لیوا ڕوکن بەختیار محەمەد ئەمینداری گشتی وەزارەتی پێشمەرگە رایگەیاند، یاداشتنامەیەکی تێگەشتن ھەیە لە نێوان وەزارەتی بەرگری ئەمەریکا و وەزارەتی پێشمەرگە بە ئاگاداری حکومەتی عێراق بۆ چوار ساڵ و ھەر مانگێک ٢٠ ملیۆن دۆلار و چەندین چەک و ئامێر و مەشق و ڕاھێنان لە خۆی دەگرێت، ساڵانەش ھاوکارییە ماددییەکان بەرێژەی ٢٥٪ کەم دەبێتەوە لە ساڵی ٢٠٢٦ یش بە تەواوی سفر دەبێتەوە.

جەختی لەوەشکردەوە، ئەو کەمکردنەوەکەیە سزا نییە، بەڵکو بەپێی ئەو لێکتێگەشتنەیە کە ھەیە لە نێوان ھەردوولادا ئیمزاکراوە، بەڵام کەمکردنەوەی ئەو ھاوکارییانە کاریگەری خراپی دەبێت لەسەر وەزارەت، ھەروەھا کەمبوونەوەی ھاوکاریەکانی ھاوپەیمانان بۆ ھێزی پێشمەرگە، کاریگەری دەبێت لە تازە بوونەوەی چەک و ئامێرەکانی پێشمەرگە، لەبەرئەوە دەبێت وەزارەتی پێشمەرگە و حکومەتی ھەرێم قەرەبووی ئەو کەمبوونەوەیە بکەنەوە و پلانیان ھەبێت بۆ پڕکردنەوەی ئەو کەمبوونەوەیە.

یاداشتنامەی لێکتێگەیشتن لە نێوان وەزارەتی پێشمەرگە و وەزارەتی بەرگری ئەمەریکا ساڵی ٢٠١٦ ئەنجامدرا و لە مانگی ١٠ی ٢٠٢٢ بۆ چوار ساڵ نوێکراوەتەوە، بەپێی لێکتێگەشتنەکە پێنتاگۆن مانگانە ٢٠ ملیۆن دۆلار و چەندین چەک و ئامێری جەنگی و مەشق و ڕاھێنان پێشکەش بە ھێزە ھاوبەشەکانی پێشمەرگە دەکات.

ئەو لێپرسراوە ئەمریکییە لە پۆستێکیدا لە تۆڕی ئێکس رایگەیاندووە، ئیدانەی دەرچوونی سزای لەسێدارەدان دەکەین، کە ئەم ھەفتەیە دژی چوار ھاوڵاتی کورد لە ئێران دەرچووە. 

وتیشی، حکومەتی ئێران تۆمەتی بێبنەما دروست دەکەن بۆ ئەوەی ئۆپۆزسیۆن بێدەنگ بکەن و رێگری لە خۆپیشاندانی ئاشتییانە بکەن.

داواشی لە لێپرسراوانی ئێران کرد، سەرجەم زیندانییە سیاسییەکان ئازاد بکەن و سەرکوتکردن رابگرن. 

بەپێی رێکخراوەکانی داکۆکی لە مافی مرۆڤ، ئێران لە دوای وڵاتی چینەوە زۆرترین سزای لەسێدارەدان جێبەجێ دەکات، بەشێوەیەک لە ساڵی ٢٠٢٣دا زیاتر لە ٧٠٠ کەس لەلایەن تارانەوە لەسێدارەدراون کە بەرزترین ئامارە لە ماوەی ٨ ساڵی رابردوودا.

لەو پەیامەدا سەرۆکی یەکێتی دوپاتیکردەوە کە میدیای یەکێتی رۆڵێکی گرنگ و کاریگەری گێڕا لە بەڕێوەبردنی ھەڵمەتی ھەڵبژاردن و سەرخستنی ھاوپەیمانیی کەرکووک ھێز و ئیرادەمانە. 
دەشڵێت، ئەمڕۆ میدیا لە جیھاندا لەبەردەم گۆڕانکاری و بەرەوپێشچوونی بەردەوامدایە و  نوێبوونەوە و داھێنان خواست و ئەرکی سەرەکی میدیاکانە لەپێناو خۆگونجاندن لەگەڵ دۆخەکە و ھەنگاونان لەگەڵ خواستی خەڵک و ململانێ پیشەییەکان. 

