کوردستان
ھاوکات لە ڕۆژانی جەژندا ژمارەیەکی زۆر لە گەشتیار ڕوویان لە پارێزگای سلێمانی کردووە و تا ئێستاش ھاتنی گەشتیار بەردەوامە.
ھاوسەرۆکی یەکێتی ئاماژەی بەوەشدا، کە ڕۆڵی مێژوویی و پڕ لە سەروەری یەکێتی مامۆستایان لە ڕابردوودا لە یاد ناکەن و بەڕێزەوە یادی ئەو مامۆستا تێکۆشەرانە دەکەنەوە کە سەرباری خزمەتکردنیان بە بواری پەروەردە، بە بیر و قەڵەمە بوێرەکەیان تاوێکی تریان بە خەبات و شۆڕشی نوێ داوە.
لە کۆتایشدا بافڵ تاڵەبانی ڕایگەیاند، بەھۆی ئەو دۆخە نەخوازراوەی لە ساڵانی ڕابردوودا ڕووبەڕووی ھەرێمی کوردستان بووەوە، مامۆستایان بە دۆخێکی سەخت و ناھەمواردا تێپەڕین. بۆیە بە ئەرکی خۆیان و کاری لە پێشینەیانی دەزانن کە ھەوڵی بێوچان بدەن بۆ دابینکردنی ژیانێکی شایستە و بەدیھێنانی ماف و داخوازییەکانی مامۆستایان.
دەقی پەیامەکە ...
لە ساڵیادی دامەزراندنی یەکێتیی مامۆستایانی کوردستان، گەرمترین پیرۆزبایی ئاڕاستەی مامۆستایانی کوردستان و پەروەردەکاران دەکەم.
یەکێتیی نیشتمانیی کوردستان خۆی بە بەشێک لە خەباتی پیشەیی و مەدەنیی مامۆستایان دەزانێت و بە گرنگییەوە لە ڕۆڵ و کاریگەری ئەم چینە ماندوونەناسە دەڕوانێت. لەلای ئێمە مامۆستا پایەبەرزەکان پێگەیەکی گرنگ و باڵایان ھەیە و ماندووبوونیان لە پێناو پەروەردەکردن و گۆشکردنی نەوەی نوێخواز و زانستخواز جێگای سوپاس و ستایشی بەردەواممانە.
ڕۆڵی مێژوویی و پڕ لە سەروەری ئێوە لە ڕابردوودا لە یاد ناکەین و بەڕێزەوە یادی ئەو مامۆستا تێکۆشەرانە دەکەینەوە کە سەرباری خزمەتکردنیان بە بواری پەروەردە، بە بیر و قەڵەمە بوێرەکەیان تاوێکی تریان بە خەبات و شۆڕشی نوێ دا.
بەھۆی ئەو دۆخە نەخوازراوەی لە ساڵانی ڕابردوودا ڕووبەڕووی ھەرێمی کوردستان بووەوە، مامۆستایان بە دۆخێکی سەخت و ناھەمواردا تێپەڕین. بۆیە بە ئەرکی خۆمان و کاری لە پێشینەمانی دەزانین کە ھەوڵی بێوچان بدەین بۆ دابینکردنی ژیانێکی شایستە و بەدیھێنانی ماف و داخوازییەکانتان.
بافڵ تاڵەبانی
ھاوسەرۆکی یەکێتیی نیشتمانیی کوردستان
یەکێتی مامۆستایانی کوردستان پەیامێکی بڵاوکردەوە و تیایدا داوا لە حکومەتی ھەرێمی کوردستان دەکات کۆتایی بە لێبڕینی نایاسایی مووچە بھێنێت و ژمارەی بانکی بۆ سەرجەم مامۆستایان بکاتەوە و مووچەی ئەو مانگانەیان بۆ بگەڕێنێتەوە کە نەدراون یان پاشەکەوت کراون.
داواش دەکات مامۆستایانی وانەبێژ کە لە ئێستادا بۆشایی دانەمەزراندنی مامۆستایانیان پڕکردووەتەوە، خزمەتیان لە بەرچاو بگیرێت و بە بەردەوامی شایستە داراییەکانیان پێبدرێت و بە گرێبەست یان ھەمیشەیی دایان بمەزرێنن. یەکێتی مامۆستایان داواش دەکات پلە و مووچە بەرزکردنەوە کە لە ساڵی ٢٠١٥ەوە ڕاگیراوە، دەستپێبکاتەوە.
