کوردستان
دەقی پەیامەکە....
بەبۆنەی ھاتنەوەی جەژنی چلەی ھاوینەی خوشک و برا ئێزدیەکان، گەرمترین پیرۆزبایی ئاڕاستەی پێکھاتەی ئێزیدی لەکوردستان و عیراق دەکەین، داوا لە خودای مەزن دەکەین ھەموو ڕۆژەکانیان بکاتە شادی و خۆشی، ھەروەھا ئەو کەسانەی بەڕۆژبوون بەبۆنەی ئەم جەژنەوە، ڕۆژووەکەیان قبوڵ بێت و تەندروست باش بن .
حەسیبە عەبدولڵا
لێپرسراوی بۆردی پێکھاتەکانی یەکێتی نیشتیمانی کوردستان
لە کۆبوونەوەکەدا دۆخی سیاسی عیراق، ھەرێم و ناوچە جێناکۆکەکان و پرسی رێکخراوەیی بە وردیی تاوتوێکران، بە تایبەتیش کێشە ھەڵواسراوەکانی نێوان بەغدا و ھەولێر لە سەروشیانەوە دواکەوتنی موچە و بژێوی خەڵکی کوردستان، بە تایبەتیش ماف و داخوازییەکانی خەڵکی کوردستان لە کەرکوک و ناوچە جێناکۆکەکان.
لە تەوەرێکی دیکەی کۆبوونەوەکەدا پرسی ئیداری، خزمەتگوزاری و ئەمنی بە وردیی گفتوگۆیان لە بارەوە کرا، و لەو بارەیەوە ئاسۆ مامەند سەرپەرشتیاری کەرکوک-سەڵاحەدین رایگەیاند؛ جگە لە جێبەجێکردنی سیاسەتی چەپکە گوڵەکەی سەرۆک مام جەلال لە کەرکوک و ناوچە جێناکۆکەکان، ئەو ناوچانە ھیچ رێوشوێنێکی دیکە قبوڵ ناکات، چونکە ناوچەیەکی تێکەڵە لە نەتەوە و پێکھاتە و ئاینزای جیاواز، بۆیە دەبێت تایبەتمەندی ئەو ناوچانە لەبەرچاو بگیرێت.
ئاسۆ مامەند تەئکیدیشی کردەوە؛ کە جیاکاری لە بەڕێوەبردنی ئەو ناوچانەدا و گرینگیدان بە پێکھاتەیەک و پشتگوێخستنی ئەوانی دیکە، خزمەت بە ھیچ کەس و لایەنێک ناکات، چونکە دۆخی عیراق و ئەو ناوچانەش ئەوەمان لێدەخوازێ کە پڕەنسیپی سازان و پێکەوە ژیان بکرێنە بنەمای بەڕێوەبردن، و لە رێگەیەوە خزمەتی دانیشتوانەکەی پێ بکرێت.
لە بارەی پرسی رێکخراوەییشەوە کارگێڕی مەکتەبی سیاسی رایگەیاند؛ یەکێتیی نیشتمانیی کوردستان لە ھەناوی کۆمەڵانی خەڵکی کوردستانەوە درووست بووە و ھەر لەو پێناوەشدا درێژە بە خەبات و تێکۆشانی خۆی دەدات، و سازش لەسەر ماف و خواستەکانیان ناکات، بە تایبەتیش ئەو پرسانەی کە پەیوەندیدارن بە خاک، نەتەوە و خۆشگوزەرانی ھاووڵاتییان.
لە کۆتاییشدا ھەڤاڵانی ئەنجومەنی سەرکردایەتیی کەرکوک-سەڵاحەدین جەختیان کردەوە؛ کە سیاسەت و ستراتیژی یەکێتیی نیشتمانیی کوردستان تەئکید کردنەوەیە لەسەر ھەمان ئەو پڕەنسیپانەی کە لە پێناویدا درووست بووە، دروشمی سەرکەوتن تا نەسرەوتنیش بنەمای پشوودرێژی خەباتی نەپساوەی یەکێتییەکەمانە تا گەیشتن بە تەواوی خواست و مافە رەواکانی خەڵکی کوردستان بە گێڕانەوەی کەرکوک و ناوچە جێناکۆکەکانیشەوە بۆ سەر ھەرێمی کوردستان.
دەقی پەیامەکەی مەکتەبی سیاسی یەکێتی....