ئاماژەی بۆ ئەوەشکردووە، پێویستە بە روانین و دیدگایەکی نوێوە، بە سوودوەرگرتن لە پێشکەوتنە تەکنەلۆجییەکان و پابەند بە بنەماکانی کاری رۆژنامەوانی، سیاسەت و ستراتیجێکی نوێ بۆ میدیا بنووسینەوە و ھاوشانی بەرەوپێشچوونە میدیاییەکان ھەنگاوبنێین.

دەشڵێت، میدیاکانمان پێویستیان بە بەخۆداچوونەوەی جدی و گۆڕانکاری ریشەیی ھەیە و پێویستە رووانینمان بەرەو داھاتوو بێت. بۆ ئەمەش پێویستە بە بیرێکی نوێگەر و داھێنەرانەوە مامەڵە لەگەڵ میدیا بکەین و بە ھەنگاوی کردەیی میدیاکانمان رێکبخەینەوە و سیاسەتێکی نوێی کاریی میدیایی دابڕێژین .

دەقی پەیامەکە... 
پەیامی سەرۆک بافڵ جەلال تاڵەبانی بۆ (دووەمین کۆنفرانسی رێکخستنەوە و داڕشتنەوەی سیاسەتی میدیایی و ئامادەسازی بۆ قۆناغی نوێ)ی بۆردی راگەیاندن

ئامادەبووانی دووەمین کۆنفرانسی رێکخستنەوە و داڕشتنەوەی سیاسەتی میدیایی و ئامادەسازی بۆ قۆناغی نوێ 
ھەڤاڵانی بۆردی راگەیاندن
میدیاکارانی خۆشەویست

سەرەتا پیرۆزبایی بەستنی کۆنفرانستان لێدەکەم و ھیوای سەرکەوتنتان بۆ دەخوازم.

بەڕێزان 
دەمەوێت لە دڵەوە سوپاس و پێزانین ئاڕاستەی ئێوەی دڵسۆز و خۆشەویست بکەم بۆ ھەوڵەکانتان لە سەرخستنی ھاوپەیمانیی کەرکووک ھێز و ئیرادەمانە و یەکێتییەکەتان لە کەرکووکی قودسی کوردستان، بێگومان رۆڵێکی گرنگ و کاریگەرتان گێڕا لە بەڕێوەبردنی ھەڵمەتی ھەڵبژاردن و شانازیتان پێوەدەکەین.

ئامادەبووانی خۆشەویست
ئەمڕۆ میدیا لە جیھاندا لەبەردەم گۆڕانکاری و بەرەوپێشچوونی بەردەوامدایە، نوێبوونەوە و داھێنان خواست و ئەرکی سەرەکی میدیاکانە لەپێناو خۆگونجاندن لەگەڵ دۆخەکە و ھەنگاونان لەگەڵ خواستی خەڵک و ململانێ پیشەییەکان.

لەگەڵ وردبوونەوە و تێگەیشتنمان لە دۆخی میدیا لە جیھاندا، پێویستە ئێمەش بە روانین و دیدگایەکی نوێوە، بە سوودوەرگرتن لە پێشکەوتنە تەکنەلۆجییەکان و پابەند بە بنەماکانی کاری رۆژنامەوانی، سیاسەت و ستراتیجێکی نوێ بۆ میدیا بنووسینەوە و ھاوشانی بەرەوپێشچوونە میدیاییەکان ھەنگاوبنێین.

ھەڤاڵان و خوشک و برایان 
ئێوە ھەمووتان قەڵەمی بەئەمەک و خۆنەویستی یەکێتی بوون و لە بەرگریکردن لە یەکێتی و دۆزی رەوای گەلەکەمان، دەنگی ئازا و دلێر بوون، ئەمە جگەلەوەی لە قۆناغی ئاشتیشدا رۆڵی گرنگتان لە ھۆشیارکردنەوەی کۆمەڵگە گێڕاوە و رەوتی رۆژنامەوانی و رۆشنبیریتان بەرەوپێشبردووە. ئێمە شانازیی بە ھەمووتانەوە دەکەین و لە توانا و لێھاتووییتان دڵنیاین، دڵنیام لەم کۆنفرانسەشدا سوود لە کەسانی پسپۆڕ و ئەکادیمی وەردەگرن و پێکەوە بەرەو قۆناغێکی نوێی میدیایی ھەنگاودەنێن کە لەئاست خواستی خەڵکدایە و ھاوتایە لەگەڵ میدیا پێشەنگەکانی جیھاندا.