جەختیش دەکاتەوە لە جێبەجێکردنی ڕەشنوسی پارێزبەندی مامۆستایان کە سێ ساڵ زیاترە ڕەوانەی پەرلەمانی کوردستان کراوە. داواش دەکات لە یاسای چاکسازی دەست بۆ دەرماڵەی مامۆستایان بە گشتی و مامۆستایانی زانکۆ بە تایبەتی نەبرێت، لە یەکخستنی یاسای خانەنشینیش دادپەروەری لەبەرچاو بگیرێت.
لە دووەم ڕۆژی سەردانەکەی بۆ کۆماری ئەرمینیا، قوباد تاڵەبانی لەگەڵ وەزیری دەرەوەی ئەرمینیا کۆبووەوە و پێکەوە لە بارەی پەیوەندییە دوو قۆڵییەکان و پێشھاتەکانی ناوچە گفتوگۆیان کرد. ھەردوولا ھاوڕابوون لەسەر پەرەپێدانی کاری ھاوبەش لە نێوان ھەرێمی کوردستان و کۆماری ئەرمینیا و لەسەر بارودۆخی کوردانی نیشتەجێی ئەرمینیاش ھەڵوێستەیان کرد بە تایبەت ئەو کوردانەی بۆ خوێندن ڕوویان لەو وڵاتە کردووە.
لە تەوەرێکی تری کۆبوونەوەکەدا تیشک خرایە سەر کۆمەڵگای ئەرمەنی لە کوردستان و بە گرنگییەوە باس لە دەستپێکردنی گەشتی ڕاستەوخۆی نێوان ھەرێمی کوردستان و کۆماری ئەرمینیا کرا کە بڕیارە لە مانگی داھاتوودا دەست پێ بکات.
ھەردوولا ھاوڕابوون لەسەر گرنگی دروستکردنی پەیوەندی بازرگانی و ئاسانکاری پێدانی ڤیزا و کەڵک وەرگرتن لە ئەزموونی ئەرمینیا لە بواری وزە لە ھەرێمی کوردستان.
سەردانەکەی قوباد تاڵەبانی بۆ کۆماری ئەرمینیا لەسەر بانگھێشتی فەرمی حکومەتی ئەرمینیایە و سێ ڕۆژ دەخایەنێت. لەم سەردانەدا ھەر یەکە لە دارا ڕەشید وەزیری پلاندان و ئومێد سەباح سەرۆکی دیوانی ئەنجومەنی وەزیران یاوەری جێگری سەرۆک وەزیرانن.
قوباد تاڵەبانی ئاماژەی بەوەشدا، لەم قۆناغەشدا و لە بەرامبەر وەفاداری و بەخشینە بەردەوامەکان و بەرگەگرتنی ڕێکخراوەکە بۆ ھەموو ئەو بارە ناھەموارانەی ھەرێمی پێیدا تێپەڕیووە، سوپاسگوزاریانن کە بەردەوام بوون لە برەودان بە گۆڕەپانی پەروەردەیی و ھەڵگرتنی مەشخەڵی زانست و فێرکردن.
جێگری سەرۆکی ئەنجومەنی وەزیران ڕاشیگەیاند، ھیوادارن یەکێتی مامۆستایان بەردەوام بێت لەو ڕێگایەیەی گرتوویانەتەبەر بۆ خزمەتکردنی کوردستان و پشتیوانیکردنی ڕەوتی پەروەردە و فێرکردن، ئەوانیش لە حکومەتی ھەرێمی کوردستان شانازی بە ئارامگرتن و بەردەوامییانەوە دەکەن کە سەرباری قەیرانەکان لە خەمی بەردەوامیی پڕۆسەی خوێندندا بوون.
دەقی پەیامەکە ...
بەڕێزان سەرۆک و ئەندامانی سکرتارییەتی یەکێتی مامۆستایانی کوردستان
پیرۆزبایی یادی ٥٩ ساڵەی دامەزراندنی یەکێتی مامۆستایانی کوردستانتان لێ دەکەم، ھیوادارم بەردەوام بن لە خەباتی پیشەیی و پەروەردەیی لە پێناو ھێنانەکایەی پەروەردەیەکی ھاوچەرخ بۆ نەوەکانی داھاتوو.
