کوردستان
قائیمقامی سلێمانی رایگەیاند، بۆ قەرەبووکردنەوەی کاسبکارانی بازاڕی دارەسوتاوەکە هەموو رێکارێکی ئیداریی دەگرنە بەر.
ئەمڕۆ نوێنەرانی زیانلێکەوتووانی کاسبکارانی دارەسوتاوەکە سەردانی قائیمقامییەتی سلێمانیان کرد و داواشیانكرد، ههرچی زووه كار بۆ خهمڵاندانی زیانهكانیان ئهنجام بدرێت و شوێنهكهیان له پاشماوهی ئاگرهكه بۆ پاك بكرێتهوه.
لەو بارەیەوە ئاوات محەمەد قائیمقامی سلێمانی رایگەیاند، سوتانی دوكانهكان بووهته هۆی ئهوهی بهشێكی زۆر له كاسبكارانی شاری سلێمانی زیانیان بهربكهوێت.
وتیشی: ههموو رێكارێكی ئیداری دهگرینهبهر بۆئهوهی بهتهواوی قهرهبوو بكرێنهوه، بۆ ئهو مهبهستهش لهگهڵ چهند لایهنێك گفتوگۆمان كردووه و رێكارە ئیداریییهكانمان گرتووهته بهر، هەروەها لەلایەن تیمەکانی بەرگری شارستانییەوە بازارەکە پاک دەکرێتەوە.
بەیانی دوێنێ ئاگر لە بازاڕی دارەسوتاوەکەی سلێمانی کەوتەوە و بەپێی ئامارە سەرەتاییەکان، زیان بە 150 دوکان کەوتووە و بەشێکیان بە تەواوی سوتاون.
ئەمڕۆش پۆلیسی سلێمانی رایگەیاند، کەسێکیان بە تۆمەتی سوتانی بازاڕی دارەسوتاوەکە دەستگیر کردووە، کە هێشتا روون نییە هۆکاری رووداوەکە بووبێت، بەڵام لێکۆڵینەوە دەکرێت.
پۆلیسی سلێمانی کەسێکی بە تۆمەتی سوتاندنی بازاڕی دارەسوتاوەکەی سلێمانی دەستگیرکرد کە دوکانی ئاسنگەری لە بازاڕەکەدا هەیە.
سەرکەوت ئەحمەد ووتەبێژی پۆلیسی پارێزگای سلێمان بە کوردسات نیوزی راگەیاند: کەسێکمان بە تۆمەتی سوتاندنی بازاڕی دارەسوتاوەکەی سلێمانی دەستگیر کردووە کە دوکانی ئاسنگەری لە بازاڕەکەدا هەیە.
ئاماژەی بەوەشدا، شەوی روداوەکە ئەو کەسە سەرقاڵی کاری لەحیمکردن بووە، بەڵام لێکۆڵینەوەکان لەگەڵیدا بەردەوامەو هێشتا رون نیە کە هۆکاری ئاگرکەوتنەوەکە ئەو بووە یان نا.
دوای ئەوەی دوێنێ کۆمپانیای گەنەڵ ئینێرجی تورکی رایگەیاند، دادگای نێوبژیوانی لەندەن ئاگاداری كردونەتەوە، دەبێت قەرەبووی دواكەوتنی كارەكانیان لە كێڵگەكانی نەوت بدەنەوە بە هەرێم؛ حکومەتی هەرێم رایگەیاند: دەبێت کۆمپانیاکە نزیکەی 27 ملیۆن دۆلارمان وەک قەرەبوو بداتەوە.
حکومەتی هەرێمی کوردستان رایگەیاند، حکومەتی هەرێم لە دۆسیەی نێوبژیوانی دژی کۆمپانیای گەنێل ئینێرجی میران بینا باوی لیمیتەد (GEMBBL) قەرەبووی بەرچاوی تێچووی یاسایی دەکرێتەوە.