ئازیزان 
میدیاکانمان بە بینراو، نووسراو، بیسراوەوە پێویستیان بە بەخۆداچوونەوەی جدی و گۆڕانکاری ریشەیی ھەیە، دەزانین شانازیمان لە رابردوودا زۆرن، بەڵام ئەمە بەتەنیا بەس نییە و پێویستە رووانینمان بەرەو داھاتوو بێت. بۆ ئەمەش پێویستە بە بیرێکی نوێگەر و داھێنەرانەوە مامەڵە لەگەڵ میدیا بکەین و بە ھەنگاوی کردەیی میدیاکانمان رێکبخەینەوە و سیاسەتێکی نوێی کاریی میدیایی دابڕێژین کە لە خزمەت کوردستان و بەرژەوەندییە نیشتمانییەکاندا بێت. 

دڵخۆشم کە بۆردی راگەیاندن کۆنفرانسەکەی سەرچاوەیەکە بۆ بەھێزکردنی رایەڵەی میدیایی لەسەرجەم ئۆرگانە حزبییەکان کە نوێنەرایەتیی راگەیاندنی تەواوی مەکتەب و مەڵبەندکانی لەخۆگرتووە .

لە کۆتاییدا جەخت لەوەدەکەمەوە نان و ئازادی بۆ رۆژنامەنووسان و نووسەران تەنیا درووشمێکی سیاسی نەبووە، بەڵکو فەرھەنگی سەنگینی سەرۆک مام جەلالە و دەیپارێزین. ئێوە بەرەو نوێبوونەوە و داھێنان ھەنگاوبنێن و ئێمەش بە دڵ پشتیوانتان دەبین.

شاد و سەرفرازبن

بافڵ جەلال تاڵەبانی 
سەرۆکی یەکێتیی نیشتمانیی کوردستان

بەپێی ئامارێکی دادگای تێھەڵچوونەوەی ناوچەی کەرکوک/گەرمیان لە ساڵی ٢٠٢٣ ئاماری مامەڵەکانی ھاوسەرگیری و جیابوونەوەی بڵاوکردەوە، بەپێی ئامارەکە لەو ساڵەدا لە دادگای باری کەسێتی کەلار، کفری، رزگاری و دەربەندیخان و خانەقین، دوو ھەزار و ٦١٨ حاڵەتی مارەبڕین تۆمارکراوە، لە بەرامبەریشدا ھەزار و ٣٥٢ حاڵەتی جیابونەوە تۆمار کراوە.

دادگاکە راشیگەیاندوە، بڵاوکردنەوەی ئامارەکە بۆ ئەوەیە تا لایەنە پەیوەندیدارەکان ئاگاداری جیابوونەوەی ھاوسەرانبن و کاری پێویست بۆ چارەسەرکردنی ئەو گرفتە بگرنە ئەستۆ.

سەرۆکایەتی زانکۆی سلێمانی رایگەیاندوە، مامۆستایان و فەرمانبەران لەم رەوشە دژوارەدا بەوپەڕی بەرپرسارێتییەوە ئەرکەکانیان جێبەجێکردووە، ھەر بەھۆی لەخۆبردوویی ئەوانیشەوە، بەردەوام زانکۆی سلێمانی لە پێشەنگیدایە.

لە بەشێکی تری راگەیەنراوەکەدا ھاتووە، ئەنجومەنی زانکۆی سلێمانی لە ڕێگەی وەزارەتی خوێندنی باڵا و توێژینەوەی زانستیەوە داوا لە ئەنجومەنی وەزیرانی ھەرێم دەکات، وەک ھەستکردنیان بە بەرپرسیارێتی لە بەرامبەر ئەو رەوشە نەخوازراوە، لە زووترینکاتدا بەپێی یاسا بەرکارەکان دەستبە پلە بەرزکردنەوەی مامۆستایان و فەرمانبەران بکرێتەوە.

