کوردستان
بەئامادەبوونی بافڵ جەلال تاڵەبانی سەرۆکی یەکێتی، کەرنەڤاڵی جەماوەری لیستی ٢٢٢ـی یەکێتی لەهەڵەبجە بەڕێوەدەچێت.
کاروان گەزنەیی وتەبێژی یەکێتیی نیشتمانیی کوردستان رایگەیاند، سبەینێ بەئامادەبوونی بافڵ جەلال تاڵەبانی، سەرۆکی یەکێتیی نیشتمانیی کوردستان، کەرنەڤاڵی جەماوەری لیستی ٢٢٢ـی یەکێتیی نیشتمانیی کوردستان لە هەڵەبجە بەڕێوەدەچێت، کە تێیدا بافڵ جەلال تاڵەبانی وتارێک پێشکەش دەکات.
وتیشی، کەرنەڤاڵەکە لە هۆڵی نێودەوڵەتیی کۆلێژی وەرزش لە هەڵەبجە، سەعات 2ـی پاشنیوەڕۆ بەڕێوەدەچێت.
قوباد تاڵەبانی دەڵێت: نابێت دانیشتووانە رەسەنەکەی هەولێر، پەراوێز بخرێن و لە خێروبێری شارەکە بێبەش بکرێن.
قوباد تاڵەبانی لە تۆڕی کۆمەڵایەتی خۆی لە فەیسبوک ئەم وێنانەی بڵاوکردووەتە و نووسیویەتی: راستە شەکرەشار پایتەختی هەموومانە و شانازی بە مێژووەکەی و خاکەکەی و خەڵکە میهرەبانەکەیەوە دەکەین، بەڵام هاوکات نابێت دانیشتووانە رەسەنەکەی خۆی، هەولێرییە رەسەنەکانی سەیداوە و تەیراوە و تەعجیل و سێتاقان و منارە و باداوە و.. پەراوێز بخرێن و لە خێروبێری شارەکە بێبەش بکرێن.
ئاماژەی بەوەشکردووە، لەگەڵ هەڤاڵانی بازنەکانی ٩ـی سەیداوە و ١١ـی تەیراوەی هەولێر ئاماژەم بەو جیاوازییە چینایەتییە گەورەیە کرد کە تا دێت لە هەولێر تۆختر دەبێتەوە، هەروەها ئەوەی جێی داخە بەشێکی گەورەی هەولێرییە رەسەنەکان لە چینە پەراوێزخراو و کەم داهاتەکەن. دەشڵێت، یەکێتی هەوڵی داوە و هەوڵ دەدات لەڕێگەی چارەسەرکردنی کێشەی بودجە و موچەوە لە کورتماوەدا بازاڕی هەولێر و شارەکانی کوردستان سەقامگیربێت و لە درێژماوەشدا لەڕێی گەشەپێدانی هاوسەنگ و بەردەوامەوە جیاوازیی چینایەتی لە هەولێر و کوردستان کەم بکاتەوە.
بەڕێوەبەرایەتی ئاسایشی راپەڕین، بڵاویکردوەتەوە توانیویانە دەستبگرن بەسەر چوار کیلۆ گرام ماددەی هۆشبەر و 750 حەب، کە بە دوو بازرگان بوون و ئەوانیش دەستیگرکراون و بە بڕیاری دادوەر روبەروی یاسا کراونەتەوە .
ئەمڕۆ یەکشەممە، دەزگای ئاسایشی هەرێم، راگەیەندراوێکی بڵاوکردوەتەوە و تێیدا هاتووە؛ بە هەماهەنگی ئاسایشێ راپەڕین دەستگیرکردنی دوو بازرگانی ماددەی هۆشبەری لە سنوری راپەڕین راگەیاند.
وەک ئەوەی هاتووە؛ ئاسایشی راپەرین بەهەماهەنگی بەڕێوەبەرایەتی گشتی نەهێشتنی ماددە هۆشبەرەکان، شەوی 2025/10/13 لەسەر بنەمای زانیاری پێشوەخت، بەبڕیاری دادوەری لێکۆڵینەوەی ئاسایش، توانیان لەسنوری ئیدارەی راپەڕین، دووبازرگانی ماددەی هۆشبەر دەستگیربکەن و دەستبەسەر بڕی چوار کیلۆ ماددەی هۆشبەر لەجۆری(کریستاڵ) و بڕی(750)دەنک حەبی ترامادۆڵ بگرن.