لە یادی نۆ ساڵەی کارەساتی پڕ لەتاوانی جینۆسایدی کوردانی ئێزدی و پەلاماردانی شەنگال و دەوربەری لەلایەن تیرۆریستانی داعش کە دڕندانەترین ڕەفتاریان دژ بەمرۆڤایەتی تۆمارکرد ،وێڕای ھەوڵە بەردەوامە کوردستانییەکان و ھەماھەنگی لەگەڵ حکومەتی ئیتیحادی و بەھاوکاری لەگەڵ حزب ولایەنە سیاسیەکوردستانی وعیراقیەکان کە بۆ سڕینەوەی شوێنەوارەکانی ئەوتاوانە گیراونەتە بەر ،بەڵام ھێشتا زامەکانی تاوانەکە بە تەواوەتی سارێژ نەبوون ،چونکە سەرەڕای رزگاربوون لەچنگی داعش ، بەڵام ھێشتا وەک پێویست دەستی ئاوەدانکردنەوە بەوناوچانە نەگەیشتوە و خەڵکێکی زۆر لە ناو کەمپ وچادرگەکاندا ژیانێکی کولەمەرگی لەئاوارەییدا بەسەردەبەن .
دوای ڕاماڵینی داعش لەوناوچانە ،ھەرچەندە ژمارەیەکی زۆری بەدیل گیراو و کەنیزەکە رفێنراوەکان رزگاریان بوە ،بەڵام ھەرچی زیاترە پێویستمان بە چڕکردنەوەی ھەوڵەکانە بۆ سۆراغکردنی چارەنووسی ئەوانەی لە ڕۆژانی کارەساتەکەوە تاکو ئێستا بێ سەرو شوێنن .
بەئەرکی سەرشانی ھەموو لایەکی دەزانین شەنگال و دەوروبەری لەھەر مەترسی و ھەڕەشەیەک بپارێزین وئەم کەیسە دوای قۆناغی پاشەکشێی ناجوامێرانە و کەمتەرخەمی نیشتمانیی، وەک کارتێکی سیاسیی مامەڵەی پێوە نەکرێ و مەینەتی کەسوکارمان لە ئێزدیخان درێژە نەخایەنێت.
ھەرلەم یادە پڕ لە ئازارەدا درود بۆ ڕۆحی شەھیدانی دەستی غەدری تاوانی شەنگال دەنێرین و ئارامی و ئۆقرەیی بۆ کەس و کاری سەربەرزیان دەخوازین .
مەکتەبی سیاسی
یەکێتیی نیشتمانیی کوردستان
لەمەراسیمەكەدا، ئەندامانی مەكتەبی سیاسی و سەركردایەتی یەكێتی نیشتیمانی كوردستان و فەرماندە و هاوڕێ و هاوسەنگەرانی ئامادەییبوون، ژیانی پڕ سەروەری و تێكۆشانی ئەو فەرماندەیە بەرز نرخێندرا.
وەزارەتی سامانە سروشتییەکان: لە ماوەیەکی زۆر کەمدا کێشەی بەنزین چارەسەر دەکرێت
وەزارەتی سامانە سروشتییەکان دەڵێت، دوای رێگەپێدان بۆ ھاوردەکردنی بەنزین لە ٣٠.٧.٢٠٢٣، مانگانە ٧١ ملیۆن لیتر بەنزین بۆ ناو ھەرێمی کوردستان ھاوردە دەکرێت.
ئەو وەزارەتە راشیگەیاند، ھۆکاری گرانی نرخی بەنزین ئەوەیە پشکی ھەرێمی کوردستانی لە پێدانی بەنزین لەلایەن حکومەتی عێراقەوە بڕدراوە و ھەوڵەکانیان بۆ چارەسەرکردنی کێشەی کەمیی بەنزین چڕکردووەتەوە و " کێشەی بەنزین لە ماوەیەکی زۆر کەمدا چارەسەر دەکرێت".
وەزارەتی سامانە سروشتییەکان دەشڵێت، "بەھۆی ئەوەی حکومەتی عێراق لە ١٠.٧.٢٠٢٣، پشکی ھەرێمی کوردستانی لە پێدانی بەنزین بڕیوە، قەیرانی کەمیی خستنەڕووی بەنزینی لێکەوتۆتەوە، ئەمەش ھاوکاتە لەگەڵ ھەڵکشانی خواست لەسەر بەنزین".
بەپێی ئامارەکانی ئەو وەزارەتە، ھەرێمی کوردستان رۆژانە پێویستیی بە سێ بۆ سێ ملیۆن و ٥٠٠ ھەزار لیتر بەنزین ھەیە.