جەختیش لەوەدەکاتەوە، ئەنجومەنی زانکۆ ھەموو ھەوڵێک دەدات بۆ دەستەبەرکردنی مافی مامۆستایان و فەرمانبەران.

پەیامنێری کوردسات نیوز رایگەیاند، بە فڕۆکەی بێفڕۆکەوان ھێرشکراوەتەسەر فڕۆکەخانەی نێودەوڵەتی ھەولێر، گروپی مقاوەمەی ئیسلامیش لە عێراق بەرپرسیارێتی خۆی لەھێرشەکە راگەیاند.

ھێزە ئەمنییەکانی ھەولێر رایانگەیاند، درۆنێکی بۆمبڕێژکراو ئاڕاستەی بنکەی سەربازی ھاوپەیمانی نێودەوڵەتی دژی داعش لە فڕۆکەخانەی ھەولێر کرابوو، بەڵام درۆنەکەیان خستوەتە خوارەوە.
دوای ھەڵگیرسانی شەڕی ئیسرائیل و حەماس و چەندینجار بنکە و بارەگای ھێزەکانی ئەمریکا لە عێراق و سوریا کراونەتە ئامانج.

لە ھەرێمیش چەندجارێک بنکەکانی ئەمریکا لە فڕۆکەخانەکانی ھەریر و ھەولێر بۆردومان کراون گروپی مقاومەی ئیسلامیش بەرپرسیارێتی زۆرینەی ھێرشەکانی لە ئەستۆ گرتووە.

وەزارەتی سامانەسروشتییەکان ئاماری دابەشکردنی نەوتی ھەرێم و نەوتی عێراق و بەنزینی بۆ پارێزگا و ئیدارە سەربەخۆکان بڵاوکردەوە، بەپێی ئامارەکە وەزارەتەکە تا ٩ی ئەم مانگە بڕی ٢١٩ ملیۆن لیتر نەوتی سپی بەسەر ھاووڵاتیاندا دابەشکردووە.

راشیگەیاندوە، تا ئێستا زیاتر لە یەک ملیۆن خێزان لە وەرگرتنی نەوتی سپی سوودمەندبوون کە دەکاتە ٨٥٪ی کۆی ژمارەی خێزانەکانی ھەرێم.

ھەر بەپێی ئامارەکە وەزارەتی نەوتی عێراق تا نۆی ئەم مانگە بڕی زیاتر لە ھەشت ملیۆن لیتر نەوتی سپی بۆ ھەرێمی کوردستانی ناردووە.

باسی لەوەشکردووە، وەزارەتی سامانە سرووشتییەکان بڕی ملیۆنێک و ٣٠٠ ھەزار لیتر بەنزینی نۆرماڵی بۆ پارێزگاکانی ھەرێم دابینکردووە.

دەقی پەیامەکە... 

بەناوی خوای گەورە و میھرەبان

برای بەڕێزمان دکتۆر عەلی قەرەداغی 

بەبۆنەی ھەڵبژاردنتان وەک سەرۆکی یەکێتیی جیھانیی زانایانی موسڵمان، پیرۆزبایی خۆمان و یەکێتیی نیشتمانیی کوردستانتان ئاڕاستە دەکەم.

ھیوادارم ئەم بەرپرسیارێتییە نوێیە ببێتە مایەی خزمەتکردنی زیاتری موسڵمانان، یەکڕیزیی گەلی کورد و قووڵکردنەوەی ئاشتی و پێکەوەژیان لەنێوان سەرجەم ئایین و نەتەوەکاندا، کە دڵنیاین بە ئەزموونی قووڵ و لێھاتوویی خۆتان لە رابردوودا، ھەوڵەکانی داھاتووشتان لەو پێناوەدا دەبێت.

خوای گەورە سەربەرز و سەرکەوتووتان بکات

دڵسۆزتان 
بافڵ جەلال تاڵەبانی 
سەرۆکی یەکێتیی نیشتمانیی کوردستان

پەیامنێری کوردسات نیوز لە زاری سەرچاوەیەکی باڵای کۆمسیۆنەوە رایگەیاند، بڕیارە لە چەند رۆژی داھاتوودا کۆمیسیۆن خشتەیەکی نوێ بۆ بەڕێوەچوونی ھەڵبژاردنی پەرلەمانی کوردستان ئامادە بکات و رەوانەی سەرۆکایەتی ھەرێمی بکات.

