کوردستان
"سیروان ئیبراهیم" ئامۆزای كوژراوەكە بە كوردسات نیوزی راگەیاند، درەنگانی شەوی رابردوو، ئامۆزاكەی بە ناوی"سەمەد عارف" كە تەمەنی 41 ساڵە لە ماڵەكەی خۆیدا بە سێ فیشەك كوژراوە و فیشەكەكان بەر دەست و سەر و سنگی كەوتووە.
وتیشی، لە كاتی رووداوەكەدا هاوسەر و سێ منداڵەكەی لە ماڵەوە بوون و پۆلیس هەر چواریانی دەستبەسەر كردووە بە مەبەستی لێكۆڵینەوە، بەڵام گومانیان لە كەس نییە و سكاڵایان لەسەر كەس تۆمارنەكردووە.
كوژراوەكە باوكی سێ منداڵە و كاری فرۆشتنی ئاژەڵی دەكرد، دوای رووداوەكەش تەرمەكەی گواستراوەتەوە بۆ پزیشكی دادی سلێمانی.
بەڕێوەبەرایەتی پۆلیسی ڕاپەڕین راگەیاند، دوای تێپەڕبوونی چەند ڕۆژێک بەسەر کوشتنی گەنجێکی دانیشتووی قەڵادزێ، دوو ھاوڕێی خۆی بە تۆمەتی کوشتنی ئەو گەنجە لەلایەن ئاسایشی قەزای ماوەت دەستگیرکران و دواتر ڕادەستی بەڕێوەبەرایەتی پۆلیسی ڕاپەڕین کرانەوە.
ئاشکراشیکرد، دوای لێکۆڵینەوە لەگەڵیاندا لەبەردەم پۆلیس و دادگا دانیان ناوە بە تاوانەکەیاندا، پاشان بە بڕیاری دادوەر بە ماددەی ٤٠٥ لە یاسای سزادانی عیراقی ھەردووکیان راگیراون، لێکۆڵینەوەش لەگەڵیاندا بەردەوامە.
پەیامنێری کوردسات نیوز رایگەیاند، لە گەڕەکی قەتەوی شاری ھەولێر خێزانێک کە پێھاتوون لە پیاو، ژن و کچێک کە بە چەقۆ کوژراون، ھێزە ئەمنییەکانیش دەستیان بە لێکۆڵینەوە کردووە.
وتیشی، کەسێک بە مەبەستی پاککردنەوەی تانکی ماڵەکەیان رۆیشتوەتە ئەو ماڵە، بینیویەتی سێ تەرم لەو ماڵە کەوتووە، دواتر ئاسایش و ھێزە ئەمنییەکانی ئاگادارکردوەتەوە.
ھاوکات شایەتحاڵێک کە مامۆستایی ئایینی مزگەوتی گەڕەکەکەیە رایگەیاند، پیاوی ئەو ماڵە کە کوژراوە رۆژانە ھاتوچۆی مزگەوتی کردووە، ھیچ کێشەیەکی نەبووە.
دەقی وەڵامەکەی مهڵبهندی سێی ههولێری یهكێتی نیشتمانی كوردستان:
وهڵامێك له مهڵبهندی سێی ههولێری یهكێتی نیشتمانی كوردستان بۆ بهڕێوبهری ئاسایشی ههولێر
(( یهكێتی به ڕووخسهتی كهس لهههولێر نیهو میوان نیه تا پێویستی بهوه بێت بهڕێوهبهری ئاسایش و هیچ كهسێك ئازادی كاكردن و هاتوچۆی خهڵكی یهكێتی لهههولێر به دهستكهوت و پاداشت بزانن و پێمان بفرۆشنهوه ، بهڵكو یهكێتی خاوهن وناسنامهی ههولێره ))
لهوهڵامی لێدوانێكی بهریوهبهری ئاسایشی ههولێر كه بهحیساب ناوبراو وهڵامی قسهكانی كۆنگره ڕۆژنامهوانیهكهی لێپرسراوی مهڵبهندی ههولێری یهكێتی نیشتمانی كوردستانی داوتهوه سهبارهت بهكهیسی شههید ( زیرهك علی ) لهناو بنكهیهكی ئاسایشی ههولێر ، ناوبراو له وهڵامهكانی چهندان بابهتی تێكهڵ كردوهو جگه لهوهش تۆمهتی نایاسایی و ناماقولی بۆ یهكێتی داتاشیوهو ههڵبهستوه قسهكانیشی هیچی یهكناگرنهوه ، بۆیه ئێمه نهمانویست بچینه ناو وهڵام و وهڵامكاری و مهبهستمانه ئهو دۆسیهیه بهرێكاری یاسایی و دهرهنجامی ئهو لێژنانهوه بۆ ڕای گشتی بڵاو بكرێتهوه ، لای خۆشمانهوه جگه له ههنگاو و قسهی یاسایی هیچ شتێكی ترمان نهوتوهو كهسیشمان تۆمهتبار نهكردوهو داوای سهروهری یاسامان كردوه بهڵام قسهكانی ناوبراو ناچاری كردین ئهو چهند قسهو ڕاستیه بۆ ئهوو ڕای گشتی بخهینه ڕوو.