دەشڵێت، لە 4ی نیسانی 2025، دادگای نێوبژیوانی لەندەن بڕیاری کۆتایی خۆی سەبارەت بە تێچوونەکان دەرکرد و بەپێی بڕیارەکە، دەبێت کۆمپانیاکە بڕی 26 ملیۆن و 868 هەزار و 905 دۆلار و 29 سەنت وەک قەرەبوو بدات بە هەرێم، لەگەڵ سوودی دوای بڕیارەکە.
ئەوەش لەکاتێکدایە، دوێنێ كۆمپانیای گەنەل ئینێرجی توركی رایگەیاند، دادگای نێوبژیوانی لەندەن بە بڕیارێك ئاگاداری كردوونەتەوە، بەرانبەر دواكەوتنی كارەكانیان لە دوو كێڵگەی نەوت و پابەندنەبوونیان بە گرێبەست، دەبێت زیاتر لە 26 ملیۆن دۆلار وەک قەرەبوو بدەن بە حكومەتی هەرێم.
قوباد تاڵەبانی بەشداری لە دووەمین كۆڕبەندی نێودەوڵەتیی كارسازی و داهێنان لە سلێمانی کرد و دواتریش لە پەیامێکدا رایگەیاند، " چەند ساڵێکە لە هەوڵداین بۆ دروستکردنی ژینگەیەکی گونجاو بۆ داهێنان، بەڕێوەچوونی ساڵانەی کۆڕبەندیی نێودەوڵەتیی داهێنان و کارسازی لە سلێمانی لە چوارچێوەی ئەو هەوڵانەدایە"
قوباد تالەبانی جێگری سەرۆک وەزیرانی حکومەتی هەرێمی کوردستان لە هەژماری رەسمی خۆی رایگەیاندووە، "سلێمانی شانازی بەوەوە دەکات کە هەمیشە ناوەند و پایتەختی ئەدەب و رۆشنبیریی کوردستان بووە، ئێستاش لەپاڵ ئەم شانازییەدا، ئامانجمانە لە داهاتوودا سلێمانی ببێتە پایتەخت و ناوەندی داهێنان و تەکنەلۆژیا لە کوردستان و عێراق و ناوچەکەدا".
ئاماژەی بەوەشداوە: چەند ساڵێکە لە هەوڵداین بۆ دروستکردنی ژینگەیەکی گونجاو بۆ داهێنان، بەڕێوەچوونی ساڵانەی کۆڕبەندیی نێودەوڵەتیی داهێنان و کارسازی لە سلێمانی لە چوارچێوەی ئەو هەوڵانەدایە. کوردستان و سلێمانی پڕە لە گەنجی زیرەک و خولیای داهێنان، ئەوان پێویستییان بە پشتگیری و ژینگەیەکی لەبارە و ئێمەش ئامانجمانە چ وەک حکومەت و چ لەڕێگەی هاندانی کەرتی تایبەت و زانکۆ و ناوەندە ئەکادیمییەکانەوە وەبەرهێنان لەسەر بیرۆکە و تواناکانیان بکەین.
قوباد تاڵەبانی دەشڵێت، ئەمە رێگەیەکی درێژە و ئێمە هێشتا لەسەرەتاداین، بەڵام دڵنیاین و ئیرادە و روئیامان هەیە ئەم خەونە بکەین بەڕاستی و سلێمانی بکەینە یەکێک لەناوەندە گرنگەکانی داهێنان و تەکنەلۆژیا لەناوچەکەدا.
وەزارەتی خوێندنی باڵا کردنەوەی خولێکی زمانی ئینگلیزی دەکاتەوە و داواش دەکات ئەوەی دەیەوێت بەشداری بکات بەشێوەی ئۆنلاین خۆی تۆمار بکات.