لەبارەی وادەیەکی نوێش بۆ ئەنجامدانی ھەڵبژاردن لەمساڵدا رایگەیاند، کۆمسیۆن پێشنیاز بۆ سەرۆکایەتی ھەرێم دەکات کۆتایی مانگی ئایاری ئەمساڵ بۆ ئەنجامدانی پرۆسەکە دیاری بکات، بەوپێیەی کۆمیسیۆن ئەو ماوەیەی پێویستە بۆ ئامادەکاری ھەڵبژاردن.

پێشتر نێچیرڤان بارزانی، سەرۆکی ھەرێمی کوردستان لە مەرسومێکدا رۆژی ٢٥ی شوباتی ئەمساڵی بۆ بەڕێوەچوونی ھەڵبژاردنی خولی شەشەمی پەرلەمانی کوردستانی دەستنیشان کردبوو، بەڵام دواتر بەھۆی تۆمارکردنی دوو سکاڵا لە دژی یاسای ھەڵبژاردنی پەرلەمانی کوردستان لە دادگای فیدراڵی، ئامادەکارییەکانی کۆمیسیۆنی بۆ ھەڵبژاردنەکە راگیران.

بەپێی راگەیەندراوی فەرمانگەی میدیا و زانیاری، ئەنجومەنی وەزسران کۆبوەتەوەو لەکۆبوونەوەکەدا، گفتوگۆ کراوە لەبارەی مووچەی مووچەخۆرانی ھەرێم و ھەموارکردنەوەی یاسای بودجەی فیدڕاڵ و دەستپێکردنەوەی ھەناردەکردنی نەوتی ھەرێمی کوردستان لەگەڵ تێچووی بەرھەمھێنان و گواستنەوەی نەوت.

ھەروەھا باسی لە خستنەڕووی پڕۆژە و پێشنیارەکانی حکومەتی ھەرێمی کوردستان کراوە کە بۆ ھەمواری بوودجە پێشکەش بە حکومەتی فیدراڵ کراوە.

دەشڵێت، ئەنجومەنی وەزیران خۆشحاڵە بەرامبەر تێگەیشتنەکانی ئەم دواییەی حکومەتی فیدڕاڵ و بەرەوپێشچوونەکان بە ئاڕاستەی ھەموارکردنەوەی یاسای بودجەی فیدڕاڵ، سەبارەت بە شایستە دواکەوتووەکانی مووچەی مووچەخۆران جەختی لەوەشکردۆتەوە، دەبێت حکومەتی فیدڕاڵ بەرپرسیارێتی خۆی بەجێ بگەیەنێت بۆ ناردنی ئەو مووچانەو بۆ ئەم مانگەش، ھاوشێوەی ناوچەکانی دیکەی عێراق، مووچەی مووچەخۆرانی ھەرێم خەرج بکات.

فەھمی بورھان سەرۆکی دەستەی ناوچە کوردستانییەکانی دەرەوەی ئیدارەی ھەرێم و سەفین دزەیی لێپرسراوی فەرمانگەی پەیوەندییەکانی دەرەوەی حکومەتی ھەرێم سەبارەت بە دواین پێشھات و رووداوەکانی کەرکووک کۆبوونەوە.

لە کۆبوونەوەکەدا فەھمی بورھان باسی لە رەوشی ناوچە کوردستانییەکان بە گشتی و شاری کەرکوک بە تایبەت کرد و رایگەیاند، پاڵپشتی و ھاوکاریی تەواوی خەڵکی کەرکوک دەکەن و دەیانەوێت دەنگیان بگەیەننە دوونیایی دەرەوە، چونکە سوپا ترس و تۆقاندن و بێڕێزی بە کوردی رەسەنی ئەو ناوچانە کردووە.

ھەروەھا باسی لە کێشەی سەربازگەی تۆبزاوە و کێشەی زمانی کوردی کرد و رایگەیاند، تەعریب لەو ناوچانەدا بەردەوامە.

لای خۆشیەوە سەفین دزەیی لێپرسراوی فەرمانگەی پەیوەندییەکانی دەرەوەی حکومەتی ھەرێم، جەختی لە کاری ھاوبەش و بەردەوام کرد لەو ناوچانەو رایگەیاند، پرسی خاک پرسێکی گرنگە و کارکردن لەسەری بەردەوامی پێویستە.