یهكهم : ناوبراو دهڵێ (لێپرسراوی مهڵبهند دهیهوێ كهیسهكه بهلاڕێدا ببات و هیچ پهیوهندیهكی خزمایهتی و نزیكی لهگهڵ ئهو كهسه نیه كه گیانی لهدهست داوه) . ئێمه پێمان خۆشه لێره دووبارهی بكهینهوه بۆ ئهو بهڕێزه و ڕای گشتی كه شههید ( زیرهك علی ) كوڕی شههیدێكی ئێمهیهو بهخێزان و كهس وكاریانهوه ههقیان بهسهر یهكێتی ههیه پارێزگاریان لێ بكات كه خوێنیان بۆ كوردستان و یهكێتی ڕشتوه و قوربانیان داوه بۆ ئهوهی ئێمهو بهڕێوهبهری ئاسایشی ههولێر و ههموو خهڵك لهسایهی خوێنی ئهوان ئهمڕۆ ئازادبین ، ئهو ئهركهش كه پارێزگاری كردنه لهو كهیسه بهدهرجه یهك دهكهوێته سهركهس و كاری و خانهوادهی ، دواتریش ئهستۆی ئێمه كه ببینه پارێزهری مافی كادیرێكی خۆمان و كوڕه شههیدێكی حیزبهكهمان كه ئهوهش بچوكترین ئهركه لهسهرمان ئهگهر جێ بهجێ ی بكهین و سڵ ناكهینهوه ، وه بههیچ شێوهیهكیش جگه لهباس كردنی سهروهری یاساو چاوهڕێ كردنی دهرهنجامی كاری لێژنەكان باسی هیچ ههوڵ و بابهتێك نهكراوه مهبهست لێ ی بهلاڕیدا بردنی كهیسهكه بێت.
دووهم : ناوبراو دهڵی (ئهو كوڕه لهماوهی ڕابردوو چۆته سهر خهڵك وكێشهی دروست كردوه) ، باشه كهواته دهبێ بپرسین ناوبراو لهسهر بنهمای سكاڵای كێ ئهو كوڕهیان دهستگیر كردوه ئایا چهند كهس لهوانهی ئهو چۆته سهریان چونهته ئاسایش سكاڵا تۆمار بكهن وه ئهگهر كهسێك بچێته ئاسایش و بڵی كێشهم ههیه ئهی ئاسایش ناڵێ ئهو سكاڵایه پهیوهست نیه به ئێمهو كاری پۆلیس و دادگای لێكۆڵینهوهیه ! به چ یاساو مافێك و لهسهر بنهمای سكاڵای كێ و فهرمانی كام دادوهر ئهو هێزهی ئاسایش ههڵدهكوتنه سهر كهسێك لهكاتی كاركردن كه ئهو جۆره ههڵكوتانهو چونه سهر خهڵكه تهنها لهكاتی بونی مهترسی بۆ سهر ئاسایش و كهیسهكانی تیرۆر و ڕووبهڕوبونهوهی مادده هۆشبهرهكان و ئاسایشی نهتهوهیی كاری ئاسایشه نهوهك ئهو جۆره كهیسهی كه جهنابی بهڕیوهبهری ئاسایشی ههولێر باسی دهكات كه عوزرهكهی گهورهتره و قسهكانی دهرخهی بونی بێ ئاگا بونه له یاساو تهنانهت كاری دهزگاكهی خۆیشی.