وەزارەتی خوێندنی باڵا و توێژینەوەی زانستی رایگەیاند، وەزارەتى خوێندنى باڵا و توێژینەوەى زانستى ئاگاداری خوازیارانى خولى زمانى ئینگیلزى دەکات، کە ئەمڕۆ یەکشەممە 6ی نیسان، بەستەرى تایبەت بە دروستکردنى ئەکاونت و بەشداریکردن لە خولى پەرەپێدانى تواناى زمانى ئینگلیزى لە زانکۆ حکومییەکان کارا دەبێت.
ئاماژەی بەوەشکردووە، ئەو کەسانەی دەیانەوێت بەشداری تاقیکیکردنەوەی دیاریکردنی ئاستی زمانی ئینگلیزی بکەن، دەتوانن بە شێوەی ئۆنلاین بە زووترین کات خۆیان تۆمار بکەن و فۆڕمەکە پڕبکەنەوە.
بەرەبەیانی دوێنێ ئاگر لە بازاڕی دارەسوتاوەکەی سلێمانی کەوتەوە و بەهۆیەوە نزیکەی 150 دوکان سوتان. پەیامنێری کوردستان نیوزیش باس لەوە دەکات، تیمەکان هێشتا سەرقاڵی لێکۆڵینەوەن.
پەیامنێری کوردسات نیوز باسی لەوەکرد، هێشتا تیمەکانی بەرگری شارستانی سلێمانی سەرقاڵی لێکۆڵینەوەن بۆ دۆزینەوەی هۆکاری کەوتنەوەی ئاگری بازاڕی دارەسوتاوەکەی سلێمانی.
ئاماژەی بەوەشکرد، هێشتا زیانەکانی ئاگرەکە مەزەندە نەکراوە، تیمەکان دوای تەواوبوونی کارەکانیان هۆکار و ئامارەکانیش ئاشکرا دەکەن.
لە ئاگرەکەدا زیان بە 150 دوکان گەیشتووە و بەشێکی زۆریان هیچیان لە دوکانەکانیاندا بۆ دەرنەچووە.
خاوەنی نانەواخانەیەکیش بۆ کوردسات نیوز ئەوەی خستە روو، "لە دوکانەکەمدا پێنج کەس کاریان دەکرد و بژێوی پێنج خانەوادەی لەسەر بووە، هەشت مانگە دوکانەکەمان کردووەتەوە".
وتیشی، چاوەڕیی تەواوبوونی کاری لیژنەکان دەکەن و دواتر راستەوخۆ دەست دەکەن بە پاککردنەوەی دوکانەکان.
کاسبکارانی بازاڕی دارەسوتاوەکە داوا دەکەن حکومەت قەرەبویان بکاتەوە، بەشێکیشیان دەڵێن: قەرزار بووین.
کەشناسیی هەرێم ئاماری بارانبارینی 24 سەعاتی رابردووی بڵاوکردەوە و بەپێی ئامرەکان، زۆرترین بڕی باران لە هەڵشۆ بووە کە 27.6 ملم باریوە.
بەپێی ئاماری بارانبارینی کەشناسیی هەرێم بۆ 24 سەعاتی رابردوو، زۆرترین بڕی باران بە پلەی یەکەم لە هەڵشۆ بووە کە 27.6 ملم بووە، دوای ئەویش مێرگەسوور بە 23.5 ملم لە پلەی دووەمدایە، بەدوای ئەویشدا بەرزنجە بە 18.4 ملم لە پلەی سێیەمدایە.
هەربەپێی ئامارەکە، کەمترین بڕی بارانبارین لە دهۆک و خانەقین بووە بە 0.1 و 0.
2 ملم.
هەروەها لە هەریەک لە دەربەندیخان و باعەدری تەنها 1 ملم باران باریوە.
کەشناسیی هەرێم پێشبینی نوێی کەشوهەوای ئەمڕۆ و سبەینێی بڵاوکردەوە و وادەی کۆتاییهاتنی ئەو شەپۆلی خۆڵبارینەشی راگەیاند کە چەند ناوچەیەکی جیاوازی هەرێمی گرتووەتەوە.
