کوردستان
مەکتەبی سیاسیی یەکێتیی نیشتمانیی کوردستان، لە پەیامێکدا بەبۆنەی ٥57ـەمین ساڵیادی دامەزراندنی زانکۆی سلێمانییەوە، پیرۆزبایی لە سەرۆکایەتی و مامۆستایان و خوێندکارانی زانکۆکە دەکات و رۆڵی مێژوویی و زانستیی "زانکۆی دایک" لە پێگەیاندنی پسپۆڕ و گەشەپێدانی بیری نیشتمانپەروەریدا بەرزدەنرخێنێت.
دەقی راگەیەندراوەکەی مەکتەبی سیاسی یەکێتی:
لە یادی پەنجاو حەوت ساڵەی دامەزراندنی زانكۆی سلێمانیدا، گەرمترین پیرۆزبایی لە سەرۆك و ئەنجومەنی زانكۆ و گشت مامۆستایان و فەرمانبەران و خوێندكارانی ئەم ناوەندە زانستی و فەرهەنگییە دەكەین.
زانكۆی سلێمانی، وەك زانكۆی دایك لە ساڵی 1968وە لە سەر پێشنیاز و داواكاریی سەرۆك مام جەلال لە شاری سلێمانی دامەزرا ، لەو كاتەوە ئەم ناوەندە زانستییە بووەتە سەنتەری پێگەیاندنی چەندین خاوەن پسپۆڕیی جیاجیای زانستی لە شارەكانی كوردستان و ناوەڕاست و باشووری عیراق و دەرەوەی وڵات.
لە بواری رووناكبیری و گەشەپێدانی بیری كوردایەتی و نیشتمانپەروەریدا زانكۆی سلێمانی رۆڵێكی هێندە گرنگی هەبوو، چەندین سەركردە و كادری بزووتنەوەی سیاسی و كوردایەتی لە خوێندكار و دەرچووانی كۆلێژ و بەشەكانی ئەم زانكۆیە بوون، بۆیە رژێمی بەعس دژایەتیەكی زۆری ئەم ناوەندە زانستیەی كرد و لە ساڵی 1981 دا لە سلێمانییەوە گواستیانەوە و لە پاش راپەرینی سالًی 1991 جارێكی تر بە هەوڵی دلسۆزان لە شاری سلێمانی زانكۆ دامەزرایەوە.
ئەمڕۆش لە ساڵیادی دامەزراندنی زانكۆی سلێمانیدا كە رۆژبەڕۆژ ئاستی زانستی لە پێشكەوتنی بەردەوامدایە و هەر چەند رۆژێك لەمەوبەر بوو لە ریزبەندیی دامەزراوەی تایمزی بەریتانیدا پلەی یەكەمی لە ئاستی زانكۆكانی عیراقدا بەدەستهێنا.
بۆ برەودانی زیاتر بەم پێشكەوتنانە و پێشخستنی زیاتر، گشت پشتیوانییەكی خۆمان بۆ زانكۆی سلێمانی، زانكۆی دایك دووپاتدەكەینەوە.
مەكتەبی سیاسیی
یەكێتیی نیشتمانیی كوردستان
سیروان سەرحەد، قائیمقامی قەزای دوکان، رایگەیاند کە دوای ئاگاداربوونەوەیان لە روداوێکی ژینگەیی مەترسیدار، بەدواداچوونی بەپەلەیان کردووە و رێکاری پێویستیان گرتووەتەبەر بۆ رێگریکردن لە پیسبوونی ئاوی زێی دوکان.
لە رونکردنەوەیەکدا، سیروان سەرحەد ئاشکرای کرد کە ئاگادارکراونەتەوە لەوەی لە نزیک گوندی قامیشە لە سنووری ناحیەی خەلەکان، چەند تانکەرێک رۆنی رەشیان رشتووەتە ناو یەکێک لە چەمەکانی سنوورەکە. ناوبراو ئاماژەی بەوەدا کە ئەمڕۆ بە ئامادەبوونی بەڕێوەبەری ناحیە و ژمارەیەک لە بەرپرسی فەرمانگەکان، سەردانی شوێنی روداوەکەیان کردووە.
