سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش بەرزبونەوەیان تۆمار کرد و بەرمیلێک نەوتی برێنت لە سەرو 105 دۆلارەوە مامەڵەی پێوەدەکرێت.

ئەمڕۆ دووشەممە، بەهۆی گرژییەکانی ناوچەکەوە  و داخستنی گەروی هورمز، نەگەیشتنە رێککەوتنی ئێران و ئەمریکا بۆ کردنەوەی گەروەکە،  نرخی نەوت بەرزبونەوەی بەرچاوی تۆمارکردوە و  بەراورد بە هەمان کاتی دوێنێ،  بەرمیلێک نەوتی خاوی برێنت لە بازاڕەكانی جیهان بە 105 دۆلار و55 سەنت مامەڵەی پێوە دەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە 99 دۆلار و 96سەنت لە بازاڕەکاندا مامەڵەی پێوە دەکرێت.

تەیف سامی وەزیری دارایی عیراق ئیمزای لەسەر خەرجكردنی موچەی مانگی چواری هەرێمی كوردستان كرد.

بێستون سەلام پەیامنێری کوردسات نیوز لە بەغداد رایگەیاند: کەمێک پێش ئێستا وەزیری دارایی عیراق ئیمزای لەسەر خەرجکردنی موچەی مانگی چواری هەرێمی کوردستان کردووە.

 

بۆ یەكەمجار لەدوای 36 ساڵ بەرهەمهێنانی نەوت لە رێكخراوی ئۆپك بۆ نزمترین ئاستی خۆی دابەزی.

ئاژانسی بلومبێرگ رایگەیاندووە، بۆ یەكەمجار لەدوای ساڵی 1990ـەوە بەرهەمهێنانی نەوت لە رێكخراوی ئۆپیك بۆ نزمترین ئاست دابەزی و رۆژانە تەنها 20 ملیۆن و 55 هەزار بەرمیل نەوت بەرهەمدەهێنرێت.

بەپێی بلومبێرگ، ئاستی بەرهەمهێنانی ئۆپیك رۆژانە 420 هەزار بەرمیل نەوت كەمیكردووە و هۆكاری سەرەكی دەگەڕێتەوە بۆ ئاڵۆزییە سیاسییەكانی پەیوەست بە دۆسیەی ئێران و كەمبوونەوەی هەناردەی نەوت لە وڵاتانی كەنداو.

لەلایەكی ترەوە كشانەوەی ئیمارات لە ئۆپیك كاریگەریی لەسەر هاوسەنگی بەرهەمهێنان لەناو رێكخراوەكەدا دەبێت.

كەمبوونەوەی بەرهەمهێنانی نەوت مەترسی لەسەر دابینكردن و نرخی سوتەمەنیەكانی تر و هەڵاوسان و سستبوونی ئابوری جیهان زیاد دەكات.

سەرەڕای ئەوەش، ئۆپیك پڵەس بڕیاریداوە بۆ سەقامگیركردنی بازاڕ لە مانگی حوزەیراندا بەرهەمهێنان بە رێژەیەكی كەم زیاد بكاتەوە.

 

سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش نزمبونەوەیان تۆمار کرد و بەرمیلێک نەوتی برێنت لە سەرو 108 دۆلارەوە مامەڵەی پێوەدەکرێت.

ئەمڕۆ دووشەممە، سەرەڕای گرژییەکانی ناوچەکەوە  و داخستنی گەروی هورمز،  نرخی نەوت کەمێک دابەزی بەراورد بە هەمان کاتی دوێنێ و  بەرمیلێک نەوتی خاوی برێنت لە بازاڕەكانی جیهان بە 108 دۆلار و08 سەنت مامەڵەی پێوە دەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە  100دۆلار و 40 سەنت لە بازاڕەکاندا مامەڵەی پێوە دەکرێت.

سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش نزمبونەوەیان تۆمار کرد و بەرمیلێک نەوتی برێنت لە سەرو 108 دۆلارەوە مامەڵەی پێوەدەکرێت.

