ ئامادەکاری کردن بۆ ساڵانی وشکەساڵی و کەمبارانی.
لە کۆبوونەوەکەدا کە رۆژی چوارشەممە (6/5/2026) لە هەولێر بەڕێوەچوو، قوباد تاڵەبانی ستایشی هەوڵەکانی بەڕێوەبەرایەتییەکەی کرد و دڵخۆشیی خۆی دەربڕی کە لەم کابینەیەدا توانراوە ژمارەیەک بەنداوی گەورە و بچووک بۆ گلدانەوەی ئاو دروست بکرێت.
جێگری سەرۆک وەزیران داواشیکرد پلانێکی زانستی ئامادە بکەن بۆ ئامادەکاری کردن بۆ ساڵانی وشکەساڵی و کەمبارانی، هەروەها داواشیکرد پلانێکی دیکە ئامادە بکرێت بۆ ئەوەی لە بەنداوەکان وەک شوێنێکی گەشتیاری کەڵک وەربگیرێت و لەمبارەیەشەوە ئامادەیی خۆی بۆ هەموو جۆرە هاوکاری و هەماهەنگییەک لەگەڵ لایەنە پەیوەندیدارەکان دەربڕی.
قوباد تاڵەبانی، جێگری سەرۆک وەزیران لەگەڵ بێگەرد تاڵەبانی، وەزیری کشتوکاڵ و سەرچاوەکانی ئاو و ستافی وەزارەت و بەڕێوەبەرە گشتییەکانی وەزارەت کۆبووەوە و پێکەوە گفتوگۆیان کرد لەبارەی چۆنییەتی گەشەپێدانی کەرتی کشتوکاڵ و چارەسەرکردنی کێشەی گەنمی جوتیارانی هەرێم.
لە کۆبوونەوەکەدا کە ئەمڕۆ چوارشەممە لە هەولێر بەڕێوەچوو، وەزیری کشتوکاڵ راپۆرتێکی لەبارەی کار و دەستکەوتەکانی وەزارەت لە کابینەی نۆیەمدا پێشکەش کرد کە بەراورد بە کابینەکانی پێشوو زۆر زیاتر خزمەتی گەشەپێدانی کەرتی کشتوکاڵیان کردووە.
جێگری سەرۆک وەزیران دەستخۆشی لە وەزیر و هەموو ستافی وەزارەت کرد بەهۆی خزمەتەکانیان و رایگەیاند بەهۆی هەوڵە بەردەوامەکانی ئەوانەوە هەرێمی کوردستان لە هەرێمێکی هاوردەکارەوە بووە بە هەرێمێکی بەرهەمهێنەر و ئێستا بەروبوومە کشتوکاڵییەکان هەناردەی بازاڕەکانی عێراق دەکرێت.
داواشیکرد ئامادەکاری بکەن بۆ سوودوەرگرتن لە تەکنەلۆژیای نوێ و زیرەکیی دەستکرد بۆ زیاتر گەشەپێدانی کەرتی کشتوکاڵ.
سەبارەت بە چارەسەرکردنی کێشەی گەنمی جوتیارانی هەرێمیش، قوباد تاڵەبانی رایگەیاند لە گفتوگۆکانیان لەگەڵ حکومەتی فیدراڵ، چارەسەرکردن کێشەی جوتیاران دەخرێتە ئەولەوییەتی کارەکانیانەوە بۆ ئەوەی مافەکانیان نەفەوتێت و لەکاتی خۆیدا حەقی رەنج و ماندووبوونی خۆیان وەربگرن.
پۆلیسی سلێمانی بڵاویکردوەتەوە، نوسینگەی نەهێشتنی تاوانی چەمچەماڵی سەر بەبەشی نەهێشنی تاوانی بەڕێوەبەرایەتییان ئۆتومبێلێکی کۆمپانیای بەکرێدانی ئۆتۆمبلێیان دەست بەسەرداگرت، کە کەسێک بەکرێی گرتبوو دواتر فرۆشتویەتییەوە.
بە گوێرەی راگەیەندراوێکی پۆلیسی سلێمانی، دوای ئەوەی هاووڵاتیەک لەبنکەی پۆلیسی بەختیاری لەسلێمانی سکاڵای تۆمارکرد کە ئۆتومبێلێکی داوە بە کەسێک بەکرێ دوای کۆتای هاتنی وادەکەی دواتر فرۆشتویەتی و بۆی نەگەڕاندۆتەوە.
دواتر هێزەکانیان بە بڕیاری دادوەر و دوای لێكۆڵینەوە و بەدواداچوونەکان و کۆکردنەوەی زانیاری پێویست، لەلایەن نوسینگەی نەهێشتنی تاوانی چەمچەماڵەوە توانرا دەست بەسەر ئۆتومبێلەکەدا بگیرێت.
ئاماژەبەوەشکروە، لە ئێستادا ئۆتۆمبێلەکە گەڕێندراوەتەوە بۆ ئەو بنکەیەی سکاڵەکەی لێ تۆمارکراوە و بەپێی ماددەی (453)لەیاسای سزادانی عێراقی.