کەشناسیی هەرێم رایگەیاند، ئەمڕۆ یەکشەممە، ئاسمان ساماڵ و پەڵەهەور دەبێت، خۆڵبارین بەشێک لە سنووری کەرکوک و پارێزگای سلێمانی گرتووەتەوە، بەڵا لەکاتەکانی دوای نیوەڕۆوە بەرەو کەمبوونەوە و نەمان دەچێت و شەپۆلەکە کۆتایی پێدێت.
ئەوەشی خستووەتە روو، سبەینێ دووشەممە، ئاسمان ساماڵ و پەڵەهەور دەبێت و دواتر دەگۆڕێت بۆ نیمچەهەور.
بەپێی پێشبینییەکانی کەشناسیی، ئەمڕۆ و سبەی خێرایی با کەمێک زیاد دەکات و دەگاتە 10 بۆ 20 کیلۆمەتر لە سەعاتێکدا، پلەکانی گەرماش روو لە بەرزبوونەوە دەکەن.
بەرزترین پلەکانی گەرمای پێشبینیکراو بە پلەی سیلیزی:
هەولێر : 28 پلەی سیلیزی
سلێمانی : 25 پلەی سیلیزی
دهۆک : 24 پلەی سیلیزی
کەرکوک : 30 پلەی سیلیزی
زاخۆ : 22 پلەی سیلیزی
هەڵەبجە : 24 پلەی سیلیزی
سۆران : 18 پلەی سیلیزی
حاجی ئۆمەران : 14 پلەی سیلیزی
گەرمیان : 31 پلەی سیلیزی
20 ساڵ بەر لە ئێستا و لە 6ی نیسانی ساڵی 2005 دا، سەرۆک مام جەلال وەک یەکەم کورد بووە سەرۆک کۆماری عێراق، کە ئەوە یەکەمجار بوو لە مێژووی عیراقدا کوردێک و پێشمەرگەیەک ببێتە سەرۆک کۆمار.
سەعدی ئەحمەد پیرە وتەبێژی یەکێتیی نیشتمانیی کوردستان رایگەیاندووە، "20 ساڵ بەر لە ئەمڕۆ بۆ خەڵکی کوردستان لە هەموو پارچەکان بە گشتی وهێزی پیشمەرگە و یەکێتی بەتایبەتی رۆژێکی مێژوویی گەورە بوو، رۆژێک کە پێشمەرگەیەکی دێرین، ماندوو نەناس، تێکۆشەرێکی رێگای کوردایەتی، سیاسەتمەدارێکی سەرکەوتوو، رۆژنامەنووس و مافپەروەرێکی بەرز و بوێر بوو بە سەرۆک کۆماری عیراقی فیدراڵ".
دەشڵێت: مام جەلال ئەو پیاوە بوو کە چەندین جار رژێمە یەک لەدوا یەکەکانی عیراق بەتایبەتی حزبی بەعسی سەردەمی (سەدام حوسێن) لێبوردنە گشتییەکان تەنها لە سەرۆک مام جەلال نەدەبورا، ئەو تێکۆشەرەی کە هەمیشە ببووە هەوێنی چارەسەرکردنی هەموو ناکۆکییەکانی کوردستان و ناو عیراق بەگشتی.
سەعدی پیرە راشیگەیاندووە، "ئایەتوڵا سیستانی مەرجەعی باڵای شیعە لە عیراق بەرێز مام جەلالی بە (صمام الامان)ی عیراق ناو دەبرد، سەرۆک مام جەلال بە حوکمی پەیوەندییە سیاسییە نێودەوڵەتی و ناوخۆییەکانی جێگای متمانەی زۆر پادشا و سەرۆکی دەوڵەتە عەرەبییەکان و ناوچەکە بوو، تەنانەت ئەوانەشی کە لەگەڵ بەڕێزیان ناکۆکیشیان هەبوو بەڵام رێزیان لە بۆچوونەکانی سەرۆک مام جەلال دەگرت".
