رزگار حەمەخدر راوێژکاری وەزارەتی کشتوکاڵ و سەرچاوەکانی ئاوی حکومەتی ھەرێم بە کوردسات نیوزی راگەیاند، لە کۆبوونەوەی ئەمڕۆیاندا لەگەڵ وەزارەتی کشتوکاڵی عێراق رێککەوتن کە پشکی ھەرێمی کوردستان لە وەرگرتنی گەنم، لە ٣٧٥ ھەزار تۆنەوە بۆ ٥٠٠ ھەزار تۆن زیادبکرێت.

راشیگەیاند، وەزارەتی کشتوکاڵی عێراق بڕیاریداوە رێگە بە جوتیارانی ھەرێم بدات تا بەرھەمە کشتوکاڵییەکانیان لە شارەکانی ناوەڕاست و خواروی عێراق ساغبکەنەوە.

وەزارەتی کشتوکاڵی ھەرێم پێشبینیدەکات بەرھەمی ئەمساڵی گەنم لە ھەرێم زیاتر لە ملیۆنێک و ٨٠٠ ھەزار تۆن بێت، ئەگەریش حکومەتی فیدڕاڵ تەواوی گەنم لە جوتیاران وەرنەگرێت دەبێ جوتیار خۆی لە بازاڕدا ساغی بکاتەوە، کە بەگوێرەی جۆری گەنمەکان، تۆنێک گەنم لە بازاڕدا لە نزیکەی ٦٠٠ بۆ ٦٥٠ ھەزار دینارە.

ئاژانسەکانی ھەواڵ لە رۆژئاوای کوردستان ئاماژە بەوەدەکەن، بەھۆی داخستنی دەروازەی سێمالکاوە نرخی پێداویستی رۆژانەی ھاووڵاتیان بەشێوەیەکی بەرچاو بەرزبووەتەوە و دابەزینی بەردەوامی لیرەش، دۆخی ھاوڵاتیانی سەختتر کردووە.

کەرەستەکانی بیناسازی و خۆراک لە رۆژئاوا زۆرترین بەرزبوونەوەیان بەخۆوە بینیوە کە دەگاتە دوو بەرامبەری ئەو نرخەی پێش داخستنی دەروازەی سێمالکا ھەیانبوو.

شارەزایانی ئابوری لە رۆژئاوا دەڵێن، بەردەوامی داخستنی سنور بۆ ئەوانەی داھاتیان سنوردارە یان لەسەر کرێی رۆژانە دەژین کارەساتبارە، داواش دەکەن رێگری لە بەرزبونەوەی نرخەکان بکرێت.

سەردانەکە لەسەر بانگھێشتی وەزارەتی دەرەوەی کۆماری ئیسلامی ئێرانە و مەبەست لێی زیاتر بەھێزکردنی پەیوەندییە ئابوری و بازرگانی و کلتوری و گەشتیارییەکانی ھەرێم و کۆماری ئیسلامی ئێرانە. 

پێشتریش د.ھەڤاڵ ئەبوبەکر، پارێزگاری سلێمانی بە کوردسات نیوزی رایگەیاندبوو، لەو سەردانەیاندا، لەگەڵ پارێزگاری سنە و ورمێ و کرماشان بەشداری لە کۆنفرانسێکی ئابووری و بازرگانی و پیشەسازی و گەشتیاری دەکەن لە ئێران، کە ماوەی دوو رۆژ بەردەوام دەبێت.

موعین کازمی ئەندامی لیژنەی دارایی ئەنجومەنی نوێنەرانی عێراق بە ئاژانسی رەسمی ھەواڵەکانی عێراقی راگەیاند، پارتی دیموکراتی کوردستان داوای لە ئیئتیلافی بەڕێوەبردنی دەوڵەت کردووە دەرفەتی زیاتر بە گفتوگۆ لەبارەی بودجە بدرێت، ئەوەش بووەتە ھۆکاری دواکەوتنی پەسەندکردنی بودجە، لەگەڵ ئەوەشدا پارتی و چوارچێوەی ھەماھەنگی لەسەر چۆنێتی ھەناردەکردنی نەوتی ھەرێم رێککەوتوون.

