کوردستان
خانمی یەکەمی عیراق بەشداری له کۆنگرەی یەکێتیی ژنانی کوردستان کرد و جەخت لەسەر گرنگی ئامادەکردنی ستراتیژێکی نیشتمانی بۆ بەرەوپێشبردنی پێگەی ژنان دەکاتەوە.
ئەمڕۆ شاناز ئیبراهیم ئەحمەد خانمی یەکەمی عیراق بەشداری کرد لە کۆنفرانسی یەکێتی ژنانی کوردستان کە لەژێر دروشمی (ژن، خەبات، ژیان) بۆ هەڵبژاردنی سەرۆک و سکرتاریەتی یەکێتی ژنانی کوردستان بەڕێوە دەچێت.
لە وتارێکدا لە کاتی کردنەوەی کۆنفرانسەکەدا کە قوباد تاڵەبانی جێگری سەرۆک وەزیرانی حکومەتی هەرێم ئامادەی بوو و ژمارەیەک لە بەرپرسان و ژنانی سەرکردەی یەکێتییەکە ئامادەییان هەبوو شاناز ئیبراهیم ئەحمەد جەختی لەسەر گرنگی هاوسۆزی و هاوخەباتی ژنان کردەوە بۆ کارکردن بۆ چەسپاندنی یەکسانی و دادپەروەری کۆمەڵایەتی و روبەڕوبوونەوەی هەموو جۆرە جیاکارییەک.
وتیشی، خەباتی رێکخراوەییمان بەردەوامە بۆ گەیشتن بە مافە تەواوەکانی ژنان کە تا ئێستاش رووبەڕووی توندوتیژی و کوشتن دەبنەوە.
خانمی یەکەم جەختی لەوە کردەوە کە پاراستن و بەهێزکردنی مافەکانی ژنان یەکێکە لە ئەولەویاتی کارەکانی ئێمە، تەئکیدیشی کردەوە لەسەر کارکردن بۆ ئامادەکردنی ستراتیژێکی نیشتمانی بۆ پێشکەوتنی ژنان و تێکەڵکردنی پێداویستییەکانیان لە پلانەکانی گەشەپێداندا.
هیوای خواست کۆنفرانسەکە ئامانجەکانی خۆی بپێکێت بۆ خزمەتکردنی ژنانی کورد لەڕێگەی هەڵبژاردنی سەرکردەی لێهاتوو کە توانای داکۆکیکردنیان لەمافەکانی ژنان هەبێت.
شاناز ئیبراهیم ئەحمەد رێزی لە ژمارەیەک لە ژنان گرت وەک رێزلێنان لە هەوڵ و قوربانیدانیان لە پێناو ژیانێکی شایستە بۆ ژنان.
بەبۆنەی بەستنی کۆنگرەی یەکێتیی ژنانی کوردستان قوباد تاڵەبانی پەیامێکی پیرۆزباییان ئاڕاستە دەکات و رایدەگەیەنێت؛ هیوادارام ئەم کۆنگرەیە گوڕوتینێکی نوێ بە خەبات و کار و چالاکییەکانی یەکێتیی ژنان ببەخشێت.
قوباد تاڵەبانی جێگری سەرۆک وەزیرانی هەرێم رایگەیاند، بەبۆنەی بەستنی کۆنگرەوە، گەرمترین پیرۆزبایی لە یەکێتیی ژنانی کوردستان دەکەم و هیوادارام ئەم کۆنگرەیە گوڕوتینێکی نوێ بە خەبات و کار و چالاکییەکانی یەکێتیی ژنان ببەخشێت.
وتیشی، خۆشحاڵ بووم کە ئەمڕۆ بۆ دووپاتکردنەوەی پشتیوانی خۆمان بۆ ژنانی کوردستان و یەکێتی ژنان بەشداریمان لە کۆنگرەکەیاندا کرد و رێزمان لە ٣٥ ساڵ خەبات و تێکۆشانی رێکخراوەکە گرت لە پێناوی دابینکردنی مافەکانی ژنانی کوردستان.