ئەوەشی خستووەتە روو، "سەرۆک مام جەلال لەگەڵ هەڤاڵەکانی ناو بزوتنەوەی رزگاریخوازی گەلی کوردستان هەوێنی یەکخستنی ئۆپۆزسیۆنی عیراقی بوو دوایش لە کاتی بوونی بە سەرۆک کۆمار، کاریگەر بوو لە چارەسەرکردنی کێشەکانی نێوان شیعە و سونە، هەروەها کاریگەر بوو لە ئاساییکردنەوەی پەیوەندەییەکانی نێوان عیراق و وڵاتانی دراوسێ کە لەسەردەمی رژێمی سەدام حوسێن بە سیاسەتە شەڕانگێزیەکەی تێکی دابوو، بەم شێوەیە لە عیراقێکی شەڕانگێزەوە لەسایەی سەرۆک مام جەلال تاڵەبانی و تیمەکەی لە وەزارەتی دەرەوە و وەزارەتە پەیوەندیدارەکانی تری عیراق، عیراق رۆڵێکی تەواوکەری بینی بۆ سەپاندنی ئاشتی و سەقامگیری لە ناوچەکە".
ئاماژەی بەوەشکردووە، "سەرۆک مام جەلال لە کاتی حکومڕانی وەک سەرۆکی کۆمار کێشەیەکی دێرینی نێوان کوێت و عیراق و رەسمکردنی سنوری کوێتی مومکین کرد، دوای شەڕی نێوان ئیران و عیراق پەیوەندەییەکانی ئاساییکردەوە و پەیوەندییەکانی نێوان هەردوو وڵاتی لەسەر هەموو ئاستەکان رێکخستەوە، سەرۆک مام جەلال لە پەیوەندی بەردەوام لەگەل پارێزگارەکانی عیراق بۆ ئەوەی راستەوخۆ بتوانێت کێشە و گرفتەکانیان چارەسەربکات و داخوزییەکانی خەڵکی شارەکانیان بۆ بهێنێتە دی ، زیاتر لەو دەسەڵاتەی کە دەستور پێی دابوو جەختی لە حکومەت دەکردەوە بۆ پیشکەشکردنی خزمەتگوزاری باش بە سەرجەم پارێزگاکانی عیراق بەبێ جیاوازی و چارەسەرکردنی کێشەکانی ناوەڕاست و خوارووی عیراق، بۆیە سەرۆک مام جەلال لەلایەن هەموو عیراقییەکان گەورە و بچووک هەتا لەگەڵ ئەو سیاسەتمەدارە عیراقیانەی کە لەگەڵیشی ساز نەبوون هەمیشە پێیان دەگوت جەنابت بۆ ئێمە وەکو زەعیم و باوک و سەرۆک کۆماریت و ئێمە تۆمان قبوڵە".
سەعدی ئەحمەد پیرە لە کۆتاییشدا باسی لەوەشکردووە، "بە نەخۆشکەوتنی سەرۆک مام جەلال کەلێنێکی گەورە جێما و بەداخەوە تا ئەم دەقەیەش پڕنەکراوەتەوە، بەدڵنیاییەوە ئەگەر سەرۆک مام جەلال لە ژیاندا بمابایە رۆڵ و کاریگەری دەبوو لە سەرهەڵدان و تەشەنەکردنی رێکخراوی تیرۆرستی داعش و ئەو کارەساتانەی کە بەسەر عیراق هات، هەروەها لە زۆرکێشە و قەیرانی سیاسی تر کە لە ناوچەکە دروست بوو رۆڵی کارا و سەرەکی دەگێرا لە چارەسەرکردنیان، بەتایبەت رزگارکردنی عێراق لە کۆت و بەندەکانی ماددەی 7".
مام جەلال کوڕی شێخ حسامەدین کوڕی شێخ نوری کوڕی شێخ غەفوورە، ھاوینی ساڵی 1933 لە گوندی کەلکانی قەتپاڵی چیای کۆسرەت لەدایک بووە، کە دەڕوانێتە سەر دەریاچەی دوکان، چەند ساڵێک تەمەنی منداڵی لەو گوندە بەسەر بردووەو دواتر باوکی بووە بەرێبەری تەکیەی تاڵەبانی لە کۆیە و لەوێ چووەتە قوتابخانەی سەرەتایی و بە سەرکەوتوویی خوێندنی تەواو کردووە.