وتیشی، ھیچ ناکۆکییەک لەسەر پشکی ھەرێم لە بودجەدا نییە کە ١٢.٦٧٪، بەڵام چوارچێوەی ھەماھەنگی باوەڕی وایە پێویستە ھەرێم پابەند بێت بە ھەناردەکردنی لانی کەم ٤٠٠ ھەزار بەرمیل نەوت لە رێگەی سۆمۆوە، داھاتەکەشی بخرێتە سەر ھەژمارێکی بانکی سەر بە بانکی ناوەندی عێراق و سەرۆکوەزیرانی ھەرێمیش مافی خەرجکردنی ھەیە بەپێی بڕیارەکانی بودجە، لەگەڵ ھەوڵدان بۆ دەستپێکردنەوەی ھەناردەی نەوتی ھەرێم بۆ بەندەری جەیھان و لە ئەگەری نەتوانینی ھەناردەنەکردنی نەوتی ھەرێمیشدا لەناوخۆ بەکاردەھێنرێت و حکومەتی عێراق لە رێگەی کێلگەکانی باشوورەوە قەرەبووی دەکاتەوە.

ئاماژەی بەوەشکردووە، پشکی ھەرێم لە بودجەی عێراقدا دەگاتە ١٩ ترلیۆن و ٥٠٠ ملیار دینار لەگەڵ پشکی دەرمان و کۆبوونی خۆراک و چەند بابەتێکی تر، پشکی ھەرێم دەگاتە نزیکەی ٢٠ ترلیۆن دینار، ئاشکراشیکرد، ناکۆکی سەرەکی پارتی لەسەر چەند خاڵێکە، یەکەمیان دەیەوێت داھاتی نەوتی ھەرێم لە ھەژمارێکی بانکی سەر بە ھەرێمی کوردستان دابنرێت بەبێ ئاگاداری بانکی ناوەندی عێراق، دووەمیان پارتی دژی ئەو بڕگەیەیە کە باسی دانەوەی پاشکەوتی مووچەی فەرمانبەرانی ھەرێم دەکات.

عەتوان عەتوانی سەرۆکی لیژنەی دارایی لە ئەنجومەنی نوێنەرانی عێراق لە روونکردنەوەیەکدا رایگەیاند، تۆڕە کۆمەڵایەتییەکان و بەشێک لە میدیاکان بەبێ پشتبەستن بە سەرچاوەی رەسمی ھەواڵێکیان بڵاوکردووەتەوە و باسیان لەوە کردوە کە لیژنەی دارایی لە پرۆژەیاسای بودجەدا بڕگەیەکیان پەسەندکردووە کە تایبەتە بە بڕینی ١٪_ی مووچەی فەرمانبەران بۆ دەزگای شەھیدان و زیندانیانی عێراق.

ئاماژەی بەوەشکردووە، ئەوەی بڵاوکراوەتەوە دوورە لە راستییەوە و زانیارییەکە بەو شێوەیە نییە کە باسکراوە، بەڵکو پێشنیازێک ھەبووە بۆئەوەی لە ھەزارا یەکی مووچەی فەرمانبەر ببڕدرێت بۆ دەزگای شەھیدان، کە بۆ ھەر ملیۆنێک دینار لە مووچە تەنھا ھەزار دینار دەبڕدرێت و بۆ ٥٠٠ ھەزار دینار مووچەش تەنھا ٥٠٠ دینار دەبڕدرێت کە ئەوەش بڕێکی زۆر کەمە، ھەر فەمانبەرێکیش مووچەکەی لە خوار ٥٠٠ ھەزار دینارەوە بێت ئەو پارەیەی لێ نابڕدرێت.

 
دەقی پەیامەکە... 


لە چل و ھەشتەمین ساڵیادی دامەزراندنی یەکێتیی نیشتمانیی کوردستان و چل و حەوتەمین ساڵەی ھەڵگیرسانی شۆڕشی نوێی گەلەکەماندا، بەرابەرایەتی یەکێتیی نیشتمانیی کوردستان، وێڕای پیرۆزبایی گەرممان بۆ سەرجەم ئەندام و لایەنگرانی یەکێتیی و کەسوکاری سەربەرزی شەھیدان و پێشمەرگەو تێکۆشەرانی دێرین و نوێ و زیندانیانی سیاسی و کەم ئەندامانی سەنگەرو ژنانی تێکۆشەری نێو یەکێتیی، سڵاو و درود دەنێرین بۆ گیانی پاک و بەرزە فڕی شکۆی نەتەوەو نیشتمان، سەرۆک مام جەلال و سەرجەم شەھیدانی رێگای رزگاری کورد و کوردستان.