ئەمڕۆ دووشەممە، سەرەڕای گرژییەکانی ناوچەکەوە  و داخستنی گەروی هورمز،  نرخی نەوت کەمێک دابەزی بەراورد بە هەمان کاتی دوێنێ و  بەرمیلێک نەوتی خاوی برێنت لە بازاڕەكانی جیهان بە 108 دۆلار و11 سەنت مامەڵەی پێوە دەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە 101دۆلار و 65 سەنت لە بازاڕەکاندا مامەڵەی پێوە دەکرێت.

هەناردەی نەوتی عیراق بۆ ویلایەتە یەکگرتووەکانی ئەمریکا لە ماوەی هەفتەی رابردوودا زیادبوونێکی بەرچاوی بەخۆوە بینی، بەمەش عیراق سەرکەوت بۆ پلەی چوارەم لە نێوان ئەو وڵاتانەی زۆرترین نەوت هەناردەی بازاڕەکانی ئەمریکا دەکەن.

بەپێی زانیارییەکانی فەرمانگەی زانیاریی وزەی ئەمریکا، تێکڕای هاوردەی نەوتی خاوی ئەمریکا لە حەوت وڵاتی سەرەکییەوە گەیشتووەتە نزیکەی5.236 ملیۆن بەرمیل لە رۆژێکدا، ئەمەش دابەزینێکی بە بڕی1.386ملیۆن بەرمیل لە رۆژێکدا تۆمارکردووە بەراورد بە هەفتەی پێشووتر کە6.622 ملیۆن بەرمیل بوو.

ئامارەکان ئاماژە بەوە دەکەن کە تێکڕای هەناردەی عیراق بۆ ویلایەتە یەکگرتووەکان گەیشتووەتە 195 هەزار بەرمیل لە رۆژێکدا، کە بە بڕی 147 هەزار بەرمیل زیادی کردووە بەراورد بە هەفتەی پێشووتر کە تەنها 48هەزار بەرمیل بووە.

ماڵپەڕی تانکەر تراکەرز بۆ چاودێری جووڵەی کەشتییەکان رایگەیاند، کە وڵاتی کوەیت لە مانگی نیسانی رابردوودا هیچ بڕە نەوتێکی خاوی هەناردە نەکردووە، ئەمەش وەک یەکەمین روداوی لەو شێوەیە لە دوای کۆتاییهاتنی جەنگی کەنداوی ساڵی 1991 هەژمار دەکرێت.

ماڵپەڕی تانکەر تراکەرز لە  "ئێکس" بڵاویکردەوە: لە ماوەی مانگی نیسانی 2026 دا، کوەیت بۆ یەکەمجار لە دوای کۆتاییهاتنی جەنگی یەکەمی کەنداو، سفر بەرمیل نەوتی خاوی هەناردە کردووە.

ئەم پاشەکشە توندەی هەناردە لەکاتێکدایە کە وڵاتانی کوەیت، قەتەر، بەحرەین و عیراق بە گەورەترین زیانلێکەوتووی داخستنی گەرووی هورمز دادەنرێن، چونکە ئەم وڵاتانە کەمترین رێگەی بەدیلیان لەبەردەستە بۆ گەیاندنی بەرهەمە نەوتییەکانیان بۆ بازاڕەکانی جیهان بەبێ تێپەڕبوون بەو گەرووەدا.

لە بەرامبەردا، شرۆڤەکارانی بانکی "گۆڵدمن ساکس"ی ئەمریکی پێشبینی دەکەن کە وڵاتانی سعودیە و عومان سودمەندی سەرەکی بن لە داخستنی گەرووەکە، لەکاتێکدا وڵاتانی وەک ئیماراتیش رووبەڕووی زیان دەبنەوە.

لەلایەکی دیکەوە، فەرماندەیی هێزە دەریاییەکانی سوپای پاسدارانی ئێران رایگەیاند، کە "هاوکێشە و یاسای تایبەت"یان بۆ بەڕێوەبردنی نوێی ئاوەکانی کەنداو داناوە.

شایەنی باسە، ئەو جەنگەی لە 28ی شوباتی 2026لە نێوان ئێران و ئەمریکا و ئیسرائیل دەستی پێکرد، بووەتە هۆی پەککەوتنی نیمچە تەواوی هاتووچۆی کەشتیوانی لە گەرووی هورمز، ئەمەش کاریگەرییەکی راستەوخۆی لەسەر دابینکردنی نەوت لەسەر ئاستی جیهان هەبووە و نرخی وزەی بەرزکردووەتەوە.