مام جەلال ساڵی 1952 چووە کۆلیژی ماف لە بەغداد، دوای ئازادکردنی عێراق بە ئەندامی ئەنجوومەنی حوکم ھەڵبژێردرا و لە مانگی تشرینی دووەمی ساڵی 2003دا سەرۆکایەتی ئەنجومەنی کرد، دواتریش لە 6ی نیسانی 2005، مام جەلال 227 دەنگی لە کۆی 248 دەنگی ئەندامانی کۆمەڵەی نیشتمانی عیراقی بەدەست ھێنا و بە ھەڵبژاردنێکی راستەوخۆ بە یەکەمین سەرۆکی ھەڵبژێراوی عیراق ھەڵبژێردرا.
بەهۆی تەقینەوەی مینەوە لە کوێستانەکانی برادۆست، گەنجێک گیانی لەدەستدا و برایەکیشی بریندار بوو.
پەیامنێری کوردسات نیوز باسی لەوەکرد، روداوەکە بەیانی ئەمڕۆ رویداوە و مین بە گەنجێکدا تەقیوەتەوە لە کوێستانەکانی برادۆست، بەهۆیەوە دەستبەجێ گەنجەکە گیانی لەدەستداوە و برایەکیشی بریندار بووە.
ئەوەشی خستە روو، ئەو گەنجەی گیانی لەدەستداوە ناوی محەمەد هەینی بووە و تەمەنی 28 ساڵ بووە. بەمەبەستی کۆکردنەوەی گژوگیای بەهارە لەگەڵ براکەیدا روویان لە کوێستانەکانی برادۆست کردووە.
پەیامنێری کوردسات نیوز وتیشی، لە ئێستادا تەرمی ئەو گەنجە بۆ پزیشکی دادی سۆران گواستراوەتەوە و توێکاریی بۆ تەرمەکەی دەکرێت.
لە سەرەتای ئەمساڵەوە ئەمە سێیەم رووداوی پێدا تەقینەوەی مینە لەو سنوورەدا.
لە هەرێمی کوردستان چەندین ناوچەی مینڕێژکراوی لێیە، کە لە سەردەمی رژێمی پێشووی عیراقدا ئەو مینانە بە مەبەستی کۆنتڕۆڵکردنی ناوچە جیاوازەکانی کوردستان چێنراون، ئەگەرچی 34 ساڵ بەسەر روخانی رژێمی بەعسدا تێپەڕیوە و لەو ماوەیەشدا حکومەتی هەرێم بەردەوامبووە لە پاککردنەوەی ناوچەکان لە مین، بەڵام هێشتا بەشێکی خاکی کوردستان بە تەواوی لە مین پاکنەکراوەتەوە و ناو بە ناویش بەو کەسانەدا دەتەقێتەوە کە بە مەبەستی کۆکردنەوەی گژوگیای بەهارە یان شاخەوانی روو لە شاخە بەرز و چیاکان دەکەن.
بەڕێوەبەرایەتی بەرگری شارستانی ئیدارەی سەربەخۆی سۆران هۆشداری داوە بە هاووڵاتیان سەبارەت بە بەردەوامی شەپۆلی بارانبارین و مەترسی بارینی تەرزە لە ناوچەکە لە رۆژانی داهاتوودا.
لە راگەیەندراوێکدا کە وێنەیەکی گەیشتووە بە کوردسات نیوز، بەڕێوەبەرایەتی بەرگری شارستانی هۆشداری داوە کە "شەپۆلی باران بارین و تەرزە کۆتایی نەهاتووە و ئەگەری بەردەوامبوونی هەیە، بەتایبەتی لە سنووری ئیدارەی سەربەخۆی سۆران".
