کوردستان
فەرماندەی پۆلیسی کەرکوک ڕایگەیاند؛ لە ماوەی کەمتر لە دوو سەعاتدا ئەوکەسەیان دەستگیر کردوە کە لە قەزای خورماتوو دەستڕێژی گولـلەی کرد و بەهۆیەوە کەسێک گیانی لەدەستدا
ئەمڕۆ شەممە، فەرماندەیی پۆلیسی کەرکوک دەستگیرکردنی ئەنجامدەری روداوی کوشتن و برینداربونی سێ کەسی دیکەی راگەیاند.
ئاماژەیان بەوەکردوە دەستگریکردنەکە لەسەر بنەمای زانیاری وردی هەواڵگری بوە و لە ماوەیەکی کەمتر لە دوو کاتژمێر لە روداوەکە تۆمەتبارەکەیان دەستگیرکردوە.
لە ڕاگەیەندراوکەی پۆلیسی کەرکوکدا هاتووە؛ تۆمەتبار دوای ئەنجامدانی تاوانەکەی بەرەو کەرکوک هەڵاتوە و لەناو شاری کەرکوک ئۆتۆمبێلکەی بەجێهێشتوە و دوای کۆکردنەوەی زانیاری لەسەری توانیویانە دەستگیری بکەن.
دوانیوەرۆی ئەمڕۆ لە قەزای خورماتوو، هاووڵاتییەک، بە هەڕەمەکی دەستڕێژی گولـلەی لە کەسێک کرد، کە پێشتر کێشەی کۆمەڵایەتیی لەنێوانیان هەبووە، بەهۆشیەوە سێ کەس برینداربوون و کەسیكیش گیانی لەدەستدا.
پردە کۆنەکەی تاسڵوجە دەڕوخێندرێت و گەورەترین پرد لە جێگەی دروست دەکرێت، شارەوانی سلێمانیش دەلێت، بە هەوڵی قوباد تاڵەبانی کارەکان زیاتر بەرەوپێشدەچن.
شارەوانی سلێمانی ئەم وێنانەی بڵاوکردوەتەوە و نوسیویەتی: بە هەوڵی قوباد تاڵەبانی جێگری سەرۆکی ئەنجومەنی وەزیران، رۆژ بە رۆژ کارەکانی شەقامی 100 مەتری بەرەوپێشچوونی زیاتر بەخۆیەوە دەبینێت.
ئاماژەی بەوەشکردووە، ئەمڕۆ کاری روخاندنی پردە کۆنەکەی لای تاسڵوجە دەستیپێکرد" کە لەبری ئەو پردە گەورەترین پرد لە شەقامی ناوبراو دروست دەکرێت، کە بەشێوەیەکی ئەندازیاری و نوێ دروست دەکرێت و لە داهاتوودا دەبێتە هۆی کەمکردنەوە و چارەسەرکردنی لۆد و قەرەباڵغی ناوچەکە.
شارەوانی سلێمانی راشیگەیاندووە، کارەکانیان چڕترکردۆتەوە لەگەڵ تیمەکانی کۆمپانیای جێبەجێکار تا بتوانرێت لەم چەند ڕۆژەدا روخاندنی پردەکە کۆتای بێت و بە تەواوی سایدەکە بکرێتەوە.
شارەوانی سلێمانی داوای لێبوردن لە شۆفێران دەکات کە لەم چەند رۆژەدا ئاستەنگی هاتوچۆ دروستدەبێت، داوا لە شۆفێرانیش دەکات هاوکار و هەماهەنگی تیمەکانیان بن.
بەهۆی دەستڕێژی گوللـەوە لەقەزای خورماتوو کەسێک کوژرا و سێ کەسی دیکەش برینداربوون.
پەیامنێری کوردسات نیوز رایگەیاند، هاووڵاتییەک لە قەزای خورماتوو، بە هەڕەمەکی دەستڕێژی گولـلە لە کەسێک دەکات کە کێشەی کۆمەڵایەتیی لەنێوانیان هەبووە، بەهۆشیەوە چوار کەس برینداربوون.
وتیشی، یەکێک لە بریندارەکان بەهۆی سەختی برینەکەیەوە گیانی لەدەستدا.
پەیامنێری کوردسات نیوز راشیگەیاند، ئەو کەسەی گیانی لەدەستدا بە نەتەوە عەرەبە و لێکۆڵینەوە لە روداوەکە دەستیپێکردووە.