ھەر لە سەرەتای دامەزراندنییەوە ئەم ڕێکخراوە تێکۆشەرە، دڵسۆزانە ڕۆڵی گەورەی بینیوە و شانبەشانی خەباتی ڕزگاریخوازی گەلەکەمان بەردەوام بووە لە قوربانیدان و کارکردن بۆ فێرکردنی نەوەکانی ئەم گەلە بە پرنسیپەکانی پەروەردە و زانست.
لەم قۆناغەشدا و لە بەرامبەر وەفاداری و بەخشینە بەردەوامەکان و بەرگەگرتنتان بۆ ھەموو ئەو بارە ناھەموارانەی ھەرێمەکەمان پێیدا تێپەڕیووە، سوپاسگوزارتانین کە بەردەوام بوون لە برەودان بە گۆڕەپانی پەروەردەیی و ھەڵگرتنی مەشخەڵی زانست و فێرکردن.
ھیوادارین بەردەوام بن لەو ڕێگایەیەی گرتووتانەتەبەر بۆ خزمەتکردنی کوردستانە ئازیزەکەمان و پشتیوانیکردنی ڕەوتی پەروەردە و فێرکردن، ئێمەش لە حکومەتی ھەرێمی کوردستان شانازی بە ئارامگرتن و بەردەوامیتانەوە دەکەین کە سەرباری قەیرانەکان لە خەمی بەردەوامیی پڕۆسەی خوێندندا بوون.
دووبارە ھیوای سەرکەوتنتان بۆ دەخوازین و ھیوادارین یەکێتی مامۆستایان بە ھەمان گوڕوتینی پێشتر و دڵسۆزانەتر کار بکات بۆ خزمەتکردن و پاراستنی شکۆی مامۆستایان و ھەوڵەکانی چڕتر بکاتەوە لە پێناو بە دەستھێنانی ئامانج و مافەڕەواکانیان.
قوباد تاڵەبانی
جێگری سەرۆکی ئەنجومەنی وەزیران
بە پێی ڕاگەیەندراوێکی وەزارەتی تەندروستی ھەرێم، لە ماوەی ٢٤ سەعاتی ڕابردوو لە ھەرێمی کوردستان ١٤١ کەسی تر تووشی ڤایرۆسی کۆرۆنا بوون و ٦ تووشبووی تری کۆرۆنا گیانیان لە دەستدا و ٧٥٣ تووشبووی تری ڤایرۆسەکە چاکبوونەتەوە.
وەزارەتی پەروەردەی ھەرێمی کوردستان لە ڕاگەیەنراوێکدا ئاماژەی بەوەکردووە، لە ڕۆژی یەکشەممەوە پڕۆسەی خوێندنی ناو پۆل بۆ قۆناغی یەکەمی بنەڕەتی تا ١١ی ئامادەیی لە سەرجەم خوێندنگە حکومی و ناحکومی و گوندەکان دەستپێدەکات.
ئاماژەی بەوەشکردووە، لە ھەفتەیەکدا سێ ڕۆژ دەوام دەکرێت و پێویستە ھەموو لایەک پابەندبن بە ڕێنماییە تەندروستییەکان، ڕاشیگەیاند، خوێندنی ئەلیکترۆنی و گروپی وانەکان لە تۆڕەکۆمەڵایەتییەکان بەردەوام دەبن و دەتوانرێت ئەو سێ ڕۆژەی خوێندکار لەناو پۆل نییە، ئەرکی ماڵەوەی زیاتر پێبدرێت و پەرە بە تواناکانی فێربوونی بدرێت.
وەزارەتی پەروەردە ڕوونیشیکردەوە، بەخێوکاری خوێندکاران ئەگەر ئارەزوویان بێت منداڵەکەیان لەناو پۆل نەخوێنێت، دەتوانن لە ھەفتەی یەکەمی دەستپیکردنەوەی خوێندن فۆڕمی بەڵێننامە پڕ بکەنەوە کە بە خوێندنی ئەلیکترۆنی و پاڵپشتی ماڵەوە بەردەوام دەبن، بەڵام تاقیکردنەوەکانی کۆتایی ساڵ لەناو پۆل دەبێت.
"عەلی ڕەئوف" بەڕێوەبەری گشتی گەشتوگوزاری سلێمانی بە کوردسات نیوزی ڕاگەیاند، بە پێی ئامارە سەرەتاییەکان لە یەکەم ڕۆژی جەژنی ڕەمەزانەوە تا ئێستا نزیکەی ٨٠ ھەزار گەشتیار لە بازگەکانەوە ھاتونەتە سلێمانی و زۆربەیان لە ناوەڕاست و خوارووی عێراقەوە ھاتوون.