جێگری سەرۆکی هەرێم: پاپا فرانسیس کەسایەتییەکی کاریگەر بوو لەسەر ئاستی جیهاندا
شێخ جەعفەر شێخ مستەفا جێگری سەرۆکی هەرێمی کوردستان، بۆ کۆچی دوایی پاپا فرانسیس پەیامێکی بڵاوکردوەتەوە و تێیدا هاتووە، "ژیان و کەسایەتیی پاپا فرانسیس، سادەیی و نزیک بوونی بوو لە خەڵک، لە هەمان کاتدا کەسایەتییەکی کاریگەر بوو لەسەر ئاستی جیهاندا، هەمیشە ڕێزی لە گەلانی جیهان دەگرت".
دەقی پەیامەکە
لە ناخەوە نیگەران و خەفەتبار بووین بۆ کۆچی دوایی، پاپا فرانسیس، پاپای فاتیکان.
ژیان و کەسایەتیی پاپا فرانسیس، سادەیی و نزیک بوونی بوو لە خەڵک، لە هەمان کاتدا کەسایەتییەکی کاریگەر بوو لەسەر ئاستی جیهاندا، هەمیشە ڕێزی لە گەلانی جیهان دەگرت، مرۆڤدۆست و ئاشتیخواز و دژە جەنگ بوو، هەروەها بە داکۆکیکار و چارەسەری ئاشتیانەی کێشەی نێوان نەتەوە و ئایین و بۆچوونە جیاوازەکان دەناسرا.
بۆ ئەم بۆنە دڵتەزێن و کۆستە گەورەیە، هاوخەمیی و هاوسۆزی خۆمان لەگەڵ خوشک و برا مەسیحییەکانی هەرێمی کوردستان و عێراق و جیهان بە گشتی دەردەبڕین.
شێخ جەعفەر شێخ مستەفا
جێگری سەرۆکی هەرێمی کوردستان
٢٠٢٥/٤/٢١
هاتوچۆی هەولێر رایگەیاند، ئەو دەنگۆیانەی باس لەوە دەکەن لە بەڕێوەبەرایەتییەکەماندا کار بە بریکارنامە ناکرێت، دوورن لە راستییەوە.
بەڕێوەبەرایەتی هاتوچۆی هەولێر رایگەیاندووە، ماوەی چەند رۆژێکە دەنگۆیەک بڵاو بووەتەوە، کە مامەڵە بە بریکارنامە (وکالة) دەوەستێت و ئیش و کاری هاووڵاتیانی پێ رایی ناکرێت.
ئەوەش هاتووە، بەهۆی بڵاوبوونەوەی ئەو دەنگۆیەوە هاووڵاتییەکی زۆر سەردانمان دەکەن و بەهۆیەوە قەرەباڵغی لە بەشی تۆماردا دروست بووە.
دەشڵێت، "هاووڵاتیان دڵنیا دەکەینەوە، راییکردنی مامەڵە بە بریکارنامە لە بەڕێوەبەرایەتییەکەمان نەوەستاوە و بەردەوامیش کاری پێدەکرێت، ئەوەی هەیە تەنها دەنگۆیە".
قوباد تاڵەبانی جێگری سەرۆک وەزیرانی هەرێم بۆ کۆچی دوایی پاپا فرانسیس پەیامێکی بڵاوکردەوە و رایگەیاند، پاپا فرانسیس رێزی لە هەموو ئاینییەکان دەگرت و دژی هەموو جۆرە دەمارگیری و توندڕەوییەکی ئایینی بوو.
دەقی پەیامەکەی قوباد تاڵەبانی...
کۆچی دوایی پاپا فرانسیس نەک تەنها بۆ مەسیحییەکان و شوێنکەوتووانەکەی، بەڵکو بۆ هەموو جیهان هەواڵێکی ناخۆش بوو، بۆچوون و هەوڵە ئاشتیخوازانەکانی لای هەموو مرۆڤێکی ئاشتیخوازی جیهان بە هەر بیروباوڕێکەوە جێگەی رێز و پێزانینە.
