وێڕایی پیرۆزباییان بۆ یادی ٤٧ ساڵەی دامەزاراندنی یەکێتی، داواش دەکەن گرنگری زیاتر بە گەنجان بدرێت لە ھەموو ئۆرگانەکاندا.

لە یادی دامەزراندنی یەکێتییشدا داوا دەکەن، یەکێتی لەسەر ھەڵوێستە نیشتمانییەکانی بەردەوام بێت بۆ چارەسەرکردنی کێشەکانی ناوچە دابڕێنراوەکان.

وەفدەکەی حزی حزبی تەکەتول   پێکھاتبون   لە  د. خەلیل  ئەلزاویە  سەرۆکی  حزب و ھالە  بن  یوسف  جێگری سەرۆک  و  ئەسما بن  ساڵح  و سامیە ملکی  فیسی.

لە راگەیەندراوی کۆبوونەوەکەدا ھاتووە، "لەو دیدارەدا کە ھەریەک لە سەرکەوت  محەمەد غەفور ئەندامی  سەرکردایەتی و سەمیر ئەمین نوێنەری یەکێتی لە ووڵاتی سوید ئامادەی بوو، خاتوو شاناز بەگەرمی  بەخێرھاتنی  لەوەفدی  میوان  کرد  بۆ  سلێمانی  و ئاماژەی بەوەدا کەھاتنەکەتان ساتێکی گرنگ و مێژووییە کە ھاوکاتە لەگەڵ ساڵیادی دامەزراندنی یەکێتی و سیاسەتی یەکێتیشی روونکردەوە بۆ پتەوکردن و ھەماھەنگی لەگەڵ پارت و ھێزە پێشکەوتنخوازەکانی جیھان."

وەفدەکەی حزبی تەکەتول سەردانی مەزاری پیرۆزی سەرۆک مام جەلالیان کرد و د.  خەلیل ئەلزاوییە سەرۆکی  حزبەکە رایگەیاند، دۆستایەتیمان لەگەڵ یەکێتی دەگەڕێتەوە بۆ بەشداری چالاکانەی یەکێتی لە کۆنگرە و کۆبونەوەکانی جیھانی عەرەبی لە سۆسیالیست ئینتەرناسیوناڵ.

لە بەشێکی دیکەی راگەیاندنی کۆبوونەوەکەدا ھاتووە، "ھەر لەمیانەی سەردانەکەیاندا، وەفدی میوان سەردانی گەلەری خاک-یان کرد، خاتوو شاناز لەبارەی پرۆژەکەوە رونکردنەوەی بەوەفدەکەدا کە لەژێر پەیامی سەرەکی "زەڕەیەک خاکی وەتەن نادەم بەقەسری قەیسەری" کراوەتەوەو نمایشێکە بۆ نیشاندانی نمونەی خاکی ناوچە جیاوازەکانی کوردستان وەک گوزارشتێک لە پیرۆزیی خاک و کارکردن و تێکۆشان و ھەوڵەکانی مامۆستا ئیبراھیم ئەحمەد بۆ خەبات کردن لەپێناو رزگاری کوردستاندا."

دەقی پیرۆزباییەکە:

بۆ: بەرێز مەکتەبی سیاسی یەکێتی نیشتمانی کوردستان

سڵاوێکی برایانەی گەرم،

بە بۆنەی ساڵھاتی دامەزراندنی یەکێتی نیشتمانی کوردستانەوە،  پڕ بە دڵ پیرۆزباییتان لێ دەکەین و ئاواتەخوازی پتەوتربوونی یەکریزی ڕیزەکانی یەکێتی نیشتمانی کوردستان، ئاشتی و تەبایی لە ھەرێمی کوردستان، ژیان بە ئازادی و یەکسانی و خۆشگوزەران بۆ جەماوەری تێکۆشەری باشوری کوردستانین.

بێگومان جەماوەری خەڵکی کوردستان کە لە پێناوی بەدیھێنانی ئەم ئاواتانەدا رەنجی زۆریان و قوربانی زۆریان داوە، شایستەی وەھا ژیانێکن و ئەم ئاواتاتەش تەنیا بە پشت بەستن بە ئەم جەماوەرە بەدی دێن و بە ھێزی لەبن نەھاتووی ئەوان سەقامگیر دەبن.  

جارێکی دیکە پیرۆزبایی ئەو یادەتان لێدەکەین و ھیوای سەرکەوتنتان بۆ دەخوازین.

کومیتەی ناوەندی کۆمەڵە

ئیبراھیم عەلیزادە

‏٠١‏/٠٦‏/٢٠٢٢

بە پێی راپۆرتێکی رێکخراوی ھەنگاو بۆ مافەکانی مرۆڤ، لە مانگی ئایاری رابردوو کۆڵبەرێک لە سنورەکانی خۆرھەڵاتی کوردستان کوژراوە و ٢١ی تریش برینداربوون کە ١١ حاڵەتی بریندارەکان لە سنورەکانی کرماشان بووە، ٨٢%ی حاڵەتەکانیش بەتەقەی راستەوخۆی ھێزە ئەمنییەکانی ئێران بووە.