وتیشی، تیمەکانیان بەردەوامن لە چاودێری ڕەوشی گەشتیاری و نرخی خزمەتگوزارییەکان لە شوێنە گەشتیاری و ئۆتێل و مۆتێلەکان و ڕێگری لە سەرپێچی دەکەن.
بەڕێوەبەری گشتی گەشتوگوزاری سلێمانی ئاماژەی بەوەشکرد، بەھۆی ھاتنی ئەو ژمارەیەی گەشتیاران زۆربەی ئۆتێلەکان پڕبوون لە گەشتیار و ھەندێکیان جێگایان نەماوە.
قائیمقامییەتی قەزای دوکان رایگەیاندووە، بەپێی زانیارییەکان گەشتیارەکە عەرەبە و تەمەنی ٤٠ ساڵەو دانیشتوی شاری بەغدادە و بەمەبەستی گەشت کردن ھاتوونەتە قەزای دوکان.
لە بارەی روداوەکەوە سیروان سەرحەد قائیمقامی دوکان ڕایگەیاند، تیمەکانی مەلەوانی دوکان و ھێزەکانی ئاسایشی ناوخۆ چوونەتە شوێنی رووداوەکە و لە ھەوڵی دەرھێنانەوەی تەرمەکەدان .
قائیمقامی دوکان داوا لە گەشتیاران دەکات، پابەندی ڕێنماییەکان بن و بەھیچ جۆرێک لە دەریاچەی دوکاندا مەلە نەکەن .
بەپێی راگەیەندراوێکی کۆمیتەی ١٦ی رێکخستنی یەکێتیی نیشتمانیی کوردستان لە ناحیەی دینارتە، محەمەد ساڵح ئەندامی کۆمیتە لەلایەن ھێزەکانی سەر بەپارتی دەستگیرکراوە.
کۆمیتەی یەکێتی لەناحیەی دینارتە ئاماژەی بەوەکردووە، یەکەم جار نییە ھێزەکانی پارتی لەو سنورە کادر و ئەندامانی یەکێتی دەستگیر دەکەن و ئەو جۆرە کارانە دەبێتە ھۆی شێواندنی سەقامگیری ناوچەکە و ھەرێمی کوردستانیش، بۆیە داوا دەکەن بە زوترین کات ئازاد بکرێت.
مێڤان حازم لێپرسراوی کۆمیتەی دینارتەی یەکێتی بە کوردسات نیوزی راگەیاند، لەم سنورە تۆمەتی جیاجیا بۆ کادر و ئەندامانی یەکێتی دروست دەکرێت تەنھا بۆئەوەی دەستگیر بکرێن، دەستگیرکردنی ئەم کادرەش ھەر لەو چوارچێوەیەدایە.
بەڕێوەبەری ئاسایشی ناحیەی دینارتەش بە کوردسات نیوزی راگەیاند، ئەو کادرە لەلایەن ھێزێکی پێشمەرگەی رۆژ دەستگیرکراوە و رەوانەی ئاسایشی ئاکرێ کراوە.
وتیشی، ناتوانن زانیاری زیاتر لە سەر ئەو بابەتە بدەن و چاوەڕێی لێکۆڵینەوە دەکەن.
شەریف ڕەحیم جێگری تەندروستی چەمچەماڵ، ڕایگەیاند، سەعات١٠ی ئەمشەو بەھۆی ڕووداوێکی تەقە کردنەوە لەسەنتەری قەزای چەمچەماڵ، کەسێک گیانی لەدەستدا.
وتیشی، پاشگەیاندنی تەرمەکەی بۆ نەخۆشخانەی شەھید پێشڕەو گرتنبەری ڕێکارە یاساییەکان، تەرمەکەی ڕەوانەی پزیشکی دادی سلێمانی کراوە.
"قوباد تاڵەبانی" جێگری سەرۆکی حکومەتی ھەرێمی کوردستان و وەفدێکی ھەرێم، بە مەبەستی کەڵک وەرگرتن لە ئەزموونی ئەرمینیا لە کەرتە جۆربەجۆرەکانی "تەکنەلۆژیای زانیاری (ئای تی) و خوێندنی پیشەیی و پەرەپێدانی توانای گەنجان" سەردانی ئەو وڵاتە دەکات.