ئەم یادە تەنیا یادکردنەوەیەکی سادەی دامەزراندنی حزبێکی خەباتگێڕو خاوەن قوربانی زۆر و دەستکەوتی فرەو گەورە نییە، بەڵکو یادکردنەوەی شۆڕشی میللەتێکە لە پێناو ئازادی، دیموکراسی، یەکسانی، چەسپاندنی مافی مرۆڤ و نەھێشتنی دیکاتۆریەت و ھێنانە کایەی بیرو ئاڕاستەی سیاسی جیاواز و فرەی کە ئێستا ئەزموونەکەمان لەسایەیدا بە ھەرێمێکی دەستووری و دامەزراوە یاساییەکانی لە حکومەت و پەرلەمان و سیستمێکی فیدراڵی شاد بووە.

 لە مێژووی رابردوی شۆرشی نوێ؛ دوای شکستی ١٩٧٥ و بێ ئومێدی کۆمەڵانی خەڵکی کوردستان، یەکێتیی نیشتمانیی کوردستان لەرۆژی ١-٦-١٩٧٥، بەیاننامەی دامەزراندنی خۆی و ئومێدی خەڵکی بڵاوکردەوە و شۆڕشێکی راستەقینە لەو ساتەوە ھەڵگیرسا؛ کە بە خوێنی ھەزاران شەھیدی سەر بەرز گەیشتە ئامانجی رەوای خۆی کەسەربەستی میللەتی کوردو رزگاربوون لە فاشیەتی بەعس.
ئەم یادە یادکردنەوەی ھەزاران شەھیدی قارەمان و سەرکردەی بەتوانا و سەرۆکێکی مێژوویی و حەکیم و نموونەییە کە تەواوی تەمەنی بۆ خزمەتی گەلەکەی تەرخان کرد؛ تا دوا ساتی تەمەنی ببووە سەمامی ئەمان لە عیراق و کوردستانیش بۆ مافی ھەموو چین و توێژ و پێکھاتەکان.

یادکردنەوەی ئەم بۆنە گرنگە ھاوکاتە لەگەڵ بارودۆخێکی نەخوازراو و دوڕدۆنگ کە بەرۆکی ھەرێمی کوردستانی گرتووە و تەبایی و یەکڕیزی ئەزموونەکەمان و پەیوەندیی لایەنە سیاسییەکانی خستووەتە بەر مەترسی و لەسەروو ھەمووشیانەوە ئیستیحقاقی ھەڵبژاردنی داھاتووی کوردستان، بۆیە لەھەموو کات زیاتر میللەتەکەمان پێویستی بە پرەنسیپەکانی لێبوردەیی و حیکمەت و دووربینی و قبوڵکردنی بەرامبەر ھەیە کە سەرۆک مام جەلال سەرمەشق وداھێنەریان بووە و کردوونیەتە بنەمای کارو خەباتی یەکێتیی نیشتمانیی کوردستان.

ئەم ھەلومەرجە ئەو راستییە دووپات دەکاتەوە کە غیابی سەرۆک مام جەلال چەندە بۆ یەکێتیی نیشتمانیی کوردستان کاریگەرە و جێگەی پڕنابێتەوە، کوردستان-یش سەرۆک و پایەیەکی گەورەی حوکمڕانی و سەرکردایەتیکردنی بەرەو کەناری ئارامی لەدەستداوە، بۆیە یەکێتیی نیشتمانیی کوردستان بەدرککردن بە ھەستیاری رەوشەکە، بەتوندی دەستی بە تێز و بنەماکانی کاری سەرۆک مام جەلال-ەوە گرتووە و کردوونیەتە ئەجێندا و کارنامەی بۆ ئێستا و داھاتووی خۆی.

دووبارە پیرۆز بێت ساڵیادی دامەزارندنی حزبی شەھیدان

بەرز و باڵا بێت خەبات و تێکۆشانی گەلەکەمان بەرابەرایەتی ی.ن.ک.

باڵیۆز د.محەمەد سابیر
سەرۆکی دامەزراوەی سەرۆک جەلال تاڵەبانی

راگەیاندنی پارێزگای شرناخ دەڵێت، لەماوەی ھەفتەی رابردوودا ھێزە ئەمنییەکانی تورکیا چەندین ئۆپەراسیۆنیان بۆ دەستگیردنی ئەو کەسانە ئەنجامداوە بە کە تۆمەتبارن بە ھاوکاری پەکەکە/کەجەکە.