ئاماژە بەوەشکراوە، ژمارەی کوژران و برینداربوونی کۆڵبەران لە سنورەکانی خۆرھەڵاتی کوردستان لە مانگی ئەیار بەراورد بە مانگی نیسان ٢٣ حاڵەت کەمیکردووە.

لە سەردانەکەشدا وەفدەکە قەڵغانی ٤٧ ساڵەی یادی یەکێتی پێشکەشی بنەماڵە و کەسوکاری شەھیدان کرد، بۆ ئەو مەبەستەش یەکێتی حەوت لیژنەی پێکھێناوە بۆ بەسەرکردنەوەی بنەماڵەی شەھیدان کە لە ماوەی ھەفتەیەکدا سەرجەم بنەماڵەی شەھیدان لە کەرکوک بەسەر بکاتەوە. 

راگەیاندنی مەکتەبی مامۆستا عەلی باپیر بڵاویکردەوە، سەرۆکی کۆمەڵی دادگەریی کوردستان بەشداری لە "فێستیڤاڵی شکۆی قوڕئان" کرد کە لە ٢١ھەمین ساڵڕۆژی ڕاگەیاندنی کۆمەڵ رێکخرابوو.

لە "فێستیڤاڵی شکۆی قوڕئان"دا عەلی باپیر وتارێکی لەژێر ناونیشانی "کاریگەریی‌و ڕۆڵی قوڕئان لە ژیانی مرۆڤدا" پێشکەشکرد و رایگەیاند، " ھەرکەسێک ئاشنای قوڕئان بێت‌و کارلێکی لەگەڵدا بکات، بەئەندازەی تێگەیشتنی لە قوڕئاندا سیفەتەکانی قوڕئان لەو کەسەدا بەرجەستە دەبن."
 
ھەروەھا عەلی باپیر وتیشی، "بۆ یەکەمجار لە مێژوودا ئیسلام خەڵکی فێری ئەوە کرد کە حوکمڕان نوێنەری خەڵکە نەوەک نوێنەرو سێبەری خوا، لەلایەن خەڵکەوە ھەڵدەبژێردرێ‌و ھەر خەڵک‌و جەماوەریش دەبێتە چاودێر بەسەریەوەو دەشتوانن لە بوونی ھەر سەرپێچیی‌و گەندەڵییەک لایبەرن‌و بیگۆڕن، وە بۆ یەکەمجاریش ئیسلام خەڵکی فێری ئەوە کرد کە خێرو بێری کە لە زەویدا ھەیە بۆ ھەموو کەسێکە بێ جیاوازیی."

دەقی پەیامەکەی رەوتی سۆسیالیستی کۆمەڵە:

سڵاوێکی گەرم
لەلایەن زۆمانەوە پیرۆزبایی ٤٧ مین ساڵیادی دەمازراندنی یەکێتیی نیشتیمانیی کوردستانتان لێدەکەین. ھەروەھا ھیوادارین ئەم بۆنەیە ببێتە ھەوێنی یەکڕیزی و تابایی زیاتر بۆ ڕاپەڕاندنی سەرکەوتوانەی ئەرک و چالاکییەکانتان لە ھەموو بوارەکاندا.

رەوتی سۆسیالیستی کۆمەڵە_پێوەندییە کوردستانییەکان

دەقی پەیامەکەی یەکێتی دیموکراتی کوردستان – ئێران:

بەڕیزان: کاک بافڵ جەلال تاڵەبانی سەرۆکی یەکێتی نیشتمانی کوردستان
و ئەندامانی مەکتەبی سیاسی و ئەنجومەنی سەرکردایەتی و کادیر و ھەڤاڵانی یەکێتی نیشتیمانی کوردستان

وەک یەکێتی دیموکراتی کوردستان، پڕ بە دڵ پیرۆزبایی چل و ئەوتەمین ساڵیادی دامەزراندنی یەکێتی نیشتمانی کوردستانتان لێ دەکەین، یەکێتی نیشتمانی کوردستان بەرھەمی خەبات و ماندووبوونی سەرکردەیەکی بێوێنەی وەک خوالێخۆشبوو مام جەلال تاڵەبانی و دەیان سەرکردەی لێھاتوو و ھەزاران شەھید و پێشمەرگە و بەشێکی فراوان گەلی کوردە کە ئەورۆکانە لە سەر گۆڕەپانی سیاسی کوردستان و عێراق و ناوچەکە جێ دەستی خەبات و تێکۆشانی دیارە و توانیویەتی دۆزی ڕەوای کورد بگەیەنێتە قۆناغە ھەستیارەکان و مافی چارەی خۆنووسین بۆ گەلی کورد بھێنێتە نێو ئەدەبیاتی سیاسی و مافخوازیی نەتەوەییمان و لە ئێستادا یەکێک لە کاریگەرترین حیزب و ھێزە سیاسیەکانی ناوچەکەیە و لە ھەمانکاتیشدا یەکێتی نیشتمانی کوردستان، پشتیوان و یارمەتیدەرێکی گەورە و بێوێنەی خەباتکاران و ھێزە سیاسییەکانی پارچەکانی تری کوردستان بووە.