بڕیارە زنجیرەیەک کۆبوونەوە لەگەڵ گەورە لێپرسراوانی ئەرمینیا ئەنجام بدات، لە ھەمان کاتدا سەردانی چەند سەنتەرێکی ئەکادیمی و پیشەیی ئەو وڵاتە دەکات.
سەرچاوەیەک بە کوردسات نیوزی ڕاگەیاند کە ئەو ٦٥ کەسەی لە پڕۆژەی ئاوی سلێمانی- دوکان ھێڵی دوو، کاردەکەن و ماوەیەک بەر لە ئێستا لە بەرامبەر دامەزراندنیان بە گرێبەستێکی ڕەسمی لەسەر میلاکی وەزارەتی شارەوانی چەند جارێک مانیان گرت لە کارکردن، پاش ئەوەی ناڕەزایەتییەکەیان گەیاندە قوباد تاڵەبانی جێگری سەرۆکی ئەنجومەنی وەزیران، سەرۆکایەتی ئەنجومەنی وەزیران بە فەرمانێک ڕەزامەندیدا لەسەر دامەزراندنیان بە گرێبەستی ڕەسمی.
بە پێی ڕاگەیەندراوێکی وەزارەتی تەندروستی ھەرێم، لە ماوەی ٢٤ سەعاتی ڕابردوو لە ھەرێمی کوردستان ٣٥٣ کەسی تر تووشی ڤایرۆسی کۆرۆنا بوون و ٧ تووشبووی تری کۆرۆنا گیانیان لە دەستدا و ١٠١٤ تووشبووی تری ڤایرۆسەکە چاکبوونەتەوە.
پارێزگاری ھەولێر لە راگەیەنراوێکدا ئاماژەی بەوەکردووە، دوای بڵاوبوونەوەی گرتە ڤیدیۆییەک، کە تێیدا خێزانێکی شاری ھەولێر، لەلایەن چەند کەسێکەوە لەوڵاتی تورکیا و لەنێوان ھەردوو شاری مێرسین و ئەدەنا بەشێوەیەکی زۆر نامرۆڤانە ھێرشیان دەکرێتەسەر و لێیان دەدرێت، پەیوەندی بەو خێزانە و کەس و کاریانکردوە و دڵنیایکردنەوە لەگەڵ لایەنە رەسمییەکان لەسەر ھێڵدەبێت بۆ دەستگیرکردنی تاونباران و بەسزاگەیاندنیان .
راشیگەیاندوە، کردەوەی لەوجۆرە بەرامبەر بەھاوشاریانی خۆیان قبوڵناکەن و بەتوندی سەرکۆنەی دەکەن و داوایان لە بەرپرسی فەرمانگەی پەیوەندییەکانی دەرەوەی حکومەتی ھەرێمی کوردستان و کونسوڵی گشتیی وڵاتی تورکیا لەھەولێر کرد بەزووترین کاتدا پەڕاوی لێکۆڵینەوە بۆ ئەو بابەتە بکرێتەوە و لەڕێگەی یاساوە ھۆکاری ئەو پەلاماردان و ھێرشکردنە نامرۆڤانەیە بۆ سەر ئەو خێزانە یەکلابکرێتەوە و پەلاماردەر و تاوانباران بەسزای توندی یاسایی خۆیان بگەێنن.
وتیشی، دوای گەیاندنی ناڕەزاییەکان سێ کەس لە پەلاماردەرەکان دەستگیرکراون.
بەڕێوەبەرایەتی کارەبایی گەرمیان بڵاوی کردەوە، لە ١٢ی ئەم مانگەوە بەرھەمھێنانی کارەبا لە وێستگەی کارەبای (١٦٥) مێگاواتی گەرمیان دەستپێکردووە لە ئێستاشدا بڕی بەرھەمھێنانی کارەبا لە وێستگەکە گەیشتووەتە ٤٠ مێگاوات.
بە پێی ئەو بەرنامەیەی بۆ وێستگەکە دانراوە ڕۆژانە بڕی بەرھەمھێنانی کارەبا ١٠ مێگاوات زیاد دەکات و بڕیارە تاوەکو کۆتایی مانگی شەش بڕی بەرھەمھێنانی بگاتە (١٦٥) مێگاوات.
پڕۆژەی وێستگەکە لەلایەن کۆمپانیای ئەگریکۆی بەریتانییەوە جێبەجێدەکرێت و بۆ کارپێکردنی سوود لە غازی کێلگە نەوتییەکانی حەسیرە لە سەرقەڵا وەردەگیرێت.