ئەوەشی خستووەتەڕوو، ٢٢ کەس لە ئۆپەراسیۆنەکان دەستگیرکراون، دوای تەواوبوونی رێکارە یاساییەکانیش لە بەڕێوەبەرایەتی ئاسایش، چوار کەس لەوانەی دەستگیرکرابوون، دەستبەسەرکران و ئەوانی دیکەیان بە مەرج ئازادکراون.

پێش ھەڵبژاردنەکانی تورکیا ھێزە ئەمنییەکان لە ئەنقەرە، ئیستەنبوڵ و باکوری کوردستان بەردەوام بوون لە دەستگیرکردنی ئەندام و لایەنگرانی پارتی دیموکراتی گەلان (ھەدەپە) بەتۆمەتی بانگەشەکردن بۆ پەکەکە لە ئاھەنگەکانی نەورۆزی ئەمساڵ.

 

دادگای فیدراڵی عێراق سبەینێ جارێکی دیکە لەسەر سکاڵایەک سەبارەت بە یاساییبوون یاخود نایاساییبوونی درێژکردنەوەی تەمەنی پەرلەمانی کوردستان کۆدەبێتەوە، کە ئەو سکاڵایە  لە دژی سەرۆکی پەرلەمانی کوردستان تۆمارکراوە و داواکراوە یاسای درێژکردنەوەی خولی پێنجەمی پەرلەمانی کوردستان پوچەڵبکرێتەوە.

رۆژی ٢٤ی مانگ، دادگای فیدراڵی ھەشتەمین دانیشتنی سەبارەت بە تانەی درێژکردنەوەی تەمەنی پەرلەمانی کوردستان ئەنجامدا و تێیدا گوێی لە کۆمیسیۆنی باڵای سەربەخۆی ھەڵبژاردنەکانی عێراق گیرا بۆ زانینی رۆڵ و توانایان بۆ ئەنجامدانی پرۆسەی ھەڵبژاردنەکانی ھەرێم.

نوێنەری کۆمیسیۆنیش لە دادبینییەکەدا رایگەیاند، ئەوان بەپێی یاساکەیان دەتوانن پەیڕەو و رێنمایی بۆ ھەڵبژاردنەکانی ھەرێم دابنێن و سەرپەرشتیی بکەن و رێکیبخەن، دادگاش بڕیاریدا نوسراوەکەیان وەربگرێت و بەشدارییان لە دۆسییەکە کۆتایی پێبھێنێت و کۆتایی بە دادبینی بھێنێت، سبەینێ دادگای فیدراڵی کۆدەبێتەوە بۆ راگەیاندنی دوابڕیاری سەبارەت بەکۆی دۆسیەکە.

نیوەرۆی رۆژی دووشەمە ٢٩ی ٥ی ئاراس محەمەد ئاغا ئەندامی ئەنجومەنی سەرکردایەتی و لێپرسراوی مەلبەندی ٧ی نەینەوا لە بارەگای مەلبەند پێشوازی کرد لە ژمارەیەک مامۆستایانی زانکۆی موسڵ بەسەرۆکایەتی دکتۆر سەعد.

لەوسەرەدانەیاندا مامۆستایانی زانکۆی موسڵ دۆخی ئێستای عیراق بە گشتی  موسڵ بەتایبەتی لەگەڵ لێپرسراوی مەڵبەندی نەینەوا تاوتوێ کرد.

تەوەرێکی تری دیدارەکە تایبەتکرابوو بە رەوشی خوێندن لە پارێزگاکە ، لەڵایەن خۆیەوە لێپرسراوی مەلبەند پشتگیری و پشتیوانی یەکێتی بۆ مامۆستایانی زانکۆی موسڵ دەربری بۆ ھەر داواکارەیەک بۆ باشترکردنی بواری خوێندن لە شارەکە.

دەقی پەیامەکە...

کەسوکاری سەربەرزی شەھیدانی شۆڕشی نوێ 
جەماوەرو تێکۆشەرانی یەکێتی 
سەرۆک و سەرجەم ھەڤاڵانی سەرکردایەتی یەکێتی نیشتیمانی کوردستان 

ساڵوەگەڕی دامەزراندنی یەکێتیە شۆڕشگیڕو خەباتکارە دێرینەکەمان پیرۆز بێت لەھەموان .

یەکێتی نیشتیمانی کوردستان لەرۆژگارێکدا ھاتەکۆڕی تێکۆشان و خەباتی ڕزگاریخوازی گەلی کوردستانەوە کە پێویستیەکی مێژووی ئەوێ ڕۆژێی کوردستان بوو، یەکێتی لەوساتەوە بێ ماندووبون و بێ پسانەوە درێژەی بەو خەبات و تێکۆشانە داوەو ڕوباری خوێنی شەھیدەکانیشی باشترین گەواھیدەری ئەو مێژووە پڕ شانازیەیەتی.

