کوردستان
چرۆ حەمە شەریف کاندیدی ھاوپەیمانی کوردستان سوپاسی لایەنە پەیوەندیدارەکانی کرد لە دابینکردنی کەشێکی ئارام بۆ بەڕێوەچوونی بانگەشەی ھەڵبژاردن لە ناوچەکەدا.
دەقی پەیامەکە ...
بەڕێزان خوشک و برایانی ئێزدیی
بە بۆنەی ھاتنی جەژنی (جەما) گەرمترین پیرۆزبایی ئاڕاستەی خوشک و برا ئێزدییەکانی ھەرێمی کوردستان و جیھان دەکەم و ھیوادارم ئەم جەژنە ببێتە مایەی قوڵترکردنەوەی کلتوری پێکەوە ژیان و برایەتی و تەبایی لە نێوان پێکھاتە ئاینی و نەتەوەییەکانی ھەرێمی کوردستان و ساڕێژبوونی خەم و ئازارەکانی ئەو مەرگەساتەی کە ساڵانی ڕابردوو ڕووبەڕووی ئێزدییەکان بووەوە.
جەژنی ئەمساڵ کە ھاوکاتە لەگەڵ خۆئامادەکردن بۆ بەشداریکردن لە پڕۆسەیەکی چارەنووسسازدا، کەھەڵبژاردنی ئەنجومەنی نوێنەرانی عێراقە، داواکارم لە ئێوەی خوشک و برایانی ئێزدیی بەشدارییەکی کارا بکەن لە پڕۆسەی دەنگداندا، لە پێناو دیاریکردنی نوێنەری متمانە پێکراوی خۆتان و بەشداری کاراتان لە پڕۆسەی سیاسی عێراقدا.
ھەموو ساڵێک ئێزدییەکان ھەر لە خێر و خۆشیدا بن.
قوباد تاڵەبانی
جێگری سەرۆکی ئەنجومەنی وەزیران
کاکەییەکانیش خۆشحاڵی خۆیان پیشاندا بە سەردانەکەی قوباد تاڵەبانی و پشتیوانی خۆیان بۆ ھاوپەیمانی کوردستان دووپاتکردەوە.
بافڵ تاڵەبانی لە دەباشان لەگەڵ ژمارەیەک کەسایەتی عەشیرەتی کۆکۆیی کۆبووەوە و ڕۆڵی کەسایەتییەکانی خزمانی کۆکۆیی لە کۆمەڵگەی کوردەواری بەرزنرخاند لە پاراستنی بەھا بەرزەکانی جوامێری و پێکەوەژیان و بەشداری کاریگەریان لە شۆڕش و خەباتی کوردایەتی، بە تایبەت لە شۆڕشی نوێدا کە ھەمیشە پشت و پەنای یەکێتی بوون و لە قۆناغە جیاجیاکاندا لە سەنگەری بەرگری بوون و بۆ ساتێکش پشتیان لە یەکێتی نەکرد، ڕایگەیاند ئەمە جێگای ستایش و پێزانینمانە.
ھاوسەرۆک پەیوەست بە گۆڕانکارییەکانی یەکێتی و ڕێکخراوەیی، بەرچاوڕوونیدایە ئامادەبووان و ڕایگەیاند، بڕیارەکانی یەکێتیی نیشتمانیی کوردستان لە خزمەتی چاکەی گشتی و بوژاندنەوە و گەشەپێدانی یەکێتی و ڕێکخستنەوەی ئۆرگانەکانە و بەرنامەی یەکێتی کە بەرنامەی خزمەتە فراوانتری دەکەین و دەبێت یەکێتی، کە یەکێتی خەڵکە، ئەرکی خۆی کە خزمەتکردنە بەجێبگەیەنێت، چیتر یەکێتی تاقم و گروپ نییە کە حزب بۆ بەرژەوەندی شەخسی و لێدان لە بەرژەوەندی گشتی بەکاربھێنرێت.