لە راگەیەندراوەکەدا هاتووە: "تەواوی هێزەکانمان لە ئامادەباشیدان بەمەبەستی رووبەڕووبوونەوەی هەر رووداوێکی لەناکاو." هەروەها چەند رێنماییەکی گرنگیش بۆ هاووڵاتیان دەرکراوە بۆ پاراستنی ماڵ و موڵکیان لە زیانی ئەگەری بارینی تەزرە.
بەپێی ڕاگەیەندراوەکە، داوا لە هاووڵاتیان دەکرێت:
- کەلوپەل و ڕۆشنایی ماڵەکانیان داپۆشن
- خاوەن ئۆتۆمبێلەکان ئۆتۆمبێلەکانیان ببەنە گەراج ئەگەر هەیانبێت
- یاخود ئۆتۆمبێلەکانیان داپۆشن بە کەلوپەلی پێویست
بەڕێوەبەرایەتی بەرگری شارستانی جەختی کردۆتەوە کە ئەم هەنگاوانە بۆ ئەوەیە هاووڵاتیان "دووچاری زیانی ماددی نەبن".
بەپێی زانیارییەکانی کوردسات نیوز، لە ماوەی ڕۆژانی رابردوودا، بارانێکی بەخوڕ و تەزرە بارین لە سنووری ئیدارەی سەربەخۆی سۆران بووەتە هۆی زیانگەیاندن بە ژمارەیەک ئۆتۆمبێل و خانووی هاووڵاتیان، بەتایبەتی لە ناوچەکانی سۆران، خەلیفان و سیدەکان.
بەریوەبەرایەتی کەشناسی هەرێمی کوردستانیش پێشبینی دەکات لە سنووری ئیدارەی سۆران و ناوچەکانی دەوروبەری شەپۆلی خراپی کەشوهەوا بۆ ماوەی 48 سەعآتی داهاتوو بەردەوام بێت.
بەرەبەیانی ئەمڕۆ ئاگر لە بەشێکی بازاڕی دارەسووتاوەکەی سلێمانی کەوتەوە و دەیان دوکان سوتان. بەڕێوەبەرایەتی بەرگری شارستانی سلێمانیش لە راگەیەندراوێکدا بڵاویکردەوە کە تیمەکانیان توانیویانە ئاگرێکی گەورە لە بازاڕی مەزادخانەی سەرەوە (دارەسووتاوەکە) کۆنتڕۆڵ بکەن.
بەپێی ڕاگەیەندراوەکەی بەرگری شارستانی سلێمانی، دوای ئاگارکردنەوەیان لە بونی روداوی ئاگرەکە، دەستبەجێ تیمەکانیان گەیشتوونەتە شوێنی روداوەکە.
لە راگەیەندراوەکەی تیمەکانی ئاگرکوژێنەوەدا هاتووە، سەرەڕای سەختی و دژواری گەیشتن بە شوێنی روداوەکە کە ئۆتۆمبێلەکانی ئاگرکوژێنەوەی زۆر ئەستەم کردبو، بە لێهاتوویی و خێراییەکی بەرچاوەوە روبەروی دۆخەکە بوونەتەوە.
لە راگەیەندراوەکەدا هاتووە: "سەرەڕای گەورەیی ئاگرەکە و بوونی بڕێکی زۆر لە کەلوپەلی جۆراوجۆر و ئاسان بۆ سووتان کە هۆکار بوون بۆ خێرا تەشەنەکردنی، بەڵام تیمە کارامە و دڵسۆزەکانی بەرگری شارستانی توانیان بە دانانی پلانێکی تۆکمە و دابەشبوونیان بەسەر شەش قۆڵدا، ئاگرەکە کۆنتڕۆڵ بکەن و رێگری لە تەشەنەکردنی زیاتری بکەن بۆ دوکان و موڵکی دەوروبەری ناو بازاڕەکە."