سیروان سەرحەد هۆشداری دا، کە ئەم کارە ژینگەییە جگە لە پیسکردنی ژینگە، مەترسییەکی گەورەشە بۆ سەر سەرچاوەی ئاوی خواردنەوە، چونکە "لەکاتی دروستبوونی لافاودا، ئاوی چەمەکە دەڕژێتە زێی دوکانەوە و بەمەش سەرچاوەی ئاوی خواردنەوەی بەشێکی زۆری هاووڵاتیانی سنووری پارێزگای سلێمانی پیس دەبێت."
قائیمقامی قەزای دوکان جەختی کردەوە، "هەر لەسەرەتای روداوەکەوە پۆلیس و هێزەکانی ئاسایش راسپێردراون بەدواداچوونی جددی بکەن بۆ دەستگیرکردنی ئەنجامدەرانی ئەم کارە،" و ئاشکرای کرد کە "چەند وێنەیەک وەک سەرەداو دەستیان کەوتووە."
"پلانی پاککردنەوەی شوێنەکە"
دوای وەرگرتنی رای شارەزایانی ژینگە، بڕیاردراوە لەلایەن تیمێکی تایبەتەوە پاشماوەکە بە خۆڵ دابپۆشرێت و دوای هەڵمژینی، پاکبکرێتەوە و بگوازرێتەوە بۆ شوێنێکی گونجاو. هەروەها بڕیاردراوە "لەکۆتایی شوێنی رژانی پاشماوەکە بەربەست دروست بکرێت تا بەتەواوی رێگری لە تێکەڵبوونی بە ئاوی زێی دوکان بکرێت."
سیروان سەرحەد دڵنیایی دا کە چاودێریی وردی پڕۆسەی پاککردنەوەکە دەکەن تا بە تەواوی کۆتایی دێت.
بەپێی پێشبینییەكانی كەشناسیی عیراق، نزمەپاڵەپەستۆیەك لە نیمچەدوورگەی عەرەبی و بارستەهەوایەكی سارد لە توركیاوە روو لە عیراق و هەرێم دەكەن و بەهۆیەوە ئەمشەو لە بەشێك ناوچە شاخاوییەكان باران دەبارێت.
كەشناسیی عیراق رایگەیاند، نزمەپاڵەپەستۆیەك لە نیمچەدوورگەی عەرەبی و بارستەهەوایەكی سارد لە توركیاوە روو لە عیراق دەكەن و بەهۆیەوە ناجێگیرییەك لە كەشوهەوای عیراقدا دروست دەكات، بەتایبەت لە ناوچە جیاوازەكانی هەرێمی كوردستان.
ئەوەشی خستووەتە روو، كاریگەریی ئەو نزمەپاڵەپەستۆ و بارستەهەوا ساردە زیاتر لەسەر هەولێر و دوهۆك و نەینەوا چڕتر دەبێتەوە و دەبێتە هۆی بارانبارین لە ناوچەشاخاوییەكانی سنوری ئەو پارێزگایانەدا.
كەشناسیی عیراق راشیگەیاندووە، لە بەشێك لە ناوچە شاخاوییەكانی هەرێمی كوردستان و ئەو ناوچانەی بارانبارین دەیانگرێتەوە، هەورەبروسكە دەبێت و لە نیوەی شەودا كۆتایی پێدێت.
سەرپەرشتیاری بازنەی ھەڵبژاردنی گەرمیانی یەکێتیی نیشتمانیی کوردستان، لە پەیامێکدا سوپاسی خەڵکی گەرمیان دەکات و دەڵێت: ئەمڕۆ ئێوە یەکەم زەنگی سەرکەوتنی یەکێتیتان لە گەرمیانەوە لێدا.
