رۆژهەڵاتی ناوەڕاست
فەرماندەی گشتیی سوپای پاسدارانی کۆماری ئیسلامی ئێران، لە مەراسیمێکی یادکردنەوەدا لە شاری تەبرێز سەبارەت بە ئەگەری دانوستانەکانی نێوان ئێران و ئەمریکا رایگەیاند؛ کە مەحاڵە ئێران لە ژێر هەڕەشەدا دانوستان بکات.
حوسێن سەلامی فەرماندەی سوپای پاسداران وتیشی: "لە ماوەی 46 ساڵی رابردوودا خەڵکی وریا و هۆشیاری ئێران لە بەرامبەر هەر هەڕەشەیەکدا راوەستاون".
هاوکات ئاماژەی بە پێشێلکردنی رێککەوتنە ئەتۆمییەکە و سزاکانی سەر ئێراندا لەلایەن ئەمریکاوە و بە کرداری نا ئەقڵانی ناویبردن و وتی: ئەوان پابەند نین، بە هیچ شێوەیەک، بە بەها ئینسانییەکانەوە و تەنیا شتێک کە باوەڕیان پێی هەیە، هێزە و لەم شەڕە راستەوخۆیەدا، تەنیا بە خۆڕاگری و یەکگرتوویی و یەکگرتوویی دەتوانرێت سەرکەوتوبین.
لە وتارەکەیدا، وەک ئاماژەیەک بە ئیسرائیل و ئەمریکا وتی: وەڵامی ئێران بۆ سەر ئەو هەڕەشە کارانە، وێرانکەر دەبێت.
مەزڵوم کۆبانێ فەرماندەی هێزەکانی سوریای دیموکرات (هەسەدە)، لەیادی 14 ساڵەی شۆڕشی سوریادا رایگەیاند: لە یادی 14 ساڵەی شۆڕشی سوریادا، قوربانیدانی سورییەکان بۆ ئازادی و کەرامەت و دادپەروەریمان لەبیرە.
لەو راگەیەندراوەدا کە لە (X) دایناوە، نووسیوێتی: گەیشتن بە سەقامگیری و ئاشتی وابەستەی چارەسەری سیاسی هەمەلایەنەیە، کە تیایدا ڕێز لە خواستەکانی گەلی سوریا بۆ دەوڵەتێکی دیموکراسی و فرەیی بگیرێت.
چواردە ساڵ بەسەر شەڕی سوریادا تێپەڕدەبێت، كە لە شاری درعا هەڵگیرسا کاتێک منداڵێکی سووری بە ناوی موعاویە سەیاسنە دروشمی دژی حکومەتی سوریا نووسی، بەڵام بە خێرایی دروشمەكەی زۆربەی ناوچەکانی سوریای گرتەوە.
لە ڕۆژێکی وەک ئەمڕۆدا هەموو ساڵێک سورییەکان یەکەم ڕۆژەکانی دەستپێکردنی ناڕەزایەتییەکان لەو وڵاتە وەبیردێننەوە، کە دواتر بووە هۆی گیانلەدەستدانی هەزاران کەس و کۆچکردنی ملیۆنان کەس، هەروەها وێرانکردنی ژێرخان و پاشان هاتنە ناوەوەی وڵاتان و گروپە چەکدارەکان بۆ ئاڵۆزکردنی پرسەکە و ئەنجامدانی کۆبوونەوەی بێشومار بۆ کۆتاییهێنان بە شەڕەکە، کە هەموویان شکستیان هێنا.
لای خۆیەوە پارێزگاری لازقیە رایگەیاند، تەقینەوەکە تا ئێستا 3 کوژراو و 12 برینداری لێکەوتووەتەوە، ئاماژەی بەوەشکردووە، تیمەکانی بەرگری شارستانی و دانیشتووانی ئەو شارە تا ئێستا بەدوای بریندار و بێسەروشوێنەکاندا دەگەڕێن.
سەرچاوە هەواڵییەکان سەرەتا باسیان لە هێرشی موشەکی دەکرد، دواتر راستکرایەوە کە تەقینەوەکە بەهۆی پارچەی موشەک و ئاسنی کۆنەوە بووە لە بیناکەدا.