ئەوەشیانخستوەتەڕوو؛ لە ئێستادا تۆمەتباران بە بڕیار دادوەر و بە ماددەی 26 لەیاسای بەرەنگاربوونەوەی ماددە هۆشبەرەکان و کارتێکارە ئەقڵییەکان راگیراون و لێکۆڵینەوە لەدۆسیەکانیان بەردەوامە.
بەڕێوەبەرایەتی کارەبای گەرمیان بڵاویکردوەتەوە، وێستگەیەکی نوێی کارەبایان خستوەتە خزمەتی هاووڵاتییان، کە توانای دابەشکردنی 189 مێگاوات کارەبای هەیە، ئەوەشیان خستوەتەڕوو، ئێستا خواست بۆ کارەبا لە سنورەکە 250 مێگاواتە و ئەوان توانیویانە بەرهەمی کارەبا بگەیەننە 480 مێگاوات.
ئەمڕۆ یەکشەممە، حازم کەریم، بەڕێوەبەری گشتی کارەبای گەرمیان تەواوبونی وێستگەیەکی دووی کەلاری راگەیاند، بە تێچوی 21 ملیار دینار، کە توانای بەرهەمهێنانی 189 مێگاوات کارەبای هەیە و لە ئێستادا کەوتوەتە کار و لە خزمەت هاووڵاتییانی سنورەکەدایە.
حازم کەریم ئاماژەی بەوەشکردوە؛ یەکێک لە تایبەتمەندییەکنی ئەو وێستەگەیە ئەوەیە چارەسەری بارگرانی کارەبا دەکات لە ناو کەلار و تێچوی پڕۆژەکەش لەسەر داهاتی وەزارەتی کارەبا تەواو کراوە.
ئاماژەیان بەوەشکردوە، ئەم ئامادەکارییە بۆ گەرمیانی داهاتووە، بە جۆرێک لە توانایاندا هەیە بڕی پێویست کارەبا بۆ تەواوی یەکەکانی نیشەجێبون و ئەو زەویانەشی تا ئێستا نەکراون بە خانوو دابین بکات، کە 24 هەزار یەکەی نیشتەجێبونن.
وەزارەتی ناوخۆی حکومەتی هەرێمی کوردستان رایگەیاند، بە ڕاسپاردەی سەرۆکوەزیران، تیمێکی تایبەت لە وەزارەتە پەیوەندیدارەکان، بە تایبەت وەزارەتی ناوخۆ و فەرمانگەی پەیوەندییەکانی دەرەوە، ڕاسپێردراون بۆ تەواوکردنی ڕێکارەکانی گەڕاندنەوەی ئەو گەنجانەی لە وڵاتی لیبیا گیریان خواردووە.
لە ڕوونکردنەوەیەکدا کە ئەمڕۆ شەممە (١٩ی تشرینی یەکەمی ٢٠٢٥) بڵاویکردەوە، وەزارەتی ناوخۆ خانەوادەی ئەو هاونیشتیمانیانە دڵنیا دەکاتەوە کە "لە ماوەی هەفتەیەکدا ڕێکارە پێویستەکان تەواو دەبن و ئەو گەنجانە دەگەنەوە هەرێمی کوردستان."
وەزارەتەکە داواشی لە دەزگاکانی ڕاگەیاندن کرد "نەبنە هۆکاری بریندارکردنی هەستی خانەوادەی ئەو هاونیشتیمانیانە و هەواڵی بێ بنەما و دوور لە ڕاستی بڵاونەکەنەوە."
سەرۆکایەتی دادگای تێهەڵچوونەوەی ناوچەی کەرکوک/گەرمیان، رونکردنەوەیەکی بۆ رای گشتی بڵاوکردەوە و تیایدا ئاشکرای کرد کە پەڕاوی لێکۆڵینەوە بۆ ئەو تۆمەتبارانە کراوەتەوە کە لە گرتە ڤیدیۆییەکدا لە تۆڕە کۆمەڵایەتییەکان باس لە راوکردنی باڵندەیەک کراوە.