سێیهم : ناوبراو باس لهوه دهكات (كادیران و خهڵكی یهكێتی لهههولێر ئازادن) وهك ئهوهی ئهو ئازادی یه خێرو پاداشت بێ بهڕێزیان به كادیرو خهڵكی یهكێتی دا بیت و ئهمڕۆ بیهوێ منهتمان بهسهردا بكات ، ئێمه لێره ئهوه بۆ بهڕێزی و ههموولایهك دووپات دهكهینهوه كه یهكێتی و ههولێر دوانهیهكی لێك دانهبڕاون و یهكێتیش پێویستی به خێر و ڕێگهدان نیه لهههولێر ، چونكه ههم خۆمان بهخاوهنی ههولێر دهزانین و ههمیش مێژوو شاهیده له ڕۆژانی ڕاپهڕین تا ئهمڕۆ و شهڕی داعش كێ قوربانی بۆ ئهو شاره داوه و سهرقافڵهی ڕاپهڕین بوه ، بۆیه بهڵێ ئێمه لهههولێرین و ئازاو ئازادین ، ئهوه ئێمهو كادیرانی ئێمهش نین كێشهو تاوانیان لهوشاره ئهنجام دابێت و خهڵكیان بێزار كردبێت ، نامانهوێ كهیسهكان ههڵدهینهوه بهڵام ویژدانی خهڵك و مێژوو ههمووی تۆمار كردوه چۆن لهسهر فول لایت و شكانهوهی ئۆتۆمبیل و گۆرانی گوتن و گردبونهوهی مامۆستایان و شتی تر چۆن شهق لهخهڵك دراوه و ئهشكهنجه دراوهو سهر تراشاوه.
چوارهم : لهكۆتاییدا ناوبراو بهبێ بهڵگهو دوور لهبنهما یاسایی و پێوهرهكان تۆمهتی ئهوه بۆ یهكێتی دهبهخشێتهوه لهههولێر دهڵێ (ئهگهر یهكێتی بیهوێ بهو كارهی پهردهپۆشی كاره تیرۆریستیهكانی خۆیان بكهن ئهوه ڕێگهیان پێ نادرێ !) ئێمه دهپرسین لهكام دادگاو به چ مافێك جهنابیان تۆمهتی تیرۆر دهخاته پاڵ یهكێتی ؟ ئهگهر بهڵگهیان لایه یهكێتی پهرده پۆشی كهیسێكی تیرۆری كردووه ئهی چۆن قبوڵ یان كردووهو چۆن رێگهیان داوه ؟ ئهی دهزگاكهی بهڕێزی كاری چیه ؟ ئێ خۆ بهپێ ی یاسا كاری بهدواداچون و دهستگیركردنی تیرۆریستان و ڕێگری كردن لهمهترسیهكانی تیرۆر و پارێزگاری كردن لهئاسایشی نهتهوهیی بهحیساب ئهركی دهزگاكهی بهڕێزیانه نهوهك كهیسی كێشهو دهمهقاڵێ ی نێوان دووكهس و ئهوجا ههڵكوتانه سهر خهڵك وبردنی بێ بڕیاری دادگاو لێكۆڵینهوه كردن لهگهڵی ، یان ڕهنگه هێشتا ناوبراو ئاشنای كار و ئهركهكانی دهزگاكهی نیه یان نایهوێ بیزانێ!
ئێمه ئهوه ڕادهگهیهنین ناوبراو بهرامبهر ئهو وتهو لێدوانانهو تۆمهت بهخشینهوه بۆ یهكێتی و تهنانهت تۆمهت بهخشینهوه بۆ شههید زیرهكیش كه دهڵێ چۆته سهر خهڵك و كێشهی دروست كردوه پێویسته ئهو وتانهی بسهلمێنێ بۆ دادگاو لهبهرامبهر یاساش بهرپرسیاره و یهكێتیش جگه له ڕێگه و ڕێكاری یاسایی و پهنا بردنه بهردادگا لهههرێمی كوردستان بێت یان ههر شوێنێك بێت كه پێمان وابێت تحقیقی عهدالهت دهكا ئهو رێگایه دهگرینه بهر و چاودێر دهبین ، وهبهجۆش تریش دهبین بۆ داكۆكی كردن لهههموو خهڵك بێ جیاوازی ئینجا ئهندامان و كادیرانی خۆمان لهههموو شوێنێك بهتایبهتیش لهسنوری مهڵبهندی ههولێری یهكێتی نیشتمانی كوردستان.