وەزارەتی دەرەوەی ئێران ئیدانەی سزاكانی سزا نوێیەكانی ئەمریكای بۆ سەر وڵاتەكەیدا كرد و دەشڵێت، ئەمریكا دوو رووە.
ئیسماعیل بەقائی وتەبێژی وەزارەتی دەرەوەی ئێران رایگەیاند، ئیدانەی سەپاندنی سزا لەلایەن ئەمریكاوە بەسەر وەزیری نەوت و چەند بارهەڵگرێكی سوتەمەنی و كۆمپانیای بازرگانی ئێران دەكات.
وتیشی، ئەمریكا داوای دانوستان دەكات و سزا بەسەر ئێراندا دەسەپێنێت و ئەمەش بەڵگەیەكە لەسەر دوو روویی ئەمریكا.
دەشڵێت، سەپاندنی سزا بەسەر ئێراندا پێشێلكردنی یاسا نێودەوڵەتیەكانە و هەڕەشەیەكە بۆ سەر ئاشتی و ئاسایشی هەردوولا و رێكارەكانی ئەمریكا بۆ رێگریكردن لە ئاڵوگۆڕی بازرگانی لە نێوان ئێران و وڵاتانی ئەوروپا پێشێلكاری روونی بازرگانی ئازادە و تاران ئەمریكا بە بەرپرسیار دادەنێت لە دەرەنجامەكانی ئەو سزایانە بۆ سەر ئێران و ئێرانیەكان.
ئەوەش لەكاتێكدایە، شەوی رابردوو وەزارەتی دەرەوەی ئەمریكا سزای نوێی بەسەر سێ كۆمپانیای تایبەت بە فرۆشتنی نەوتی ئێران و سێ كەشتی گواستنەوەی نەوت و وەزیری نەوتیشدا سەپاندووە.
پاش ئیمزاكردنی دەستووری نوێی سوریا لەلایەن ئەحمەد شەرعەوە، ئیدارەی خۆبەڕێوەبەری بەتوندی رەتیدەكاتەوە و دەستورەكە بە پێچەوانەی رەوشی ئێستای سوریا و پێكهاتەكانی دادەنێت.
ئیدارەی خۆبەڕێوەبەری باكوور و رۆژهەڵاتی سوریا راگەیەنراوێكی سەبارەت بە دەستووری نوێی سوریا بڵاوكردەوە و تێیدا ئاماژەی بەوە كرد دەستوورەكە مافی هەموو پێكهاتەكانی تێدا لەبەرچاو نەگیراوە و ئەو پێوەرانەی دەستوورەكەی پێ داڕێژراوە بەشداریكردنی راستەقینەی پێكهاتەكانی سوریای تێدا نییە، بەڵكو ساختەكاریی ناسنامەی راستەقینەی نیشتمانی و كۆمەڵایەتی سووریایە.
لە راگەیەندراوەکەی ئیدارەی خۆبەڕێوەبەری دا هاتووە، "جەخت دەکەینەوە کە ئەم راگەیاندنە پێوەرەکانی فرەچەشنی نیشتمانی سوریای تێدا نییە و لە بەشداری راستەقینەی پێکهاتە نیشتمانییەکانی سوریا بەتاڵە، بۆیە جارێکی دیکە ئەم راگەیەندراوە گوزارشت لە 'عەقڵیەتی تاکڕەوی' دەکات کە درێژەی حاڵەتی پێشووی سوریایە کە گەل دژی راپەڕی".
جەخت لەوەشکراوەتەوە؛ دەستوورەكە بەم فۆڕمەی ئێستای هەوڵەكان بۆ گەیشتن بە دیموكراسیەتی راستەقینە لە سوریا لەناو دەبات.
روسیا رایدەگەیەنێت، نۆ هەزار كەسیان لە بنكەی ئاسمانی حمەیمیم لە ترسی كوشتن لە رۆژئاوای سوریا پەناداوە.