لە رونکردنەوەکەدا هاتووە: "دوای بڵاو بوونەوەی گرتە ڤیدیۆیەك لە تۆڕە كۆمەڵایەتییەكان كەتیدا باسی راوكردنی باڵندەیەك كراوە، ئاگاداری هەموو لایەك دەكەینەوە كە پەڕاوی لێكۆڵینەوە بۆ تۆمەتبارانی ئەو روداوە كراوەتەوە و رێكاری یاسایی پێویست لەدژیان دەگیرێتە بەر."
ئەمە لە پاش ئەوە دێت، هاووڵاتیەک ڤیدیۆیەکی بڵاوکردبووەو تێیدا بانگەشەی راوکردنی باڵندەیەکی دەکرد لەو سنورە.
سەرچاوەیەک لە وەزارەتی دارایی و ئابوریی حکومەتی هەرێمی کوردستان، بەتایبەت بە "کوردسات نیوز"ی راگەیاند، بڕی 120 ملیار دینار ئامادەکراوە بۆ ناردن بۆ بەغدا.
سەرچاوەکە وتی: "چاوەڕێی وەزارەتی دارایی عیراق دەکەین، هەر کاتێک ئەوان ئاماژەیان دا بە خستنە سەر ژمارە هەژماری وەزارەتی دارایی عیراق، راستەوخۆ پارەکە دەخەینە سەر هەژمارەکە."
كەشناسیی عیراق پێشبینی بارانبارین و دابەزینی پلەكانی گەرما لە ناوچە شاخاویەكانی هەرێمی كوردستان دەكات.
دەستەی كەشناسیی عیراق رایگەیاند، بەپێی پێشبینیەكان رۆژی سێشەممەی داهاتوو ئاسمانی هەرێمی كوردستان و ناوەڕاستی عیراق هەور دەبێت و لەسەر لوتكەی چیاكان باران دەبارێت، پلەكانی گەرماش بەراورد بە رۆژانی پێشوو دابەزینی بەرچاو بەخۆیانەوە دەبینن.
لەبارەی كەشوهەوای رۆژی یەكشەممە و دووشەممەوە دەستەكە رایگەیاند، ئاسمان ساماڵ دەبێت و بەهۆی هەڵكردنی بایەكی مامناوەندەوە تۆز و خۆڵ بەرز دەبێتەوە، بەوەش مەودای بینین بۆ كەمتر لە هەشت كیلۆمەتر كەمدەبێتەوە.
باسی لەوەشكرد، رۆژی چوارشەممە ئاسمان ساماڵ دەبێت و پلەكانی گەرما لە سەرجەم ناوچەكانی عیراق كەمێك بەرزدەبنەوە.
لە شاری ئامەدی باکوری کوردستان پێشانگەیەکی کتێب کرایەوە، تێیدا کتێبی "کورد و عەرەب"ی مامۆستا ئیبراھیم ئەحمەد نمایش دەکرێت.
پێشانگەی نێودەوڵەتی میزۆپۆتامیا بۆ کتێب لە شاری ئامەد بە بەشداری 80 ناوەندی چاپ و بڵاوکردنەوە کرایەوە و بۆ ماوەی نۆ رۆژ بەردەوام دەبێت.
ئیبراهیم ئەحمەد فاوندەیشن بەشداری لە پێشانگەکە کردووە و کتێبی 'کورد و عەرەب'ـی مامۆستا ئیبراهیم ئەحمەد بە زمانی تورکی و كوردی بە پیتی لاتینی نمایش دەکرێت.
جێگەی ئاماژەیە ئەم کتێبە 88 ساڵ لەمەوبەر لەلایەن سیاسەتمەدار و نووسەری گەورەی کورد، مامۆستا ئیبراهیم ئەحمەدەوە نوسراوە و باسی لە پەیوەندی نێوان دەوڵەتەکان کردووە و کێشەکان و چارەسەرەکانیشی تێیدا خستوەتەڕوو.