هۆبهی یاسایی مهڵبهندی سێ ی ههولێری
یهكێتی نیشتمانی كوردستان
7 ی حوزهیرانی _ 2023
کاروان یاروەیس ئەندامی ئەنجومەنی نوێنەرانی عێراق رایگەیاند، تاکو ئێستا دوا وێنەی پرۆژەیاسای بودجەی گشتی عێراق نەگەیشتووەتە دەست پەرلەمانتاران و تەنانەت لیژنەی داراییش، پێویستە دوا وێنەی پرۆژەیاساکان پێشتر بگات بەدەستی پەرلەمانتاران تابزانن چۆن دەنگ دەدەن.
ئاماژەی بۆ ئەوەشکرد، ئەوان وەک ئەرکێکی نەتەوەیی و نیشتمانی، داکۆکی لە ماف و شایستە دەستورییەکانی ھەریمی کوردستان و داخوازییەکانی خەڵکی خۆمان دەکەین، ئەمە لەسەرووی رێکەوتنەکانە و پابەندی بەڵێنی نێوان خۆمان و خەڵکین.
دەشڵێت، ھیوادارم سبەی پرۆژە یاسای بودجە پەسەند بکرێت و ببێتە مایەی خێر بۆ ژیانی خەڵکی.
عەلی رەئووف مستەفا، نوێنەری گشتی وانەبێژان لە هەرێمی کوردستان رایگەیاند، ئەمڕۆ دەستدەکرێت بە دابەشکردنی شایستەی دارایی مامۆستایانی وانەبێژ لە سنووری پەروەردەکانی پارێزگای سلێمانی کە ئەمانە دەگرێتەوە:
پەروەردەی رۆژئاوا سلێمانی
پەروەردەی هەڵەبجە
پەروەردەی کفری
پەروەردەی دوکان
پەروەردەی چەمچەماڵ
پەروەردەی سەیدصادق
پەروەردەی کەلار
پەروەردەی دەربەندیخان
پەروەردەی پێنجوێن
پەروەردەی شارەزوور
پەروەردەی سارباژێر
پەروەردەی قەرەداغ
پەروەردەی رانیە
وتیشی، ڕۆژی چوارشەممە پەروەردەی پشدەر و ڕۆژهەلاتی سلێمانی دابەشدەکرێت.
لە هەفتەی پێوشوشدا شایستەی دارایی مامۆستایانی وانەبێژ لە پارێزگاکانی دهۆک و هەولێر و بەشێک لە ناوچەکانی دیکە دابەشکرا.
عامر شوانی وتەبێژی پۆلیسی کەرکوک، بە کوردسات نیوزی راگەیاند، لە گەڕەکی راپەڕینی دووی شاری کەرکوک، ھاووڵاتییەک لە کاتی ناوبژیکردنی شەڕی دوو لایەندا، کە خزمی خۆیەتی، لەلایەن یەکێک لەلایەنی شەڕەکەوە پاڵی پێوەنراوە و کەوتووە و گیانی لەدەستداوە.
وتیشی، ئەو ھاووڵاتییەی گیانی لەدەستداوە ناوی مەجۆل عەبد خزەیرە و تەمەنی پەنجا ساڵە و دانیشتووی گەڕەکی راپەڕینی دووە.
لە دیدارێکدا وێڕای بەخێرهاتن وەفدی میوان پیرۆزبایی ٤٨ساڵەی دامەزراندنی ی.ن.ک یان ڕاگەیاند هەروەها باردۆخی ئەمڕۆی سیاسی ناوچەکە بەگشتی باسی لێوە کراو پەرەپێدانی پەیوەندیەکانی هەردوولا تەئکیدی لێکرایەوە .
فارس عیسا لەبارەی ناردنی ٤٠٠ ملیار دینارەکە بە کوردسات نیوزی راگەیاند، بە بڕیاری محەمەد شیاع سودانی سەرۆک وەزیرانی عێراق، تاکو پەسەندکردنی بودجە پارە بۆ ھەرێم رەوانە دەکرێت.