پاپا فرانسیس رێزی لە هەموو ئاینییەکان دەگرت و دژی هەموو جۆرە دەمارگیری و توندڕەوییەکی ئایینی بوو، خوازیاری گفتوگۆی نێوان ئاینییەکان و بە تایبەتیش دوو ئایینی ئیسلام و مەسیحی بوو و بەردەوام جەختی لە چارەسەرکردنی کێشە سیاسییەکانی جیهان لە ڕێگەی گفتوگۆ و چەسپاندنی ئاشتی و دادپەروەری دەکردەوە.
بەم بۆنەیەوە پرسە و سەرەخۆشی ئاراستەی هەموو شوێنکەوتووانی لە هەموو جیهان دەکەم، هیوادارین ئاشتی و ئارامی و دادپەروەری باڵ بەسەر هەموو جیهاندا بکێشێت کە بەردەوام هەوڵی بۆ دەدا.
سەرۆکی یەکێتیی نیشتمانیی کوردستان پرسەنامەیەکی بەهۆی کۆچی دوایی پاپای ڤاتیکان بڵاوکردەوە و رایگەیاند، هاوبەشی ئازاری لەدەستدانی کەسایەتییەکین هەموو ژیانی خستبووە خزمەت مرۆڤایەتی و پێکەوەژیان و بەخشندەیی.
بافڵ جەلال تاڵەبانی سەرۆکی یەکێتیی نیشتمانیی کوردستان پرسەنامەیەکی بەهۆی کۆچی دوایی پاپای ڤاتیکانەوە بڵاوکردەوە و رایگەیاندووە، "لە دڵەوە نیگەران و خەمبارین بە کۆچی دوایی قه‌داسه‌تی پاپای ڤاتيكان، پاپا فرانسیس. بۆ ئەم خەمە پرسە و سەرەخۆشی خۆمان دەگەیەنینە تەواوی برا مەسیحییەکانمان لە کوردستان، عیراق و جیهان".
ئاماژەی بەوەشکردووە، "لە گەڵیاندا هاوبەشی ئەم ئازارەین بۆ لەدەستدانی کەسایەتییەک کە هەموو ژیانی خستبووە خزمەتی مرۆڤایەتی و پێکەوەژیان و بەخشندەیی نێوان گەلان".
ئەوەشی خستووەتە روو، "پاپا فرانسیس هەمیشە دەستێکی خێربوو بۆ برایەتی، بیروباوەڕە ئاشتیخوازەکانی لە دوای خۆشی بۆ مرۆڤایەتی دەمێنێتەوە".
ئەمڕۆ دووشەممە، 21ی نیسان، پاپا فرانسیس، پاپای ڤاتیکان لە تەمەنی 88 ساڵیدا کۆچی دوایی کرد.
خانمی یەکەمی عیراق پرسەنامەیەکی بەهۆی گیانلەدەستدانی پاپای ڤاتیکان بڵاوکردەوە و رایگەیاندووە، ئەو رابەرە رۆحییە بوو ژیانی خۆی تەرخان کرد بۆ ئاشتی و لێبوردەیی ئایینیی.
شاناز ئیبراهیم ئەحمەد خانمی یەکەمی عیراق پرسەنامەیەکی بەهۆی گیانلەدەستدانی پاپای ڤاتیکان بڵاوکردەوە و رایگەیاندووە، "دڵسۆزانەترین پرسە و سەرەخۆشی لە مەسیحییەکانی جیهان، بەتایبەت کاسۆلیکییەکان دەکەم بۆ لەدەستدانی ئەو رابەرە رۆحییەی ژیانی خۆی تەرخان کرد لەپێناو ئاشتی و لێبوردەیی ئایینییدا".
ئاماژەی بەوەشکردووە، سەردانە مێژووییەکەی بۆ عێراق لە ساڵی 2021دا دەستپێشخەرییەکی بەهێز بوو بۆ پشتیووانی و هیوا، هەروەها گەواهیدەری پابەندبوونی بوو بە گفتوگۆی نێوان ئایینەکان.
ئەوەشی خستووەتە روو، "تێکۆشانی لەپێناو ئەم بنەمایانەدا رێزێکی زۆری ئایینزا جیاوازەکانی پێبەخشی".