پەروین بوڵدان و میتحەت سەنجار ھاوسەرۆکانی پارتی دیموکراتی گەلان "ھەدەپە" لە کۆبونەوەی لیژنەی بەڕێوەبەری ناوەندی "ھەدەپە" و پارتی چەپی سەوز ئاماژەیان بۆ ئەوەکرد، لە ١٥ بۆ ٢٥ی ئاب ھەڵسەنگاندن بۆ راپۆرت و رەخنەی کۆبوونەوەکانی رابردوو دەکرێت بە مەبەستی ھەنگاوی بنیاتنەر بۆ بەستنی کۆنگرەی گشتی "ھەدەپە"، لەبەرئەوەی بە گرنگییەوە لەو ڕەخنانە دەڕوانن.
راشیگەیاند، دوای ئەوەی قۆناغەکانی ھەڵسەنگاندن و گفتوگۆکان کۆتاییھات، لە مانگی ئەیلولی داھاتوو کۆنگرەی گشتی ئەنجام دەدەن و لیژنە نوێیەکان دیاری دەکەن.
دەقی پەیامەکەی بافڵ جەلال تاڵەبانی، سەرۆکی یەکێتیی نیشتمانیی کوردستان:
بەڕێزان بنەماڵەی سەربەرزی ھەڤاڵ تۆفیق کانی وەتمانی
بەداخێکی زۆرەوە ھەواڵی کۆچی دوایی تێکۆشەر و پێشمەرگەی دێرین (تۆفیق کانی وەتمانی)ـمان پێگەیشت.
بۆ ئەم خەمە گەورەیە، پرسە و ھاوخەمیی قووڵی خۆمان ئاڕاستەی ئێوە و بنەماڵە تێکۆشەرەکەتان دەکەم کە نموونەی باڵای وەفاداری و تێکۆشانن لەپێناو کوردستان.
لەدەستدانی ھەڤاڵ تۆفیق کانی وەتمانی کە پێشمەرگەیەکی ئازا و شۆڕشگێڕێکی بەئەمەکی کوردستان بوو، جێگەی دڵتەنگی و نیگەرانیی قووڵی ئێمەیە.
لەخوای گەورە داواکارم ھەڤاڵی کۆچکردوومان بە بەھەشتی بەرین شاد بکات و سەبووری بەھەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
پەیامنێری کوردسات نیوز لە بەغداد راگەیاند، بڕیارە لە کۆبوونەوەکەی ئەمڕۆی ئەنجومەنی وەزیرانی عێراقدا بڕیار لەبارەی ناردنی شایستە داراییەکانی ھەرێم بدرێت و ٩٠٧ ملیار دینار بۆ مووچەی فەرمانبەران رەوانەی ھەرێم بکات.
وتیشی، بەپێی رێککەوتنی حکومەتی ھەرێم و عێراق، دەبێت بەغداد مانگە ٩٠٧ ملیار دینار بۆ مووچەی فەرمانبەرانی ھەرێم رەوانە بکات.
ھاوکات بڕیارە ئەمڕۆ شاندێکی تەکنیکی حکومەتی ھەرێم سەردانی بەغداد بکات و لەبارەی شایستە داراییەکان و دۆسیەی نەوت، دانوستان لەگەڵ بەرپرسانی حکومەتی عێراق بکات.
ئەوەش لەکاتێکدایە کە ئێستا لە مانگی ھەشتداین و ھێشتا چارەنووسی مووچەی مانگی حوزیرانی فەرمانبەرانی ھەرێم بە نادیاری ماوەتەوە و نازانرێت کەی دابەشدەکرێت.
پارێزگای حەسەکە دەکەوێتە باکووری رۆژھەڵاتی سوریا و شەش ناحیەی ھەیە، ھەروەھا سەنتەری شارەکە، ٢٥ گەڕەکی ھەیە و زیاتر لە ٩٠٠ ھەزار دانیشتووی ھەیە.
پارێزگاکەکە سێ کامپی ئاوارەکانی تێدایە، کە نزیکەی ٥٠ ھەزار کەسیان تێدایە، بەڵام چەند ھەفتەیەکە تورکیا ئاوی وێستگەی عەلووکی لەسەر دانیشتووانی ئەو پارێزگایەی رۆژئاوای کوردستان گرتووەتەوە و بەوھۆیەوە پێنج ناحیە و ٢٥ گەڕەک و ٤٢٢ گوند و سێ کامپی ئاوارەکان بێئاون.