وتیشی، داوایان لە حکومەتی فیدڕاڵی کردووە، بۆ مووچەی مانگی پێنج بڕێک پارە بۆ ھەرێمی کوردستان رەوانە بکات و رەنگە ئەمڕۆ ئەنجومەنی وەزیرانی عێراق بڕیار لە ناردنی ئەو پارەیە دەدات.
عەقید ئیبراھیم فەریق بەڕێوەبەری بەرگری شارستانی ئاکرێ بە کوردسات نیوزی راگەیاند، چەند رۆژێک لەمەوبەر، لە قەزای ئاکرێ دوو جوتیار کە کێشەیەکی کۆنی کۆمەڵایەتی لە نێوانیاندا ھەبووە، ھەڵساون ئاگریان لە گەنمی یەکتر بەرداوە و سەرەنجام ژمارەیەک دۆنم زەوی گەنم سووتاوە.
ئەوەشی خستەڕوو، لە کێشەی نێوان جوتیارەکاندا بەڵگە ھەیە کە بە مەبەست گەنمی یەکتریان سووتاندووە، بۆ ئەو مەبەستەش لێکۆڵینەوەی پێویست دەستیپێکردووە.
بەڕێوەبەری بەرگری شارستانی ئاکرێ لەپێناو پاراستنی سەلامەتی گیان و شوێنیان، ناسنامەی ھیچ کام لە جوتیارەکانی ئاشکرانەکرد، بەڵام نەیشاردەوە، ئەوەی لەنێوان ئەو دوو جوتیارەدا روویداوە حاڵەتێکی نوێ نییە و چەندین ساڵە حاڵەتی ھاوشێوە تۆمارکراوە.
ئەو کەسەی گیانیلەدەستداوە ناوی زیرەک شەھید عەلی محەمەدە، بەوتەی کەسوکارەکەی لە سەعات ١٢نیوەرۆی ئەمڕۆوە لەلایەن ھێزێکی ئەمنی لە شاری ھەولێر لە شوێنی کارەکەی دەستگیرکراوە.
باس لەوەشدەکەن، دوای چەند سەعاتێک ھێزە ئەمنییەکە ئاگاداریان دەکەنەوە کە سەردانی پزیشکی دادی ھەولێر بۆئەوەی تەرمەکەی وەربگرنەوە.
زیرەک شەھید عەلی محەمەد خێزاندارەوە و خاوەنی سێ منداڵە لە ناوبازاڕی ھەولێر کاری کردووە، کەسوکارەکەشی جەخت لەوەدەکەنەوە، کێشەی لەگەڵ ھیچ کەسێک نەبووە و ھیچ جۆرە نەخۆشیەکیشی نەبووە.
سەرۆکایەتی ئەنجومەنی وەزیرانی عێراق لە راگەیەندراوێکدا بڵاویکردووەتەوە، ئەنجومەنی وەزیران لە کۆبوونەوەی ئاساییدا ئەمڕۆیدا بەسەرپەرشتی محەمەد شیاع سودانی، بە مەبەستی جێبەجێکردنی بڕیاری ژمارە ٢١٥ی ساڵی ٢٠٠٩، کە تایبەتە بە رێکخستنەوەی رێنماییەکانی ھاوردەکردنی ئۆتۆمبێل، بڕیاریداوە لیژنەیەک لە بەڕێوەبەرایەتی گشتی ھاتوچۆ و گومرگەکانی ھەرێمی کوردستان پێکبھێنێت، بە مەبەستی ئامادەکردنی رەشنووسی بڕیارنامەیەک کە حکومەتی فیدراڵ و حکومەتی ھەرێم لەسەری رێکبکەون، لەکاتی ھاوردەکردنی ئۆتۆمبێل جێبەجێبکرێت.
لە راگەیەندراوەکە ئەوەشخراوەتەڕوو، ئەنجومەنی وەزیران پێشنیازی ئەنجومەنی وەزاری بۆ وزە پەسەندکردووە، کە تایبەتە بە بەکارھێنانی غاز وەک سوتەمەنی بۆ ئۆتۆمبێل، بە ئامانجی گێڕانەوەی ھاوسەنگی بۆ نرخی سوتەمەنی لە عێراق.