ئەوەشی خستەڕوو، ئەو کەسەی گیانی لەدەستدا و یەکێک لە بریندارەکانیش هیچ پەیوەندییەکان بەو کێشە کۆمەڵایەتییەوە نییە و بەهۆی روداوەکەوە گولـلەیان بەرکەوتووە.
وەزیری نەوتی عیراق: تائێستا هەرێم زیاتر لە یەك ملیۆن بەرمیل نەوتی رادەستكردووە
تائێستا زیاتر لە یەك ملیۆن بەرمیل نەوتی هەرێمی كوردستان رادەستی بەغداد كراوە وەزیری نەوتی عیراقیش دەڵێت: 650 هەزار بەرمیل نەوتی هەرێمی كوردستان باركراوە بۆ فرۆشتن.
حەیان عەبدولغەنی وەزیری نەوتی عیراق رایگەیاند، یەكەم جارە حكومەتی عیراق نەوتی هەرێمی كوردستانی وەردەگرێت و هەناردەی دەکات، تائێستاش زیاتر لە یەك ملیۆن بەرمیل نەوتی هەرێمیان رادەستكراوە.
ئەوەشی خستەڕوو، لەئێستادا 650 هەزار بەرمیل نەوتی هەرێمی کوردستان بارکراوە بۆ فرۆشتن و ئاڕاستەی ئەو شوێنانەکراوە کە گرێبەستیان لەگەڵ ئەنجامدراوە.
وەزیری نەوتی عیراق ئاماژەی بەوەشکرد، فرۆشتنی نەوتی هەرێمی کوردستان لەرێگەی سۆمۆوە دەستکەوتێکی گەورەیە بۆ هەولێر و بەغداد.
بەئامادەبوونی ئاسۆ مامەند ئەندامی مەکتەبی سیاسی یەکێتیی نیشتمانیی کوردستان و رێبوار تەها پارێزگاری کەرکوک، هەریەک لە ئەندامانی سەرکردایەتی، هیوا عەبدوڵڵا و وەستا رەسوڵ، رێوڕەسمی ناساندنی کاندیدان لە چەمچەماڵ بەڕێوەچوو، کەتێیدا كاندیدەكان جەختیان لە خزمەتكردنی كۆمەڵانی خەڵكی كوردستان و خزمەتكردنی زیاتری كەركوك كردەوە.
براکۆ شێرکۆ فاتیح کاندیدی ژمارە ٢٢ لەسەر لیستی ژمارە ٢٢٢ـی یەکێتیی نیشتمانیی کوردستان لە بازنەی کەرکوک لەلێدوانێکدا بە کوردسات نیوزی رایگەیاند، وەک چۆن یەکێتی لە رابردوودا خزمەتی کەرکوکییەکانی کردووە، ئەوانیش بەهەمان شێوە لەسەر رێبازی یەكێتی، هەموو هەوڵەكانیان بۆ خزمەتكردنی زیاتری كەركوك دەخەنەگەڕ.
وتیشی، بەڵێن دەدەین بە ئەوپەڕی دڵسۆزییەوە بەردەوام دەبن لە خزمەتکردنی خاکی پیرۆزی کەرکوک و کەرکوکی قودسی کوردستان.
براکۆ شێرکۆ فاتیح ئاماژەی بەوەشکرد، خەڵکی کەرکوک دڵنیا دەکەنەوە پێشمەرگە ئاسا داکۆکی لە مافەکانیان دەکەن.
بەپێی پێشبینییەکانی کەشناسی لە 48 سەعاتی داهاتوودا، ئاسمان ساماڵ دەبێت و پلەکانی گەرما بەرزتر دەبنەوە.
بەڕێوەبەرایەتی گشتی کەشناسی هەرێم لە راگەیەنراوێکدا بڵاویکردەوە، بەپێی پێشبینییەکان ئەمڕۆ ئاسمان ساماڵ دەبێت و پلەکانی گەرما نزیک دەبێتەوە لە تۆمارکراوەکانی دوێنێ.
ئاماژەی بەوەشکردووە، سبەینێ یەکشەممە، پلەکانی گەرما بە نزیکەی دوو بۆ سێ پلە بە بەراورد بە تۆمارکراوەکانی ئەمڕۆ.
بەرزترین پلەکانی گەرمای پێشبینیکراو بە پلەی سیلیزی.....