ماریا زاخارۆڤا، وتەبێژی وەزارەتی دەرەوەی روسیا رایگەیاند، نزیكەی نۆ هەزار هاوڵاتی دانیشتوی لازقیەیان لە حمەیمیم پەناداوە كە لە ترسی كوشتن و توندوتیژی تائیفی سوپای سوریا لە سەرەتای ئەم مانگەدا هەلهاتبوون.
ئاماژەی بەوەشكرد، مۆسكۆ تووشی شۆك بووە بەو پێشێلكاریانەی لە سوریا روودەدەن و هیوای خواست ئەو كەسانەی لەو تاوانانە تێوەگلاون، لێپرسینەوەیان لەگەڵدا بكرێت و سزا بدرێن.
دوای تێكچوونی دۆخی ئەمنی ناوچە كەناراوییەكانی سوریا، سەدان خێزانی سوری پێكهاتەی عەلەوی، پەنایان بۆ بنكەی ئاسمانی حمەیمیم برد لە شاری لازقیە.
ڕوانگەی سوری بۆ مافەكانی مرۆڤ لە دوایین ئاماردا ئاشكرایكرد، هەزار و 383 هاوڵاتی مەدەنی كە زۆربەیان عەلەوین، بە دەستی سوپای سوریا لە ناوچە كەناراوەكانی ڕۆژئاوای سوریا كوژراون.
لە راگەیاندراوێکی گرنگدا ئەمڕۆ پێنجشەممە، لیژنەی دەستوریی سوریا کۆمەڵێک بڕیاری چارەنووسسازی بۆ داهاتووی وڵاتەکە ئاشکرا کرد. بەپێی راگەیاندراوەکە، دەستوری نوێی سوریا چەند خاڵێکی سەرەکی لەخۆدەگرێت:
خاڵە سەرەکییەکان:
- ناوی فەرمی دەوڵەت: بە فەرمی پشتڕاستکرایەوە کە ناوی "کۆماری عەرەبیی سوریا" وەکخۆی دەمێنێتەوە و هیچ گۆڕانکارییەک نایگرێتەوە.
- پاراستنی مافەکان: دەستور مافەکانی هەموو پێکهاتەکانی گەلانی سوریا دەپارێزێت بە یەکسانی
- سەرچاوەی یاساکان: راگەیەندرا کە ئاینی ئیسلام سەرچاوەی یاسادانانە لە وڵات
- سیستەمی سیاسی: جەخت لەسەر سیستەمی پەرلەمانی کراوەتەوە لەبری سیستەمی سەرۆکایەتی.
دەسەڵاتی دامەزراوەکان:
- ئەنجومەنی پەرلەمان دەسەڵاتی یاسادانانە و دەتوانێت سەرۆک کۆمار بگۆڕێت.
- پەرلەمان مافی دەرکردنی لێبوردنی گشتی هەیە.
- سەرۆک کۆماری وڵات دەسەڵاتی جێبەجێکردنە.
- راگەیاندنی باری نائاسایی تەنها لە دەسەڵاتی سەرۆک کۆماردایە.
- ماوەی قۆناغی راگوزەری بۆ جێبەجێکردنی دەستوور پێنج ساڵ دەبێت.
لیژنەی دەستوری ئاماژەی بەوەش کردووە کە رەشنووسی دەستوورەکەیان رادەستی "ئەحمەد شەرع"، سەرۆکی کاتی سوریا کردووە و واژۆی لەسەر کراوە.
هەڵوێستی دروزەکان:
لە ئاستێکی دیکەدا، رێبەری رۆحی دروزەکان رایگەیاند کە ئەوان هیچ جۆرە رێککەوتن یان سازانێکیان لەگەڵ حکومەتی دیمەشق (شام) نییە و وەک "حکومەتێکی توندڕەو" وەسفیان کرد کە لەلایەن دادگای نێودەوڵەتییەوە داواکراوە. ئەو جەختی کردەوە کە پاراستنی بەرژەوەندی تایەفەکەیان لە پێشەنگی ئەولەویەتەکانیان دەبێت لە قۆناغی داهاتوودا.