ئەمڕۆ لەکاتێکدا یادی دامەزراندنی یەکێتیەکەمان دەکەینەوە کە:لەھەموو ساتێک زیاتر پێویستمان بە یەکڕیزی ناوخۆیی و سازانی نیشتیمانی و ھەوڵدان بۆ ئاشتەوایی ھەیە تا بتوانین خەونی لەمێژینەی شەھیدەکانی خەباتی رزگاریخوازی گەلەکەمان بەدیبھێنین .

لەم یادەدا سڵاوو لە ماندوبون و تێکۆشان و رابەرایەتی دەیان ساڵەی ھەڤاڵ مام جەلال کە ماندوونەناسانە ھەموو تەمەنی تەرخانکرد بۆ گەل و وڵاتەکەی .
سڵاو لە کەسوکاری سەربەرزی شەھیدان و ماندوانی رێگای سەرخستنی یەکێتی .
سڵاو لە ھەموو دڵسۆزانی ئەمڕۆو سبەی و دواڕۆژی یەکێتی نیشتیمانی کوردستان 



د.فوئاد مەعسوم 
سەرۆک کۆماری پێشوی عیراق و 
ئەندامی دەستەی دامەزرێنەری ی ن ک

تیمەکانی بەڕێوەبەرایەتیی ئاسایشی ئاگری، لەسەر رێگای نێوان ئاگری و ئەرزەڕۆم بارھەڵگرێکی تابلۆی ئێران کە لەدەروازەی سنووریی گوربوڵاک_ەوە چووبووە ناو خاکی تورکیا راگرت، دوای پشکینین لەنێو تانکی سوتەمەنییەکەیدا ٥٣٧ کیلۆ و ٢٥٠ گرام ماددەی ھۆشبەری جۆری شل دەستیبەسەردا گیرا کە بەنیازبوو بیگوازێتەوە پارێزگاکانی رۆژئاوای تورکیا.

شۆفێری بارھەڵگرەکە، ھاووڵاتییەکی ئێرانییە دوای دەستگیرکردنی، لەلایەن دادوەرەوە بڕیاری دەستبەسەرکردنی بۆ دەرچوو.

یەکێک لەو جوتیارانی رێگری لێکرا دانەوێڵەکەی دروێنە بکات بە کوردسات نیوزی راگەیاند، لەکاتی دروێنەدا چەند ئۆتۆمبێلێکی سەربازی ھاتوونەتە سەریان و بە تەقەکردن و ھەڕەشەی دەستگیرکردن، رێگەیاننەداوە گەنمەکەیان دروێنە بکەن.

بە وتەی ئەو جوتیارە کوردە، ھێزەکانی سوپای عێراق رێگەیا نەداوە دەڕاسەکە عەمبارەکەی بەتاڵبکاتە ناو بارھەڵگر و بەزۆر پێیان رشتووەتەسەر زەوی، ئەوەش زیانی زۆری پێگەیاندوون.
وتیشی، سوپای عێراق بەبیانووی ئەوەی زەوییەکانیان موڵکی دەوڵەتە رێگری لە دروێنەکردن کردووە.

لەچەند رۆژی رابردوودا جوتیارانی کورد لە تۆپزاوا گردبوونەوە و رایانگەیاند، لەسەردەمی حکومەتەکەی نوری مالکی بڕیارەکانی لیژنەکانی کاروباری باکور لەبارەی بەخشینی زەوییەکانیان بە وەزارەتی بەرگری و گرێبەستی جوتیارە عەرەبە ھاوردەکان ھەڵوەشاندوەتەوە، بەڵام وەزارەتی بەرگری ئێستا داوای زەوییەکانیان دەکات و عەرەبە ھاوردەکانیش لە دادگای کەرکوک سکاڵایان لە دژ تۆمارکردوون.

بێگەرد تاڵەبانی، لە میانی بەشداریکردنی لە بەرنامەی تایەکی کوردسات نیوز رایگەیاند، رەنگە بەرھەمی ئەمساڵی گەنم بگاتە ملیۆنێک و ٨٠٠ ھەزار تۆن، ھەروەھا کوالێتی و بڕشتی گەنم لە ئاستێکی باشدایە و لە زۆرێک لە بەرھەمە کشتوکاڵییەکانیش گەیشتوون بە ئاستی خودبژێوی.