تورکیا دوای داگیرکردنی شارۆچکەی سەرێ کانێ لە ساڵی ٢٠١٩، دەستی بەسەر وێستگەی ئاوی عەلووکدا گرت، لەوکاتەوە ئاو وەک چەکێک دژی دانیشتووانی پارێزگای حەسەکە بەکاردەھێنێت، کۆمەڵگەی نێودەوڵەتییش لە ئاستی ئەو پێشێلکارییە بێ دەنگن.
دەقی پەیامەکەی قوباد تاڵەبانی:
بەڕێزان خێزان و خانەوادەی کۆچکردوو فەرماندە تۆفیق کانی وەتمانی
بەداخ و پەژارەیەکی زۆرەوە ھەواڵی کۆچی دوایی فەرماندە (تۆفیق کانی وەتمانی)م بیست.
کۆچکردوو (تۆفیق کانی وەتمانی) تێکۆشەرێکی دێرین و بەئەمەکی کوردستان و فەرماندە و پێشمەرگەیەکی قارەمان بوو، کۆچکردنی جێگای داخە.
بەم بۆنە غەمناکەوە پرسەو سەرەخۆشی ئاڕاستەی کەسوکار و بنەماڵە تێکۆشەرەکەتان دەکەم و ھاوبەشی خەم و پەژارەتانم.
خوای گەورە لێی خۆش بێت و جێگای بەھەشت بێت، سەبوری و دڵنەواییش بەھەموو لایەک ببەخشێت.
انا للە و انا الیە راجعون
قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال
ھاوژین عوسمان سەرۆکی لقی سلێمانی سەندیکای کارمەندانی تەندروستی بە کوردسات نیوزی راگەیاند، تاکو رۆژی پێنجشەممەی کۆتایی ئەم ھەفتەیە چاوەڕوانی ھاتنی مووچە دەکەن بە پێچەوانەوە لە سەرەتای ھەفتەی داھاتووەوە بایکۆتی دەوامەکانیان دەکەن.
وتیشی، داوایان لە سەرجەم بەڕێوەبەری نەخۆشخانە و بنکە تەندروستییەکان کردووە، بۆ ئەم چەند رۆژە، لەرووی دەوامکردنەوە فشار لە کارمەندەکانیان نەکەن و دەوام کەمبکنەوە.
لە بەرامبەردا، محەمەد عەلی جێگری بەڕێوەبەری گشتیی تەندروستیی سلێمانی بە کوردسات نیوزی راگەیاند، ئەوان لەگەڵ بایکۆتکردنی دەوام نین، بەڵام مووچەش بە مافێکی سەرەکی کارمەندەکان دەزانن و مافی خۆیانە ئەگەر مووچە نەبێت دەوام نەکەن.
تائێستا لە ھەرێمی کوردستان مووچەی مانگەکانی حوزەیران و تەمموز دابەشنەکراوە و حکومەتی ھەرێمی کوردستان بۆ دابەشکردنی مووچە چاوی لە ھاتنی بەشە بودجەکەیە لە بەغدادەوە.
پەیامنێری کوردسات نیوز لە بەغداد راگەیاند، لە کۆبوونەوەکەی سبەینێ ئەنجومەنی وەزیرانی عێراقدا بڕیار لەبارەی ناردنی شایستە داراییەکانی ھەرێم بدرێت و ٩٠٧ ملیار دینار بۆ مووچەی فەرمانبەران رەوانەی ھەرێم بکات، کە بەپێی رێککەوتنی ھەردوولا دەبێت بەغداد مانگە ئەو بڕە پارەیە بۆ مووچە رەوانە بکات.
ھاوکات بەپێی زانیارییەکانی کوردسات نیوز، ئەمشەو شاندێکی باڵای تەکنیکی حکومەتی ھەرێمی کوردستان سەردانی بەغداد دەکات، لەگەڵ بەرپرسانی باڵای حکومەتی عێراق کۆدەبێتەوە بۆ گفتوگۆکردن لەسەر شایستە داراییەکانی ھەرێم.
دەقی راگەیەندراوەکە...
سەرلەئێوارەی ئەمڕۆ ٣١/ ٧ وەفدێکی فراکسیۆنی یەکێتی لە ئەنجومەنی نوێنەران کە پێکھاتبوون لە سەرۆک و ژمارەیەک لە ئەندامانی فراکسیۆن سەردانی بەڕێز محەمەد شیاع سودانی سەرۆک وەزیرانی عێراقیان کرد.