ئەم پەرەسەندنانە لە کاتێکدا دێت کە سوریا لە قۆناغێکی هەستیاری گواستنەوەی سیاسیدایە و هەموو لایەنەکان هەوڵدەدەن پێگەی خۆیان لە داهاتووی وڵاتدا بچەسپێنن.
ئەمڕۆ پێنجشەممە، فڕۆکەکانی سوپای ئیسرائیل هەڵیانکوتایە سەر بارەگایەکی فەرماندەیی سەر بە رێکخراوی جیهادی ئیسلامی فەلەستین لە دیمەشقی سوریا، کە بە وتەی سوپای ئیسرائیل، بۆ پلاندانان و بەڕێوەبردنی چالاکییەکانی رێکخراوەکە بەکاردەهێنرا.
لە راگەیەندراوێکی سوپادا هاتووە: سوپای ئیسرائیل رێگە نادات رێکخراوە تیرۆریستییەکان خۆیان لە ناوخۆی سوریادا جێگیر بکەن و دژی دەوڵەتی ئیسرائیل چالاکی ئەنجامبدەن.
لە درێژەی راگەیەندراوەکەدا هاتووە: سوپا بەردەوام دەبێت لە کردنە ئامانجی رێکخراوە فەلەستینییەکان لە هەر شوێنێک کە پێویست بێت و بەردەوام دەبێت لە کارکردن بۆ پاراستنی هاووڵاتیانی ئیسرائیل.
کەناڵی 12ی ئیسرائیل ئاشکرایکردووە: “هێرشەکەی دیمەشق هاوکات بووە لەگەڵ راگەیاندنی دەستوور لە کۆشکی سەرۆکایەتی، کە ئەحمەد شەرع تیایدا ئامادە بووە و شوێنەکەشی دەکەوێتە نزیک ئەو ناوچەیەوە کە هێرشی کراوەتەسەر.
لە دوای رووخانی رژێمی ئەسەد، لە مانگی کانوونی دووەمی ساڵی رابردووەوە، ئیسرائیل چەندین هێرشی بۆ سەر سوریا دەستپێکردووە، لەو ماوەیەدا زۆربەی تواناکانی سوپای سوریای لەناوبردووە.
لە نوێترین لێدوانیشیدا، ناتانیاهۆ سەرۆک وەزیرانی ئیسرائیل، وتی: "ئێمە هێرشمان کردە سەر بارەگای جیهادی ئیسلامی لە ناودڵی دیمەشق دا... هەرکەسێک پلانی هەبێت لە هەر شوێنێکەوە هێرش بکاتە سەرمان، ئێمە هێرشی دەکەینە سەر."
روانگەی سوری بۆ مافەکانی مرۆڤ رایگەیاند، تەنها لە دوێنێ 11ی ئازاردا، 138 هاووڵاتی مەدەنی لە چەند ناوچە کەناراوییەکانی سوریا، بە تەقەی راستەوخۆ کوژراون، کە چواریان منداڵن.
روانگەی سوری بۆ مافەکانی مرۆڤ رایگەیاند، تەنها لە دوێنێدا 139 هاووڵاتی مەدەنی بە تەقەی راستەوخۆی وەزارەتی بەرگری و ئاسایشی ناوخۆی سوریا و چەکداران کوژراون، کە چواریان منداڵن.
ئاماژەی بەوەشکردووە، لە حەممای رۆژهەڵات پیاوێک ئەو مینانەی پێدا تەقیوەتەوە کە لە گرژییەکانی ئەم دوواییانەی سوریادا چێنراون و لە دۆما منداڵێک تەقەمەنی پێدا تەقیوەتەوە.
ئەو ئامارەی روانگەی سوری بڵاویکردووەتەوە بەم جۆرەیە:
-پارێزگای تەرتوس: 62 کەس لە بانیاس، نۆ کەس لە حەریسون، یەک کەس لە تەواحین.
-پارێزگای لازقیە: 44 کەس لە براشبوو کە سێ ژن و منداڵیکیان تێدایە، 15 کەس لە چەند شوێنێکی جیاوازی لازقیە، یەک کەس لە جەبلە.
-حەسەکە: منداڵێک بەهۆی تەقەی هەڕەمەکی ئاهەنگ گێڕان بۆ رێککەوتنی نێوان ئیدارەی خۆسەر و حکومەتی سوریا گیانی لەدەستدا.
-حەمما و ئیدلب: دوومنداڵ بەهۆی تەقەی هەڕەمەکی ئاهەنگ گێڕان بۆ رێککەوتنی نێوان ئیدارەی خۆسەر و حکومەتی سوریا گیانیان لەدەستدا.
-دێرەزوور: پیاوێک بەهۆی تەقەی هەڕەمەکی ئاهەنگ گێڕان بۆ رێککەوتنی نێوان ئیدارەی خۆسەر و حکومەتی سوریا گیانی لەدەستدا.
-حەلەب: دوو کەس بەهۆی تەقەی راستەوخۆی دوو چەکدارەوە لەبەردەم مزگەوتێکدا کوژران.
حوسییەكان رایانگەیاند، هێرشەكانیان بۆسەر ئیسرائیل دەستپێدەكەنەوە، راگرتنی هێرشەكانیان لە ماوەی رابردوودا، بۆ گەیاندنی هاوكاریی بووە بە فەلەستین.
یەحیا سەریع وتەبێژی چەكدارانی حوسی لە یەمەن رایگەیاند، مۆڵەتی چوار رۆژیی هێزەكانیان بۆ راگرتنی هێرشەكانیان دژی ئیسرائیل كۆتایی هاتووە و هێرشەكانیان دەست پێدەكەنەوە.
بە وتەی سەریع راگرتنی هێرشەكانیان دژی ئیسرائیل و كەشتییەكانی ئەو وڵاتە بۆ ئاگربەست لە غەززە و گەیاندنی هاوكاریی بۆ فەلەستنییەكان بووە، بۆیە دوای ئەو وادە دەستنیشانكراوە هێرشی حوسییەكان لە دەریای سور و دەریای عەرەب و بابولمەندەب و كەنداوی عەدەن دەست پێدەكەنەوە.
سەرۆك كۆماری ئێران رێككەوتن لەگەڵ ئەمریكا رەت دەكاتەوە و كۆشكی سپیش جەخت لەوە دەكاتەوە تەنها بژاردەی، رێككەوتن یان هێرشی سەربازیی لەبەردەم ئێراندایە.
دوای ئەوەی مەسعود پزیشكیان، سەرۆك كۆماری ئێران رایگەیاند لە ژێر هەڕەشەی دۆناڵد ترەمپ، سەرۆكی ئەمریكا ئامادەنابن دانوستان و رێككەوتن لەگەڵ واشنتۆن بكەن، وتەبێژی ئەنجومەنی ئاسایشی نیشتمانی كۆشكی سپی جەختی لەو بژاردانە كردەوە كە سەرۆكی ویلایەتەیەكگرتوەكان رایگەیاندبو.
كۆشكی سپی جەختی لەوە كردەوەتەوە كە تەنها بژاردەكانی دانوستان و جەنگ لەبەردەم ئێراندایە و ئەمریكا بە هیچ شێوەیەك رێگە نادات ئێران ببێتە خاوەنی چەكی ئەتۆمیی.
پێشتر پزشكیان وتبوی چونكە دۆناڵد ترەمپ هەڕەشەی كردوە، ئامادە نییە دانوستانی لەگەڵ بكات.
دۆناڵد ترەمپ، سەرۆكی ئەمریكا لە نامەیەكدا بۆ عەلی خامنەیی، رێبەری ئێران داوای دانوستانی لەگەڵ وڵاتەكە كردبو و جەختیشی لەوە كردبوەوە كە ئەو وڵاتە دوو بژاردەی رێككەوتن و جەنگی لەبەردەمدایە و خامنەییش رەتی كردەوە.
ئاژانسی رۆیتەرز رایگەیاند، سبەینێ رەشنووسی دەستووری سوریا بۆ قۆناغی راگوزەر پێشكەشی ئەحمەد شەرع سەرۆكی سوریا دەكرێت تاكو پەسەندی بكات.
ئاژانسی رۆیتەرز بڵاویكردەوە، ئەو لیژنەیەی راسپێردرابوون بە داڕشتنەوەی دەستوور بۆ قۆناغی راگوزەری سوریا، كارەكانیان تەواوكردووە و سبەینێ رەشنووسی دەستوورەكە پێشكەشی "ئەحمەد شەرع سەرۆكی سوریا" دەكەن، تاكو پەسەندی بكات.
رۆژی 25ـی مانگی شوباتی رابردوو، كۆنفرانسی دیالۆگی نیشتمانی سوریا بە سەرپەرشتی ئەحمەد شەرع لە دیمەشق بەڕێوەچوو، تیایدا چەند راسپاردەیەك دەركران، لەنێویاندا داڕشتنەوەی دەستوور بە جۆرێك لەگەڵ قۆناغی راگوزەری سوریا بگونجێت.
دواتر لە رۆژی 3ـی ئەم مانگە سەرۆكی سوریا، مەرسومێكی كۆماری دەركرد، بۆ دیاریكردنی لیژنەیەك تاكو هەڵسن بە ئەركی داڕشتنەوەی دەستووری سوریا، لیژنەكە لە حەوت ئەندام پێكهاتووە و ژنیش لەناو ئەندامەكاندا هەیە.
سەرۆك كۆماری توركیا دەڵێت، رێككەوتنی نێوان مەزڵوم كۆبانێ و ئەحمەد شەرع خزمەت بە ئاشتی ناوچەكە دەكات و براوە تێیدا گەلی سوریا دەبێت.
رەجەب تەیب ئەردۆغان، سەرۆك كۆماری توركیا رایگەیاند، بە گرنگییەوە لە یەكپارچەیی خاكی سوریا و پاراستنی پێكهاتەكانی و بەهێزكردنی یەكگرتوویی و یەكڕیزی دەڕوانن، هاوكات دەیانەوێت هاووڵاتییان لە سەرتاسەری ناوچەكە بەبێ جیاكاری ئایینی و تائیفی و نەتەوەیی، لە ئارامی و خۆشگوزەرانیدا بژین.
ئەوەشی خستەڕو، جێبەجێكردنی رێككەوتنی نێوان ئیدارەی سوریا و هەسەدە و یەكخستنی دامەزراوەكانی ئیدارەی خۆبەڕێوەبەری لە چوارچێوەی دەوڵەتی سوریادا، خزمەت بە ئاشتی ناوچەكە دەكات و براوە تێیدا گەلی سوریا دەبێت.
هەروەها، لێپرسراوێكی باڵای توركیا بۆ ئاژانسی رۆیتەرز ئاشكرایكردووە، ئەنقەرە بە وریاییەوە گەشبینە بەو رێككەوتنە، بەڵام پێداگرە لەسەر داماڵینی چەك لە كوردانی سوریا، هاوكات، رێككەوتنەكە هیچ گۆڕانكارییەكی لە ئیرادەی ئەنقەرەدا نەكردووە بۆ بەرەنگاربوونەوەی تیرۆر.
ئەحمەد شەرع سەرۆکی سوریا رێککەوتنێکی لەگەڵ دروزییەکان و کەسایەتییەکانی پارێزگای سویدە ئەنجامدا و ئامانج لێی تێکەڵکردنی ئەو پارێزگایە بە تەواوی لەگەڵ دامودەزگاکانی دەوڵەتی سوریا.
بەپێی سەرچاوەکانی سکای نیوز، رێککەوتنەکە چەند مەرجێکی سەرەکی لەخۆدەگرێت، دیارترینیان پەیوەستبوونی خزمەتگوزارییە ئەمنییەکانی سویدەیە بە وەزارەتی ناوخۆی سوریاوە.
هەروەها لە رێککەوتنەکەدا هاتووە کە کارمەندانی پۆلیسی ناوخۆیی لە سویدە خەڵکی پارێزگاکە دەبن.