جەعفەر شێخ مستەفا جەختیکردەوە لە بەردەوامبوونی پەیوەندییەکانی ھەرێم و ھۆڵەندا، ھەروەھا گفتوگۆکانی نێوان لایەنە سیاسییەکانی عێراق و ھەرێمی بەپێویست زانی بۆ چارەسەری کێشەکان بەپێی دەستور و پاراستنی بەرژەوەندییەکانی دەوڵەت.

ھەروەھا  تیشکی خستە سەر ھەنگاوەکانی پڕۆسەی چاکسازی و یەکخستنەوەی پێشمەرگە و خێراکردنی ئەو میکانیزمانەی کە گرنگە بۆ خزمەتکردنی پڕۆسەی یەکخستنەوەکە. 

کونسوڵی ھۆڵەنداش جەختی کردەوە لەوەی، بەردەوام دەبن لە برەودان بە پەیوەندییەکانیان لەگەڵ ھەرێم، ھەروەھا یارمەتیدەر دەبن بۆ چارەسەرکردنی کێشەکان و پاراستنی سەقامگیری لە عێراق و ھەرێم، پاشان رۆڵی ھەرێم و پێشمەرگەیان لە بەرەنگاربوونەوەی داعش بەرز نرخاند، ھیواشی خواست گفتوگۆکانی نێوان بەغداد و ھەرێم ببێتە ھۆکارێک بۆ چارەسەرکردنی کێشەکان و جێگیربوونی سەقامگیری ئەمنی و سیاسی و ئابوری. 

بەگوێرەی دەستوری رۆژئاوای کوردستان، ئەندامانی دادگاکە لە دادوەر و شارەزایانی یاسایی پێکدێن و بەڕەچاوکردنی نوێنەرایەتی پێکھاتەیی و رەگەزیی دیاری دەکرێن، ھاوکات نابێت ژمارەی ئەندامەکانیشی لە ھەشت ئەندام کەمتر و لە ١٠ ئەندام زیاتر بێت.

دادگای دەستوری رۆژئاوای کوردستان ئەندامەکانی بە دەنگی دوو لەسەر سێی ئەنجومەنی گەلانی باکور و رۆژھەڵاتی سوریا ھەڵدەبژێردرێن و ئەرکیان شیکردنەوەی مادەکانی دەستور و یەکلاییکردنەوەی ناکۆکی نێوان بڕیار و رێنماییەکانی ئەنجومەنی گەلان و ئەنجومەنی جێبەجێکردن و ئەنجومەنی کانتۆنەکان دەبێت، بڕیارەکانیشی بۆ ھەمووان پابەندکاریین تانەیان لێنادرێت.

لەلایەکی دیکەشەوە دوای پەسەندکردنی دەستور، لەم کاتەدا رۆژئاوای کوردستان سەرقاڵی دەرکردنی یاسای کۆمیسیۆنی ھەڵبژاردنەکان، یاسای ھەڵبژاردن و یاسای ئەنجومەنی کانتۆنەکانە کە بەشێکن لە ھەنگاوەکانی جێبەجێکردنی ئەو دەستورەی رۆژی ١٢-١٢-٢٠٢٣ پەسەندکرا.

 

فەرمانگەی میدیا و زانیاری حکومەتی ھەرێم رایگەیاند، ئەنجومەنی وەزیران لە بڕگەی یەکەمدا، دەرئەنجامی سەردانی وەفدی دانوستانکاری ھەرێمی کوردستان تایبەت بە گفتوگۆکردن لەسەر مووچەی فەرمانبەرانی ھەرێم و ھەمواری یاسای گشتی بودجەی فیدراڵی و دەستپێکردنەوەی ھەناردەی نەوتی ھەرێمی کوردستان و تێچووی بەرھەمھێنان و گواستنەوەی نەوت دەخرێنەڕوو، ھەروەھا پڕۆژە و پێشنیارەکانی حکومەتی ھەرێم لەسەر ئەو پرسانە کە پێشکەشی حکومەتی فیدراڵی کردووە، دەخرێنەڕوو. 