کەرنەڤاڵی ناساندنی بەشێك لە کاندیدانی لیستی ھاوپەیمانی یەکێتی خەڵکی نەینەوا لە شەنگال بەرێوەچوو، تێیدا جەخت لە بەرێوەچوونی بانگەشەیەکی هێمن و سەردەمیانە کرایەوە.
بەئامادەبوونی ئاراس محەمەد ئاغا ئەندامی سەرکردایەتی یەکێتی و سەرۆکی هاوپەیمانیی یەکێتی خەڵکی نەینەوا ژمارە '٢٨١' ، داود جندی لێپرسراوی مەڵبەندی شەنگال و شێخ ساڵح گەرگەری جێگری مەڵبەند و محەمەد جاسم کاکەیی و ویسام سالم ئەندامانی ئەنجومەنی پارێزگای نەینەوا لە فراکسیۆنی سەوز، هەروەها کادران و جەماوەرێکی زۆر لە هەموو چین وتوێژە جیاوازەکان و لایەنگرانی لیستی هاوپەیمانیی یەکێتی خەڵکی نەینەوا، کەرنەڤاڵی ناساندنی بەشێك لە کاندیدانی لیستی هاوپەیمانیی یەكێتی خەڵکی نەینەوا لە قەزای شەنگال بەرێوەچوو .
لەکەرنەڤاڵەکەدا ئاراس محەمەد ئاغا، جەختی لە بەرێوەچوونی بانگەشەیەکی هێمن و سەردەمیانە کردوە و رایگەیاند ، شەنگال لەلای یەکێتی جێگای بایەخێکی زۆرە بۆیە چاومان لە زۆرترین دەنگی ئەم دەڤەرەیە بۆ لیستی یەكیتی خەڵکی نەینەوا ژمارە '٢٨١'،ئەمەش بەهەوڵ و هیمەتی هەموو لایەك دەبێت بۆ سەرخستنی لیستەکەمان و کاندیدانی .
سەرۆکی یەکێتی لە کەرنەڤاڵی ناساندنی کاندیدانی یەکێتیی نیشتمانیی کوردستان لە سلێمانی وتارێکی پێشکەشکرد و رایگەیاند، ژمارە ٢٢٢ بۆ كوردستان و عیراق زۆر گرنگە.
بافڵ جەلال تاڵەبانی سەرۆکی یەکێتیی نشتمانیی کوردستان لە کەرنەڤاڵەکەدا ئاماژەی بەوەشکرد، یەكێتی لەبەغداد كاردەكات بۆ تەواوی كوردستان و هەر یەكێتی بوو عیراقی ئاشتكردەوە.
ئەوەشی خستەڕوو، پێویستە حكومەت خزمەتی هاووڵاتیان بكات و ئێمە ئاسایش و ئارامی هاووڵاتیان دەپارێزین.
ئاشکراشیکرد، لە هەڵبژاردنی رابردوودا لە ٪٩٣ـی دەنگەکانمان زیادی کرد، بەڵام لە هەڵبژاردندا زیاترمان دەوێت، بۆ ئەوەی زیاتر خزمەتی خەڵکەکەی خۆمان بکەن.
بافڵ تاڵەبانی سەبارەت بە کارنامەی یەکێتی ئاشکرایکرد، بەرنامەی یەكێتی خزمەتكردنە بەبێ جیاوازی و لە بەغداد كۆتایی بە بانگەشەی هەڵبژاردن دەهێنین.
سەرۆکی یەکێتی راشیگەیاند، پێویستمان بە ئەنجامدانی گۆڕانكاری راستەقینەیە هەیە و دۆسیەی نەوتمان رزگاركرد.
ئامانجمان تەنها خزمەتكردنی كۆمەڵانی خەڵكە و وەك لایەنەكانی تر جیاوازی ناكەین"سەرۆک بافڵ وادەڵێت"
وتیشی، داوا لە كاندیدەكان دەكەم خزمەتی كەسوكاری شەهیدان بكەن و پێویستە كاندیدەكان خزمەتی گەنجان بكەن، داواش لە هاووڵاتیان دەکات سندوقەكانی دەنگدان سەوز بكەن و دەنگبدەن بە یەكێتی.