ئەمڕۆ پاپا فرانسیس، پاپای ڤاتیکان لە تەمەنی 88 ساڵیدا کۆچی دوایی کرد.
بەرپرسی ئۆفیسی راگەیاندنی دەم پارتی رایگەیاند، وەفدی دەم پارتی بۆ چاوپێکەوتن لەگەڵ عەبدوڵا ئۆجەلان بەرەو ئیمڕاڵی بەڕێکەوت.
باسی لەوەشکرد، وەفدەکە لە پەروین بوڵدان و فایەق ئۆزگوری پارێزەر پێکدێت.
کەشناسیی هەرێم پێشبینی نوێی بۆ کەشوهەوای ئەمڕۆ و سبەینێ بڵاوکردەوە و ئاماژەی بەوەکردووە، تاوەباران دەست پێ دەکات و خێرایی با زیاد دەکات.
کەشناسیی هەرێم رایگەیاند، ئەمڕۆ دووشەممە، ئاسمان نیمچەهەور دەبێت و لە ناوچە شاخاوییەکان هەندێک کات هەوری تەواو دەبێت، هەروەها لە ناوچە سنوریەکانی باکور ئەگەری کەمێک تاوەباران هەیە.
ئەوەش هاتووە، سبەینێ سێشەممە، ئاسمان لەنێوان هەور و نیمچەهەوردا دەبێت لەگەڵ کەمێک تاوەباران لە ناوچە سنوریەکانی باکور و رۆژهەڵات.
بەپێی پێشبینییەکانی کەشناسی، ئەمڕۆ خێرایی با لەنێوان 10 بۆ 20 کیلۆمەتردا دەبێت لە سەعاتێکدا، هەندێک کاتیش دەگاتە سەروو 30 کیلۆمەتر.
کەشناسی باسی لەوەشکردووە، ئەمڕۆ پلەکانی گەرما هاوشێوەی دوێنێ دەبن و سبەینێ کەمێک نزم دەبنەوە.
بەرزترین پلەکانی گەرمای پێشبینیکراو بە پلەی سیلیزی بۆ سبەینێ بەم جۆرە دەبن:
هەولێر : 32 پلەی سیلیزی
سلێمانی : 27 پلەی سیلیزی
دهۆک : 28 پلەی سیلیزی
کەرکوک : 33 پلەی سیلیزی
زاخۆ : 27 پلەی سیلیزی
هەڵەبجە : 27 پلەی سیلیزی
سۆران : 25 پلەی سیلیزی
حاجی ئۆمەران : 20 پلەی سیلیزی
گەرمیان :34 پلەی سیلیزی
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە عەلی ئەکبەر ساڵحی، وەزیری پێشووتری دەرەوەی کۆماری ئیسلامیی ئێران کرد.
لە دیدارێکدا باس لە پەیوەندییە دۆستانە و لە مێژینەکانی هەردوولا لە سەرجەم بوارەکاندا کرایەوە لە چوارچێوەی پاراستنی بەرژەوەندییە باڵاکان.
لە کۆبوونەوەکەدا دۆخی سیاسی و ئەمنیی رۆژهەڵاتی ناوەڕاست تاوتوێکرا و جەخت لە هەماهەنگی و هاریکاریی هەموو لایەنەکان کرایەوە لەپێناو پاراستنی سەقامگیری و ئارامی و دوورخستنەوەی ناوچەکە لە گرژییەکان.
سەرۆک بافڵ بە گەشبینییەوە لە گفتوگۆکانی کۆماری ئیسلامیی ئێران و ئەمریکای رووانی و هیوای خواست ئەمە سەرەتایەکی گرنگ بێت بۆ زاڵبوون بەسەر ئاڵنگارییەکان و جەختیکردەوە کە چارەسەری ئاشتییانەی کێشەکان باشترین بژاردەیە بۆ گەیشتن بە رێککەوتن و لێکتێگەیشتن لەسەر پرسەکان.