ئەحمەد حەمە کەریم، ئەندامی مەکتەبی سیاسی و سەرپەرشتیاری بازنەی ھەڵبژاردنی گەرمیانی یەکێتی لە پەیامەکەیدا ئاماژەی بەوەکردووە، خەڵکی سەربەرزی بەوەفای گەرمیان، کادر و ئەندام و دەنگدەرانی یەکێتی، سوپاس بۆ پێشوازی فراوان و دڵسۆزانەتان لە سەرۆک بافڵ و ئامادەبوونتان لە کەرنەڤاڵی جەماوەری لیستی ٢٢٢ـی یەکێتیی نیشتمانیی کوردستان لە قەڵای شێروانەی کەلار.
وتیشی، ئەمڕۆ ئێوە یەکەم زەنگی سەرکەوتنی یەکێتیتان لە گەرمیانەوە لێدا و ئەوەتان سەلماند، کە گەرمیان قەڵای سەوزی ھەمیشەیی یەکێتییە و گەرمیانییەکان خاوەنی یەکێتین.
لە کۆتایی پەیامەکەیدا دووپاتیکردەوە، "یەکێتی دەبێتە ھێزی ھەموو خەڵکی کوردستان و گەرمیان لە بەغداد، ئێمەش لێرە لە گەرمیانەوە ئاوەدانی و خزمەت درێژە پێدەدەین و بۆ ھەمیشە خزمەتکاری خەڵکی بەوەفای گەرمیان دەبین".
قوباد تاڵەبانی رایدەگەنێت، سەرکەوتنی یەکێتی هاوتایە بە پاراستنی هەموو دەستکەوتەکان و هەنگاونانە بەرەو سەقامگیریی زیاتر و چارەسەرکردنی کێشەکان بە تایبەتی کێشەی بودجە و موچە.
قوباد تاڵەبانی لە هەژماری تایبەتی خۆی لە فەیسبوک رایگەیاند، "لە کۆبوونەوەم لەگەڵ هەڤاڵان و هاوشارییەکانی مام لە هەموو سێکتەرەکان و کۆمیتەکانی زانکۆ و پەیمانگاکان جەختم کردەوە کە سەرکەوتنی یەکێتی، سەرکەوتنی کوردستانە، سەرکەوتنی یەکێتی هاوتایە بە پاراستنی هەموو دەستکەوتەکان و هەنگاونانە بەرەو سەقامگیریی زیاتر و چارەسەرکردنی کێشەکان بە تایبەتی کێشەی بودجە و موچە، ئەم یەکێتییەی ئێستا چاوی لە هەوڵ و هیممەتی کۆیە و کۆییەکانە، ماڵ بە ماڵ و کۆڵان بە کۆڵان بگەڕێن و یەکێتییەکەی خۆتان و یەکێتییەکەی مام سەربخەن.
ئاماژەی بەوەشکرد: کۆیە شاری سەرۆک مام جەلالە و مام گەورەبوو و پەروەردەبووی کۆیەیە، لەناو کۆیە و لەسەر دەستی زاناکان و خوێندەوارانی کۆیەوە دەرسی نیشتمانپەروەری و کوردایەتی و تێکۆشان و خەباتکاری فێربوو. هەربۆیە دڵنیام ئێستاش هاوشارییەکانی مام، حزبەکەی مام سەردەخەن، ئەو حزبەی کە بە سەدان گەنج و تێکۆشەری کۆیی گیانی خۆیان لەپێناو سەرخستنیدا بەخت کرد.
قوباد تاڵەبانی وتیشی، "تێدەگەین کۆیە بە ئانقەست لەلایەن حیزبی خاوەن دەسەڵاتی هەولێرەوە پەراوێز خراوە، بەڵام تەنها یەکێتییەکی بەهێز دەتوانێت کۆتایی بەم پەراوێزخستنە بهێنێت و کۆتاییشی پێ دەهێنین".
قوباد تاڵەبانی رایدەگەیەنێت، یەکێتی و سەرۆک بافڵ پێداگرن کە خەڵک لە کوێ بن، یەکێتی لەوێ دەبێت، سەرکەوتن لەم هەڵبژاردنەشدا یەکێتی زیاتر دەکاتەوە بە حزبی خەڵک.
لەمیانی کۆبوونەوەی لەگەڵ هەڤاڵانی بازنەی ٧ـی سکتان لە کۆیە، قوباد تاڵەبانی ئاماژەی بەوەدا، یەکێتی لە سێ ساڵی رابردوو زۆر هەنگاوی گەورەی ناوە و بە نیازە زۆر هەنگاوی گەورەی دیکەش بنێت، یەکێتی و سەرۆک بافڵ پێداگرن کە خەڵک لە کوێ بن، یەکێتی لەوێ دەبێت و سەرکەوتن لەم هەڵبژاردنەشدا یەکێتی زیاتر دەکاتەوە بە حیزبی خەڵک، هەربۆیە هەڤاڵان لەم ماوەیەدا دەبێت هەموو وزە و توانای خۆیان بخەنەگەڕ بۆ سەرخستنی لیستی یەکێتی.
هەر لە دیدارەکەدا داواشیکرد، "هەڤاڵانی یەکێتی بە شانازییەوە بچنە ناو خەڵک و بانگەشە بۆ سەرخستنی حیزبەکەتان بکەن، چونکە یەکێتی بە سەرۆکایەتیی سەرۆک بافڵ وەک یەکێتییەکەی سەردەمی شۆڕش و وەک یەکێتییەکەی سەردەمی سەرۆک مام جەلال بووەتەوە بە حزبی هەموو کۆمەڵانی خەڵکی کوردستان
لە کۆتایی وتەکانیدا قوباد تاڵەبانی رایگەیاند، خەڵک چی بوێت، یەکێتیش ئەوەی دەوێت.
بەڕێوەبەرایەتیی گشتیی ئاسایشی هەولێر رایگەیاند، ئەمڕۆ چوارشەممە، لیژنەی لەناوبردنی ماددە هۆشبەرەکان هەستاون بە لەناوبردن و سوتاندنی زیاتر لە 130 کیلۆگرام ماددەی هۆشبەری جۆراوجۆر.
بەپێی راگەیەندراوێکی ئاسایشی هەولێر، کۆی گشتیی ماددە لەناوبراوەکان بریتی بووە لە (130 کیلۆ و 555گرام) کە لە جۆرەکانی (کریستاڵ، هێرۆین، تلیاک، حەشیش، ماریجوانا، کۆکاین، گراس، جگەرەی ئامادەکراوی هۆشبەر، و حەبی جۆراوجۆر) پێکهاتبوون.
ئاسایشی هەولێر ئاماژەی بەوەشکردووە، ئەو ماددانە لە ماوەی رابردوودا لەلایەن بەڕێوەبەرایەتیی نەهێشتنی ماددە هۆشبەرەکانەوە دەستیان بەسەردا گیرابوو و پەیوەست بوون بە 740 دۆسیەوە.
رونیشیکردووەتەوە کە دۆسیەکان لە ساڵانی 2022 و 2023 لەلایەن دادوەری لێکۆڵینەوەی ئاسایشەوە رەوانەی دادگا تایبەتمەندەکان کرابوون و دوای یەکلاییکردنەوەیان، بڕیاری کۆتاییان وەرگرتبوو.
کەمێکیتر بەئامادەبونی بافڵ جەلال تاڵەبانی سەرۆكی یەكێتی نیشتمانی كوردستان و هەزاران دەنگدەر و لایەنگری یەكێتی كەرنەڤاڵی جەماوەری لیستی 222 لە قەڵای شێروانە لە كەلار بەڕێودەچێت.
بەمنزیكانە دابەشكردنی نەوت لە سەنتەری شاری سلێمانی دەستپێدەكات، كە نرخەكەی 104 هەزارە.
تەها جەمال، لێپرسراوی لیژنەی دابەشكردنی نەوت لە پارێزگای سلێمانی لەبەریوەبەرایەتی نەوت و كانزاكانی سلێمانی بە كوردسات نیوزی راگەیاند، بەمنزیكانە دابەشكردنی نەوت دەگاتە سەنتەری شاری سلێمانی بۆ هەر ماڵێك وەك ساڵانی رابردوو 200 لیتر دەبێت، نرخەكەشی بۆ هەر بەرملێك 104 هەزار دینار دەبێت.
وتیشی، ئەو نەوتەی تا ئێستا دابەش دەكرێت نەوتی وەزارەتی سامانە سروشتیەكانی هەرێمە،
سەبارەت بە نەوتەش كەبریارە لەلایەن بەغداوە بنێردرێت، لێپرسراوای دابەشكردنی نەوت لە پارێزگای سلێمانی رایگەیاند، تا ئێستا بە نوسراوی رەسمییان بەدەستەگەیشتوە نازانرێت كەی دەستبەدابەشكردنی ئەو نەوتە لە هەرێم دەكرێت.
بەئامادەبونی بافڵ جەلال تاڵەبانی سەرۆكی یەكێتی نیشتمانی كوردستان و هەزاران دەنگدەر و لایەنگری یەكێتی پاش نیوەرۆی ئەمرۆ كەرنەڤاڵی جەماوەری لیستی 222 لە قەڵای شێروانە لە كەلار بەڕێودەچێت.
وتەبێژی مەڵبەندی گەرمیان دەربارەی کەرنەڤاڵەکەی ئەمڕۆ وتی: ئەندامان و دۆست و لایەنگرانی یەكێتی بە جۆش و خرۆشەوە بەشداریی كەرنەڤاڵەکە دەكەن بۆ پشتیوانیی لە كاندیدەكان.
بریارە لە كەرنەڤاڵەكەدا سەرۆكی یەكێتی وتارێك پێشكەش بكات و پەیامی نوێ ئاراستەی هاووڵاتیانی هەرێمی كوردستان و تایبەت هاووڵاتیانی کەلار بکات.
دەرباز کۆسرەت رەسول، لە میانی سەردانەکانیدا رایگەیاندوە دۆستان وئازیزانمان دوپاتیانکردەوە هەولێرو یەکێتی دوانەیەکی دانەبڕاون، جەختیشیکردوەتەوە یەکێتی حزبی تێکۆشەران و رەنجدەرانە، دڵسۆزان و خەمخۆرانی خۆی هەرگیز لەیاد ناکات.
دەرباز کۆسرەت رەسول، لەگەڵ بڵاوکردنەوەی ئەم وێنانە نوسیویەتی؛ دۆستان و ئازیزانمان له شاوێس و پیرزین ئهوهیان بۆ دوپاتكردینهوه كه ههولێر و یهكێتی دوانهیهكی لێكدانهبراون.
راشیگەیاندوە؛ ئهوڕۆ بەمەبەستی بهسهركردنهوهی دڵسۆزان و ئازیزانمان له نزیكهوه بهدیداری کۆمەڵێک لە ههولێرییه رەسەنەکان شادبووین و هەمیشە پێمانوابووە کە نه یهكێتی بێ ههولێر دهتوانێ یهكێتی بێت، نه ههولێریش بێ یهكێتی دهتوانێت قهڵای كوردایهتی و ئازایهتی بێت.
لە بەشێکی دیکەی سەردانەکانیدا ئاماژەی بەوەشکردوە؛ یەکێتی، هێزی کۆمەڵانی خەڵکی کوردستانە، حزبی تێکۆشەران و رەنجدەرانە، دڵسۆزان و خەمخۆرانی خۆی هەرگیز لەیادناکات.
لە نۆیەمین ساڵیادی شکستە گەورەکەی داعش لە کەرکوک، دەزگای ئاسایشی هەرێم راگەیەندراوێکی بڵاوکردوەتەوە و دەڵێت؛ نۆ ساڵ پێش ئێستا، شکست بە گەورەترین هێرشی تیرۆریستی بۆ سەر شاری کەرکوک هێنرا.
دەزگای ئاسایشی هەرێم، رایدەگەیەنێت لەرۆژی ٢٠١٦/١٠/٢١ وەک کاری هەمیشەییان بۆ روبەڕووبونەوە و لەناوبردنی پیلانی تیرۆریستان، توانیان ئارامی بگەڕێننەوە بۆ کەرکوکی قودسی کوردستان.
لەگەڵ بڵاوکردنەوەی چەند گرتەڤیدیۆیەکی ئەوکاتە، ئاماژەیان بەوەشکردوە هێزەکانی ئاسایش شانبەشانی سەرجەم هێزە ئەمنیەکان و هاووڵاتیانی خۆبەخش، توانیان خەونی تیرۆریستان و ناحەزانی شاری کەرکوک بەتاڵ بکەنەوە.
جەختیشیانکردوەتەوە لەوەی هێزەکانی ئۆپراسیۆنی دەزگای ئاسایش دوای روبەڕووبونەوەیەکی قورس، گیان فیدایانە خۆیان کردە قوربانی گەڕاندنەوەی ئارامی و دڵنیاییدان بە هاووڵاتیانی شاری خۆشەویستی کەرکوک.
ئەوەشیان خستوەتەڕوو، لە ئەنجامی روبەڕووبونەوە و لەناوبردنی مەرامی تیرۆریستان، توانرا ژمارەیەک خوێندکاری بەبارمتە گیراو لەلای چەکدارانی تیرۆریستی داعش رزگاربکەن و لەو پێناوەشدا بەئامانجی گەڕاندنەوەی ئارامی چوار کارمەندی هێزەکانی ئۆپراسیۆن برینداربوون.
قوباد تاڵەبانی، جێگری سەرۆک وەزیران لە هەولێر پێشوازیکرد لە ئانل بۆرا ئینان، باڵیۆزی تورکیا لە عێراق و پێکەوە تاوتوێی چەند پرسێکی گرنگیان کرد
ئەمڕۆ سێشەممە، لە میانی کۆبونەوەی لەگەڵ ئەرمان تۆپجو، کونسوڵی گشتیی تورکیا لە هەرێم جێگری سەرۆک وەزیران سوپاسی حکومەتی تورکیای کرد بە کردنەوەی ئاسمانی تورکیا بەڕووی گەشتەکانی فڕۆکەخانەی نێودەوڵەتیی جەلال تاڵەبانی.
ناوبراو راشیگەیاند، کردنەوەی ئاسمانی تورکیا بەڕووی سلێمانیدا پەیوەندییەکانی نێوان هەرێم و تورکیا بەهێزتر دەکات.
لە کۆبونەوەکەدا کباس لە هەڵبژاردنەکانی ئەنجومەنی نوێنەرانی عیراق کرا و لایخۆیەوە قوباد تاڵەبانی هیوای خواست پرۆسەی هەڵبژاردن بە شێوەیەکی پاک و بێگەرد بەڕێوەبچێت و ئاستی بەشداری هاووڵاتییان لە هەڵبژاردنەکەدا بە رێژەیەکی بەرز و بەرچاوبێت.
قوباد تاڵەبانی ئاماژەی بەوەشکرد، ئەم هەڵبژاردنە بە تایبەت بۆ هاووڵاتییانی هەرێمی کوردستان گرنگە و ئەنجامەکەی کاریگەری دەبێت لەسەر چۆنیەتی چارەسەرکردنی کێشەکانی نێوان هەرێم و بەغداد
هەسەدە رایدەگەیەنێت، بە پاڵپشتی هاوپەیمانی نێودەوڵەتی، هێزەکانیان سەرکردەیەکی مەترسیداری داعشیان لە شاری تەبقە دەستگیر کردوە، کە سەرپەرشتی وەرگرتن و گەیاندنی چەک و کەرەستەی سەربازی و دابەشکردنیان بوە بەسەر شانەکانی داعشدا.
ئەمڕۆ سێشەممە، هێزەکانی سوریای دیموکرات، راگەیەندراوێکیان بڵاوکردوەتەوە تێیدا هاتووە؛ تیمە سەربازییەکانیان بە پاڵپشتی هێزەکانی هاوپەیمانی نێودەوڵەتی، ئۆپەراسیۆنێکی ورد و تۆکمەی ئەمنییان لە شاری تەبقە ئەنجامداوە، بە مەبەستی دەستگیرکردنی سەرکردەیەکی مەترسیدار لە تیرۆرستانی داعش.
ئاماژەی بەوەکردوە، ئۆپەراسیۆنەکە دوای چاودێریکردنی جموجۆڵ و چالاکییەکانی تیرۆرستەکە بووە، کە ناوی ئەحمەد عەبدولقادر ئەلموسایان و خەڵکی شاری تەبقەیە و هەڵیانکوتاوەتە سەر حەشارگەکەی و توانیویانە دەستگیری بکەن.
هەسەدە دەشڵێت؛ تیرۆریستەکە سەرکردەیەکی مەترسیدار بووە و سەرپەرشتی وەرگرتن و گەیاندنی چەک و کەرەستەی سەربازی و دابەشکردنی کردوە بەسەر شانە تیرۆریستییەکاندا، هەروەها کارێکی دیکەی چاودێریکردنی خاڵە سەربازییەکانی هێزەکانیان بووە.
لەگەڵ دەستگیرکردنی تیرۆرستەکەدا، ئەوەشیانخستوەتەڕوو هێزەکانیان دەستیان بەسەر بڕێک چەک و نارنجۆکییشدا گرتووە و جەختیش دەکەنەوە بەردەوام دەبن لە ئۆپراسیۆنەکانیان دژی پاشماوەکانی داعش و پوچەڵکردنەوەی هەموو ئەو هەوڵانەی دەدرێت بۆ تێکدانی ئاسایش و کردنە ئامانجی هاووڵاتییانی مەدەنی لە ناوچەکە.
قوباد تاڵەبانی رایدەگەنێت، یەکێتی جگە لەوەی دەتوانێت کێشەکان لەگەڵ بەغداد چارەسەر بکات، دەشتوانێت لە هەرێم بە هێزێکی زیاترەوە باری خواری حکومڕانی راست راستبکاتەوە، هەروەها دەنگدانی خەڵکی ناڕازی بە لایەنەکانی دیکە لە رابردوودا هۆکار بوو بۆ تێکچوونی هاوسەنگیی هێز لە بەرژەوەندیی پارتی و یارمەتیدەر بوو بۆ سیاسەتی (پەرت بکە و زاڵ بە)ـی پارتی.
قوباد تاڵەبانی لەگەڵ هەڤاڵانی بازنەکانی ١٤ـی خەبات و ١٨ـی تۆپزاوە و ١٥ـی قوشتەپە کۆبووە و رایگەیاند، "ئەم یەکێتییەی ئێستا چەند ساڵە خۆی بە نوێنەری هەموو ئەو خەڵکە دەزانێت کە ناڕازین لە شێوازی حکومڕانی لە کوردستان و دەشیانەوێت کێشەکانی لەگەڵ بەغداد بەپێی دەستوور چارەسەر بکرێت".
ئاماژەی بەوەشدا، لە هەڵبژاردنەکانی رابردوودا رێژەیەکی زۆری خەڵکی ناڕازی دەنگیان بە لایەنەکانی دیکە داوە، بەڵام با ئێستا لە خۆیان بپرسن دەنگەکانیان چ کاریگەرییەکی هەبووە لەسەر چارەسەرکردنی کێشەکان؟.
وتیشی، "دەنگدانی خەڵکی ناڕازی بە لایەنەکانی دیکە لە رابردوودا هۆکار بوو بۆ تێکچوونی هاوسەنگیی هێز لە بەرژەوەندیی پارتی و یارمەتیدەر بوو بۆ سیاسەتی (پەرت بکە و زاڵ بە)ـی پارتی".
لە کۆتایی وتەکانیدا قوباد تاڵەبانی رایگەیاند: "ئەم یەکێتییەی ئێستا کۆتایی بەو سەردەم و سیاسەتە هێناوە، بۆیە بەهێزتر بووە و ئەگەر خەڵکی ناڕازیش لەم هەڵبژاردنەدا دەنگ بدەن بە یەکێتی جگە لەوەی کێشەکانمان لەگەڵ بەغداد دەتوانین چارەسەر بکەین، دەشتوانین لە هەرێمیش بە هێزێکی زیاترەوە باری خواری حکومڕانی راست بکەینەوە".