لەدیدارێکی دۆستانەدا، فراکسۆنی یەکێتی کۆمەڵێ داخوازی ھەنووکەیی خەڵکی کوردستانی خستە بەردەم بەڕێز سەرۆک وەزیران، کە گرنگترینیان بریتی بوون لەمانە:
١. ناردنی پشکی ھەرێم یاخود سلفەیەک بۆ دابەشکردنی مووچە لە ھەرێمی کوردستان، کەنزیکەی دوو مانگە دابەش نەکراوەو بار گرانیەکی زۆری دروستکردوە، لەمبارەیەوە بەڕێز سەرۆک وەزیران جەختیکردەوە لەماوەیەکی زۆر نزیکدا پارە بۆ ھەرێم دەنێرین بۆ مووچە.
٢. تەرخانکردنی بودجەیەک وەکو دیاری سەرۆک وەزیران بۆ پارێزگای ھەڵەبجە.
٣. داننان بە زانکۆکانی گەرمیان و جەرموو و راپەرین لەلایەن وەزارەتی خوێندنی باڵای عێراقەوە.
٤. تەرخانکردنی بودجەیەکی دوو ملیار دیناری بۆ ئەنجامدانی پشکنینی DNA بۆ ١٧١ روفاتی ئەنفالکراوانی گەرمیان کە ئێستا لە پزیشکی دادی بەغدان.
٥. ئەنجامدانی پرۆژەی ئاوی گۆپتەپە- چەمچەماڵ، کە کێشەی ئاوی خواردنەوەی چەمچەماڵ چارەسەر دەکات وەک دیاریەک بۆ پایتەختی ئەنفالکراوانی کوردستان.
٦. دروستکردنی نەخۆشخانەیەکی تایبەت بە دەستنیشانکردنی پێشوەختەی شێرپەنجە لە سلێمانی.
٧. چڕکردنەوەی ھەوڵەکان بۆ لابردنی ئابلۆقەی ئاسمانی لەسەر فرۆکەخانەی سلێمانی.
٨. چارەسەرکردنی کێشەی زەویوزاری کشتوکاڵی جووتیارانی کوردی کەرکوک و دەوروبەری، بۆ ئەم مەبەستە سەرۆک وەزیران رایگەیاند لەگەڵ وەزیری دادی عێراق قسەیان کردوەو بڕیاریدا لیژنەیەکی لەوەزارەتە پەیوەندارەکان و ئۆپەراسیۆنە ھاوبەشەکان و پەرلەمانتارانی پارێزگالە پێکبھێنرێت.
٩. راگرتنی ھاوسەنگی لە پۆستە ئیداریەکان و دامەزراندن لە کەرکوک و ناوچە کوردستانیە دابرێنراوەکانی تر.
١٠. دروستکردنی بەنداو بۆ گڵدانەوەی ئاو بۆ رووبەروبونەوەی کێشەی کەم ئاوی.
بەڕێز سەرۆک وەزیران سوپاسی ھەڵوێست و سیاسەتی ھاوسەنگ و بەرپرسیارانەی یەکێتی کرد مامەڵەکردن لەگەڵ کێشە سیاسیەکانی عێراق و پاڵپشتی کردنی حکومەتی عێراق.
سەبارەت بە داخوازییەکانی فراکسیۆنی یەکێتی-یش سەرۆک وەزیران رایگەیاند ھەموو داواکارییەکان تاوتوێ دەکەین و بڕیاری پێویستی لەبارەوە دەدەن.
سەرۆکی فراکسیۆنی یەکێتی سوپاسی سەرۆک وەزیرانی کرد و پشتیوانی یەکێتی بۆ سەرکەوتنی ھەنگاوەکانی حکومەت بۆ خزمەتکردنی خەڵک و چاکسازی دووپاتکردەوە.
جەختیشی کردەوە لەسەر داخوازییەکانی فراکسیۆنی یەکێتی کە داخوازی خەڵکی کوردستانن.
فراکسیۆنی یەکێتی لەئەنجومەنی نوێنەرانی عێراق
٣١/ ٧ / ٢٠٢٣
بەپێی زانیارییەکانی کوردسات نیوز، ئەمشەو وەفدێکی باڵای تەکنیکی حکومەتی ھەرێمی کوردستان سەردانی بەغداد دەکات و لەگەڵ بەرپرسانی باڵای حکومەتی عێراق کۆدەبێتەوە بۆ گفتوگۆکردن لەسەر شایستە داراییەکانی ھەرێم.