لە بڕگەی دووەمیشدا، ئەنجومەنی وەزیران بەدواداچوون دەکات سەبارەت بە رێکاری وەزارەتە پەیوەندیدارەکان بۆ لابردنی زیادەڕۆیی سەر رێگا و شەقام و شوێنە گشتییەکان.

دەقی ڕاگەیەندراوەکەی خاوەن نانەواخانەکانی هەولێر...

بۆ بەڕێز سەرۆکی حکومەتی ھەرێمی کوردستان
ئێمە وەکو خاوەنی ٦١٠ نانەواخانەی ھەولێر کە ئەمڕۆ کارمان نەکردوە بەھۆی ئەو ھەموو فشارەی لەسەرمانە، دەست خراوەتە گیرفانمان و چاو بڕاوەتە نانی دەمی منداڵەکانمان، تکامان وایە ئەو بڕیارە بە بەرپرسانی ھەولێر رابگرە چونکە بەڕاستی ئەوان رێنادەن کار بکەین.

ئێمە دەمانەوێت کاری خۆمان بکەین راستە ئێستا ئارد ھەزران بووە، بەڵام کاتێک شەڕی ئۆکراینا و رووسیا بوو فەردەیەکی ئاردمان بە ٤٥ ھەزار دینار دەکڕی ئەو کات بۆ ئەوەی کاریگەری لەسەر ھاوڵاتیان نەکات ئێمە لە فرۆشتنی نان بە نرخی خۆی بەردەوام بووین، ئێستاش خاوەن نانەواخانە ھەیە زیاتر لە ٤٠ ملیۆن دینار قەرزی ئەو کاتەیە، بە نرخی ئاردی ئێستاش نە قازانجە نە زەرەرە.

بەپێی ئەو بڕیارەی پارێزگاری ھەولێر و قائیمقامی ھەولێر جێ بەجێ دەکەن دەیانەوێت ئێمە پێشێلی یاسای بکەن، چونکە بەو نرخەی نان دەبێت ئێمە کرێکاری خۆمان دەربکەین و کرێکاری تر بھێنین بۆ شوێنەکانیان ئەمەیش پێشێلی یاسای کار و دەستەبەری کۆمەڵایەتییە کە نازانین بۆچی ھێندە دژی کرێکاری خۆمان کار دەکەن و رقیان لێیان دەبێتەوە.

بەڕێزسەرۆکی حکوومەت، ئەمڕۆ ٦١٠ نانەواخانە کارمان نەکردووە واتا ١٨٣٠ کرێکار کاریان نەبووە، ئێمە دژی شاری خۆمان نین، دژی ھیچ کەسێک نین، بەڵکو قرقرتۆکمان گیراوە ناھێڵن کار بکەین، ئەو ھەموو ھەڕەشەیەی لەلایەن بەرپرسانی ھەولێر لێمان دەکرێت بەناوی بەڕێزت کە خۆمان بڕوا ناکەین ئەوە قسەی تۆ بێت و تۆ ھێندە لەگەڵ ئێمە توند بیت بۆیە تکامان وایە خۆت بیانوەستێنە چیتر بێزارمان نەکەن.

عەمیدی مافپەروەر سالار عەبدوڵڵا، بەڕێوەبەری پاسپۆرتی پارێزگای سلێمانی رایگەیاند، لە چەند رۆژی ئایندەدا سیستمی نوێی پاسپۆرتی ئەلیکترۆنی بەروی ھاووڵاتیاندا لە ھەڵەبجە دەکرێتەوە و ھاوڵاتیان دەتوانن دوای تەواو بوونی مامەڵەکانیان لە ناو بەڕێوبەرایەتی پاسپۆرتی ھەڵەبجە لە زووترین ماوەدا ببنە خاوەنی پاسپۆرت.

دەشڵێت، بۆ کەمکردنەوەی نرخی پاسپۆرتی ئەلیکترۆنی نوسراویان بۆ بەغداد کردووە، بەڵام ئەوان پێیان راگەیاندون کە کوالێتی و تێچووەکەی زۆر بەرزە و  ئەو ئامێرانەشی کە بەکاردێن لە بەڕێوەبەرایەتی و فرۆکەخانەکان وا دەکات کە نرخەکەی بەرز بێت و ناتوانرێت ساختە بکرێت.