لای خۆشییەوە، عەلی ئەکبەر ساڵحی بە رێزەوە ئاماژەی بە رۆڵی گرنگی سەرۆک مام جەلالدا لە بنیادنانی پەیوەندییەکی بەهێز لە نێوان هەردوولا و خۆشحاڵی خۆشی دەربڕی کە ئەمڕۆ یەکێتی بەهەمان سیاسەت و پێگەیەکی بەهێزەوە درێژە بە کاری خۆی دەدات.
توركیا چەند ناوچەیەكی سنوری ئامێدی بۆردومان و تۆپباران كرد و رێكخراوێكیش دەڵێت تەنها ئەمڕۆ 53 هێرش كراوەتە سەر ئەو ناوچەیە.
سوپای توركیا دوو رۆژە هێرشەكانی بۆ سەر ناوچەكانی گارە و مەتینا و ژمارەیەك گوندی سەر بە قەزای ئامێدی لە پارێزگای دهۆك چڕكردوەتەوە.
رێكخراوی سی پی تی ئەمریكیش بڵاویكردەوە، هەینی و شەممە سوپای توركیا لە رێگەی هەلیكۆپتەر و تۆپخانەكانیەوە هێرشی كردووەتەسەر چەند گوندێكی قەزای ئامێدی و ناوچەكانی نزیك چیای مەتینا و گارە و بە چڕی تۆپبارانی كردوون.
بە پێی زانیارییەكانی سی پی تی لە ماوەی دوو رۆژی رابردوودا سوپای توركیا 155 جار هێرشی كردووەتەوە سەر 12 گوندی سنوری ناوچەكانی گارە و مەتینا و ترس و دڵڕاوكێی زۆری لە ناوچەكە دروستكردوە.
بڕیارە رۆژی سێشەممە وەفدێكی تەكنیكی وەزارەتی دارایی هەرێم سەردانی بەغداد بكات
بڕیارە رۆژی سێشەممە وەفدێكی تەكنیكی وەزارەتی دارایی هەرێم سەردانی بەغداد بكات و لیستی مووچەی مانگی چواریش رادەستی وەزارەتی دارایی عیراق بكات.
سەرچاوەیەك لە وەزارەتی دارایی هەرێم بە كوردسات نیوزی راگەیاند، بڕیارە رۆژی سێشەممەی داهاتوو وەفدێكی تەكنیكی وەزارەتی دارایی سەردانی بەغداد بكات و لیستی موچەی مانگی چواریش رادەستی وەزارەتی دارایی عیراق دەكات.
ئەو سەرچاوەیە وتیشی، لیستی موچەی مانگی چوار لەسەر بنەمای مانگی رابردوو بەبێ كێشە ئامادەكراوە، ئەگەر هیچ گرفتێكی نوێ نەیەتە پێش، لە زوورترین كاتدا مووچە رەوانەی هەرێم دەكرێت.
بۆ تاوتوێكردنی هەناردەكردنەوەی نەوتی هەرێمی كوردستان، كۆبوونەوەیەكی سێ قۆڵی لەنێوان هەولێر و بەغداد و كۆمپانیا نەوتییەكان بەڕێوەچوو.
هەردوو وەفدی حكومەتی عیراق و هەرێمی كوردستان لە هەولێر لەگەڵ كۆمپانیا نەوتییەكان لە هەرێم كۆبوونەوە بۆ گفتوگۆكردن لەبارەی دەستپێكردنەوەی هەناردەی نەوتی هەرێمی كوردستان.
ئومێد سەباح سەرۆكی دیوانی ئەنجومەنی وەزیرانی هەرێم رایگەیاند، لە كۆبوونەوەكەدا باس لە كار و چالاكیی كۆمپانیاكانی وەبەرهێنانی نەوت كراوە و بۆچوونی كۆمپانیاكانی وەبەرهێنی نەوتیش لەوبارەیەوە وەرگیراوە.
ئەوەش لەكاتێكدایە، بڕیاربوو رۆژی شەممە نوێنەرانی وەزارەتەكانی نەوتی عیراق و سامانە سروشتییەكانی هەرێم و كۆمەڵەی پیشەسازیی نەوتی كوردستان ناسراو بە ئەپیكور لە بەغداد كۆببنەوە بە ئامانجی گەیشتن بەرێككەوتن و هەناردەكردنەوەی نەوتی هەرێم، بەڵام كۆبوونەوەكە دواخرا.