 لێرەوە پیرۆزبایی ھەڵبژاردنی بەڕێز کاک باڤڵ جەلال تاڵەبانی بە سەرۆکی یەکێتی نیشتمانی کوردستانتان لە دەکەین و ھیوای لەشساغی و سەرکەوتنی بۆ دەخوازین و  وەک یەکێتیی دیموکراتی کوردستانی ئێران، جارێکی تر چل و حەوتەمین ساڵیادی دامەزراندنی یەکێتی نیشتمانیتان لێ پیرۆز دەکەین و ھیوای سەرکەوتنتان بۆ دەخوازین .
یەکێتیی دیموکراتی کوردستان

رۆژی شەممەی رابردوو دیداری یەکێتی لە ھۆڵی پێشمەرگە لە سلێمانی دەستیپێکردو چواردە لیژنە بۆ کۆی پرسەکانی پەیوەست بە رێکخستنەوەو نوێکردنەوەی سیاسەتی یەکێتی نیشتمانی کوردستان پێکھێنران.

لەماوەی سێ رۆژی کارکردن و گفتوگۆ و بیرو راگۆڕینەوەی ئەندامان، لیژنەکان کۆی سەرنج و تێبینییەکانیان کرد بە راپۆرت بۆ لیژنەی باڵای دیدار بەرزیانکردنەوە.

ئێوارەی ئەمڕۆش لە تەلاری ھونەر رێورەسمی کۆتایی دیدار رێکدەخرێت.

بۆ یەکەم جارە لە کوردستان حزبێک بە بەشداری ھەموو کادر و ئەندامەکانی پێداچوونەوە بە سەرلەبەری سیاسەتەکانیدا دەکات و لە رێگەی  لیژنەکان و پڕۆژە پێشنیازکراوەکان دوای شەن وکەوکردنیان رێکدەخرێنەوە و پێشکەش بە سەرکردایەتی دەکرێت.

ئامانجی سەرەکی لە دیداری یەکێتی، نوێبوونەوە و چاکسازییە لە نێو یەکێتیدا، بە جۆرێک کە کادیرانی یەکێتی تیایدا بەشداریی دەکەن و داواکاری و پێشنیارەکانیان دەخەنە ڕوو.

سەعدی ئەحمەد پیرە لە بەرنامەی بەیانی کوردسات نیوز رایگەیاند، "دەبێت ھەوڵی ئەوە بدەین، ئەو رەخنانەی کە دەگیرێن و کۆچکردنی گەنجان و و کێشەی خەڵک نادید نەگرین و چارەسەریان بۆ بدۆزینەوە."

لەبارەی لێکنزیبوونەوەی یەکێتی و پارتی ، سەعدی ئەمەد پیرە رایگەیاند، دەبێت ھەردوولا بە زمانێکی شارستانی تر لەگەڵ یەک بدوێن و ئەو کۆبوونەوەیەی کە بەم دواییانە کرا دەبێتە ھۆی نەھێشتنی کۆسپ و تەگەرە لەبەردەم کۆبوونەوەکان.

دەشڵێت، "لە داھاتوویەکی نزیکدا کۆبوونەوەی جددی دەستپێدەکات لەنێوان یەکێتی و پارتی وەک دوو ھێزی سەرەکی و حکومڕان، ھەروەھا لەنێوان لایەنە سیاسییەکانی تری ھەرێمی کوردستان."

راشیگەیاند، لە عێراق و وڵاتانی دەوروبەر ھەڕەشە لەسەر ھەرێمی کوردستان ھەیە و کۆمەڵگەی نێودەوڵەتی بە لایەنەکان دەڵێت لەئاست ئەرکەکانی خۆتاندا نین و ئەرکەکانتان بە باشی جێبەجێناکەن، دەشڵیت دەبێت ئەمە بە جددی وەربگرین.

سەعدی ئەحمەد پیرە وتیشی، "ئەو نەوەیەی ئێستا لە دەسەڵاتدایە بەرامبەر بە ھەلێکی مێژوویی ئەرکێکی گەورە لەسەر شانێتی، یان دەبێت لە رێگەی دیالۆگ کارەکانی خۆی جێبەجێبکات، یان ھەرێمی کوردستان تووشی کارەساتێکی گەورە دەکات."

دەشڵێن، پێویستە وەک چۆن یەکێتی لە ڕابردوودا خزمەتێکی زۆری بە کۆمەڵگەی کوردی کردووە، لە ئێستاشدا ئاوڕی جددی لە گەنجان بداتەوە بۆ ڕێگریکردن لە کۆچ.

پێشنیاریش دەکەن یەکێتی چاکسازی بکات لە گشت سێکتەرەکانی ژیان و گوێ لە نارەزایەتیەکانی خەڵک بگرێت، چونکە خەڵک یەکێتی بە ھی خۆی دەزانێت.

ئومێدەواریشن دیداری یەکێتی ببێتە ھەوێنی ڕێکخستنەوەی نێوماڵی کورد و تێپەڕاندنی قەیرانەکان.