لەبارەی وەرگرتنی گەنمی جوتیارانیش لەلایەن حکومەتی عێراقەوە، وتی، دوو پێشنیاز دەدەنە بەغداد و چاوەڕوان دەکەن بەغداد رێژەی وەرگرتنی گەنمی جوتیارانی ھەرێم زیاد بکات.

بڕیار وایە، 160 هەزار تۆن گەنمى جووتیاران لە پارێزگاکانى سلێمانى و هەڵەبجە و ئیدارە سەربەخۆکان، بڕى 115 هەزار تۆن لە پارێزگای هەولێر و 100 هەزار تۆنی دیکەش لە بەرهەمى ئەمساڵى جووتیارانی دهۆک وەربگیرێت.

هەروەها چەكی پارەی گەنمی جووتیارانی هەرێم بۆ ساڵی 2023 بە بڕی 40 ملیار دینار هاتووە و بۆ ئەو 375 هەزار تۆن گەنمە خەرجدەکرێت کە لە هەر چوار پارێزگا و ئیدارە سەربەخۆکان دووراوەتە.

مەكتەبی سیاسیی یەكێتی بە ئەردۆغان دەڵێت، هیوادارین لەماوەی پێنج ساڵی ئایندەی سەرۆكایەتیتان، قوناغ و دەرفەتێكی تازە بێت بۆ كرانەوە و چارەسەری كێشەكان و فاكتەری  ئارامی و سەقامگیری لە توركیا و ناوچەكە  بێت."

بەیانی رۆژی 28-05-2023  دەنگدان لە گەڕی دووەمی هەڵبژاردنی سەرۆککۆماری تورکیا دەستیپێکرد.

رکابەرییەکە بۆ بەدەستهێنانی پۆستی سەرۆککۆماری تورکیا لەنێوان رەجەب تەیب ئەردۆغان، لەنێوان بەربژێری هاوپەیمانیی جمهوور و کەمال کڵچدارئۆغڵو، بەربژێری هاوپەیمانیی میللـەت بوو و سەعات 17:00 سندووقەکانی دەنگدان داخران و پرۆسەی هەڵبژاردن کۆتاییهات. 

رەجەب تەیب ئەردۆغان، دووبارە بۆ ماوەی پێنج ساڵی دیکەی بە سەرۆککۆماری تورکیا هەڵبژێردرایەوە.

پەیامەکەی مەكتەبی سیاسیی یەكێتیی نیشتمانیی كوردستان:

بەرێز ساین رەجەب تەیب ئەردۆگان سەرۆك كۆماری  توركیا

  بەبۆنەی سەر لە نوێ  هەڵبژاردنەوەتان وەك سەرۆك كۆماری توركیا، پیرۆزبایی گەرمی خۆمان ئاراستەی ئێوە و گەلی تورکیای دراوسێ و دۆست و دەكەین، هیوادارین لەماوەی پێنج ساڵی ئایندەی سەرۆكایەتیتان، قوناغ و دەرفەتێكی تازە بێت بۆ كرانەوە و چارەسەری كێشەكان و فاكتەری  ئارامی و سەقامگیری لە توركیا و ناوچەكە  بێت. بەتایبەتی ئێمە وەکو یەکێتیی نیشتمانیی  خوازیاری  پەیوەندییەکی دۆستانە و کاراتری نێوان  هەرێمی کوردستان و تورکیاین.
جارێکی تر پیرۆزە

مەكتەبی سیاسی 
یەكێتیی نیشتمانیی كوردستان

كلینیكەكە ژمارەیەك پسپۆڕی لە بواری چاو و هەستە دەماری بینینین، لە خۆگرتووە، ئامێری پێشكەوتووی پشكنینیان لە رێگەی بارهەڵگرێكی تایبەتەوە گەیاندووەتە ناوچەكە.

ئاسۆ مامەند لە كۆنفرانسێكی رۆژنامەوانییدا، وەڵامی ئەو كەسانەی دایەوە كە دەڵێن، یەكێتی كاری بۆ بچووككردنەوەی قەوارەی هەرێمی كوردستان كردووە و رایگەیاند، پێشنیاز دەكەین لیژنەیەكی بێ لایەن دروست بكرێت بۆ ئەوەی روون بێتەوە كێ كاری بۆ ئەوە كردووە قەوارەی هەرێم بچووك ببێتەوە.