بافڵ جەلال تاڵەبانی، سەرۆکی یەکێتیی نیشتمانیی کوردستان، ئەمڕۆ لە کەرنەڤاڵی ناساندنی کاندیدانی لیستی 222ی یەکێتی لە سلێمانی، وتارێکی گرنگی پێشکەش کرد. لە وتارەکەیدا، جەختی لەسەر پێگەی یەکێتی و ئامانجەکانی بۆ خولی داهاتووی پەرلەمانی عیراق کردەوە.
سەرۆک بافڵ تاڵەبانی رایگەیاند: "ژمارە 222 بۆ کوردستان و عیراق زۆر گرنگە." هاوکات، ئاماژەی بەوەدا کە یەکێتی "هیچ حزبێک بە کێبڕکێکاری خۆی نازانێت و تەنها کێبڕکێکاری یەکێتی خۆیەتی." ناوبراو یەکێتیی بە "حزبی شەهیدان و تێکۆشەران" وەسف کرد.
سەرۆکی یەکێتی دووپاتیکردەوە، یەکێتی لە بەغداد کار بۆ تەواوی کوردستان دەکات و ئامانجی سەرەکییان "خزمەتکردنی کۆمەڵانی خەڵکە بەبێ جیاوازی،" وەک لایەنەکانی تر جیاوازی ناکەن. وتیشی: "پێویستە حکومەتێک دابمەزرێت کە ڕێگەمان پێبدات خزمەتی هاووڵاتیان بکەین، و تا دڵنیا نەبین ڕێگە بە دامەزراندنی حکومەت نادەین."
بافڵ تاڵەبانی جەختی لەسەر پاراستنی ئاسایش و ئارامی هاووڵاتیان کردەوە و ئاماژەی بەوەدا کە "بەرنامەی یەکێتی خزمەتکردنە بەبێ جیاوازی." لە بەشێکی تری وتارەکەیدا، سەرۆک تاڵەبانی باسی لە دۆسیەی نەوت کرد و وتی: "دۆسیەی نەوتمان رزگار کرد، داهاتی نەوت تەنها بۆ گیرفانی لایەنێک بوو."
هەروەها سەرۆکی یەکێتی داوای لە کاندیدانی لیستەکەی کرد خزمەتی کەسوکاری شەهیدان و گەنجان بکەن، و پەیامێکی ئاراستەی لایەنگرانی کرد کە "سندوقەکانی دەنگدان سەوز بکەن و دەنگ بە یەکێتی بدەن."
لەکۆتاییدا، سەرۆک بافڵ ئاماژەی بەوەدا کە "یەکێتی هەرگیز درۆ لەگەڵ دەنگدەرانی ناکات و ئەوەی یەکێتی کردوویەتی بە هیچ لایەنێک ناکرێت." جەختی لەسەر ئەنجامدانی گۆڕانکاری راستەقینە و پابەندبوون بە جێبەجێکردنی بەڵێنەکان کردەوە و رایگەیاند کە کۆتایی بە بانگەشەی هەڵبژاردن لە بەغداد دەهێنن.
بە ئامادەبوونی بافڵ جەلال تاڵەبانی سەرۆکی یەکێتی، کەرنەڤاڵی ناساندنی کاندیدانی لیستی ٢٢٢ـی یەکێتیی نیشتمانیی کوردستان لە سلێمانی دەستیپێکرد، کەمێکی دیکە بافڵ جەلال تاڵەبانی وتارێک پێشکەش دەکات،،،، بینەربن
بە ئامادەبوونی بافڵ جەلال تاڵەبانی ئەمرۆ یەكەمین كەرنەڤاڵی ناساندنی كاندیدانی لیستی 222ی یەكێتی نیشتمانی كوردستان لە سلێمانی بەڕێوەدەچێت و تێیدا سەرۆك بافڵ وتارێك پیشكەش دەكات.
پەیامنێری كوردسات نیوز رایگەیاند كەرنەڤاڵەكە لە هۆڵی ساڵح عەلی بەڕێوەدەچێت و تێیدا بافڵ جەلال تاڵەبانی سەرۆكی یەكێتی دوای ناساندنی كاندیدانی لیستی 222ی یەكێتی، لە وتارێكدا باس لە ستراتیژ و سیاسەتی یەكێتی بۆ خولی داهاتووی ئەنجومەنی نوێنەرانی عیراق دەكات.