ھاوکات پەیامنێری کوردسات نیوز لە بەغداد رایگەیاند، پێدەچێت سبەینێ بەغداد ٩٠٧ ملیار دینار بۆ مووچەی فەرمانبەران رەوانەی ھەرێم بکات کە بەپێی رێککەوتنی ھەردوولا دەبێت بەغداد مانگە ئەو بڕە پارەیە بۆ مووچە رەوانەی ھەرێم بکات.
کۆلێژی سەربازی قەڵاچوالان لەگەڵ بڵاوکردنەوەی لیستی چوارەمی چاوپێکەوتنی پیشکەشکاران داوایان لێدەکات، لە سەعات ٧:٣٠ بەیانی لە رۆژی سێشەممە رێکەوتی ١ی ٨ی ٢٠٢٣ ئامادەبن، بەمەبەستی پشکنینی پزیشکی و تاقیکردنەوەی توانای لەش.
دەشڵێت، پێویستە پێشکەشکاران پێناسەی بارشارستانی یان کارتی نیشتمانی، وێنەیەکی رەنگاورەنگ و جل و پێڵاوی وەرزشی لەگەڵ خۆیاندا بھێنن.
دەقی پەیامی مەڵبەندی ٣ ی ھەولێر لەبیرەوەری چل ساڵەی مەرگەساتی کۆمەڵکوژی بارزانیەکاندا...
٤٠ ساڵ لەمەوبەر ڕژێمی بەعسی عەرەبی ئیشتراکی لە ١٩٨٣/٧/٣١ تاوانێکی دڕندانەی بەرامبەر بە گەلەکەمان ئەنجامدا و لە یەک کاتدا ٨٠٠٠ ھاوڵاتی کوردی بارزانی ڕاپێچی مەرگێکی نادیار و بێ سەرو شوێن و زیندە بەچاڵکرد .
ئەو تاوانەش لەدرێژەی ئەو تاوانانەبوو، کەرژێمی لەناوچووی بەعس لە چوارچێوەی سیاسەتی لەناوبردنی گەلی کورد ئەنجامیدا، ئەم تاوانە دوابەدوای قوناغی یەکەمی ئەو بەرنامە ترسناکانە ھات کە بە راگواستنی بارزانیەکان لە زێدی باو باپیرانیان دەستی پێکرد و لە کۆمەڵگە زۆرەملێیەکانی بەحرکەو قوشتەپە و حەریردا جێگیری کردن.
پێشتریش رژێمی بەعس بە سێ قوناغ ، خەڵکی مەدەنی ناوچە سنوریەکانی ڕاگواستبوو.
لە ڕۆژی ١٩٨٣/٧/٣١رژێمی بەعس گەمارۆی کۆمەڵگاکانی قوشتەبە و بەحرکە و حەریری لە سنوری پاریزگای ھەولێر دا کەپێشتر لە چوارچێوەی بەرنامەرێژیدا بۆ تاوانێکی وا دڕندانە داڕشتبوو ، کە سەرجەم گەنج و لاو و پیاوانی بارزانیەکانی راپێچی چارەنووسێکی نادیاری کردن .
ھەر دوای ماوەیەکی کەم لە بیابانەکانی سەماوە زیندەبەچاڵی کردن و بەداخەوە تا ئێستا چارەنوسی زۆربەیان نادیارەو و تەنانەت روفاتی زۆرینەشیان نەدۆزراونەتەوە.
لەبیرەوەری ئەنفالکردنی بارزانیەکاندا ، سەری رێز لەبەردەم شەھیدانی ئەنفالی بارزانیەکان و سەرجەم شەھیدانی کوردستان دادەنەوێنین و ھاوخەمی خۆمان بە کەس وکاری و خانەواودەی قوربانیانیەکان رادەگەیەنین . ھیواخوازین ئەم یادە ھاندەرمان بێت بۆ تەبایی و یەکریزی و یەکھەڵوێستی گەلەکەمان.
ھەر لەم یادەوەریە خەمگینەدا ، دووبارە سوپاسی ھەڵوێستی نەتەوەییانەو جوامێرانەی کۆمەڵانی خەڵکی شاری ھەولێری خۆشەویست دەکەین ، کە لەم سەردەمەدا ھاوخەم و ھاوکاری خانەوادەی ئەنفالکراوانی کوردانی بارزانی بوون .
یەکێتیی نیشتمانیی کوردستان
مەڵبەندی ٣ ی ھەولێر
٢٠٢٣/٧/٣١