هەولێر : 36 پلەی سیلیزی
سلێمانی : 35 پلەی سیلیزی
دهۆک : 36 پلەی سیلیزی
زاخۆ :36 پلەی سیلیزی
ئامێدی : 33 پلەی سیلیزی
ئاکرێ : 36 پلەی سیلیزی
کەرکوک : 37 پلەی سیلیزی
هەڵەبجە : 36 پلەی سیلیزی
سۆران : 35 پلەی سیلیزی
حاجی ئۆمەران : 26 پلەی سیلیزی
گەرمیان : 37 پلەی سیلیزی
ئەمڕۆ حەوتەمین پێشانگەی نێودەوڵەتیی کتێب بەناوی خولی سەرۆک تاڵەبانی بۆ دووەم رۆژ بەردەوامە.
پێشانگەکە بۆ ماوەی 11 رۆژ بەردەوام دەبێت، هاووڵاتیان دەتوانن لە سەعات 10ـی بەیانی بۆ 10ـی شەو سەردانی پێشانگەکە بکەن.
هاوکات ئەو هاووڵاتیانەی ئۆتۆمبێلی خۆیانیان پێنییە و خوازیارن سەردانی پێشانگەکە بکەن، ئاسانکارییان تەواویان بۆ ئەنجامدراوە و پاسیان بۆ دابیندەکرێت بۆ ئەوەی سەردانی پێشانگەکە بکەن.
حەوتەمین پیشانگەی نێودەوڵەتیی سلێمانی بۆ کتێب، 250 دەزگای چاپ و ناوەندی ناوخۆیی و بیانی لە 16 وڵاتەوە بەشدارییان تێدا کردووە و هەزاران ناونیشانی کتێب بەردەستن.
دوێنێ هەینى 3ـی10ـی2025، بە ئامادەبوونی شاناز ئیبراهیم ئەحمەد خانمی یەکەمی عیراق و قوباد تاڵەبانی جێگری سەرۆک وەزیرانی هەرێمی کوردستان و چەند لێپرسراوێکی حکومی و حزبی، خولی حەوتەمی پێشانگای نێودەوڵەتی كتێب بەناوی سەرۆك تاڵەبانی کرایەوە و تا رۆژی 13ـی10ـی2025 بەردەوام دەبێت.
بەیانی ئەمڕۆ بەنزینخانەیەک لە گەڕەکێکی شاری هەولێر گڕیگرت و بەپێی زانیارییە سەرەتاییەکان تا ئێستا پێنج کەس برینداربوون.
پەیامنێری کوردسات نیوز رایگەیاند، بەیانی ئەمڕۆ ئاگر لە بەنزینخانەیەک لە گەڕەکی فەرمانبەرانی شاری هەولێر کەوتووە و بەهۆی ئاگرەکەوە پێنج کەس برینداربوون، کە کارمەندانی بەنزینخانەکەن.
وتیشی، ئاگرەکە تا ئێستا بەردەوامە و تیمەکانی بەرگری شارستانی هەولێر لە هەوڵی کۆنتڕۆڵکردنیدان.
پەیامنێری کوردسات نیوز راشیگەیاند، چەند ئۆتۆمبێلێکی بارهەڵگریش کە لە نزیک بەنزینخانەکە بوونە ئاگریان گرتووە.
هاوکات بەپێی وتەی شایەت حاڵێکی روداوەکە، هۆکاری کەوتنەوەی ئاگرەکە بەهۆی جگەرەوە یاخود خراپی کوالێتی بەنزینەوە بووە.
سەرۆکایەتیی شارەوانیی سلێمانی هۆشداری دەداتە سەرجەم کاندید و لایەنە سیاسییەکان کە ئەو پۆستەر و ستاندانەی بانگەشە کە بەشێوەی سەرپێچی لەسەر بلوار و شوێنە سەوزاییەکان دانراون، لە ماوەی دوو رۆژدا لاببەن. شارەوانی جەخت دەکاتەوە کە بە پێچەوانەوە، رێکاری پێویست وەردەگرێت.
شارەوانی ئاشکرای کردووە کە پێشتر بە نووسراوی رەسمی کۆمسیۆن و لایەنە پەیوەندیدارەکانی ئاگادار کردووەتەوە کە پابەندی رێنماییەکان بن و زیان بە سەوزایی، بلوارەکان، ستوونی کارەبا و سیستەمی ئاودێری نەگەیەنن.
لە راگەیەندراوەکەدا هاتووە: "بەداخەوە کۆمەڵێک پۆستەر و ستاند دانراون لە ناو بلوارەکانی شەقامی مەلیک مەحمود و تاسڵوجە -سلێمانی و ئەمڕۆ سەرجەمیان تێبینی کران کە دوورە لە رێنماییەکانمان و هۆکارێکە بۆ زیانگەیاندن بە بلوارەکان و باخچەکان و سەوزایی و وشکبوونیان و ناتوانرێت رۆژانە کاری ئاودێریکردنیان بۆ ئەنجام بدرێت."
لەبەر ئەم هۆکارە، شارەوانیی سلێمانی داوا لە سەرجەم کاندید و لایەنە سیاسییەکان دەکات کە لە ماوەی دوو رۆژدا هەستن بە لابردنی ئەو پۆستەر و ستاندانەی کە بە پێچەوانەی رێنماییەکانەوە دانراون.
لە کۆتایی ئاگادارییەکەدا، شارەوانی هۆشداریی داوە کە وێنەی سەرجەم سەرپێچییەکان لەلایەن وێنەگری تایبەتەوە گیراون و پارێزراون، ئەگەر لەو ماوە دیاریکراوەدا پۆستەرەکان لانەبرێن، "ناچار هەڵدەستین بە وەرگرتنی رێکاری پێویست."
لەیادی کۆچی دوایی سەرۆک مام جەلالدا، بافڵ جەلال تاڵەبانی، سەرۆکی یەکێتیی نیشتمانیی کوردستان، پەیامێکی بڵاوکردەوە و تێیدا جەختی کردەوە کە ئەمڕۆ زیاتر لە هەموو کاتێک پێویستیان بە گەڕانەوەیە بۆ سیاسەتە دروستەکەی مام. هاوکات دووپاتیکردەوە کە یەکێتییەکەی مام بەردەوام دەبێت لەسەر رێبازەکەی بۆ خزمەتکردنی خەڵک و پاراستنی مافەکانیان.
دەقی پەیامەکەی بافڵ تاڵەبانی:
هەمیشە ئێمە لە یادی ژیانئاوایی سەرۆک مام جەلال وەک باوک، سەرکردە و رابەری نوێخوازی شۆڕش و خەباتی کوردایەتی حیکمەت وەردەگرین و هانمان دەدات کە لەسەر رێبازەکەی لە خزمەتکردنی گەلەکەماندا بێ پشوودان بەردەوام بین.
ئەمڕۆ لە هەموو کات زیاتر پێویستمان بە گەڕانەوەیە بۆ دانایی و سیاسەتی راست و دروستی مام، ئامۆژگارییەکانی پابەندترمان دەکات بۆ کارکردنی پێکەوەیی بۆ پاراستنی مافەکانمان و دابینکردنی ژیانێکی شایستەتر بۆ خەڵکە خۆشەویستەکەمان.
یەکێتییەکەی مام لەسەر رێگای راستی خەبات و تێکۆشان بەردەوامی بە راپەڕاندنی ئەرکە نیشتمانی و چارەنووسسازەکانی دەدات و خزمەتکردنی کۆمەڵانی خەڵک و پێشڕەوی لە داکۆکیکردن لە مافەکانیان ئەمانەتە و ئامۆژگاریی سەرۆک مام جەلالە و بە بەرپرسیارێتییەوە جێبەجێی دەکەین.
دروود بۆ رۆحی پاکی سەرۆک مام جەلال
بافڵ جەلال تاڵەبانی
سەرۆکی یەکێتیی نیشتمانیی کوردستان
ئەمڕۆ هەینی، لە میانی وتارێکدا لە "یەکەمین کۆنفرانسی زانستیی نێودەوڵەتیی سەرۆک مام جەلال، راستی و هەڵوێستە مێژووییەکان" کە لە زانکۆی سلێمانی بەڕێوەچوو، قوباد تاڵەبانی، جێگری سەرۆکی ئەنجومەنی وەزیران، جەختی لەسەر پێویستیی جێبەجێکردنی بەرنامە و پەیڕەوکردنی لۆجیکی مام جەلال کردەوە بۆ روبەروبوونەوەی کێشەکان.
قوباد تاڵەبانی لە وتارەکەیدا رایگەیاند: "مام جەلال تەنیا باوکی ئێمە نەبوو، باوکی شۆڕشێک بوو، مامی هەمووان بوو. ئەو موڵکی هەموو عیراق بوو و پێویستە بەرنامەکەی جێبەجێ بکەین."
جێگری سەرۆک وەزیران ئاماژەی بە بنەما سەرەکییەکانی بیری مام جەلال کرد و وتی: "مام جەلال بڕوای تەواوی بە ئازادی، ئازادیی رادەبڕین، راگەیاندنی ئازاد، ئاشتی و یەکسانی لەنێوان ژن و پیاودا هەبوو و خەباتی لەپێناو ئەو ئازادییەدا کرد."
هەروەها قوباد تاڵەبانی وتیشی: "مام جەلال خەباتی بۆ سەروەریی یاسا دەکرد و باوەڕی وابوو هیچ کەسێک لە سەروو یاساوە نییە."
لە بەشێکی دیکەی قسەکانیدا، قوباد تاڵەبانی ئاماژەی بەوەدا کە ئەگەر مام جەلال لە ژیاندا بمایە، شانازیی بە پێشکەوتنەکانی ئێستای سلێمانی و هێزی یەکێتیی نیشتمانیی کوردستانەوە دەکرد کە توانیویەتی روبەڕووی ئاڵنگارییە سەختەکان ببێتەوە.
لە کۆتاییدا جەختی کردەوە: "پێموایە ئەگەر لۆجیکی مام جەلال پەیڕەو بکەین، دەتوانین بە ئاسانی روبەڕووی کێشەکان ببینەوە و تێیانپەڕێنین. پێویستە سوود لە نووسین و دیدگای مام جەلال وەربگرین تاوەکو لە رێگەیەوە خۆمان بەرەو پێشەوە ببەین."
هاوکات ئاماژەی بەوەدا؛ مام جەلال، مام جەلال نەدەبوو ئەگەر هێرۆ ئیبراهیم ئەحمەدی لەگەڵ نەبوایە.
وەزارەتی سامانە سروشتییەکانی حکومەتی هەرێمی کوردستان رایگەیاند، دوای وەستانێکی کاتی بەهۆی کێشەیەکی تەکنیکییەوە، هەناردەکردنی نەوت بۆ بەندەری جەیهانی تورکیا ئاسایی بووەتەوە. ئەمە لە کاتێکدایە، سەرچاوە هەواڵییەکان ئاماژەیان بەوە کردووە کە هۆکاری راوەستانەکە پڕبوونی کۆگاکانی نەوت بووە لە بەندەرەکەدا.
بەپێی راگەیەندراوەکەی وەزارەت، "بەهۆی دروستبوونی چەند کێشەیەکی تەکنیکی لە بەندەری جەیهانی تورکی، هەناردەکردنی نەوتی هەرێمی کوردستان بۆ بەندەرەکە راوەستا."
وەزارەتی سامانە سروشتییەکان جەختی لەوە کردووەتەوە کە "لەکاتی ئێستادا ئەم کێشانە بەتەواویی چارەسەرکراون و هەناردەکردنی نەوتی هەرێمی کوردستان دووبارە دەستی پێکردەوە و بەردەوامە."
سەرچاوەیەک لە وەزارەتی نەوتی عیراق دەڵێت: هەناردەکردنی نەوتی هەرێمی کوردستان بەردەوامە و هیچ کێشەیەکی نییە.
سەرچاوەیەک لە وەزارەتی نەوتی عیراق بە کوردسات نیوزی راگەیاند، کۆگاکانی نەوت لە فیشخابور پڕبوون لە نەوت و چاوەڕوان دەکەن کەشتی گواستنەوەی نەوت هەڵگر، بگاتە بەندەری جەیهان و نەوتی بەرهەمهێنراوی هەرێمی کوردستان بۆ بازارەکانی جیهان بگوازێتەوە.
ئەو سەرچاوەیە ئەوەشی بۆ کوردسات نیوز ئاشکراکرد، بڕیارە سبەینێ یاخود دوو سبەی کەشتی نەوت هەڵگر بگاتە بەندەری جەیهان، وەکو دووەم قۆناغی فرۆشتنی نەوتی هەرێم، نزیکەی 700 بۆ 900 هەزار بەرمیل نەوت، رەوانەی بازاڕەکانی جەیهانی فرۆشتنی نەوت بکرێت.
ئەمەش دوای ئەوەهات، کە لە میادییاکاندا چەند هەواڵێک بڵابوونەوە، هەناردەکردنی نەوتی هەرێمی کوردستان راگیراوە، بەڵام وەزارەتی نەوتی عیراق ئەو هەواڵانە رەتدەکاتەوە و دەڵێت: هەناردەکردن بەردەوامە و بەهۆی پڕبوونی کۆگاکان راگیرانەکە تەنها بۆ ماوەی چەند سەعاتێک بووە.
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە یان شنیادۆف، باڵیۆزی کۆماری چیک لە عیراق کرد.
لە دیدارەکەدا پێویستیی بەرەوپێشبردنی پەیوەندی دۆستانە و ھاریکاریی نێوان هەرێمی کوردستان و کۆماری چیک لە سەرجەم بوارەکان بە تایبەت لە رووی وەبەرهێنان و ئابورییەوە جەختی لەسەرکرایەوە.
سەرۆکی یەکێتیی نیشتمانیی کوردستان و باڵیۆزی کۆماری چیک لە عیراق بە گرنگییەوە باسیان لە رێککەوتنی هەناردەکردنەوەی نەوتی هەرێمی کوردستان کرد و بە دەرفەتێکی باش زانرا بۆ پاراستنی سەقامگیریی وڵات و باشترکردنی ژیانی خەڵک.
حەوتەمین پێشانگەی نێودەوڵەتی کتێب لە سلێمانی بە ناوی سەرۆک جەلال تاڵەبانی کرایەوە و بۆ ماوەی 11 رۆژ بەردەوام دەبێت.
بە ئامادەبوونی شاناز ئیبراهیم ئەحمەد خانمی یەکەمی عیراق و قوباد تاڵەبانی جێگری سەرۆک وەزیرانی هەرێمی کوردستان و حەمەی حەمە سەعید وەزیری رۆشنبیری و د. هەڤاڵ ئەبوبەکر پارێزگاری سلێمانی، پێشانگەکە کرایەوە، کە چەند رێوڕەسمێک تایبەت بە ژیاننامە و خەباتی سیاسی سەرۆک مام جەلال بەڕێوەدەچێت.
د. هەڤاڵ ئەبوبەكر، پارێزگاری سلێمانی لە وتاری كردنەوەی حەوتەمین پیشانگەی نێودەوڵەتی كتێب لە سلێمانی رایگەیاند، سەرۆك مام جەلال وەكو سەركردەی دوو سەدە توانیویەتی لە سەنگەرەكانی تێكۆشانەوە بگاتە كۆشكی سەرۆكایەتی كۆمار.
وتیشی، سەرۆك مام جەلال كۆكەرەوەی هەموو ناكۆكییەكان بوو، هەموو ناكۆكەكان لەسەری كۆكبوون و توانای ئیدارەدانی هەموو جیاوازییەكانی هەبوو.
لە پێشانگەکەدا 173دەزگای چاپ و ناوەندی ناوخۆیی و بیانی لە 17 وڵاتەوە بەشدارییان تێدا کردووە و هەزاران ناونیشانی کتێب بەردەست دەبن.
کردنەوەی پێشانگاکە هاوكاتە لەگەڵ رۆژی كۆچی دوایی سەرۆك مام جەلال، خولی حەوتەمین پێشانگای نێودەوڵەتی سلێمانی بۆ كتێب کرایەوە و بەكۆی دەنگیش ناونراوە خولی سەرۆك مام جەلال
قوباد تاڵەبانی دەڵێت: خەڵک دەزانن کێ لە بەغداد کاریگەرە و کێ تەماشاکەر.
قوباد تاڵەبانی جێگری سەرۆک وەزیرانی هەرێم، لە کۆنفڕانسێکی رۆژنامەوانیدا رایگەیاند، هیوادارن بانگەشەی هەڵبژاردنی ئەنجومەنی نوێنەرنی عیراق بەشێوەیەکی بەڕێوەبچێت، هەروەها بانگەشەیەک بێت خەڵک تێبگات بۆچی دەنگ دەدات و دەنگ دەداتە کام لایەن.
وتیشی، پێم وایە ئەگەر خەڵک بەویژدانەوە هەڵسەنگاندنێک بکەن، دەزانن کە چ هێزێک کاریگەرە لە بەغداد و چ هێزێکیش تەماشاکەر.