لە چوارچێوەی ئەو هەنگاوانەدا، لە رێککەوتنەکەدا مەرجی ئەوەشی بۆ دانراوە کە حکومەتی سوریا پارێزگار و سەرۆکی پۆلیس لە سویدە دیاری دەکات و خەڵکی پارێزگاکە دەبن.
ئەم رێککەوتنە دوای رۆژێک دێت لە ئیمزاکردنی رێککەوتننامەیەک بۆ یەکخستنی سەرجەم دامودەزگا مەدەنی و سەربازییەکانی سەر بە خۆبەڕێوەبەریی کورد لە چوارچێوەی دەوڵەتی سوریا.
لیژنەی لێكۆڵینەوە لە روداوەكانی سوریا رایگەیاند، كار لەسەر سەرجەم بەڵگەكان دەكەن و لیژنەیەك رەوانەی شوێنی روداوەكان دەكەن.
یاسر فەرحان وتەبێژی ئەو لیژنەیە رایگەیاند، كەسانی پسپۆڕ دادەمەزرێنن بۆ لێكۆڵینەوە لە روداوەكانی كەناراوەكانی سوریا و كارەكانی لیژنەكەش بە كۆبوونەوە لەگەڵ ئەحمەد شەرع سەرۆكی سوریا دەستیپێكردووە.
وتیشی، كار دەكەن بۆ كۆكردنەوەی سەرجەم بەڵگەكان و دیاریكردنی شایەتحاڵەكان و ئەو پێگە و شوێنانەی كە پێویستە سەردانیان بكەن، هەروەها لێكۆڵینەوە لەو گرتە ڤیدیۆییانە دەكەن كە لەسەر روداوەكانی ئەم دواییەی سوریا بڵاوكراونەتەوە.
جەختیشی كردەوە لەوەی، رێگەنادەن تاوانباران لە سزا دەربچن و ئەنجامی لێكۆڵینەوەكانیش پێشكەشی سەرۆكی سوریا و دادگا دەكەن.
بەپێی روانگەی سوری بۆ مافی مرۆڤ، لە شەشی ئەم مانگەوە زیاتر لە هەزار و 400 كەس لە ئەنجامی توندوتیژییەكان و پێكدادانەكانی هێزەكانی حكومەت و گروپە چەكدارەكان لە كەناراوەكانی سوریا كوژراون، بە تایبەت لە شارەكانی تەرتوس و لازقیە.
هاوسهرۆكی گشتی دهبهپه دهڵێت، بۆ ئهوهی بانگهوازهكهی ئۆجهلان جێبهجێ بكرێت، دهبێت ههمواركردنی یاسایی و دادوهری ئهنجام بدرێت.
چیدهم كلیچگون ئوچار هاوسهرۆكی گشتی پارتى ههرێمه دیموكراتییهكان"دهبهپه"رایگهیاند، له بانگهوازهكهى ئۆجهلان بۆ پرۆسهى ئاشتى، لهبری چهك تیشك دهخرێته سهر دیموكراسی، لهبری نهژادپهرستی تیشك دهخرێتهسهر كۆمهڵگهی دیموكراتیك، لهبری سیاسهتی نكۆڵی دهوڵهت تیشك دهخرێتهسهر سیاسهتی دیموكراتى.
وتیشى، بۆ ئهوهی بانگهوازهكهی ئۆجهلان جێبهجێ بكرێت، پێویسته دهوڵهت و دهسهڵات ههنگاوبنێن، بۆ چارهسهری پرسی كورد و دهست له سیاسهتی نكۆڵی ههڵبگرن، دهبێت ههمواری یاسایی و دادوهری بكهن.
رۆژى دووشهممهش ئوزگور ئۆزهل، سهرۆكی جهههپه له كۆنفرانسێكى رۆژنامهوانیدا رایگهیاند، زۆبهی پارته ئۆپۆزسیۆنهكانی توركیا پشتیوانیی له چارهسهری ئاشتیانه دهكهن، پێویسته بۆ چارهسهری پرسی ئاشتیانهی كوردیش گۆڕانكاریی یاسایی له دهستوری وڵاتدا بكرێت.