ئەوەشی خستەڕوو، سەرۆك بافڵ لە وتارەكەیدا تیشك دەخاتە سەر كارنامە و سیاسەتی یەكێتی بۆ باشتركردنی رەوش و ژیان وگوزەرانی هاوڵاتییان لە كابینەی داهاتووی حكومەتی عیراقدا
ئەمڕۆ لە سنوری گەرمیان چوار روداوی هاتوچۆی جیاواز رویدا و بەهۆیەوە نۆ کەس برینداربوون.
بەڕێوەبەرایەتی هاتوچۆی گەرمیان بڵاویکردەوە، ئەمشەو بەهۆی چوار روداوی جۆری پێکدادان و وەرگەڕان لە قەزای کەلار و قەزای کفری نۆ کەس برینداربوون بەشێوەیەک لە کفری یەک رووداو لە کەلار سێ روداوی هاتوچۆ تۆمارکراوە.
ئاماژەی بەوەشکردووە، روداوی یەکەم پێکدادانی ماتۆڕسکیلێک و تۆیۆتا پیکاب بوو لە قەزای کفری بەهۆیەوە شۆفێر و سەرنشینی ماتۆڕ سکیلەکە برینداربوون رەوانەی نەخۆشخانەکران.
هاتوچۆی گەرمیان ئەوەشی خستەڕوو، روداوی دووەم وەرگەڕانی ماتۆڕسکیلێک بوو لەگردەگۆزینە، بەئاراستەی کەلار هاتووە، بەهۆیەوە شۆفێر و سەرنشینی ماتۆڕسکیلەکە برینداربوون.
راشیگەیاند، لە روداوی سێهەمدا ئۆتۆمبێلێکی جۆری تۆیۆتا بەئاراستەی سلێمانی رۆیشتووە، لەنزیک گوندی تازەدێ وەرگەڕا بەهۆیەوە چوار کەس برینداربوون، هەروەها روداوی چوارەم لە ناوشاری کەلار رویدا لە ترافیک لایتی نزیک سەرۆکایەتی شارەوانی کەلار ئۆتۆمبێلێکی جۆری مارسیدس و ماتۆڕسکیلێک پێکیاندادا بەهۆیەوە شۆفێری ماتۆڕسکیلەکە برینداربوو.
هاتوچۆی گەرمیان ئاشکراشیکرد، سەرجەم بریندارەکان رەوانەی نەخۆشخانەکروان و لێکۆڵینەوە لە روداوەکان لەلایەن تیمی هاتوچۆوە دەستیپێکردووە بەمەبەستی زانینی هۆکار و چۆنیەتی روداوەکان.
هێڵی ئاسمانی تورکش ئێرلاین گەشتە ئاسمانییەکانی لە فڕۆکەخانەی نێودەوڵەتی سلێمانی دەست پێ ئەکاتەوە و هەفتانە چوار گەشت لەنێوان فڕۆکەخانی نێودەوڵەتیی سلێمانی و ئیستەنبوڵی تورکیا ئەنجامدەدرێت.
فڕۆکەخانەی نێودەوڵەتیی سلێمانی بڵاویکردەوە، بەپێی ئەو خشتەیەی لەلایەن 'هێڵی ئاسمانی تورکش ئێرلاین'ـەوە بۆ فڕۆکەخانەکە نێردراوە، وابڕیارە رۆژی 3ـی11ـی ئەمساڵ، گەشتەکانی نێوان ئیستەنبوڵ-سلێمانی بەپێچەوانەشەوە دەستپێبکەنەوە.
ئاماژەی بەوەشکردووە، لە سەرەتایی دەستپێکردنەوەی گەشتەکان هەفتانە چوار گەشتی ئاسمانی لە نێوان سلێمانی-ئیستەنبوڵ ئەنجامدەدرێت.
ئەمە لە کاتێكدایە زیاتر لە دوو ساڵە وڵاتی تورکیا، بە بیانوی سیاسی، گەشتەکانی بۆ فڕۆکەخانەی نێودەوڵەتی سلێمانی راگرتووە و چەندین جاریش راگرتنەکەی درێژکردوەتەوە.