بەڕێوەبەرایەتی بەرگری شارستانی سلێمانی جەختی کردۆتەوە کە خۆشبەختانە ئەم ڕووداوە هیچ زیانێکی گیانی لێنەکەوتۆتەوە.
بزوتنەوەی گۆڕان لەسێهەمین كۆنفرانسی نیشتمانیی خۆی لەگردی زەرگەتە، بهرنامهی سیاسی و دهستووری ناوخۆیی پهسهندكرد و جڤاتی نیشتمانیی بزوتنهوهكه ههڵبژێردران
نوێدەکرێتەوە.....
قائیمقامی سلێمانی رادەیەگەنێت: لە ئاگرەکەی بازاری دارەسوتاوەکە نزیکەی 150 دوکان زیانی مادیان بەرکەوتووە، لیژنەیەکیش پێکدەهێنرێت بۆ خەمڵاندنی کۆی گشتی زەرەر و زیانەکانی ئاگرەکە.
ئاوات محەمەد قائیمقامی سلێمانی لەکۆنفرانسێکی رۆژنامەوانیدا رایگەیاند: نزیکەی 150 دوکان زیانیان بەرکەوتووە، هاوکات وەک ئیدارەی خۆجێی نوسراو ئاڕاستەی ئەنجومەنی وەزیران و لایەنە پەیوەندیدارەکان دەکەین بۆ هاوکاریکردنی ئەوانەی زیانیان بەرکەوتووە.
وتیشی: تا ئێستا هۆکاری ئاگرەکە نازانرێت، لە رێگەی لیژنەکەوە لێکۆڵینەوە لە روداوەکە دەکرێت.
ئاوات محەمەد ئاماژەی بەوەشکرد، پێویستە گشت رێوشێنەکانی سەلامەتی لەم جۆرە شوێنانە جێبەجێ بکرێت، بۆ ئەوەی ئەم روداوە ناخۆشانە دوبارە نەبنەوە.
كۆمپانیای گەنەل ئینێرجی توركی دەڵێت، دادگای نێوبژیوانی لەندەن ئاگاداری كردونەتەوە كە دەبێت قەرەبووی دواكەوتنی كارەكانی لە كێڵگەكانی نەوت بدات بە حكومەتی هەرێمی كوردستان.
كۆمپانیای گەنەل ئینێرجیی توركی لە راگەیەنراوێكدا ئاماژەی بۆ ئەوەكردوە، دادگای نێوبژیوانی لەندەن بە بڕیارێك ئاگاداری كردونەتەوە، كە دەبێت 26 ملیۆن دۆلار قەرەبوو بدات بە حكومەتی هەرێم، لەبەرامبەر دواكەوتنی كارەكانی لە دوو كێڵگەی نەوت و پابەند نەبوونی بە گرێبەستەكەی لەگەڵ حكومەتی هەرێمی كوردستان.
بەپێی پێشبینییەکانی کەشناسی ئەمرۆ بارانبارینی بەلێزمە بەردەوام دەبێت و لە هەندێک کاتدا هەورە بروسکەی لەگەڵدایە، کەشناسی هەرێمیش دەڵێت؛ لە درەنگانی ئەمشەوەوە ئەم شەپۆلە کۆتایی دێت.
بەڕێوەبەرایەتی گشتی کەشناسی هەرێم بڵاویکردەوە، بەپێی پێشبینییەکان، ئەمڕۆ ئاسمان بەگشـتى هەوری باراناوی دەبێت لە زۆربەی ناوچەکان، لە هەندێ کات و شوێن دابارین بە شێوەی لێزمە باران و هەورە بروسکەی لەگەڵدا دەبێت.
ئاماژەی بەوەشکردووە، لە درەنگانی شەودا کەش و هەوا سەقامگیر دەبێت کاریگەری ئەم شەپۆلی باران بارینە کۆیایی دێت.
کەشناسی هەرێم راشیگەیاندوە، سبەینێ یەکشەممە ئاسمان ساماڵ و نیمچەهەور دەبێت.