کوردستان
بەڕێوەبەرایەتی گشتی کارەبای سلێمانی لە راگەیەندراوێکدا دەڵێت، بەرنامەی کارکردنی موەلیدەکان دەگۆڕدرێت و دەبێت بە ٢٤ کاتژمێری.
راشیگەیاند، ئەم بەرنامەیە لە سەعات ١٢ی ئەمشەوەوە دەچیتە بواری جێبەجێکردنەوە و ھەرکاتێک کارەبای نیشتمانی کوژایەوە پێویستە خاوەن موەلیدەکان کار بە موەلیدەکانیان بکەن و کارەبا دابین بکەن.
لە بەشێکی راگەیەندراوەکەدا ھاتووە، " ئاگاداری سەرجەم خاوەن موەلیدەکانی ناو شاری سلێمانی دەکەینەوە، کە بەھۆی بەرزبوونەوەی پلەکانی گەرما و پێویستبوونی کارەبای بەردەوام، بەرنامەی کارکردنی موەلیدەکان دەگۆڕدرێت و دەبێت بە ٢٤ کاتژمێری."
کۆشکی سپی ئەمریکا بڵاویکردەوە، جەیک سولیڤان پەیوەندییەکی تەلەفونی ئەنجامداوە لەگەڵ ئیبراھیم کاڵکان و پێیوتووە، "خۆتان بەدوور بگرن لە دروستکردنی ئاڵۆزی لە سووریا بۆ پاراستنی سنوورەکانی ئاگربەست و دووربکەونەوە لە ھەر ناسەقامگیرییەکی زیاتر."
ئەوەش لە کاتێکدایە ھەفتەی رابردوو ئەردۆغان رایگەیاند، بۆ پاراستنی سنورەکانیان لە ھەڕەشە و مەترسی یەپەگە و پەکەکە، لە ئایندەیەکی نزیکدا ئۆپراسیۆنی سەربازی بۆ سەر باکوری سوریا ئەنجام دەدەن.
بەپێی ھەواڵێکی رۆژنامەی ئەلعەرەبی ئەلجەدیدیش دوای کۆبوونەوەیەکی بەرپرسانی تورکیا و فەرماندەی گروپە چەکدارەکانی سەر بە ئەنقەرە، بڕیار دراوە ئۆپراسیۆنەکە بۆ کاتێکی نادیار دوابخرێت.
لە کۆنفرانسێکی رۆژنامەوانیدا، نوێنەری دانیشتوانی گوندی رەشکین لە ھەولێر رایگەیاند، "ئێمە وەک دانیشتوانی گوندی رەشکین ھەرگیز ماڵەکانمان چۆڵ ناکەین و بە مافی خۆمانی دەزانین."
نوێنەری دانیشتوانی گوندی رەشکین وتیشی، "ئەمڕۆ دانیشتنی دادگا بەڕێوەدەچێت، بەڵام تا ئێستا ھیچ نوێنەرێکی ئەو لایەنەی کە سکاڵاکەی لەسەر تۆمارکراوە ئامادەی دانیشتنی دادگا نەبووە."
راشیگەیاند، لەبەرامبەر خانووەکانی گوندی رەشکین، پارێزگا و قایمقامییەتی ھەولێر پێشنیازی ئەوەیان کردووە کە وەک قەرەبوو پارچە زەوییەک بدرێت بە خاوەن خانووەکان، بەڵام دانیشتوانی گوندەکە رەتیدەکەنەوە.
لە گوندی رەشکیندا نزیکەی ١٣٤ ماڵ ھەن، بەڵام ماوەیەکە لەلایەن پارێزگا و قایمقامییەتی ھەولێر نوسراویان بۆ ھاتووە کە دەبێت ماڵەکانیان چۆڵ بکەن بەبیانووی ئەوەی کە ئەو شوێنە زیادەڕۆیە.
بە پێی نوسراوێکی وەزارەتی دارایی حکومەتی ھەرێم کە ئیمزای وەزیری دارایی لەسەرە، ھەر فەرمانبەرێک لە کار دووردەخرێتەوە یان بە ناچاری لە کار دوورکەوتووەتەوە و ساڵانی خزمەتی لە ١٥ ساڵ کەمترە، مافی ئەوەی ھەیە موچەی خانەنشینی وەربگرێت بەڵام موچەکەی خەرج ناکرێت تا ئەو کاتەی تەمەنی دەگاتە ٤٥ ساڵ.
ئاماژە بۆ ئەوەش کراوە کە ئەو فەرمانبەرانەی دەست لە کار دەکێشنەوە، مووچەی خانەنشینی وەرناگرن بە بێ ڕەزامەندی لایەنە پەیوەندیدارەکان.
وتیشی، لیژنەی خوێندنی باڵا لە دیداری یەکێتی لە سێ ڕۆژی ڕابردوودا، ڕاپۆرتێکی تێروتەسەل لە بارەی چاککردنی کەرتی خوێندن لە ھەموو ئاستەکانی خوێندن و پێشکەشەکردنی خزمەتگوزاری بۆ مامۆستایان ئامادەکردووە.
ھاوڵاتییەکی تەمەن ٥٣ ساڵ لە گەڕەکی قولەرەیسی شاری سلێمانی بە کوژراوی لە مالەکەی خۆیدا دۆزرایەوە و بە وتەی کەسوکاری کوژراوەکەش فیشەک بەرسەری کەوتووە و گیانی لەدەسداوە.
جێی ئاماژەیە، کوژراوەکە خاوەنی پێنج منداڵە و پۆلیس لێکۆڵینەوەی لە ھۆکاری گیان لە دەستدانەکەی دەستپێکردووە.
لە پەیامێکی پیرۆزباییدا، محەممەد حاجی مەحمود رایگەیاند یەکێتی نیشتمانی کوردستان رۆڵی دیاری لە بەدەستھێنانی مافە ڕەواکانی گەلەکەماندا گێڕاوە.
محەممەد حاجی مەحمود دەشڵێت، "ھیوادارین یادی دامەزراندنی یەکێتی نیشتمانی کوردستان ببێتە ھاندەرێکی باش بۆ ئاشتی و پێکەوەژیانی سیاسیانەی ھاوچەرخ لە ھەرێمی کوردستاندا."
لە بەشێکی دیکەی پەیامەکەی سکرتێری گشتی حیزبی سۆسیالیستدا ھاتووە، یەکێتی رووبەرووی ئەرکێکی قورسی نەتەوەیی بووەتەوە لەگەڵ لایەنەکانی ھەرێمی کوردستان بۆ دەرچوونی ھەرێم لەو قەیرانە سیاسیی و ئابووری و ئیداریی و داراییەی تێی کەوتووە.
راشیگەیاند، "لەم قۆناغە ھەستیارەی گەلەکەمان دووچاری بووە ئەرکی مێژووی یەکێتییە ھەموو ھەوڵەکانی خۆی بخاتە گەڕ بۆ دەربازبوون لەو قەیرانانە ئەوەش بە یەکڕیزی ھەموو لایەک لە ھەرێم و عێراق و ناوچەکە بە ھەماھەنگی لایەنەکانی تری ھەرێم."
بە پێی نوسراوێکی دادگای تاوانەکانی کەرکوک، ڕێبوار فایەق تاڵەبانی، بە بێ ئامادەبوونی خۆی، سزای شەش ساڵ زیندانی بە پێی ماددەی ٣٤٠ لە یاسای سزاکان ژمارە ١١١ی ساڵی ١٩٦٩ بەسەردا سەپێنراوە، ھەروەھا گەشتکردنی بۆ دەرەوەی وڵات لێ قەدەغە دەکرێت و دەستیش دەگیرێت بەسەر موڵک و سامانی گواستراوە و نەگواستراوەی.
ئەوەش لە کاتێکدایە ھەندێک لە ڕاگەیاندنەکان کەوتوونەتە ھەڵەوە و لە بری نوسینی ناوی ڕێبوار فایەق تاڵەبانی ناوی ڕێبوار تەھا ئەندامی سەرکردایەتی یەکێتی نیشتمانی کوردستانییان نوسیوە.
ئەمڕۆ ئاوات جەناب نوری لەگەڵ دو تاینتواتچ، بەرپرسی بەشی سیاسی-ئابووری و سێپ پاچ، سەرۆکی یەکەی ئابووری لە کونسوڵخانەی گشتی ئەمریکا لە ھەرێمی کوردستان کبووەوە و رایگەیاند "لە دواھەمین ھەولماندا لە ڕێگەی بەڕێوەبەرایەتی تەکنەلۆجیای بانکەکان بڕیارە لە کەمترین ماوەدا موچە خۆرانی ھەرێمی کوردستان بەشێوەی کارت موچەکانیان وەربگرن."
ئاوات جەناب نوری راشیگەیاند، لەسەرەتای ساڵی ٢٠١٣ وە حکومەتی ناوەندی عێراق گەمارۆیەکی ئابووری بەسەر ھەرێمی کوردستان سەپاندوو، "بەڵام دڵخۆشین بەوەی لە ھەرێمی کوردستان ئیرادەیەک ھەیە بۆ بەرەو پێش چوونی چاکسازی سەرتا سەری".
وەزیری دارایی بە شاندەکەی ئەمریکای وتووە، "بەھەموو ئاستەنگەکانەوە ھەوڵی تەواومان داوە بە کەم کردنەوەی ڕۆتین و بە ئەلیکترونی کردنی سەرجەم بەڕێوەبەرایەتییە گشتیەکانی سەر بەوەزارەتمان، ئەمەش جێگەی دڵخۆشیە بۆ ھاوڵاتیان".
د. فوئاد مەعسوم، ڕاشیگەیاند، یەکێتی لە قۆناغێکدا دامەزرا، کە پێویستیەکی مێژووی بوو بۆ کۆمەڵانی خەڵکی کوردستان و ئەو کاتەی کە سەرۆک مام جەلال و کاک نەوشیراون ھاتنەوە بۆ ھەرێمی کوردستان، ئێمە ئەو چەند ھەڤاڵەی کە لە دەرەوە بووین، بە ناوی سەرکردایەتی دەرەوە کارمان دەکرد و لە ھەوڵی پەیداکردنی چەک و کۆمەڵێک شتی تردا بووین.
وتیشی، لە دوای نەمانی شۆڕشەوە کۆمەڵانی خەڵک بێ ئومێد بوون، بەڵام لەگەڵ دروستبوونی یەکێتیی نیشتمانیی کوردستان، ئومێد بۆ کۆمەڵانی خەڵک گەڕایەوە و یەکێتی توانی بارودۆخێکی باش بخوڵقێنێت.
عومەر شێخ موس، پیرۆزبایی دامەزراندنی یەکێتیی نیشتیمانیی کوردستانی لە گشت ئەندام و لایەنگرانی یەکێتی کرد و ڕایگەیاند، یەکێتی نەک ھەر پێویستیەکی مێژوویی، بەڵکو دەستکەوتێک بوو بۆ گەلی کوردستان و لە دوای نەمانی شۆڕشەوە تاوەکو ئێستا دەورێکی کاریگەر و باڵای لە گۆڕەپانی سیاسی عێراق و ھەرچوار پارچەی کوردستان ھەبووە و ڕۆڵی سەرۆک مام جەلال ھاندەرێکی باش بوو بۆ ھەستانەوەی کورد، لە دوای کارەساتی ڕووخانی شۆڕش و تێکچوونی بارودۆخەکە.
وتیشی، پێویستە داھاتی ئەم ژمارە جوانانەی تابلۆی ئۆتۆمبێل لە شارەکان خەرج بکرێتەوە نەک لە لایەن ھەندێک کەسەوە گەندەڵی پێوە بکرێت.
بە پێی ئامارەکانی ڕێکخراوی تەندروستی جیھانی ساڵانە ٨ ملیۆن کەس بەھۆی توتنەوە گیان لە دەستدەدەن، لە عێراقیش بەھۆی توتن و جگەرەکێشانەوە ھەر ٢٠ خولەکێک کەسێک گیان لە دەستدەدات.
ئەمڕۆ، سێ شەممە، لە پەیامێکدا سەرۆکی پەرلەمانی کوردستان پیرۆزبای خۆی بە سەرۆکی یەکێتی نیشتیمانی کوردستان گەیاند.
لە پەیامەکەدا کە سەرۆکی پەرلەمانی کوردستان کە ئاراستەی سەرۆکی یەکێتی نیشتیمانی کوردستانی کردوە ڕایگەیاند، "بەبۆنەی سەرکەوتنی دیداری یەکێتی، گەرمترین پیرۆزبای لە بەڕێزتان، سەرجەم ئەندامانی مەکتەبی سیاسی و سەرکەردایەتی، ئەندامان و لایەنگرانی یەکێتییەکەمان دەکەم."
ڕێواز فایەق، دیدارەکەی بە ھەڵقڵاوی بیروباوەڕی ئۆرگانەکانی یەکێتی وەسف کرد و ھیوای خواست دیدارەکە ببێتە ھۆکارێک بۆ بەرەو پێشچوونی یەکێتی نیشتیمانی کوردستان.
دەقی ڕاگەینراوەکە ......
کۆمەڵانی خەڵکی کوردستان
کەسوکاری سەربەرزی شەھیدان،
پێشمەرگە قارەمانەکان و
تێکۆشەرانی رێی رزگاری و خەباتگێڕانی ریزەکانی یەکێتی نیشتمانی کوردستان،
بە سڵاوێکی گەرمی ھەڤاڵانەوە پیرۆزبایی بیرەوەری (٤۷) ساڵەی دامەزراندنی یەکێتی و (٤٦) ساڵەی دەستپێکردنەوەی شۆڕشتان لێ دەکەین.
یەکێتی نیشتمانی کوردستان لە دۆخی دژواری دوای ھەرەس و بۆ سەرخستنی پرۆژەی رزگاری و سەرفرازی گەلی کوردستان و دابینکردنی ماف و داخوازییەکانی لەسەر بنچینەی مافی چارەنووس ھاتە کۆڕی خەباتەوە و سەرۆک مام جەلال و ھاوڕێ دامەزرێنەرەکانی دەستپێشخەریی مێژووییان کرد و دوای ساڵێکیش لە دامەزراندن سەدان ھەزار تێکۆشەر بوونە ھەوێنی دەستپێکردنی شۆڕشی نوێ و ئەم کاروانەی کە بەردەوامە ئامانجی گەورەی بەدیھێناوە و ھێشتا زۆری تریش ماوە کە بەدی بێنێت ، ئەم رەوتە لە خەبات و قوربانیدان بە رێبەری سەرۆک مام جەلال و بەگیانی پیرۆزی ھەزاران شەھید و رەنجی شانی سەدان ھەزار تێکۆشەر گەیشتە قۆناغی فیدرالی و سەرۆک مام جەلالیش بووە یەکەم سەرۆکی ھەڵبژێردراوی عێراقی دیموکرات و فیدرال.
ھەڤاڵانی خۆشەویست
لە کاتێکدا یادی ئەو ڕۆژە گەش و پڕ سەروەرییەی یەکێتی دەکەینەوە، رووداو گەلێکی زۆر لە سەر ئاستی جیھان و ناوچەکە و عێراق و کوردستان ھاتۆتە ئاراوە کە وامان لێ دەخوازێت یەکێتی بە ڕوانینێکی نوێیەوە رۆڵی کاریگەری خۆی ببینێت و ئەرکە نیشتمانی و نەتەوەییە تازەکانیش لەئەستۆ بگرێت. لەسەر ئاستی کوردستان وەک یەکێتی پابەندین بە پاراستنی یەکڕیزی ھێزە سیاسییەکان تاکو ئەم کۆ دەنگی و یەکگرتویەی گەلی کوردستان بکەینە بناغەی کاری ھاوبەشمان لەگەڵ لایەنە عێراقیەکاندا بۆ بەشدارییەکی کارای کورد لەپرۆسەی سیاسی، تەوافوق و شەراکەت، پاراستنی ئیستحقاقە نەتەوەیی و دیموکراتیەکان لە حکومەتی داھاتووی عیراقدا. ئەم جۆرەسیاسەتە بارودۆخی چەق بەستوو و ناھەمواری وڵات ئەخاتەوە سەر ڕێچکەی ڕاست و دروستی چارەسەرکردن و رێگا بۆ گەشەپێدانی ژیان و گوزەرانی خەڵکی کوردستانیش دەکاتەوە.
ھەڤاڵانی تێکۆشەر
لەکاتێکدا یادی ئەو دوو بۆنە شکۆدارە دەکەینەوە، ئەمساڵ دیداری یەکێتیی بۆ نوێبونەوە و چاکسازی تێکەڵ بە یادە مەزنەکەمان بووە، ئەم دیدارە لەرێگەی بەشداری ھەڤاڵان لە ھەموو ئۆرگان و ناوچەکانەوە نەخشەرێیەکی تازەی کارکردن دەھێنێتە کایەوەو بە بڕیار و راسپاردەکانی لەسەر ھەموو ئەو ئاستەنگ و ئالنگارییانە دەوەستێت و رێگا چارەی نوێ بۆ خەباتی حزبایەتی و حوکمرانی پێشنیار دەکات، تا پێکەوە ئەم ئەرکە حزبی، دیموکراتی و نیشتمانییە سەر بخەین.
ھاووڵاتیانی خۆشەویست،
ھەموومان دەزانین ھەرێمی کوردستان بەرەو وەرزی ھەڵبژاردنەکان دەڕوا و یەکێتیی نیشتمانی کوردستانیش پشتیوانی گەرموگوڕ لە ئەنجامدانی ھەڵبژاردنەکان دەکات لە ڕێی پێداچوونەوە بە یاسای ھەڵبژاردن و پێکھاتەی کۆمیسیۆن و پاکژکردنەوەی لیستی دەنگدەران، داواش دەکەین مشتومڕەکانی پەیوەست بە ھەڵبژاردنەکان بە زمانێکی ئارام و ھێمن بەڕێوە بچن. بۆ ئەوەی ئاشتی کوردستان زەمینەی پەرەپێدانی دیموکراسی و حوکمڕانی باشتر بخوڵقێنێ. بۆ ئەم مەبەستەش ھەڤاڵ سەرۆک بافڵ جەلال تاڵەبانی ئامادەیی یەکێتی دوپاتکردەوە بۆ گفتوگۆی بنیاتنەرانە لەپێناو ھەڵبژاردنێکی پاک و بێگەرد وەک لە چەند ڕۆژی ڕابوردوو راگەیاند «بۆ ئەوەی گۆڕانکاری ڕاستەقینە لە حکومڕانی کوردستان بکەین».
جارێکی تر بەرز و پیرۆز بێت ساڵیادی دامەزراندنی یەکێتی و ھەڵگیرسانی شۆڕشی نوێ .
رۆحی شەھیدان شاد و یادیان ھەر زیندوو بمێنێت .
مەکتەبی سیاسی
یەکێتیی نیشتمانیی کوردستان