هاوکات لەگەڵ ئەم قەیرانەدا، دامەزراوەی پەترۆڵی کوەیت رایگەیاند کە تەندەری بۆ 15 پرۆژە بە بەهای 190 ملیۆن دیناری کوێتی راگەیاندووە، ئەمەش لە نێوان کێبڕکێیەکی بەهێزی کۆمپانیا جیهانییەکاندا دێت.

ئاژانسی هەواڵی ئیسنا رایگەیاند، بەهای تمەنی ئێرانی، ئەمڕۆ چوارشەممە، نزمترین ئاستی مێژوویی تۆمارکرد و گەیشتە ملیۆنێک و 810 هەزار ریاڵ بەرامبەر یەک دۆلار، بەمەش تەنها لە دوو رۆژدا 15٪ی بەهاکەی لەدەستداوە.

ئەم پاشەکشەیە دوای ماوەیەک لە جێگیری دێت و بەپێی ئاژانسی رۆیتەرز هۆکارەکەی بۆ زیادبوونی خواست لەسەر دراوە بیانییەکانی وەک یۆرۆ و دەرەمی ئیماراتی دەگەڕێتەوە.

لە ئێستادا نرخی دۆلار لە بازاڕەکانی ئێران لە نێوان ملیۆنێک و 760 هەزار بۆ ملیۆنێک و810 هەزار تمەندا یاری دەکات.

کۆشکی کرملن رایگەیاند کە روسیا بە هیچ شێوەیەک پلانی نییە لە هاوپەیمانی "ئۆپیک پڵەس" بکشێتەوە، تەنانەت دوای ئەوەی دەوڵەتی ئیمارات بڕیاری دا لەو رێکخراوە بچێتە دەرەوە.

دیمیتری پێسکۆڤ، وتەبێژی کرملن، لە لێدوانێکدا بۆ رۆژنامەنووسان جەختی کردەوە کە وڵاتەکەی پابەندە بە هاوپەیمانێتییەکە و پێی وایە ئەم چوارچێوەیە گرنگە بۆ پاراستنی هاوسەنگی و سەقامگیری لە بازاڕەکانی نەوتدا.

 پێسکۆڤ بە کورتی وەڵامی ئەو دەنگۆیانەی دایەوە کە باسیان لە کشانەوەی روسیا دەکرد و وتی: نەخێر، بیر لە کارێکی وا ناکەینەوە.

سەبارەت بە کشانەوەی ئیمارات کە بڕیارە لە یەکی ئایارەوە بچێتە بواری جێبەجێکردنەوە، پێسکۆڤ وتی: "ئێمە رێز لە بڕیاری سەروەریی ئیمارات دەگرین، ئیمارات دەیەوێت بەم هەنگاوە ئاستی بەرهەمهێنانی نەوتی خۆی زیاد بکات بەبێ ئەوەی پابەندی ئەو بڕە دیاریکراوانە بێت کە ئۆپیک پڵەس بۆی دیاری کردووە.

پسپۆڕانی وزە پێیان وایە مانەوەی روسیا لەناو هاوپەیمانێتییەکەدا، دوای کشانەوەی کتوپڕی ئیمارات، هەوڵێکە بۆ رێگریکردن لە هەرەسھێنانی نرخەکانی نەوت لە بازاڕە جیهانییەکاندا.

وڵاتی ئیمارات، ئەمڕۆ سێشەممە، کشانەوەی خۆی لە رێکخراوی وڵاتانی هەناردەکاری نەوت (ئۆپیک) و هاوپەیمانی (ئۆپیک پڵەس) راگەیاند.

ئاژانسی هەواڵی ئیمارات (وام)، لە بەیاننامەیەکدا، بڵاویکردەوە: دەوڵەتی ئیمارات بڕیاری خۆی بۆ چوونە دەرەوە لە رێکخراوی (ئۆپیک) و (ئۆپیک پڵەس) راگەیاند"، ئاماژەی بەوەش کردووە کە "بڕیارەکە لە رێکەوتی 1ی ئایاری 2026ـەوە دەچێتە بواری جێبەجێکردنەوە".

لە بەیاننامەکەدا هاتووە کە "ئەم بڕیارە لەگەڵ دیدگای ستراتیژی و ئابووری درێژخایەنی دەوڵەتی ئیمارات و پەرەسەندنی کەرتی وزە لە وڵاتەکەدا دەگونجێت، لەوانەش خێراکردنی وەبەرهێنان لە بەرهەمهێنانی ناوخۆیی وزەدا.

هەروەها جەختکردنەوەیە لە پابەندبوونی ئیمارات بە رۆڵی خۆی وەک بەرهەمهێنەرێکی بەرپرسیار و جێگەی متمانە کە پێشبینی ئاییندەی بازاڕەکانی وزەی جیهان دەکات".

هەروەها روونکراوەتەوە کە "ئەم بڕیارە دوای پێداچوونەوەیەکی ورد بۆ سیاسەتی بەرهەمهێنانی ئیمارات و تواناکانی ئێستا و داهاتووی هاتووە، و لەبەرژەوەندی نیشتمانی و پابەندبوونی دەوڵەتە بۆ بەشدارییەکی کارا لە دابینکردنی پێداویستییە بەپەلەکانی بازاڕ، بەتایبەت لە کاتێکدا کە ناجێگیرییە جیۆپۆلیتیکییەکان لە کورتخایەندا بەردەوامن بەهۆی ئاڵۆزییەکانی ناوچەی کەنداوی عەرەبی و گەرووی هورمز کە کاریگەرییان لەسەر جوڵەی خستنەڕوو هەیە".

ئاماژە بەوەش دراوە کە ئاراستە سەرەکییەکان نیشانی دەدەن کە خواست لەسەر وزە لەسەر ئاستی جیهان لە مەودای ناوەند و درێژخایەندا بەردەوام لە گەشەکردندا دەبێت.

سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش بەرزبونەوەیان تۆمار کرد و بەرمیلێک نەوتی برێنت لە سەرو 105 دۆلارەوە مامەڵەی پێوەدەکرێت.

ئەمڕۆ سێشەممە، بەهۆی گرژییەکانی ناوچەکەوە  و داخستنی گەروی هورمز، نەەگشتە رێککەوتنی ئێران وئەمریکا بۆ کردنەوەی گەروەکە،  نرخی نەوت بەرزبونەوەی بەرچاوی تۆمارکردوە و  بەراورد بە هەمان کاتی دوێنێ،  بەرمیلێک نەوتی خاوی برێنت لە بازاڕەكانی جیهان بە 109 دۆلار و53 سەنت مامەڵەی پێوە دەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە 97 دۆلار و 79 سەنت لە بازاڕەکاندا مامەڵەی پێوە دەکرێت.

ئاژانسی رۆیتەرز بڵاویکردوەتەوە، دۆناڵد ترەمپ لە مانگی ئازاری رابردوودا 175 مامەڵەی دارایی ئەنجامداوە، کە تێیدا بڕی 51 ملیۆن دۆلار تاوەکو 161 ملیۆن دۆلاری لە کڕینی قەواڵە جیاوازەکاندا وەبەرهێنان کردووە.

بەپێی ئەو بەڵگەنامانەی کە لەلایەن نوسینگەی رەوشتی حکومەتی ئەمریکاوە بڵاوکراونەتەوە، زۆربەی ئەو سەرمایەیەی ئاشکرا کراوە بریتین لە قەواڵەی شارەوانییەکان، کە لەلایەن ویلایەتەکان، شارستانەکان و ناوەندە پەروەردەییەکانەوە دەرچوون، لەگەڵ قەواڵەکانی خەزێنەی ئەمریکا، کە قەبارەی گەورەترین مامەڵەکانی لە نێوان یەک ملیۆن بۆ پێنج ملیۆن دۆلاردا بووە.

لە پاڵ قەواڵە حکومییەکاندا، ترەمپ پشکی لە کۆمپانیا زەبەلاحەکانی کەرتی تەکنەلۆژیا، وزە، تەندروستی و خزمەتگوزارییە داراییەکان کڕیوە.

هەرچەندە بەڵگەنامەکان نرخە وردەکان دیاری ناکەن و تەنها ئاماژە بە مەودای نرخەکان دەدەن، بەڵام ئەم جووڵە داراییانە نیشاندەری بایەخی زۆری ترەمپە بە وەبەرهێنان لە قەواڵە جێگیرەکان و کەرتی تەکنەلۆژیای پێشەنگ.

نوسینگەی رەوشتی ئەمریکا وتویەتی؛ دۆناڵد ترەمپ پشکی کۆمپانیاکانی وەک (Weyerhaeuser) و (General Motors) و وەبەرهێنان لە سندوقێکی گەشەپێدەری قەواڵە جیهانییەکان کریوە.

ئاماژە بەوەشکراوە، ئەم هەوڵانەی سەرۆکی ئەمریکا نیشانەی ستراتیژییەتی ئەو بۆ دابەشکردنی سەرمایەکەیەتی لە نێوان کەرتی حکومی و بازاڕە جیهانییەکاندا.

بۆند یاخود قەواڵە، مەبەست لێی قەرزدانە بە حکومەتە خۆجێییەکان بۆ پڕۆژەی خزمەتگوزاری و دواتر وەرگرتنەوەی، کاتێک زیادەی دەچێتە سەر و  بە سەلامەتترین جۆری وەبەرهێنان لە جیهاندا دادەنرێت و گەڕانەوەی پارەکە گەرەنتییە.

سوتەمەنییە شلەکە، کە سەرچاوەی یەکەمی وزەیە لە جیهاندا نرخەکەی بەردەوام لە گۆڕاندایە و بەراورد بە دوێنێش هەریەکە لە نەوتی خاوى برێنت و تەکساسی ئەمەریکیش بەرزبونەوەیان تۆمار کرد و بەرمیلێک نەوتی برێنت لە سەرو 105 دۆلارەوە مامەڵەی پێوەدەکرێت.

ئەمڕۆ شەممە، بەهۆی گرژییەکانی ناوچەکەوە  و داخستنی گەروی هورمز،  نرخی نەوت بەرزبونەوەی بەرچاوی تۆمارکردوە و  بەراورد بە هەمان کاتی دوێنێ،  بەرمیلێک نەوتی خاوی برێنت لە بازاڕەكانی جیهان بە 105 دۆلار و49 سەنت مامەڵەی پێوە دەکرێت.

هاوكات جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە 96 دۆلار و 12 سەنت لە بازاڕەکاندا مامەڵەی پێوە دەکرێت.

ئەندامێکی ئەنجومەنی نوێنەرانی عیراق، داوای لە سەرۆکی ئەنجومەنی نوێنەران کردووە لە یاسای بودجەی ساڵی 2026دا، موچەی مامۆستایانی گرێبەست بخرێتە سەر حکومەتی عیراق.

پۆڵا شەهید سیروان دێڕەشەیی ئەندامی ئەنجومەنی نوێنەرانی عیراق رایگەیاند: ئەمڕۆ 23/04/2026 بە نووسراوێکی رەسمی داوام لە سەرۆکی ئەنجومەنی نوێنەران کرد، کە لە یاسای بودجەی ساڵی 2026 یان هەر یاسایەکی تری بودجە کە لە داهاتوودا پەسەند دەکرێت، 39 هەزار مامۆستای گرێبەست بکرێتە سەر بودجەی فیدراڵی و پاشان بکرێنە هەمیشەیی، کە مافێکی یاسایی و مرۆیی و دەستووریی خۆیانە.

ئەندامەکەی ئەنجومەنی نوێنەرانی عیراق ئاماژەی بەوەشداوە، سەرۆکی ئەنجومەنی نوێنەران ئیمزای لەسەر نووسراوەکە کرد و رەوانەی لایەنی پەیوەندیداری کرد.

 

ئەندامێکی ئەنجومەنی نوێنەرانی عیراق لەگەڵ پارێزگاری بانکی ناوەندی عیراق کۆبووەتەوە و باس لەوەکراوە: هاوردەکردنی دۆلار بۆ عیراق بەبێ هیچ ئاستەنگێک و بە هەمان رێژەی پێشوو بەردەوامە.

د. بڕیاڕ رەشید ئەندامی ئەنجومەنی نوێنەرانی عیراق لە هەژماری رەسمی خۆی لە تۆڕی کۆمەڵایەتی فەیسبوک رایگەیاندووە: هاوردەی دۆلار بۆ عیراق رانەگیراوە، هەنگاوەکانمان بۆ کردنەوەی بانکێکی تایبەت بەپارەدارکردنی پرۆژەی گەنجان لە عیراق بەردەوامە و بە یاوەری عەلی عومەر، نوێنەری سلێمانی لە ئەنجومەنی باڵای گەنجانی عیراق، لەگەڵ د. عەلی عەلاق پارێزگاری بانکی ناوەندی کۆبووینەوە.

ئەندامەکەی ئەنجومەنی نوێنەران ئاماژەی بەوەداوە: ‏‎لە دیدارەکەدا جەختمان کردەوە لەسەر خێراکردنی رێکارەکانی چالاککردنی دەستپێشخەری (ڕیادە) لە کوردستان بە مەبەستی پێدانی قەرز بە گەنجانی خاوەن کار، کە پێشوتر رەزامەندی سەرۆک وەزیرانی عیراقی بۆ وەرگیرا، وەک هەمیشە پشتیوانی تەواوی ئەم هەوڵە دەبین بۆ رەخساندنی هەلی کار و پشتگیریکردنی گەنجان و هاوکات داومانکرد لەگەڵ کردنەوەی بانکی پێشەنگی کە بانکێکی تایبەتی عیراقە بۆ پارەدارکردنی پرۆژەی گەنجان، گەنجانی کوردستانیش سودمەند بن لە خزمەتگوزاریەکانی.

‏‎د. بڕیار رەشید دەشڵێت: دەربارەی ئەو دەنگۆیانەی باس لە قەدەغەکردنی دۆلار دەکەن، پارێزگاری بانکی ناوەندی دڵنیایی دا کە هاوردەکردنی دۆلار بۆ عیراق بەبێ هیچ ئاستەنگێک و بە هەمان رێژەی پێشوو بەردەوامە و هەموو ئەو دەنگۆیانەی رەتکردەوە کەباس لەڕێگری بەردەم دۆلار دەکرێت.

 

مەزهەر محەمەد ساڵح، راوێژکاری دارایی سەرۆک وەزیرانی عیراق، ئەمڕۆ چوارشەممە، رایگەیاند کە پڕۆسەی تەمویلکردنی بازرگانیی دەرەکی بە دۆلار بە شێوەیەکی ئاسایی بەردەوامە و ئەو دەنگۆیانەی باس لە وەستانی هاتنی دۆلار لە ئەمریکاوە دەکەن، تەنها پەیوەندییان بە بەشێکی زۆر کەمی پێداویستییەکانەوە هەیە.

ساڵح لە لێدوانێکدا بۆ ئاژانسی هەواڵی عیراقی (واع) رونی کردەوە: ئەو دەنگۆیانەی باس لە وەستانی دۆلار دەکەن، تەنها تایبەتە بە نەختینەی گەشتیاران (کاش) کە تەنها 5٪ ی کۆی خواستی سەر دۆلار پێکدەهێنێت، ئەوەش بەهۆی کێشەی لۆجستی و داخرانی فڕۆکەخانەکان و کەمبوونەوەی گەشتە ئاسمانییەکانە کە لە ناوچەکەدا روویداوە.

راوێژکارەکەی سەرۆک وەزیران جەختی لەوەش کردەوە کە 95٪ ی خواستی سەر دۆلار کە بۆ هاوردەکردنی کاڵا و خزمەتگوزارییەکانە، بەبێ پچڕان لە رێگەی حەواڵەی بانکییەوە بەڕێوەدەچێت. ئاماژەی بەوەش کرد کە گەشتیاران دەتوانن لەبری دۆلاری نەختینە، کارتە ئەلیکترۆنییەکانی پارەدان بەکاربهێنن کە بەدیلێکی مۆدێرن و ئاسانە.