بافڵ تاڵەبانی ئاماژەی بۆ ئەوەشکرد، چۆن لە ڕابردوودا خزمانی کۆکۆیی پشتیوان و ھاوکاری یەکێتی بوون، داوایان لێیان ئەوەیە بە ھەمان شێوە لەم ھەڵبژاردنەشدا لەگەڵیان بن و متمانە ببەخشن بە کاندیدانی ھاوپەیمانی کوردستان تا زامنی بەھێزی پێگەی کورد لە بەغدا و مووچە و قوتی خەڵکی کوردستان بکەن.
ئاماژەی بەوەشدا، یەکریزی نێوان یەکێتی و گۆڕان تەنھا بۆ بانگەشەی ھەڵبژاردن نیە ، بەڵکو لە دوای ھەڵبژاردنیش یەکریزی نێوانیان بەردەوام دەبێت ، تا لەو ڕێیەوە بتوانن باشتر بەرگری لە مافەکانی گەلی کورد بکەن.
دواتریش قوباد تاڵەبانی سەردانی مەکۆی سەرەکی بزووتنەوەی گۆڕانی لە کەرکوک کرد و جەختی کردەوە لەسەر بەردەوامیدان بە کاری پێکەوەیی لە نێوان یەکێتی و گۆڕان بۆ ئەوەی کورد بەھێزتر بێت و باشتر بتوانێت بەرگری لە مافەکان بکات.
کەسانی شارەزا و پسپۆڕ ڕایانگەیاند، شێرپەنجە نەخۆشییەکی کوشندە نییە و دەتوانرێت ھەر وەک نەخۆشییەکی تر چارەسەر بکرێت.
لە دیدارەكەدا بافڵ تاڵەبانی بە گرنگییەوە ئاماژەی بە رۆڵی چاكەخوازانەی مامۆستایان و زانایانی ئایینی، لە كۆمەڵگەی كوردەواری لە بەهێزكردنی كەلتوری پێكەوەژیان و رێزگرتن لە بەها پیرۆز و نەتەوەییەكان كرد و رایگەیاند، یەكێتی بە چاوێكی رێزەوە دەڕوانێتە پێگەی رەوتی سەلەفییەكان لە هەرێمی كوردستان، نرخاندنی هەیە بۆ بیری میانڕەوییان كە لە رابردوودا رۆڵی گرنگیان بینیوە لە قوڵكردنەوەی گیانی پێكەوەژیان لەنێوان هەموو نەتەوە و پێكهاتە و ئاینزاكان و پاراستنی ئاسایش و ئاشتی كۆمەڵایەتی، هەوڵەكانیشیانی بۆ روبەڕوبوونەوەی بیری توندڕەویی بە گرنگ وەسفكرد و داوایكرد، هەموو لایەك هاوكار و پشتیوانبن بۆ برەودان بە گیانی تەبایی و لێبوردەیی و زیاتر خزمەتكردنی خەڵك.
ئەندازیار توانا کەمال سەرۆکی شارەوانی سلێمانی بە کوردسات نیوزی رایگەیاند، وەکو شارەوانی سلێمانی ئامادەکاری تەواومان کردووە بەمەبەستی تاپۆکردنی ئەو خانووانەی موڵکی حکومەت بوون و کراوەنەتە شوێنی نیشتەجێبوون و تاپۆ نەکراون، بۆ ئەوەش لیژنەمان دروستکردووەو چاوەڕوانی ھەموواری یاساکە بووین.
راشیگەیاند، لە ئێستادا یاساکە ھەموار کراوە چاوەڕوانی رێنمایی وەزارەتی شارەوانی دەکەین و دوای دەرکردنی رێنمایی دەست بەتاپۆکردنیان دەکرێت.
سەرۆکی شارەوانی سلێمانی وتیشی، "ئەو خانووانەی تاپۆ دەکرێن ئەوانەن کە موڵکی حکومەتن و ئەوانەشی بەر شەقام دەکەون لەلایەن حکومەتەوە بڕیاری قەرەبووکردنەوەیان دەدرێت".