ئاوات شێخ جەناب، وەزیری دارایی و ئابووری ھەرێم لە راگەیەندراوێکدا ئاماژەی بەوەکردووە، بەرلە دەرچوونی بڕیاری دادگای پاریس رێککەوتنی سیاسی و حکومییان لەسەر بوودجە و نەوت کردووە، پێشبینی ئەو گۆڕانکارییانەیان نەکردوە کە کراون.
راشیگەیاند، تاڕادەیەک نەرمی نواندن ھەیە بەڵام بەھیچ جۆرێک سازش لەسەر مافە دەستووری و یاساییەکان ناکەن و پابەندن بەو ڕێکەوتنانەی پێشتر کراون.
دەقی پەیامی دەستەی ژینگە لەڕۆژی جیھانیی ژینگەدا...
ئەمڕۆ٥ی حوزەیران ژینگەدۆستان بەگشتی یادی رۆژی جیھانیی ژینگە بەرز رادەگڕن، لەپێناوی بەزاندنی پیسبوون بەپلاستیک و، دانانی سنوورێک بۆ دروستکردن و بەکارھێنانی لەڕێگەی ھۆشیارکردنەوەی ژینگەیی و سەرنج ڕاکێشانی دروستکارانی بڕیار بۆ بایەخ پێدانێکی باشترو کاریگەرتر بە ژینگەو پێکھێنەرەکانی و ، بۆ برەودان بەڕۆڵی تەواوی توێژەکانی کۆمەڵگە بەرەو گۆڕینی ھەڵوێستەکان بە ئاراستەی پاراستنو چاککردنی ژینگەو، دروستکردنی ھەستێکی ژینگەدۆستیی لای ھاوڵاتیان.
دەستەی پاراستن و چاککردنی ژینگەی ھەرێمی کوردستانیش بەمەبەستی جێبەجێکردنی کارنامەی کابینەی نۆیەمی حکومەتی ھەرێمی کوردستان لەبواری ھۆشیارکردنەوەی ژینگەیی و کەمکردنەوەی مەترسییەکان ، بەپێویستی زانییوە چەمکی ژینگەپارێزیی لەدروشمەوە بەرەو ھەنگاوی کرداریی ببات ، بۆیە بۆ ئەو دروشمەی ئەم ساڵی رۆژی جیھانیی ژینگەش کە بریتییە لە دانانی سنوورێک بۆ پیسبوونی پلاستیکی ، دەستەی ژینگە پێش سێ ساڵ لەمەوبەر بەنوسراوی فەرمی بەدروشمی (با لەخۆمانەوە دەست پێبکەین) ئەم ھەنگاوانەی لای خوارەوەی نا:
یەکەم: لەرێکەوتی ٢٢/٩/٢٠٢٠ نوسراوێکی فەرمیمان بۆ وەزارەتی بازرگانیی و پیشەسازیی نارد بۆ ناردنەوەی مەوادو خۆراکی ماوەبەسەرچوو بۆ ئەو وڵاتەی لێوەی ھاتووە ، بۆ ئەوەی ئەو ماددە پلاستیکییانە لەسەر زەوی ئێمە نەسوتێنرێت و ، نەشخرێتە ژێر خاکی ئێمە.
دووەم: بەنوسراوی فەرمی لەرێکەوتی ٢٣/٩/٢٠٢٠ بەکارھێنانی دەبەی پلاستیکیی (ئاو)مان لەدیوانی دەستەو فەرمانگەکانی ژینگەی پارێزگاکان و ئیدارە سەربەخۆکان قەدەغە کرد ، بەسوود وەرگرتن لەئاوی خاوێنی ئاسایی لەساردکەرەوەکانداو ، بەکارھێنانی پەرداخی کارتۆن.
سێیەم: لەڕێگەی فەرمانگەی ھۆشیارکردنەوەی ژینگەیی و راگەیاندن و ھۆبەکانی ھۆشیاریی لەپارێزگاو ئیدارەکان چەندین پێشانگامان کردۆتەوە بۆ پیشاندانی ئەو کەرەستانەی کە لەدووبارە بەکارھێنانەوەی پاشماوەکان دروستکراون.
