دەرباز کۆسرەت رەسوڵ، ئەندامی مەکتەبی سیاسیی یەکێتیی نیشتمانیی کوردستان، جەخت لە پتەویی برایەتی و یەکڕیزیی سەرکردایەتیی حزبەکەی دەکاتەوە و rایدەگەیەنێت، پاراستنی مێژوو و سەروەرییەکانی یەکێتی، ئەمانەتی پیرۆزی سەرۆک مام جەلال و کاک کۆسرەتە.

دەرباز کۆسرەت رەسوڵ، لە پەیامێکدا هاوپێچ لەگەڵ وێنەیەکی هاوبەش، ڕایگەیاند: "خوێندنگەی ئازایەتی، نەترسی، پشوودرێژی و برایەتی هەتاسەری ئەنجامی ڕێباز و میراتی نەبڕاوەی سەرۆک مام جەلال و کاک کۆسرەتە."

روو لە بافڵ جەلال تاڵەبانی، سەرۆکی یەکێتیی نیشتمانیی کوردستان، قوباد تاڵەبانی، شاڵاو کۆسرەت رەسوڵ و تەواوی ئەندامانی سەرکردایەتی دەکات و دووپاتی کردووەتەوە: ئەوەی ئەمڕۆ هەمانە، بەرهەمی خوێنی ئاڵی شەهیدانە، بەرهەمی وەفاداری و سەربەرزیی سەرکردە مێژووییەکانمانە، بەری رەنجی خەباتی کەم وێنە و دوورودرێژی قارەمانانی ئەم رێبازەیە، هاوکات بەرهەمی کارکردنی هاوبەش، هەڵوێستی ڕاستگۆیانە و رەنجی ماندوونه‌ناسانەیە.

لە کۆتایی پەیامەکەشیدا، ئەندامەکەی مەکتەبی سیاسیی یەکێتی ئاماژەی بەوە کردووە، ئەم مێژوو و سەروەرییە وەک ئەمانەتێکی پیرۆزی سەرۆک مام جەلال و کاک کۆسرەت لەسەر شانی هەمووانە، جەختیشی کردەوە کە بە وەفا و یەکدەنگییەوە ئەو ئەمانەتە دەپارێزن، "وەک چۆن دوێنێ بەیەک دەنگ بڕیارمان دا، بەیەکەوەش بەردەوام دەبین."

شەڕ و پێکدادان لە نێوان چەند ئەندامێکی ئاسایشی نیشتمانیی عیراق و مەفرەزەیەکی حەشدی شەعبی لە شاری کەرکوک رویدا، و لە ئەنجامدا دوو کەس کوژران و دوو کەسی تریش برینداربوون.

سەرچاوەیەکی باڵای ئەمنی بە کوردسات نیوزی راگەیاند، شەوی رابردوو لە شەقامی کۆڕنیشی شاری کەرکوک، گرژی و ئاڵۆزی لە نێوان چەند کارمەندێکی ئاسایشی نیشتمانیی عیراق و مەفرەزەیەکی حەشدی شەعبیدا دروستبووە و دواتر شەڕەکە پەرەی سەندووە بۆ بەکارهێنانی چەک و رووبەڕووبوونەوەی چەکداری لە نێوان هەردوولادا.

بەپێی زانیارییەکانی کوردسات نیوز، هۆکاری سەرەکی دروستبوونی ئەو شەڕە دەگەڕێتەوە بۆ کێشەیەکی کەسی، لە ئاکامی پێکدادانەکەشدا هاووڵاتییەک و ئەندامێکی حەشدی شەعبی گیانیان لەدەستداوە، هەروەها هاووڵاتییەک و ئەفسەرێکی تریش بریندار بوون.

سەرچاوە ئەمنییەکە ئاماژەی بەوەشکرد، لە ئێستادا دۆخەکە کۆنتڕۆڵ کراوە و تۆمەتبارانی هەردوولا لەلایەن هێزە ئەمنییەکانەوە دەستگیرکراون و لێکۆڵینەوە لە روداوەکە دەستپێکردووە.

بافڵ جەلال  تاڵەبانی سەرۆكی یەكێتیی نیشتمانیی كوردستان، كشانەوەی حزبەكەی لە حكومەتی كاربەڕێكەری هەرێم راگەیاند.

لە پەیامێكدا بافڵ  جەلال تاڵەبانی سەرۆكی یەكێتی وردەكاریی هەوڵەكانی حزبەكەی بۆ پێكهێنانی حكومەت خستەڕوو و رایگەیاند، سەرباری ئەوەی زیاتر لە 15 جار سەردانی هەولێری كردووە بۆ پێكهێنانی حكومەتێكی جیاواز و خزمەتگوزار، بەڵام پارتی دیموكراتی كوردستان هەر مەرحەلەیەكی پێشكەوتنیان بە بیانوویەك تێكداوە.

سەرۆكی یەكێتی رایگەیاند، كەمینەیەك لەناو ئەو حزبە سەلماندیان كە دیموكراسی نازانن، رێز لە دەنگدەر ناگرن و پارەی خەڵك بۆ كڕین و هەڕەشەكردن لە پەرلەمانتاران بەكاردەهێنن.

بافڵ جەلال تاڵەبانی راشیگەیاند، دوای وەرگرتنی دەسەڵاتی تەواو لە سەركردایەتیی حزبەكەی، یەكەم بڕیاریان كشانەوەیە لەو حكومەتە شكستخواردووە و و دووپاتی كردەوە كە لەمەودوا هەموو هێز و توانای خۆیان بۆ خزمەتكردنی خەڵك لە دەڤەرەكەی خۆیان بەكاردەهێنن.

لە بەشێكی تری پەیامەكەیدا، سەرۆكی یەكێتی هۆشداریی توندی بە پارتی دا كە واز لە هێز جووڵاندن و ترساندنی خەڵك بهێنن و وتی: "مەجبوورمان مەكەن كاردانەوەمان هەبێت، چی بكەن لەوێ ئێمە لێرە دەیكەین؛ سەرۆكی هەرێم، سەرۆكوەزیران و وەزیر دابنێن، ئێمەش دایدەنێین. لە كۆتاییشدا جەختی كردەوە: ئێوە دەستان پێكرد، بە خوای گەورە من تەواوی دەكەم."

شەڕ و پێکدادان لە نێوان چەند ئەندامێکی ئاسایشی نیشتمانیی عیراق و مەفرەزەیەکی حەشدی شەعبی لە شاری کەرکوک رویدا، و لە ئەنجامدا دوو کەس کوژران و دوو کەسی تریش برینداربوون.

سەرچاوەیەکی باڵای ئەمنی بە کوردسات نیوزی راگەیاند، شەوی رابردوو لە شەقامی کۆڕنیشی شاری کەرکوک، گرژی و ئاڵۆزی لە نێوان چەند کارمەندێکی ئاسایشی نیشتمانیی عیراق و مەفرەزەیەکی حەشدی شەعبیدا دروستبووە و دواتر شەڕەکە پەرەی سەندووە بۆ بەکارهێنانی چەک و رووبەڕووبوونەوەی چەکداری لە نێوان هەردوولادا.

بەپێی زانیارییەکانی کوردسات نیوز، هۆکاری سەرەکی دروستبوونی ئەو شەڕە دەگەڕێتەوە بۆ کێشەیەکی کەسی، لە ئاکامی پێکدادانەکەشدا هاووڵاتییەک و ئەندامێکی حەشدی شەعبی گیانیان لەدەستداوە، هەروەها هاووڵاتییەک و ئەفسەرێکی تریش بریندار بوون.

سەرچاوە ئەمنییەکە ئاماژەی بەوەشکرد، لە ئێستادا دۆخەکە کۆنتڕۆڵ کراوە و تۆمەتبارانی هەردوولا لەلایەن هێزە ئەمنییەکانەوە دەستگیرکراون و لێکۆڵینەوە لە روداوەکە دەستپێکردووە.

عەلی زەیدی و دۆناڵد ترەمپ پەیوەندییەکی تەلەفونیان ئەنجامدا و هەدولا جەختیان لە گرنگی کارکردن بۆ پاڵپشتیکردنی سەقامگیریی ناوچەکە و زآڵبونی زمانی دیالۆگ و دیپلۆماسی بۆ چارەسەرکردنی کێشەکان.

ئەمڕۆ پێنجشەممە، نوسینگەی سەرۆک وەزیرانی عیراق رایگەیاند، عەلی فالح زەیدی سەرۆکی ئەنجومەنی وەزیرانی عیراق پەیوەندییەکی تەلەفۆنی لەگەڵ دۆناڵد ترەمپ سەرۆکی ئەمریکا ئەنجامدا.

بە گوێرەی زانیارییەکان، لە پەیوەندییەکەدا دوایین پێشهاتە ئەمنییەکان، رەوشی ناوچەکە و ئاسۆکانی قۆناغی داهاتوو تاوتوێ کران.

هەردوولا جەختیان لەسەر گرنگی بەردەوامی هەماهەنگی و راوێژکاری نێوان بەغداد و واشنتن کردەوە بۆ روبەڕووبوونەوەی ئاڵنگارییەکان کردوە.

هەروەها پشتیوانیکردنی سەقامگیریی ناوچەیی و پێشخستنی زمانی دیالۆگ و دیپلۆماسی بە مەبەستی کۆنتڕۆڵکردنی ئاڵۆزییەکان و رێگریکردن لە فراوانبوونی بازنەی ململانێکان.

لە بەشێکی دیکەی گفتوگۆکەدا، سەرۆکی ئەنجومەنی وەزیران هەڵوێستی نەگۆڕی عیراقی دووپاتکردەوە سەبارەت بە رێزگرتن لە سەروەریی وڵاتان و رەتکردنەوەی بەکارهێنانی خاکی عیراق وەک دەستپێکێک بۆ دەستدرێژیکردنە سەر وڵاتانی دراوسێ

عەلی زەیدی، لە میانی کۆبونەوەی لەگەڵ نوێنەرانی ئەو کۆمپانیایانە، کە بەشدارن لە پڕۆژەی هێڵی بۆڕییەکانی گواستنەوەی نەوتی خاوی عیراق، رایگەیاند ئامانجیان ئەوەیە ئاستی بەرهەمهێنانی نەوتی رۆژانە بۆ 10 ملیۆن بەرز بکەنەوە.

ئەمڕۆ پێنجشەممە، عەلی زەیدی پیسوازی لە نوێنەری ئەو کۆمپانیانە کرد، کە بەشدارن لە پڕۆژەی هێڵی بۆڕییەکانی گواستنەوەی نەوتی خاوی عیراق، بۆ بەندەرەکانی دەریای ناوەڕاست و دەریای سور.

لە کۆبوونەوەکەدا، ئاماژەی بەوە داوە کە حکومەت سیاسەتی دەرگای ئاوەڵای لەگەڵ کۆمپانیا بیانییەکاندا گرتووەتە بەر بۆ تێپەڕاندنی کۆسپ و ئاڵنگارییەکان.

عەلی زەیدی جەختیکردەوە، پەرەپێدانی ئەم کەرتە راستەوخۆ کارگەری ئەرێنی لەسەر ژیانی هاووڵاتیان دەبێت و پێگەی عیراق لە دابینکردنی وزەی جیهانی بەهێزتر دەکات.

لە میانی کۆبونەوەکەدا زەیدی ئاماژەی بەوەشکردوە، ویلایەتە یەکگرتووەکان و کۆمپانیا ئەمریکییەکان پشتیوانی لە بەهێزکردنی هاوبەشی ئابوری لەگەڵ عیراقدا دەکەن.

پەرلەمانی توركیا رێككەوتننامەی مەككەی پەسەند كرد بەمەبەستی پێشكەشكردنی پاڵپشتیی سەربازی بۆ سعودیە.

پەرلەمانی توركیا رێككەوتننامەی مەككەی بۆ بەرگریی هاوبەشی پەسەند كرد كە لە نێوان پاكستان، سعودیە و توركیادا ئیمزاكراوە،ئەم هەنگاوەش ڕێگە خۆش دەكات بۆ ئەوەی ئەنكەرە پاڵپشتیی سەربازی پێشكەش بە ڕیاز بكات.

ئەم سێ هێزە هەرێمییە لە مانگی ئابی ڕابردوودا ڕێككەوتننامەكەیان ئیمزاكرد، و مانگی رابردووش ئاڕاستەی پەرلەمانی توركیا كرا بۆ پەسەندكردنی. 

زیا ئاڵتون یەڵدز، پەرلەمانتاری پارتی داد و گەشەپێدان  رایگەیاند، ئامانجی ئەم ڕێككەوتنە بەهێزكردنی هاوكاریی ئاسایشە لە ناوچەكەدا. جەختیشی كردەوە، ئامانجی سەرەكیی رێككەوتنەكە ڕێگریكردنە لە ململانێكان، نه ك فراوانكردنیان

ئەمریكا پاكێجێكی نوێی سزای بۆسەر چەند كەسایەتییەكی نزیك لە ئێران راگەیاند، كە ژمارەیەك لایەن و كۆمپانیا و كەشتی و دامەزراوەی دارایی لە چەند وڵاتێك دەگرێتەوە و عیراقیشی تێدایە.

وەزارەتی گەنجینە و دەرەوەی ئەمریكا لە چوارچێوەی سزاكانی سەر ئێراندا پاكێجێكی نوێیان راگەیاند، سزاكان چەند لایەن و كەسایەتی و كۆمپانیایەك دەگرێتەوە كە لە رووی سەربازی و ئابورییەوە هاوكاریی ئێرانیان كردووە.

ئەو كەس و كۆمپانیایانەی سزاكان دەیانگرێتەوە لە هەریەك لە وڵاتانی، بیلاڕوس، روسیا، نەیجیریا، هیندستان، توركیا، سەنگافورە و عیراقدان.

پێنج لە كەسایەتییەكان لەناو دامەزراوە داراییەكانی عیراقدا كاردەكەن و هۆشداریش دراوە بە دوو بانكی عیراقی بە ناوەكانی بانكی پەرەپێدانی نێودەوڵەتی بۆ وەبەرهێنان و پارەداركردن و بانگی هەماهەنگی هەرێمی ئیسلامی، كە تێوەگلاون لە چەند چالاكییەكی پەیوەست بە ئێران و دەخرێنە ژێر چاودێرییەوە.

واشنتۆن جەخت لەوەدەكاتەوە، ئەم رێكارانە بۆ رێگریكردنە لە بەهێزكردن و گەشەپێدانی توانا سەربازییەكانی ئێران و هەر لایەنێك هاوكاری بێت روبەڕوی لێپرسینەوە دەبێتەوە.

سوپای پاسداران لەبارەی ئاگرگرتنی دوو کەشتیی نەوتهەڵگر و کەشتییەکی وڵاتی قەتەر راگەیەنراوێکی بڵاوکردەوە و تێیدا هاتووە: بەرێگایەكی نایاسایی لە گەروی هورمز ئاگریان گرتووە.

سوپای پاسدارانی ئێران لە راگەیەنراوێكدا ئاشكرایكرد، شەوی رابردوو لە دوو رووداوی جیاوازدا، بەهۆی تێپەڕبوونیان لە رێڕەوێكی نایاسایی لە باشوری گەروی هورمز، دوو كەشتیی نەوتهەڵگر و كەشتییەكی قەتەری بەهۆی بەركەوتنیان بە مین ئاگریان گرتووە و وەستاون.

هاوكات ئاماژەی بەوەشداوە، دەستیان بەسەر دوو فڕۆكەی بێفڕۆكەوان لە جۆری لوكاسدا گرتووە.

لە راگەیەنراوەکەدا جەخت لەوەش کراوەتەوە، هەوڵدان بۆ پێشێلكردنی یاساكان لە گەروی هورمز تەنها زیانی دارایی و شكستی سیاسیی زیاتری بۆ ئەمریكا لێدەكەوێتەوە.