لە سنوری بەردەڕەش لە روباری خازردا گەشتیارێکی تەمەن 23 ساڵ خنکا، لەئێستاشدا تەرمەکەی رەوانەی نەخۆشخانەی فریاکەوتنی بەردەڕەش کراوە.
لەو بارەیەوە ئیبراهیم فەریق، بەرێوەبەری بەرگری شارستانی ئاکرێ بە کوردسات نیوزی راگەیاند، دوای نیوەڕۆی ئەمرۆ گەشتیارێکی ناحیەی بەرتلە بە ناوی "زەید عەلی" تەمەن 23 ساڵ لە روباری خازردا خنکا و لەئێستادا تەرمەکەی رەوانەی نەخوشخانەی فریاکەوتنی بەردەڕەش کراوە.
بەرێوبەری بەرگری شارستانی ئاکرێ ئەوەشی خستەروو، لە سەرەتای ئەم ساڵ یەکەم حالەتی خنکانە لە سنوری بەرێوبەرایەتییەکەیان توماردەکرێت.
بافڵ جەلال تاڵەبانی سەرۆکی یەکێتیی نیشتمانیی کوردستان بەبۆنەی هاتنی جەژنی قیامەی مەسیحیەکانەوە پەیامێکی بڵاوکردەوە و رایگەیاند، هیوادارم ئەم بۆنەیە، ببێتە مایەی تەبایی و برایەتی زیاتر لە نێوان سەرجەم نەتەوە و پێکهاتەکانی وڵاتەکەماندا و وێنای هەرێمەکەشمان کە هەمیشە مەڵبەندی پێکەوەژیانی ئایینی و نەتەوەیی و پێکهاتە جیاوازەکان بووە.
دەقی پەیامەکەی سەرۆک بافڵ...
بەبۆنەی جەژنی هەستانەوە (قیامە)ـی حەزرەتی مەسیح (سڵاوی خودای لێبێت ) پیرۆزبایی گەرم لە سەرجەم خوشک و برایانی کریستیان دەکەم و ئاواتەخوازم لە کەشێکی ئارام و شادیدا ئەم جەژنە بەڕێبکەن.
هیوادارم ئەم بۆنەیە، ببێتە مایەی تەبایی و برایەتی زیاتر لە نێوان سەرجەم نەتەوە و پێکهاتەکانی وڵاتەکەماندا و وێنای هەرێمەکەشمان کە هەمیشە مەڵبەندی پێکەوەژیانی ئایینی و نەتەوەیی و پێکهاتە جیاوازەکان بووە جوانتر و گەشاوەتری بکەین.
جەژنتان پیرۆز و هەر شادبن.
بافڵ جەلال تاڵەبانی
سەرۆکی یەکێتیی نیشتمانیی کوردستان
بافڵ جەلال تاڵەبانی سەرۆکی یەکێتیی نیشتمانیی کوردستان، پرسەنامەیەک ئاراستەی بنەماڵەی شێخ سمایل بەگ شێخ تەقیەدین سورچی دەکات.
دەقی پرسەماکە
بەڕێزان بنەماڵەی سەربەرزی هەڤاڵ شێخ سمایل بەگ شێخ تەقیەدین سورچی
بەداخ و خەمێکی زۆرەوە هەواڵی کۆچی دوایی هەڤاڵی ئازیزمان شێخ سمایل بەگ شێخ تەقیەدین سورچی کەسایەتی دیاری دەڤەری بادینان و تێکۆشەری کوردایەتیمان پێگەیشت.
بۆ ئەم خەمە پرسەو سەرەخۆشی ئاڕاستەی ئێوە و خانەوادە و کەسوکاری بەرێزتان دەکەم و هاوبەشی ماتەمتانم.
لەخوای گەورە داواکارین گیانی کۆچکردوو بە بەهەشتی بەرین شادبکات، ئارامی و سەبووری بە هەموولایەک ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان