کوردستان
بڕیاری قەدەغەکردنی زمانی کوردی لە ناوچەکانی دەرەوەی ئیدارەی هەرێم کاردانەوەی توندی بەدوای خۆیداهێنا و هەرزوو حکومەتی هەرێم هەڵوێستی خۆی دەربڕی و وەزیری دادی عیراقیش دەڵێت، "تاقیکردنەوەکان وەک ساڵانی رابردوو ئەنجام دەدرێن".
ئەمڕۆ شەممە 26ـی 7ـی 2025، وەزارەتی خویندنی باڵای عیراق بڕیاریدا کە دانانی پرسیار و وەڵامدانەوە بە زمانی کوردی لە زانکۆکانی پارێزگای (کەرکوک – موسڵ – دیالە) قەدەغە بکرێت.
بڕیارەکە پێچەوانەی دەستورە
د. عومەر نەجمەددین ئینجە راگری کۆلێژی ئادابی زانکۆی کەرکوک بە کوردسات نیوزی راگەیاند، بریارەکەی وەزارەتی خوێندنی باڵای عیراق پێچەوانەی دەستوری عیراقە، کەئاماژەی بەوەداوە عەرەبی و کوردی دوو زمانی رەسمین لە عیراق، هاوکات پێچەوانەی یاسای زەمان ژمارە 7 ی ساڵی 2014یە کە دوو زمانی سەرەکی لە عێراق عەرەبی و کوردییە، نەک عەرەبی و ئینگلیزی، وەک لەرێنماییەکان ھاتووە.
حکومەتی هەرێم: بڕیارکە نادەستورییە
لە هەمان کاتدا ئەکادیمیای کوردی سەر بە حکومەتی هەرێمی کوردستان لە راگەیەنراوێکدا ئاشکرایکرد، بڕیاری وەزارەتی خوێندنی باڵای عیراق بۆ قەدەغەکردنی زمانی کوردی بڕیارێکی نایاسایی و نادەستورییە.
وەزیری دادی عیراق: کێشەکە چارەسەر دەکرێت
سەبارەت بە بڕیارەکە، خالید شوانی وەزیری دادی عیراق، دەربارەی قەدەغەکردنی زمانی کوردی لە زانکۆکانی ناوچە کوردستانییەکانی دەرەوەی ئیدارەی هەرێم؛ رایگەیاند: وەزیری خوێندنی باڵا بڕیای چارەسەرکردنی کێشەکەی دا و تاقیكرنەوەكان بە هەمان میكانزمی ساڵانی رابردوو بەڕێوە ئەچێت .
پێشهاتێکی مەترسیدارە
دەستەی گشتی ناوچە کوردستانییەکانی دەرەوەی ئیدارەی هەرێم سەبارەت بە بڕیارەکە دەلێت، "بڕیاری قەدەغەکردنی زمانی کوردی و رێگریکردن لە خوێندکاران و قوتابیان کە بەزمانی کوردی وەڵامی تاقی کردنەوەکان بدەنەوە، جگەلەوەی خەرقێکی روونی مادەی چواری دەستوری عیراقە، لە هەمان کاتدا پێشهاتێکی مەترسیدارە و بەلامانەوە جێی پرسیارە کە وەزارەتێکی گرنگی وەک وەزارەتی خوێندنی باڵای عیراقی و بە نوسراوی رەسمی و بەڕۆژی رووناک بڕیارێکی لەم جۆرە دەردەکات".
دەستەی گشتی ناوچە کوردستانییەکانی دەرەوەی ئیدارەی هەرێم سەبارەت بە قەدەغەکردنی زمانی کوردستان لە چەند ناوچەیەکی دەرەوەی ئیدارەی هەرێم پەیامێکی بڵاوکردەوە و دەڵێت، "بڕیاری قەدەغەکردنی زمانی کوردی و رێگریکردن لە خوێندکاران و قوتابیان کە بەزمانی کوردی وەڵامی تاقی کردنەوەکان بدەنەوە، جگەلەوەی خەرقێکی روونی مادەی چواری دەستوری عیراقە، لە هەمان کاتدا پێشهاتێکی مەترسیدارە و بەلامانەوە جێی پرسیارە کە وەزارەتێکی گرنگی وەک وەزارەتی خوێندنی باڵای عیراقی و بە نوسراوی رەسمی و بەڕۆژی رووناک بڕیارێکی لەم جۆرە دەردەکات".
دەقی پەیامەکە
بڕیاری قەدەغە کردنی زمانی کوردی و ڕێگری کردن لە خوێندکاران و قوتابیان کە بەزمانی کوردی وەڵامی تاقی کردنەوەکان بدەنەوە، جگەلەوەی خەرقێکی ڕوونی مادەی چواری دەستوری عێراقە، لە هەمان کاتدا پێشهاتێکی مەترسی دارەو بەلامانەوە جێی پرسیارە کە وەزارەتێکی گرنگی وەک وەزارەتی خوێندنی باڵای عێراقی و بە نوسراوی فەرمی و بەڕۆژی ڕووناک بڕیارێکی لەم جۆرە دەرئەکات، ئەگەرچی ئەم کارە نوێ نیەو ساڵانە ئەم گرفتەیان بۆ فێرخوازانمان لە ناوچە کوردستانیەکان دروست کردووە، بەڵام ئەوەی ئەم جارە ڕووبەری گرفتەکەی فراوانتر کردووە نوسراوی فەرمیە بۆ ئەم هەنگاوە دژ بەدستورە، ئێمە لە دەستەی ناوچە کوردستانێکان سەرباری ڕەتکردنەوەی هەر هەنگاوێێکین کە پێچەوانەی دەستور بێت لەهەمان کات دا ڕای ئەگەیەنین کە حکومەتی عێراق لە کەمتر لە دوو مانگدا دوو بڕیاری نادەستوی پیادەکردوە لە ناوچە کوردستانیەکان، لە دروست کردنی قەزای قەرەتەپەو ئەم بڕیارە نوێیەیان ، ئەم هەنگاوانە مەترسی دارن و گومان لە جدیەتی حکومەتی عێراق زیاتر ئەکات بۆ چارەسەرکردنی کێشەکانی ناوچە کوردستانیەکان و پێچەوانەی ئەو بنەما هاوبەشانەشە کە حکومەتی ئێستای عێراقی لەسەر بینا کراوە بۆیە داوائەکەین لە نوێنەرانمان لە بەغداد هەر لە بەڕێز سەرۆکی کۆمارو وەزیر و ئەندامانی پەڕلەمان هەوڵەکانیان بخەنەگەر بە ئامانجی چارەسەر کردنی ئەم گرفتانەو دەسەڵاتی یاسای و دەستوری خۆیان پیادە بکەن لە پێناوی پاراستنی گیانی هاوبەشێتی لە ناوچە کوردستانیەکان و جێ بەجێ کردنی مادەی ١٤٠ ی دەستور.
دەستەی گشتی ناوچە کوردستانیەکانی دەرەوەی ئیدارەی هەرێم
حکومەتی هەرێمی کوردستان بڕیاری قەدەغەکردنی زمانی کوردی لە زانکۆکانی دەرەوەی ئیدارەی هەرێم شەرمەزار دەکات و دەڵێت: ئەو بڕیارە رەگەزپەرستییە.
ئەکادیمیای کوردی سەر بە حکومەتی هەرێمی کوردستان لە راگەیەنراوێکدا ئاشکرایکرد، بڕیاری وەزارەتی خوێندنی باڵای عیراق بۆ قەدەغەکردنی زمانی کوردی بڕیارێکی نایاسایی و نادەستورییە.
ئاماژەی بەوەشکردووە، پێویستە بە زووترین کات ئەو بڕیارە هەڵبوەشێنرێتەوە و هەروەها وەزارەتی خوێندنی باڵای عیراق، داوای لێبوردن لە گەلی کورد بکات.
جێگەی ئاماژەیە، بڕیاری ژمارە 6496ی وەزارەتی خوێندنی باڵای عیراق کە لە 16ی 7ی 2025دا دەرچووە و تێیدا زمانی کوردیی لە ناوەندەکانی خوێندنی باڵای ناوچە کوردییەکانی دەرەوەی ئیدارەی هەرێمی کوردستاندا قەدەغە کردووە.
وەزارەتی خوێندنی باڵای عیراق دانانی پرسیار و وەڵامدانەوەی تاقیکردنەوەکان بە زمانی کوردی لە زانکۆکانی ناوچەکانی درەوەی ئیدارەی هەرێم قەدەغەکرد.
بەپێی بریارێکی وەزارەتی خوێندنی باڵا و توێژینەوەی زانستی عیراق دانانی پرسیار و وەڵامدانەوەی تاقیکرنەوەکان بەزمانی کوردی لەزانکۆکان قەدەغەکرا.
د. عومەر نەجمەددین ئینجە ڕاگری کۆلێژی ئاداب لەزانکۆی کەرکوک بەکوردسات نیوزی راگەیاند، بریارەکە گشتێندراوە بۆ زانکۆی کەرکوک و زانکۆکانی موسڵ و دیالەش.وتیشی بەپێی بڕیارەکە زانکۆ حکومی و ئەهلیەکانیش پابەندکراون بەناوەڕۆکی بریارەکەوە.
راگری کۆلێژی ئادابی زانکۆی کەرکوک ئاماژەی بەوەشکرد، بەپێی بریارەکەی وەزارەتی خوێندنی باڵا هیچ کۆلێژێک نابێت پرسیار بەزمانی کوردی دابنێت و بۆ خوێندکاریش نییە بەزمانی کوردی وەڵامی پرسیارەکان بداتەوە، لەبریارەکەدا ئەوەش هاتووە هەر زانکۆ و کۆلێژێک پێچەوانەی ئەم بریارە کار بکات روبەڕووی لێپرسینەوەی یاسایی دەکرێتەوە.
د. عومەر نەجمەددین ئینجە راگری کۆلێژی ئادابی زانکۆی کەرکوک ئەوەشی خستەڕوو، بریارەکەی وەزارەتی خوێندنی باڵای عیراق پێچەوانەی دەستوری عیراقە، کەئاماژەی بەوەداوە عەرەبی و کوردی دوو زمانی رەسمین لە عیراق، هاوکات پێچەوانەی یاسای زەمان ژمارە 7 ی ساڵی 2014یە کە دوو زمانی سەرەکی لە عێراق عەرەبی و کوردییە، نەک عەرەبی و ئینگلیزی، وەک لەرێنماییەکان ھاتووە.
راشیگەیاند، بریارەکە پێچەوانەی ئەو یاسایاشە کە وەزارەتەکە پشتی پێ بەستووە بۆ دەرکردنی بریارەکەی.
بەپێێ پێشبینییەکانی کەشناسی ئەمڕۆ ئاسامان ساماڵ دەبێت لەگەڵ دروستبوونی هەندێک پەڵە هەور، هاوکات لە گەرمیان پلەکانی گەرما دەگاتە نیوەی کوڵان.
بەڕێوەبەرایەتی کەشناسی هەرێم رایگەیاند، ئەمڕۆ ئاسمان ساماڵ دەبێت لەگەڵ دروستبوونی هەندێک پەڵە هەور، هەروەها پلەکانی گەرما بە بەرزی دەمێنێتەوە.
ئاماژەی بەوەشکرد، سبەینێ یەکشەممە ئاسمان ساماڵ و گەرم دەبێت، لەگەڵ دروستبوونی پەڵە هەور لە کاتەکانی ئێوارەدا لە هەندێ شوێن دەگۆرێت بۆ نیمچە هەور.
کەشناسی هەرێم ئاشکراشیکردووە، پلەکانی گەرما بەم شێوەیەی خوارەوە دەبێت.....
هەولێر : 47 پلەی سیلیزی
سلێمانی : 45 پلەی سیلیزی
دهۆک : 46 پلەی سیلیزی
کەرکوک : 49 پلەی سیلیزی
زاخۆ : 47 پلەی سیلیزی
هەڵەبجە : 47 پلەی سیلیزی
سۆران : 46 پلەی سیلیزی
حاجی ئۆمەران : 34 پلەی سیلیزی
گەرمیان : 50 پلەی سیلیزی
وەزارەتی دارایی هەرێم ئاگاداری فەرمانبەران دەکاتەوە و دەڵێت: ئەو بڕە پارەیەی لەموچەی مانگی پێنجی موچەخۆران بڕدراوە، پەیوەندی بە وەزارەتی پلاندانانی عیراقەوە هەیە.
وەزارەتی دارایی و ئابوری حکومەتی هەرێمی کوردستان لە راگەیەنراوێکدا ئاشکرایکردووە، لەگەڵ دابەشکردنی موچەی مانگی ئایاری فەرمانبەرانی هەرێمی کوردستان لە رێگەی پڕۆژەی هەژماری من، چەند پرسیارێک لای فەرمانبەران دروست بووە و لەکاتی وەرگرتنی مووچەکانیان بڕەپارەیەکیان بەراورد بەمانگەکانی پێشوو لێبڕاوە.
ئەوەشی خستەڕوو، ئەو لێبڕینە تەنها بۆ یەک جارە و لەسەر موچەی مانگی ئایار لەلایەن حکومەتی فیدراڵەوە جێبەجێ کراوە، هەروەها لەسەر داواکاری وەزارەتی پلاندانانی عیراق بەمەبەستی تۆمارکردن و دروست کردنی ژمارەی وەزیفی لەلایەن وەزارەتی دارایی حکومەتی فیدراڵەوە بە رێژەی لە سەدا یەک بڕدراوە.
وەزارەتی دارایی بەم سێ خاڵەی خوارەوە، روونکردنەوەی بە فەرمانبەران داوە بۆ لێبڕینی موچەی مانگی ئایار....
1- سەبارەت بەو لێبڕینە کە بڕەکەی تەنها لە (٪1)ی مووچەی بنەڕەتی فەرمانبەرانە و لەسەر داواکاری وەزارەتی پلاندانانی عێراق بەمەبەستی تۆمارکردن و دروست کردنی ژمارەی وەزیفی لەلایەن وەزارەتی دارایی حکومەتی فیدراڵەوە بڕدراوە.
2- ئەو لێبڕینی (٪1)ە بۆ سەرجەم فەرمانبەرانی عێراق بووە، تەنها فەرمانبەرانی هەمیشەیی و ئەو فەرمانبەرە گرێبەستانە دەگرێتەوە کە مووچەکانیان لەلایەن وەزارەتی دارایی فیدراڵەوە خەرج دەکرێت، بەهیچ جۆرێک خانەنشینان و سوودمەندانی چاودێری کۆمەڵایەتی ناگرێتەوە.
3- ئەو لێبڕینە تەنها بۆ یەک جارە و لەسەر مووچەی مانگی ئایار لەلایەن حکومەتی فیدراڵەوە جێبەجێ کراوە.
سەرجەم فەرمانبەران دڵنیا دەکەینەوە ئەو بابەتە هیچ پەیوەندی بە پڕۆژەی هەژماری منەوە نییە.
وەزیری دەرەوەی فەرەنسا و فەرماندەی هەسەدە کۆبوونەوە و جەخت لەسەر چارەسەری ئاشتیانە بۆ یەکخستنی سوریا کرایەوە.
ئەمڕۆ وەزیری دەرەوەی فەرەنسا لە پاریس پێشوازی لە فەرماندەی هێزەکانی سوریای دیموکرات کرد، لە دیدارەکەدا تەئکید لە دانوستانی نێوان هەسەدە و حکومەتی دیمەشق کرایەوە بە هاوکاری فەرەنسا و ئەمریکا، ئەمەش لە چوارچێوەی رێککەوتنەکەی 10ـی ئازاردا.
هەر لە کۆبوونەوەکەدا گرنگی ئەنجامدانی كۆبوونەوەی نێوان حكومەتی سوریا و هەسەدە لە پاریس گفتوگۆی لەبارەوە كرا.
لەمیانی کۆبوونەوەکەدا مەزڵوم کۆبانێ فەرماندەی هەسەدە رایگەیاند: پابەندی هاوبەشیكردنین لەگەڵ هاوپەیمانان بۆ روبەڕوبوونەوەی تیرۆر.
وتیشی، پابەندی هاوبەشیكردنین لەگەڵ هاوپەیمانان بۆ چەسپاندنی سەقامگیری لە سوریا.
لەلای خۆشیەوە وەزیری دەرەوەی فەرەنسا رایگەیاند، دەبێت چارەسەری ئاشتیانە بۆ یەكخستنی سوریا و پاراستنی مافی كورد بدۆزرێتەوە.
ئەمەش لە کاتێکدایە، ئەمڕۆ وەزارەتی دەرەوەی فەرەنسا ئاشکرایکرد، کۆبوونەوەیەکی سێقۆڵی لەنێوان ژان-نۆیل بارۆ، وەزیری دەرەوەی فەرەنسا، تۆم باراک، نێردەی تایبەتی ئەمریکا بۆ سوریا و ئەسعەد شەیبانی، وەزیری دەرەوەی سوریا، لە پاریس بەڕێوەچوو.
لە قەزای خەبات ژمارەیەک هاووڵاتی بەهۆی نەبوونی کارەباوە خۆپیشاندانیان ئەنجامدا و رێگای هەولێر – خەباتیان داخست.
پەیامنێری کوردسات نیوز رایگەیاند، بەهۆی کەمی کارەباوە لە قەزای خەبات لەلایەن بەشێک لە دانیشتوانەوە خۆپیشاندان دەستپێکرد، دەشڵێت، هاووڵاتیان داوا دەکەن خزمەتگوزارییەکانیان بۆ دابین بکرێت.
ئاماژەی بەوەشکرد، هۆکاری سەرەکی خۆپیشاندانەکە بۆ نەبوونی کارەبا دەگەڕێتەوە، خۆپیشاندەران دەڵێن پێویستە بە زووترین کات کارەبامان بۆ دابینبکرێت.
هاووڵاتییەک بۆ کوردسات نیوز رایگەیاند، وەک دانیشتوانی قەزای خەبات گرفتی کەمی خزمەتگوزارییەکانمان هەیە و ناتوانین بەو شێوەیە ژیان بەڕێبکەین.
ئەمەش لە کاتێکدایە کەشناسی راگەیاند، ئەمرۆ پلەی گەرمی لەقەزای خەبات 50پلەی سیلیزی بووە.
لە سلێمانی تۆمەتبارێک لەسەر دۆسیەی کوشتنی کەسێک و بریندارکردنی کەسێکی دیکە دەستگیرکرا، پۆلیسی سلێمانیش دەڵێت: تۆمەتبارە لە دایکبووی ساڵی 2004ە.
بەڕێوەبەرایەتی پۆلیسی سلێمانی لە راگەیەنراوێکدا ئاشکرایکرد، دوای ئەوەی بەرەبەیانی ئەمڕۆ هەینی هێزەکانی پۆلیس ئاگادار کرانەوە لەروداوی کوشتنی هاووڵاتییەک و بریندارکردنی هاووڵاتییەکی دیکە، لەگەڕەکی سەروەری شاری سلێمانی، دەستبەجێ هێزەکانی پۆلیس گەیشتنە شوێنی روداوەکەو کەشف و هێڵکاری بۆ شوێنی ڕووداوەکە ئەنجامدرا.
ئاماژەی بەوەشکرد، کوژراوەکە رەوانەی پزیشکی دادوەری کرا و بریندارەکەش بەمەبەستی چارەسەرکردن گەیەنرایە نەخۆشخانە.
پۆلیسی سلێمانی دەشڵێت، دوای وەرگرتنی بڕیاری دادوەری تایبەتمەند توانرا تۆمەتباری روداوەکە بەناوی (ئـ، ن، م لەدایکبووی 2004) لەلایەن مەفرەزەکانی نوسینگەی لێکۆڵینەوە لەتاوانەکانی کوشتن دەستگیربکرێت.
ئەوەشی خستەڕوو، بەپێی لێکۆڵینەوە سەرەتاییەکان، هۆکاری روداوەکە دەگەڕێتەوە بۆ دروستبوونی شەڕو دەمەقاڵێ لەنێوان تۆمەتبارو هەردوو تاوانلێکراودا، تۆمەتبار بەچەقۆ هێرش دەکاتە سەریان و لەئەنجامدا یەکێکیان دەکوژێت و هاوڕێکەشی بریندار دەکات.
پۆلسی سلێمانی راشیگەیاند، لەئێستادا تۆمەتباری ناوبراو بەبڕیاری دادوەر و بەپێی مادەی 406 لەیاسای سزادانی عیراقی راگیراوەو لێکۆڵینەوە لەدۆسیەکە بەردەوامە.
بەڕێوەبەرایەتی گشتی ئاو و ئاوەڕۆی هەرێم رایگەیاند، هەر هاوبەشێکی ئاو کە ئاوگرەوە (تەوافە) لەسەر تانکی ئاوەکەی نەبەستێت، دوای دووجار ئاگادارکردنەوە، بە بڕی50 هەزار دینار سزای دارایی دەدرێت.
لە راگەیەندراوێکدا کە ئەمڕۆ هەینی، 25ـی تەممووزی 2025، بڵاویکردووەتەوە، بەڕێوەبەرایەتی گشتی ئاو و ئاوەڕۆ ئاماژەی بەوەداوە، بڕیارەکە پاڵپشتە بە ماددەی حەوت لە یاسای ژمارە چواری ساڵی 2021 کە تایبەتە بە پاراستنی تۆڕەکانی ئاو و ئاوەڕۆ لە هەرێمی کوردستان.
بەڕێوەبەرایەتییەکە جەختی کردەوە، ئامانج لەم هەنگاوە رێگریکردنە لە بەفیڕۆدانی ئاو و پاراستنی تۆڕە گشتییەکان، بۆیە داوا لە سەرجەم هاوبەشان دەکات پابەندی بڕیارەکە بن بۆ ئەوەی رووبەڕووی سزای دارایی نەبنەوە.
ئەم بڕیارە لەکاتێکدایە کە بەهۆی نەبوونی ئاوگرەوە (تەوافە) لەسەر تانکی ماڵان، ساڵانە بڕێکی زۆر ئاو بەفیڕۆ دەچێت و فشار لەسەر تۆڕەکانی دابەشکردنی ئاو دروست دەکات.
وەزارەتی پەروەردەی حکومەتی هەرێمی کوردستان، بڕیاریدا بە گۆڕینی کتێبی زانستی پۆلی حەوتەمی بنەڕەتی بۆ ساڵی نوێی خوێندنی 2025-2026.
بەپێی راگەیەندراوێکی وەزارەتی پەروەردە، ئەم هەنگاوە دوای ئەوە دێت کە لە ساڵانی رابردوودا کتێبی زانستی پۆلەکانی یەکەم تا پێنجەمی بنەڕەتی گۆڕدران و پرۆسەکە بەردەوامی دەبێت.
بەپێی بڵاوکراوەکەی وەزارەتی پەروەردە، بڕیارە لە ساڵی خوێندنی 2025-2026دا قوتابیانی پۆلی حەوتەمی بنەڕەتی لە سەرجەم قوتابخانەکانی هەرێمی کوردستان، پرۆگرامی نوێی زانست بخوێنن، کە بە شێوازێکی نوێ و هاوچەرخ ئامادەکراوە.
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە مەحموود سەنگاوی تێکۆشەری دیاری کوردستان و یەکێتی کرد.
لە دیدارێکدا بافڵ جەلال تاڵەبانی رۆڵ و خەباتی مەحموود سەنگاوی لە شۆڕش و خەباتی رزگاریخوازیی گەلەکەمان بەرزنرخاند کە وەک فەرماندە و سەرکردەیەکی وەفادار هەمیشە دڵسۆزانە خزمەتی گەلەکەی کردووە.
لای خۆشیەوە؛ مەحموود سەنگاوی سوپاسی سەرۆکی یەکێتیی کرد بۆ خەمخۆری و پەرۆشی بۆ بەهێزکردنی ریزەکانی یەکێتی و لایەنە کوردییەکان و جەختی کردەوە، هەمیشە پێشمەرگەی کوردستان و یەکێتی دەبێت بۆ پاراستنی رێبازەکەی سەرۆک مام جەلال.
ئێوارەی ئەمڕۆ لە قەزای تەقتەق، لە ئەنجامی رووداوێکی تەقەکردندا کارمەندێکی تەندروستی کوژرا و هاووڵاتییەکی دیکەش بریندار بوو.
بەپێی زانیارییە سەرەتاییەکان، نزیکەی کاتژمێرێک پێش ئێستا، کەسێکی نەناسراو دەستڕێژی گولـلەی لە تاقیگەیەکی پزیشکی لە قەزاکە کردووە و پاشان هەڵاتووە.
ئاسۆ مستەفا قائیمقامی تەقتەق بە کوردسات نیوزی راگەیاند؛ لە ئەنجامی تەقەکردنەکەدا، کارمەندێکی تاقیگەکە بە ناوی (هاوکار رەحمان) گیانی لەدەستداوە. هەروەها، نەخۆشێک کە لە نزیک شوێنی رووداوەکە بووە، بە ناوی (شوان تالیب)، دوو گولـلەی بەرکەوتووە و بریندار بووە.
هێزە ئەمنییەکان گەیشتوونەتە شوێنی رووداوەکە و دەستیان بە لێکۆڵینەوەی ورد کردووە بۆ ئاشکراکردنی ناسنامەی تەقەکەرەکە و هۆکاری پشت رووداوەکە، کە تا ئێستا بە نادیاری ماوەتەوە.
دەزگای ئاسایشی هەرێمی کوردستان دەستگیرکردنی باندێکی 11 کەسی لە پارێزگای سلێمانی راگەیاند، کە تایبەتمەندبوون بە ئەنجامدانی کاری ساختەکاری لە بەڵگەنامە فەرمییەکاندا.
بەپێی راگەیەندراوێکی بەڕێوەبەرایەتی ئاسایشی پارێزگای سلێمانی، دوای بەدواداچوون و کۆکردنەوەی زانیاری ورد، هێزەکانیان توانیویانە بە فەرمانی دادوەری لێکۆڵینەوەی ئاسایش، سەرجەم ئەندامانی باندەکە دەستگیر بکەن.
ئاسایشی سلێمانی ئاشکرای کردووە کە تۆمەتباران لە ماوەی رابردوودا هەڵسابوون بە ساختەکردنی بەڵگەنامە و پشتگیری فەرمانگە حکومییەکان، کە بە "کەفالە" ناسراوە.
لە ئێستادا سەرجەم ئەندامانی باندەکە بەپێی ماددەکانی289 و 297 لە یاسای سزادانی عیراقی راگیراون و لێکۆڵینەوە لە دۆسیەکانیان بەردەوامە.