چوارەم: لەگەڵ خاتوو گەلاوێژ بایز بەڕێوەبەری جێبەجێکاری رێکخراوی ئیکۆ ڤیتاڵ بەھاوکاری بەرنامەی گەشەپێدانی نەتەوە یەکگرتووەکان و یەکێتی ئەوروپاو وەزارەتی ژینگەی عێراق و فەرمانگەی ژینگەی ھەولێر یەک ملیۆن زەرفی کاغەز بەسەر نانەواخانەکانی ھەولێردا دابەش کرا بۆ ئاگاداربوون لەمەترسییەکانی کیسەی نایلۆن.
پێنجەم : فەرمانگەی کاروباری تەکنیکی لەدەستەی ژینگە لەچوارچێوەی رێنماییە بەرکارەکاندا پشتگیریی دامەزراندنی پرَۆژەکانی ریسایکلینی کردووە کە داوای رەزامەندیی ژینگەییان کردووە.
شەشەم : لەسەر ئاستی ھۆشیاریی پەروەردەییدا ، فەرمانگەی ھۆشیارکردنەوەی ژینگەیی و راگەیاندن لەدەستەی ژینگەو لەھۆبەکانی ھۆشیاریی لەپارێزگاو ئیدارەکان دەیان سیمیناریان لەخویندنگاو قوتابخانەکاندا ئەنجام داوە.
حەوتەم : لەئاستی ھۆشیاریی جەماوەریشدا دەستەی ژینگەو فەرمانگەکانی بەشدار بوون لەچەندین بەرنامەی ھۆشیارکردنەوە بەزیانەکانی پلاستیک لەکەناڵە جیاجیاکانی راگەیاندندا.
ھەشتەم : لەرێکەوتی ٤/٤/٢٠٢٣ سەرۆکی دەستەی ژینگە سەردانی بۆ لای بەڕێز وەزیری بازرگانیی و پیشەسازیی ھەرێمی کوردستانی کرد بەمەبەستی داواتکردنی بۆ کۆبونەوەی ئەنجومەنی پاراستن و چاککردنی ژینگە لەبۆنەی رۆژی ژینگەی کوردستاندا بۆ باسکردن لەبارەی زیانەکانی پلاستیکەوە.
نۆیەم : لەرێکەوتی ١٦/٤/٢٠٢٣ کۆبوونەوەی ئاسایی ئەنجومەنی پاراستن و چاککردنی ژینگەی ھەرێمی کوردستانمان بەمیواندارییکردنی بەڕێز وەزیری بازرگانیی و پیشەسازیی بۆ دۆزینەوەی رێگەچارەکان بۆ کەمکردنەوەی ھاوردەکردن و بەرھەمھێنان و بەکارھێنانی کیسەی نایلۆن و کەرەستەی زیانبەخشی پلاستیکی تەرخان کرد.
دەیەم : ئەمڕۆش ٥/٦/٢٠٢٣ لەھەمان بۆنەدا لەشاری دھۆک دەستەی ژینگە بەھەماھەنگیی لەگەڵ (یەکێتی نێودەوڵەتیی بۆ پاراستنی ژینگەو کەش وھەوا) ، بەھاوکاری (زانکۆی دھۆک) لەدوو پانێڵدا باس و توێژینەوەکانی تایبەت بەپیسبوونی پلاستیکی دەخرێنە روو.
دەستەی پاراستن و چاککردنی ژینگە
٥/٦/٢٠٢٣
پەیامنێری کوردسات نیوز لە زاخۆ رایگەیاند، ئەو گەنجە شۆفێری تاکسی بووە و بەوتەی کەسوکارەکەی حەوت رۆژ لەمەوبەر تەلەفۆنێکی بۆ کراوە و لە ماڵ چووەتە دەرەوە، دوای پێنج رۆژیش ئۆتۆمبێلەکەی دۆزراوەتەوە.
ئەوەشی خستەڕو، شەوی رابردوو ئەو گەنجە لەسنوری زاخۆ دۆزراوەتەوە و بەوتەی کەسوکارەکەی شوێنەواری ئەشکەنجە بە جەستەیەوە دیار بووە، بەڵام تائێستا پۆلیسی زاخۆ روونکردنەوەی لەسەر رووداوەکە نەداوە.