بە مەبەستی پیشاندانی پشتیوانی لە زیندانیانی بادینان، ئەمڕۆ لە بەردەم دادگای شارەکانی ھەرێم چالاکوانانی مەدەنی گردبونەوەی ناڕەزایی رێکدەخرێت، لەو چوارچێوەیەشدا لەلایەن (کەمپینی ھاودەنگی لەگەڵ زیندانیانی بادینان) لە ھەموو شارەکانی ھەرێم یەک وتاری ھاوبەش دەخوێنرێتەوە.
لە راگەیەنراوێکیشدا ھاتووە کە رێگە نادرێت ئەو چالاکیەکانە بکرێنە شوێنێک بۆ کەمپینی ھەڵبژاردن، یان بۆ مەبەستی تر بقۆزرێنەوە، داواش لە ھەموو چین و توێژەکان دەکەن لە پێناو پیشاندانی یەک دەنگی نیشتمانی و بەرگری لە ئازادبونی زیندانیانی بادینان بەشداری گردبونەوەکان بکەن.
ئوسامە عەتەڵا جێگری لێپرسراوی کارگێڕی نوسینگەی کەرکوکی کۆمسیون رایگەیاند، ئامادەکارییەکانیان بۆ ھەڵبژاردنی پێشوەختی ئەنجومەنی نوێنەرانی عێراق تەواو بووە و نزیکەی ٩٠٪ی ھاوڵاتیانی کەرکوک کارتی بایۆمەتری دەنگدانیان وەرگرتوەتەوە.
وتیشی، لە کەرکوک سێ بازنەی ھەڵبژاردن ھەیە و پێشبینیش دەکەن، بۆ ئەم جارە دەنگدەرێکی زۆر روو لە سندوقەکانی دەنگدان بکات.
دوای زیاتر لە ساڵێک لە زیندانیکردنیان، بڕیار بوو ئەمڕۆ دادگاییکردنی "مەسعود عەلی و شیروان تەھا و بەندەوار رەشید و کارگەر عەباس" لە دادگای دووی ھەولێر بەڕێوەبچێت، بەڵام "بەشدار حەسەن" ئەندامی تیمی پارێزەرانی دەستگیرکراوانی بادینان لە کۆنفرانسێکی رۆژنامەوانیدا رایگەیاند، بەپاساوی گواستنەوەی دوو دادوەری دۆسیەکە، پرۆسەی دادگاییکردنەکە بۆ ٢٠ی کانوونی یەکەم دواخراوە.
وەزارەتی کارەبای ھەرێم رایگەیاند، ئەمڕۆ بەھۆی سوتانی کێبڵەکانی گۆڕەری وێستگەی ١٣٢ کەیڤی سۆران، ھەموو ماڵەکانی سەنتەری قەزای سۆران بێ کارەبان.
ئاماژەی بۆ ئەوەشکرد، تیمەکانی کارەبا سەرقاڵی چاککردنەوەن و بەمزووانە کارەبای چەند گەڕەکێکیان ئاسایی دەبێتەوە و دواتر کارەبای گەڕەکانی تریش چارەسەر دەکرێن.
لە رێوڕەسمێکدا بە ئامادەبوونی سەرپەرشتیاری ئیدارەی گەرمیان و سەرۆکی دەستەی پاراستنی ژینگەی ھەرێم، ھەڵمەتی رواندنی نەمام لە کەلار راگەیەنرا، جەلال نوری سەرپەرشتیاری ئیدارەی گەرمیانیش رایگەیاند، ئامانج لە ھەڵمەتەکە سەوزکردن و چاککردنی ژینگەی گەرمیانە.
راشیگەیاند، ئەو هەڵبژاردنە دەرفەتێكە بۆئەوەی سەركەوتنی گەورە بەدەستبهێنن، هاوسەنگی هێز بگەڕێننەوە و لە بەغداد شەڕی بەدەستهێنانی مافەكانی خەڵكی كوردستان بكەن.
وتیشی، سەقامگیری هەرێم و بەغداد بەیەكەوە گرێدراوە، ئەگەر نەتوانن پەیوەندییەكان لەگەڵ بەغداد رێكبخنەوە، سەقامگیری هەرێمیش دەكەوێتە مەترسییەوە.